OTT Releases

ఓటీటీలో ఎన్నో కొత్త సినిమాలు విడుదల అవుతూ ఉంటాయి. ఇటీవల అలాగే ఒక సినిమా విడుదల అయ్యి హిట్ టాక్ సంపాదించుకుంది. ఇప్పుడు గత సంవత్సరం డిసెంబర్ లో ఈ సినిమా ప్రేక్షకుల ముందుకు వచ్చింది. ఆ సినిమా హౌ ఈజ్ దట్ ఫర్ ఏ మండే. సినిమా మీద ప్యాషన్ ఉన్న కొంత మంది అమెరికాలో రూపొందించిన సినిమా ఇది.

ఈ సినిమా అక్టోబర్ 29వ తేదీన థియేటర్లలో విడుదల అయ్యింది. ఇప్పుడు ఈటీవీ విన్ యాప్ లో స్ట్రీమ్ అవుతోంది. సినిమా కథ విషయానికి వస్తే శ్యామ్ (కౌశిక్ ఘంటసాల) ఇంటర్ లో స్టేట్ మొత్తంలో సెవెంత్ ర్యాంక్ తెచ్చుకుంటాడు. తర్వాత అమెరికాలో కష్టపడి ఉద్యోగం సంపాదించుకొని బతుకుతూ ఉంటాడు.

అర్జెంట్ గా క్రెడిట్ కార్డ్ మినిమం బిల్ కట్టాల్సి రావడంతో అక్షయ తృతీయ రోజు తన గర్ల్ ఫ్రెండ్ గిఫ్ట్ గా ఇచ్చిన గోల్డ్ చైన్, లాకెట్ ని తాకట్టు పెట్టి వెయ్యి డాలర్లు అప్పు తీసుకుంటాడు. ఈ వెయ్యి డాలర్లు శ్యామ్ జీవితాన్ని మారుస్తాయి. ఒక పెద్ద సమస్యలో ఇరుక్కుంటాడు. ఆ తర్వాత ఏం జరిగింది అనేది మీరు సినిమా చూసి తెలుసుకోవాల్సిందే. సినిమాలో హీరోగా నటించిన కౌశిక్ ఘంటసాల గతంలో బ్రోచేవారెవరురా, మెన్ టూ వంటి సినిమాల్లో నటించారు.

ఈ సినిమాలో శ్యామ్ పాత్రలో బాగా నటించారు. కౌశిక్ తప్ప మిగిలిన వాళ్ళు అందరూ కూడా మనకి కొత్తవారే. రాహుల్ బిరూలి అందించిన సినిమాటోగ్రఫీ బాగుంది. డాన్ విన్సెంట్ బ్యాక్ గ్రౌండ్ మ్యూజిక్ కూడా బాగుంది. ఇండిపెండెంట్ సినిమా అయినా కూడా క్వాలిటీ విషయంలో ఎటువంటి ఖర్చుకి వెనకాడకుండా సినిమా తీశారు అని అర్థం అవుతోంది.

ఈ సినిమాకి శ్రీపాల్ సామా దర్శకత్వం వహించారు. దర్శకుడు తీసుకున్న పాయింట్ బాగుంది. సినిమా నిడివి కూడా తక్కువే. సినిమా మొత్తం 88 నిమిషాలు ఉంటుంది. సినిమా బృందం మొత్తం ఈ సినిమా కోసం సిన్సియర్ గా పని చేశారు అని సినిమా చూస్తూ ఉన్నంత సేపు అర్థం అవుతుంది. డిఫరెంట్ కాన్సెప్ట్ తో ఈ సినిమా ఒక కొత్త అనుభూతి ఇస్తుంది. ఎక్కడా బోర్ కొట్టకుండా చూస్తున్నంత సేపు ఆసక్తికరంగా సాగుతుంది.

ALSO READ : రెండు సార్లు సెన్సార్ అయ్యి చిరంజీవి పరువు తీసిన ఈ సినిమా ఏంటో తెలుసా.?

ప్రతి వారం ఎన్నో కొత్త వెబ్ సిరీస్ లు, ఎన్నో సినిమాలు ఓటీటీ ద్వారా విడుదల అవుతూ ఉంటాయి. దాదాపు థియేటర్లలో విడుదల అవుతున్న సినిమాలకి లభిస్తున్న ఆదరణ వీటికి లభిస్తోంది. అందుకే తెలుగులో కూడా ఎంతో మంది ఎన్నో రకాల కొత్త కంటెంట్ ఉన్న సిరీస్, సినిమాలు విడుదల చేస్తున్నారు.

