Filmy Adda

‘జబర్దస్త్’ కామెడీ షో యాంకర్ సౌమ్యారావు గురించి ప్రత్యేకంగా పరిచయం చేయాల్సిన అవసరం లేదు. యాంకర్‌గా మారక ముందు సౌమ్యా రావు సీరియల్స్‌లో నటించి మంచి గుర్తింపును సంపాదించుకుంది.

ఆ తర్వాత సౌమ్యా రావు అనుకోకుండా యాంకర్ గా ‘జబర్దస్త్’ షోలో ఎంట్రీ ఇచ్చింది. ఆమెకు అంతగా తెలుగు రాకపోయినా తన తెలుగుతో ఆడియెన్స్ ను అలరిస్తోంది. కంటెస్టెంట్ల మీద పంచులు వేస్తూ, నవ్విస్తూ ఉంటుంది. మదర్స్ డే సందర్భంగా సౌమ్యా రావు తన తల్లి గురించి ఎమోషనల్ పోస్ట్ షేర్ చేసింది. ఆ వివరాలు ఇప్పుడు చూద్దాం..సీరియల్స్ ద్వారా బుల్లితెర ఆడియెన్స్ ను ఆకట్టుకున్న సౌమ్యా రావు, అనుకోకుండా ‘జబర్దస్త్’ షో యాంకర్ గా మారింది. ఈ షోలో చలాకీగా, తన మాటలతో నవ్వుతూ, నవ్విస్తూ ఉండే సౌమ్య రియల్ లైఫ్ లో చాలా సమస్యలను  ఎదుర్కొంది. ముఖ్యంగా సౌమ్యా రావు తల్లి తీవ్రమైన అనారోగ్య సమస్యలతో ఇబ్బంది పడింది. మదర్స్ డే రోజున సౌమ్యా రావు తన తల్లి వీడియోను సామాజిక మాధ్యమంలో షేర్ చేస్తూ, చివరి రోజుల్లో తల్లి పడిన బాధను గుర్తు చేసుకుని భావోద్వేగానికి గురైంది.
తన తల్లి పడిన నరకయాతన మరో తల్లికి రాకూడదని ఎమోషనల్ అయ్యారు. “అమ్మ, డాక్టర్లు, అంబులెన్స్, మందులు, ట్రీట్‌మెంట్, బాధ. అది ఒక బాధాకరమైన జ్ఞాపకంగా మిగిలిపోయింది. దేవుడికి ఎన్ని పూజలు, ఉపవాసాలు చేసినా వృథా అయ్యాయి. అమ్మా నువ్వు లేకుండా నా లైఫ్ అసంపూర్ణంగానే మిగిలిపోయింది.
నిన్ను ప్రతి క్షణం మిస్ అవుతున్నాను. అమ్మా, నువ్వు మళ్లీ నా కోసం పుడతావని ఎంతగానో ఎదురు చూస్తున్నాను. దేవుడా నా తల్లిదండ్రులను మళ్ళీ నాకు ఇవ్వు” అంటూ తన తల్లికి మదర్స్ డే విషెస్ చెప్తూ సౌమ్యా రావు ఎమోషనల్ అయ్యారు. సౌమ్య రావు పోస్ట్‌ చూసిన నెటిజెన్లు ఓదారుస్తూ కామెంట్స్ పెడుతున్నారు. మీరు జీవితంలో కొల్పోయిన ఆనందాలను దేవుడు తిరిగి ఇస్తాడని సోషల్ మీడియాలో కామెంట్స్‌ చేస్తున్నారు.

https://www.instagram.com/p/CsNwyCTgnmJ/

Also Read: యంగ్ క్రికెటర్ “యశస్వి జైస్వాల్”… రాజమౌళి “విక్రమార్కుడు” సినిమాలో నటించారా?

తెలుగు సినీ ఇండస్ట్రీలో తనకంటూ ప్రత్యేకమైన ఇమేజ్‌ను సొంతం చేసుకుని.. సుదీర్ఘ కాలంగా పాపులర్ హీరోగా సత్తా చాటుతోన్నాడు మాస్ కా దాస్ విశ్వక్ సేన్. కెరీర్ ఆరంభం నుంచీ హిట్లు ఫ్లాపులతో సంబంధం లేకుండా సినిమాలు చేస్తోన్న అతడు తాజాగా ‘దాస్ కా ధమ్కీ’ మూవీ తో ప్రేక్షకుల ముందుకి వచ్చాడు.

తన స్వీయ దర్శకత్వంలో.. మాస్ యాక్షన్ ఎంటర్‌టైనర్‌గా వచ్చిన ఈ మూవీకి మంచి స్పందన లభించింది. ఇందులో నివేదా పేతురాజ్ హీరోయిన్‌గా నటించింది. వన్మయి క్రియేషన్స్, విశ్వక్ సేన్ సినిమాస్ బ్యానర్లపై కరాటే రాజు నిర్మించిన దీనికి లియాన్ జేమ్స్ దీనికి సంగీతం అందించారు. ఇందులో అక్షర గౌడ, రావు రమేష్, తరుణ్ భాస్కర్ తదితరులు కీలక పాత్రలు పోషించారు.

