Filmy Adda

సినిమాలకి విరామం ఇచ్చిన తర్వాత పవన్ కళ్యాణ్ రీఎంట్రీలో చేసిన మూవీ వకీల్ సాబ్… పవన్ కళ్యాణ్ ఫ్యాన్స్ కి ఈ మూవీ మంచికి ఇచ్చింది. ఫస్ట్ టైం పవన్ కళ్యాణ్ లాయర్ గెటప్ లో అదరగొట్టారు. ప్రకాష్ రాజుకి పోటాపోటీగా కోర్టు సీనులో రెచ్చిపోయారు. అయితే వకీల్ సాబ్ సినిమా మంచి విజయం సాధించిన సందర్భంగా దానికి సీక్వెల్ రూపొందించాలని మేకర్స్ భావించారు. అయితే ఆ ప్రతిపాదన మళ్ళీ తెరమీదకి రాలేదు.

అయితే ఇప్పుడు సరిగ్గా వకీల్ సాబ్ సీక్వెల్ కోసం సరిపోయే సినిమా ఒకటి మలయాళంలో వచ్చింది. అదే నేరు. మోహన్ లాల్ హీరోగా దృశ్యం ఫేమ్ జీతూ జోసెఫ్ దర్శకత్వంలో రూపొందిన ఈ కోర్ట్ రూమ్ డ్రామా మల్లువుడ్ లో సూపర్ హిట్ దిశగా సాగుతోంది.

సలార్ నుంచి పోటీ ఉన్నా సరే తట్టుకుని మరీ నిలబడింది. నిజానికీ సినిమా మీద వెంకటేష్ ఆసక్తి చూపించారనే టాక్ వచ్చింది కానీ సినిమా చూసిన వాళ్ళు మాత్రం వకీల్ సాబ్ 2కి బాగా సరిపోతుందని భావిస్తున్నారు. కళ్ళు లేని ఒక మధ్య తరగతి యువతిని మంత్రి కొడుకు రేప్ చేస్తే హీరో ఎలా పోరాడి గెలిపించాడనే పాయింట్ మీద ఇది నడుస్తుంది.

కేవలం రెండు ఇళ్ళు, కోర్ట్ రూమ్ సెటప్ లోనే జీతూ జోసెఫ్ రెండున్నర గంటల కంటెంట్ విసుగు రాకుండా నడిపించాడు. రెమ్యునరేషన్లు తప్ప ప్రొడక్షన్ పరంగా ఎంత మాత్రం ఖర్చు లేని సబ్జెక్టిది. ఒకవేళ పవన్ వేగంగా ఏదైనా సినిమా చేయాలనుకుంటే బెస్ట్ ఛాయసవుతుంది. నేరులో హీరోయిన్ ఉండదు. పాటలు అసలే లేవు. కావాలంటే కొంత కమర్షియల్ టచ్ ఇవ్వొచ్చు కానీ టైటిల్స్ నుంచి చివరి దాకా సీరియస్ టోన్ లో సాగుతుంది. ఇప్పటికే ఒక రీమేక్ ఉస్తాద్ భగత్ సింగ్ నిర్మాణంలో ఉంది. రాజకీయాల నుండి ఖాళీ అయ్యాక పవన్ కళ్యాణ్ దృష్టి సారిస్తే ఈ సినిమా పట్టాలెక్కే అవకాశం ఉంటుంది.

చంద్రముఖి సినిమాకి సీక్వెల్ గా తాజాగా చంద్రముఖి 2 సినిమా వచ్చింది. లారెన్స్, కంగనా రనౌత్ ప్రధానాపాత్రలు పోషించిన ఈ సినిమాకి చంద్రముఖి డైరెక్షన్ చేసిన పి.వాసు డైరెక్షన్ చేశారు. వడివేలు, రాధిక శరత్‍కుమార్, లక్ష్మీ మీనన్, మహిమ నంబియార్, సృష్టి డంగే, సుభిక్ష కృష్ణన్, సురేశ్ చంద్ర, విఘ్నేష్ కీలకపాత్రలు పోషించారు.ఈ చిత్రానికి ఆస్కార్ అవార్డు విజేత ఎం.ఎం.కీరవాణి సంగీతం అందించారు.

