Filmy Adda

ఒక సినిమా 50 రోజులు ఆడింది అంటే హిట్ అంటారు. వంద రోజులు ఆడింది అంటే సూపర్ హిట్ అంటారు. అదే ఒక సినిమా ఏడాది ఆడితే? అసలు ఏదైనా ఒక సినిమా ఏడాది పాటు ఆడుతుందా అనే అనుమానం కూడా వస్తుంది.

కానీ అలా ఏడాది పాటు ఆడిన సినిమా ఒకటి ఉంది. అది కూడా మన తెలుగు ప్రేక్షకులకు బాగా తెలిసిన సినిమా. ఆ సినిమా మరేదో కాదు రజినీకాంత్ నటించిన చంద్రముఖి సినిమా. ఈ సినిమా తమిళ్ లో సంవత్సరం ఆడింది. ఇందులో జ్యోతిక మరొక ముఖ్య పాత్రలో నటించారు. అసలు జ్యోతిక నటన చూసిన తర్వాత ఆమె చాలా సంవత్సరాల పాటు చంద్రముఖి గానే ప్రేక్షకులకి గుర్తున్నారు.

అందులోనూ ముఖ్యంగా ఆ పాట అయితే చాలా మందిని భయపెట్టేలా చేసింది. ఇప్పటికి కూడా ఈ సినిమా పేరు వింటే భయపడే వాళ్ళు ఉంటారు. చంద్రముఖి సినిమా మలయాళంలో రూపొందిన మణిచిత్రతాళు అనే సినిమాకి రీమేక్. తమిళ్ లో రజనీకాంత్ పోషించిన పాత్రని మలయాళంలో మోహన్ లాల్ పోషించారు. జ్యోతిక పోషించిన పాత్రని శోభన పోషించారు. ఈ సినిమాకి శోభన జాతీయ ఉత్తమ నటి అవార్డు కూడా అందుకున్నారు. అయితే చంద్రముఖి పాత్రలో చాలా మంది హీరోయిన్లు నటించారు. వారు ఎవరో వారు నటించిన సినిమాలు ఏవో ఇప్పుడు చూద్దాం.

#1 శోభన

ఒరిజినల్ సినిమా అయిన మణిచిత్రతాళు సినిమాలో శోభన నాగవల్లి పాత్రలో నటించారు. మలయాళంలో రూపొందిన ఈ సినిమాలో నాగవల్లి పాత్ర తమిళ్ మాట్లాడుతుంది. ఈ సినిమాకి శోభన ఎన్నో అవార్డులు అభినందనలు అందుకున్నారు.

#2 సౌందర్య

కన్నడలో రూపొందిన ఆప్తమిత్ర సినిమాలో సౌందర్య గంగ పాత్రలో నటించారు. కన్నడలో కూడా ఈ పాత్ర పేరు నాగవల్లి అని పెట్టారు. ఇందులో కూడా నాగవల్లి పాత్ర తెలుగు మాట్లాడుతుంది.

#3 జ్యోతిక

తమిళ్ లో చంద్రముఖి పేరు పొందిన ఈ సినిమాలో గంగ పాత్రలో జ్యోతిక నటించారు. ఈ సినిమాని తెలుగులో కూడా డబ్ చేసి అదే పేరుతో విడుదల చేశారు. తమిళ్ లో చంద్రముఖి పాత్ర తెలుగు మాట్లాడుతారు. తెలుగులో చంద్రముఖి తమిళ్ లో మాట్లాడుతారు.

#4 విద్యా బాలన్

హిందీలో భూల్ భులయ్యా పేరుతో రూపొందిన ఈ సినిమాకి ప్రియదర్శన్ దర్శకత్వం వహించారు. అక్షయ్ కుమార్ ముఖ్య పాత్రలో నటించిన ఈ సినిమాలో విద్యా బాలన్ చంద్రముఖి పాత్రలో నటించారు. అయితే ఈ సినిమాలో చంద్రముఖి పేరుని మంజులిక అని మార్చారు. ఇందులో మంజులిక పాత్ర బెంగాలీ మాట్లాడుతుంది. ఈ పాత్రతో విద్యా బాలన్ కి చాలా మంచి గుర్తింపు వచ్చింది.

