OTT Releases

సూపర్ స్టార్ రజినీకాంత్ హీరోగా నటించిన సినిమా జైలర్. భారీ అంచనాలతో విడుదల అయిన ఈ సినిమా అంతే భారీ కలెక్షన్లు కూడా సొంతం చేసుకుంది. తమిళ్ తో పాటు, తెలుగులో కూడా చాలా పెద్ద హిట్ అయ్యింది.

రజినీకాంత్ ని చూసిన వాళ్లు అందరూ కూడా అసలు ఇన్ని సంవత్సరాలు దీని కోసమే కదా ఎదురు చూసింది అంటూ ఆనందించారు. ఈ సినిమాలో రజనీకాంత్ తో పాటు ఇంకా ఎంతో మంది పెద్ద పెద్ద నటీనటులు ఉన్నారు.

సినిమాలో ఫైట్ సీన్స్ కి కూడా చాలా మంచి రెస్పాన్స్ వచ్చింది. ఈ సినిమా థియేటర్లలో ఎంజాయ్ చేయాల్సిన సినిమా కాబట్టి చాలా మంది ప్రేక్షకులు థియేటర్లలోనే చూశారు. రిపీటెడ్ గా సినిమా చూసిన ప్రేక్షకులు కూడా చాలా మంది ఉన్నారు. అయితే ఇప్పుడు ఈ సినిమా ఓటీటీ విడుదల కోసం అందరూ ఎదురు చూస్తున్నారు. ఈ సినిమా ఓటీటీ రిలీజ్ డేట్ కూడా వచ్చేసింది. సెప్టెంబర్ 7 వ తేదీన అమెజాన్ ప్రైమ్ లో జైలర్ సినిమా రిలీజ్ అవుతుంది అని ప్రకటించారు.

తమిళ్ తో పాటు మిగిలిన భాషల్లో కూడా ఈ సినిమా రిలీజ్ అవుతుంది. ఇదిలా ఉండగా ఇప్పటి వరకు సినిమాకి దాదాపు 600 కోట్ల కలెక్షన్లు వచ్చినట్టు సమాచారం. ఇటీవల కాలంలో వచ్చిన హైయెస్ట్ కలెక్షన్లు వచ్చిన పెద్ద సినిమాగా ఇది నిలిచింది. ఈ సినిమా తర్వాత రజనీకాంత్ నటించిన నెక్స్ట్ సినిమా మీద కూడా ఆసక్తి నెలకొంది. నెక్స్ట్ సినిమా జై భీమ్ దర్శకుడు అయిన జ్ఞానవేల్ తో చేస్తారు అని అంటున్నారు. ఈ సినిమా కూడా ఒక నిజ జీవిత సంఘటన ఆధారంగానే ఉంటుంది అని సమాచారం.

ఈ సినిమాలో రజనీకాంత్ తో పాటు అమితాబ్ బచ్చన్ కూడా నటిస్తున్నారు. అంతే కాకుండా హీరో శర్వానంద్ కూడా ఒక ముఖ్య పాత్ర పోషిస్తున్నారు. ఈ సినిమాపై అధికారిక ప్రకటన ఇంకా రావాల్సి ఉంది. ఇంతే కాకుండా రజినీకాంత్ మరి కొన్ని సినిమాల్లో కూడా నటించబోతున్నారు. కానీ వాటికి సంబంధించిన వివరాలు ఏవి ఇంకా పూర్తిగా బయటికి రాలేదు. ఆ సినిమాల గురించి తెలియాలి అంటే ఇంకా కొన్ని రోజులు ఆగాల్సిందే.

ALSO READ : జైలర్ మూవీకి రజిని రమ్యునరేషన్ తెలిస్తే… షాక్ అవ్వాల్సిందే..!

మసూద సినిమాతో టాలీవుడ్ లో తనకంటూ ఓ ప్రత్యేక గుర్తింపు తెచ్చుకున్నాడు నటుడు తిరువీర్ . ఘాజీ, మల్లేశం, జార్జిరెడ్డి, ‘పలాస’ వంటి సినిమాల్లో క్యారెక్టర్ ఆర్టిస్టుగా నటించిన తిరువీర్. మసూద’ సినిమాతో హీరోగా మంచి మార్కులు కొట్టేశాడు .

ఇక ఇప్పుడు పల్లెటూరి సరదా డ్రామా పరేషాన్ తో ప్రేక్షకుల ముందుకి వచ్చారు. ఈ సినిమా ఇప్పుడు ఓటీటీలో రిలీజ్ అయ్యింది. సోనీ లీవ్ లో ఈ సినిమా స్ట్రీమ్ అవుతోంది. ఈ సినిమా ఎలా ఉందో చూద్దాం..