అలా ఇప్పుడు మరొక కొత్త సిరీస్ ఓటీటీలోకి రాబోతోంది. ఈ సినిమా పేరు 90స్ (నైంటీస్). ఎ మిడిల్ క్లాస్ బయోపిక్ అనేది దీని క్యాప్షన్.

ఎన్నో సినిమాల్లో హీరోగా, సహాయ నటుడిగా నటించి, డబ్బింగ్ ఆర్టిస్ట్ గా కూడా చేసి, ఇటీవల బిగ్ బాస్ ప్రోగ్రాం ద్వారా గుర్తింపు మరింత పెంచుకున్న నటుడు శివాజీ ఈ సిరీస్ లో ముఖ్య పాత్ర పోషిస్తున్నారు.  శివాజీ పక్కన హీరోయిన్ గా తొలిప్రేమ సినిమాలో పవన్ కళ్యాణ్ చెల్లెలి పాత్రలో నటించిన వాసుకి ఆనంద్ నటిస్తున్నారు. మౌళి టాక్స్ యూట్యూబ్ ఛానల్ ద్వారా ఫేమస్ అయిన మౌళి, రోహన్, వాసంతిక, స్నేహాల్ కామత్ ఇందులో ముఖ్య పాత్రలు పోషిస్తున్నారు.

ఈ సిరీస్ ని నవీన్ మేడారం, రాజశేఖర్ మేడారం నిర్మించగా, ఆదిత్య హాసన్ దీనికి దర్శకత్వం వహించారు. పేరుకు తగ్గట్టే సిరీస్ మొత్తం నైంటీస్ కాలంలోనే సాగుతుంది. సురేష్ బొబ్బిలి ఈ సిరీస్ కి సంగీతం అందించారు. శివాజీ, వాసుకి దంపతులకు ముగ్గురు పిల్లలు అని, వీరందరూ మధ్య తరగతి కుటుంబానికి చెందినవారు అని ట్రైలర్ చూస్తే అర్థం అవుతోంది. చిన్నప్పుడు ఆ పిల్లలు ఎదుర్కొనే సమస్యలు, వాళ్లు చేసే అల్లరి, చదువు అంటే భయపడడం, స్నేహం ఇవన్నీ కూడా ఇందులో చూపించారు.

అలాగే చిన్న వయసులో వచ్చే అట్రాక్షన్ లాంటివి కూడా ఇందులో చూపించినట్టు తెలుస్తోంది. ఈ సిరీస్ ఈటీవీ విన్ లో జనవరి 5వ తేదీ నుండి ప్రసారం అవుతుంది. ఈ సిరీస్ టీజర్ ని కొంత కాలం క్రితం వెంకటేష్ లాంచ్ చేశారు. ఇటీవల ఈ సిరీస్ ట్రైలర్ కూడా విడుదల చేశారు. ట్రైలర్ చూస్తూ ఉంటే లొకేషన్స్, వారి వేషధారణ ఇవన్నీ కూడా 90 ల కాలంలో ఉన్నట్టే రూపొందించారు అని అర్థం అవుతోంది. అంటే కాకుండా శివాజీ ఇందులో చంద్రశేఖర్ అనే మ్యాథ్స్ టీచర్ పాత్ర పోషిస్తున్నట్టు తెలుస్తోంది.

watch trailer :

ALSO READ : రామ్ చరణ్ తో సినిమా చేస్తా…. కానీ ఇప్పుడే కాదు…

మలయాళ చిత్రాలకు ఓటీటీలో ఉన్న క్రేజ్‌, ఫాలోయింగ్  గురించి ప్రత్యేకంగా చెప్పాల్సిన పని లేదు. డిఫరెంట్ కాన్సెప్టులతో, చాలా సహజంగా, తెరకెక్కే ఈ చిత్రాలకు తెలుగులోనూ అభిమానులు ఉన్నారు. ఎలాంటి నాటకీయత లేకుండా, ఎమోషన్స్‌కు ప్రాముఖ్యతను ఇచ్చే మాలీవుడ్‌ చిత్రాలకు సపరేట్ ఫ్యాన్‌ బేస్‌ ఉంది.

