Filmy Adda

యంగ్ రెబల్ స్టార్ ప్రభాస్, బాలీవుడ్ డైరెక్టర్ ఓం రౌత్ కాంబోలో తెరకెక్కిన మైథాలాజికల్ మూవీ ఆదిపురుష్. ఈ సినిమా మరో ఎనిమిది రోజుల్లో ప్రపంచవ్యాప్తంగా విడుదలకానుందనే విషయం తెలిసిందే.

హీరో ప్రభాస్ అభిమానుల్లో, సినీ ప్రేక్షకుల్లో మరియు ట్రేడ్ వర్గాల్లో కూడా ఆదిపురుష్ మూవివ పై భారీ అంచనాలు ఉన్నాయి. అయితే, మూవీ టీమ్ మీడియా ఇంటరాక్షన్స్ మరియు ఇంటర్వ్యూలకు దూరంగా ఉండాలని నిర్ణయం  తీసుకున్నారట. దానికి కారణం ఏమిటో ఇప్పుడు చూద్దాం..
ప్రభాస్ మొదటిసారి శ్రీరాముడి పాత్ర పోషించిన  పౌరాణిక చిత్రం ‘ఆదిపురుష్’. ఈ చిత్రం ప్రకటించినప్పటి నుండి  తరచు ఈ మూవీ పై ఏదో ఒక వివాదం జరుగుతూనే ఉంది. సినిమా టీజర్ రిలీజ్ చేసినప్పుడు కార్టూన్ సినిమా అని ట్రోల్స్, కామెంట్స్ చేశారు. దాంతో సోషల్ మీడియాలో ఈ మూవీ పై విపరీతమైన నెగటివిటి స్ప్రెడ్ అయ్యింది. దీంతో మేకర్స్ విజువల్స్ గ్రాఫిక్స్ పై మరింత దృష్టి పెట్టారు. ఈ కారణంగానే సినిమా రిలీజ్ చాలా ఆలస్యమైంది.
ఆ తరువాత రిలీజ్ చేసిన ట్రైలర్ తో విమర్శలు కాస్త తగ్గాయి. కానీ రామాయణాన్ని తప్పుగా చూపించారని మరోసారి ఆదిపురుష్ పై వివాదం మొదలైంది. తాజాగా ఈ మూవీ ప్రీ రిలీజ్ ఈవెంట్ ను కూడా గ్రాండ్ గా నిర్వహించింది. ఆదిపురుష్‌ చిత్ర బృందం మూవీ ప్రమోషన్స్‌ని వినూత్నంగా చేసింది. మూవీ రిలీజ్ అయిన థియేటర్లలో ఒక్క సీట్ హనుమంతుడికి కేటాయించింది. ఈ వార్త సోషల్ మీడియాలో వైరల్ అయ్యింది. అయితే ఆదిపురుష్ మూవీ టీమ్ మాత్రం  మీడియా ఇంటరాక్షన్‌లు మరియు ఇంటర్వ్యూలు చేయకూడదని నిర్ణయం తీసుకున్నట్టు తెలుస్తోంది. తమ చిత్రం చుట్టూ వివాదాలు రాకుండా ఉండడం కోసమే ఈ నిర్ణయం తీసుకున్నారని అంటున్నారు. ఎందుకంటే ప్రస్తుతం మూవీ ప్రమోషన్స్ లేదా ఇంటర్వ్యూలలో అడిగే కొన్ని ప్రశ్నలు వివాదానికి దారి తీస్తుండడం తెలిసిందే. అందువల్ల ఈ చిత్రం విడుదలయ్యే వరకు ఆదిపురుష్ టీమ్ నుండి ఎలాంటి ఇంటర్వ్యూలు ఉండవని తెలుస్తోంది. తమ మూవీకి ఎలాంటి వివాదాలు రాకుండా చేయడం కోసం ఆదిపురుష్ టీమ్ వ్యూహాత్మక నిర్ణయం తీసుకున్నారని చెప్పవచ్చు.

https://www.instagram.com/p/CtOFJgnJQWR/?igshid=NjZiM2M3MzIxNA%3D%3D

Also Read: లవకుశ సినిమాలో “అంజలీదేవి” నుండి ఆదిపురుష్ సినిమాలో “కృతి సనన్” వరకు… సినిమాల్లో “సీతా దేవి” పాత్రలో నటించిన 8 హీరోయిన్స్..!

