OTT Releases

వన్ నేనొక్కడినే సినిమాతో కెరీర్ మొదలు పెట్టి, తర్వాత బాలీవుడ్ సినిమాల్లో నటిస్తున్న నటి కృతి సనన్. ఇటీవల మిమి అనే ఒక సినిమాలో తన నటనకి నేషనల్ అవార్డు కూడా గెలుచుకున్నారు. డిఫరెంట్ కాన్సెప్ట్ ఉన్న సినిమాలని ఎంచుకుంటూ ముందుకు వెళ్తున్నారు. స్టార్ హీరోయిన్ గా ఎదిగారు. ప్రస్తుతం కృతి చేతినిండా సినిమాలతో బిజీగా ఉన్నారు. అవన్నీ కూడా నటనకి ఆస్కారం ఉన్న పాత్రలు ఉన్న సినిమాలు మాత్రమే. ఇటీవల కృతి హీరోయిన్ గా, షాహిద్ కపూర్ హీరోగా నటించిన ఒక సినిమా ప్రేక్షకుల ముందుకి వచ్చింది.

ఆ సినిమా థియేటర్లలో చాలా పెద్ద హిట్ అయ్యాక ఇప్పుడు అమెజాన్ ప్రైమ్ లో విడుదల అయ్యింది. ఆ సినిమా పేరు, తేరి బాతో మే ఐసా ఉల్ఝా జియా. ఈ సినిమా ఇటీవల విడుదల అయ్యింది. ఈ సినిమాకి అమిత్ జోషి, ఆరాధనా సాహా దర్శకత్వం వహించారు. ఇంక సినిమా కథ విషయానికి వస్తే, ఆర్యన్ అగ్నిహోత్రి (షాహిద్ కపూర్) రోబోటిక్స్ విభాగంలో పనిచేస్తూ ఉంటాడు. అతనికి ఇంట్లో పెళ్లి గురించి ఒత్తిడి ఎక్కువగా ఉంటుంది. మరొక పక్క ఆర్యన్, అతని మేనత్త అయిన ఊర్మిళ శుక్లా (డింపుల్ కపాడియా) ని కలవడానికి యూఎస్ఏ కి వెళ్తాడు. అక్కడ ఊర్మిళ ఇంట్లో ఉన్న సిఫ్రా (కృతి సనన్) అనే ఒక అమ్మాయిని చూసి ఇష్టపడతాడు. సిఫ్రా కూడా ఆర్యన్ తో ప్రేమలో పడుతుంది.

కానీ తర్వాత ఆర్యన్ కి సిఫ్రా ఒక మనిషి కాదు, రోబోట్ అని, ఊర్మిళ ఇదంతా కూడా టెస్టింగ్ కోసం చేసింది అని అర్థం అవుతుంది. రోబోట్స్ కి ఫీలింగ్స్ ఉంటే ఎలా ఉంటుంది అనే విషయం మీద ఊర్మిళ టెస్టింగ్ చేసే క్రమంలో, ఆర్యన్ తో సిఫ్రా ప్రేమలో పడాలి అని ఇదంతా ముందే చేసినట్టు తెలుస్తుంది. కానీ అప్పటికే ఆర్యన్ సిఫ్రాని ప్రేమిస్తాడు. తర్వాత ఈ రోబోట్ ని ఇండియాలో లాంచ్ చేద్దాం అనుకుంటున్నారు కాబట్టి, ఇండియా వాతావరణంలో ఈ రోబోట్ ఎలా ఉంటుందో తాను టెస్ట్ చేస్తాను అని, ఇందుకోసం సిఫ్రాని తన ఇంటికి తీసుకెళ్తాను ఊర్మిళతో అని చెప్పి ఆర్యన్, సిఫ్రాని తన ఇంటికి తీసుకెళ్లి, తాను ప్రేమించిన అమ్మాయి అని పరిచయం చేస్తాడు.