ఉగాది రోజు విడుదలైన ధమ్కీ కొంత నెగిటివ్ టాక్ అందుకున్నప్పటికి మంచి కలెక్షన్స్ అందుకుంది. సినిమాలో విశ్వక్ ఒకవైపు కామెడీ పండిస్తూనే మరొకవైపు మాస్ హీరోగా యాక్షన్ సీన్స్ లో కూడా అద్భుతంగా నటించాడు. ఈ చిత్రానికి ప్రపంచవ్యాప్తం గా రూ. 7.50 కోట్ల బిజినెస్ చేసింది. అయితే ఈ మూవీ కి మొదట నెగటివ్ టాక్ వచ్చింది. దీంతో ఈ సినిమా టాక్ ను బట్టి పెద్దగా ఓపెనింగ్స్ రాకపోవచ్చని అందరూ అనుకున్నారు. రివ్యూలు తక్కువగా వచ్చినా కూడా నెంబర్స్ మాత్రం తగ్గలేదు.

ఈ మూవీ 8 కోట్ల బ్రేక్ ఈవెన్ టార్గెట్ తో బరిలోకి దిగి 4 రోజుల్లో టార్గెట్ ను పూర్తి చేసింది. టోటల్ రన్ లో 3.76 కోట్ల రేంజ్ లో ప్రాఫిట్ ను సొంతం చేసుకుని సూపర్ హిట్ గా పరుగును కంప్లీట్ చేసుకుని దుమ్ము లేపింది. వీకెండ్ లోనే చాలా మొత్తాన్ని సొంతం చేసుకున్న సినిమా తర్వాత కొంచం స్లో డౌన్ అయినా కూడా అప్పటికే బ్రేక్ ఈవెన్ ని పూర్తీ చేసుకుని క్లీన్ హిట్ నుండి సూపర్ హిట్ గా నిలిచింది. మొత్తంగా 11 .76 కోట్ల షేర్ 23 .20 కోట్ల గ్రాస్ ను సాధించింది.

యంగ్ రెబల్ స్టార్ ప్రభాస్ రాముడిగా నటిస్తున్న పాన్ ఇండియా మూవీ ‘ఆదిపురుష్’. ఈ చిత్రాన్ని ‘తానాజీ’ దర్శకుడు  రౌత్ తెరకెక్కిస్తున్నాడు. టి.సిరీస్ ఫిలిమ్స్, రెట్రోఫిల్స్ బ్యానర్ల పై ఈ సినిమాని చాలా ప్రతిష్టాత్మకంగా నిర్మించారు.

ఈ సినిమాలో సీతగా కృతిసనన్ నటిస్తుంది. ఈ చిత్రం జూన్ 16న  గ్రాండ్ గా విడుదల కాబోతుంది. తెలుగుతో పాటు హిందీ, తమిళ, కన్నడ, మలయాళ భాషల్లో ఈ చిత్రం విడుదల కానుంది. తాజాగా ఈ మూవీలో నటించినందుకు  యాక్టర్స్ తీసుకున్న రెమ్యూనరేషన్ హాట్ టాపిక్ గా మారింది. ఆ వివరాలు ఇప్పుడు చూద్దాం..
1. ప్రభాస్ – 100-150 కోట్లు:

పాన్ ఇండియా స్టార్ ప్రభాస్ ఆదిపురుష్ లో నటించేందుకు చాలా కష్టపడ్డాడు. రెమ్యూనరేషన్ విషయంలో అందరి కన్నా ఎక్కువగా ప్రభాస్ అందుకున్నట్లు సమాచారం. శ్రీరాముడి పాత్రలో నటించేందుకు ప్రభాస్ 100 కోట్ల రూపాయలకు పైగా పారితోషికం తీసుకున్నాడు. కచ్చితంగా చెప్పాలంటే రూ. 100 – 150 కోట్లు వరకు తీసుకున్నట్లు తెలుస్తోంది. 2. సైఫ్ అలీ ఖాన్ – 12 కోట్లు:

బాలీవుడ్ స్టార్ హీరో  సైఫ్ అలీ ఖాన్ ఈ చిత్రంలో రావణుడి పాత్రలో నటించారు. ఆదిపురుష్ లో నటించడానికి గాను దాదాపు రూ. 12 కోట్లు పారితోషికం తీసుకున్నాడని తెలుస్తోంది.  బాలీవుడ్ లో అత్యధిక పారితోషికం తీసుకునే విలన్‌లలో ఒకరిగా నిలిచాడు.3. కృతి సనన్ – రూ. 3 కోట్లు:

బాలీవుడ్ లో స్టార్ హీరోయిన్ గా రాణిస్తున్న కృతి సనన్ ఆదిపురుష్ చిత్రంలో సీతా దేవిగా నటించింది. ఆదిపురుష్‌లో నటించినందుకు గాను కృతి సనన్ దాదాపు రూ. 3 కోట్ల రెమ్యూనరేషన్ అందుకుందని తెలుస్తోంది.  4. సన్నీ సింగ్ – 1.5 కోట్లు:

బాలీవుడ్ నటుడు సన్నీ సింగ్‌ తన నటనతో యంగ్ అండ్ డైనమిక్ యాక్టర్ గా ఇండస్ట్రీలో తనకంటూ ఒక గుర్తింపు తెచ్చుకున్నాడు. ఆదిపురుష్‌ చిత్రంలో లక్ష్మణుడు పాత్రలో నటించారు. సన్నీఈ పాత్రలో నటించినందుకు గాను దాదాపు రూ.1.5 కోట్లు అందుకున్నట్లు తెలుస్తోంది.
5. సోనాల్ చౌహాన్ – రూ. 50 లక్షలు:

టాలీవుడ్ హీరోయిన్ సోనాల్ చౌహాన్ ఆదిపురుష్ చిత్రంలో ముఖ్యమైన పాత్రలో నటించింది. ఈ చిత్రంలో నటించినందుకు గాను సోనాల్ దాదాపు రూ. 50 లక్షలు చెల్లించారని సమాచారం.
Also Read: “ఇలాంటి ట్రాన్స్ఫర్మేషన్ అస్సలు ఎక్స్పెక్ట్ చేయలేదు కదా..?” అంటూ… “బోయపాటి-రామ్ పోతినేని” సినిమా టీజర్‌పై 15 మీమ్స్..!