సీత లేని రాముడిని ..రామాయణాన్ని ఊహించగలమా? భర్త మాటకు ఎదురుచెప్పని మహా ఇల్లాలు. ఎంతో సహనశీలి.. ధైర్యవంతురాలు.. ఆత్మాభిమానం గల స్త్రీమూర్తి. ఆమె జీవితం నేటి తరం మగువలకే కాదు భవిష్యత్ తరాల వారికి ఎంతో ఆదర్శం. ఇక రామయణ కథను ఆధారంగా చేసుకుని అనేక తెలుగు సినిమాలు వచ్చాయి. ఆ సినిమాల్లో సీత పాత్రలో నటించి మెప్పించారు కొందరు నటీమణులు.

సీతాదేవి ఆహార్యాన్ని, హావభావాల్ని ఎంతో రమ్యంగా పలికించి, నటించి మెప్పించిన ఆ తెలుగుతెర నటీమణుల్ని ఈ శ్రీరామనవమి సందర్భంగా గుర్తుచేసుకుందాం..

#1 అంజలీదేవి

తెలుగు వారికి సీత అనగానే ఠక్కున గుర్తుకువచ్చే పేరు అంజలీదేవి. ‘లవకుశ’ చిత్రం లో సీత పాత్ర ఆమెకు ఎనలేని పేరు తెచ్చింది. ఈ పాత్రలో నటనకు గాను ఆమె రాష్ట్రపతి గోల్డ్ మెడల్ కూడా అందుకున్నారు. ఇప్పటికీ శ్రీరాముడి భార్య సీత అంటే అంజలీదేవి పేరే గుర్తుకు వస్తుంది.

#2 చంద్రకళ

సీత పాత్రలో ఆకట్టుకున్న మరో నటి చంద్రకళ. చూడచక్కని రూపంతో, సహజమైన నటనతో అందరినీ ఆకట్టుకున్న చంద్రకళ ”సంపూర్ణరామాయణం” సినిమాలో సీత పాత్రలో నటించారు.

#3 సంగీత

తన సహజ నటనతో ఆకట్టుకొనే నటి సంగీత ‘శ్రీరామపట్టాభిషేకం’ చిత్రం లో సీతగా నటించారు.

#4 జయప్రద

గ్లామర్ రోల్స్ తో పాటు నటనకు ఆస్కారం ఉన్న ఎన్నో పాత్రల్లో నటించి మంచి గుర్తింపు తెచ్చుకున్నారు జయప్రద. ఆమె బాపు సినిమా “సీతాకళ్యాణం” లో సినిమాలో సీతగా నటించారు.

#5 నయనతార

అలాగే దర్శకుడు బాపు తీసిన మరో చిత్రం ‘శ్రీరామరాజ్యం’ లో సీత పాత్రలో నటించి నయనతార ప్రశంసలు అందుకున్నారు. ఈ సినిమాకు గాను ఫిల్మ్ ఫేర్, నంది అవార్డునుకూడా అందుకున్నారు.

#6 అర్చన

‘శ్రీరామదాసు’ చిత్రం లో నటి అర్చన సీతాదేవి గా నటించారు.

#7 లయ

‘దేవుళ్ళు’ చిత్రం లో ‘అందరి బంధువయా..’ పాటలో సీతగా కనిపించారు లయ. శ్రీకాంత్ రాముడిగా సీతగా లయ కనిపించేది కొద్దిసేపైనా ఆ పాట ఆద్యంతం అద్భుతంగా ఉంటుంది.

#8 కృతి సనన్

ఇక లేటెస్ట్ గా రాబోతున్న ప్యాన్ ఇండియా మూవీ ”ఆదిపురుష్” రామాయణ కథ ఆధారంగా నిర్మిస్తున్న విషయం తెలిసిందే. ఈ చిత్రం లో కృతిసనన్ సీతగా, ప్రభాస్ రాముడిగా నటిస్తున్నారు.