లైకా ప్రొడక్షన్స్ పతాకంపై సుభాస్కరన్ ఈ చిత్రాన్ని నిర్మించారు.ఎన్నో అంచనాలను నడుమ వచ్చిన ఈ చిత్రం ఆశించిన ఫలితాన్ని ఇవ్వలేదు. ఓటిటి లో విడుదలైన కూడా అనుకున్న స్థాయి స్పందన రాలేదు. పైగా ఈ సినిమా భారీగా ట్రోల్స్ కి గురి అయింది.

అయితే ఇప్పుడు చంద్రముఖి 2 టీవీలో ప్రసారం కావడానికి సిద్ధమయింది.చంద్రముఖి-2 సినిమా తెలుగు వెర్షన్ జెమినీ ఛానెల్‍లో డిసెంబర్ 31 తేదీన సాయంత్రం 6 గంటలకు ప్రసారం కానుంది. ఈ తేదీపై ప్రకటన కూడా వచ్చేసింది. మరోవైపు, చంద్రముఖి-2 తమిళ వెర్షన్ సన్ టీవీ ఛానెల్‍లో జనవరి 1 (2024) సాయంత్రం 6.30 గంటలకు ప్రసారం అవుతుంది.

అయితే థియేటర్ లో, ఓటిటి లోను ఫ్లాప్ అయినా ఈ చిత్రం టీవీలో ఏ మేరకు ఫలితం రాబడుతుందో వేచి చూడాలి. ఇక చంద్రముఖి 2 కధ విషయానికి వస్తే…చంద్రముఖి ఆత్మ తిరిగి రావడంతో వేటయ్యపాలెం ప్యాలెస్‍కు వచ్చే రాధికా శరత్‍కుమార్ కుటుంబంలో సమస్యలు ఎదురవడం, రాఘవ లారెన్స్ ఆ సమస్యను పరిష్కరించడం చుట్టూ చంద్రముఖి-2 చిత్రం కథ తిరుగుతుంది. చంద్రముఖి మళ్లీ ఎందుకు తిరిగి వచ్చింది.. చివరికి పరిష్కారం దొరికిందా అన్నదే చంద్రముఖి 2 ప్రధాన కథగా ఉంది

రాబోయే సంక్రాంతికి తెలుగులో అరడజన్ సినిమాలు రానున్నాయి. మహేష్ బాబు నటించిన గుంటూరు కారం, వెంకటేష్ నటించిన సైంధవ్, రవితేజ ఈగల్, తేజ సజ్జా హనుమాన్, నాగార్జున నా స్వామి రంగా సినిమాలు పోటాపోటీగా వస్తున్నాయి.

అయితే థియేటర్లో కొరత కనబడుతున్న విషయంలో ఏ సినిమా వాళ్లు కూడా వెనక్కి తగ్గే ఆలోచనలో లేరు. ప్రొడ్యూసర్ కౌన్సిల్ వారు పిలిచి మాట్లాడిన కూడా ఎవరు రాజీ పడేటట్టు కనబడడం లేదు. గుంటూరు కారం, హనుమాన్ సినిమాలు జనవరి 12న డేట్లు ప్రకటించాయి.అయితే హనుమాన్ సినిమా వాళ్ళని వెనక తగ్గమని చెప్పిన తగ్గేదెలా అంటూ తేల్చి చెప్పేశారు. దీంతో సినిమాల మధ్య పోటీ తప్పేలా లేదు.

ఈ విషయం పైన ప్రొడ్యూసర్ కౌన్సిల్ ప్రెసిడెంట్ దిల్ రాజు మాట్లాడుతూ… సంక్రాంతి సినిమాల మధ్య సయోధ్య కుదరచ్చడానికి ప్రయత్నిస్తున్నామని, ఎవరైనా ముందుకు వస్తే సోలో డేట్ ఇచ్చేందుకు సిద్ధంగా ఉన్నామని ప్రకటించారు. ఈ సందర్భంగా తన స్వయంగా నిర్మిస్తున్న గేమ్ చేంజర్ సినిమా వాయిదా పడడానికి గల కారణాలు కూడా తేలిపారు.

