Mohana Priya

రాజకుమారుడు సినిమాతో ఇండస్ట్రీలోకి అడుగు పెట్టి, ఇప్పుడు సూపర్ స్టార్ గా ఎదిగారు మహేష్ బాబు. మహేష్ బాబు తన కెరీర్ లో ఎన్నో హిట్ సినిమాలు చేశారు. ఎన్నో ఫ్లాప్ సినిమాలు కూడా చేశారు. కొన్ని మరీ ఘోరపరాజయం పాలయ్యాయి.

మహేష్ బాబు రేంజ్ సినిమా కాదు అనే సినిమాలు కూడా వచ్చాయి. ఒక సమయంలో ప్రయోగాలు చేసిన మహేష్ బాబు, గత కొన్ని సంవత్సరాల నుండి కమర్షియల్ సినిమాలు చేస్తూ వస్తున్నారు. కమర్షియల్ సినిమాల్లో కూడా ఏదో ఒక రకమైన మెసేజ్ ఉండేలాగా చూసుకుంటున్నారు.

భరత్ అనే నేను నుండి, ఇటీవల వచ్చిన సర్కారు వారి పాట సినిమా వరకు ప్రతి సినిమాతో ఏదో ఒక మెసేజ్ ఇచ్చారు. దాంతో మహేష్ బాబుని మెసేజ్ బాబు అంటూ కామెంట్స్ కూడా చేశారు. అయితే ఇప్పుడు వీటన్నిటికీ దూరంగా ఒక మంచి కమర్షియల్ సినిమా చేయాలి అనే ఉద్దేశంతో త్రివిక్రమ్ శ్రీనివాస్ దర్శకత్వంలో వస్తున్న గుంటూరు కారం సినిమాలో ఒక డిఫరెంట్ పాత్రలో మహేష్ బాబు నటించబోతున్నారు.

ఈ సినిమాలో వైరా వెంకట రమణారెడ్డి అనే పాత్రలో మహేష్ బాబు కనిపిస్తారు. ఎమోషన్స్ తో పాటు, యాక్షన్ కూడా ఈ సినిమాలో ఉంటుంది అని సమాచారం. అయితే హీరోలు అన్న తర్వాత వారి మీద ట్రోల్స్ రావడం సహజం. మహేష్ బాబు మీద కూడా తక్కువగా రాలేదు. అందులోనూ ముఖ్యంగా మహేష్ బాబు డాన్స్ మీద కామెంట్స్ వచ్చాయి. “మూమెంట్ ఉండదు” అని, “రోబో డాన్స్ వేసినట్టు ఉంటుంది” అని, ఇలా ఎన్నో రకమైన కామెంట్స్ వచ్చాయి.

బ్రహ్మోత్సవం సినిమాలో బాలా త్రిపుర మణి పాటలో మహేష్ బాబు వేసిన స్టెప్స్ కి అయితే థియేటర్లలో జనం పగలబడి నవ్వారు. సినిమా రివ్యూలు ఇచ్చే వాళ్ళు కూడా ఈ స్టెప్ మీద కామెంట్ చేశారు. అయితే సరిలేరు నీకెవ్వరు సినిమా నుండి మహేష్ బాబు డాన్స్ లో కూడా తనని తాను మెరుగుపరుచుకుంటూ వచ్చారు. ఆ సినిమాలో మైండ్ బ్లాక్ పాటలో మహేష్ బాబు డాన్స్ చేశారు. ఆ తర్వాత సర్కారు వారి పాట సినిమాలో కూడా కొన్ని పాటల్లో డాన్స్ వేశారు.