ALSO READ : “ప్రభాస్” తో పాటు… సినిమాల్లో “రాముడి పాత్ర” పోషించిన 12 హీరోలు..!

నటసింహం నందమూరి బాలకృష్ణ హీరోగా దర్శకుడు అనిల్ రావిపూడి దర్శకత్వంలో ఒక చిత్రం తెరకెక్కుతున్న విషయం తెలిసిందే. మాస్ యాక్షన్ బ్యాక్ డ్రాప్ లో రాబోతున్న ఈ చిత్రంలో కాజల్ అగర్వాల్ హీరోయిన్ గా నటిస్తోంది. యంగ్ హీరోయిన్ శ్రీలీల ఈ సినిమాలో ముఖ్య పాత్రలలో నటిస్తోంది.

ఈ సినిమా చిత్రీకరణ కొద్ది రోజులుగా శరవేగంగా జరుగుతోంది. ఇక ఈ చిత్రం పై అంచనాలు పెరుగుతున్నాయి. జూన్ 10న బాలయ్య  పుట్టినరోజు సందర్భంగా 2 రోజుల ముందే టైటిల్ రీవిల్ చేస్తూ పోస్టర్ రిలీజ్ చేశారు. ఆ పోస్టర్ లో ఉన్న కొన్ని విషయాలను ఇప్పుడు చూద్దాం..
నందమూరి బాలకృష్ణ, అనిల్ రావిపూడి కాంబో ప్రకటించినప్పటి నుండే ఈ చిత్రం పై అందరి దృష్టి పడింది. మాస్ హీరోని అనిల్ రావిపూడి ఎలా చూపిస్తారో చూడాలని నందమూరి ఫ్యాన్స్ ఎదురుచూస్తున్నారు. గతంలో రిలీజ్ అయిన ఫస్ట్ లుక్ తో చిత్రం పై అంచనాలను ఏర్పడ్డాయి. ఈ క్రమంలోనే గత కొద్ది రోజులుగా సినిమా టైటిల్ గురించి కామెంట్స్  వినిపిస్తున్నాయి. జూన్ 10న బాలయ్య పుట్టినరోజు సందర్భంగా 2 రోజుల ముందుగానే మూవీ టైటిల్ రివీల్ చేస్తూ మేకర్స్ పోస్టర్ రిలీజ్ చేశారు.
ఈ సినిమాకి ‘భగవంత్ కేసరి’ అనే టైటిల్ ఫైనల్ చేసి, పోస్టర్ రిలీజ్ చేశారు. ఈ టైటిల్ కు ‘ఐ డోంట్ కేర్’ అనే ఉపశీర్షికను ఇచ్చారు. భగవంత్ అనగా విష్ణుమూర్తి, కేసరి అనగా సింహం’ అని అర్ధం. బాలకృష్ణకి టైటిల్ లో సింహం అని పెట్టుకునే సెంటిమెంట్ ఉంది.  అందువల్లే  ‘భగవంత్ కేసరి’ అని పెట్టినట్లు తెలుస్తోంది.
ఈ పోస్టర్ లో బాలకృష్ణ చేతిలో డీఫెరెంట్ వెపన్ పట్టుకొని ఉన్నారు. అలాగే టైటిల్ లో భగవంత్ పదంలో మూడు సింహాల గుర్తు ఉంది. అంటే ఈ మూవీ కథ చట్టం, పోలీసుల చుట్టూ తిరుగుతుందని టాక్ వినిపిస్తోంది. పోస్టర్ లో బాలయ్య మాస్ గా కనిపిస్తూనే స్టైలిష్ గా కూడా ఉన్నారు.

Also Read: విజయ్ నెక్స్ట్ సినిమాలో విలన్ ఆ హీరోనా..? ఇన్ డైరెక్ట్ గా ఇంత పెద్ద క్లూ ఇచ్చేశారుగా..?