#5 అను చౌదరి

బెంగాలీలో ఇదే సినిమాని రాజ్ మొహుల్ పేరుతో రూపొందించారు. ఈ సినిమాలో చంద్రముఖి పాత్రలో అను చౌదరి నటించారు.

#6 విమల రామన్

ఆప్తమిత్ర కి సీక్వెల్ గా రూపొందిన ఆప్త రక్షకలో నాగవల్లి పాత్రలో విమల రామన్ నటించారు.

#7 అనుష్క

చంద్రముఖికి సీక్వెల్ గా తెలుగులో రూపొందిన నాగవల్లి సినిమాలో ఇదే పాత్రలో అనుష్క నటించారు. అయితే ఈ సినిమాలో చంద్రముఖి పేరు చంద్రముఖి కాదు అని, ఆమె అసలు పేరు నాగవల్లి అని చెప్తారు.

#8 టబు

హిందీలో వచ్చిన భూల్ భులయ్యా సినిమాకి సీక్వెల్ గా భూల్ భులయ్యా – 2 రూపొందించారు. ఇందులో కార్తీక్ ఆర్యన్, కియారా అద్వానీ హీరో హీరోయిన్లుగా నటించారు. ఈ సినిమా స్టోరీ చాలా వరకు మార్చారు. అయితే మొదటి భాగంలో మంజులిక అనే పాత్ర మీద కథ నడుస్తుంది. ఇందులో కూడా మంజులిక అనే ఒక పాత్ర ఉంటుంది. ఆ పాత్రలో టబు నటించారు.

అయితే చంద్రముఖి సినిమాకి, ఈ సినిమాకి అసలు సంబంధం ఉండదు. కానీ మొదటి పార్ట్ లో యూజ్ చేసిన పాటని మాత్రం ఇందులో కూడా వాడారు. అంతే కాకుండా ఈ సినిమాలో టబుని కూడా సంగీతం, నృత్యం పట్ల ఆసక్తి ఉన్న వ్యక్తిగానే చూపించారు. ఇందులో టబు అంజులిక అనే మరో పాత్రలో కూడా నటించారు.

#9 కంగనా రనౌత్

ఇప్పుడు చంద్రముఖి రూపొందిన చాలా సంవత్సరాల తరువాత దానికి అసలైన సీక్వెల్ గా రూపొందుతున్న చంద్రముఖి 2 సినిమాలో చంద్రముఖి అనే పాత్రలో కంగనా రనౌత్ నటిస్తున్నారు. ఈ సినిమా మొదటి భాగానికి కొనసాగింపుగానే ఉంటుంది అని చెప్పారు. అంతే కాకుండా మొదటి భాగంలో నటించిన వడివేలు కూడా ఇందులో ఉన్నారు. రజనీకాంత్ పాత్రలో లారెన్స్ నటిస్తున్నారు. ఈ సినిమా ట్రైలర్ ఇటీవల విడుదల అయ్యింది.

ఈ హీరోయిన్లు అందరూ కూడా చంద్రముఖి కథతో రూపొందిన రీమేక్ సినిమాల్లో ఆ హీరోయిన్ పాత్రలో నటించారు. ఒక సినిమాలో చంద్రముఖి అయితే, మరొక సినిమాలో నాగవల్లి. ఇంకొక సినిమాలో ఇంకొక పేరు. కానీ పాత్ర మాత్రం అన్ని సినిమాల్లో ఒకటే. కథ కూడా దాదాపు ఒకటేలాగా ఉంటుంది. మరి ఇప్పుడు చంద్రముఖి 2 లో ఎలా చూపిస్తారో తెలియాలి అంటే సినిమా విడుదల అయ్యేంతవరకు ఆగాల్సిందే.