ఇప్పుడు గుంటూరు కారం సినిమా నుండి వచ్చిన కుర్చి మడత పెట్టి పాటలో కూడా మహేష్ బాబు డాన్స్ వేస్తున్నట్టు అర్థం అవుతుంది. ఇంకొక విషయం ఏంటంటే, ఈ పాటలన్నిటికీ శేఖర్ మాస్టర్ కొరియోగ్రఫీ చేశారు. సరిలేరు నీకెవ్వరు సినిమా తర్వాత నుండి చాలా మంది మహేష్ బాబు అభిమానులు, “మా హీరో చేత డాన్స్ వేయించారు. థాంక్యూ” అంటూ శేఖర్ మాస్టర్ కి కామెంట్స్ పెట్టారు.

ఇప్పుడు ఈ పాట చూశాక, అంతకుముందు బ్రహ్మోత్సవం సినిమాకి చేసిన కామెంట్స్ ని గుర్తు చేసుకొని చాలా మంది, “ఒకప్పుడు ఏ విషయానికి అయితే ట్రోల్ చేశారో, ఇప్పుడు అదే విషయానికి పొగుడుతున్నారు” అంటూ కామెంట్స్ చేస్తున్నారు. ముందు సినిమాలతో పోలిస్తే గత కొంత కాలం నుండి మహేష్ బాబు డాన్స్ మూమెంట్స్ కూడా మెరుగుపడ్డాయి అంటూ చాలా మంది మహేష్ బాబుని పొగుడుతూ కామెంట్స్ చేస్తున్నారు.

watch video :

ప్రపంచవ్యాప్తంగా క్రేజ్ సంపాదించుకున్న హీరోల్లో రామ్ చరణ్ ఒకరు. ప్రస్తుతం రామ్ చరణ్ శంకర్ దర్శకత్వంలో వస్తున్న గేమ్ ఛేంజర్ సినిమా షూటింగ్ లో ఉన్నారు. ఈ సినిమాలో కియారా అద్వానీ హీరోయిన్ గా నటిస్తున్నారు.

ఇంకా చాలా మంది ప్రముఖ నటీనటులు ఈ సినిమాలో ముఖ్య పాత్రలు పోషిస్తున్నారు. ఈ సినిమాలో రామ్ చరణ్ తండ్రి కొడుకుల పాత్రలో నటిస్తారు. రాజకీయాల మీద ఈ సినిమా నడుస్తుంది. ఈ సినిమా తర్వాత రామ్ చరణ్ బుచ్చిబాబు దర్శకత్వంలో ఒక సినిమాలో నటిస్తున్నారు.

ఇది ఒక స్పోర్ట్స్ డ్రామా అని అంటున్నారు. అయితే వీటి తర్వాత రామ్ చరణ్ ఒక బాలీవుడ్ సినిమా చేయబోతున్నట్టు సమాచారం. బాలీవుడ్ లో ధూమ్ సిరీస్ కి ఒక ప్రత్యేకమైన క్రేజ్ ఉంది. ఎంతో మంది స్టార్ హీరోలు ఈ సినిమాలో నటించారు. ఇప్పుడు రామ్ చరణ్ కూడా ఈ సిరీస్ లో భాగం కాబోతున్నట్టు వార్తలు వస్తున్నాయి. అమీర్ ఖాన్ ధూమ్ 3 సినిమాలో నటించారు. ఇప్పుడు ధూమ్ 4 కోసం షారుఖ్ ఖాన్ ముందుకి వస్తున్నారు.

ఈ సినిమాలో షారుఖ్ ఖాన్ హీరోగా నటిస్తున్నారు అనే వార్త ఒకటి ప్రచారంలో ఉంది. అయితే ఈ సినిమాలో షారుఖ్ ఖాన్ తో పాటు రామ్ చరణ్ కూడా నటిస్తారు అని అంటున్నారు. రామ్ చరణ్ ఇప్పటి వరకు ఒక్క బాలీవుడ్ సినిమా చేయకపోయినా కూడా బాలీవుడ్ లో రామ్ చరణ్ కి చాలా క్రేజ్ ఉంది. ఇప్పుడు డైరెక్ట్ బాలీవుడ్ సినిమా చేస్తే రామ్ చరణ్ కి క్రేజ్ ఇంకా పెరుగుతుంది అని అంటున్నారు. మరి ఈ వార్తలో ఎంత వరకు నిజం ఉంది అనేది తెలియదు. ఒకవేళ ఇది నిజం అయితే ఇద్దరు స్టార్ హీరోలని తెరపై చూడడం అనేది చాలా ఆసక్తికరంగా అనిపిస్తుంది.