కోలీవుడ్ స్టార్ హీరో విజయ్ దళపతికి ఉన్న క్రేజ్ గురించి ప్రత్యేకంగా చెప్పనవసరం లేదు. తమిళ ఇండస్ట్రీలో అగ్ర హీరోగా తనకంటూ ప్రత్యక ఇమేజ్ సొంతం చేసుకున్న విజయ్ కి ఫ్యాన్ ఫాలోయింగ్ ఎక్కువే. తమిళంలోనే కాకుండా విజయ్ కు తెలుగులోనూ ఫ్యాన్స్ ఉన్నారు.

విజయ్ దళపతి ప్రస్తుతం సంచలన దర్శకుడు లోకేష్ కనకరాజన్ డైరెక్షన్ లో లియో అనే చిత్రంలో నటిస్తున్నాడు. ఆ చిత్రం సెట్స్ పై ఉంది. ఇటీవల ‘తలపతి 68’ చిత్రాన్ని ప్రకటిస్తూ వీడియో రిలీజ్ చేశారు. ఈ వీడియోలోసినిమాలో నటించే  విలన్ గురించి క్లూ ఇచ్చారు. మరి విలన్ ఎవరో ఇప్పుడు చూద్దాం..
విజయ్ దళపతి కొత్త సినిమాల కోసం కోలీవుడ్ తో పాటు టాలీవుడ్ ప్రేక్షకులు కూడా ఎదురు చూస్తుంటారు. ఏడాది మొదట్లోనే వారసుడు మూవీతో దక్షిణాది ఆడియెన్స్ అలరించిన విజయ్, ప్రస్తుతం లియో సినిమాతో బిజీగా ఉన్నారు. విక్రమ్ దర్శకుడు లోకేష్ కనకరాజన్ డైరెక్షన్ లో రూపొందుతున్న ఈ మూవీలో త్రిష హీరోయిన్ గా నటిస్తోంది. హిట్ పెయిర్ గా పాపులర్ అయిన ఈ జంట 17 ఏళ్ల తర్వాత మరోసారి జత కడుతున్నారు. ఇప్పటికే ఈ మూవీ నుంచి రిలీజ్ అయిన ఫస్ట్ గ్లింప్స్ లియో చిత్రం పై హైప్ ను పెంచింది.
విజయ్ ఒక వైపు లియో మూవీ షూటింగ్ లో పాల్గోంటూనే, మరో సినిమాకి గ్రీన్ సిగ్నల్ ఇచ్చారు. ‘తలపతి 68’ అనే వర్కింగ్ టైటిల్ తో సినిమాని ప్రకటిస్తూ ఒక వీడియోని రిలీజ్ చేశారు. ఈ చిత్రాన్ని తమిళ దర్శకుడు వెంకట్ ప్రభు తెరకెక్కించనున్నాడు. ఈ వీడియోలో మూవీకి సంబంధించిన విషయాలను పజిల్స్ తో చూపించారు.

అందులో విలన్ ఎవరో క్లూ ఇచ్చారు. ఒక ట్విట్టర్ ఖాతాలో ఆ పజిల్ క్లిపింగ్ ను ఇచ్చి, విలన్ ఎవరో గెస్ చేయమని అంటే ఎక్కువగా ఎస్ జే ఎస్  అక్షరాలకు రౌండప్ చేసి ఎస్ జే సూర్య ఈమూవీలో విలన్ అని కామెంట్స్ చేస్తున్నారు. విజయ్ మరియు ఎస్ జే సూర్య ఇంతకు ముందు కూడా నటించారు.

Also Read: హీరోయిన్ శ్రీలీల “చైల్డ్ ఆర్టిస్ట్” గా నటించారా..? ఏ సినిమాలో అంటే..?

మణిరత్నం డ్రీమ్ ప్రాజెక్ట్ గా ప్రేక్షకుల ముందుకు వచ్చిన సినిమా పొన్నియిన్ సెల్వన్. భారీ అంచనాల మధ్య ఈ సినిమా ఇటీవలే ప్రేక్షకుల ముందుకు వచ్చింది. తెలుగు, తమిళం, హిందీ, కన్నడ, మలయాళ భాషల్లో విడుదలై ప్రేక్షాదరణ పొందుతోంది ఈ సినిమా. పొన్నియిన్ సెల్వన్ అనేది ఒక చారిత్రక నవల. దీన్ని కృష్ణమూర్తి (1899-1954) రాశారు. తన మ్యాగజీన్ ‘కల్కి’ కోసం 1950 నుంచి మూడేళ్ల పాటు ఈ నవలను ఒక సిరీస్ రూపంలో ప్రచురించారు.

