Filmy Adda

స్టార్ హీరోయిన్స్ అయిన కీర్తి సురేష్, సాయి పల్లవి , కృతిశెట్టి, మృణాల్ ఠాకూర్ లు తమదైన నటన, అందంతో వరుస సినిమాలతో తమ కెరీర్ లో దూసుకుపోతున్నారు. అయితే ఈ నలుగురు స్టార్ హీరోయిన్స్ మధ్య ఒక కామన్ పాయింట్ ఉంది.. అదేంటో తెలుసా..??

కీర్తి సురేష్ తెలుగులో హీరో రామ్ తో తన మొదటి సినిమా ‘నేను శైలజ’ చేసింది. ఈ సినిమా సూపర్ హిట్ అయ్యింది. అలాగే సాయి పల్లవి తెలుగులో తన మొదటి సినిమా ‘ఫిదా ‘ తో ఎంట్రీ ఇచ్చింది. ఈ మూవీ కూడా సూపర్ హిట్ అయ్యింది. అలాగే కృతి శెట్టి, మృణాల్ ఠాకూర్ కూడా ఉప్పెన, సీతారామం మూవీస్ తో సూపర్ హిట్స్ కొట్టారు.

అయితే ఈ నలుగురు హీరోయిన్లు తెలుగులో తమ రెండో చిత్రాన్ని నాని తోనే చేశారన్న విషయం మీరు గమనించారా..?? వైవిధ్యమైన కథల ఎంపిక, తనదైన నటనతో అభిమానులను సంపాదించుకున్నాడు న్యాచురల్ స్టార్ నాని. అలాగే నాని తన మూవీస్ లో కొత్త హీరోయిన్లను , టాలెంట్ ఉన్న వాళ్ళకి అవకాశం ఇస్తారు.

అలాగే కీర్తి సురేష్ తో ‘నేను లోకల్’, కృతిశెట్టి తో ‘శ్యామ్ సింగ రాయ్’, సాయి పల్లవి తో ‘ఎంసిఏ’ మూవీస్ చేసారు. ఈ చిత్రాలు కూడా ఆ హీరోయిన్స్ మొదటి మూవీ లాగే సూపర్ హిట్ స్టేటస్ ని అందుకున్నాయి. అలాగే ప్రస్తుతం మృణాల్ తో ఒక చిత్రం చేస్తున్నాడు. ఈ మూవీ కూడా ఖచ్చితంగా హిట్ అవుతుందని మనం చెప్పుకోవచ్చు.

ఇక నాని తాజాగా దసరా మూవీ తో ప్రేక్షకుల ముందుకి వచ్చారు. ఈ మూవీ లో కీర్తి సురేష్ హీరోయిన్. మార్చి 30న పలు భాషల్లో ప్రేక్షకుల ముందుకు వచ్చింది. తొలి షో నుంచే ఈ చిత్రం హిట్ టాక్ తెచ్చుకుంది. బాక్సాఫీస్ దగ్గర వసూళ్ల వర్షం కురిపిస్తోంది. తొలి రోజే రూ. 38 కోట్లు వసూలు చేసి నాని కెరీర్లోనే డే 1 హైయెస్ట్ గ్రాసర్ గా ఈ మూవీ నిలిచింది.

సాయి ధరమ్ తేజ్,సంయుక్త మీనన్ జంటగా నటించిన చిత్రం విరూపాక్ష.గత వారం విడుదలైన ఈసినిమా బాక్సాఫీస్ వద్ద సెన్సేషనల్ వసూళ్లను రాబడుతుంది.మిస్టరీ థ్రిల్లర్ నేపథ్యంలో కార్తీక్ దండు ఈసినిమాను తెరకెక్కించాడు. ఈ సినిమాకి ప్రముఖ దర్శకుడు సుకుమార్ స్క్రీన్ ప్లే తోపాటు నిర్మాణ భాగస్వామిగా కూడా వ్యవహరించాడు.

