Filmy Adda

సీతమ్మ వాకిట్లో సిరిమల్లె చెట్టు సినిమా 2013 లో విడుదల అయింది. వెంకటేష్, మహేష్ బాబు ఈ సినిమాలో ముఖ్యపాత్రలు పోషించారు. శ్రీ వెంకటేశ్వర క్రియేషన్స్ పతాకంపై దిల్ రాజు ఈ సినిమాని నిర్మించారు. ఈ సినిమాలో సమంత, అంజలి, ప్రకాష్ రాజ్, జయసుధ తదితరులు నటించి ప్రేక్షకులను ఎంతగానో మెప్పించారు.

చిన్నోడు పెద్దోడు అంటూ మహేష్ బాబు వెంకటేష్ మధ్య ఉండే సీన్స్ కూడా అందరినీ బాగా ఆకట్టుకుంటాయి. అలానే చాలా మంది ఎంతో గొప్పగా నటించి సినిమాకి మంచి పేరు తెచ్చారు.

దర్శకులు తెర మీదకి సినిమాని తీసుకువచ్చిన తర్వాత కొన్ని తప్పులని ప్రేక్షకులను కనిపెడుతూ ఉంటారు. సీతమ్మ వాకిట్లో సిరిమల్లె చెట్టు సినిమాలో కూడా ఒక తప్పు వుంది. మరి మీరు ఆ తప్పుని కనిపెట్టారా…? దాని కోసమే ఇప్పుడు మనం చూసేద్దాం.

సీతమ్మ వాకిట్లో సిరిమల్లె చెట్టు సినిమా మొదలైన కొన్ని నిమిషాలకే అంజలి ఇంట్రడక్షన్ సీన్ ఉంటుంది. అయితే అంజలి నిద్రపోయి ఉంటుంది. జయసుధ పని మనిషి తో మాట్లాడి లోపలికి వచ్చిన తర్వాత అంజలి దుప్పటి కప్పుకుని పడుక్కుని ఉంటుంది.

జయసుధ ముగ్గు నేను వేస్తే మళ్లీ నా ముగ్గే బాగుందని అంటావు నిద్రలే అని అంజలితో చెప్తారు. అయితే అంజలి దుప్పటి తీసేసరికి ఆమె తయారయ్యి ఉంటుంది. ఆ తర్వాత ఆమె లేచేటప్పుడు భూదేవికి దండం పెట్టుకుని కిందకి దిగుతుంది.

పైగా భూమాత నేను పెట్టే ప్రతి అడుగు అడుగులా కాకుండా ముద్దులా తీసుకో అని చెప్పి అంజలి నిద్రలేస్తుంది. ముందు నేను ఎప్పుడో రెడీ అయ్యానని చెప్తుంది అంజలి. కానీ ఆ తరవాత మాత్రం భూదేవికి దండం పెట్టుకుంటుంది. తను అప్పుడే ఫస్ట్ టైం బెడ్ దిగుతుంటే మరి ఎప్పుడో ఎలా తయారైపోతుంది..? సీతమ్మ వాకిట్లో సిరిమల్లె చెట్టు సినిమాలో డైరెక్టర్ పొరపాటు చేశారు చాలామంది దీన్ని గమనించే ఉంటారు.

గతకొంత కాలంగా చట్టా పట్టాలేసుకుని మీడియా కంట పడుతున్న మంచు మనోజ్‌, భూమా మౌనికలు శుక్రవారం మూడు ముళ్ల బంధంతో ఒక్కటయ్యారు. వీరి పెళ్లికి మంచు లక్ష్మీ ఇల్లు వేదికైంది. ఇరు కుటుంబ సభ్యులతో పాటు అత్యంత సన్నిహితుల సమక్షంలో వీరి వివాహం జరిగింది. పెళ్లి వేడుకకు సంబంధించిన ఫోటోలు నెట్టింట తెగ వైరల్‌ అవుతూ ఉన్నాయి. ఇక మనోజ్‌కు గతంలో ప్రణతి రెడ్డితో వివాహం జరిగింది. కాగా నాలుగేళ్ల తర్వాత పరస్పర అంగీకారంతో వీరిద్దరూ విడాకులు తీసుకున్నారు. ఇక భూమా మౌనిక రెడ్డి కూడా గతంలో గణేష్‌ రెడ్డి అనే వ్యాపార వేత్తని పెళ్లి చేసుకుంది. వీళ్లకు ఒక బాబు కూడా ఉన్నాడు. కానీ వీరిద్ధరూ కొన్నాళ్లకే విడిపోయారు.