సంక్రాంతికి పోటీగా ఇన్ని సినిమాలు రానున్న నేపథ్యంలో గేమ్స్ చేంజర్ సినిమాని వెనక్కి వాయిదా వేసినట్లుగా తెలిపారు. అయితే ఇటువంటి పోటీ ఉన్న సమయంలో పెద్ద సినిమాకి పెద్దగా న్యాయం జరుగుతుందని, చిన్న సినిమాకి చిన్నగా న్యాయం జరుగుతుందని ఎవరికి సమానంగా న్యాయం జరిగే అవకాశం లేదని కూడా దిల్ రాజు ప్రకటించారు.

తెలుగు సినిమా ఇండస్ట్రీలో నిర్మాతల మధ్య, దర్శకుల మధ్య, హీరోలు మధ్య పోటీ అనేది సార్వసాధారణం. అయితే ఇప్పుడు కొత్తగా డిస్ట్రిబ్యూటర్స్ మధ్య కూడా పోటీ వాతావరణం నెలకొంది. ప్రముఖ నిర్మాత దిల్ రాజు ఎప్పటినుండో డిస్ట్రిబ్యూటర్ గా కొనసాగుతున్నారు. ఆంధ్ర తెలంగాణలో చాలా థియేటర్లు ఆయన కంట్రోల్ లో ఉంటాయి. ఏ సినిమా రిలీజ్ చేయాలన్న దిల్ రాజు హ్యాండ్ ఉండాల్సిందే.

అయితే ఇప్పుడు దిల్ రాజుకి పోటీగా నైజం లో మైత్రి మూవీ మేకర్స్ డిస్ట్రిబ్యూషన్ మొదలుపెట్టారు. క్రితం సంవత్సరం సంక్రాంతికి మైత్రి మూవీ మేకర్స్ తమ సొంత సినిమాలు వాల్తేరు వీరయ్య, వీర సింహారెడ్డిలను సొంతంగా డిస్ట్రిబ్యూట్ చేసుకున్నాయి. అయితే దిల్ రాజు కూడా తన సొంత సినిమా వారసుడు నీ డిస్ట్రిబ్యూట్ చేశారు. ఆ విషయంలో ఇద్దరు మధ్య ధియేటర్లు విషయంలో పోటీ నెలకొంది.

అయితే వీరి మధ్య పోటీ అనేది ఇలా కొనసాగుతూనే వస్తుంది అది ఈ సంవత్సరం సంక్రాంతికి కూడా కనిపిస్తుంది. దిల్ రాజు మహేష్ బాబు గుంటూరు కారం డిస్ట్రిబ్యూట్ చేయనుండగా, మైత్రి మూవీ మేకర్ హనుమాన్ అనే చిన్న సినిమానీ డిస్ట్రిబ్యూట్ చేస్తున్నారు. ఇప్పుడు వీరిద్దరి మధ్య ధియేటర్ల విషయంలో మళ్ళీ పోటీ వాతావరణం నెలకొంది. దిల్ రాజు ఆధిపత్యానికి అడ్డుకట్ట వేయాలని మైత్రి మూవీ మేకర్ పోటాపోటీగా వస్తుందంటూ సినీ పండితులు చెబుతున్నారు

తెలుగు సినిమా ఇండస్ట్రీలో మల్టీ స్టారర్ సినిమాలంటే మంచి క్రేజ్ ఉంటుంది. స్టార్ హీరోల నుండి చిన్న హీరోల వరకు మల్టీస్టారర్ సినిమాల్లో నటించడానికి కూడా ఆసక్తి చూపిస్తున్నారు. ఆడియన్స్ కూడా తమ అభిమాన హీరోలు కలిసి నటిస్తే చూడాలని ఆరాటపడుతూ ఉంటారు.

