Author

Mohana Priya

My name is Mohana Priya. I have been working as a sub-editor in Telugu Adda for the last three years and am experienced in writing articles in cinema, sports, flash news, and viral, and offbeat sections. I have also given voice-over to many YouTube channels in the past.

Filmy Adda

ప్రేమలు సినిమాలో ఈ సీన్ గమనించారా..? ఇంత చిన్న లాజిక్ ఎలా మిస్ అయ్యారు..?

by Mohana Priya April 20, 2024

written by Mohana Priya

మలయాళం నుండి విడుదలైన డబ్బింగ్ సినిమాల్లో ఇటీవల సెన్సేషన్ క్రియేట్ చేసిన సినిమా ప్రేమలు. ఎటువంటి అంచనాలు లేకుండా విడుదల అయిన ఈ సినిమా చాలా పెద్ద విజయం సాధించింది. కంటెంట్ బాగుంటే తెలుగు ప్రేక్షకులు ఎలాంటి భాష సినిమాని అయినా ఆదరిస్తారు అనే విషయానికి మరొక నిదర్శనంగా నిలిచింది. సినిమాలో నటీనటులు అందరూ కూడా తెలుగు వారికి కొత్త వారే. నటీనటులు మాత్రమే కాదు. డైరెక్టర్, మ్యూజిక్ డైరెక్టర్ వీళ్ళందరూ కూడా తెలుగు ప్రేక్షకులకు పెద్దగా తెలియదు. అయినా సరే సినిమాని విపరీతంగా ఆదరించారు.

రాజమౌళి కొడుకు ఎస్ ఎస్ కార్తికేయ ఈ సినిమాని తెలుగులో విడుదల చేశారు. ఎంతో మంది ప్రముఖులు సినిమాని చూసి మెచ్చుకున్నారు. ఊరిలో గొడవలు పడలేక హైదరాబాద్ కి వచ్చిన ఒక అబ్బాయి, ఇక్కడ ఒక ఉద్యోగం చేసే అమ్మాయి, వాళ్ళిద్దరికీ పరిచయం, వాళ్ల స్నేహం ఇవన్నీ కూడా ఈ సినిమాలో చూపించారు. తెలుగు నేటివిటీకి తగ్గట్టు డైలాగ్స్ చాలా వరకు మార్చారు. మన తెలుగు రిఫరెన్సెస్ చాలా యాడ్ చేశారు. దాని వల్ల యూత్ లో ఈ సినిమాకి క్రేజ్ ఇంకా పెరిగింది. ఇటీవల సోషల్ మీడియాలో పాపులర్ అయిన ఎన్నో డైలాగ్స్ సినిమాలో ఉంటాయి.

అయితే, ఎంత పర్ఫెక్ట్ గా సినిమా తీయడానికి ప్రయత్నించినా కూడా ఎక్కడో ఒకచోట పొరపాట్లు జరుగుతూనే ఉంటాయి. ఈ సినిమాలో కూడా అలాంటి ఒక చిన్న పొరపాటు జరిగింది. హీరో విదేశాలకి వెళ్ళిపోయే ముందు రోజు హీరోయిన్ ని కలుస్తాడు. “రేపు 11:30 కి ఫ్లైట్ ఉంది” అని చెప్తాడు. కానీ ఆ తర్వాత రోజు 12:10 అయినా కూడా హీరోయిన్ తో మాట్లాడుతూనే ఉంటాడు. దాంతో, “ఇంత చిన్న లాజిక్ ఎలా మిస్ అయ్యారు?” అంటూ సరదాగా కామెంట్స్ చేస్తున్నారు. ఇంక ఈ సినిమా విషయానికి వస్తే, ఈ సినిమాకి రెండవ భాగాన్ని ప్రకటించారు. మరి అందులో మొదటి భాగంలో నటించిన వాళ్లే ఉంటారా? లేదా ఇది మరొక కొత్త కాన్సెప్ట్ తో వేరే నటులతో తీస్తున్నారా? ఈ విషయాలు ఇంకా తెలియాల్సి ఉంది.

ALSO READ : మహేష్ బాబు-రాజమౌళి సినిమాలో 48 సంవత్సరాల హీరోయిన్..? ఏ పాత్రలో అంటే..?

April 20, 2024

జైలులో “అరవింద్ కేజ్రీవాల్” తినే ఫుడ్ మెనూ చూశారా..? ఏ పదార్థాలు ఉన్నాయంటే..?

by Mohana Priya April 19, 2024

written by Mohana Priya

ఢిల్లీ ముఖ్యమంత్రి అరవింద్ కేజ్రీవాల్ ఇటీవల జైలుకి వెళ్లిన సంగతి తెలిసిందే. అయితే ఇప్పుడు జైలులో అరవింద్ ఎలాంటి ఆహారం తీసుకుంటారు అనే విషయం బయటకు వచ్చింది. ఇందులో రోజువారి ఆహార పదార్థాలు లిస్ట్ లాగా రాసి ఉన్నాయి. ఒక్కొక్క రోజు ఒక్కొక్క రకమైన ఆహార పదార్థాలని తీసుకుంటున్నారు. ఒక వారానికి సరిపడా మెనూ ఇందులో ఉంది. అల్పాహారం, మధ్యాహ్నం భోజనం, రాత్రి భోజనానికి వేరువేరు ఆహారాలు సూచించారు. అల్పాహారానికి ఎక్కువగా పండ్లు మాత్రమే తీసుకుంటున్నట్టు తెలుస్తోంది. అరటి పండ్లు, గుడ్లు, టీ, పల్లీలు, ఉప్మా, పోహ, ఇడ్లీ, కొబ్బరి చట్నీ, ఊతప్పం, వాటర్ బాటిల్స్ ఇవ్వాలి అన్నట్టు అల్పాహారం లిస్ట్ లో ఉంది.

మధ్యాహ్నం భోజనంలో అన్నంతో పాటు, రాజ్మా కూర, ఆలుగడ్డ, కాలీఫ్లవర్ తో వండిన కూర, పచ్చడి, అరటి పండ్లు, బెండకాయ కూర, పెరుగు, మామిడి పండు, సలాడ్, సొరకాయ కూర, బీన్స్ కూర, పాలకూర, మజ్జిగ పులుసు, పప్పు, ఉల్లిపాయలు, ప్రసాదం తో పాటు, ఉప్పు కూడా అందిస్తున్నారు. ఇవన్నీ కూడా కేవలం కొంత మోతాదుల్లో మాత్రమే అందించమని ఇందులో పేర్కొన్నారు. ఇంకా రాత్రి భోజనం విషయానికి వస్తే ఇందులో కూడా ఒక్కొక్క రోజు ఒక్కొక్క రకమైన ఆహార పదార్థాలను ఇవ్వమని తెలిపారు.