ముఖ్యంగా ఓటీటీ ప్రేక్షకులు ఈ చిత్రాలకు ఎక్కువగా కనెక్ట్‌ అవుతున్నారు. హోమ్ అనే మలయాళ సినిమా కూడా ఓటీటీలో స్ట్రీమింగ్ అవుతోంది. ఈ చిత్రం 69 వ నేషనల్ అవార్డ్ లో బెస్ట్ మలయాళ చిత్రంగా అవార్డ్ ను కూడా అందుకుంది. ఈ మూవీ ఏ ఓటీటీలో స్ట్రీమింగ్ అవుతుందో? ఆ సినిమా స్టోరీ ఏమిటో ఇప్పుడు చూద్దాం..
ఫీల్ గుడ్ మలయాళ మూవీ ‘హోమ్’ కి రోజిన్ థామస్ దర్శకత్వం వహించారు. ఇంద్రన్స్, మంజు పిళ్లై, శ్రీనాథ్ భాసి, దీపా థామస్, నస్లెన్ కె. గఫూర్, జానీ ఆంటోని, కైనకరి థంకరాజ్ వంటివారు ఈ చిత్రంలో నటించారు. ఈ మూవీ ప్రముఖ ఓటీటీ సంస్థ అమెజాన్ ప్రైమ్ వీడియోలో 2021లో ఆగస్టు 19న విడుదలైంది.
ఇక ఈ మూవీ స్టోరీ విషయానికి వస్తే, 60 ఏళ్ల ఒలివర్ ట్విస్ట్ (ఇంద్రాన్స్)ఇద్దరు కొడుకులకు తండ్రి. పెద్ద కొడుకు ఆంటోనీ (శ్రీనాథ్ బాసి), చిన్న కొడుకు చార్లెస్( నస్లెన్ కె. గఫూర్). ఆంటోనీ దర్శకుడు. అతను తీసిన మొదటి మూవీ పెద్ద విజయం సాదిస్తుంది. కానీ కానీ రెండవ మూవీకి స్టోరీ రాయలేక, ఏకాగ్రత కుదరక ఇబ్బందులు పడతాడు. మవతి మూవీ కథ రాసిన తన ఇంట్లోనే రాయాలని భావించి, ఇంటికి వస్తాడు. పెద్ద కొడుకు ఇంటికి రావడంతో ఒలివర్ చాలా సంతోషపడతాడు. తన మిత్రులతో ఆంటోనీ గురించి గొప్పగా చెప్పుకుని ఆనందపడతాడు.
అయితే ఆంటోనీ మాత్రం తన తండ్రి ఒలివర్ తో ఒక్కసారి కూడా ప్రేమగా మాట్లాడడు. ఎల్లప్పుడు ఫోన్‌ చూస్తూ ఉంటాడు.తండ్రి ఏం మాట్లాడినా ఫోన్ చూసుకుంటూ ఆంటోనీ ‘ఊ ఊ’ అని అంటుంటాడు. అయితే తన కొడకులు ఇద్దరు ఎందుకు ఆ స్మార్ట్ ఫోన్‌కి బానిసలా మారి, తమ చుట్టూ ఉన్నవాళ్ళను పట్టించుకోవడం లేదని అనుకుంటాడు. ఒలివర్ టెక్నాలజీ  గురించి తెలుసుకోవాలని, ఫేస్ బుక్, ఇన్‌స్టాగ్రామ్, వాట్సాప్ వంటి గురించి తెలుసుకుంటుంటాడు. ఆ తరువాత తండ్రి కొడుకుల మధ్య ఏం జరిగింది? ఎలాంటి సమస్యలు ఎదురయ్యాయి అనేది మిగిలిన స్టోరీ.

Also Read: ఆదికేశవ మూవీలోని ఈ సీన్ చూశారా..? ఆ హిట్ మూవీ నుండి కాపీ చేశారా..?

ప్రేమిస్తే మూవీతో సౌత్ ఇండస్ట్రీలో భరత్ సంచలనం సృష్టించారు. ఈ చిత్రం అప్పట్లో భారీ విజయాన్ని సాధించడమే కాకుండా, భరత్ కు హీరోగా మంచి క్రేజ్ ఏర్పరచింది. కోలీవుడ్ హీరో భరత్ ఆ మూవీ హిట్ అవడంతో  తెలుగులో కూడా ఫాలోయింగ్ వచ్చింది.