చోళులలో ప్రసిద్ధుడైన రాజ రాజ చోళుడు-1 తండ్రి పరాంతక చోళుడు-2 ఆయన కాలంలోని కొన్ని చారిత్రక సంఘటనలను దృష్టిలో ఉంచుకొని కల్కి ఈ నవలను రాశారు. ఈ నవల కోసం చోళులు పాలించిన అనేక ప్రాంతాల్లో కల్కి పర్యటించారు. తంజావూరు, నాగపట్టణం, తిరువారూర్, అరియలూరుతో పాటు శ్రీలంకలో కూడా పర్యటించారు. ఈ నవల 2,400 పేజీలు ఉంటుంది. దీన్ని 5 భాగాలుగా రాశారు.

అయితే ఈ సినిమా కథ మణిరత్నం ఇప్పుడు అనుకున్నది కాదు. చాలా సంవత్సరాల నుండి మణిరత్నం ఈ సినిమా తీయాలి అని అనుకుంటున్నారు. 1990 లో ఒక సారి, 2011 లో కూడా ఈ సినిమా తీయాలనుకున్నారు మణిరత్నం. అందుకోసం అప్పుడు సినిమాలో నటించే వారిని కూడా అనుకున్నారు. కానీ ఇప్పుడు నటిస్తున్న నటులు, అప్పుడు సినిమా కోసం అనుకున్న నటులు వీరు కాదు.

ఇప్పుడు మణిరత్నం అనుకున్న నటులెవరో ఇప్పుడు చూద్దాం..

#1 రేఖ

ఈ సినిమాలో కీలక పాత్ర అయిన నందిని కోసం.. 1990 లో రేఖని అనుకున్నారు మణిరత్నం.. కానీ ఇప్పుడు ఫైనల్ గా ఐశ్వర్య రాయ్ ఈ పాత్ర లో నటించారు.

#2 విజయ్

ఈ మూవీ లో కార్తీ పోషించిన వండియా దేవన్ పాత్ర కోసం విజయ్ ని సంప్రదించారు కానీ ఈ చిత్రం ఆలస్యం అవుతుండటం తో ఆయన ఈ ప్రాజెక్ట్ నుంచి తప్పుకున్నారు.

#3 కీర్తి సురేష్

ఈ చిత్రం లో మరో కీలక పాత్ర కుందవై. ఈ పాత్రని త్రిష పోషించారు. కానీ ముందుగా ఈ పాత్ర కోసం కీర్తి సురేష్ ని అనుకున్నారు.

#4 మహేష్ బాబు

ఈ చిత్రం లో ఒక పాత్ర కోసం మహేష్ లుక్ టెస్ట్ కూడా జరగ్గా.. ఈ చిత్రం ఆలస్యం అవుతుండటం తో ఆయన ఈ ప్రాజెక్ట్ నుంచి తప్పుకున్నారు.

#5 అనుష్క

ఈ చిత్రం లో ఒక పాత్ర కోసం అనుష్క ని ఎంపిక చేసారు. కానీ కొన్ని కారణాల వల్ల ఆమె ఈ ప్రాజెక్ట్ నుంచి తప్పుకుంది.

#6 సూర్య

తన తమ్ముడు ఈ చిత్రం లో నటించిన వండియా దేవన్ పాత్రకి కూడా ముందుగా సూర్య ఎంపికయ్యారు. కానీ వేరే ప్రాజెక్ట్స్ లో బిజీ కావడం తో ఈ ప్రాజెక్ట్ నుంచి తప్పుకున్నారు.