అందరూ అనుకుంటున్నట్లు కార్తీక్ దండుకి విరుపాక్ష మొదటి సినిమా కాదు, ఇది అతని రెండో సినిమా. ఎనిమిదేళ్ల క్రితమే దర్శకుడిగా మొదటి సినిమా చేసిన కార్తీక్ దండు, 2015లో ‘భం భోలేనాథ్’ అనే సినిమా చేశాడు. నవదీప్, నవీన్ చంద్ర హీరోలుగా నటించిన ఈ కామెడీ సినిమా నెగటివ్ రిజల్ట్ ని ఫేస్ చేసింది. అలాగే 2014లో వచ్చిన నిఖిల్ ‘కార్తికేయ’ సినిమాకి మూల కథని అందించారట కార్తీక్ దండు.

తాజాగా ఈ చిత్ర దర్శకుడు కార్తీక్ దండు ఒక ఇంటర్వ్యూ లో మాట్లాడుతూ పలు ఆసక్తికర విషయాలను వెల్లడించారు. ” భం భోలేనాథ్ తో డైరెక్ట్ గా మారాను కానీ ఆ సినిమా కమర్షియల్ గా వర్క్ అవుట్ అవ్వలేదు. దాంతో విరూపాక్ష కథ రెడీ చేసుకున్నాను. సుకుమార్ దగ్గరికి వెళ్లి స్టోరీ వినిపించాను ఆయనకు బాగా నచ్చడంతో సినిమాకు స్క్రీన్ ప్లే అందిస్తానని అన్నారు. అలాగే మూవీ లో కొన్ని చేంజెస్ చెప్పారు. సుకుమార్‌ సర్‌ని కలిసిన తర్వాత కనీసం 6, 7 స్క్రీన్‌ప్లే వెర్షన్‌లు రాసుకున్నాం. ప్రధాన కథనాన్ని మాత్రం ఎప్పుడూ మార్చలేదు.

క్లైమాక్స్ ఐడియా కూడా సుకుమార్ గారిదే.అది చాలా బాగా వర్క్ అవుట్ అయ్యింది. క్లైమాక్స్ లో రివీల్ అయ్యే మెయిన్ విలన్ నే సుకుమార్ గారు మార్చేశారు. అలాగే సినిమాలో కనిపించిన యూనిక్ మర్డర్ సన్నివేశాలు కూడా ఆయనే సూచించారు.” అని దర్శకుడు కార్తీక్ తెలిపారు. విరూపాక్ష బ్లాక్ బాస్టర్ విజయం దిశగా దూసుకు పోతుండడంతో కార్తీక్ దండుకి టాప్ బ్యానర్ల నుండి ఆఫర్లు వస్తున్నాయట. అయితే తన నెక్స్ట్ మూవీ కూడా థ్రిల్లర్ జోనర్ లోనే చేయాలనుకుంటున్నాడట ఈ దర్శకుడు.

ఏదేమైనా మొదటి సినిమా చేసిన ఎనిమిదేళ్ల తర్వాత మళ్లీ మూవీ చేసి హిట్ కొట్టడం అంటే మాటలు కాదు. వేరే ఎవరైనా అయితే మొదటి సినిమా ఫ్లాప్ అవ్వగానే ఇండస్ట్రీని వదిలేసి వెళ్లిపోయే వాళ్లేమో. అలా వెళ్లకుండా ఇక్కడే ఉంటూ వచ్చాడు కాబట్టే ఈరోజు కార్తీక్ దండు ఖాతాలో విరుపాక్ష లాంటి సాలిడ్ హిట్ పడింది. మరి ఈ యంగ్ డైరెక్టర్ ఫ్యూచర్ లో ఎలాంటి ప్రాజెక్ట్స్ తో మన ముందుకు వస్తాడో చూడాలి.

సుప్రీం హీరో సాయి ధరమ్ తేజ్ గత సంవత్సరం రోడ్డు ప్రమాదానికి గురైన సంగతి తెలిసిందే. ఆ ప్రమాదంలో  ఆయనకు తీవ్రంగా గాయాలయ్యాయి. కొన్ని రోజులు కోమాలోకి వెళ్ళిన సాయి ధరమ్ తేజ్ ఆ తర్వాత మెల్లగా కొలుకున్నాడు.