ప్రేమిస్తే తరువాత భరత్ నటించిన పలు తమిళ సినిమాలు తెలుగులో రిలీజ్ అయ్యి, పాజిటివ్ రెస్పాన్స్ తెచ్చుకున్నాయి. భరత్ హీరోగా నటించిన 50వ మూవీ లవ్. ఈ మూవీ ఆహా ఓటీటీలో స్ట్రీమింగ్ అవుతోంది. ఆ సినిమా స్టోరీ ఏమిటో ఇప్పుడు చూద్దాం..
భరత్ తమిళ, మలయాళం, హిందీ, తెలుగు భాషలలో హీరోగా, సైడ్ హీరోగా పలు చిత్రాల్లో నటించారు. 2020 లో  మలయాళంలో విజయం సాధించిన లవ్ మూవీని అదే టైటిల్ తో భరత్ హీరోగా తమిళంలో రీమేక్ చేశారు. ఈ చిత్రంలో వాణిభోజ‌న్ హీరోయిన్‌గా న‌టించింది. ఈ ఏడాది జూలై 28న రిలీజ్ అయిన ఈ మూవీకి ఆర్పీ బాల దర్శకత్వం వహించారు. సెప్టెంబర్ 8 నుండి ఈ రొమాంటిక్ థ్రిల్ల‌ర్ ప్రముఖ ఓటీటీ ఆహాలో తెలుగులో స్ట్రీమింగ్ కి వచ్చింది.
ఇక ఈ మూవీ కథ విషయానికి వస్తే, అజ‌య్‌, దివ్య ప్రేమించి పెళ్లి చేసుకుంటారు. వీరి పెళ్లి వద్దని దివ్య తండ్రి వ‌ద్ద‌ని ఎంతగా చెప్పినా వినకుండా అజ‌య్‌ ని పెళ్లి చేసుకుంటుంది. అయితే పెళ్లైన సంవత్సరంలోనే ఇద్ద‌రి మ‌ధ్య గొడ‌వ‌లు ప్రారంభం అవుతాయి. అజ‌య్ చేస్తున్న బిజినెస్‌లో నష్టాలు రావ‌డంతో, మద్యానికి బానిస‌ అవుతాడు. అదే సమయంలో దివ్య గర్భవతి అని తెలుస్తుంది. చెక‌ప్‌ కోసం దివ్య హాస్పటల్ కి వెళుతుంది.
అజ‌య్‌ ఇంట్లోనే తాగుతూ ఉంటాడు. దివ్య కాల్ చేసినా ఫోన్ లిఫ్ట్ చేయడు. దాంతో దివ్య అతని పై సీరియ‌స్ అవుతుంది. అతనిలో మార్పు రాద‌ని శాశ్వ‌తంగా అతని నుండి వెళ్లిపోవ‌డానికి సిద్ధం అవుతుంది. అజ‌య్‌ ఎంతగా క‌న్వీన్స్ చేసినా దివ్య అత‌ని మాట విన‌దు. దాంతో కోపం వచ్చిన అజ‌య్‌ దివ్య‌ను నెట్టేస్తాడు. ఆమెకు దెబ్బ బలంగా త‌గ‌ల‌డంతో అక్కడిక్కడే చ‌నిపోతుంది. ఆ తర్వాత ఏం జరిగింది? అజ‌య్‌ లైఫ్ లో ఏలాంటి పరిణామాలు చోటు చేసుకున్నాయి అనేది మిగిలిన కథ.

Also Read: SALAAR REVIEW : “ప్రభాస్” ఈ సినిమాతో హిట్ కొట్టినట్టేనా..? స్టోరీ, రివ్యూ & రేటింగ్.!

మలయాళ సినిమాలు చాలా వైవిద్యంగా ఉంటాయి. చాలా సింపుల్ స్టోరీని తీసుకుని బాగా ఎంగేజింగ్ చెప్పడంలో మలయాళీ దర్శకులు ఆరి తేరిపోయారు.

ఓటిటి ల పుణ్యమా అంటూ మలయాళం సినిమాలు ప్రతిదీ కూడా తెలుగులో డబ్బింగ్ అవుతున్నాయి.
అలా వచ్చిన మూవీని ఫలిమీ… డిస్నీ ప్లస్ హాట్ స్టార్ లో స్టీమ్ అవుతున్న ఈ మూవీ ఎలా ఉంది ప్రేక్షకులను ఆకట్టుకున్న లేదా అనేది చూద్దాం…!