తెలుగు, తమిళ భాషల్లో సినిమాలు చేసి స్టార్ హీరోయిన్ అనే గుర్తింపు సంపాదించుకున్నారు త్రిష. త్రిష ఇండస్ట్రీలోకి వచ్చి 20 సంవత్సరాలు దాటినా కూడా ఇంకా హీరోయిన్ పాత్రలు చేస్తూనే ఉన్నారు. పెద్ద స్టార్ హీరోల సినిమాల్లో నటిస్తూనే, మరొక పక్క ఫిమేల్ ఓరియంటెడ్ సినిమాల్లో కూడా నటిస్తున్నారు.

ఇటీవల త్రిష హీరోయిన్ పాత్రను నటించిన లియో సినిమా విడుదల అయ్యి త్రిషకి గుర్తింపు పెంచింది. దాంతో ఇప్పుడు మళ్లీ చాలా సంవత్సరాల తర్వాత త్రిష బాలీవుడ్ సినిమాలో నటించబోతున్నారు. అది కూడా సల్మాన్ ఖాన్ పక్కన.

సల్మాన్ ఖాన్ హీరోగా పంజా డైరెక్టర్ విష్ణువర్ధన్ దర్శకత్వంలో ఒక సినిమా రాబోతోంది. ఈ సినిమాలో త్రిష హీరోయిన్ గా నటిస్తున్నట్టు సమాచారం. 2010 లో అక్షయ్ కుమార్ పక్కన కట్టా మీఠా అనే సినిమాలో త్రిష నటించారు. ఈ సినిమాకి ప్రియదర్శన్ దర్శకత్వం వహించారు. ఇప్పుడు మళ్లీ దాదాపు 13 సంవత్సరాల తర్వాత త్రిష హిందీ సినిమాలో నటిస్తున్నారు. అంతే కాకుండా పాతిక సంవత్సరాల తర్వాత సల్మాన్ ఖాన్ నటిస్తున్న సినిమాని కరణ్ జోహార్ నిర్మిస్తున్నారు.

ఇది మాత్రమే కాకుండా, తెలుగులో చిరంజీవి హీరోగా నటిస్తున్న విశ్వంభర సినిమాలో కూడా త్రిష హీరోయిన్ గా నటిస్తున్నారు. అలా ఇప్పుడు కూడా వరుస సినిమాలతో బిజీగా ఉన్నారు హీరోయిన్ త్రిష. ఇవి మాత్రమే కాకుండా, మణిరత్నం దర్శకత్వంలో కమల్ హాసన్ హీరోగా నటిస్తున్న సినిమాలో కూడా త్రిష నటిస్తున్నారు. ఇంకా కొన్ని సినిమాలు చర్చల దశలో ఉన్నాయి. వీటికి సంబంధించి అధికారిక ప్రకటన రావాల్సి ఉంది.

సినిమా ఇండస్ట్రీలో హీరోయిన్స్ కి ప్రధాన పాత్రల్లో నటించే సమయం చాలా తక్కువగా ఉంది అని అంటూ ఉంటారు. ఒక వయసు వచ్చాక చాలా మంది హీరోయిన్లు తల్లి పాత్రలు, అక్క పాత్రలు, వదిన పాత్రలు చేస్తూ ఉంటారు. హీరోయిన్ గా మొదలు పెట్టి, ఎన్నో సంవత్సరాలు హీరోయిన్ గా కొనసాగిన నటులు చాలా తక్కువ మంది ఉన్నారు. వారిలో నయనతార ఒకరు.