అయితే సీనియర్ హీరోలైన చిరు, వెంకీ, బాలయ్య, నాగార్జున లాంటివారు కలిసి నటించడం చాలా అరుదు.వీరందరూ కలిసి మల్టీస్టారర్ చేస్తే చూడాలని ఆడియన్స్ ఎప్పటినుండో ఎదురుచూస్తున్నారు. అయితే ఇప్పుడు వెంకీ, చిరు కలిసి నటించడానికి ఓకే చెప్పేసారు.పూర్తి వివరాలలోకి వెళ్తే…

వెంకటేష్ నటించిన 75వ సినిమా సైంధవ్ ఫ్రీ రిలీజ్ ఈవెంట్ తాజాగా జరిగింది. ఈ వేడుకకు మెగాస్టార్ చిరంజీవి ముఖ్య అతిథిగా హాజరయ్యారు. ఈ సందర్భంగా చిరంజీవి వెంకటేష్ ఒకరి సినిమాలో డైలాగులు ఒకరు చెప్పుకుని ఆడియన్స్ ను అలరించారు. అలాగే ఇద్దరు తమ మనసులో ఉన్న మాటను బయటపెట్టారు. అదేంటంటే వెంకీ, చిరు కలిసి ఒక సినిమాలో నటించాలని అనుకుంటున్నామని దర్శకులు మంచి కథను తీసుకురావాలని సూచించారు.

ఈ వార్త విని ఆడియన్స్ అందరూ సంబరపడిపోతున్నారు. ఇక టాలీవుడ్ లో ఉన్న టాప్ డైరెక్టర్లు అందరూ కూడా స్పందించి వెంకీ చిరు సినిమాకి కథను రెడీ చేస్తే ఈ సినిమా త్వరలో పట్టాలెక్కే అవకాశం ఉంది.మా హీరోలు ఇద్దరు కలిసి నటించడానికి ఓకే చెప్పేసారు…ఇక అంతా దర్శకుల చేతిలో ఉంది అని ఫ్యాన్స్ కామెంట్స్ చేస్తున్నారు

ప్లే బ్యాక్, మెరిసే మెరిసే చిత్రాలతో తెలుగులో మంచి గుర్తింపు తెచ్చుకున్న హీరో ‘దినేష్ తేజ్’. ఈ ఏడాది ‘అలా నిన్ను చేరి’ సినిమాతో ప్రేక్షకుల ముందుకు వచ్చాడు. ఈ మూవీతో మారేష్ శివన్ డైరెక్టర్ గా పరిచయం అయ్యారు.

పల్లెటూరి నేపథ్యంలో తెరకెక్కిన ఈ చిత్రం నవంబర్ 10న రిలీజ్ అయ్యింది. ప్రముఖ ఓటీటీ అమెజాన్ ప్రైమ్ వీడియోలో స్ట్రీమింగ్ అవుతోంది. ట్ర‌యాంగిల్ ల‌వ్ స్టోరీగా తెరకేకిన ఈ సినిమా స్టోరీ ఏమిటో ఇప్పుడు చూద్దాం..
ఈ సినిమాలో దినేష్ తేజ్ హీరోగా, హెబ్బా పటేల్, పాయల్ రాధాకృష్ణ హీరోయిన్స్ గా నటించారు. ఈ చిత్రాన్ని కొమ్మాలపాటి సాయి సుధాకర్ విజన్ మూవీ మేకర్స్ బ్యానర్‌ పై నిర్మించారు. ఇక ఈ మూవీ కథ విషయానికి వస్తే, గ‌ణేష్‌ (దినేష్ తేజ్‌) విశాఖ‌ప‌ట్నం దగ్గరలో ఉన్న ప‌ల్లెటూరికి చెందిన మిడిల్ క్లాస్ యువకుడు. అతనికి సినిమాలంటే పిచ్చి. ఎప్పటి కైనా దర్శకుడు కావాల‌ని క‌ల‌లు కంటుంటాడు. గ‌ణేష్‌ జీవితంలోకి ఆ ఊరి అమ్మాయి దివ్య‌ (పాయ‌ల్ రాధాకృష్ణ‌) ఎంట్రీ ఇస్తుంది. ఇద్దరు ప్రేమ‌లో ప‌డ‌తారు.
కానీ వారి లవ్ కు దివ్య అమ్మ క‌న‌క‌మ్మ (ఝాన్సీ) అడ్డుగా నిలుస్తుంది. ఆమె అప్పటికే దివ్య‌కు కాళీ (శ‌త్రు) తో పెళ్లి చేయాల‌ని ఫిక్స్ అవుతుంది. విషయం తెలిసిన దివ్య, గ‌ణేష్‌ దగ్గరికి వెళ్ళి పెళ్లి గురించి చెప్పి ఎలాగైనా ఆపమని కోరుతుంది. కానీ దర్శకుడు కావాలనుకున్న గ‌ణేష్ కు ఏం చేయాలో అర్ధం కాదు. పెళ్లి కన్నా కెరీర్ ముఖ్య‌మ‌ని సినిమా ఛాన్స్ కోసం హైద‌రాబాద్ వెళ‌తాడు.