అయితే తాజాగా ఆయన భార్య, కుటుంబ సభ్యులతో కలిసి తిరుమల శ్రీవారిని దర్శించుకున్నారు మంచు మనోజ్. నాలుగేళ్ల ప్రేమ ఫలించి భూమా మౌనికా రెడ్డిని పెళ్లి చేసుకోవడం చాలా ఆనందంగా ఉందని నటుడు మంచు మనోజ్‌ అన్నారు. “జీవితంలో ఏ విషయంలోనైనా ఓడిపోవచ్చు. కానీ, ప్రేమలో గెలవాలి. ఇది నేను ఎప్పుడూ నమ్మే సూత్రం. ఎందుకంటే ఇప్పుడు నా విషయంలో ప్రేమే గెలిచింది. 12 ఏళ్లగా మౌనిక నాకు తెలుసు. నాలుగేళ్ల క్రితం నేను జీవితం లో చాలా కోల్పోయి బాధలో ఉన్నప్పుడు మౌనిక నాకు సపోర్ట్‌గా నిలిచింది. అలా, మేమిద్దరం మరింత దగ్గరయ్యాం.. ఎన్నో వ్యతిరేకతలు ఎదురైనప్పటికీ ధైర్యంగా నిలబడ్డాం. దేవుడి దయ వల్ల అందరూ కలిసి మా పెళ్లి చేశారు. దైరవ్‌ నా జీవితంలోకి రావడం కూడా శివుడి ఆజ్ఞగా భావిస్తా.” అని మనోజ్ అన్నారు.

అయితే ఈ వివాహం చేసుకోవడం పై మనోజ్ పై మొదట్లో చాలా కామెంట్స్ వచ్చాయి. పెళ్లి అయ్యి ఒక బాబు ఉన్న అమ్మాయిని చేసుకోవడం కూడా మంచు ఫ్యామిలీ కి ఇష్టం లేదంటూ వార్తలు కూడా వచ్చాయి. గతం లో సికింద్రాబాద్ లోని సీతాఫల్ మండి లోని ఓ వినాయక మండపానికి వీరిద్దరూ కలిసి వచ్చినప్పటి నుంచి వీరి బంధం పై ఎన్నో రూమర్లు వచ్చాయి. కానీ మనోజ్ వాటన్నిటిని ఎదుర్కొని.. తమ బంధాన్ని పెళ్లి వరకు తీసుకొచ్చాడు.

ప్రస్తుతం మనం ఉన్న సమాజం లో ఒక అమ్మాయి రెండో వివాహం చేసుకోవడాన్ని చాలా మంది సమర్థించరు. కానీ మనోజ్ ఎంతో ధైర్యం గా తన నిర్ణయానికి కట్టుబడి ఉంటూ.. తన భార్యను ఆమె మొదటి భర్త కుమారుడ్ని కూడా పూర్తిగా అతడి జీవితంలోకి స్వాగతించాడు. తిరుపతి లో కూడా తన భార్య బిడ్డ గురించి మాట్లాడుతూ.. ధైరవ్ రెడ్డిని తన కొడుకుగా మనస్ఫూర్తిగా స్వీకరిస్తున్న‌ట్లు మంచు మ‌నోజ్ చెప్ప‌క‌నే చెప్పేశాడు. దీంతో ఆయ‌న మంచి మ‌న‌సుకు నెటిజ‌న్లు ఫిదా అయిపోతున్నారు. ప్రస్తుత కాలం లో ఇటువంటి మంచి మనసు ఉన్న వారు అరుదుగా ఉంటారు అని కామెంట్స్ చేస్తున్నారు నెటిజన్లు. ఇక వారిద్దరి జంట ఆనందం గా ఉండాలని అందరు కోరుకుంటున్నారు.