క్రైస్తవుడైన సమర్పణ్‌(మురళీధర్‌ గౌడ్‌) ఓ సింగరేణి ఉద్యోగి. అతని కొడుకు ఐజాక్‌ (తిరువీర్‌) ఒక తిరుగుబోతు. కొడుకును దారిలో పెట్టేందుకు తన ఉద్యోగాన్ని అతనికి అప్పజెప్పాలనుకుంటాడు సమర్పణ్‌. ఇందుకోసం అధికారులకు రెండు లక్షల రూపాయలు లంచంగా ఇవ్వాల్సి వస్తోంది. కానీ ఆ డబ్బు ఎవరో కొట్టేస్తారు. దీంతో ఐజాక్ విచిత్రమైన పరిస్థితుల్లో ఇరుక్కకుంటాడు. ఇంతకీ ఆ డబ్బు అధికారులకు ఇచ్చాడా? మధ్యలో ఐజాక్ ఎదుర్కొన్న పరిస్థితులు ఏంటి? మధ్యలో అతడి గర్ల్ ఫ్రెండ్ గర్భవతి అని తెలుస్తుంది. ఇక ఆ డబ్బు ఎవరు కొట్టేశారు అనేది మిగిలిన కథ..

ఈ మధ్య చాలా సినిమాల్లో తెలంగాణ కల్చర్‌ ఎక్కువగా కనిపిస్తోంది. ఆ సినిమాలు కూడా ప్రేక్షకులు బాగానే ఆకట్టుకున్నాయి కూడా. ఇక పరేషాన్‌ కూడా అదే కోవలోకి వస్తుంది. తెలంగాణ నేటివీటీతో చాలా సహజంగా ఈ చిత్రాన్ని తెరకెక్కించారు. కానీ క‌థ‌లో ఏమాత్రం కొత్త‌దనాన్ని చూపించ‌లేక‌పోయాడు. ఆ విష‌యంలో మ‌రింత వ‌ర్క్ చేసి ఉంటే సినిమా ఫ‌లితం మ‌రోలా ఉండేది.

ప‌ని పాట లేకుండా తిరిగే కొడుకు..అత‌న్ని తిట్టే తండ్రి..మ‌ధ్య‌లో ప్రేమ‌క‌థ‌.. ఇలాంటి నేప‌థ్యంలో ఇంత వ‌ర‌కు చాలా క‌థ‌లే వ‌చ్చాయి. ఇందులో కొత్తేముంది. ఇదే ఈ సినిమాకు ప్ర‌ధాన మైన‌స్‌గా మారింది. ఎమోషనల్‌ సీన్స్‌ అంతగా వర్కౌట్‌ కాలేదు. ఫ‌న్‌ని జ‌న‌రేట్ చేస్తూ ద‌ర్శ‌కుడు న‌డిపించిన విధానం బాగానే ఉన్నా క‌థ‌, క‌థ‌నాల్లో కొత్త‌ద‌నం లేక‌పోవ‌డం ప్ర‌ధాన మైన‌స్‌గా మారింది. దీంతో సినిమా ఆశించిన స్థాయిలో ప్రేక్ష‌కుల్ని ఆక‌ట్టుకోలేక‌పోయింది.

కానీ సినిమాలో తిరువీర్‌ నటన చాలా బాగుంది. తన సహజమైన, అమాయకమైన నటనతో మెప్పించాడు. శిరీష పాత్రలో పావని కరణం చక్కగా నటించింది. ఇక అర్జున్‌ కృష్ణ, రవి, బన్ని అభిరామ్‌ కూడా తమ పాత్ర మేరకు బాగా నటించారు. వాసు పెండమ్‌ సినిమాటోగ్రఫి అద్భుతంగా ఉంది. అయితే థియేటర్లలో యావరేజ్ రెస్పాన్స్ వచ్చిన ఈ సినిమా ఇప్పుడు ఓటీటీలో వచ్చింది. మరి ఇందులో ఎలాంటి రెస్పాన్స్ వస్తుందో తెలియాలి అంటే ఇంకా కొద్ది రోజులు ఆగాల్సిందే.

ALSO READ : “ప్రియాంక మోహన్” కి ఏమయ్యింది..? ఇలా అయిపోయారేంటి..?

శివప్రసాద్ యానాల దర్శకత్వంలో జి స్టూడియోస్ కిరణ్ కొర్రపాటి క్రియేటివ్ వర్క్స్ కలిసి నిర్మించిన సినిమా విమానం. ఇందులో సముద్రఖని ప్రధాన పాత్ర పోషించగా… మీరాజాస్మిన్ అనసూయ వంటి నటులు కీలక పాత్రలు పోషించారు.