#7 అమలాపాల్

హీరోయిన్ అమలాపాల్ ని కూడా ఒక పాత్ర కి ఎంపిక చేసారు. కానీ ఈ చిత్రం ఆలస్యం అవుతుండటం తో ఈమె ఈ ప్రాజెక్ట్ నుంచి తప్పుకున్నారు.

Also read: పొన్నియన్ సెల్వన్ కోసం… మణిరత్నం అలాంటి నిర్ణయం తీసుకున్నారా..?

ఆదిపురుష్, దాదాపు నెల రోజుల నుండి సోషల్ మీడియాను షేక్ చేస్తోన్నపేరు. ఈ మూవీ భారీ అంచనాల నడుమ జూన్ 16న దేశవ్యాప్తంగా రిలీజ్ కాబోతుంది. ఈ చిత్రం కోసం సినీప్రియులు ఎంతగానో ఎదురుచూస్తున్నారు. ఈ చిత్రాన్ని బాలీవుడ్ దర్శకుడు ఓంరౌత్ తెరకెక్కించారు.

పాన్ ఇండియా  స్టార్ ప్రభాస్, కృతి సనన్ జంటగా నటించిన ఈ మూవీ పై ప్యాన్స్ ఎన్నో అంచనాలు పెట్టుకున్నారు. ఈ మూవీలో ప్రభాస్ రాముడిగా, సీతగా కృతి సనన్, సైఫ్ అలీ ఖాన్ రావణుడి గా నటిస్తున్నారు. 600 కోట్ల భారీ బడ్జెట్ తో రూపొందిన ఈ చిత్రం జూన్ 6న ప్రీరిలీజ్ ఈవెంట్ ను తిరుపతిలో జరుపుకుంది. ఇప్పటికే రిలీజ్ అయిన ట్రైలర్, పాటలు,  పోస్టర్స్ ఆడియెన్స్ ను ఆకట్టుకున్నాయి.
తాజాగా రిలీజ్ అయిన రెండవ ట్రైలర్ ను చూస్తే సినిమా ఎలా ఉండబోతుందో తెలుస్తోంది. ఈ మూవీ రిలీజ్ తేదీ దగ్గరకి వస్తుండడంతో చిత్ర యూనిట్ ప్రమోషన్స్ వేగిరం చేసింది. అయితే హనుమాన్ సీతా దేవి జాడ కోసం వెళ్తున్నప్పుడు శ్రీరాముడు తన ఉంగరాన్ని ఆనవాలుగా ఇస్తాడు. లంకలో సీతాదేవిని కలిసిన హనుమంతుడు రాముడి ఉంగరాన్ని చూపించి రామదూతగా పరిచయం చేసుకుంటాడు.
సీతాదేవిని రాముడి దగ్గరికి తీసుకెళ్తానని చెప్పగా, సీతాదేవి వారించి శ్రీ రాముడు రావణున్ని జయించి తనని తీసుకెళ్లాలని చెప్తుంది. తన ఆనవాలుగా చూడామణి హనుమంతుడికి ఇస్తుంది. ఇదే రామాయణంలో కనిపిస్తుంది. కానీ ఆదిపురుష్ ట్రైలర్ లో సీతాదేవి ఆంజనేయుడికి చూడామణి కాకుండా గాజులు ఇవ్వడం కనిపిస్తుంది. ఆంజనేయుడు ఆ గాజును శ్రీ రాముడి చేతిలో పెట్టడం కూడా ట్రైలర్లలో కనిపిస్తుంది. అయితే రాముడికి సీతమ్మ ఆనవాలుగా చేతిగాజు ఇచ్చినట్టుగా చూపించారు. ఏ ఆధారాలతో ఓంరౌత్‌ చూడామణి కాకుండా చేతిగాజును ఈ చిత్రంలో చూపించారో మరి. ఈ మూవీ రిలీజ్ అయితే ఇంకా ఎన్ని విషయాలను ఇలా చూపించారో తెలుస్తుంది.

Also Read: “ఎన్ని రోజులు అయింది మన డార్లింగ్ ని ఇలా చూసి..?” అంటూ… ప్రభాస్ “ఆదిపురుష్” ప్రీ-రిలీజ్ ఈవెంట్‌పై 15 మీమ్స్..!