రోడ్డు యాక్సిడెంట్ జరిగినపుడు ఆయనని వెంటనే హాస్పటల్ కి తీసుకెళ్లేలా చేసిన వ్యక్తి పేరు అబ్దుల్‌ ఫర్హాన్‌. సకాలంలో తేజ్‌కు ట్రీట్మెంట్ అందేట్టు చేసిన అబ్దుల్‌కు తేజ్‌ ఫోన్‌ నెంబర్‌ ఇచ్చి, ఎప్పుడు ఎలాంటి అవసరం వచ్చినా కాల్‌ చేయమని చెప్పానని తెలిపారు. అయితే ఇవేవీ నిజం కాదని అబ్దుల్ చెప్తున్నాడు.
తేజ్ కి యాక్సిడెంట్ జరిగినపుడు అక్కడే ఉన్న అబ్దుల్ ఫర్హాన్ అనే వ్యక్తి అంబులెన్స్ కు కాల్ చేశారు. కిందపడిన తేజ్ ను లేపి, నీళ్లు తాగించాడు. అయితే ఆ సమయంలో అతనికి ప్రమాదం జరిగింది సాయి ధరమ్ తేజ్ కు అని తెలియదంట. మానవత్వంతోనే సాయి ధరమ్ తేజ్ ను కాపాడాడు. అయితే తేజ్ కోలుకున్న తర్వాత అబ్దుల్ ను తేజ్ కలిశాడని, అలాగే అతనికి ఏ సాయం కావాలన్నా అడగమని తన ఫోన్ నెంబర్ కూడా ఇచ్చారని అప్పట్లో బాగా ప్రచారం జరిగింది.
అంతే కాక మెగా కుటుంబం లక్షల రూపాయలు, కారు, బంగ్లా వంటివి బహుమతిగా ఇచ్చారని కూడా ఎన్నో ప్రచారాలు  జరిగాయి. అయితే ఇటీవల తేజ్ ఒక ఇంటర్వ్యూలో మాట్లాడుతూ అవన్నీ నిజం కాదని, ఎలాంటి రివార్డు కూడా అబ్దుల్ కి ఇవ్వలేదని స్వయంగా చెప్పాడు. అయితే ఫోన్‌ నెంబర్‌ అబ్దుల్ కి ఇచ్చానని, ఎప్పుడు ఎలాంటి అవసరం  వచ్చినా తనకు కాల్‌ చేయమన్నానని తెలిపాడు.ఇదే విషయాన్ని అబ్దుల్‌ ఫర్హాన్‌ అడుగగా సాయి ధరమ్ తేజ్ కానీ, మెగా కుటుంబం కానీ తనకు ఎటువంటి సాయం చేయలేదని అబ్దుల్ అన్నారు. తేజ్ తనను కలవలేదని, ఫోన్ నంబర్ ఇవ్వలేదని, ఈ ఫేక్ ప్రచారాలు వల్ల తాను చాలా ఇబ్బంది పడుతున్నట్టు చెప్పాడు. చేసే ఉద్యోగం కూడా వదిలేశానని అన్నాడు.
అప్పట్లో ఒక షాప్ లో వర్క్ చేసేవాడిని,  తేజ్ ను కాపాడినందుకు మెగా కుటుంబం డబ్బులు, కారు, బిల్డింగ్ ఇచ్చినట్టు రూమర్స్ రావడంతో షాప్ కు వచ్చిన వారందరూ బాగా డబ్బు ఇచ్చారంట కదా అని బాగా వేధించారని అది తట్టుకోలేక ఆఖరికి ఉద్యోగం మానేశాను. 4 నెలల నుండి ఏ జాబ్ లేక ఖాళీగా ఉన్నానని చెప్పుకొచ్చాడు.

Also Read: RC 16 కథగా రూపొందుతున్న ఈ “కోడి రామ్మూర్తి నాయుడు” గొప్పతనం ఏంటి..? అసలు ఆయన ఎవరు..?

దక్షిణాది సినీ పరిశ్రమలో స్టార్ హీరోయిన్ గా రాణిస్తున్న సమంత ఫ్యామిలీ మ్యాన్ వెబ్ సిరీస్ తో పాన్ ఇండియా రేంజ్ లో క్రేజ్ తెచ్చుకుంది. సమంత ప్రస్తుతం పాన్ ఇండియా చిత్రాలతో పాటుగా, హాలీవుడ్ సినిమాలకు గ్రీన్ సిగ్నల్ ఇస్తున్నారు.