సినీ పరిశ్రమలో కోట్ల రూపాయాలు సంపాదించి..చివరికి చేతిలో చిల్లి గవ్వలేక దుర్భరజీవితాన్ని గడిపిన సెలబ్రిటీలు కొందరున్నారు. హీరోలు.. నిర్మాత లు.. దర్శకులు… నటులు ఇలా ఒకప్పుడు లగ్జరీ లైఫ్ ని ఆస్వాదించి చివరికి వచ్చే సరికి మరో రకమైన జీవితాన్ని గడుపుతున్న విషయాలను మనం చూస్తున్నాం. అయితే తాజాగా తమిళ నిర్మాత వీఏ దురై అలాంటి పరిస్థితుల్లోనే ఉన్నట్లు తెలుస్తోంది. ప్రస్తుతం ఆయన అనారోగ్యం కారణంగా ఆసుపత్రిలో చికిత్స పొందుతున్నారు. జాతీయ అవార్డు గెలుచుకున్న నిర్మాత ఈ పరిస్థితి లో ఉండటం చూసి అందరు చలించిపోయారు.

సూపర్ స్టార్ రజినీకాంత్, విజయకాంత్, విక్రమ్, సూర్య, సత్యరాజ్ లాంటి స్టార్స్ తో సూపర్ హిట్ సినిమాలు నిర్మించిన వి. ఏ. దురై.. కొన్నాళ్లుగా మధుమేహం వ్యాధి బారినపడి దీనస్థితిలో ఉన్నారు. వైద్యం కోసం కనీస ఖర్చులు లేకపోవడంతో.. ఆర్థిక సహాయం కోసం ఎదురు చూస్తున్నారు. ఈ విషయం తెలుసుకున్న.. స్టార్ హీరో సూర్య.. నిర్మాత దురైకి వైద్యం నిమిత్తం రూ. 2 లక్షలు సాయం అందించాడు. అలాగే మరింత అవసరమైనా తాను సాయం చేసేందుకు సిద్ధమేనని తెలిపాడు. దీంతో సూర్య బాటలో ఇప్పుడు కోలీవుడ్ సెలబ్రిటీలు దురైకి హెల్ప్ చేయడానికి ముందుకొస్తున్నారు.

శివపుత్రుడు(పితామగన్) సినిమాతో బ్లాక్ బస్టర్ అందుకున్న దురై.. ఎన్నమ్మా కన్ను, వివరమనా ఆలు, లూఠీ, గజేంద్ర సినిమాలు చేసి మంచి పేరు తెచ్చుకున్నారు. కానీ.. శివపుత్రుడుతో వచ్చిన క్రేజ్ ని ఆ తర్వాత ప్లాప్స్ కారణంగా నిలుపుకోలేక ఆర్థికంగా ఇబ్బందులలో పడిపోయారు దురై. మధుమేహంతో బాధపడుతున్న దురై.. సొంత ఇల్లు లేక, వైద్యానికి చిల్లిగవ్వ లేక అవస్థ పడుతున్నట్లు ఆయన స్నేహితుడు కుమార్.. ఫేస్ బుక్ లో వీడియో ద్వారా తెలియజేసారు.

కెరీర్ లో ఆరంభంలో దురై ప్రముఖ నిర్మాత ఏఎం రత్ననాథ్తో కలిసి ప్రొడక్షన్ మేనేజ్మెంట్లో పనిచేశారు. అటుపై కొంత కాలానికి సొంతగా ప్రొడక్షన్ ఎవర్ గ్రీన్ ఇంటర్నేషనల్ సంస్థని స్థాపించారు. ఈ బ్యానర్ పైనే ఎన్నో సినిమాలు నిర్మించారు. దీంతో దురై కి హీరో సూర్యతో పాటు డైరెక్టర్ వెట్రిమారన్ ఆర్థికంగా సాయం చేశారని సమాచారం. దీంతో దురై పరిస్థితిపై ముందుగా స్పందించి సాయం అందించిన సూర్య మంచి మనసును అభినందిస్తున్నారు ఫ్యాన్స్.