ALSO READ : BIGG BOSS TELUGU-7 : అసలు ఎవరు ఈ పల్లవి ప్రశాంత్..? అతని బ్యాక్‌గ్రౌండ్‌ ఏంటంటే..?

సౌత్ సూపర్ స్టార్ రజినీకాంత్ హీరోగా తమిళ స్టార్ డైరెక్టర్ శంకర్ దర్శకత్వంలో వచ్చిన సినిమా శివాజి. ఈ చిత్రంలో శ్రియ శరణ్ హీరోయిన్ గా నటించింది. అప్పటి దాకా దక్షిణాదిలో వచ్చిన సినిమాలన్నిటి కన్నా అత్యధిక బడ్జెట్ తో తెరకెక్కిన సినిమాగా ‘శివాజి’ రికార్డు సృష్టించింది.

2007లో జూన్ 15న రిలీజ్ అయిన ఈ మూవీ కోలీవుడ్ లో ఎబౌవ్ యావరేజ్ గా నిలిచింది, అయితే టాలీవుడ్ లో సూపర్ హిట్ గా నిలిచింది. ఈ మూవీ టీవీలో టెలికాస్ట్ అయితే చూసే ప్రేక్షకులు ఉన్నారు. అంతలా తెలుగు ఆడియెన్స్ కు కనెక్ట్ అయ్యింది. రజినికాంత్ మేనమామగా నటించిన వివేక్ ఈ మూవీలో ఏం పని చేసేవారో ఇప్పుడు చూద్దాం..
రజినీకాంత్, శ్రియ జంటగా నటించిన మూవీ శివాజి. డైరెక్టర్ శంకర్ తెరక్కేకించిన ఈ మూవీ తమిళంతో పాటు,  తెలుగులోను ఏకకాలంలో విడుదల అయ్యింది. అయితే తమిళంలో కన్నా, తెలుగులోనే సూపర్ హిట్ అయ్యింది. ఈ చిత్రంలోని పాటలు సూపర్ హిట్ అయ్యాయి. సౌత్ లో వంద కోట్ల గ్రాస్ వసూళ్లు సాధించిన సినిమాగా ‘శివాజీ’ అప్పట్లో రికార్డులు క్రియేట్ చేసింది. రజినికాంత్ లుక్సం, డైలాగ్స్, స్టైల్ కు ఫ్యాన్స్ ఫిదా అయ్యారు.
ఒక ఎన్నారై భారత్ కు వచ్చి, దేశంలో దాచిపెట్టిన బ్లాక్ మనీని ఎలా బయటకు రప్పించాడు. ఆ డబ్బుతో ప్రజలకు ఎలా సాయం చేశాడనే కాన్సెప్ట్ తో ఈ మూవీని శంకర్ తెరకెక్కించారు. సందేశాత్మక కథతో రూపొందిన ఈ మూవీలో రజినికాంత్ ఒక ఎన్నారై పాత్రలో నటించారు.
రజినికాంత్ మేనమామగా పూర్తి నిడివి ఉన్న పాత్రలో వివేక్ నటించారు. అయితే ఈ మూవీని ఇప్పటికే ఎన్నోసార్లు చూసినా కానీ, వివేక్ ఏం జాబ్ చేసేవాడేనే విషయాన్ని ప్రేక్షకులు గమనించలేదు. అయితే ఈ మూవీలో వివేక్ లాయర్ గా నటించాడు. ఈ విషయం తెలిసిన నెటిజెన్లు ఇన్ని సార్లు చూసాం కాని వివేక్ ఏం చేస్తారు అనే విషయం గమనించలేదే అని కామెంట్స్ పెడుతున్నారు.

Also Read: స్కంద ట్రైలర్‌లో రామ్, శ్రీకాంత్ తో పాటు కనిపించిన… ఈ హీరో ఎవరో తెలుసా..?