అనూప్ ఒక డబ్బింగ్ ఆర్టిస్ట్. హిందీ సీరియల్ హే సులోచనాలో హీరో క్యారెక్టర్ కి డబ్బింగ్ చెబుతాడు. అనూప్ తండ్రి (జగదీశ్) ఖాళీగా ఇంట్లో కూర్చుంటాడు. ఒకప్పుడు ప్రింటింగ్ ప్రెస్ నడిపేవారు అది లాభసాటిగా లేకపోవడంతో మూసేశారు. అనూప్ తల్లి (మంజూ పిళ్ళై) వేరే ప్రెస్‌లో ఉద్యోగానికి వెళుతుంది. విదేశాలు వెళ్లాలని అను తమ్ముడు (సందీప్ ప్రదీప్) కలలు కంటూ ఉంటాడు.కాశీకి వెళ్లాలని ప్రయత్నించే తాతయ్య (మీనరాజ్), పెళ్లి చేసుకోవాలని 15 సంబంధాలు చూసిన అనూప్ ఇలా ఒకరితో మరొకరికి సత్సంబంధాలు లేని ఫ్యామిలీ వీళ్లది.

అనూప్ మూడు నెలల క్రితం చూసిన అమ్మాయి అనఘా (రైనా రాధాకృష్ణ)పెళ్లికి ఒకే చెప్పడంతో పెళ్లికి సిద్ధమవుతారు. నిశ్చితార్థం రోజున అనఘా వెనుక తాను ఐదు నెలలు పాటు తిరిగానని గొడవ చేయడంతో మండపం నుంచి అనూప్ కోపంగా ఇంటికి వెళతాడు, దాంతో పెళ్లి ఆగుతుంది. ఆ తర్వాత ఫ్యామిలీ అందరూ కలిసి కాశీ వెళతారు. కాశీ ప్రయాణంలో అనూప్ ఫ్యామిలీకి ఎటువంటి పరిస్థితులు ఎదురయ్యాయాయి? చివరకు ఏమైంది? అనేది మిగతా కథ….!

కాలేజ్ ఫ్రెండ్స్ లేదా ప్రేమికులు విహారయాత్రకు వెళ్లిన నేపథ్యంలో రోడ్ జర్నీ మూవీస్ చాలా ఎక్కువగా వచ్చాయి. అయితే మిడిల్ క్లాస్ ఫ్యామిలీ రోడ్ జర్నీ నేపథ్యంలో తీసిన మూవీ కావడం ఫలిమీ స్పెషాలిటీ. ఈ సినిమాలో మిడిల్ క్లాస్ కష్టాలు, వారి పరిస్థితులు నవ్వులు పూయిస్తాయి. ఫలిమీ ప్రారంభంలో పాత్రల పరిచయానికి దర్శకుడు ఎక్కువ సమయం తీసుకున్నాడు. హీరో పెళ్లి చూపుల నుంచి కామెడీ ట్రాక్ ఎక్కుతుంది. నిశ్చితార్థంలో గొడవ తర్వాత హీరో ఇంట్లో సన్నివేశం బాగా నవ్విస్తుంది.

కాశీ ప్రయాణం కూడా తొలుత నవ్వులు పూయిస్తుంది. అయితే… ప్రయాణం ముందుకు సాగుతున్న కొద్ది భారం నడుస్తూ ఉంటుంది. హీరో హీరోయిన్ల మధ్య ఎపిసోడ్ చాలా సింపుల్‌గా ముగించారు. ఫలిమీ కథ-కథనాలు-సన్నివేశాలు చాలా సహజంగా ఉంటాయి. సిట్యువేషనల్ కామెడీ నవ్విస్తుంది. అయితే కథలో అసలు విషయాన్ని చాలా తేలికగా తేల్చేశారు. సినిమాలో మంచి ఎమోషన్ ఉంది. తండ్రి కొడుకులు ఎందుకు మాట్లాడుకోరు? కాశీలో ఆ ఇద్దరు మాట్లాడుకోవాల్సిన వచ్చినప్పుడు ఏం జరిగింది? వంటి అంశాలను బాగా ఆవిష్కరించే స్కోప్ ఉన్న కూడా సరిగ్గా ఆవిష్కరించలేదు.