ఆ తర్వాత ఏం జరిగింది. సిఫ్రా మనుషులు మాట్లాడేవి అర్థం కాక ఎలాంటి పనులు చేసింది. ఇవన్నీ తెలుసుకోవాలి అంటే మీరు సినిమా చూడాల్సిందే. రోబోట్ తో ప్రేమ కథ అనే విషయం మీద రజనీకాంత్ హీరోగా నటించిన రోబో సినిమా వచ్చింది. కానీ ఈ సినిమాలో నిజంగా ఒక రోబోట్ అమ్మాయికి ఫీలింగ్స్ ఉంటాయి ఎలా ఉంటుంది అనే విషయాన్ని చూపించారు. సినిమాలో కామెడీ చాలా ఎక్కువగా ఉంటుంది. చాలా సీన్స్ నవ్వు కూడా తెప్పిస్తాయి. సినిమాకి రెండవ భాగం ఉంటుంది అన్నట్టే ఇది ముగిస్తారు.

సినిమాలో ముందుగా చెప్పుకోవాల్సింది కృతి సనన్ పర్ఫార్మెన్స్ గురించి. రోబోట్ పాత్రలో చాలా బాగా నటించారు. ముఖ్యంగా షాహిద్ కపూర్ కి, కృతి సనన్ కి మధ్య వచ్చే కామెడీ సీన్స్ తెరపై చాలా బాగా కనిపించాయి. ప్రస్తుతం అయితే ఈ సినిమా అమెజాన్ ప్రైమ్ లో రెంట్ కి అందుబాటులో ఉంది. మరి అమెజాన్ ప్రైమ్ లో ఈ సినిమా ఉచితంగా రావాలి అంటే ఇంకా కొద్ది రోజులు ఆగాల్సిందే. ఒకవేళ రెంట్ కడితే ఈ సినిమాని ఇప్పుడే చూసే అవకాశం కూడా ఉంది.

ALSO READ : రామ్ చరణ్ “జరగండి” పోస్టర్‌లో ఇది గమనించారా..? ఈ పుస్తకానికి ఇంత గొప్ప చరిత్ర ఉందా..?

ఈమధ్య మంచి థ్రిల్లర్ జానర్ మూవీలు…మూవీ లవర్స్ ని బాగా ఆకట్టుకుంటున్నాయి.
ప్రతిక్షణం ఉత్కంఠ కలిగిస్తూ తర్వాత ఏం జరుగుతుందో అనే క్యూరియాసిటీ కలిగించడంలో డైరెక్టర్లు సఫలమవుతున్నారు. ఈ మధ్య ఓటిటి పుణ్యమా అంటూ ప్రతి భాషలోనూ సూపర్ హిట్ అయిన మూవీలు అందరికీ అందుబాటులోకి వస్తున్నాయి. గత ఏడాది సెప్టెంబర్లో తమిళ్లో విడుదలైన పరంపొరుల్ మూవీ తాజాగా ఈటీవీ విన్ ఓటిటి యాప్ లో స్టీమ్ అవుతుంది. ఇక ఈ సినిమా కథ విషయానికి వొస్తే……!

గౌరీ(అమితాశ్ ప్రధాన్‌) ఒక సాధారణ మధ్యతరగతి యువకుడు. అతని చెల్లి అనారోగ్య సమస్య వల్ల ఇబ్బంది పడుతూ ఉంటుంది. ఆమెను బతికించుకోవడానికి డబ్బుకోసం కష్టపడుతుంటాడు. అయితే తండ్రిలా కష్టపడి సంపాదించకుండా ఈజీగా సంపాదించాలని దొంగతనాలు చేస్తాడు. గౌరీ ఒకప్పుడు అక్రమంగా విగ్రహాలను స్మగుల్ చేసే సద్గుణ దగ్గర పనిచేస్తాడు. అతడు చనిపోవడంతో తర్వాత దొంగతనాలు చేస్తూ ఉంటాడు. ఇక ఒక రాత్రి పోలీసాఫీసర్ అయిన మైత్రేయన్ (శరత్ కుమార్) ఇంట్లో దొంగతనం చేయడానికి వెళ్లి దొరికిపోతాడు. ఇక లంచగొండి అయిన మైత్రేయన్.. ఎక్కువ డబ్బు సంపాదించి రిటైర్ అయ్యి.. హ్యాపీ గా జీవించాలని ఆశపడతాడు. అంతేకాకుండా విడిపోయిన భార్య, కూతురుకు ఎలాంటి బాధలు లేకుండా చేయాలని ఆరాటపడతాడు.