ఈ క్రమంలో సమంత ఒక్కో చిత్రానికి సుమారు 3-4 కోట్ల వరకు పారితోషికం తీసుకుంటున్నట్లు సమాచారం. ఇటీవలే సమంత నటించిన శాకుంతలం మూవీ ప్రేక్షకుల ముందుకు వచ్చింది. తాజాగా ఆమె ఒక యాడ్ కి తీసుకునే రెమ్యూనరేషన్ గురించిన వార్త ఒకటి నెట్టింట్లో తిరుగుతోంది. అది ఏమిటో ఇపుడు చూద్దాం..
సమంత అక్కినేని నాగ చైతన్య నుండి విడిపోయిన అప్పటి నుండి ఆమె ఏం చేసినా? సోషల్ మీడియాలో పోస్ట్ పెట్టినా, ఆమెకు సంబంధించిన చిన్న విషయం అయిన సరే క్షణాల్లో సోషల్ మీడియాలో వైరల్ గా మారుతోంది. విడాకుల తరువాత ఆమె పెట్టే పోస్ట్ లపై నెటిజన్స్ చాలా ఇంట్రెస్ట్ చూపిస్తున్నారు. అలాగే  సమంత వరుస సినిమాలతో చాలా బిజీ అయ్యింది. ఆమె సామాజిక మధ్యమాలలో చాలా యాక్టివ్ గా ఉంటోంది. తన పై ఎవరైనా  కామెంట్ చేసినా, వారికి ధీటుగా కౌంటర్ ఇస్తూనే ఉంది.
ఫ్యామిలీ మ్యాన్, పుష్ప సినిమాలోని ‘ఊ అంటావా’ పాటతో బాలీవుడ్ లోనే కాకుండా పాన్ ఇండియా వైడ్ గా క్రేజ్ ను సంపాదించుకుంది. యశోద మూవీ షూటింగ్ సమయంలో ఆమె అనారోగ్యానికి గురి అయిన విషయం అందరికి తెలిసిందే. అనారోగ్యంతోనే షూటింగ్ పూర్తి చేసి అందరిని ఆశ్చర్యపరిచింది. ఇటీవలే గుణశేఖర్ దర్శకత్వంలో తెరకెక్కిన శాకుంతలం చిత్రంతో ప్రేక్షకులను పలకరించింది. సినిమా ఫలితం ఎలా ఉన్నప్పటికి, ఆమె తన తరువాతి సినిమాల పై దృష్టి సారించింది.
ఇదిలా ఉంటే ప్రస్తుతం సమంత యాడ్స్ కోసం తీసుకునే రెమ్యునరేషన్ విషయం పై చర్చ జరుగుతోంది. ప్రస్తుతం టాలీవుడ్ లో ఎక్కువ పారితోషికం తీసుకునే హీరోయిన్లలో సమంత ఒకరు. గతంలో పుష్ప సినిమాలోని ఊ అంటావా సాంగ్  కోసం సమంత కోటిన్నర పారితోషికం తీసుకుందంట. ఇక సినిమాల విషయానికి వస్తే ఒక్కో సినిమాకి 3-4 కోట్లు  పారితోషికం అందుకుంటున్నట్టు తెలుస్తోంది.
తన ఇన్‌స్టాగ్రామ్‌ ఖాతాలో ఒక యాడ్ పోస్ట్ చేయడం కోసం ఇంతకు ముందు 8 లక్షలు తీసుకునేదట. ప్రస్తుతం ఆమె యాడ్ పోస్ట్ కి 20 లక్షలకు పెంచిందంట. సమంత ఇన్‌స్టాగ్రామ్ లో కమర్షియల్ యాడ్ పోస్ట్ చేయడం కోసం 15- 20 లక్షల వరకు పారితోషికం తీసుకుంటోందని సినీ వర్గాల్లో టాక్ .

Also Read: “కుష్బూ” నుండి… “సమంత” వరకు… అభిమానులు “గుడి” కట్టిన 10 హీరోయిన్స్..!