నయనతార ఇండస్ట్రీలోకి వచ్చి 20 సంవత్సరాలు అయ్యింది. ఈ సందర్భంగా నయనతార సోషల్ మీడియాలో తన అభిమానులకి థాంక్స్ చెప్తూ ఒక పోస్ట్ షేర్ చేశారు. అభిమానుల వల్లే ఈ స్థాయిలో ఉన్నాను అని నయనతార చెప్పారు.

మనసిక్కరే అనే మలయాళం సినిమాతో కెరీర్ ప్రారంభించిన నయనతార, ఆ తర్వాత తమిళ్ లో అయ్యా, చంద్రముఖి, గజిని లాంటి సినిమాల్లో నటించారు. ఇవి నయనతారని తెలుగు ప్రేక్షకులకు కూడా దగ్గర చేశాయి. తెలుగులో వెంకటేష్ హీరోగా నటించిన లక్ష్మి సినిమాలో నటించారు. ఆ తరువాత వరుసగా తెలుగు సినిమాల్లో నటించిన నయనతార, శ్రీరామరాజ్యం సినిమా తర్వాత నుండి సెలెక్టివ్ గా మాత్రమే తెలుగులో కనిపిస్తున్నారు.

ఎక్కువగా తమిళంలో మాత్రమే నయనతార సినిమాలు చేస్తున్నారు. అవి చాలా వరకు తెలుగులో కూడా డబ్ అయ్యి విడుదల అవుతున్నాయి. దాంతో నయనతార తెలుగు ప్రేక్షకులకు కూడా ఇంకా దగ్గర అయ్యారు. ఇటీవల గాడ్ ఫాదర్ సినిమాతో మళ్లీ తెలుగు ప్రేక్షకులను పలకరించారు. ఈ సంవత్సరం వచ్చిన బిగ్గెస్ట్ హిట్స్ లో ఒకటిగా నిలిచిన జవాన్ సినిమాతో బాలీవుడ్ లో కూడా అడుగు పెట్టారు. పాన్-ఇండియన్ భాషల్లో అన్ని సినిమాల్లో నటించి, లేడీస్ సూపర్ స్టార్ అనే పదానికి న్యాయం చేశారు నయనతార.

షార్ట్ ఫిలిమ్స్ తో కెరీర్ మొదలు పెట్టి, సినిమాల్లో సహాయ పాత్రల్లో నటించి, ఇప్పుడు బేబీ సినిమాతో హీరోయిన్ గా ఇండస్ట్రీకి పరిచయం అయ్యారు వైష్ణవి చైతన్య. మొదటి సినిమాతోనే హిట్ కొట్టారు. ఈ సినిమా తర్వాత వైష్ణవి ఎలాంటి సినిమా చేస్తారు అనే విషయం మీద ఆసక్తి నెలకొంది.

సాధారణంగా మొదటి సినిమాలో హీరోయిన్లకి నటనపరంగా ఆస్కారం ఉన్న పాత్రలు దొరకడం చాలా తక్కువ. ఎంతో మంది హీరోయిన్లకి ఇలా అరుదుగా జరుగుతుంది. వారిలో వైష్ణవి చైతన్య కూడా ఒకరు. మొదటి సినిమాతోనే పర్ఫార్మెన్స్ ఓరియెంటెడ్ రోల్ చేశారు.

డిఫరెంట్ కాన్సెప్ట్ ఉన్న సినిమాలో నటించి, ఎంతో మంది క్రిటిక్స్ ప్రశంసలు అందుకున్నారు. వైష్ణవి చైతన్య నెక్స్ట్ సినిమా ఇటీవల అనౌన్స్ చేశారు. దిల్ రాజు మేనల్లుడు ఆశిష్ హీరోగా నటిస్తున్న సినిమాలో వైష్ణవి చైతన్య హీరోయిన్ గా నటిస్తున్నారు. దీనికి సంబంధించి ఇటీవల వైష్ణవి చైతన్య ఫోటోతో పాటు ఒక అనౌన్స్మెంట్ చేశారు. ఈ సినిమాకి అరుణ్ భీమవరపు దర్శకత్వం వహిస్తున్నారు.