సుఖేష్ చంద్రశేఖర్ గురించి మీరు వినే ఉంటారు. కర్ణాటక లోని బెంగళూరుకి చెందిన వ్యక్తి సుఖేష్. తను విలాసవంతమైన జీవితాన్ని గడపడానికి 17 ఏళ్ల నుంచి కూడా అందరిని మోసం చేస్తున్నాడు. వ్యాపారవేత్తల మొదలు బాలీవుడ్ ప్రముఖుల దాకా ప్రతి ఒక్కరిని కూడా మోసం చేయడం మొదలుపెట్టారు సుఖేష్.

2007లో బెంగళూరు డెవలప్మెంట్ అథారిటీ లో ఉద్యోగాలు ఇప్పిస్తానని చాలా మందిని మోసం చేశాడు. దాంతో అరెస్ట్ కూడా అయ్యాడు. అయినా కూడా మారలేదు. దాదాపు 30 కి పైగా కేసులు ఇతని మీద నమోదయ్యాయి. వైయస్సార్ రెడ్డికి మేనల్లుడు అని చెప్పుకొని అందరినీ మోసం చేస్తూ ఉంటాడు.

అలానే తమిళనాడు మాజీ ముఖ్యమంత్రి కరుణానిధి కొడుకు అని కూడా చెప్పుకుంటాడట. నకిలీ స్కీమ్స్ ద్వారా 450 మందిని మోసం చేసి కోట్ల రూపాయలని కాజేసాడు. సుఖేష్ కి జాక్వెలింగ్ కి మధ్య సంబంధం ఉండడంతో ఆమెకి కోట్ల విలువ చేసే బహుమతులని ఇచ్చాడు. హోలీ సందర్భంగా ఆమెకి ఒక లెటర్ రాశాడు.

అది ఇప్పుడు సోషల్ మీడియాలో వైరల్ అవుతోంది. మై బొమ్మ మై జాకీ అని సంబోధిస్తూ ఉత్తరాన్ని రాశాడు. ఈ ఉత్తరంలో తన జీవితంలో రంగుల్ని నింపుతానని సుఖేష్ రాసాడు. చాలా బాగా మిస్ అవుతున్నాను అని తనకి ఆమె ప్రపంచమని రాశాడు. హోలీ విషెస్ ని చెప్పాడు అలానే తన జీవితంలో పోయిన రంగుల్ని తిరిగి తీసుకొస్తానని.. అది తన బాధ్యత అని కూడా రాశాడు. నేను నిన్ను ప్రేమిస్తున్నాను అని… నవ్వుతూ నువ్వు ఉండాలని కోరుకుంటున్నానని రాశాడు చంద్రశేఖర్.

లవ్ యు మై ప్రిన్సెస్.. మిస్ యు అని రాసి మై జాకీ, మై బొమ్మ అని ఆమెని సంబోధించాడు. మనీ లాండరింగ్ కేసులో సుఖేష్ ఇప్పుడు తీహార్ జైల్లో ఉన్నాడు. 200 కోట్లు మనీ లాండరింగ్ కి పాల్పడినట్లు అభియోగాలను ఎదుర్కొంటున్నాడు. ఈడి ఇప్పటికీ ఇతని మీద మూడు కేసులు నమోదు చేయడం జరిగింది. కేంద్ర హోమ్ లా సెక్రెటరీగా నటించాడు. మాజీ రెలిగేర్ ప్రమోటర్ మాల్వీన్దర్ సింగ్ భార్యని మోసం చేసి 200 కోట్లని కాజేసాడు. జాక్వెలిన్ కి 7 కోట్ల వరకు ఇచ్చాడట. అయితే జాక్వెలన్ కి ఈ కేసులో సంబంధం లేనట్లు సుఖేష్ చెప్పాడు. ఆమె మాత్రం అతను తన జీవితాన్ని నాశనం చేశాడని చెప్పింది.