కోడి రామ్మూర్తి నాయుడు అంటే నేటి తరం వారికి అంతగా తెలియకపోవచ్చు. ఆంధ్రప్రదేశ్ కు చెందిన ప్రముఖ మల్లయుద్ధ యోధుడు. కలియుగ భీముడిగా పేరుగాంచిన కోడి రామ్మూర్తి దేశవిదేశాల్లో ఎన్నో సాహస కృత్యాలు ప్రదర్శించారు.

అలా ఆయన ప్రదర్శనలు ఇచ్చిన ప్రతిచోటా రామ్మూర్తికి అనేక బిరుదులు, బహుమతులు ఇచ్చేవారు. మల్ల మార్తాండ, ఇండియన్‌ హెర్క్యులస్‌గా ఇతర దేశాల్లో భారత దేశ కీర్తిని చాటిన కోడి రామ్మూర్తి జీవితచరిత్ర వెండితెర పై రావడానికి సిద్ధమవుతోంది. ఆయన గురించి తెలుకుందాం..
కోడి రామ్మూర్తి శ్రీకాకుళం జిల్లాలోని వీరఘట్టం అనే గ్రామంలో 1883లో నవంబర్ 3న జన్మించారు. చిన్నతనంలోనే తల్లిని కోల్పోయిన రామ్మూర్తి  తండ్రి స్పూర్తితో బాబాయి కోడి నారాయణస్వామి వద్ద పెరిగారు. అక్కడ ఉండే ఒక  వ్యాయామశాలలో చేరి కుస్తీ నేర్చుకుంటూ దేహధారుడ్యాన్ని పెంచుకునేవాడు. 21 ఏళ్ల వయసులోనే చెస్ట్ పై 1 1/2 టన్నుల బరువును మోసేవారు. ఆ తరువాత మూడు టన్నుల బరువు కూడా మోసేవారు.మద్రాసులో ఒక కాలేజిలో ఏడాది వ్యాయామశాలలో ట్రైనింగ్ తీసుకుని సర్టిఫికేట్ అందుకుని వ్యాయామ ఉపాధ్యాయుడుగా తాను చదివిన విజయనగరంలో హైస్కూలులోనే చేరారు. అక్కడే తన మిత్రుడు పొట్టి పంతులు సహాయంతో సర్కస్ కంపెనీ పెట్టారు. తుని రాజాగారి సహకారం కూడా లభించింది. రామమూర్తి సర్కస్ కంపెనీ చాలా చోట్ల ప్రదర్శనలిచ్చి పేరు ప్రఖ్యాతులు సంపాదించారు.
1912లో మద్రాసుకు చేరుకున్నారు. చైనా, జపాన్ కళాకారుల సహకారంతో కోడి రామ్మూర్తి ప్రదర్శనలు అందరినీ ఆకట్టుకుంది. వీటిలో భాగంగా రామ్మూర్తి గట్టిగా గాలి పీల్చుకుని కండలను బిగించి, ఛాతీకి చుట్టిన ఉక్కు తాళ్ళను సైతం తెంచేవారు. ఆయన తన చెస్ట్ పై ఏనుగును ఎక్కించుకుని 5 నిముషాల పాటు అలాగే ఉండేవారు. ఆయన  2 కార్లను తాళ్ళతో కట్టి 2 చేతులుతో పట్టుకుని వాటిని కదలకుండా ఆపేవారు. అంతే కాకుండా ఒక్క చేత్తోనే  రైల్ ఇంజను ఆపేవాడు. ఆ రోజుల్లోనే లండన్ కు వెళ్లి అక్కడ బకింగ్ హామ్ ప్యాలెస్ లో కుస్తీ పోటీలో సత్తా చాటాడు.అప్పుడే బ్రిటిష్ రాణి రామ్మూర్తికి ఇండియన్ హెర్క్యులెస్ అనే బిరుదు ఇచ్చి సత్కరించింది. ఆయన జీవితంలో ఎన్నో బిరుదులు అందుకున్నారు. అంత గొప్ప మల్లయుద్ధ యోధుడు కోడి రామ్మూర్తి జీవిత కథ పై త్వరలోనే ఒక సినిమా రానుందని తెలుస్తోంది. గ్లోబల్ స్టార్ రామ్ చరణ్ బుచ్చిబాబు కాంబోలో రాబోతున్న RC16 మూవీ కోడి రామ్మూర్తి బయోపిక్ ఆని సమాచారం.