సలాడ్, పెసరపప్పు, రోటి, పెరుగు, అరటి పండ్లు, పచ్చడి, పాలకూర, పప్పు, ఆలుగడ్డ కూర, బీన్స్ కూర, మిల్క్ పౌడర్, చోలే, ఉల్లిపాయలు, చామదుంపలతో చేసిన కూర, స్వీట్, పన్నీర్ కూర, మిక్స్డ్ వెజిటేబుల్ కూర, కాస్త అన్నం, లడ్డు, పండ్లు, బఠానీల కూర, క్యాబేజీ కూర, ఉప్పు, బెండకాయ వేపుడు కూడా ఇవ్వమని పేర్కొన్నారు. ఇవన్నీ కూడా ఒక్కొక్క రోజు ఒక్కొక్క రకంగా తీసుకుంటారు. అన్నీ కూడా తక్కువ మోతాదులోనే తీసుకుంటారు. ఇదంతా ఒక టైం టేబుల్ లాగా తయారు చేసి ఇచ్చినట్టు తెలుస్తోంది. ఇందులో ఏప్రిల్ 3వ తేదీ నుండి ఏప్రిల్ 14వ తేదీ వరకు ఏ సమయంలో ఎలాంటి ఆహారాలు అందించాలి అనేది వివరంగా పేర్కొన్నారు. ఎంత మోతాదులో ఇవ్వాలి అనే విషయాన్ని కూడా పేర్కొన్నారు. అందుకే అందులో ఇచ్చిన మోతాదులో మాత్రమే ఆహారాన్ని అందిస్తున్నారు.

April 19, 2024

Featured Off Beat

ప్రామిస‌రీ నోట్ రాసేటప్పుడు ఈ 10 విషయాలు తప్పక గుర్తుపెట్టుకోవాలి…లేదంటే అప్పు ఎగ్గొట్టినా ఏం చేయ‌లేరు.!

by Mohana Priya April 19, 2024

written by Mohana Priya

మనిషి మాట తర్వాత అంతగా విలువ ఇచ్చేది ప్రామిసరీ నోటు కే. ఒకసారి మనిషి ఇచ్చే మాట కంటే కూడా ఎక్కువ విలువ దానికే ఉంటుంది. అందుకే పెద్ద పెద్ద ఒప్పందాలు ఏమైనా చేసుకునేది ఉంటే ప్రామిసరీ నోటు తప్పనిసరిగా వాడతారు. ఆ నోటు ఉంటే ఇంక తమకు చెందిన దాన్ని వేరే వాళ్ళు చచ్చినా తీసుకోలేరు అనుకుంటారు. కానీ ఆ ప్రామిసరీ నోట్ రాయడానికి కూడా ఒక పద్ధతి ఉంది. ఇప్పుడు చెప్పబోయే రూల్స్ పాటిస్తేనే ఆ ప్రామిసరీ నోట్ చెల్లుతుంది. promissory note validity in telugu

అప్పు ఇచ్చే వాళ్ళు అప్పు తీసుకునే వాళ్ళు ఇద్దరికీ కచ్చితంగా 18 ఏళ్లు నిండి ఉండాలి. లేకపోతే ఆ ప్రామిసరీ నోటు చెల్లదు.
ప్రామిసరీ నోటు తయారు చేసేటప్పుడు ఇచ్చే వాళ్ళు తీసుకునే వాళ్ళు కచ్చితంగా అక్కడ ఉండాలి.
ప్రామిసరీ నోట్ చెల్లే వ్యవధి మూడు సంవత్సరాలు.
నోట్ మీద రెవెన్యూ స్టాంప్ అంటించి దానిపై అడ్డంగా సంతకం చేయాలి.
ఆ రెవెన్యూ స్టాంప్ ధర మినిమం ఒక రూపాయి ఉండాలి.
ప్రామిసరీ నోట్ పై కోటి రూపాయల వరకు అప్పుగా ఇవ్వచ్చు.

అలా ఎక్కువ మొత్తంలో డబ్బు లావాదేవీలు ఉంటే న్యాయవాదిని కచ్చితంగా తీసుకెళ్లాలి.
నేను ఫలానా వ్యక్తి దగ్గర అప్పు తీసుకున్నాను. తిరిగి ఆ వ్యక్తి కి గాని లేదా తను సూచించిన మరో వ్యక్తి కి గాని అప్పు గా తీసుకున్న డబ్బులను తిరిగి ఇచ్చేస్తాను. అనే పాయింట్ లేకపోతే ఆ ప్రామిసరీ నోట్ తయారు చేయించినా కూడా ఉపయోగం ఉండదు.

మతిస్థిమితం లేని వ్యక్తులు ప్రామిసరీ నోటు రాస్తే ఆ నోట్లు చెల్లదు.
ఒకవేళ అప్పు తీసుకున్న వ్యక్తి డబ్బును ఇవ్వకపోతే ఆ ప్రామిసరీ నోట్ తో డబ్బును తిరిగి వసూలు చేయవచ్చు.

ఇవి ప్రామిసరీ నోట్ తయారు చేసేటప్పుడు దృష్టిలో పెట్టుకోవాల్సిన విషయాలు.

April 19, 2024

Filmy Adda Movie Reviews OTT Releases

ఆహాలో కొత్తగా వచ్చిన ఈ సినిమా చూశారా..? ఎలా ఉందంటే..?

by Mohana Priya April 19, 2024

written by Mohana Priya

ఎప్పటికప్పుడు కొత్త కంటెంట్ ని ప్రేక్షకులకు అందించడంలో ముందు ఉంటుంది ఆహా. అలా ఈ వారం కూడా ఒక కొత్త సినిమాతో ప్రేక్షకుల ముందుకి వచ్చింది. ఆ సినిమా పేరు మై డియర్ దొంగ. అభినవ్ గోమటం, షాలిని కొండేపూడి, దివ్య శ్రీపాద, నిఖిల్ గాజుల, శశాంక్ మండూరి ఇందులో ముఖ్య పాత్రలు పోషించారు. బిఎస్ సర్వజ్ఞ కుమార్ దర్శకత్వం వహించిన ఈ సినిమాకి, షాలిని కొండేపూడి రైటర్ గా చేశారు. క్యాం ఎంటర్టైన్మెంట్ బ్యానర్ మీద మహేశ్వర్ రెడ్డి గోజాల ఈ సినిమాని నిర్మించారు.