పవర్ స్టార్ పవన్ కళ్యాణ్ అభిమానులు గత వారం రోజులుగా ఓజి టీజర్ కోసం ఎంతగానో ఎదురుచూస్తున్నారు.  ఐదు సంవత్సరాల తర్వాత తమ అభిమాన స్టార్ నటిస్తున్న స్ట్రెయిట్ సినిమా కావడంతో ఈ మూవీ పై ఫ్యాన్స్ అంచనాలు ఆకాశాన్ని అంటుతున్నాయి.

గ్యాంగ్ స్టర్ నేపథ్యంలో ఓజి సినిమాను నిర్మిస్తున్న డివివి ఎంటర్ టైన్మెంట్స్ ఈ చిత్రం గురించి తరచూ అప్డేట్స్ ఇస్తూ, మూవీ పై హైప్ ను ఎప్పటికప్పుడు పెంచుతూ వస్తున్నారు. పవర్ స్టార్ పవన్ కళ్యాణ్ పుట్టినరోజుని సందర్భంగా తాజాగా ఈ మూవీ టీజర్ రిలీజ్ చేశారు. అయితే ఈ టీజర్ లో ఇదే మైనస్ అంటూ కామెంట్స్ చేస్తున్నారు. ఆ వివరాలు ఇప్పుడు చూద్దాం.. పవర్ స్టార్ పవన్ కళ్యాణ్ హీరోగా నటిస్తూన్న మూవీ ఓజి. ఈ మూవీని దర్శకుడు సుజిత్ తెరకెక్కిస్తున్నాడు.  ప్రియాంకా అరుళ్ మోహన్ ఈ సినిమాలో హీరోయిన్ గా నటిస్తోంది. ఈ చిత్రానికి మ్యూజిక్ డైరెక్టర్ తమన్ సంగీతం అందిస్తున్నారు. బాలీవుడ్ హీరో ఇమ్రాన్ హష్మీ, శ్రియా రెడ్డి, అర్జున్ దాస్ ముఖ్యపాత్రలలో కనిపించనున్నారు.
ఈ చిత్రంలో పవన్ గ్యాంగ్ స్టర్ పాత్రలో నటిస్తున్నారు. పవన్ కళ్యాణ్ బర్త్ డే పురస్కరించుకుని ఈ మూవీ నుండి ఈరోజు 100 సెకండ్ల నిడివి ఉన్న టీజర్ ను రిలీజ్ చేశారు. ఫ్యాన్స్ కు పూనకాలు తెప్పించే రేంజ్​లో ‘హంగ్రీ చీతా’ అంటూ రిలీజ్​ చేసిన టీజర్ సోషల్​మీడియాను షేక్ చేస్తోంది. ముందుగా మేకర్స్ చెప్పినట్టుగానే ఈ టీజర్ లో పవన్ కళ్యాణ్ లుక్స్​, బ్యాక్​ గ్రౌండ్​ మ్యూజిక్, వైలైన్స్​ ఊహించని రేంజ్​లో చాలా పవర్​ఫుల్​గా ఉన్నాయి.
అర్జున్ దాస్ ఇచ్చిన వాయిస్ ఓవర్ తో ఉన్న ఈ వీడియో అంతా ఎలివేషన్లతో నిండిపోయింది. అయితే ఈ టీజర్ ఫ్లోనెస్ మధ్యలోనే ఆపేసినట్టు ఉందని, చివరి 5 సెకన్లు పర్వాలేదనిపించింది అని కొందరు కామెంట్స్ చేస్తున్నారు. లైటింగ్ విజువల్స్ ఇంకా క్వాలిటీగా ఉంటే బాగుండేదని  అంటున్నారు.

Also Read: “థాంక్యూ సుజిత్ అన్నా..!” అంటూ… “పవన్ కళ్యాణ్” OG గ్లింప్స్ పై 15 మీమ్స్..!

విజయ్ దేవరకొండ సమంత కాంబినేషన్ లో విడుదలైన ఖుషి మూవీ మంచి పాజిటివ్ టాక్ తో ముందుకు సాగుతోంది.‘నిన్ను కోరి’ ‘మజిలీ’ ‘టక్ జగదీష్’ వంటి వినూత్నమైన కాన్సెప్ట్ చిత్రాలను డైరెక్ట్ చేసిన శివ నిర్వాణ ఈ మూవీకి దర్శకత్వ బాధ్యతలు వహించారు.