అలాంటి సమయంలోనే విగ్రహాలను అక్రమంగా తరలించే సద్గుణ దగ్గర పనిచేసిన గౌరీ చేతికి చిక్కడంతో…అతడిని వాడుకొని అక్రమంగా డబ్బు సంపాదించాలని ప్లాన్ చేస్తాడు. ఇక ఆ ప్లాన్ ను గౌరికి చెప్పి… చెయ్యకపోతే జైలుకు పంపిస్తానని బెదిరిస్తాడు. ఒకపక్క చెల్లి ఆపరేషన్.. ఇంకోపక్క జైలు.. దీంతో గౌరీ చేసేదేం లేక మైత్రేయన్ తో చేతులు కలుపుతాడు.

నాగపట్నం దగ్గరలోని ఒక ఊరి చివర పొలంలో దాదాపు 1000 సంవత్సరాల క్రితం నాటి ఒక బుద్ధ విగ్రహన్ని స్మగుల్ చేయాలని గౌరికి ఆఫర్ వస్తుంది. ఇక ఆ డీల్ ను ఎలా అయినా సెట్ చేసి రూ.50 కోట్లు తీసుకోవాలని ప్లాన్ చేస్తారు. ఆ విగ్రహాన్ని తీసుకొని డీలర్స్ దగ్గరకు వెళ్లి రూ. 15 కోట్లకు బేరం ఆడతారు. అయితే ఆ విగ్రహం కోసం వెతికే మరో గ్యాంగ్ వీరిపై అటాక్ చేయడంతో మధ్యలో ఆ విగ్రహం విరిగిపోతుంది. దీంతో తాము అనుకున్న డబ్బులు రావేమో అని అలాంటి విగ్రహాన్ని మరొకటి తయారుచేయించి అమ్మడానికి ప్లాన్ చేస్తారు. దానికోసం మైత్రేయన్ అప్పటివరకు అక్రమంగా సంపాదించిన డబ్బు మొత్తాన్ని ఒక ప్రొఫెసర్ కు లంచంగా ఇస్తాడు. అది ఒరిజినల్ అని డీలర్స్ కు ప్రొఫెసర్ చెప్పడంతో డీల్ ఓకే అయ్యి డబ్బు చేతికి వచ్చాకా గౌరీని చంపేయాలని మైత్రేయన్ ప్లాన్ చేస్తాడు. ఇక లాస్ట్ మినిట్ లో పోలీసులు డీల్ జరిగే ప్రదేశానికి వచ్చి మైత్రేయన్ ను, డీలర్స్ ను అరెస్ట్ చేస్తారు.

ఇక్కడే మైత్రేయన్ కు దిమ్మతిరిగే షాక్ తగులుతుంది.మొదట్లో గౌరీనీ గొర్రె అనుకున్న మైత్రేయన్ కు.. అసలు గొర్రె తానే అర్థమవుతుంది.అసలు గౌరీ ఎవరు..? మైత్రేయన్ పై ఎందుకు పగ తీర్చుకున్నాడు..? పర్ఫెక్ట్ గా ప్లాన్ చేసి మైత్రేయన్ ను జైలుకు ఎందుకు పంపాడు అనేది సినిమా చూసి తెలుసుకోవాల్సిందే…! ఈ సినిమా ఇప్పుడు థ్రిల్లర్ ప్రేక్షకులను బాగా ఆకట్టుకుంటుంది. ప్రధాన నటులు నటన సినిమాకు బాగా ప్లస్ అయింది. దర్శకుడు టేకింగ్ బాగుంది. ఇక ఈ చిన్న సినిమాకు యువన్ శంకర్ రాజ సంగీతం అందించడం విశేషం.

గతంలో కంటే ఇప్పుడు ప్రేక్షకులు సినిమాలు చూడడం అనేది ఎక్కువ అయ్యింది. అందుకే ఓటీటీలో కూడా కొత్త కాన్సెప్ట్ ల మీద సినిమాలు వస్తున్నాయి. ఇప్పుడు అలాగే మరొక కొత్త సినిమా వచ్చింది. ఇది ఒక ప్రేమ కథ. ఈ సినిమా పేరు ఓండు సరళ ప్రేమ కథే. ఇందులో వినయ్ రాజ్‌కుమార్, మల్లికా సింగ్ హీరో హీరోయిన్లుగా నటించారు. సుని ఈ సినిమాకి దర్శకత్వం వహించారు. ఇంక ఈ సినిమా కథ విషయానికి వస్తే, ఒక వ్యక్తి మ్యూజిక్ డైరెక్టర్ అవ్వాలి అని అనుకుంటాడు. ఒక గొంతు కోసం అతను వెతుకుతూ ఉంటాడు. ఆ గొంతు ఉన్న వ్యక్తిని ప్రేమించాలి అని అనుకుంటాడు.