సినిమా ఇండస్ట్రీలో దర్శకత్వం చేయాలంటే చాలా ధైర్యం ఉండాలి. అందువల్ల ఈ రంగంలో మొదటి నుండి పురుషులదే పై చేయిగా ఉంది. ఇలాంటి రంగంలో ధైర్యంగా, ఎన్నో సవాళ్లు ఎదుర్కోంటూ సత్తా చాటిన మహిళా దర్శకులు ఉన్నారు.

చాలామంది మహిళా దర్శకులు సినీ పరిశ్రమలో రాణించారు. ఈ మధ్యకాలంలోనే కాదు ఇండస్ట్రీ తొలి తరం నుండి దర్శకత్వ శాఖలో రాణించిన మహిళలు ఉన్నారు. అలా మెగా ఫోన్ పట్టుకొని మహిళా డైరెక్టర్లుగా రాణించినవారు ఎవరో ఇప్పుడు చూద్దాం..
1. విజయనిర్మల :

భారతదేశంలో డైరెక్షన్ చేసిన హీరోయిన్ అనగానే మొదట వినిపించే పేరు విజయనిర్మల. సూపర్ స్టార్ కృష్ణ సతీమణి విజయ నిర్మల తెలుగు నటి, దర్శకురాలు, నిర్మాత. ఆమె చిత్రాలలో నటించిన సమయంలోనే దర్శకురాలిగా మారి, అత్యధిక చిత్రాలు దర్శకత్వం వహించిన మహిళ గా ‘గిన్నిస్ బుక్ ఆఫ్ వరల్డ్ రికార్డ్’ లో స్థానం సంపాదించుకున్నారు. మీనా అనే చిత్రంతో  మెగా ఫోన్ పట్టి సుమారు 44 చిత్రాలకు దర్శకత్వం చేసిన ఏకైక మహిళగా పేరుగాంచారు.
2. భానుమతి:

అలనాటి నటి భానుమతి నిర్మాత, సంగీత దర్శకురాలు, గాయని, రచయిత్రి మరియు స్టూడియో అధినేత్రిగా బహుముఖ ప్రజ్ఞావంతురాలు. ఆమె 1953లో వచ్చిన ‘చండీరాణి’ సినిమాతో దర్శకురాలిగా మారారు. ఆమె తన కెరీర్ లో 14 సినిమాలకు దర్శకత్వం వహించారు.
3. సావిత్రి:

మహానటిగా పేరుగాంచిన సావిత్రి దర్శకురాలిగా మారి తొలిసారి ‘చిన్నారి పాపలు’ అనే చిత్రాన్ని తెరకెక్కించారు. ఆ తరువాత మరికొన్ని చిత్రాలకు దర్శకత్వం వహించారు.
4. జీవిత రాజశేఖర్ :

సినియర్ హీరోయిన్ జీవిత తన భర్త రాజశేఖర్ హీరోగా 2002లో శేషు అనే చిత్రానికి దర్శకత్వం వహించారు. ఆ తరువాత ఎవడైతే నాకేంటి, మహంకాళి, సత్యమేవ జయతే వంటి చిత్రాలకు దర్శకత్వం చేశారు. 5. రేవతి :

సీనియర్ హీరోయిన్ రేవతి తెలుగు, తమిళ , మలయాళ చిత్రాలలో నటించారు. మంచి గుర్తింపు సంపాదించుకున్న తరువాత 2002లో దర్శకురాలిగా ‘మిట్ర్ మై ఫ్రెండ్’ తీశారు. ఆ తరువాత ముంబై కటింగ్,కేరళ కేఫ్, సలామ్ వెంకీ లాంటి చిత్రాలకు దర్శకత్వం వహించారు. 6. బి జయ:

బి జయ దర్శకత్వం చేసిన మొదటి సినిమా 2003లో వచ్చిన ‘చంటిగాడు’. ఈ మూవీ సూపర్ హిట్ అయ్యింది. ఆ తరువాత ప్రేమికులు, గుండమ్మ గారి మనవడు, లవ్లీ, వైశాఖం లాంటి సినిమాలను రూపొందించారు. 7. సుచిత్రా చంద్రబోస్:

టాలీవుడ్ లో కొరియోగ్రాఫర్ రాణించిన సుచిత్రా చంద్రబోస్ మెగాఫోనే పట్టి 2004లో  గౌతమ్, రతి హీరో హీరోయిన్లుగా  ‘పల్లకిలో పెళ్లకూతురు’ అనే సినిమాని తెరకెక్కించారు. ఈ మూవీ బాక్సాఫీస్ వద్ద హిట్ గా నిలిచింది.8. సుధా కొంగర:

కోలీవుడ్ డైరెక్టర్ మణిరత్నం దగ్గర అసిస్టెంట్ పనిచేసిన సుధా కొంగర 2008లో హాస్యనటుడు కృష్ణ భగవాన్ హీరోగా నటించిన ‘ఆంధ్రా అందగాడు’ సినిమాతో దర్శకురాలిగా మారారు. ఆ తర్వాత సూర్య హీరోగా ‘ఆకాశం నీ హద్దురా’ మూవీని తెరకెక్కించారు. ఈ మూవీకి జాతీయ స్థాయిలో చాలా అవార్డులు వచ్చాయి. 9. నందిని రెడ్డి:

టాలీవుడ్‌లోని మహిళా దర్శకులలో నందిని రెడ్డి ఒకరు. ఆమె 2011లో వచ్చిన ‘అలా మొదలైంది’ సినిమాతో దర్శకురాలిగా మారారు. ఆ తరువాత జబర్దస్త్, కళ్యాణ వైభోగమే, ఓ బేబీ, తాజాగా అన్ని మంచి శకునములే చిత్రాలను తెరకెక్కించారు.  10. శ్రీప్రియ:

సినియర్ శ్రీప్రియ దర్శకురాలిగా మారి తమిళంలో 2 చిత్రాలకు, కన్నడలో 2 చిత్రాలకు దర్శకత్వం వహించారు. తెలుగులో 2014లో వచ్చిన ‘దృశ్యం’ చిత్రానికి దర్శకత్వం వహించారు.
11. రేణు దేశాయ్ :

పవర్ స్టార్ పవన్ కళ్యాణ్ రెండవ భార్య రేణు దేశాయ్ హీరోయిన్ గా కొన్ని చిత్రాలలో నటించిన తరువాత కథ రాసుకొని దర్శకురాలిగా మారి 2014 లో ‘ఇష్క్ వాలా లవ్’ అనే చిత్రాన్ని తెరకెక్కించారు. మరొక సినిమాకి దర్శకత్వం చేయబోతున్నారు.
12. ఘట్టమనేని మంజుల :

సూపర్ స్టార్ కృష్ణ కుమార్తెగా టాలీవుడ్ లో ఎంట్రీ ఇచ్చిన మంజుల హీరోయిన్ కావాలని ‘సమ్మర్ ఇన్ బెత్లెహమ్’ అనే మలయాళ మూవీలో నటించింది. సూపర్ స్టార్ ఫ్యాన్స్ మంజుల హీరోయిన్ గా చేయకూడదని డిమాండ్ చేయడంతో  నిర్మాతగా మారి షో అనే చిత్రాన్ని నిర్మించారు. తొలి మూవీతోనే జాతీయ స్థాయిలో బెస్ట్ మూవీగా పేరు తెచ్చుకుంది.  2018లో మంజుల దర్శకురాలిగా మారి ‘మనసుకు నచ్చింది’ అనే మూవీని రూపొందించారు.
13. కంగనా రనౌత్ :

బాలీవుడ్ హీరోయిన్ కంగనా రనౌత్ తెలుగులో ప్రభాస్ హీరోగా నటించిన ‘ఏక్ నిరంజన్’ అనే చిత్రంలో హీరోయిన్ నటించింది. ఆమె 2019 లో మొదటిసారి ‘మణికర్ణిక’ అనే చిత్రానికి దర్శకత్వం వహించారు.
14. లక్ష్మీ సౌజన్య:

లక్ష్మీ సౌజన్య 2021 లో వచ్చిన ‘వరుడు కావలెను’ మూవీని తెరకెక్కించారు. ఈ చిత్రంలో నాగ శౌర్య, రీతూ వర్మ హీరో హీరోయిన్లుగా నటించారు.
15. గౌరీ రోనంకి:

గౌరీ రోనంకి 2021 లో వచ్చిన  ‘పెళ్లి సందడి’ సినిమాకి తొలిసారిగా దర్శకత్వం వహించారు. ఈ చిత్రంలో రోషన్, శ్రీలీల హీరో హీరోయిన్లుగా నటించారు.

Also Read: “పరిణీతి చోప్రా” లాగానే… “రాజకీయ నాయకులని” పెళ్లి చేసుకున్న 5 హీరోయిన్స్..!

ఇప్పటివరకు మన టాలీవుడ్ లో చాలా మంది తల్లుల పాత్రలు చేసారు.. కానీ కొన్ని మాత్రమే ప్రేక్షకులపై విపరీతమైన ప్రభావాన్ని సృష్టించాయి. వారి బలమైన క్యారెక్టరైజేషన్, పెర్ఫార్మెన్స్ కారణంగా తో మనకి బాగా గుర్తుండిపోయారు.

ఇప్పుడు అలాంటి శక్తివంతమైన తల్లి పాత్రలు గురించి తెలుసుకుందాం..

#1 శివగామి

బాహుబలి మూవీ లో శివగామి పాత్ర గురించి ప్రత్యేకంగా చెప్పాల్సిన పని లేదు. రమ్య కృష్ణ ఆ పాత్రలో ఒదిగిపోయింది.

#2 శాంతి

నిజం మూవీ లో మహేష్ కి మదర్ గా యాక్ట్ చేసారు తాళ్లూరి రామేశ్వరి. ఈ మూవీ లో శాంతి పాత్రలో చాలా పవర్ ఫుల్ గా యాక్ట్ చేసారు.