ఇండియన్ బాక్సాఫీస్‏ను ప్రస్తుతం ఎలుతున్న చిత్రం ‘సలార్’. ప్రభాస్ హీరోగా, ప్రశాంత్ నీల్ దర్శకత్వంలో తెరక్కేకిన ఈ సినిమా భారీ అంచనాల నడుమ డిసెంబర్ 22న రిలీజ్ అయ్యి, బాక్సాఫీస్ రికార్డ్స్ ను బ్రేక్ చేస్తోంది. వసూళ్ల వర్షాన్ని కురిపిస్తోంది.

ఈ చిత్రం విజయం సాధించడంతో ఇందులో నటించిన నటీనటులు దేశ వ్యాప్తంగా పాపులర్ అయిపోయారు. వీరి గురించే అందరూ సెర్చ్ చేస్తున్నారు. ఈ క్రమంలో 17 ఏళ్ళ క్రితం రిలీజ్ అయిన సినిమా ఇప్పుడు ట్రెండ్ అవుతుంది. దానికి కారణం ఎవరో ఇప్పుడు చూద్దాం..
సలార్ మూవీ హిట్ తో పాపులర్ అయిన నటినటులలో ఎక్కువగా వినిపిస్తున్న పేరు శ్రియా రెడ్డి. ఆమె సలార్ లో రాజమన్నార్ కుమార్తె, రాధా రామ మన్నార్ క్యారెక్టర్ లో అద్బుతంగా నటించి మెప్పించారు. ఈ మూవీ ముందు కోలీవుడ్ లో మాత్రమే పాపులర్ అయిన శ్రియా రెడ్డి, ఈ మూవీ రిలీజ్ అయ్యాక దేశవ్యాప్తంగా పాపులర్ అయ్యారు. పాన్ ఇండియా స్టేటస్ పొందారు.
తన నటనతో అందర్నీ ఆమె వైపుకు తిప్పుకున్నారు. దాంతో ఆమె గురించి తెలుసుకోవ డానికి నెట్టింట్లో ఆరా తీస్తున్నారు.ఈ క్రమంలో ఆమె నటించిన తిమిరి తెలుగులో పొగరు సినిమా ట్రెండింగ్ లోకి వచ్చింది. ఈ చిత్రం 2006 లో రిలీజ్ అయ్యింది. కోలీవుడ్ స్టార్ విశాల్ ఈ మూవీలో హీరోగా నటించారు. రీమాసేన్ హీరోయిన్ గా నటించగా, ఈశ్వరి పాత్రలో శ్రియా రెడ్డి నటించారు. ఈ చిత్రలో ఈశ్వరిగా శ్రియా రెడ్డి తన నటనతో గుర్తింపు తెచ్చుకున్నారు.
ఈశ్వరి పాత్రలో ఒదిగిపోయి, హీరోతో పోటీ పడి నటించారు. ఈ మూవీ ట్రెండింగ్ లోకి రావడానికి మరో కారణం జైలర్ సినిమాలో విలన్ గా నటించిన వినాయకన్. పొగరు సినిమాలో వినాయకన్ నటించాడు. ఈశ్వరి పాత్రకు సహకరించే పాత్రలో మాయిగా వినాయకన్ నటించారు. ఎన్నో ఏళ్లుగా ఇండస్ట్రీలో ఉన్నప్పటికీ, వీరిద్దరు సలార్, జైలర్ చిత్రాలతో పాపులర్ అయ్యారు.