ఇదే కాన్సెప్ట్ మీద సినిమా అంతా నడుస్తుంది. ఈ సినిమా ఇప్పుడు అమెజాన్ ప్రైమ్ వీడియోలో స్ట్రీమ్ అవుతోంది. ఇది ఒక కన్నడ సినిమా. ఇప్పుడు ఈ సినిమా కేవలం కన్నడ భాషలో మాత్రమే స్ట్రీమ్ అవుతోంది. కాకపోతే సబ్ టైటిల్స్ కూడా అందుబాటులో ఉన్నాయి. ఈ సినిమాకి వీర్ సమర్థ్ సంగీత దర్శకత్వం వహించారు. మైసూర్ రమేష్ ఈ సినిమాని నిర్మించారు. కన్నడలో ఫిబ్రవరి 8వ తేదీన ఈ సినిమా విడుదల అయ్యింది. సైలెంట్ గా ఎటువంటి అంచనాలు లేకుండా విడుదల అయ్యి మంచి టాక్ సంపాదించుకుంది. మల్లికా సింగ్ ఈ సినిమాతో హీరోయిన్ గా అడుగు పెట్టారు.

రాధాకృష్ణ సీరియల్ లో మల్లికా సింగ్ రాధా పాత్రలో నటించారు. ఆ సీరియల్ ద్వారా మల్లికా సింగ్ చాలా మందికి తెలుసు. ఇప్పుడు సినిమా ద్వారా ప్రేక్షకులని పలకరించారు. నటీనటులు అందరూ కూడా తమ పాత్రలకి తగ్గట్టు నటించారు. ప్రేమ కథకి ముఖ్యమైనది సంగీతం. ఈ సినిమా పాటలు కూడా చాలా పెద్ద హిట్ అయ్యాయి. తెలుగులో లేకపోయినా పర్వాలేదు, సబ్ టైటిల్స్ తో చూడొచ్చు అని అనుకునేవారు ఈ సినిమాని మిస్ అవ్వకుండా చూసేయండి. తెలిసిన కథ అయినా కూడా, ఒక ఫీల్ గుడ్ సినిమా ఇది. ఒక మంచి సినిమా చూశాం అనే అనుభూతిని ఇస్తుంది. లవ్ స్టోరీస్ ఇష్టపడే వారిని ఈ సినిమా అస్సలు నిరాశపరచదు. కాబట్టి మిస్ కాకుండా చూసేయండి.

ALSO READ : చాలా సినిమాలని సాయి పల్లవి రిజెక్ట్ చేస్తే… సాయి పల్లవికే హీరో నో చెప్పాడంట.? ఎవరంటే.?

ఎంటర్టైన్మెంట్ రంగంలో ఇప్పుడు కొత్త ట్రెండ్ నడుస్తోంది. ఇంతకుముందు కొత్త సినిమాల కోసం ఎదురుచూసే ప్రేక్షకులు రాను రాను ఓటీటీ లో సినిమాలు, వెబ్ సిరీస్ విడుదల కోసం వెయిట్ చేస్తున్నారు. ఎందుకంటే హాల్ కి వెళ్లి చూసే టైం, ఇంట్రెస్ట్ లేని వాళ్ళు హ్యాపీగా ఇంట్లో కూర్చొని సినిమాలోని వెబ్ సిరీస్ ని చూస్తున్నారు.