#3 భారతి

అసలు అమ్మ రాజీనామా మూవీ లో శారద గారి నటన గురించి చెప్పాలంటే మాటలు సరిపోవు. ఒక తల్లి తన పిల్లల కోసం చేసే త్యాగాలు, పడే తపన, బాధ, మనకి చాలా బాగా చూపించారు.

#4 శారద

మాతృదేవో భవ మూవీ చూసి ఏడవని వాళ్ళు లేరు అంటే అతిశయోక్తి కాదు. విధివశాత్తూ భర్తను కోల్పోయిన ఒక స్త్రీ, క్యాన్సర్ సోకి తను కూడా కొద్ది రోజుల్లో మరణిస్తానని తెలుసుకొని తన ముగ్గురు బిడ్డల బంగారు భవిష్యత్తు కోసం పడే తపన, ఆరాటమే ఈ సినిమా.

#5 భువన

రఘువరన్ బీటెక్ మూవీ లో రఘువరన్ తల్లి భువన పాత్రని మర్చిపోవడం అంత ఈజీ కాదు. ఉద్యోగం కోసం వెతికే తన కుమారుడి కి అన్ని విధాలా అండగా నిలుస్తుంది భువన.

#6 లక్ష్మి

పూరి జగన్నాథ్ దర్శకత్వం లో వచ్చిన ‘అమ్మ నాన్న ఓ తమిళ అమ్మాయి’ మూవీ లో హీరో తల్లిగా.. లక్ష్మి పాత్రలో జీవిచేసారు జయసుధ.

#7 పార్వతి

ఛత్రపతి మూవీ లో ప్రభాస్ కి తల్లిగా నటించిన భానుప్రియ చాలా పవర్ ఫుల్ గా యాక్ట్ చేసారు.

#8 గోపి

మురారి మూవీ లో మహేష్ తల్లి పాత్రలో నటించారు అలనాటి నటి లక్ష్మి. ఈ మూవీ లో గోపి తన కుమారుడి మీద అమిత మైన ప్రేమతో పరితపించే తల్లిగా కనిపిస్తారు.

#9 అమల

శర్వానంద్ హీరోగా వచ్చిన ఒకే ఒక జీవితం మూవీ లో అమల హీరో తల్లిగా నటించి మెప్పించారు.

#10 సరస్వతి

అమ్మ చెప్పింది మూవీ లో అమాయకుడైన తన కొడుక్కి అన్ని విధాలా అండగా నిలిచే తల్లిగా ఒదిగిపోయారు.

#11 శాంతి

కెజిఎఫ్ మూవీ లో హీరో తల్లి పాత్ర పైనే మొత్తం ఆధారపడి ఉంటుంది. ఆమె ఇచ్చిన ఇన్స్పిరేషన్ అండ్ మోటివేషన్ తోనే హీరో ఆ స్థాయికి చేరుకుంటాడు.

#12 రోహిణి

అలా మొదలైంది మూవీ లో హీరోకి ఏ కష్టం వచ్చిన సొల్యూషన్ ఇచ్చే తల్లి పాత్రలో రోహిణి నటించారు.

సాధారణంగా సినిమా ఇండస్ట్రీలో రూమర్స్ రావడం చాలా సహజం. ఈ యాక్టర్ వారితో ప్రేమలో ఉన్నారు.. ఈ యాక్టర్ వారిని పెళ్లిచేసుకోబోతున్నారు అంటూ పలు వార్తలు నిత్యం హల్చల్ చేస్తూ ఉంటాయి. అందుకే కొందరు నటులు తమ వ్యక్తిగత జీవితాన్ని ప్రైవేట్ గా ఉంచుతారు.

ఇక సినీ రంగంలో నటులు తోటి నటుల్ని, బిజినెస్ పర్సన్స్ ని పెళ్లి చేసుకోవడం చాలా మామూలు. అయితే కొందరు నటీమణులు మాత్రం నిత్యం ప్రజల్లో ఉండే రాజకీయ నాయకులని ప్రేమించి పెళ్లి చేసుకున్నారు. ఇప్పుడు వాళ్లెవరో చూద్దాం..

#1 రాధికా కుమారస్వామి

కన్నడ నటీమణి రాధిక.. మాజీ కర్ణాటక ముఖ్యమంత్రి కుమార స్వామిని 2006 లో పెళ్లి చేసుకున్నారు. ఈమె కన్నడ తో పాటు పలు తెలుగు, తమిళ చిత్రాల్లో కూడా నటించారు.

#2 స్వరా భాస్కర్

బాలీవుడ్ నటి స్వరా భాస్కర్.. సోషల్ మీడియా ద్వారా సమాజ్ వాదీ పార్టీ నాయకుడు ఫహద్ జిరార్ అహ్మద్‌తో తన పెళ్లి జరిగిందని ప్రకటించారు.

#3 అయేషా టకియా

తెలుగులో పలు చిత్రాల్లో నటించిన అయేషా టాకియా, 2009లో తన బాయ్‌ఫ్రెండ్, మహారాష్ట్ర శాసనసభ సభ్యుడు అబూ అసిమ్ అజ్మీ కుమారుడు ఫర్హాన్ అజ్మీని వివాహం చేసుకుంది. ప్రస్తుతం అతడు సమాజ్‌వాదీ పార్టీలో ఉన్నారు. ఈ దంపతులకు తొమ్మిదేళ్ల కుమారుడు ఉన్నాడు.