Also Read: వెంకటేష్ “సంక్రాంతి” నుండి… నాని “దసరా” వరకు… “పండగ” పేర్లని టైటిల్ గా పెట్టుకున్న 12 సినిమాలు..!

మ్యాచో మ్యాన్ గోపీచంద్, విలక్షణ నటుడు జగపతిబాబు లీడ్ రోల్స్ లో నటించిన చిత్రం రామబాణం. ఈ మూవీలో  హీరోయిన్ గా డింపుల్ హయాతి నటించింది. డైరెక్టర్ శ్రీవాస్ తెరకెక్కించిన ఈ మూవీ మే 5న థియేటర్లలో విడుదల కానుంది.

ఈ చిత్రాన్ని సుమారు 50 కోట్ల బడ్జెట్ తో నిర్మించారు. తాజాగా ఈ చిత్రం సెన్సార్ పూర్తి చేసుకుంది. సెన్సార్ బృందం ఈ మూవీకి యూ/ఏ సర్టిఫికెట్ ఇచ్చారు. ఈ విషయాన్ని దర్శకుడు శ్రీవాస్ సోషల్ మీడియా ఖాతా ద్వారా తెలిపారు. మరి సెన్సార్ బోర్డు ఈ మూవీపై  ఎలాంటి రివ్యూ ఇచ్చారో ఇప్పుడు చూద్దాం..
గోపీచంద్ , శ్రీవాస్ కలయికలో వస్తున్న 3వ చిత్రం ఇది. దీంతో ఈ మూవీ పై అంచనాలు ఏర్పడ్డాయి. ఈ మూవీ మే 5న  విడుదల కానుంది. ఈ నేపథ్యంలో మూవీ యూనిట్ ప్రమోషన్స్ లో మొదలుపెట్టింది. ఇక ఈ మూవీ నుండి ఇప్పటికే విడుదల అయిన గ్లింప్స్, సాంగ్స్, టీజర్ ఆడియెన్స్ ని ఆకట్టుకుంటున్నాయి. తాజాగా ఈ చిత్రం సెన్సార్ కార్యక్రమాలను పూర్తి చేసుకుంది. సెన్సార్ బోర్డు ఈ మూవీకి యూ/ఏ సర్టిఫికెట్ ను జారీ చేశారు. డైరెక్టర్ శ్రీవాస్ తన ట్విట్టర్ ద్వారా ఈ విషయాన్ని తెలిపాడు. అలాగే సెన్సార్ సభ్యులు తమ చిత్రాన్ని ప్రశంసించారని కూడా తెలిపారు.
ఈ చిత్రంలో ఎలాంటి  కట్స్ కానీ మ్యూట్ కానీ చేయకుండా సెన్సార్ సభ్యులు యూ/ఏ సర్టిఫికెట్ ఇచ్చారని అన్నారు. ఈ మూవీని చూసిన తరువాత సెన్సార్ సభ్యులు తనని, కో ప్రొడ్యూసర్ వివేక్ ని పిలిచి మంచి ఫ్యామిలీ ఎంటర్ టైనర్ తీశారని, కట్ చేసే అడియొకని, వీడియో కానీ లేవని చెప్పి అభినందించారని పేర్కొన్నారు. కొన్ని యాక్షన్ సన్నివేశాలు ఉండడం వల్ల యూ/ఏ సర్టిఫికెట్ ఇచ్చినట్టుగా తెలిపారని రాసుకొచ్చారు. అలాగే సెన్సార్ సభ్యులకు కృతజ్ఞతలు చెప్పారు.
మే 5న మా సినిమా విడుదల అయినప్పుడు ప్రేక్షకులు ఈ విధంగా  అనుభూతి చెంది మా ‘రామబాణం’ సినిమాను బ్లాక్ బస్టర్ హిట్ చేస్తారని ఆశిస్తున్నా అని పేర్కొన్నారు. ఈ చిత్రంలో సీనియర్ నటి కుష్బూ కీలక రోల్ లో నటిస్తున్నారు.  ఇక మూవీ యూనిట్ ప్రమోషన్స్ లో భాగంగా గోపీచంద్ డైరెక్టర్ తేజతో నిర్వహించిన ఒక ఇంటర్వ్యూ ప్రోమో నెట్టింట్లో  వైరల్ గా మారింది. ఈ మూవీ సాధించే వసూళ్ల ఆధారంగా గోపీచంద్ నెక్స్ట్ చేసే చిత్రాల బిజినెస్ పెరిగే ఛాన్స్ ఉందని అంటున్నారు.