ఆస్కార్ విజేత ఎం ఎం కీరవాణి ఈ సినిమాకి మ్యూజిక్ అందిస్తున్నారు. ప్రముఖ సీనియర్ సినిమాటోగ్రాఫర్ పీసీ శ్రీరామ్ ఈ సినిమాకి సినిమాటోగ్రాఫర్ గా చేస్తున్నారు. ఈ సినిమాకి లవ్ మీ అనే టైటిల్ అనుకుంటున్నట్టు సమాచారం. ప్రస్తుతం ఈ సినిమా షూటింగ్ జరుగుతోంది. ఇది మాత్రమే కాకుండా వైష్ణవి చైతన్య బొమ్మరిల్లు భాస్కర్ దర్శకత్వంలో, సిద్దు జొన్నలగడ్డ హీరోగా రాబోతున్న సినిమాలో కూడా హీరోయిన్ పాత్రలో నటిస్తున్నారు అని సమాచారం. ఏదేమైనా సరే, వైష్ణవి చైతన్య దిల్ రాజు ప్రొడక్షన్ లో హీరోయిన్ గా చేస్తూ ఒక గోల్డెన్ ఛాన్స్ కొట్టేశారు అని అందరూ కామెంట్ చేస్తున్నారు.

సినిమాల్లో చాలా జోనర్లు ఉంటాయి. థియేటర్లలో కొన్ని జోనర్ల సినిమాలకి మాత్రమే ఆదరణ ఎక్కువగా లభిస్తుంది. ఇప్పుడు ఓటీటీ పుణ్యమా అని అన్ని రకాల సినిమాలు వస్తున్నాయి. ప్రేక్షకులు వాటిని చూస్తున్నారు. డాక్యుమెంటరీ అనే జోనర్ మాత్రం ఒక సెన్సిటివ్ అంశం.

ఇందులో ఒక వ్యక్తి గురించి కానీ, ఏదైనా ఒక సంఘటన గురించి కానీ చూపిస్తారు. అలా ఇటీవల విడుదల అయిన ఒక డాక్యుమెంటరీ గురించి చాలా మంది మాట్లాడుకుంటున్నారు. అదే నెట్‌ఫ్లిక్స్‌ లో విడుదలైన కర్రీ అండ్‌ సైనేడ్‌: ది జాలీ జోసఫ్‌ కేస్‌.

ఈ డాక్యుమెంటరీ కథ విషయానికి వస్తే, జాలీ జోసెఫ్ అనే ఒక వ్యక్తి కేరళలోని కోజికోడ్ లోని కుడతాయి గ్రామానికి చెందినవారు. జాలీ జోసెఫ్ కి, రాయ్ థామస్ అనే ఒక వ్యక్తితో పరిచయం అయ్యింది. తర్వాత వీరిద్దరూ ప్రేమించుకొని పెళ్లి చేసుకున్నారు. జాలీ జోసఫ్ అత్తింట్లో అడుగు పెట్టారు. జాలీ జోసెఫ్ మామయ్య టామ్ థామస్, అత్తయ్య అన్నమ్మ థామస్ టీచర్లుగా పని చేసి రిటైర్డ్ అయ్యారు. వీళ్ళ కుటుంబంలో ఉన్న మిగిలిన అందరూ కూడా ఉద్యోగాల్లో ఉంటారు.

దాంతో జాలీ జోసెఫ్ ని కూడా ఉద్యోగం చేయమని అత్తయ్య అన్నమ్మ థామస్ చెబుతుంది. అత్తయ్య మరి ఎక్కువగా చెప్పడంతో జాలీ కోజికోడ్ లో ఉన్న ఎన్ఐటిలో పనిచేస్తున్నట్టు చెబుతుంది. ప్రతిరోజు కారులో ఉద్యోగానికి వెళ్లి వస్తూ ఉండేది. జాలీకి భర్త ఆస్తి మీద కన్ను పడింది. ఎలాగైనా ఆస్తిని సొంతం చేసుకోవాలి అనే ఆలోచనలో 2002లో  తాగే నీళ్లలో సైనైడ్ కలిపి అత్తయ్య అన్నమ్మ థామస్ ని చంపేసింది. ఆ తర్వాత 2008 లో మామయ్య టామ్ థామస్ తినే ఆహారంలో సైనైడ్ పెట్టి ఆయనని కూడా చంపేసింది.