ఇంక ఈ సినిమా కథ విషయానికి వస్తే, సుజాత (షాలిని కొండేపూడి) రెండు సంవత్సరాల నుండి విశాల్ (నిఖిల్ గాజుల) అనే ఒక డాక్టర్ తో రిలేషన్ షిప్ లో ఉంటుంది. విశాల్ సుజాతని పట్టించుకోడు. ఐసీయూలో ఉన్నాను అని చెప్పి క్రికెట్ మ్యాచ్ చూడటం వంటివి చేస్తూ ఉంటాడు. ఇవన్నీ తెలిసిన సుజాత బాధలో ఇంటికి వస్తుంది. అప్పటికే ఇంట్లో సురేష్ (అభినవ్ గోమటం) అనే దొంగ పడతాడు. ముందు భయపడినా కూడా, తర్వాత ఇద్దరి నేపథ్యాలు ఒకేలాగా ఉండడంతో మాట్లాడుకోవడం మొదలు పెడతారు.

మరొక పక్క, తర్వాత రోజు సుజాత బర్త్ డే అవ్వడంతో, సుజాత బెస్ట్ ఫ్రెండ్ బుజ్జి (దివ్య శ్రీపాద), బుజ్జి బాయ్ ఫ్రెండ్ వరుణ్ (శశాంక్ మండూరి), సుజాత బాయ్ ఫ్రెండ్ విశాల్ ఆమె ఇంటికి వచ్చి సర్ప్రైజ్ ఇస్తారు. సురేష్ వెళ్ళిపోతాను అంటే సుజాత ఉండమని చెప్తుంది. ఆ తర్వాత ఏం జరిగింది అనేది కథ. ఈ తరం వాళ్లు ఎలా ఉన్నారు, వాళ్లు ఆలోచన విధానం ఎలా ఉంది అనేది ఈ సినిమాలో చూపించారు. సుజాత పాత్రలో షాలిని చాలా బాగా నటించారు. ఆమె నటన చాలా అమ్మాయికంగా ఉంటుంది. రైటర్ కూడా తనే. కథ చాలా బాగా రాసుకున్నారు.

సింపుల్ పాయింట్ మీద సినిమా అంతా నడుస్తుంది. ఎక్కడా కూడా బోర్ కొట్టకుండా సినిమా ఉంటుంది. చిన్న చిన్న ఆనందాలు జీవితంలో ఎంత ముఖ్యం అనేది ఇందులో చూపించారు. మిగిలిన నటీనటులు అందరూ కూడా బాగా నటించారు. కామెడీ కొంత వరకు వర్కౌట్ అయ్యింది. కొన్ని చోట్ల అంత పెద్దగా వర్క్ అవుట్ అవ్వలేదు. ఎమోషనల్ సీన్స్ కూడా ఇంకా బాగా రాస్తే బాగుండేది అనిపిస్తుంది. కెమెరా వర్క్ బాగుంది. పాటలు కూడా సినిమాకి తగ్గట్టు ఉన్నాయి. వీకెండ్ కి ఒక్కసారి చూడగలిగే ఒక మంచి టైం పాస్ ఎంటర్టైనర్ గా మై డియర్ దొంగ సినిమా నిలుస్తుంది.

ALSO READ : IAS ఆమ్రపాలి లవ్ స్టోరీ తెలుసా..? వీరి పరిచయం ఎలా మొదలయ్యింది అంటే..?

April 19, 2024

Sports Adda

17 ఏళ్ల క్రితం మొదటి ఐపీల్ మ్యాచ్ ఆడిన ప్లేయర్స్ లో … ప్రస్తుతం ఆడుతున్న ముగ్గురే ముగ్గురు ప్లేయర్స్ ఎవరంటే.?

by Mohana Priya April 19, 2024

written by Mohana Priya

ఐపీఎల్ మొదలు అయ్యి ఏప్రిల్ 18వ తేదీకి 16 సంవత్సరాలు అయ్యింది. ఈ 16 సంవత్సరాలు క్రికెట్ అభిమానులని ఐపీఎల్ ఎంటర్టైన్ చేస్తూనే ఉంది. ఐపీఎల్ వస్తోంది అంటే మొదటి సీజన్ కి ఎంత ఎదురు చూసారో, ఇప్పుడు కూడా అంతే ఎదురు చూస్తారు. ఇన్ని సంవత్సరాలలో ఐపీఎల్ కి అభిమానులు పెరుగుతూనే ఉన్నారు. అందుకే ఐపీఎల్ సీజన్ అని ఐపీఎల్ మొదలు అయ్యే సమయానికి దాని పేరు పెట్టేశారు. ఐపీఎల్ ద్వారా ఎంతో మంది ఇతర దేశాలకు చెందిన ప్లేయర్స్ మనకి దగ్గర అయ్యారు. డేవిడ్ వార్నర్ లాంటి ఎంతో మంది ప్లేయర్స్ ని మనవాళ్లు ఆధార్ కార్డ్ తీసేసుకోమని అడుగుతున్నారు.

అంటే వాళ్లని మన ప్లేయర్స్ లాగా, మన దేశానికి చెందిన ప్లేయర్స్ లాగా భావిస్తున్నారు. ఐపీఎల్ మొదలు అయ్యి 16 సంవత్సరాలు అయ్యింది అంటే ఎవరికి నమ్మబుద్ధి కావట్లేదు. సమయం అంత తొందరగా గడిచిపోయింది. ఈ 16 సంవత్సరాలలో ఐపీఎల్ లో ఎంతో మంది ప్లేయర్స్ వచ్చారు. ఎంతో మంది ప్లేయర్స్ వెళ్లిపోయారు కూడా. కొత్త ప్లేయర్స్ పరిచయమయ్యారు. కానీ కొంత మంది ప్లేయర్స్ మాత్రం ఐపీఎల్ మొదలు అయినప్పటి నుండి, ఇప్పటి వరకు ఆడుతున్నారు. అలా ఐపీఎల్ ప్రారంభం అయినప్పటి నుండి, ఇప్పటి వరకు ముగ్గురు ప్లేయర్స్ ఆడుతున్నారు. ఐపీఎల్ మొదటి మ్యాచ్ బెంగళూరులో ఉన్న చిన్నస్వామి స్టేడియంలో జరిగింది.