#4 నవనీత్ కౌర్ రానా

పలు తెలుగు చిత్రాల్లో నటించి గుర్తింపు తెచ్చుకున్న నవనీత్ కౌర్ ఆమె ఫిబ్రవరి 3, 2011న మహారాష్ట్రలో స్వతంత్ర ఎమ్మెల్యే రవి రాణాను సామూహిక వివాహం చేసుకుంది. రవి రాణా ప్రస్తుతం విదర్భ ప్రాంతంలోని అమరావతి జిల్లాలోని బద్నేరా (విధానసభ స్థానం) నుండి ప్రాతినిధ్యం వహిస్తున్నారు. ఈ దంపతులకు ఇద్దరు పిల్లలు. నవనీత్ కౌర్ కూడా ప్రస్తుతం రాజకీయాల్లో చురుకుగా ఉన్నారు.

#5 పరిణీతి చోప్రా

బాలీవుడ్‌ బ్యూటీ పరిణీతి చోప్రా, AAP లీడర్ రాఘవ్ చద్దా నిశ్చితార్థం మే 13 (శనివారం) జరిగింది. వీరిద్దరూ త్వరలో పెళ్లి చేసుకోబోతున్నారు.

స్టార్ ప్రొడ్యూసర్ కుమారుడిగా టాలీవుడ్ లో ఎంట్రీ ఇచ్చిన బెల్లంకొండ శ్రీనివాస్ తనదైన సినిమాలతో ఆడియెన్స్ ని అలరించాడు. ఈ క్రమంలోనే తాజాగా ‘ఛత్రపతి’ మూవీతో బాలీవుడ్ ఇండస్ట్రీలోకి ఎంట్రీ ఇచ్చాడు.

ఈ చిత్రం తొలి రోజు 55 లక్షల నెట్ కలెక్షన్స్ సాధించి నిరాశ పరిచింది. అయితే ఈ మూవీ కోసం నెల రోజులుగా చాలా ఏరియాల్లో ప్రమోషన్స్ ని చేశారు. బాలీవుడ్ లో అంతగా ప్రభావాన్ని చూపలేకపోయిన ఈ మూవీ గురించి తాజాగా ఒక వార్త బయటకు వచ్చింది. అది ఏమిటి ఇప్పుడు చూద్దాం..
దర్శకధీరుడు రాజమౌళి, యంగ్ రెబెల్ స్టార్ ప్రభాస్ కాంబినేషన్ లో తెరకెక్కిన బ్లాక్ బస్టర్ మూవీ ‘ఛత్రపతి’ ని టాలీవుడ్ డైరెక్టర్ వీవీ వినాయక్ బెల్లంకొండ శ్రీనివాస్ హీరోగా హిందీలో రీమేక్ చేశాడు. తాజాగా ఈ చిత్రం ప్రేక్షకుల ముందుకు వచ్చింది. అయితే మొదటి రోజు కలెక్షన్స్ చూసి అంతా షాక్ అయ్యారు. బెల్లంకొండ శ్రీనివాస్ హిందీలో డబ్ అయిన చిత్రాలకు యూట్యూబ్ లో రికార్డ్ లెవల్ లో వ్యూస్ రావడంతో ఛత్రపతి సినిమాని భారీ లెవల్ లో హిందీలో రీమేక్ చేశారు. కానీ 55 లక్షల వసూళ్లతో మూవీ యూనిట్ ను తీవ్రంగా నిరాశ పరిచింది.
రెండవ రోజు 45 లక్షలు సాధించి బాక్సాఫీస్ దగ్గర ఈ చిత్రం తేలిపోయింది. ఈ మూవీ కోసం గత నెల రోజులుగా సినిమా కోసం చాలా ఏరియాల్లో ప్రమోషన్స్  చేశారు మూవీ యూనిట్. కానీ ఇలాంటి ఓపెనింగ్స్ ను చూసి చిత్ర యూనిట్ నిరాశ పడుతున్నారు. బాలీవుడ్ లో అంతగా ఎఫెక్ట్ చూపని ఈ చిత్రం గురించి తాజాగా ఒక వార్త సోషల్ మీడియాలో చక్కర్లు కొడుతోంది.
ఈ మూవీ ప్రమోషన్స్ కోసం కోటి 20 లక్షల నుండి కోటిన్నర వరకు మేకర్స్ ఖర్చు పెట్టారని సినీ వర్గాల్లో వినిపిస్తోంది.    అయితే ఇంత ఖర్చు పెట్టి ప్రమోషన్స్ చేసినప్పటికీ, ఛత్రపతి హిందీ సినిమా ఫస్ట్ డే 60 లక్షలు కూడా కలెక్ట్ చేయలేక పోయింది. ఇక ఈ మూవీకి పెన్ స్టూడియోస్ సంస్థ సుమారు అరవై కోట్లు బడ్జెట్ పెట్టిందట. అయితే మూవీ రిలీజ్ కు ముందే ఆ డబ్బుని పలు రకాల రైట్స్ గా రాబట్టుకుందని తెలుస్తోంది. అయితే ప్రమోషన్ కి పెట్టిన ఖర్చులో 10 శాతం కలెక్షన్స్ కూడా ఈ మూవీ 2 రోజుల్లో సాధించలేకపోయింది. ఇది ప్రొడ్యూసర్స్ కి భారం అని టాక్.

Also Read : “SJ సూర్య” నుండి “AR మురగదాస్” వరకు… పక్క రాష్ట్రాల హీరోలకి “ఫ్లాప్ సినిమాలు” ఇచ్చిన 14 ఇతర ఇండస్ట్రీల డైరెక్టర్స్..!