తాతయ్య, పక్కింటి తాతయ్య మధ్య సన్నివేశాలు బాగా తీశారు. పాటలు కథలో భాగంగా వచ్చాయి. డబ్బింగ్ సాంగ్స్ కనుక గుర్తు ఉండవు. నేపథ్య సంగీతం సినిమాకి తగ్గట్టు ఉంది. కెమెరా వర్క్, ప్రొడక్షన్ వేల్యూస్ పర్వాలేదు. ఇక నటీనటుల విషయానికి వస్తే మిడిల్ క్లాస్ యువకుడి పాత్రలకు బసిల్ జోసెఫ్ కేరాఫ్ అడ్రస్ అని చెప్పవచ్చు. చదువు సంధ్యలు వంటబట్టని, మంచి ఉద్యోగం లేని, పెళ్లి కాని యువకుడిగా అతనిలో ఫ్రస్ట్రేషన్ ను చక్కగా చూపించారు. న్యాచురల్ గా యాక్టింగ్ చేశారు. ఈ సినిమాకి అతని నటనే ప్రధాన బలం.హీరో తమ్ముడిగా సందీప్ ప్రదీప్ మంచి నటన కనబరిచారు.

ఆయన క్యారెక్టర్ ఇంట్రడక్షన్ సీన్స్, కోపం ప్రదర్శించే సన్నివేశాల్లో అతని పాత్ర యూత్ కి బాగా కనెక్ట్ అవుతుంది. తాతయ్యగా నటించిన మీనరాజ్ చక్కగా నటించారు. జగదీశ్, మంజూ పిళ్ళై తదితరులు పాత్రల పరిధి మేరకు నటించారు. ఫైనల్ గా ఒక డిఫరెంట్ మూవీ ని చూడాలనుకునే వారు ఈ సినిమా పైన ఒక లుక్ చేయవచ్చు. కుటుంబంలో వచ్చే కామెడీ సీన్స్, గొడవలు, ఎమోషన్స్, జర్నీ సీన్స్ ఆకట్టుకుంటాయి. సహజత్వంతో ఉన్న మిడిల్ క్లాస్ పాత్రలకు బాగా కనెక్ట్ అవుతారు

కన్నడ ఇండస్ట్రీ నుంచి వచ్చిన కేజీఎఫ్, కాంతార లాంటి చిత్రాలు పాన్ ఇండియా స్థాయిలో సంచలన విజయాన్ని సాధించాయి. ఈ విజయాలు దేశమంతా కన్నడ ఇండస్ట్రీ వైపు చూసేలా చేశాయి. శాండల్ వుడ్ లో బ్యాక్ టు బ్యాక్ చిన్న సినిమాలు రిలీజ్ అయ్యి విజయం సాధిస్తున్నాయి.