అయితే శివప్రసాద్ యానాలా దర్శకుడిగా పరిచయమైన విమానం సినిమా థియేటర్లలో జూన్ 9న రిలీజ్ అవ్వగా ప్రేక్షకుల నుంచి అభినందనలు ఆదరణ పొందింది కానీ పెద్దగా బాక్స్ ఆఫీస్ దగ్గర కలెక్షన్స్ రాబట్టలేకపోయింది.

అయితే మంచి ఎమోషనల్ సెంటిమెంటల్ డ్రామాగా తెరకెక్కిన విమానం సినిమా థియేటర్లలో పెద్దగా ఆడకపోయినప్పటికీ ఓటీటీ ప్లాట్ ఫామ్ లో అందనంత ఎత్తుకు దూసుకుపోతోంది. జి 5 ఓటిటి ప్లాట్ ఫామ్ లో ఈ సినిమా విడుదలవగా ఇప్పటికే వంద మిలియన్ వీవ్స్ సంపాదించుకుంది. ఇలానే మరిన్ని వీవ్స్ సంపాదించే అవకాశం ఉంది.

ఈ సినిమాలో సముద్రఖని వీరయ్య అనే పాత్రను పోషిస్తాడు. ఆ వీరయ్య అవిటివాడు అయినప్పటికీ తన కొడుకు విమానం ఎక్కాలి అన్న కోరికను ఎలా తీరుస్తాడో ఈ సినిమాలో చూపిస్తారు. మనసుకి హత్తుకునే సన్నివేశాలు డైలాగులు బ్యాక్ గ్రౌండ్ మ్యూజిక్ ఈ సినిమాకు ప్రాణంగా నిలిచాయి. సినిమా చూసిన చాలామంది కంటతడి పెట్టకుండా ఉండలేక పోతారు.

థియేటర్లో పెద్ద కలెక్షన్స్ రాబట్టకపోయినా ఓటీటీలో మంచి ఆదరణ పొందుతున్న సినిమా విమానం. అయితే ఈ సినిమాతోనే మీరాజాస్మిన్ కూడా మళ్లీ తెలుగు సినిమా ద్వారా రీ ఎంట్రీ ఇచ్చారు. మొత్తంగా అందరిని ఎమోషన్స్ తో కట్టిపడేసే విమానం సినిమా ఓటీటీలో రికార్డ్స్ బ్రేక్ చేసే అవకాశం ఉంది.

ALSO READ : అప్పు తీసుకుని మీకు చెల్లించడం లేదా..? తిరిగిరాబట్టడానికి ఈ 3 బెస్ట్ ఆప్షన్స్…!

కొన్ని సినిమాలు అలా మెరుపు తీగలా వచ్చి వెళ్లిపోతుంటాయి. అసలు అలాంటి సినిమా ఒకటి వచ్చిందని కూడా చాలా మందికి తెలియదు. ఇప్పుడు అలాంటి కోవకు చెందిందే జగపతి బాబు ప్రధాన పాత్రలో నటించిన రుద్రంగి సినిమా వచ్చి చేరింది.

అజయ్ సామ్రాట్ దర్శకత్వంలో ఎంమ్మెల్యే రసమయి బాలకిషన్ నిర్మించారు. అయితే అంతకముందు అజయ్ సామ్రాట్ బాహుబలి సినిమాకి రైటర్ గా చేశారు. ఇక ఈ సినిమా జులై 7న థియేటర్లలో విడుదల అయినప్పటికీ… పెద్దగా కలెక్షన్లు రాలేదు. అయితే ఈ సినిమా తాజాగా ఓటీటీలో విడుదల అయ్యింది.

అయితే ఈ సినిమా కథ కొత్తగా లేకపోవడంతో పెద్దగా ప్రేక్షకులను చేరలేక పోయింది. అయితే ఈ సినిమా విడుదలకు ముందు జరిగిన ఈవెంట్ లో ప్రమోషన్స్ లో హరీష్ రావు తదితర పలువురు రాజకీయ ప్రముఖులు పాల్గొన్నారు. ఈ సినిమా అంతా దొరల కాలంలో ఉండే సన్నివేశాలను ఉద్దేశిస్తూ రూపొందించారు. కాబట్టి ఈ సినిమా పెద్దగా సక్సెస్ అవ్వలేక పోయింది.

ఇదిలా ఉంటే ఈ సినిమాలో జగపతి బాబు భీమ్ రావ్ దేశ్ ముఖ్ అనే దొర పాత్రలో నటించగా, ఆయన సతీమణులుగా విమలారామన్ మీరాబాయి గా, మమతా మోహన్ దాస్ జ్వాలాబాయి గా నటించారు.

