Mohana Priya

ఇటీవల గుంటూరు కారం సినిమాతో ప్రేక్షకుల ముందుకి వచ్చిన సూపర్ స్టార్ మహేష్ బాబు, ఇప్పుడు రాజమౌళి సినిమా ప్రిపరేషన్ పనిలో బిజీగా ఉన్నారు, ఈ సినిమా కోసం ఇప్పటికే అల్యూమినియం ఫ్యాక్టరీలో సినిమాకి సంబంధించి షూటింగ్ మొదలుపెట్టారు. కానీ వార్తలు ఏవి బయటకి రానీయట్లేదు. మహేష్ బాబు ఈ సినిమా కోసం రకరకాల లుక్స్ ట్రై చేస్తున్నట్టు తెలుస్తోంది. ఈ సినిమా లుక్ లో మహేష్ బాబు చాలా స్టైలిష్ గా కనిపిస్తున్నారు. అయితే మహేష్ బాబు అప్పుడప్పుడు మాత్రమే బయట కనిపిస్తూ ఉన్నారు. ఇవాళ మహేష్ బాబు మరొక ఫోటో బయటకు వచ్చింది.

ఇందులో మహేష్ బాబు తన పబ్లిసిస్ట్ విశ్వ, భార్య నమ్రత శిరోద్కర్ తో కలిసి ఉన్నారు. ఈ ఫోటో మహేష్ బాబు ఇంట్లో తీసిన ఫోటో అని ఫోటో చూస్తుంటే అర్థం అవుతోంది. ఇందులో మహేష్ బాబు వేసుకున్న టీ షర్ట్ గురించి చర్చలు మొదలయ్యాయి. సాధారణంగా హీరోలు ఎలాంటి దుస్తులు వేసుకున్నా సరే అలాంటి స్టైల్ ఫాలో అవ్వాలి అని అభిమానులు అనుకుంటూ ఉంటారు. ఇప్పుడు మహేష్ బాబు టీ షర్ట్ చూశాక అలాంటి షార్ట్ కొనుక్కోవాలి అని అందరూ అనుకుంటున్నారు. అందుకే మహేష్ బాబు టీ షర్ట్ ఖరీదు ఎంతో తెలుసుకోవడానికి ఇంటర్నెట్ లో ఒకసారి చేస్తే, దాని ఖరీదు తెలిసింది.

టీ షర్ట్ చూస్తే మామూలుగా ఉంది. ఖరీదు కూడా మామూలుగా ఉంటుంది అని అనుకున్నారు. కానీ ఈ టీ షర్ట్ ఖరీదు 520 యూరోలు అని తెలుస్తోంది. అంటే ఇండియన్ కరెన్సీ ప్రకారం 46,390.22 రూపాయలు. ఈ టీ షర్ట్ ని బెర్లూటి అనే బ్రాండ్ వాళ్లు రూపొందించారు. ఇది మరైన్ బ్లూ కలర్ లో ఉంది. దాంతో ఈ టీ షర్ట్ చూసిన వాళ్ళందరూ కూడా ఖరీదు చూసి ఆశ్చర్యపోతున్నారు. చూడడానికి మామూలుగా ఉన్నా కూడా ధర ఇంత ఉంది ఏంటి అంటూ కామెంట్స్ చేస్తున్నారు.

ALSO READ : రాఖీ లో అంత మంచి పాత్రలో నటించిన తర్వాత కూడా మంజూష సినిమాలకు ఎందుకు దూరంగా ఉన్నారు..? కారణం ఇదేనా..?