వారం, వారం కొత్త కొత్త సినిమాలు, కొత్త కొత్త వెబ్ సిరీస్ లు ఓటీటీ లో రిలీజ్ అవుతూ ఉండటంతో వాటికే ఎక్కువ ప్రిఫరెన్స్ ఇస్తున్నారు నేటి యువత. యువత అభిరుచులకు తగ్గట్టుగానే ఫ్యామిలీ ఎంటర్టైన్మెంట్, హర్రర్, క్రైమ్ థ్రిల్లర్ జోనర్ లో వెబ్ సిరీస్ ఆడియన్స్ కి బాగా కనెక్ట్ అవుతున్నాయి. భాష ఏదైనా సరే కంటెంట్ బాగుంటే సబ్ టైటిల్స్ తో అయినా సదరు సినిమాను గాని సీరీస్ ని గాని ఎంజాయ్ చేస్తున్నారు.

అలాగే ఇప్పుడు ఓటీటీ లో మెడికల్ జోనర్ లో వచ్చిన హార్ట్ బీట్.. ది రిథమ్ ఆఫ్ లైఫ్ సిరీస్ స్ట్రీమింగ్ అవుతుంది. ఇది తమిళ వెర్షన్ వెబ్ సిరీస్. ఉమెన్స్ డే సందర్భంగా మార్చి 8 నుంచి డిస్నీ ప్లస్ హాట్ స్టార్ లో స్ట్రీమింగ్ అవుతుంది. రొమాంటిక్ యూత్ ఫుల్ సిరీస్ గా తెరకెక్కించబడింది. కథ విషయానికి వస్తే ట్రైనీ డాక్టర్ రీనా పాత్ర చుట్టూ కథ తిరుగుతుంది. ఒక పెద్ద కార్పొరేట్ హాస్పిటల్ లో రీనా అనే ట్రైనీ డాక్టర్ మొదటి రోజు ఆలస్యంగా వస్తుంది. దానివల్ల సీనియర్ డాక్టర్ రాధిక కోపానికి గురవుతుంది.

తర్వాత ఆమె ఎక్కడికి వెళ్ళినా ఇబ్బందులు ఎదురవుతూనే ఉంటాయి. అయితే ఆ ఇబ్బందులను రీనా ఎలా సాల్వ్ చేసుకుంటుంది. ఆమె నేపథ్యం ఏమిటి అన్నదే కధ. ఈ సిరీస్ ని అమెరికన్ షో గ్రేస్ అనాటమీ ఆధారంగా తెరకెక్కించారు. సుందర రాజన్ దర్శకత్వంలో తెరకెక్కిన ఈ సిరీస్ లో మలయాళీ నటి అనుమోల్, యోగలక్ష్మి, థాపా, దీపా బాలు, చారుకేష్, జయరావు, గిరి ద్వారకేష్, దేవిశ్రీ, కవితాలయ కృష్ణన్ తదితరులు నటించారు.

View this post on Instagram

A post shared by Disney+ Hotstar Tamil (@disneyplushotstartamil)

ప్రియమణి లీడ్ రోల్ లో నటించిన ‘భామాకలాపం’ 2022లో రిలీజ్ అయ్యి, విజయం సాధించిన విషయం తెలిసిందే. ఇప్పుడు ఆ సినిమాకి సీక్వెల్‌ గా తెరకెక్కిన భామాకలాపం 2 నేడు ప్రముఖ ఓటీటీ ప్లాట్ ఫామ్ ఆహాలో రిలీజ్ అయ్యింది. థ్రిల్లర్‌గా తెరకెక్కిన ఈ మూవీ ఎలా ఉందో ఇప్పుడు చూద్దాం..

• చిత్రం : భామా కలాపం 2.
• నటీనటులు : ప్రియమణి, శరణ్య ప్రదీప్, సీరత్ కపూర్, సందీప్ వేద్ తదితరులు..
• నిర్మాత : బాపినీడు భోగవల్లి, సుధీర్ ఈదర.
• దర్శకత్వం : అభిమన్యు తడిమేటి
• సంగీతం : ప్రశాంత్ ఆర్ విహారి
• విడుదల తేదీ : ఫిబ్రవరి 16, 2024
• ఓటీటీ : ఆహా

స్టోరీ:

భామాకలాపం తొలి పార్ట్ ఎండింగ్ అయిన దగ్గర నుండి సీక్వెల్  మొదలవుతుంది. అనుపమ (ప్రియమణి) కొత్త ఇంటికి మారడంతో అక్కడ ఆమె లైఫ్ మరింత సంతోషంగా మారుతుంది. ఇతరుల సంగతులు పట్టించుకోనని అనుపమ భర్తకు మాట ఇస్తుంది.  ఆమె యూట్యూబ్‌ ఛానెల్ కు సబ్‌స్క్రైబర్స్ వన్ మిలియన్ దాటుతారు.  ఆ ఛానెల్ ద్వారా వచ్చిన డబ్బుతో  పాత ఇంట్లో పని చేసిన శిల్ప (శరణ్య ప్రదీప్) ను పార్ట్‌నర్‌ చేసుకొని ‘అనుపమ ఘుమఘుమ’ పేరుతో రెస్టారెంట్‌ను మొదలుపెడుతుంది.

అంతా హ్యాపీ అనుకుంటూ ఉండగా, ఒక సమస్య వస్తుంది. దానిని సాల్వ్  చేయడం కోసం నార్కోటిక్స్‌ కంట్రోల్‌ బ్యూరో ఎక్స్ ఆఫీసర్ ను  సంప్రదిస్తుంది. అయితే ముందు అంగీకరించిన ఆఫీసర్, ఆ తర్వాత 2  ఆప్షన్లు ఇచ్చి, ఏదో ఒకటి చేయాలని అంటాడు. అసలు ఆ ఆఫీసర్ ఎందుకు మారాడు?వెయ్యి కోట్ల విలువ ఉన్న కోడి పుంజు బొమ్మను దొంగిలించే ప్రయత్నంలో అనుపమకు ఎలాంటి పరిస్థితులు ఎదురయ్యాయి? అందులో ఏం ఉంది? ఈ స్టోరీలో జుబేదా (సీరత్‌ కపూర్‌)  పాత్ర ఏమిటి? వంటి ప్రశ్నలకి సమాధానం  తెలియాలంటే ఈ మూవీ చూడాల్సిందే.

రివ్యూ :

ఇటీవల కాలంలో సీక్వెల్స్‌ హవా కనిపిస్తోంది. ఒకే స్టోరీని 2, 3 పార్ట్స్ గా తెరకెక్కించడం ట్రెండ్‌ గా మారింది. ఈ మూవీ మొదటి పార్ట్ గుడ్డు చుట్టూ తిరుగగా, రెండో పార్ట్ లో దర్శకుడు కోడి పుంజు బొమ్మ చుట్టూ కథను రాసుకున్నాడు. అనుపమ కుటుంబం కొత్త ఇంటికి మారడం,రెస్టారెంట్‌ను మొదలుపెట్టడం, చూపిస్తూనే, దర్శకుడు మరో వైపు ఆంటోనీ లోబో, జుబేదా వంటి కొత్త క్యారెక్టర్లను పరిచయం చేస్తూ, వారిని స్టోరీకి కనెక్ట్‌ అయ్యేలా చూపించాడు.

అనుపమ-శిల్ప కామెడీ ట్రాక్, జుబేదా గ్లామర్‌ ఆకట్టుకుంటాయి. అక్కడక్కడా కొన్ని సీన్స్ ఎక్కువ ల్యాగ్‌ అయిన భావన వస్తుంది. అనుపమ యాక్సిడెంట్‌ చేయడంతో స్టోరీ మలుపు తిరుగుతుంది. విలన్‌ తాషీర్‌, ఇటలీలో ఉండే ఆంటోనీ లోబో,ఎన్‌సీబీ ఆఫీసర్స్ కోడి పుంజు బొమ్మను అమ్మడం కోసం స్మగ్లర్లతో డీల్ చేయడం వంటి అంశాలతో ఆ తరువాత ఏం జరుగుతుందా? అనే ఇంట్రెస్ట్ ను ఆడియెన్స్ లో కలిగించారు.ఆ బొమ్మ కోసం ఎన్సీబి మాజీ ఆఫీసర్ సదానందం ప్లాన్‌ వేయడం, దానిని అనుపమ అండ్‌ టీమ్‌ అమలు చేయడం ఇంట్రెస్ట్ ను కలిగిస్తాయి.