సంగీత ప్రపంచంలో పాటల రారాజు గా వెలుగొందుతూనే…. బాల సుబ్రమణ్యం స్వర కర్తగానూ కొన్ని మైలురాళ్ళను నెలకొల్పారు. ఏ గాయకుడికి దక్కని అరుదైన గౌరవం దక్కించుకున్నారు. అంది వచ్చిన ప్రతి అవకాశానికి బాలు తనదైన ప్రతిభతో కొత్త సొగసులు అద్దారు. బాలు సంగీత స్వర ప్రయాణంలో అరుదైన పాటలు వేలల్లోనే ఉన్నాయి.

గాయకుడిగానే కాకుండా స్వరకర్తగా బాలు గౌరవ ప్రదమైన ప్రయాణం చేసారు. గాయకుడుగా 40 వేల పాటలకు ప్రాణం పోసిన బాలు, 50 చిత్రాలకు పైగా సంగీతం అందించారు. సంగీతం లోని అణువణువునూ తనలో నింపుకున్న ఈ అమర గాయకుడి స్వర ప్రయాణంలోని కొన్ని మధుర గీతాలను ఇప్పుడు చూద్దాం..

#1 కన్యాకుమారి

కొత్తదనాన్ని ప్రోత్సహించడంలో, ప్రయోగాలకు ముందుండంలో దిట్ట అయిన దాసరి నారాయణరావు గారి చొరవతో బాల సుబ్రమణ్యం స్వరకర్తగా పరిచయం అయ్యాడు. ఆ చిత్రం కన్యాకుమారి. నరసింహారాజు, శ్రీవిద్య జంటగా నటించిన ఈ చిత్రం లోని పాటలు ఆదరణ పోందాయి. ఆ తర్వాత దాసరి దర్శకత్వంలోనే మరో రెండు సినిమాలకు సంగీతం అందించారు బాల సుబ్రమణ్యం

#2 ఊరంతా సంక్రాంతి

అక్కినేని నాగేశ్వరరావు, సూపర్ స్టార్ క్రిష్ణ కాంబినేషనలోని మూవీ ఊరంతా సంక్రాంతికి బాలు అందించిన స్వరాలు ఆ సినిమా మూడ్ ని మరింత ఎలివేట్ చేసి నిజంగానే టైటిల్ కి తగ్గట్టు పండగలాంటి పాటలతో హుషారెత్తించారు బాలు. ఆ సినిమా విజయంలో బాలు ముద్ర స్పష్టంగా కనిపించింది.

#3 తూర్పు వెళ్లే రైలు
బాలు స్వర కర్తగా తన దారిని తాను వేసుకోవడం మొదలు పెట్టారు. దానికి అత్యంత ప్రతిభావంతుడైన బాపు అండదండలు దొరకడంతో ఆ ప్రయాణం మరింత కొత్త గా మారింది. వీరి ప్రయాణం తూర్పు వేళ్ళే రైలు తో మొదలయ్యింది.

https://www.youtube.com/watch?v=K8RkWGM8iZw

#4 సీతమ్మ పెళ్లి
బాపు దర్శకత్వం వహించిన ఈ చిత్రం లో మోహన్ బాబు, మురళి మోహన్, రేవతి, అరుణ ప్రధాన పాత్రల్లో నటించగా బాబు సంగీతాన్ని అందించారు.

#5 జాకీ

శోభన్ బాబు, సుహాసిని, రాధికా ప్రధాన పాత్రల్లో నటించిన ఈ చిత్రానికి కూడా బాపు దర్శకత్వం వహించారు.

#6 భార్యామణి

శోభన్ బాబు, జయ సుధ, నూతన్ ప్రసాద్ నటించిన ఈ చిత్రానికి విజయ బాపినీడు దర్శకుడు కాగా బాలు సంగీతం అందించారు.

#7 కొంగుముడి

శోభన్ బాబు, సుహాసిని జంటగా విజయ బాపినీడు తెరకెక్కించిన ఈ చిత్రానికి బాలు స్వరాలందించారు.

#8 దొంగల్లో దొర

విజయ బాపినీడు దర్శకత్వంలో సుమన్, విజయ శాంతి జంటగా నటించిన ‘దొంగల్లో దొర’ చిత్రానికి కూడా బాల సుబ్రమణ్యమే సంగీతం అందించారు. మాస్ అప్పీల్ తో వచ్చిన ఈ చిత్రానికి బాలు పాటలు అదనపు ఆకర్షణగా నిలిచాయి.

#9 ముద్దుల మనవరాలు

బాలు పాటలు.. జంధ్యాల మాటలు తెలుగు తెరంతా పరుచుకుంటున్న టైం లో వీరిద్దరూ కలిసి కొన్ని పాటలకు పురుడు పోసారు. అలా మాట, పాటగా మారిన వీళ్లిద్దరు దర్శకులు, సంగీత దర్శకులుగా అయిదు సినిమాలకి పనిచేశారు. ఒకరకంగా చెప్పాలంటే జంధ్యాల సినిమాలకే బాలు ఎక్కువగా సంగీతం అందించారు. వీళ్లిద్దరి కలయికలో వచ్చిన మొదటి ఆల్బమ్ ‘ముద్దుల మనవరాలు’. ఈ చిత్రంలో భానుమతి, సుహాసిని అమ్మమ్మ మనవరాలిగా నటించారు.