సూపర్ స్టార్ మహేష్ బాబు గురించి కొత్తగా పరిచయం చేయక్కర్లేదు. ఇప్పటికి చాలా సినిమాల్లో నటించి పాపులర్ అయిపోయారు. సూపర్ స్టార్ కృష్ణ గారి వారసత్వాన్ని పునికిపుచ్చుకుని మహేష్ బాబు తిరుగులేని ఫ్యాన్ ఫాలోయింగ్ తో ముందుకెళ్ళిపోతున్నారు.

ఇండస్ట్రీ ని రూల్ చేస్తున్న హీరోల లో సూపర్ స్టార్ మహేష్ బాబు నెంబర్ వన్ అని చెప్పొచ్చు. గత సంవత్సరం సర్కారు వారి పాట సినిమాతో ప్రేక్షకులు ముందుకి వచ్చారు ఇప్పుడు ప్రస్తుతం త్రివిక్రమ్ తో ఒక సినిమా చేయబోతున్నారు.

వీళ్ళిద్దరి కాంబినేషన్ లో రెండు సినిమాలు ఇప్పటికే వచ్చాయి. దీనితో ఆ చిత్రం పై భారీ అంచనాలు ఉన్నాయి. అలానే దర్శక రాజమౌళితో కూడా మహేష్ బాబు ఒక సినిమాని చేయబోతున్నారని వార్తలు వచ్చాయి. మరి ఎప్పుడు సినిమా వస్తుందనేది తెలీదు. మనిషిని పోలిన మనుషులు ఉంటారు అన్న విషయం మనకి తెలిసిందే. మనిషిని పోలిన మనుషులు ఏడుగురు ఉంటారని కూడా అంటారు. అయితే మన టాలీవుడ్ లోనే సమంత లాగా అషు రెడ్డి ఉంటుంది.

ఆమెని జూనియర్ సమంత అని పిలుస్తూ ఉంటాము. అయితే మహేష్ బాబు లాగ ఒక వ్యక్తి చూడడానికి ఉంటారు అతను ఎవరో కాదు అబ్రామ్ పాండే. అచ్చం మహేష్ బాబు లాగ కనపడతాడు పొరపాటున చూస్తే మహేష్ బాబు అని అనుకుంటాము. అబ్రామ్ పాండే కూడా యాక్టర్ ఏ. బడే దూర్ సే అయి హై, కిచిడీ రిటర్న్స్, శ్రీమాన్ శ్రీమతి ఫిర్ సే వంటి వాటిలో నటించాడు.  చూసేందుకు మహేష్ బాబు లాగే ఉంటాడు అబ్రహం. ఫన్నీ క్యారెక్టర్స్ లో నటిస్తూ యాక్టింగ్ కెరీర్ ని మొదలు పెట్టాడు అబ్రహం. ప్రేక్షకులకి అతని నటన నచ్చింది.

కామెడీ చేస్తుంటే నాకు కూడా నచ్చిందని తను తన కెరీర్ ని స్టార్ట్ చేశారు. షూటింగ్లో పాల్గొనడం కూడా నాకు నచ్చింది అని అబ్రామ్ చెప్పారు. అందరూ తనని మహేష్ బాబు తో పోలుస్తారని నిజానికి అది ఒక మంచి కాంప్లిమెంట్ అని చెప్పారు. అలానే తనకంటూ ఒక ప్రత్యేక గుర్తింపు కోసం చూస్తున్నానని.. సూపర్ స్టార్ వంటి వారితో ఎప్పుడూ కంపేర్ చేసుకోవాలని అనుకోలేదని చెప్పారు.