సూపర్ స్టార్ మహేష్‌బాబు హీరోగా దర్శకుడు త్రివిక్రమ్‌ శ్రీనివాస్ తెరకెక్కిస్తున్న చిత్రం ‘గుంటూరు కారం’. ఈ  సినిమాకి గుంటూరు కారం అనే టైటిల్ ప్రకటించినప్పటి నుండి సోషల్ మీడియాలో దాని గురించి చర్చ జరుగుతోంది.

అయితే త్రివిక్రమ్‌ చాలా ఇష్టపడే  ‘అ’ సెంటిమెంట్‌ను కూడా పక్కనపెట్టి గుంటూరు కారం అని ఎందుకు పెట్టారని,  మేకర్స్ ఏమనుకుని ఈ టైటిల్ పెట్టారని కొందరు, మూవీ చూస్తే ఆ టైటిల్ ఎందుకు పెట్టారో తెలుస్తుందని అంటున్నారు. అయితే తాజాగా ఈ టైటిల్ వెనుక ఉన్న కారణాన్ని నెటిజన్లు వెతికి మరి పట్టుకున్నారు. అది ఏమిటో ఇప్పుడు చూద్దాం. .
సూపర్ స్టార్ మహేష్ బాబు సినిమా వస్తుందంటే ఫ్యాన్స్ చేసే సందడి మామూలుగా ఉండదు. మహేష్ నటిస్తున్న చిత్రం టైటిల్ ప్రకటనకు మందు నెల రోజుల నుండి ఎక్కడ చూసినా ఆమూవీ గురించే వినిపించింది. నాలుగైదు టైటిల్స్ కూడా ప్రచారంలోకి వచ్చాయి. ఫైనల్ గా వాటిలో నుండి ఒకటి గుంటూరు కారం పేరును మేకర్స్ ఫిక్స్ చేశారు. ఇక టైటిల్ గ్లింప్స్ రిలీజ్ చేసిన రోజు సూపర్ స్టార్ ఫ్యాన్స్ చేసిన హడావుడి అంతా ఇంతా కాదు.
గ్లింప్స్ లో మహేష్ ను మాస్ స్టైల్ లో చూసి అభిమానులు ఫుల్ ఖుషి అయ్యారు. ఈ గ్లింప్స్ 24 గంటల్లో 25 మిలియన్ల వ్యూస్ తో యూట్యూబ్ లో రికార్డ్ క్రియేట్ చేసింది. ప్రస్తుతం ఈ టైటిల్ ఎందుకు పెట్టారని చర్చ మొదలైంది. దానిని నెటిజన్లు డికోడ్ చేశారట. మహేష్‌బాబును షార్ట్‌గా GSSMB అని అంటుంటారు.
ఇక మహేష్‌ బాబు నటిస్తున్న సినిమాతో పాటు వరుస 5 చిత్రాలను తీసుకుంటే, G అంటే గుంటూరు కారం అని, S అంటే సర్కారు వారి పాట అని, S అంటే సరిలేరు నీకెవ్వరు అని, M అంటే మహర్షి అని, B అంటే భరత్ అనే నేను అని లాస్ట్ ఐదు చిత్రాల తొలి అక్షరాలు కలిపితే GSSMB అని నెటిజన్లు కామెంట్స్ చేస్తున్నారు. దాంతో ఈ విషయం వైరల్ గా మారాయి.

Also Read: మెగాస్టార్ ‘భోళా శంకర్‌’ పోస్టర్స్ లో ఆ పేరు మాయమవడానికి కారణం ఇదేనా..?

మెగాస్టార్ చిరంజీవి టైటిల్‌ రోల్ లో నటిస్తున్న చిత్రం భోళా శంకర్. ఈ చిత్రానికి మెహర్‌ రమేశ్‌ దర్శకత్వం వహిస్తున్నారు. ఈ మూవీ కోలీవుడ్ సినిమా వేదాళ‌మ్ కు రీమేక్‌గా తెరకెక్కిస్తున్నారు. ఈ సినిమాలో హీరోయిన్ గా  తమన్నా నటిస్తోంది. హీరోయిన్ కీర్తిసురేశ్‌ చిరంజీవికి చెల్లెలుగా నటిస్తోంది.