#10 పడమటి సంధ్యారాగం

సాంప్రదాయాలు.. ఎల్లలు .. వీటిని గెలిచిన ప్రేమ ఎలా ఉంటుంది.. అనే కాన్సెప్ట్ తో రూపొందిన సినిమా పడమటి సంధ్యారాగం. ఆ సినిమా అప్పట్లో వస్తున్న సినిమాలలో పూర్తి భిన్నమైనది. విజయశాంతికి జంటగా ఒక అమెరికన్ నటుడు థామస్ జాన్ నటించిన ఈ సినిమా ఒక ట్రెండ్ సెట్ అనుకోవచ్చు. ఆ సినిమాలో ని ఈ తూరుపు ఆ పడమర సాగిన సంగమమే…అనే పాట హాద్దులు లేని ప్రేమకు స్వర నీరాజనం చేసింది. ఆ సినిమాకు స్వరాలందించిన బాలుకు, సినిమా కు ఎంత పేరు వచ్చిందో ఆయన పాటలకు అంతే పేరు వచ్చింది.

#11 వివాహభోజనంబు

జంధ్యాల దర్శకత్వంలో రూపొందిన ‘వివాహభోజనంబు, నీకూ నాకూ పెళ్లంట’ సినిమాలకు కూడా బాలు సంగీతం అందించారు. రాజేంద్రప్రసాద్, అశ్విని జంటగా నటించిన ‘వివాహభోజనంబు’ సినిమాలో కామెడీ ట్రాక్స్ కి ఎంత రెస్పాన్స్ వచ్చాయో ఎస్పీబీ చేసిన సంగీతానికి అదే స్థాయిలో రెస్పాన్స్ వచ్చింది.

https://www.youtube.com/watch?v=FHBv9oR0C5Y

#12 మగధీరుడు

విజయ బాపినీడు దర్శకత్వంలో చిరంజీవి, జయసుధ జంటగా నటించిన ‘మగధీరుడు’సినిమాకి బాలు మ్యూజిక్ డైరెక్షన్ చేశారు. పుల్ లెంగ్త్ ఫ్యామిలీ సెంటెమెంట్ తో నడిచే ఈ సినిమాతో చిరంజీవి ఫ్యామిలీ ఆడియెన్స్ కి మరింత దగ్గరయ్యారు.. బాలు స్వరాలు ఈ సినిమా కి పెద్ద అసెట్ గా మారాయి.

#13 రాము

రామానాయుడు స్టూడియోస్ లో బాలక్రిష్ణ, రజినీ జంటగా నటించిన ‘రాము’ సినిమాకి కూడా బాలసుబ్రమణ్యం మ్యూజిక్ డైరెక్షన్ చేశారు. రాము సినిమా బాల కృష్ణ స్టార్ డమ్ ని కొనసాగించింది. బాలు గాయకుడిగా చాలా బిజీ గా ఉండే సమయం అది. అయినా రామానాయుడు కోరిక మేరకు ఆయన ఆసినిమాకు స్వరకర్తగా మారారు.. ఆ సినిమాలో యూత్, మాస్ ఆకట్టుకునే స్వరాలతో బాలు చేసిన మ్యాజిక్ తెరమీద విజల్స్ వేయించింది..

#14 జైత్రయాత్ర

ఉప్పలపాటి నారాయణరావు దర్శకత్వంలో నాగార్జున, విజయశాంతి జంటగా నటించిన ‘జైత్రయాత్ర’కి సంగీతం అందించారు బాలు. కమర్షియల్ గా ఆ మూవీ విజయం సాధించకపోయినా బాలు స్వర పరిచిన ఎన్నాళ్ళమ్మ ఏన్నేళ్ళమ్మా ఈ చీకిటి పాటకు చాలా మంచి పేరు వచ్చింది.. ఆ పాట ఇప్పటికీ తెలుగు హిట్ సాంగ్స్ లో ఉంటుంది.

#15 మయూరి

ప్రమాదంలో కాలు కోల్పోయినా అధైర్య పడకుండా ఇష్టమైన డాన్స్ ని కంటిన్యూ చేసిన సుధా రామచంద్రన్ కథాంశంతో సింగీతం శ్రీనివాసరావు తెరకెక్కించిన సినిమా ‘మయూరి’. ఉషాకిరణ్ ఫిల్మ్స్ నిర్మించిన ఈ చిత్రానికి బాల సుబ్రమణ్యం సంగీతం అందించారు.

బాలసుబ్రమణ్యం మొత్తంగా 50 సినిమాల వరకు సంగీతం అందించారు. తెలుగులో 30 సినిమాలు, కన్నడలో 9 చిత్రాలు, తమిళ్లో 5, హిందీలో 2 సినిమాలకు మ్యూజిక్ డైరెక్షన్ చేశారు బాలు.

అయితే ఒక 15 ఏళ్ల వరకు సింగర్ కమ్ మ్యూజిక్ డైరెక్టర్ గా పనిచేసిన బాలసుబ్రమణ్యం తొంభైల్లో సంగీతం నుంచి బ్రేక్ తీసుకున్నారు. సింగింగ్ పైనే ఎక్కువగా ఫోకస్ పెట్టారు. గాయకుడిగా శిఖరాగ్ర ఖ్యాతిని అధిష్టించిన బాలు స్వర కర్త గా కూడా గౌరవాన్ని పొందారు.