బోయపాటి శ్రీను ఇండస్ట్రీ కి వచ్చి 18 ఏళ్ళు అవుతున్నా కేవలం 9 సినిమాలకి మాత్రమే దర్శకత్వం వహించారు. పైగా బోయపాటి శ్రీను మంచి బ్లాక్ బస్టర్ ఇస్తున్నా కూడా పెద్ద హీరోల తో సినిమా చేయడం బోయపాటి శ్రీను కి కష్టంగానే వుంది. బోయపాటి శ్రీను ఇప్పటి వరకు తీసుకువచ్చిన సినిమాల్లో ఒకటి రెండు సినిమాలు మాత్రమే హిట్ కాలేదు కానీ మిగిలినవన్నీ మంచి హిట్లు అందుకున్నాయి.

వినయ విధేయ రామ సినిమా డిజాస్టర్ టాక్ తెచ్చుకుంది కానీ ఈ సినిమా 60 కోట్లకి పైగా షేర్ ని వసూలు చేయడం జరిగింది.

బోయపాటి శ్రీను దర్శకత్వం వహించిన అఖండ సినిమా సూపర్ హిట్ అయింది. పైగా ఈ సినిమా కి సీక్వెల్ కూడా చేయబోతున్నారట. ఎక్కడనుండి అయితే అఖండ ఫస్ట్ పార్ట్ ఆగిందో అక్కడి నుండి రెండో భాగం మొదలవుతుందట. అయితే బాలకృష్ణ తో సినిమా అయిన తర్వాత చాలా మంది పెద్ద పెద్ద స్టార్ హీరోలతో బోయపాటి శ్రీను సినిమా తీస్తాడని అనుకున్నారు కానీ రామ్ తో సినిమా చేస్తున్నాడు బోయపాటి శ్రీను. రామ్ తో పాన్ ఇండియా సినిమాని స్టార్ట్ చేశాడు బోయపాటి. రామ్ సరసన ఇందులో శ్రీలీల నటిస్తోంది.

ఇప్పటికే ఈ సినిమా షూటింగ్ మొదలయ్యి ఎనిమిది నెలలు అవుతోంది కానీ ఇంకా ఈ సినిమా గురించి ఎలాంటి అప్డేట్ ని కూడా చిత్ర యూనిట్ ఇవ్వలేదు. దాంతో సోషల్ మీడియా లో సినిమా షూటింగ్ ఆగి పోయింది అంటూ పెద్ద ఎత్తున ప్రచారం సాగుతోంది. రామ్ అభిమానులు ఏం జరుగుతుందని టెన్షన్ పడుతున్నారు. అయితే ఈ ప్రచారం లో ఎటువంటి నిజం కూడా లేదని తెలిసాక ఉపశమనం లభించింది ఫ్యాన్స్ కి. రామ్ పుట్టిన రోజు మే నెల లోనే. సో ఈ సినిమా టీజర్ ని అప్పుడు రిలీజ్ చేస్తారేమో అని అంతా అనుకుంటున్నారు మరి ఏం జరుగుతుందనేది చూడాలి.

విలక్షణ నటిగా చక్కటి గుర్తింపు తెచ్చుకున్న వరలక్ష్మి శరత్ కుమార్ గురించి కొత్తగా పరిచయం చేయాల్సిన పనిలేదు. ప్రముఖ కోలీవుడ్ హీరోయిన్ గా మంచి గుర్తింపుని తెచ్చుకుంది వర లక్ష్మి శరత్ కుమార్. నిజానికి సీనియర్ హీరోయిన్స్ అయినటువంటి విజయశాంతి రమ్య కృష్ణ వంటి హీరోయిన్ల తర్వాత అంతటి పేరు తెచ్చుకున్న ఈ తరం హీరోయిన్లలో ఆమె మొదటి స్థానం లో వుంది. ఎటువంటి పాత్రనైనా సరే వరలక్ష్మి చక్కగా చేయగలదు.

ఈ మధ్య కాలం లోనే చాలా సినిమాల్లో విలన్ పాత్రలు చేసి అందరిని తన వైపుకి తిప్పేసుకుంది. పాపులారిటీని కూడా బాగా సంపాదించుకుంది.