మన మధ్యలో లేకపోయినా కూడా ఇప్పటికీ ఆమె సినిమాల ద్వారా మనందరికీ దగ్గరగానే ఉన్నారు శ్రీదేవి. శ్రీదేవి ఈ లోకాన్ని విడిచి వెళ్లిపోయారు అనే విషయాన్ని ఇప్పటికి కూడా చాలా మంది జీర్ణించుకోలేకపోతున్నారు. అప్పటి వరకు సోషల్ మీడియాలో కూడా తన ఫోటోలని షేర్ చేసిన శ్రీదేవి, మరుసటి రోజు చివరి శ్వాస విడిచారు అనే వార్త వచ్చింది. భారతీయ సినిమా ఇండస్ట్రీ మొత్తం ఆరోజు శోక సంద్రంలో మునిగిపోయింది. శ్రీదేవిని అభిమానించే నటులు ఎంతో మంది ఉన్నారు. ప్రతి ఇండస్ట్రీలోనూ శ్రీదేవికి చాలా మంది అభిమానులు ఉన్నారు. శ్రీదేవి అన్ని భాషలు మాట్లాడగలుగుతారు.

ఈ కారణంగానే ప్రతి ఇండస్ట్రీ వారు శ్రీదేవిని తమ సొంత నటిలాగా అనుకుంటూ ఉంటారు. బాలీవుడ్ కి వెళ్ళిన సౌత్ హీరోయిన్స్ అప్పట్లో చాలా తక్కువ మంది ఉన్నారు. అక్కడికి వెళ్లి, అక్కడ పెద్ద స్టార్ హీరోయిన్ గా గుర్తింపు తెచ్చుకున్నవారిలో శ్రీదేవి ఒకరు. శ్రీదేవి బాలీవుడ్ ప్రొడ్యూసర్ బోనీ కపూర్ ని పెళ్లి చేసుకున్నారు. వీళ్ళకి జాన్వీ కపూర్, ఖుషి కపూర్ అనే ఇద్దరు కూతుళ్లు ఉన్నారు. వీళ్ళిద్దరూ కూడా ప్రస్తుతం సినిమాల్లో నటిస్తున్నారు. అయితే శ్రీదేవి తన పెద్ద కూతురు జాన్వీ కపూర్ కి ఒక సమయంలో ఒక ఉత్తరం రాశారు. ఆ ఉత్తరాన్ని ఆ తర్వాత సోషల్ మీడియాలో జాన్వీ కపూర్ షేర్ చేశారు. అందులో, “ఐ లవ్ యు నా లబ్బు. నువ్వు ప్రపంచంలోనే బెస్ట్ కూతురివి” అని రాశారు.

ఇందులో జాన్వీ కపూర్ ని శ్రీదేవి లబ్బు అని పిలిచారు. అది తన ముద్దు పేరు అని తెలుస్తోంది. శ్రీదేవి లేకపోయినా కూడా, తన జ్ఞాపకాలని మాత్రం ఎన్నో సినిమాల రూపంలో, ఫోటోల రూపంలో విడిచి వెళ్లారు. అలాంటి నటి ఎప్పటికీ రారు అనిపిస్తుంది. అంత గొప్పగా నటించేవారు. ఆమె లేకపోయినా కూడా ఆమె సినిమాల ద్వారా ప్రేక్షకులకు ఇంకా చేరువలోనే ఉన్నారు. భారతదేశ సినిమా ఇండస్ట్రీ అలాంటి నటి ఉన్నందుకు గర్వంగా భావిస్తుంది. ఇప్పుడు శ్రీదేవి కూతురు జాన్వీ కపూర్ కూడా తెలుగు సినిమాల్లో నటిస్తున్నారు. జూనియర్ ఎన్టీఆర్ నటిస్తున్న దేవర సినిమాతో పాటు, రామ్ చరణ్ కొత్త సినిమాలో కూడా నటిస్తున్నారు. ఈ సినిమాకి బుచ్చిబాబు సానా దర్శకత్వం వహిస్తున్నారు. ఈ సినిమా షూటింగ్ మొదలవుతుంది. ఇటీవల ఈ సినిమా పూజ కార్యక్రమాలు జరిగాయి. పాటలు కూడా రికార్డ్ చేశారు.

ALSO READ : ప్రేమలు సినిమాలో హీరో పాత్రకి తెలుగులో డబ్బింగ్ చెప్పిన ఈ వ్యక్తి ఎవరో తెలుసా..?