నటీనటుల పెర్ఫార్మన్స్   విషయానికి వస్తే, ఇంటెలిజెంట్ ఇల్లాలి పాత్రలో ప్రియమణి చక్కగా నటించారు. తొలి పార్ట్ కన్నా ఎక్కువ ఇంటెలిజెన్స్‌తో అనుపమ రోల్ ఇందులో కనిపిస్తుంది. ప్రియమణి ఆ ఛేంజ్‌ను చక్కగా తెరపై చూపించారు. శరణ్య ప్రదీప్ రోల్ కూడా తొలి పార్ట్ కన్నా ఫన్నీగా ఉంది.  సీరత్ కపూర్, అనూజ్ గుర్వారా,రుద్ర ప్రదీప్, సందీప్ వేద్, రఘు ముఖర్జీ,  తమ పాత్రల మేరకు నటించారు.

ప్లస్ పాయింట్స్ :

• ప్రియమణి యాక్టింగ్,
• ట్విస్టులు,
• సినిమాటోగ్రఫి,

మైనస్ పాయింట్స్:

• కొన్ని చోట్ల ల్యాగ్ ఎక్కువ అవడం,
• ప్రీ క్లైమాక్స్

రేటింగ్ :

2.5/5

watch trailer :

Also Read: OORU PERU BHAIRAVAKONA MOVIE PREMIERE REVIEW : “సందీప్ కిషన్” హీరోగా నటించిన “ఊరు పేరు భైరవకోన” ఆకట్టుకుందా..? స్టోరీ, రివ్యూ & రేటింగ్.!

ఓటీటీలోకి ఎప్పటికప్పుడు సరికొత్త సినిమాలువస్తుంటాయి. వారం వారం కొత్త సినిమాలు విడుదలవుతూ మూవీ లవర్స్ ని ఎంటర్టైన్ చేస్తూ ఉంటాయి. అయితే సినీ లవర్స్ కి జోనర్ తో పని లేకుండా అన్ని రకాల చిత్రాలను తిలకిస్తారు కానీ హర్రర్, క్రైం థ్రిల్లర్ తో పాటు ఇన్వెస్టిగేటివ్ థ్రిల్లర్ మూవీస్ అంటే ఎక్కువ మంది ప్రేక్షకులు ఇష్టపడుతుంటారు. అలాంటి వారి కోసమే ఓటీటీలోకి నేరుగా సరికొత్త రియల్ ఇన్వెస్టిగేటివ్ థ్రిల్లర్ మూవీ డైరెక్ట్ గా ఓటీటీలోకి స్ట్రీమింగ్ ఇచ్చింది.

బాలీవుడ్ నటి భూమి ఫెడ్నేకర్ నటించిన తాజా ఇన్వెస్టిగేషన్ థ్రిల్లర్ భక్షక్. ఈ సినిమాకి పులకిత్ దర్శకత్వం వహించగా, బాలీవుడ్ బాద్షా సొంత బ్యానర్ రెడ్ చిల్లి ఎంటర్టైన్మెంట్ పతాకంపై షారుక్ ఖాన్, గౌరీ ఖాన్ లు ఈ సినిమాని నిర్మించారు. ఈ చిత్రం నేరుగా ఓటీటీలో విడుదలైంది. ప్రముఖ ఓటీటీ వేదిక నెట్ఫ్లిక్స్ లో ఈ సినిమా ఫిబ్రవరి 9 నుంచి స్ట్రీమింగ్ అవుతుంది. పులకిత్ తెరకెక్కించిన ఈ చిత్రంలో సంజయ్ మిశ్రా,ఆదిత్య శ్రీవాత్సవ, సాయి తమ్ హంకర్ కీలక పాత్రలు పోషిస్తున్నారు.

హిందీ తోపాటు తెలుగు, తమిళ, కన్నడ, మలయాళ భాషల్లోనూ ఈ సినిమా అందుబాటులోకి వచ్చింది. ఈ విషయాన్ని నెట్ఫ్లిక్స్ సంస్థలతోపాటు చిత్ర బృందం కూడా అధికారికంగా ప్రకటించింది. ఇక కథ విషయానికి వస్తే వసతి గృహాల్లో ఉండే అనాధ అమ్మాయిలు వరుసగా అ-త్యా-చా-రానికి గురవుతూ ఉంటారు ఒక లోకల్ రౌడీ ( ఆదిత్య శ్రీ వాత్సవ ) ఈ మా-ఫి-యాని నిర్వహిస్తూ ఉంటాడు.