రాయల్ ఛాలెంజర్స్ బెంగళూరు జట్టుకి, కోల్‌కతా నైట్ రైడర్స్ జట్టుకి మధ్య జరిగింది. ఇందులో కోల్‌కతా నైట్ రైడర్స్ జట్టు నుండి ఆడిన వృద్ధిమాన్ సాహ, ఇశాంత్ శర్మ ఇప్పటికి కూడా ఆడుతున్నారు. గుజరాత్ టైటాన్స్ జట్టుకి, ఢిల్లీ క్యాపిటల్స్ జట్టుకి వీరు ప్రాతినిధ్యం వహిస్తున్నారు. మరొక పక్క రాయల్ ఛాలెంజర్స్ బెంగళూరు జట్టుకి ఆడిన విరాట్ కోహ్లీ కూడా ఇప్పటికి అదే జట్టుకి ప్రాతినిధ్యం వహిస్తున్నారు. అలా ఐపీఎల్ మొదలైనప్పటి నుండి, ఇప్పటి వరకు ఆడుతున్న ముగ్గురు ప్లేయర్స్ వీళ్లే. నిన్న ఐపీఎల్ మొదలు అయ్యి 16 సంవత్సరాలు పూర్తి చేసుకున్న సందర్భంగా సోషల్ మీడియాలో ఈ ప్రశ్నని అడిగారు. ఇంకా ఎంతో మంది ఐపీఎల్ కి సంబంధించిన జ్ఞాపకాలని గుర్తు చేసుకున్నారు. ఎన్నో వీడియోలని షేర్ చేశారు.

ALSO READ : సీఐ తిట్టడంతో రాజీనామా చేశాడు… ఇప్పుడు ఏకంగా కలెక్టర్ అయ్యాడు..! ఇతను ఎవరో తెలుసా..?

April 19, 2024

Mythology

ప్రతి ఏడాది శ్రీరామనవమికి…అయోధ్య బాలరాముడి నుదుటిపైకి సూర్యతిలకం వచ్చేలాగా ఎలా ఏర్పాటు చేసారంటే.?

by Mohana Priya April 18, 2024

written by Mohana Priya

అయోధ్యలోని రామ మందిరంలో మరొక అద్భుతమైన ఘట్టం దర్శనం ఇచ్చింది. నిన్న శ్రీరామనవమి సందర్భంగా గర్భగుడిలో ఉన్న బాల రాముడి నుదుటిమీద సూర్య తిలకం ఏర్పాటు చేశారు. 12 గంటల 16 నిమిషాల సమయంలో దాదాపు 3 నుండి 3.5 నిమిషాల పాటు ఈ సూర్య తిలకం దర్శనం ఇచ్చింది. సూర్యుడి కిరణాలని సూర్య తిలకంలాగా ప్రసరించేలాగా ఏర్పాటు చేశారు. 58 మిల్లీమీటర్ల పరిమాణంలో ఈ సూర్యకిరణాలు ప్రసరించాయి. సెంట్రల్ బిల్డింగ్ రీసెర్చ్ ఇన్స్టిట్యూట్ కి చెందిన శాస్త్రవేత్తలు, శ్రీరామ జన్మభూమి తీర్థ క్షేత్ర ట్రస్ట్ వారి కోరిక మేరకు, ఇలా శ్రీరామనవమి రోజు సూర్య తిలకం వచ్చేలాగా ఏర్పాట్లు చేశారు. ప్రతి సంవత్సరం శ్రీరామనవమి రోజు అయోధ్యలో సూర్య తిలకం దర్శనం జరుగుతుంది.

మరో 19 సంవత్సరాల పాటు ఇలాంటి సూర్య తిలకం ప్రసరించేలాగా ఏర్పాటు చేశారు. ఇందుకోసం బెంగళూరులో ఉన్న ఇండియన్ ఇన్స్టిట్యూట్ ఆఫ్ ఆస్ట్రోఫిజిక్స్- ఐఐఏ లో ఉన్న శాస్త్రవేత్తలని, సెంట్రల్ బిల్డింగ్ రీసెర్చ్ ఇన్స్టిట్యూట్ వారు సంప్రదించారు. ఎన్నో అధ్యయనాలు చేసిన తర్వాత ఆలయంలో ఉన్న మూడవ అంతస్తులో నుండి గర్భగుడిలో ఉన్న బాల రాముడి విగ్రహం నుదుటి మీద ఇలాంటి కిరణాలు ప్రసరించేలాగా శాస్త్రవేత్తలు ఒక టెక్నిక్ కనుగొని ఏర్పాటు చేశారు. ఇందుకోసం కొన్ని పైపులు, కొన్ని లెన్స్ లు వాడారు. బెంగళూరులో ఉన్న ఆప్టికా అనే కంపెనీ వీటిని అందించారు. పంచధాతు, అంటే, బంగారం, వెండి, కాపర్, జింక్, ఐరన్ తో వీటిని రూపొందించారు. ఇవి 100 సంవత్సరాల వరకు సురక్షితంగా ఉంటాయి.

ఈ లెన్స్ ద్వారా సూర్యకిరణాలు గర్భగుడిలోకి వెళ్లేలాగా వాళ్ళు ఏర్పాట్లు చేశారు. రామ మందిరంలోని మూడు అంతస్తులకు పైన భాగంలో సూర్యకాంతిని తీసుకోవడానికి ఒక పరికరాన్ని ఏర్పాటు చేశారు. దానికి ఒక పైప్ కనెక్షన్ ఉంటుంది అందులో నుండి సూర్యకిరణాలు వస్తాయి. సూర్యకాంతిని తీసుకోవడానికి ఏర్పాటు చేసిన పరికరం దగ్గరే మరొక పరికరాన్ని కూడా పెట్టారు. ఆ పరికరం వల్ల సూర్యకాంతి తీసుకునే అద్దం 365 రోజుల్లో కొంచెం కొంచెంగా కదులుతూ ఉంటుంది. మళ్ళీ ఏడాది తర్వాత వచ్చే శ్రీరామనవమికి ముందు ఉన్న చోటుకి వచ్చేస్తుంది. ఇది ఏర్పాటు చేసే ముందు ప్రతి సంవత్సరం శ్రీరామనవమి ఎప్పుడు వస్తుంది అనేది చూసి, ఆ ఆధారంగానే ఈ పరికరంలోని పరిమాణాలను ఏర్పాటు చేశారు.