పైగా తనకి ఫ్యాన్ ఫాలోయింగ్ కూడా ఎక్కువే. సినిమాల్లో విలన్ అయినా రియల్ లైఫ్ లో మాత్రం ఈమె మనసు వెన్న అని మరొకసారి రుజువు చేసుకుంది. మరొకసారి కుటుంబాలకి అండగా నిలిచి తన మనసు ఎంత విశాలమో చాటుకుంది వ రలక్ష్మి. ఈమె ఎప్పటికప్పుడు సామాజిక సేవలు చేస్తూనే ఉంటుంది. ఆర్థిక ఇబ్బందుల్లో ఉన్న వాళ్ళని ఆదుకుంటుంది. క్యాన్సర్ బారిన పడ్డ కుటుంబాలకు నిత్యవసర వస్తువులను అందించడానికి సహాయం చేసింది. శనివారం వర లక్ష్మీ పుట్టిన రోజు అయింది.

ఈ సందర్భంగా ఆమె స్థానిక ఎగ్మోర్ లోని ఇన్స్టిట్యూట్ ఆఫ్ చైల్డ్ హెల్త్ హాస్పిటల్ లో తన పుట్టిన రోజుని వైద్యులు మరియు క్యాన్సర్ బాధితుల మధ్య జరుపుకుంది. జయ ఆఫ్ షేరింగ్ పేరుతో శివశక్తి సంకల్ప బ్యూటిఫుల్ వరల్డ్ సేవా సంస్థలు ఈ కార్యక్రమాన్ని నిర్వహించాయి. క్యాన్సర్ బాధ్యతల్ని కాపాడుతున్న వైద్యులు మధ్య పుట్టినరోజు చేసుకోవడం చాలా ఆనందంగా ఉందని వరలక్ష్మి శరత్ కుమార్ చెప్పింది. చేతిలో ఉన్న డబ్బుల్ని అందిస్తే కూడా చాలా మందికి సహాయం అందుతుందని చెప్పింది అలానే దేశమంతా సైకిల్ యాత్ర చేస్తూ క్యాన్సర్ వ్యాధి మీద అవగాహన కల్పిస్తున్న శివ, రవి, జై అశ్వానిని అభినందించింది వరలక్ష్మి శరత్ కుమార్.

సూపర్ స్టార్ మహేష్ బాబు త్రివిక్రమ్ కాంబినేషన్ లో ఇప్పటికీ రెండు సినిమాలు వచ్చాయి ఇప్పుడు మరోసారి త్రివిక్రమ్ మహేష్ బాబు కాంబినేషన్ లో ఒక సినిమా రాబోతోంది. ఇప్పటి వరకు రెండు సినిమాలు రావడంతో ఈ సినిమా మీద ఎక్స్పెక్టేషన్స్ ప్రేక్షకులకి ఎక్కువగా ఉన్నాయి. ఈ సినిమా టైటిల్ ని ఇంకా రిలీజ్ చేయకపోవడంతో ssmb 28 అని అంటున్నారు. ఈ సినిమా అప్డేట్ కోసం మహేష్ బాబు ఫ్యాన్స్ ఎంతగానో ఎదురు చూస్తున్నారు.

ఈ సినిమా రైట్స్ భారీ రేటుకి అమ్ముడైపోయాయి అనే వార్త మాత్రం సోషల్ మీడియాలో ఇప్పుడు ఎక్కువగా వినపడుతోంది.

ఈ సినిమాకి సంబంధించిన డిజిటల్ రైట్స్ మ్యూజిక్ రైట్స్ తో పాటుగా ఓవర్సీస్ రైట్స్ కి కూడా భారీ ఎత్తున ఆఫర్లు వస్తున్నాయట. ఈ సినిమాకి సంబంధించిన ఒక పెద్ద అప్డేట్ ని త్వరలో తీసుకురాబోతున్నారట. ఫ్యాన్స్ కి సర్ప్రైజ్ ఇచ్చే విధంగా మార్చి 22న పెద్ద ఎత్తున ప్లాన్ చేస్తున్నట్లు తెలుస్తోంది. 22న ఉగాది కనుక ఆ రోజు త్రివిక్రమ్ శ్రీనివాస్ ఈ సినిమా టైటిల్ ని ఫస్ట్ లుక్ ని రిలీజ్ చేయబోతున్నట్లు టాక్.  ఉగాదితో కొత్త తెలుగు సంవత్సరం మొదలవుతుంది. ఉగాదినాడు ఏదైనా కొత్త పనికి శ్రీకారం చుడితే ఆ పని విజయవంతంగా పూర్తి అవుతుందని అంతా నమ్ముతారు.