రాఖీ సినిమాలో జూనియర్ ఎన్టీఆర్ పాత్రకి ఎంత ప్రాధాన్యత ఉంటుందో, అందులో జూనియర్ ఎన్టీఆర్ చెల్లెలుగా నటించిన మంజూష పాత్రకి కూడా అంతే ప్రాధాన్యత ఉంటుంది. ఒకరకంగా చెప్పాలి అంటే సినిమా మొత్తం తన పాత్ర మీదే నడుస్తుంది. ఒక అన్న తన చెల్లెలి కోసం ఎలా కష్టపడతాడు అనేది ఈ సినిమాలో చూపించారు. అలాగే ఒక చెల్లెలు తన అన్నకి చెప్పకుండా ఎన్ని ఇబ్బందులు పడుతుంది అనేది కూడా ఇందులో చూపించారు. ఈ సినిమా చూశాక మంజూషకి చాలా మంది మంచి అవకాశాలు వస్తాయి అనుకున్నారు. తర్వాత మంజూష చాలా సినిమాల్లో నటిస్తారు అని అనుకున్నారు.

కానీ అలా జరగలేదు. మంజూష సినిమాలకి దూరంగా ఉన్నారు. ఇప్పుడు యాంకరింగ్ చేస్తున్నారు. ఇదే విషయం మీద మంజూష ఇటీవల ఒక సందర్భంలో మాట్లాడారు. రాఖీ సినిమా తర్వాత తనకి అంత మంచి అవకాశాలు రాలేదు అని అన్నారు. నటనకి పెద్దగా ప్రాధాన్యత ఉన్న పాత్రలు రాకపోవడంతోనే సినిమాలు చేయలేకపోయాను అని చెప్పారు. మొహమాటం వల్ల కొన్ని పాత్రలు చేశాను అని అన్నారు. కానీ ఆ పాత్రలు అంత పెద్ద గొప్ప ఏమీ కాదు అని, అందులో తాను నటించినట్టు కూడా చాలా మందికి తెలియదు అని మంజూష అన్నారు. ప్రస్తుతం మంజూష యాంకర్ గా బిజీగా ఉన్నారు. ఎన్నో ఈవెంట్స్ కి యాంకరింగ్ చేస్తున్నారు.

ఇటీవల జబర్దస్త్ లో కూడా వస్తారు అని ఒక వార్త వచ్చింది. కానీ అది నిజం కాదు. చాలా సినిమా ఈవెంట్స్ కి మాత్రం మంజూష యాంకరింగ్ చేస్తున్నారు. స్టేజ్ షోస్ మాత్రమే కాకుండా, ఇంటర్వ్యూలకి కూడా మంజూష యాంకరింగ్ చేస్తున్నారు. దాంతో సినిమాలకి దూరం అయినా కూడా యాంకరింగ్ ద్వారా ఎంటర్టైన్మెంట్ ఇండస్ట్రీకి మాత్రం దగ్గరగానే ఉన్నారు. ఇంటర్వ్యూల ద్వారా, టీవీ షోల ద్వారా ప్రేక్షకులని ఎప్పుడూ పలకరిస్తున్నారు. సోషల్ మీడియాలో కూడా మంజూష చాలా యాక్టివ్ గా ఉంటారు. తన వ్యక్తిగత జీవితానికి సంబంధించిన విషయాలని, ఫోటోషూట్స్ ఫోటోలని షేర్ చేస్తూ ఉంటారు. టీవీ ఛానల్స్ చేసే ఇంటర్వ్యూలలో, యూట్యూబ్ ఛానల్స్ చేసే ఇంటర్వ్యూలలో మంజూష యాంకరింగ్ చేస్తూ ఉంటారు.

ALSO READ : 22 ఏళ్ళ శ్రీలీల పక్కన ఆ 52 ఏళ్ళ హీరోనా.? కూతురు లాగా ఉంటుంది కదా అంటూ ట్రోల్స్.!