ఇది 19 సంవత్సరాలు ఎటువంటి ఆటంకాలు లేకుండా పనిచేస్తుంది అని శాస్త్రవేత్తలు పేర్కొన్నారు. ఏడాదిలో వాతావరణ మార్పులు చాలా జరుగుతాయి. అవన్నీ కనుగొనేందుకు, వాటి నుండి బయటికి వచ్చే పరిష్కారాన్ని వెతికెందుకు కూడా మరొక వ్యవస్థని ఏర్పాటు చేశారు. గేర్ టీత్ మెకానిజం ద్వారా గడియారంలో ముల్లులు ఎలా అయితే తిరుగుతాయో, అలాగే ఈ వ్యవస్థని కూడా రూపొందించారు. అయోధ్యలో బాలరాముడి ప్రాణ ప్రతిష్ట తర్వాత నిన్న మొదటిసారిగా సూర్య తిలకం ప్రసరించడం జరిగింది. తర్వాత నుండి కూడా శ్రీరామనవమికి ప్రతిసారి ఇదే ఆనవాయితీ కొనసాగిస్తారు.

watch video :

#WATCH | ‘Surya Tilak’ illuminates Ram Lalla’s forehead at the Ram Janmabhoomi Temple in Ayodhya, on the occasion of Ram Navami.

(Source: DD) pic.twitter.com/rg8b9bpiqh

— ANI (@ANI) April 17, 2024

April 18, 2024

Off Beat

సీఐ తిట్టడంతో రాజీనామా చేశాడు… ఇప్పుడు ఏకంగా కలెక్టర్ అయ్యాడు..! ఇతను ఎవరో తెలుసా..?

by Mohana Priya April 18, 2024

written by Mohana Priya

ఇటీవల సివిల్స్ 2023 ఫలితాలు ప్రకటించారు. ఇందులో ప్రకాశం జిల్లాకి చెందిన ఉదయ్ కృష్ణారెడ్డి 780 ర్యాంక్ సాధించారు. ఉదయ్ కృష్ణారెడ్డి ఆంధ్రప్రదేశ్ లోని ప్రకాశం జిల్లాలోని సింగరాయకొండ మండలంలో ఊళ్ళపాలెంకి చెందినవారు. ఉదయ్ కృష్ణారెడ్డి తండ్రి రైతుగా పని చేసే కుటుంబానికి చెందినవారు. వారిది సాధారణమైన నేపథ్యం. ఉదయ్ తల్లి జయమ్మ ఉదయ్ కి 5 సంవత్సరాలు ఉన్నప్పుడు చనిపోయారు. తండ్రి శ్రీనివాసులు రెడ్డి, నాయనమ్మ రమణమ్మ దగ్గర ఉదయ్ పెరిగారు. ఉదయ్ తండ్రి, ఉదయ్ కి చిన్నప్పటినుండి సివిల్స్ గురించి చెప్తూ ఉండేవారు. ఆ ఆలోచనతోనే ఉదయ్ పెరిగారు.

ఉదయ్ ఇంటర్ చదువుతున్న సమయంలో ఉదయ్ తండ్రి మరణించారు. ఉదయ్ కి ఒక సోదరుడు కూడా ఉన్నారు. చిన్నతనంలోనే తల్లిదండ్రులను కోల్పోవడంతో, నాయనమ్మ దగ్గర పెరిగారు. ఉదయ్ నాయనమ్మ ఇద్దరు మనవళ్ళని చదివించారు. నెల్లూరు జిల్లా కావలిలో ఉన్న ప్రభుత్వ కళాశాలల్లో ఇంటర్మీడియట్, డిగ్రీ పూర్తి చేశారు. నెల్లూరు జిల్లా కావలిలో ఉన్న జవహర్ భారతి కళాశాలలో డిగ్రీ చదువుతున్నప్పుడు, చివరి సంవత్సరంలో ఉన్నప్పుడు, 2012 లో పోలీస్ కానిస్టేబుల్ గా నియమితులు అయ్యారు.

ఉమ్మడి ప్రకాశం జిల్లాలో ఉన్న గుడ్లూరులో నాలుగేళ్లు, ఆ తర్వాత ఉలవపాడు మండలం రామాయపట్నం మెరైన్‌ స్టేషన్‌లో కొంత కాలం చేశారు. 2019 వరకు ఆ ఉద్యోగం చేశారు. తర్వాత రాజీనామా చేశారు. అందుకు కారణం కూడా ఉంది. ఒకరోజు సీఐ అందరి ముందు ఉదయ్ కృష్ణారెడ్డిని అవమానించారు. దాంతో ఉద్యోగానికి రాజీనామా చేశారు. అప్పటి నుండి సివిల్స్ కి ప్రిపేర్ అయ్యారు. నాలుగవ ప్రయత్నంలో విజయం సాధించారు. ఉదయ్ కృష్ణారెడ్డి ఈ విషయం మీద మాట్లాడుతూ, “60 మంది పోలీసులు ముందు సీఐ అవమానించారు.”

“నా వ్యక్తిగత జీవితం గురించి కూడా మాట్లాడారు. దాంతో కానిస్టేబుల్ ఉద్యోగానికి రాజీనామా చేసి వెంటనే సివిల్స్ ప్రిపరేషన్ మొదలుపెట్టాను. మూడు సార్లు రాశాను. నాలుగవ ప్రయత్నంలో విజయం సాధించాను” అని చెప్పారు. ఉదయ్ కృష్ణారెడ్డికి ఐఏఎస్ క్యాడర్ మాత్రమే కాకుండా, ఐఆర్ఎస్, అంటే ఇండియన్ రెవెన్యూ సర్వీస్ లో నియమితులు అయ్యే అవకాశం కూడా ఉంది. ఈ విషయం మీద కూడా ఉదయ్ కృష్ణారెడ్డి మాట్లాడుతూ, ఇప్పుడు తన ప్రిపరేషన్ ఆపేది లేదు అని అన్నారు. ఐఏఎస్ కి ఎంపిక కావడం తన లక్ష్యం అని పేర్కొన్నారు.

ALSO READ : “మురళి విజయ్”తో ఎఫైర్ పెట్టుకొని భర్తకు విడాకులు… “దినేష్ కార్తీక్” గురించి ఇది తెలిస్తే రియల్ హీరో అంటారు.!