ఈ విషయాన్ని తెలుసుకున్న ఇన్వెస్టిగేటివ్ జర్నలిస్ట్ వైశాలి ( భూమి ఫెడ్నేకర్)వాటిని బయట పెట్టేందుకు ప్రయత్నిస్తుంటుంది. మరి బాలికలు, మహిళలపై జరుగుతున్న నేరాలను వైశాలి ఎలా గుర్తించింది? ఆధారాలతో సహా వాటిని వెలుగులోకి ఎలా తెచ్చింది? ఇలాంటి విషయాలన్నీ తెలుసుకోవాలంటే భక్షక్ సినిమాని చూడాల్సిందే అంటున్నారు మూవీ మేకర్స్. ఒక మంచి క్రై-మ్ త్రిల్లర్ సినిమాని చూడాలనుకునే వారికి భక్షక్ మంచి ఛాయిస్ అంటున్నారు.

బేబీ మూవీ ఫేమ్ విరాజ్ అశ్విన్, తెలుగు అమ్మాయి పూజిత పొన్నాడ జంటగా నటించిన చిత్రం జోరుగా హుషారుగా. ఈ సినిమా గత ఏడాది డిసెంబర్ 15న థియేటర్లలో విడుదలైంది అయితే పెద్దగా ప్రమోషన్లు నిర్వహించకపోవడం, భారీ సినిమాల మధ్యలో ఈ సినిమాని విడుదల చేయటం వలన యావరేజ్ రిజల్ట్ తో సరిపెట్టుకోవాల్సి వచ్చింది. అయితే ఇప్పుడు ఈ సినిమా ఎలాంటి ముందస్తు ప్రకటన లేకుండా ఓటీటీ లోకి స్ట్రీమింగ్ కి వచ్చేసింది.

ప్రముఖ ఓటీటీ ఫ్లాట్ఫామ్ అమెజాన్ ప్రైమ్ వీడియో ఈ సినిమా యొక్క డిజిటల్ స్ట్రీమింగ్ హక్కులని సొంతం చేసుకుంది. ఫిబ్రవరి 8 గురువారం అర్ధరాత్రి నుంచి ఈ సినిమాని ఓటీటీ లో అందుబాటులోకి తీసుకొచ్చింది. కథ విషయానికి వస్తే సంతోష్ ( విరాజ్ అశ్విన్) అప్పుచేసి కన్సల్టెన్సీ కంపెనీకి డబ్బు కడతాడు కానీ ఆ కన్సల్టెన్సీ కంపెనీ మూతపడటంతో సంతోష్ కష్టాలు పెరుగుతాయి.

ఒక సాఫ్ట్వేర్ కంపెనీలో ఉద్యోగంలో చేరిన సంతోష్ జీతం పెంచుకోవడానికి రకరకాల ప్రయత్నాలు చేస్తాడు. అదే కంపెనీలో సంతోష్ ప్రియురాలు నిత్య ( పూజిత పొన్నాడ ) కూడా ఉద్యోగం చేస్తుంటుంది. నిత్యతో తన ప్రేమాయణాన్ని ఆఫీస్ కొలీగ్స్ దగ్గర దాచిపెడతాడు సంతోష్. అతను ఎందుకు అలా చేశాడు, జీవితంలో ఎదురైన కష్టాల నుంచి ఎలా పడ్డాడు, అప్పులను తీర్చగలిగాడా అన్నదే ఈ సినిమా కథ.

అయితే ఈ పాయింట్ తో గతంలో చాలా సినిమాలు రావడంతో రొటీన్ సినిమాగా భావించిన ప్రేక్షకులు ఈ సినిమాని పెద్దగా ఆహ్వానించలేకపోయారు. ఈ సినిమాకి ప్రణీత్ సంగీతాన్ని అందించాడు, అను ప్రసాదు దర్శకత్వం వహించాడు. మరి ఓటీటీ ప్లాట్ఫారంలో ఈ సినిమాని ప్రేక్షకులు ఎలా రిసీవ్ చేసుకుంటారో, సినిమా ఎలాంటి రిజల్ట్స్ సొంతం చేసుకుంటుందో వేచి చూడాల్సిందే.