పుష్ప సినిమాతో భారతదేశవ్యాప్తంగా గుర్తింపు తెచ్చుకున్నారు అల్లు అర్జున్. మెగా ఫ్యామిలీ అనే ఒక నేపథ్యం నుండి వచ్చినా కూడా, ఇప్పుడు తనకంటూ ఒక ప్రత్యేక గుర్తింపు సంపాదించుకున్నారు. ఇటీవల మేడం టుసాడ్స్ మ్యూజియంలో అల్లు అర్జున్ మైనపు విగ్రహాన్ని కూడా ఏర్పాటు చేశారు. తెలుగు సినిమా పరిశ్రమని మరొక మెట్టు ఎక్కించడానికి అల్లు అర్జున్ తనవంతు ప్రయత్నం చేస్తున్నారు. ఇప్పటివరకు ఒక్కసారి కూడా తెలుగు నటుడికి ఉత్తమ నటుడు జాతీయ అవార్డు రాలేదు. అల్లు అర్జున్ పుష్ప సినిమాతో బెస్ట్ యాక్టర్ గా నేషనల్ అవార్డు అందుకొని ఈ ఘనత సాధించారు.

ఇంకా ఎన్నో అవార్డులను అందుకుంది. ఎంతో మంది ఈ సినిమాని పొగిడారు. ఇప్పుడు పుష్ప 2 కూడా భారీగా తెరకెక్కిస్తున్నారు. ఇటీవల పుష్ప 2 టీజర్ వచ్చింది. ఆ టీజర్ కి చాలా మంచి స్పందన వచ్చింది. పుష్పకి కొనసాగింపుగానే ఈ సినిమా రూపొందుతోంది. ప్రస్తుతం అల్లు అర్జున్ ఈ సినిమా షూటింగ్ పనిలో బిజీగా ఉన్నారు. అప్పుడప్పుడు బయటికి ఏదైనా ఈవెంట్స్ కి వస్తూ ఉంటారు. అందులో పుష్పకి సంబంధించి వార్తలు చెప్తూ ఉంటారు.

అయితే అల్లు అర్జున్ ఒకే ఒక్క సినిమాకి అసిస్టెంట్ డైరెక్టర్ గా పని చేశారు. ఆ సినిమా ఏదో తెలుసా? అల్లు అర్జున్ ఎస్వీ కృష్ణారెడ్డి దర్శకత్వం వహించిన పెళ్ళాం ఊరెళితే సినిమాకి అసిస్టెంట్ డైరెక్టర్ గా పని చేశారు. ఈ సినిమాకి అల్లు అరవింద్ నిర్మాతగా వ్యవహరించారు. ఇదే సినిమాకి అల్లు అర్జున్ కూడా అసిస్టెంట్ డైరెక్టర్ గా చేసి, సినిమా గురించి అవగాహన పెంచుకోవడానికి సినిమా బృందంతో చేరారు. అప్పుడు అల్లు అర్జున్ చాలా చిన్నవారు.

అయినా కూడా సినిమా పట్ల తనకి ఉన్న ఆసక్తి వల్ల పెళ్ళాం ఊరెళితే సినిమాకి అసిస్టెంట్ డైరెక్టర్ గా చేశారు. అల్లు అర్జున్ ఈ సినిమాకి అసిస్టెంట్ డైరెక్టర్ గా చేసిన విషయం కూడా చాలా మందికి తెలియదు. కేవలం నటన వైపు మాత్రమే కాకుండా, మిగిలిన విషయాల్లో కూడా అన్నీ తెలిసి ఉండడం అనేది ముఖ్యం అనే ఉద్దేశంతోనే అల్లు అర్జున్ ఇలా నేర్చుకున్నారు. అందుకే అల్లు అర్జున్ ఇప్పుడు తను పనిచేసే ప్రతి సినిమా విషయంలోనూ చాలా జాగ్రత్తలు తీసుకుంటూ ఉంటారు. చిన్న చిన్న విషయాలు కూడా చాలా శ్రద్ధగా చూసుకుంటూ ఉంటారు. పుష్ప సినిమాకి కూడా ఇప్పుడు శ్రద్ధగా పనిచేస్తున్నారు. ప్రస్తుతం ఈ సినిమా షూటింగ్ పనిలో అల్లు అర్జున్ ఉన్నారు.