కన్నడ చిత్రాలకు ఓటీటీలో మంచి రెస్పాన్స్ వస్తోంది. ఈ క్రమంలో ప్రముఖ కన్నడ యాక్టర్ రాజ్ బి శెట్టి నటించిన టోబి సినిమా ఓటీటీలో స్ట్రీమింగ్ కి వచ్చింది. ప్రముఖ ఓటీటీ సోనీ లీవ్ లో స్ట్రీమింగ్ అవుతున్న ఈ హిట్ మూవీ స్టోరీ ఏమిటో ఇప్పుడు చూద్దాం..నటుడు రాజ్ బి. శెట్టి  కన్నడ చిత్రసీమలో ఓ ట్రెండ్ ను సృష్టించారు. ఇండస్ట్రీలో తన మార్క్ ను చూపించారు. శెట్టి నటుడు మాత్రమే కాదు దర్శకుడు మరియు స్క్రీన్ రైటర్ కూడా. ఆయన నటించే చిత్రాలన్నీ వైవిధ్యంగా ఉంటాయి. యుక్ మొత్తే కతి, గరుడ గమన వృషభ వాహన చిత్రాలలో విభిన్నమైన కథలతో ఆడియెన్స్ కు చేరువయ్యారు. రక్షిత్ శెట్టి, రిషభ్ శెట్టిలకి మంచి స్నేహితుడు. ఈ ముగ్గురి నుండి సినిమా వస్తుందంటే కన్నడ ప్రేక్షకులు ఎంతో ఆసక్తితో ఎదురు చూస్తుంటారు.
ఈ ఏడాది రాజ్ బి. శెట్టి మరొక డిఫరెంట్ మూవీ ‘టోబి’ తో ఆడియెన్స్ ని పలకరించారు. టోబి మూవీ ఆగస్ట్ 25న రిలీజ్ అయ్యి, హిట్ టాక్ తెచ్చుకుంది. ప్రస్తుతం ఈ మూవీ సోనీ లీవ్ లో తెలుగులోను స్ట్రీమింగ్ అవుతోంది. ఇక ఈ మూవీ కథ విషయానికి వస్తే, టోబీ ఒక విడిచిపెట్టిన పిల్లవాడు. చిన్నతనంలో అనేక వేధింపులకు గురి అవుతాడు. అతనికి పేరు కూడా లేదు.  ఆ పిల్లవాడికి ఆశ్రయం ఇచ్చినవారు టోబీ అని పిలుస్తారు.
టోబీ కోపం ఎక్కువగా ఉంటుంది. అతనికి కోపం వచ్చినపుడు చంపేస్తాడు. టోబీతో పాటు అతని కోపం కూడా పెరుగుతుంది. విపరీతమైన కోపం వల్ల అతను పాపులర్  అవుతాడు. అతనికి నచ్చినవారు చెబితేనే ఏదైనా వింటాడు. అయితే కొందరు  వ్యక్తిని కొందరు టోబీని స్వార్ధం కోసం వాడుకుంటారు. ఆ విషయం తెలుసుకున్న టోబీ ఏం చేశాడు? వారి పై ఎలా ప్రతీకారం తీర్చుకున్నాడు అనేది మిగిలిన కథ.

Also Read: “యనిమాల్” లో హీరో ఎంట్రీ సీన్ అంత పెద్ద హిట్ అవ్వడానికి కారణం వీరేనా..?

గంధపు చెక్కల స్మగ్లర్‌ గా దేశవ్యాప్తంగా సంచలనం సృష్టించిన వీరప్పన్‌ పేరు వినని ఇండియన్స్ ఉండరని చెప్పవచ్చు. వీరప్పన్‌ జీవితం ఆధారంగా ఇప్పటికే పలు చిత్రాలు, డాక్యుమెంటరీలు తెరకెక్కాయి. వీరప్పన్‌ లైఫ్ లోని మరిన్ని సీక్రెట్స్ చెబుతామంటూ ఒక  వెబ్‌ సిరీస్‌ తెరకెక్కింది.

కూసే మునిస్వామి వీరప్పన్ అనే టైటిల్ తో తెరకెక్కిన ఈ డాక్యుమెంటరీ వెబ్‌ సిరీస్‌ డిసెంబర్ 14 నుండి ప్రముఖ ఓటీటీ ప్లాట్‌ ఫామ్‌ జీ5 లో స్ట్రీమింగ్ అవుతోంది. తమిళంతో పాటుగా తెలుగు, హిందీ, కన్నడ భాషల్లో ఈ సిరీస్‌ అందుబాటులో ఉంది. ఈ సిరీస్ ఎలా ఉందో ఇప్పుడు చూద్దాం..
ఈ సిరీస్ కి శరత్ జోతి దర్శకత్వం వహించగా, ప్రభావతి నిర్మించారు. వీరప్పన్ స్వయంగా చెప్పిన విషయాల  ఆధారంగా ‘కూసీ మునుసామి వీరప్పన్’ డాక్యుమెంటరీ సిరీస్ ను రూపొందించారు. 1993-1996 కాలంలో వీరప్పన్‏ ఇంటర్వ్యూ కోసం గోపాల్ అనే విలేకరి అడవిలోకి వెళ్లి, తీసిన వీడియోలు, తన గురించి తానే వీరప్పన్ చెప్పిన దాని  ఆధారంగా ఆరు ఎపిసోడ్ లతో ఈ సిరీస్‏ను తెరకెక్కించారు.
ఇక ఈ సిరీస్ కథ విషయానికి వస్తే, స్వయంగా వీరప్పన్ తన గురించి, తన లైఫ్ గురించి వివరించారు. వేటగాళ్ల ఫ్యామిలిలో కూసే మునిసామి వీరప్పన్ ఐదుగురు పిల్లలలో రెండో అబ్బాయిగా జన్మించాడు. చిన్నవయసులో తన ఆకలిని తీర్చుకోవడానికి కుటుంబ వృత్తి వేటాడడం ప్రారంభించాడు. మొదట్లో ఆకలి తీర్చుకోవడం కోసం వేటాడినా, కాలక్రమేణా దాని వల్ల కోట్ల రూపాయలు సంపాదించాడు. వీరప్పన్ దశాబ్దాల పాటు తమిళనాడు, కర్ణాటక బార్డర్ లోని   అడవులను దోచుకున్నాడు.
వీరప్పన్ కనిపించిన గంధపు చెట్టునల్లా అమ్మడం, ఏనుగులను చంపి వాటి దంతాలు కూడా అమ్మడం మొదలు పెట్టాడు. ఈ క్రమంలో వీరప్పన్ వందలాది మందిని చంపేశాడు. అంతేకాకుండా తనకు వ్యతిరేకంగా ఉన్న పోలీసు ఆఫీసర్లను, పోలీస్ ఇన్ఫార్మర్ అనే సందేహం కలిగినా కూడా చంపేశాడు. తను ఇంతగా ఎందుకు మారాడు? వీరప్పన్ జీవితంలోని ముఖ్యమైన సంఘటనలను గురించి తానే స్వయంగా చెప్పాడు. ఆ విషయాలన్ని తెలుసుకోవాలంటే సిరీస్ చూడాల్సిందే..