April 18, 2024

Biography Featured Sports Adda

“మురళి విజయ్”తో ఎఫైర్ పెట్టుకొని భర్తకు విడాకులు… “దినేష్ కార్తీక్” గురించి ఇది తెలిస్తే రియల్ హీరో అంటారు.!

by Mohana Priya April 17, 2024

written by Mohana Priya

ప్రముఖ క్రికెటర్ దినేష్ కార్తీక్ జీవితం ఎంతో మందికి ఆదర్శంగా నిలుస్తుంది. ధోనికి రెండో వికెట్ కీపర్ గా, తమిళనాడు టీంకి కెప్టెన్‌గా దినేష్ కార్తీక్ ఉన్నప్పుడు జరిగిన సంఘటన ఇది. దినేష్ కార్తీక్ టీం మేట్ అయిన మురళీ విజయ్ దినేష్ కార్తీక్ భార్యతో రిలేషన్ లో ఉన్నారు. ఈ విషయం దినేష్ కార్తీక్ కి తప్ప తమిళనాడు రంజీ టీం మొత్తానికి తెలుసు.

ఒకరోజు దినేష్ కార్తీక్ భార్య మురళీ విజయ్ బిడ్డతో తను గర్భవతిగా ఉన్నట్టు, తనకి దినేష్ కార్తీక్ నుండి విడాకులు కావాలి అని చెప్పింది. వారిద్దరూ విడిపోయారు. ఆ తర్వాత మురళీ విజయ్, దినేష్ కార్తీక్ భార్యతో కలిసి ఉన్నారు. అప్పుడు చెన్నై సూపర్ కింగ్స్ జట్టుకి, టీమ్ ఇండియాకి ఓపెనర్ గా ఉన్నారు.

దినేష్ కార్తీక్ అప్పుడు చాలా కుంగిపోయారు. డిప్రెషన్ లోకి వెళ్లిపోయారు. ఈ ప్రభావం దినేష్ కార్తీక్ ఆట మీద కూడా పడింది. రంజీ మ్యాచ్ లలో ఓడిపోయారు. కెప్టెన్సీ కూడా పోయింది. ఐపీఎల్ లో కూడా ఆశించిన విధంగా ఆడలేకపోయారు. ఆత్మహత్య చేసుకుందామని అనుకున్నారు. జిమ్ కి వెళ్లడం కూడా మానేశారు. అలాంటి సమయంలో దినేష్ కార్తీక్ ట్రైనర్ ఇంటికి వెళ్లి దినేష్ కార్తీక్ ని చూశారు. అప్పుడు దినేష్ కార్తీక్ చాలా పాడైపోయి ఉన్నారు. ట్రైనర్ దినేష్ కార్తీక్ తో మళ్ళి జిమ్ కి వెళ్ళడం మొదలు పెట్టమని చెప్పారు. అదే ట్రైనర్ దీపికా పల్లికల్ ని ట్రైన్ చేస్తున్నారు.

దీపికా పల్లికల్, ట్రైనర్ కలిసి దినేష్ కార్తీక్ ని మెల్లగా మాట్లాడించడం మొదలుపెట్టారు. దినేష్ కార్తీక్, దీపికా కలిసి వర్కౌట్ చేసేవారు. తర్వాత మురళీ విజయ్ ఆట తీరు నిరాశపరచడంతో మెల్లగా ఇండియన్ టీం నుండి తర్వాత చెన్నై సూపర్ కింగ్స్ జట్టు నుండి తప్పుకున్నారు. దీపికా పల్లికల్ ప్రోత్సాహంతో దినేష్ కార్తీక్ మళ్లీ ఆడటం మొదలుపెట్టారు. డొమెస్టిక్ మ్యాచ్ లలో మంచి స్కోరు చేశారు. ఇండియాకి వైట్ బాల్ క్రికెట్ కి ఎంపికయ్యారు. ఆ తర్వాత కోల్‌కతా నైట్‌రైడర్స్ జట్టు కెప్టెన్ అయ్యారు.

తర్వాత దినేష్ కార్తీక్, దీపికా పెళ్లి చేసుకున్నారు. కొద్ది సంవత్సరాలకి రిషబ్ పంత్ దినేష్ కార్తీక్ స్థానం తీసుకున్నారు . అప్పుడు కార్తీక్ రిటైర్ అయిపోయి కేవలం ఐపీఎల్ మాత్రమే ఆడదామని అనుకున్నారు. అప్పుడు దీపికా గర్భవతిగా ఉన్నారు. వారికి కవల పిల్లలు పుట్టారు. దీపికా కూడా ఆడటం మానేశారు. దినేష్ కార్తిక్ కి ఒక విలాసవంతమైన ఇల్లు కొనుక్కోవాలి అనే కల ఉండేది. ఆ అవకాశం ఒకసారి వచ్చింది.

అప్పుడు దీపికా, దినేష్ కార్తీక్ ని ఇల్లు కొనమని, ఇద్దరూ కలిసి మళ్లీ కెరీర్ ప్రారంభిద్దాం అని అన్నారు. మళ్లీ ఇద్దరూ కలిసి ట్రైన్ అవ్వడం మొదలు పెట్టారు. అప్పుడు వారు ఆ ఇల్లు కొనుక్కున్నారు. దినేష్ కార్తీక్ కి చెన్నై సూపర్ కింగ్స్ జట్టు నుండి కాల్ వచ్చింది. అప్పుడు ధోని, దినేష్ కార్తీక్ వికెట్ కీపర్ గా ఉండాలి అనుకున్నారు. 2022 లో చెన్నై సూపర్ కింగ్స్ జట్టు దినేష్ కార్తీక్ ని దక్కించుకోవడానికి చాలా ప్రయత్నం చేసింది. కానీ రాయల్ చాలెంజర్స్ బెంగళూరు జట్టు దినేష్ కార్తీక్ ని కొనుగోలు చేసింది.

చెన్నై సూపర్ కింగ్స్ డెవాన్ కాన్వేని కొనుగోలు చేసి సరిపెట్టుకుంది. డెలివరీ అయ్యి 6 నెలలు అయిన తర్వాత దీపికా మళ్లీ స్క్వాష్‌లో గ్లాస్గోలో ప్రపంచ ఛాంపియన్‌షిప్ ఆడారు. ఇందులో జోష్న చిన్నప్పతో కలిసి మిక్స్‌డ్ డబుల్స్ మరియు మహిళల డబుల్స్ రెండింటినీ గెలిచారు. దినేష్ కార్తీక్ కూడా RCB కోసం కీలకమైన మ్యాచ్‌లను ఆడారు. ఇప్పుడు రిటైర్ అయిన ఎంఎస్ ధోని స్థానంలో స్థానంలో ఫినిషర్‌గా T20 వరల్డ్ కప్ జట్టులోకి రావాలని అనుకుంటున్నారు.