‘మైత్రి మూవీ మేకర్స్’ బ్యానర్ పై నవీన్ ఎర్నేని, వై.రవి శంకర్ సంయుక్తంగా నిర్మించిన ఈ చిత్రం భారీ అంచనాల మధ్య విడుదల అయింది.

గత కొద్దికాలం గా మంచి సక్సెస్ కోసం ఎదురుచూస్తున్న సమంత ,విజయ్ దేవరకొండ ఇద్దరి కెరీర్లకు ఈ చిత్రం ఎంతో ముఖ్యమైనది. ఇప్పటికే ఈ మూవీ నుంచి విడుదలైనటువంటి ట్రైలర్ ,టీజర్ తో పాటు పాటలు కూడా మంచి ప్రేక్షకాదరణ పొందాయి. ఈ చిత్రానికి మలయాళం మూవీ హృదయం ఫేమ్ అబ్దుల్ వాహబ్ ఈ మూవీకి సంగీతాన్ని సమకూర్చారు. ఈ చిత్రం నుంచి విడుదలైన ప్రతి పాట బ్లాక్ బస్టర్స్ అయ్యాయి. సెప్టెంబర్ 1న ఈ చిత్రం తెలుగుతో పాటు హిందీ, తమిళ, కన్నడ, మలయాళ భాషల్లో సేమ్ టైటిల్ తో గ్రాండ్ గా విడుదల చేయడం జరిగింది.

మొదటి రోజు పాజిటివ్ టాక్ రావడంతో మూవీకి కలెక్షన్స్ కూడా బాగానే వచ్చాయి. ఇప్పటివరకు ఈ చిత్రానికి రూ.50.2 కోట్లు థియేట్రికల్ బిజినెస్ జరిగింది. బ్రేక్ ఈవెన్ చేరుకోవడానికి ఈ చిత్రం రూ.50.55 కోట్ల షేర్ ను రాబట్టాల్సి ఉండగా వరల్డ్ వైడ్ మొదటి రోజు కలెక్షన్స్ 14.96 కోట్లు షేర్ జమ చేసేసాయి. ఇక బ్రేక్ ఈవెన్ రూ.35.59 కోట్ల షేర్ రాబట్టాల్సి ఉండగా వీకెండ్ కాబట్టి కచ్చితంగా ఈ టార్గెట్ సగం పైన ఆయన ఫినిష్ అవుతుంది అని చిత్ర బృందం అంచనా.

ALSO READ : స్కంద ట్రైలర్‌లో రామ్, శ్రీకాంత్ తో పాటు కనిపించిన… ఈ హీరో ఎవరో తెలుసా..?

గరుడ గమన వృషభ వాహన మూవీతో గుర్తింపు పొందిన కన్నడ నటుడు రాజ్‌ బి శెట్టి. ఈ మూవీలో రిషబ్ శెట్టి, రాజ్‌ బి శెట్టి ప్రధాన పాత్రలలో నటించారు. రాజ్ బి శెట్టినేఈ సినిమాకి దర్శకత్వం వహించారు. 2021లో నవంబర్ లో రిలీజ్ అయిన ఈ మూవీ సెన్సేషనల్ హిట్ గా నిలిచింది. ఆ తరువాత ఓటీటీలోకి వచ్చిన ఈ సినిమా పాన్ ఇండియా వైడ్ గా ఆడియెన్స్ ప్రశంసలను అందుకుంది.