శరవేగంగా చిత్రీకరణ జరుపుకుంటున్న ఈ చిత్రం పై భారీ అంచనాలు ఏర్పడ్డాయి. ఈ మూవీ నుంచి ఇప్పటికే కొన్ని  పోస్టర్స్ విడుదల అయ్యాయి. తాజాగా సాంగ్స్ రిలీజ్ అవుతున్నాయి. ఈ మూవీని రెండు నిర్మాణ సంస్థలు కలిసి నిర్మిస్తున్నాయి. అయితే తాజాగా రిలీజ్ అయిన పోస్టర్ ఒక నిర్మాణ సంస్థ కనిపించలేదు. దాంతో ఏమైందా అని ఆరా తీస్తున్నారు. దానికి కారణం ఏమిటో ఇప్పుడు చూద్దాం..
మెగాస్టార్ చిరంజీవి ‘భోళాశంకర్‌’ చిత్రాన్ని ఏకే ఎంటర్‌టైన్మెంట్స్‌ బ్యానర్‌ పై చేయాలి. అయితే మూవీ ప్రారంభం అవుతుండగా కేఎస్‌ రామారావుకు సంబంధించిన క్రియేటివ్‌ కమర్షియల్స్‌ నిర్మాణ సంస్థ కూడా ఈమూవీలో భాగం అయ్యింది. దాంతో మూవీ పోస్టర్ల పై రెండు ప్రొడక్షన్ హౌస్ ల పేర్లు కనిపించాయి. కొన్నేళ్ళ నుండి పెద్ద చిత్రాల ప్రొడక్షన్ కి దూరంగా ఉన్న ఈ సంస్థ ఎందుకు వచ్చిందనే వార్తలు వచ్చాయి. దానికి సమాధానం రాలేదు.

తాజాగా వచ్చిన భోళా శంకర్ పోస్టర్‌లో సిసి సంస్థ పేరు కనిపించలేదు. దానిపై మళ్లీ కొంతమంది అడిగారు. ఈ సారి ఆ నిర్మాణ సంస్థ సన్నిహితుల నుండి సమాధానం వచ్చింది. వాస్తవానికి ఈ చిత్రాన్ని 2 ప్రొడక్షన్ హౌస్ ల ద్వారానే చేయాలని మొదట అనుకున్నారట. కానీ ఈ సంవత్సరం క్రియేటివ్‌ కమర్షియల్స్‌ సంస్థకు చాలా ప్రత్యేకం. బ్యానర్‌ పెట్టి 50 సంవత్సరాలు పూర్తి అయ్యింది. సినిమాల్లోకి వచ్చి 40 సంవత్సరాలు పూర్తి అయ్యింది. ఈ నేపథ్యంలో ముఖ్యమైన ఈ ఏడాది మరో బ్యానర్‌తో కలసి ఎందుకు సినిమా చేయడం. డైరెక్ట్ గా మెగాస్టార్ చిరంజీవితో ఈ సంవత్సరం మూవీ చేసి 50వ ఏడాదిని ప్రత్యేకం చేసుకుందామని భావించారట. అందువల్లనే ఈ మూవీ పోస్టర్‌లో ఆ సంస్థ పేరు కనిపించలేదని అంటున్నారు. ఇక మెగాస్టార్ చిరంజీవి, క్రియేటివ్‌ కమర్షియల్స్‌ కాబినేషన్ లో ఇప్పటివరకు 5 చిత్రాలు వచ్చాయి. చివరిగా 1991లో రిలీజ్ అయిన ‘స్టూవర్ట్‌ పురం పోలీస్ స్టేషన్‌’  అనే మూవీని చేశారు. మళ్ళీ సినిమా చేస్తే 22 సంవత్సరాల తరువాత చేసినట్లు అవుతుంది.

Also Read: అప్పుడు అమ్మోరు.. ఇపుడు ఆదిపురుష్..! ఈ ఫార్ములా వర్కవుట్ అవుతుందా..?