రెబల్ స్టార్ ప్రభాస్ హీరోగా నటించిన లేటస్ట్ సినిమా ‘సలార్’ బాక్సాఫీస్‏ దగ్గర రికార్డులు బద్దలుకొడుతుంది. కేజీఎఫ్ దర్శకుడు ప్రశాంత్ నీల్ దర్శకత్వంలో తెరకెక్కిన ఈ చిత్రం భారీ అంచనాలతో విడుదలై, నాలుగురోజుల్లోనే రూ.500 కోట్లకు పైగా వసూళ్లు సాధించి, బాక్సాఫీస్ దగ్గర దూసుకుపోతుంది.

ఊహించని స్థాయిలో కలెక్షన్స్ సాధిస్తున్న, ఈ చిత్రంలో నటించిన యాక్టర్ల గురించి ప్రస్తుతం దేశం అంతా మాట్లాడుకుంటుంది. బాల నటుల నుండి స్టార్ సెలబ్రెటీల వరకు అందరు తమ క్యారెక్టర్లలో ఒదిగిపోయి, అద్భుతంగా నటించారు. వారిలో బాచి మన్నార్ గా నటించిన నటుడు ఎవరో ఇప్పుడు చూద్దాం..
ప్రభాస్, శృతిహాసన్ జంటగా నటించిన సలార్ మూవీలో పృథ్వీరాజ్ సుకుమారన్ కీలక పాత్రలో నటించాడు. జగపతిబాబు, శ్రీయా రెడ్డి, ఈశ్వరి రావు, బాబీ సింహా, ప్రమోద్ పంజు ఇతర కిలక పాత్రలలో నటించారు. ఈ చిత్రం తొలి షోతోనే బ్లాక్ బస్టర్ టాక్ తెచ్చుకుని, భారీ కలెక్షన్స్ సాధిస్తోంది. ఈ చిత్రమలో నటించిన నటీనటులు దేశవ్యాప్తంగా పాపులర్ అయ్యారు. అలాంటివారిలో ప్రమోద్ పంజు ఒకరు.
సలార్ లో వరద రాజమన్నార్ తమ్ముడు బాచి మన్నార్ పాత్రలో నటించి, మెప్పించాడు. ప్రమోద్ పంజు కన్నడంలో పాపులర్ యాక్టర్. 1990లో జనవరి 10న జన్మించాడు. మాండ్య జిల్లాకు చెందినవాడు. ప్రమోద్ పంజు మద్దూరులోని సెయింట్ ఆన్స్ ఉన్నత పాఠశాలలో చదువును పూర్తి చేశాడు. సురానా కళాశాల నుండి గ్రాడ్యుయేషన్ పూర్తి చేశాడు. 2015 లో శాండల్ వుడ్ లో అడుగుపెట్టాడు.
ప్రమోద్ నటించిన మొదటి సినిమా గీతా బ్యాంగిల్ స్టోర్‌లో 11 సెప్టెంబర్ 2015న విడుదలైంది. ఆ తర్వాత 2019లో కన్నడ చిత్రం ప్రీమియర్ పద్మినిలో నటించాడు. మట్టే ఉద్భవ, అతను బుల్లితెర పై చుక్కి, పునర్వివాహ వంటి సీరియల్స్ లో నటించి, పాపులర్ అయ్యాడు. ప్రమోద్ మహాదేవి సీరియల్‌లో శివుడిగా నటించాడు. ఈ ఏడాది సలార్ పార్ట్ 1 లో నటించి, మరింత పాపులర్ అయ్యారు.