రాజ్ బి శెట్టి ఈమూవీ కన్నా ముందుగా ‘ఒందు మొట్టేయ కథె’ అనే సినిమాలో ప్రధానపాత్రలో నటించాడు. తొలిసారి ఈ చిత్రంలోనే లీడ్ రోల్ లో నటించారు. ఈ మూవీకి డైరెక్టర్ మరియు రచయితగా చేశారు. మరి ఒందు మొట్టేయ కథె మూవీ స్టోరీ ఏమిటో? ఇప్పుడు చూద్దాం..
రాజ్‌ బి శెట్టి కన్నడ సినీ ఇండస్ట్రీలో ప్రముఖ యాక్టర్ గా రాణిస్తున్నారు. ఆయన యాక్టర్ మాత్రమే కాదు దర్శకుడు మరియు రచయిత. పలు కన్నడ చిత్రాలకు దర్శకుడిగా, రచయితగా పనిచేశారు. ఈ ఏడాది టోబి అనే సినిమాలో లీడ్ రోల్ లో నటించి, మెప్పించారు. గరుడ గమన వృషభ వాహన సినిమాతో పాపులర్ అయిన రాజ్‌ బి శెట్టి మొదటిసారి లీడ్ క్యారెక్టర్ పోషించిన మూవీ ‘ఒందు మొట్టేయ కథె’. 2017 లో రిలీజ్ అయిన ఈ మూవీ 30 లక్షలు బడ్జెట్ తో తెరకెక్కి, రూ. 2.5 కోట్లు కలెక్షన్స్ సాధించి కమర్షియల్‌గా విజయం సాధించింది. ఉత్తమ సినిమాగా అవార్డ్ అందుకుంది.
రొమాంటిక్ కామెడీమూవీగా తెరక్కేకిన ఈ మూవీ కథ విషయానికి వస్తే, 28 ఏళ్ల జనార్ధన్( రాజ్‌ బి శెట్టి) వృత్తిరీత్యా కన్నడ లెక్చరర్. బట్టతల మరియు సన్నగా ఉండడంవల్ల పెళ్లి సంబంధాలనని తప్పిపోతుంటాయి. జనార్ధన్ జాతకం ప్రకారం, 29 ఏళ్లలోపు అంటే ఏడాది లోపు వివాహం కాకపోతే, అతడు సన్యాసం తీసుకోవాల్సి వస్తుందని జ్యోతిష్యుడు హెచ్చరిస్తాడు. దాంతో జనార్ధన్ లవ్ మ్యారేజ్ చేసుకోవాలని అనుకుంటాడు.
ఆ క్రమంలో సహోద్యోగి అయిన ఎకనామిక్స్ లెక్చరర్ ను లవ్ లో పడేయడానికి ట్రై చేసి ఫెయిల్ అవుతాడు.
ఆ తరువాత ఫేస్ బుక్ ద్వారా తన స్కూల్ క్లాస్ మేట్ ప్రేమ కోసం ప్రయత్నిస్తాడు. అయితే వారిద్దరూ ఒక రోజు పార్కులో కలుస్తారు. కానీ జనార్థన్‌ సరళ లావుగా ఉందని అసహ్యించుకుంటాడు. అతనిలాగే సరళ కూడా బట్టతలను చూసి ఇష్టష్టపడదు.
అయితే ఆ తర్వాత జరిగిన కొన్ని సంఘటనల వల్ల సరళ జనార్థన్‌  ని లవ్ చేస్తుంది. జానార్థన్‌కు నచ్చకపోయినా సరళతో ఎంగేజ్మెంట్ జరుగుతుంది. కానీ అందమైన అమ్మాయినే వివాహం చేసుకోవాలని నిర్ణయించుకున్న జనార్థన్‌ లావుగా ఉన్న సరళను పెళ్లి చేసుకున్నాడా? లేదంటే ఆమెతో పెళ్లి రద్దు చేసుకొని అందంగా ఉండే అమ్మాయి కోసం వెతకడం మొదలుపెడతాడా? అనేది మిగిలిన స్టోరీ.

Also Read: OG గ్లింప్స్ వీడియోలో… “పవన్ కళ్యాణ్” మాట్లాడిన ఆ భాష ఏంటో తెలుసా..? ఆ డైలాగ్ అర్ధం ఏంటంటే..?