అయితే తెలంగాణ గఢీలు, దొరల నేపథ్యంలో తెరేకెక్కిన ఈ సినిమాలో … భీమ్ రావ్ దొర ఒక రుద్రాంగిపై కన్నేశాడు. వశపరుచుకోవాలని ప్రయత్నిస్తుండగా… దొరను అడ్డుకోవడానికి ఒకతను వస్తాడు. అతనెవరు? రుద్రాంగి కి ఏమవుతాడు అనే సారాంశంలో ఈ కథ నడుస్తుంది. మొత్తంగా ఈ సినిమా థియేటర్లలో పెద్దగా హిట్ ఇవ్వకపోయినా ఒక ప్రయోగం ఇప్పుడు ఓటీటీలో ఎలా నడుస్తుందో చూడాలి మరి.

టాలీవుడ్ స్టార్ హీరోయిన్ సమంత తాజాగా నటించిన చిత్రం శాకుంతలం. గుణ శేఖర్ దర్శకత్వం లో భారీ అంచనాల నడుమ విడుదలైన ఈ సినిమా ఊహించని విధంగా డిజాస్టర్ గా నిలిచిన విషయం తెలిసిందే. అభిమానుల అంచనాలను సినిమా అందుకోలేకపోయింది. ఇక సమంత ప్రస్తుతం తన నెక్ట్స్ ప్రాజెక్ట్‌పై ఫోకస్ చేసింది.

రాజ్ అండ్ డీకే నిర్మిస్తున్న ‘సిటాడెల్’ వెబ్ సిరీస్‌లో ఆమె వరుణ్ ధావన్‌తో కలిసి నటిస్తున్న విషయం తెలిసిందే. ప్రియాంక చోప్రా నటించిన ఇంగ్లీష్ వెబ్ సిరీస్ సిటాడెల్ కి ప్రీక్వెల్ గా ఈ సిరీస్ రాబోతున్నట్లు తెలుస్తోంది. దీన్ని దర్శకులు రాజ్, డీకే తెరకెక్కిస్తున్నారు. ‘ఫ్యామిలీ మ్యాన్’ సిరీస్ తో బాలీవుడ్ ప్రేక్షకులకు బాగా దగ్గరైన సమంతను ’సిటాడెల్’ ఇండియన్ వర్షన్ మెయిన్ లీడ్ గా తీసుకున్నారు.

రూసో బ్రదర్స్ ఒరిజినల్ హాలీవుడ్ సిరీస్‌కు దర్శకత్వం వహిస్తున్నారు. అక్కడ కూడా సిటాడెల్ పేరుతోనే తెరకెక్కుతోంది. ఈ సిరీస్ గ్లోబల్ వెర్షన్‌కు ప్రియాంక చోప్రా జోనాస్, రిచర్డ్ మ్యాడెన్, స్టాన్లీ టస్సీ కీలక పాత్రల్లో నటిస్తున్నారు. అయితే ఈ సిరీస్లో సమంత రోల్ కి సంబంధించిన ఒక ఆసక్తికర అప్డేట్ వచ్చింది. ఈ సిరీస్ హాలీవుడ్ వెర్షన్, బాలీవుడ్ వెర్షన్ రెండు వేర్వేరు కాలాల్లో జరుగుతుందట. అందులో ప్రియాంక చోప్రా చిన్నగా ఉన్నప్పుడు ఆమెకు తల్లి పాత్రలో సమంత కనిపించనున్నట్లు సమాచారం.

ఈ సిరీస్ లో వరుణ్ ధావన్‌‌తో పాటు సామ్ కూడా హై యాక్షన్ సన్నివేశాల్లో నటిస్తోందని తెలుస్తోంది. ఇప్పటికే సామ్ వాటికి సంబంధించిన సెట్స్‌కు కొన్ని గ్లింప్స్‌ వీడియోలను షేర్ చేసింది. సామ్‌కు ఈ యాక్షన్ ఘట్టాల్లో నటించడం ఇదే తొలిసారి కాదు.

ఫ్యామిలీ మ్యాన్ 2 వెబ్ సిరీస్ కోసం ఈ ముద్దుగుమ్మ అదిరిపోయే పోరాటలను చేసింది. రాజీగా ఆమె నటనకు, యాక్షన్‌కు ప్రేక్షకులు మంచి మార్కులు వేశారు. అలాగే యశోద లో కూడా యాక్షన్ సీక్వెన్స్ లలో ఇరగదీసింది సామ్. దీంతో సిటాడెల్ లోనూ అదే తరహా యాక్షన్ సన్నివేశాలు రిపీట్ అవుతాయని ఫాన్స్ ఆశిస్తున్నారు. ఈ సిరీస్ అమెజాన్ ప్రైమ్ లో ప్రసారం కానుంది.

Also read: “సిటాడెల్‌” వెబ్ సిరీస్ కి “సమంత” ఎంత రెమ్యూనరేషన్ తీసుకుందో తెలుసా?