April 17, 2024

Filmy Adda

ఇలాంటి సీన్ చేసే ధైర్యం ఏ తెలుగు హీరోకి అయినా ఉందా..? విషయం ఏంటంటే..?

by Mohana Priya April 16, 2024

written by Mohana Priya

సినిమాలు వస్తూ ఉంటాయి. పోతూ ఉంటాయి. కానీ కొన్ని సినిమాలు మాత్రం వచ్చి ఎన్ని సంవత్సరాలు అయినా సరే ప్రేక్షకుల గుండెల్లో నిలిచిపోతాయి. కొన్ని సినిమాలు అయితే రిలీజ్ అయిన తర్వాత ప్రేక్షకులని వెంటాడుతూనే ఉంటాయి.

ఇలాంటి సినిమాలు చాలా అరుదుగా వస్తాయి. అలా ఇటీవల వచ్చి సూపర్ హిట్ అయిన సినిమా సప్త సాగరాలు దాటి. కన్నడ సినిమా అయిన ఈ సినిమాని తెలుగులో డబ్ చేసి రిలీజ్ చేశారు. తెలుగులో కూడా ఈ సినిమాకి మంచి కలెక్షన్స్ వచ్చాయి.

ఈ సినిమాలో రక్షిత్ శెట్టి హీరోగా నటించారు. రుక్మిణి వసంత్ హీరోయిన్ గా నటించారు. సినిమా చాలా సహజంగా ఉంటుంది. అందులోనూ ముఖ్యంగా హీరో హీరోయిన్ల ప్రేమ కథ అయితే చాలా మందికి కనెక్ట్ అయ్యేలాగా తీశారు. అంతే కాకుండా ఈ సినిమాలో జైలుకి సంబంధించి చాలా సీన్స్ ఉంటాయి. అవి కూడా చాలా రియలిస్టిక్ గా రాసుకున్నారు అని దర్శకుడు ఒక సందర్భంలో చెప్పారు.

ఇందులో హీరో ఎదుర్కొనే సంఘటనలు చూస్తూ ఉంటే ప్రేక్షకులకు కూడా చాలా బాధ అనిపిస్తూ ఉంటుంది. అయితే ఈ సినిమాలోని ఒక సీన్ కి మాత్రం హీరో నటనకి చప్పట్లు పడ్డాయి. అసలు ఈ సీన్ చేయడానికి ఏ స్టార్ హీరో కూడా ధైర్యం చేయడు ఏమో అని అన్నారు. అందులోనూ ముఖ్యంగా మన తెలుగు హీరోలు అయితే అస్సలు ఇలాంటివి చేయలేరు ఏమో అన్నారు. ఈ సినిమాలో హీరో ఒక సందర్భంలో టాయిలెట్ కడగాల్సి వస్తుంది.

సాధారణంగా ఇలాంటి సీన్ చూడటానికే ప్రేక్షకులకు చాలా ఇబ్బందికరంగా ఉంటుంది. అందులోనూ ఈ సీన్ చాలా రియల్ గా తీశారు. ఆ సీన్ లో ఉండే వాతావరణం అంతా చూస్తూ ఉంటే నిజంగా ఒక శుభ్రంగా లేని టాయిలెట్ లోకి హీరో వెళ్లి కడుగుతున్నట్టే అనిపిస్తుంది. అయితే ఈ సీన్ చూశాక రక్షిత్ శెట్టి మీద చాలా మందికి ఇంకా గౌరవం పెరిగింది. నటుడు అన్నాక తన పాత్ర కోసం ఎలాంటి పని అయినా చేయాల్సి వస్తుంది. అది నిజమే. కాకపోతే స్టార్ హీరో అయ్యాక వాళ్ళకి ఉండే కొన్ని రెస్ట్రిక్షన్స్ వల్ల కొన్ని రిస్క్ లు తీసుకోలేరు.

ఒక సమయంలో రిస్క్ చేసే సీన్స్ చేసిన హీరోలు, స్టార్ హీరో అయ్యాక వారి ఫ్యాన్స్ మనోభావాలు అర్థం చేసుకొని, వారు ఇబ్బంది పడుతూ ఉంటే అలాంటివి చేయటానికి ధైర్యం చేయరు. అందులోనూ ముఖ్యంగా మన తెలుగు సినిమాల్లో హీరోలని ఎంతగా అభిమానిస్తామో ప్రత్యేకంగా చెప్పాల్సిన అవసరం లేదు. అందుకే మన హీరోలు రిస్క్ చేయడం అనేది చాలా తక్కువగా చేస్తూ ఉంటారు. దాంతో ఈ సీన్ చూసిన తర్వాత చాలా మంది ఇలాంటి ఒక సీన్ చేసే ధైర్యం ఒక స్టార్ తెలుగు హీరో, అది కూడా ఈ జనరేషన్ లో ఉన్న తెలుగు స్టార్ హీరో చేయగలుగుతాడా అంటూ కామెంట్స్ చేస్తున్నారు.

ALSO READ : “ఆడ నెమలి” పాటతో ఫేమస్ అయిన ఈ అమ్మాయి ఎవరో తెలుసా..?

April 16, 2024

Human angle

దాహం వేస్తోందని నీళ్లు అడిగితే ఇంటి చుట్టూ తిరిగింది..! ఏమైంది అని అడిగితే..? ఈ వ్యక్తి కష్టాల గురించి తెలిస్తే కన్నీళ్లు ఆగవు..!

by Mohana Priya April 16, 2024

written by Mohana Priya

ఏ ఒక్క వ్యక్తి కూడా కష్టపడనిదే పైకి రారు. ఒక వ్యక్తి ఒక రోజు గుర్తింపు తెచ్చుకున్నారు అంటే, దాని వెనుక ఎన్నో సంవత్సరాల కష్టం దాగి ఉంటుంది. కానీ అది ఎవరికీ తెలియదు. ఈ వ్యక్తి జీవితంలో కూడా అలానే ఎన్నో కష్టాలు ఉన్నాయి. వాటన్నిటినీ అధిగమించి ఇవాళ ఇంత పెద్ద స్థాయిలో ఉన్నారు. ఆయన పేరే అమిటి హనుమంతు. ఏఎస్పీ. అనంతపురంలో విధులు నిర్వహిస్తారు. గత సంవత్సరం హనుమంతు గారు మాట్లాడిన మాటలు పెద్ద ఎత్తున వార్తల్లో నిలిచాయి. ఒక వ్యక్తి ఇన్ని కష్టాలు పడతారా అని అందరూ చలించిపోయారు. బీబీసీ తెలుగుకి ఇచ్చిన ఇంటర్వ్యూలో తన గురించి హనుమంతు గారు తెలిపారు.