ALSO READ : IPL ఫైనల్ మ్యాచ్ డేట్ ని 25 కి మార్చాలని RCB ఫ్యాన్స్ డిమాండ్.. ఎందుకో తెలుసా.?

ఒక భాషలో ఒక సినిమా తీస్తే, అది హిట్ అయితే, వేరే భాషల్లోకి కూడా ఆ సినిమాని తీసుకెళ్తారు. దీనికి రెండు మార్గాలు ఉంటాయి. ఒకటి డబ్ చేయడం. ఇంకొకటి రీమేక్ చేయడం. రెండిట్లో ఏది చేసినా కూడా ఒరిజినల్ సినిమాని ప్రాపర్ గా కన్వే చేయకపోతే, రిజల్ట్ మారిపోతుంది. కొన్ని సినిమాలు మాత్రం ఒరిజినల్ కంటే రీమేక్ బాగుంది అనుకునేలా ఉంటాయి.

కొన్ని మాత్రం ఆశించిన ఫలితాన్ని ఇవ్వవు. ఒక వేళ మంచి ఫలితం వచ్చినా కూడా, ఒరిజినల్ సినిమా కంటే మన నేటివిటీకి తగ్గట్టు చాలా మార్పులు చేస్తారు. అలా మన సినిమాలు కూడా కొన్ని వేరే భాషల్లోకి రీమేక్ అయ్యాయి. మన తెలుగు సినిమాలని బెంగాలీలో రీమేక్ చేశారు. వాటిలో చాలా వరకు మన స్టార్ హీరోలు నటించి, బ్లాక్ బస్టర్ హిట్స్ అయిన సినిమాలే ఉన్నాయి. ఆ సినిమాల్లో కొన్ని ఏవో ఇప్పుడు చూద్దాం.

#1 ఛత్రపతి

ఈ సినిమాని బెంగాలీలో రెఫ్యూజీ పేరుతో రీమేక్ చేశారు.

#2  మిర్చి

ప్రభాస్ హీరోగా నటించిన మిర్చి సినిమాని బెంగాలీలో బిందాస్ పేరుతో రీమేక్ చేశారు.

#3 మగధీర

మగధీర సినిమాని బెంగాలీలో యోధ పేరుతో రీమేక్ చేశారు.

#4 ఒక్కడు

ఒక్కడు సినిమాని జీత్ పేరుతో రీమేక్ చేశారు.

#5 డార్లింగ్

డార్లింగ్ సినిమాని బెంగాలీలో డార్లింగ్ పేరుతో రీమేక్ చేశారు.

#6 రెబెల్

రెబల్ సినిమాని బెంగాలీలో హీరో – సూపర్ స్టార్ పేరుతో రీమేక్ చేశారు.

#7 బిజినెస్ మాన్

బిజినెస్ మాన్ సినిమాని బెంగాలీలో బాస్ పేరుతో రీమేక్ చేశారు.

#8 అత్తారింటికి దారేది

అత్తారింటికి దారేది సినిమాని బెంగాలీలో అభిమాన్ పేరుతో రీమేక్ చేశారు.

#9 ఆడవారి మాటలకు అర్థాలే వేరులే

విక్టరీ వెంకటేష్ హీరోగా నటించిన ఆడవారి మాటలకు అర్థాలే వేరులే సినిమాని బెంగాలీలో 100 పర్సెంట్ లవ్ పేరుతో రీమేక్ చేశారు.

#10 ఇంద్ర

మెగాస్టార్ చిరంజీవి హీరోగా నటించిన ఇంద్ర సినిమాని బెంగాలీలో దాదా పేరుతో రీమేక్ చేశారు.

#11 నాన్నకు ప్రేమతో

నాన్నకు ప్రేమతో సినిమాని బెంగాలీలో బాజీ పేరుతో రీమేక్ చేశారు.

#12 దూకుడు

దూకుడు సినిమాను బెంగాలీలో ఛాలెంజ్ 2 పేరుతో రీమేక్ చేశారు.

ఇవి మాత్రమే కాకుండా ఇంకా చాలా తెలుగు సినిమాలని బెంగాలీలో రీమేక్ చేశారు.