Also Read: DUNKI REVIEW : “షారుఖ్ ఖాన్” కి ఈ సినిమాతో మరొక హిట్ పడినట్టేనా..? స్టోరీ, రివ్యూ & రేటింగ్.!

మెగా హీరో వైష్ణవ్ తేజ్ హీరోగా క్రేజీ హీరోయిన్ శ్రీ లీల జంటగా వచ్చిన చిత్రం ఆదికేశవ. ఈ చిత్రం ధియేటర్లలో ఫ్లాప్ అయింది. మంచి ఎక్స్పెక్టేషన్స్ నడుమ విడుదలైన ఈ చిత్రాన్ని ప్రేక్షకులు తిరస్కరించారు.రొటీన్ చిత్రంగా మిగిలిపోవడంతో నిర్మాతలకు నష్టాలు తప్పలేదు. పైగా ఈ చిత్రాన్ని త్రివిక్రమ్ భాగస్వామిగా ఉన్న సితార ఎంటర్టైన్మెంట్స్ బ్యానర్ నిర్మించడం విశేషం. ఈ చిత్రానికి ప్రముఖ సంగీత దర్శకుడు జీవి ప్రకాష్ కుమార్ సంగీతం అందించారు. వైష్ణవ తేజ్ ను మాస్ హీరోగా చూపిస్తూ ఈ చిత్రాన్ని తరికెక్కించిన ఆయనకు ఇది చేదు ఫలితాన్ని అందించింది.

అయితే ఈ చిత్రం త్వరలో ఓటిటిలోకి రానుంది.థియేటర్ లో ప్లాప్ అయిన చిత్రం వెంటనే ఓటిటి లోకి వచ్చేయడం ఆనవాయితీ. ఇప్పుడు అదే ఆనవాయితీని ఆదికేశవ చిత్రం కూడా పాటిస్తుంది.ఈ చిత్ర ఓటిటి స్ట్రీమింగ్ హక్కులను ప్రముఖ ఓటిటి ప్లాట్ ఫామ్ నెట్ ఫ్లిక్స్ కొనుగోలు చేసింది.

ఈ చిత్రాన్ని క్రిస్మస్ కానుకగా డిసెంబర్ 22 తారీకు నుండి స్ట్రీమింగ్ చేయనున్నట్లుగా ప్రకటించింది. థియేటర్ లో ప్లాప్ అయినా ఈ చిత్రం ఓటిటిలో అయిన ఆకట్టుకుంటుందేమో వేచి చూడాలి. చాలా చిత్రాలు థియేటర్లలో ప్లాప్ అయినా కూడా ఓటిటి లో సూపర్ హిట్ గా నిలుస్తున్నాయి. మంచి స్ట్రీమింగ్ వ్యుస్ తో దూసుకుపోతున్నాయి. అందుకు ఉదాహరణ తాజాగా వచ్చిన స్కంద మూవీ నే.