హనుమంతు గారిది అన్నమయ్య జిల్లాలోని కలికిరి మండలం, తెళ్లగుట్టపల్లి. హనుమంతు గారి తండ్రి రామయ్య గారు, తల్లి కృష్ణమ్మ గారికి మొత్తం నలుగురు సంతానం. ముగ్గురు మగ పిల్లలు, ఒక ఆడపిల్ల. హనుమంతు గారు మూడవ వారు. ఒక్కరోజు పని చేయకపోయినా కూడా ఇల్లు గడవని పరిస్థితి. హనుమంతు గారి తల్లి ఊరు తిరిగి భోజనాన్ని తీసుకొచ్చేవారు. మాజీ సీఎం కిరణ్ కుమార్ రెడ్డి గారి గ్రామం హనుమంతు గారు నివసించే చోటు దగ్గరలోనే ఉండేది. పండగల లాంటివి ఉన్నప్పుడు కిరణ్ కుమార్ రెడ్డి గారి గ్రామానికి వెళ్లి, వాళ్ళ కుటుంబ సభ్యుల దగ్గరికి వెళ్లి, పాత్రలు తీసుకొని వాళ్ళ ఇంటి ముందు వరుసగా కూర్చుంటే అందరికీ భోజనాలు పెట్టేవారు.

హనుమంతు గారు, తన తల్లితో కలిసి వెళ్లేవారు. ఒకసారి అలా వెళ్లి వస్తూ ఉన్నప్పుడు హనుమంతు గారు, తల్లితో కలిసి చెట్టు కింద కూర్చున్నారు. వాళ్ళిద్దరూ తింటున్నప్పుడు అక్కడ కొంత మంది పిల్లలు స్కూల్ కి వెళ్తుంటే హనుమంతు గారు చూస్తూ కూర్చున్నారు. అప్పుడు హనుమంతు గారికి చదువు అంటే ఆసక్తి ఉంది అనే విషయాన్ని ఆయన తల్లి గమనించారు. హనుమంతు గారు ఆ ఊర్లో ఉండే వాళ్లందరికీ తెలుసు. ఈ కారణంగా ముందు స్కూల్ లో చేర్చుకోడానికి అనుమతి దొరకలేదు. తన తల్లితో పాటు, ఇళ్ళ ముందు నిలబడి అన్నం అడిగేవారు. స్కూల్ కి కూడా అందుకే వచ్చారు ఏమో అని అనుకొని, “అన్నం లేదు పో” అని పంపించేసేవారట.

దాంతో హనుమంతు గారితో, తన తల్లి, “రేపు మళ్లీ వెళ్ళు” అని చెప్పి వేరే, వాళ్ళ పలక తీసుకొచ్చి హనుమంతు గారికి ఇచ్చి పంపించారు. అప్పుడు టీచర్ స్కూల్లో కూర్చోబెట్టినా కూడా తనతో చదివేవారు దగ్గరికి రానివ్వలేదు. టీచర్ లేనప్పుడు వెనక్కి వెళ్లి కూర్చోమని బెదిరించేవాళ్లట. ఇది గమనించిన టీచర్, ఒకసారి ఆ పిల్లలందరినీ తిట్టారు. హనుమంతు గారికి టీచర్, “మంచి బట్టలు వేసుకో” అని చెప్పి, కొన్ని బట్టలు ఇప్పించేవారట. హనుమంతు గారి తల్లి కూడా వేరే చోట బట్టలు తీసుకొచ్చి ఇచ్చేవారు. హనుమంతు గారి జీవితంలో ఒక్క సంఘటన ఆయనకి అవమానకరంగా అనిపించింది. హనుమంతు గారు ఇంటర్ చదివే సమయంలో సెనగ పెరికే పనికి వెళ్లారు.

పని చేస్తున్నప్పుడు దాహం వేయడంతో, వాళ్లతో పని చేయిస్తున్న ఆవిడ దగ్గరికి వెళ్లి, నీళ్లు కావాలి అని అడిగారు. ఆవిడ ఇంటి చుట్టూ తిరగడం మొదలు పెట్టింది. నీళ్లు అడిగిన హనుమంతు గారికి నీళ్లు ఇవ్వలేదు. దాంతో హనుమంతు గారు, “ఏమైంది?” అని అడిగితే, ఆవిడ, “చిప్ప కోసం వెతుకుతున్నాను” అని చెప్పింది. అప్పుడు హనుమంతు గారు, “మీ ఇంట్లో గ్లాసులు లేవా అమ్మా?” అని అడిగితే, “మీకు మేము గ్లాసుల్లో నీళ్లు ఇవ్వకూడదు” అని ఆమె చెప్పింది. ఈ సంఘటన హనుమంతు గారిని ఎలాగైనా సరే గొప్ప స్థాయికి వెళ్ళాలి అనే తపన పెరిగేలాగా చేసింది. ఎలాగైనా సరే మంచి స్థాయికి వెళ్లి, వీళ్ళకి సమాధానం చెప్పాలి అని హనుమంతు గారు నిర్ణయించుకున్నారట. ఆమె మీద హనుమంతు గారికి ఎటువంటి కోపం లేదట. ఈ విషయాన్ని హనుమంతు గారు ఒక ఇంటర్వ్యూలో తెలిపారు. తర్వాత ఇప్పుడు హనుమంతు గారు ఎన్నో సార్లు ఆమెకి మనసులో థాంక్స్ చెప్పుకున్నారట.

watch video :

ALSO READ : మహిళా IAS అధికారి మీద ఫైర్ అవుతున్న నెటిజెన్లు..! ఉద్యోగానికి ఇచ్చే గౌరవం ఇదేనా అంటూ..?

April 16, 2024

Newer Posts

Older Posts