2010 లో భర్తని, ఆ తర్వాత అన్నమ్మ థామస్ సోదరుడు మ్యాథ్యూని కూడా చంపేసింది. అయితే, అన్నమ్మ సోదరుడు మాథ్యూకి ఏదో జరుగుతోంది అని అనుమానం వచ్చింది. అతను మొత్తం విషయాన్ని తెలుసుకునేలోపు 2014 లో విస్కీలో విషయం కలిపి ఆయనని చంపేసింది. 2016 లో తన భర్త దగ్గర బంధువు అయిన షాజు జచారయ్య భార్య, వారి ఏడాదిన్నర బిడ్డని కూడా చంపేసింది. దాంతో జాలీ షాజు జచారయ్యని రెండవ పెళ్లి చేసుకుంది.

అయితే రాయ్ థామస్ సోదరుడు రోజో ఇదంతా తెలుసుకొని, తన అన్నయ్య తన ప్రాణం తనే తీసుకునే అంత పిరికివాడు కాదు అని, ఇక్కడ ఏదో జరుగుతోంది అని పోలీసులకు ఫిర్యాదు చేశారు. దాంతో అప్పుడు అసలు విషయాలు అన్నీ బయటికి వచ్చాయి. ఈ కథ మీద అంతకుముందు కూడా చాలా డాక్యుమెంటరీలు వచ్చాయి. మలయాళంలో కుడతాయి పేరుతో ఒక సీరియల్ రాగా, ఇదే కథ మీద ఒక పాడ్ కాస్ట్ కూడా విడుదల చేశారు.

అంతే కాకుండా హిందీలో క్రైమ్ పెట్రోల్ సతర్క్ లో కూడా ఈ కథ గురించి చూపించారు. సోనాక్షి సిన్హా ముఖ్య పాత్రలో నటించిన దహాడ్ అనే ఒక వెబ్ సిరీస్ లో కూడా ఈ కథకి సంబంధించిన ఒక విషయాన్ని చూపించారు. ఇప్పుడు ఈ కథ మీద ఒక డాక్యుమెంటరీ వచ్చింది. దీనికి షాలిని ఉషాదేవి రచయితగా చేశారు. అంతా బాగానే ఉన్నా కూడా కొన్ని ప్రదేశాలని చూపించలేదు. దాంతో సహజత్వం కొంచెం మిస్ అయినట్టు అనిపిస్తుంది. అయితే జాలీకి ఒక కొడుకు ఉన్నారు. అతను జాలీ పెద్ద కొడుకు.

ఆయనని కూడా ఇందులో చూపించారు. అతను జాలీని తల్లిగా సంబోధించడానికి కూడా ఇష్టపడట్లేదు అని తెలుస్తోంది. సిరీస్ లో అతను మాట్లాడుతున్నంత సేపు ఆ మహిళ అని, లేకపోతే జాలీ అని సంబోధిస్తూ మాట్లాడారు. డిసెంబర్ 22 న విడుదల అయిన ఈ డాక్యుమెంటరీ, మలయాళంతో పాటు, తెలుగు, హిందీ, తమిళ్ భాషల్లో కూడా స్ట్రీమ్ అవుతుంది. దీనిపై ఎంతో మంది సోషల్ మీడియా ద్వారా వారి రివ్యూని కూడా తెలుపుతున్నారు.

ALSO READ : సలార్ సినిమా మీద ఈ నెటిజన్ కామెంట్ చూశారా..? ఏం అన్నారంటే..?