https://t.co/2UEsy3ODHJ pic.twitter.com/Iqewu4efpE

— Sriwass Oleti (@DirectorSriwass) April 26, 2023

Also Read: “కుష్బూ” నుండి… “సమంత” వరకు… అభిమానులు “గుడి” కట్టిన 10 హీరోయిన్స్..!

హీరోయిన్ లయ గురించి తెలుగు ప్రేక్షకులకు ప్రత్యేకంగా చెప్పాల్సిన అవసరం లేదు. స్వయంవరం అనే సినిమా తో తెలుగు తెరకు హీరోయిన్ల పరిచయమైన లయ తన అందం, అభినయం తో ప్రేక్షకులని కట్టిపడేసింది. తక్కువ కాలంలోనే స్టార్ హీరోల దగ్గర నుంచి మిడ్ రేంజ్ హీరోల వరకు అందరి సరసన నటించి మంచి గుర్తింపును సంపాదించుకుంది లయ.

స్వయంవరం, మనసున్న మారాజు, హనుమాన్ జంక్షన్, మనోహరం, ప్రేమించు, మిస్సమ్మ వంటి చిత్రాలు లయకు మంచి పేరు తెచ్చిపెట్టాయి. తెలుగులోనే కాకుండా కన్నడ, తమిళ్, మలయాళ భాషల్లో కూడా ఆమె సినిమాలు చేశారు.అయితే లయ కెరీర్ పీక్స్ లో ఉన్న సమయం లోనే, 26 ఏళ్ళ వయసులో అమెరికాలో స్థిరపడ్డ డాక్టర్ గణేష్ ని వివాహం చేసుకుని అమెరికా వెళ్లి పోయారు. లయ దంపతులకు ఇద్దరు పిల్లలు కూడా ఉన్నారు.

తెలుగు ఇండస్ట్రీలో దశాబ్ధకాలం పాటు హీరోయిన్‌గా రాణించిన.. లయ మంచి చెస్ ప్లేయర్ కూడా. టెన్త్ క్లాస్ వరకు చెస్ పోటీలలో పాల్గొని.. రాష్ట్రస్థాయిలో ఏడుసార్లు, జాతీయస్థాయిలో ఒకసారి మెడల్స్ గెలుచుకున్నారు. ఇక లయ భర్త గణేష్ వృత్తి రిత్యా ఒక డాక్టర్. ఇక ఆయనకంటూ ప్రత్యేకమైన మూడు హాస్పిటల్స్ ఉన్నాయట. అయితే లయ అమెరికా వెళ్లిన తర్వాత లయ కొన్నాళ్ళు సాఫ్ట్ వెర్ ఇంజనీర్ గా పని చేసారు.

ఆ తర్వాత వ్యక్తిగత కారణాలతో జాబ్ కి గ్యాప్ తీసుకున్న లయ.. ప్రస్తుతం పిల్లలు పెద్దవాళ్ళు కావడం తో తిరిగి జాబ్ లో చేరారు . ప్రస్తుతం లయ పనిచేస్తున్న సంస్థ పేరు జోబి ఏవియేషన్. కాలిఫోర్నియాలో లో ఉన్న ఈ ఈ ఎయిర్ బస్ సంస్థలో ఐటీ ఇంజనీర్​గా పనిచేస్తున్నట్లు లయ వెల్లడించారు. ఇక ఇటీవల హైదరాబాద్​ వచ్చి పలు ఇంటర్వూస్ లో పాల్గొని వెళ్లారు. అంతేకాకుండా సోషల్ మీడియాలో రీల్స్ చేస్తూ, ఫోటోస్ పెడుతూ ఎప్పుడూ యాక్టివ్‌గానే ఉంటూ అభిమానులకు అందుబాటులో ఉంటున్నారు.