అందుకోసమే త్రివిక్రమ్ శ్రీనివాస్ ఆ రోజు సినిమా టైటిల్ ఫస్ట్ లుక్ ని రిలీజ్ చేయబోతున్నారట. ఈ సినిమాకి ”ఛస్తే” అనే టైటిల్ ని పెట్టే అవకాశం ఉంటున్నట్లు తెలుస్తోంది. సినిమాకి కరెక్ట్ గా ఛస్తే అనే పదం సూట్ అవుతుందట. ఇది చూసి అంతా అవాక్కవుతున్నారు. ఇదేం టైటిల్ అంటూ కామెంట్లు చేస్తున్నారు. హీరోయిన్ గా ఈ సినిమాలో పూజ హెగ్డే, శ్రీలీల నటిస్తున్నట్లు తెలుస్తోంది. అలానే జగపతిబాబు ఒక కీలక పాత్ర చేస్తారట. ఈ సినిమాకి సంగీతాన్ని తమన్ అందిస్తున్నారు. ఈ సినిమా కి సంబంధించి ఒక షెడ్యూల్ షూటింగ్ సారథి స్టూడియోస్ లో పూర్తయింది.

టాలీవుడ్ స్టార్ హీరో మాస్ మహరాజ్ రవితేజ వరుస సినిమాలతో దూసుకుపోతున్నారు. ఆయన నటించిన ధమాకా, వాల్తేరు వీరయ్య చిత్రాలు సూపర్ హిట్స్ కావడంతో రవితేజ తదుపరి చిత్రాలపై ఆసక్తి పెరిగింది. ఇక ప్రస్తుతం రవితేజ సుధీర్ వర్మ దర్శకత్వంలో ‘రావణాసుర’ సినిమాలో నటిస్తున్నారు. ఇప్పటికే ఈ సినిమా నుంచి విడుదల అయిన ప్రచార చిత్రాలకు మంచి స్పందన వచ్చింది. ఇక మాస్ మహరాజ్ రవితేజ అభిమానులు ఎప్పుడెప్పుడా అని ఎదురు చూస్తున్న టీజర్ వచ్చేసింది.తాజాగా రావణాసుర సినిమా టీజర్‌ను మేకర్లు విడుదల చేశారు.

ఈ టీజర్‌ను చూస్తుంటే ఇదొక క్రైమ్ సస్పెన్స్ థ్రిల్లర్ జానర్ అని తెలుస్తోంది. రవితేజ వరుసగా హత్యలు చేస్తూ వెళ్తున్నాడు. ఇక జయరామ్ వాటిని కనిపెట్టే ఆఫీసర్‌గా కనిపిస్తున్నాడు. ప్రతీ కిల్లర్ మర్డర్ చేసినప్పుడు తన సైన్ వదిలి వెళ్తాడు.. ఆ సైన్ ఏంటో కనిపెట్టాలి అంటూ చెప్పిన డైలాగ్‌ బాగుంది. మొత్తానికి టీజర్‌తో సినిమా మీద అంచనాలు పెంచేశాడు సుధీర్ వర్మ.

నిమిషం 6 సెకనుల నిడివితో కట్ చేసిన ఈ టీజర్ సినిమాపై అంచనాలను పెంచేసింది. పోరాట సన్నివేశాలు, విజువల్స్ ఆకట్టుకున్నాయి. ఇందులో కీలక పాత్ర పోషిస్తున్న సుశాంత్ స్టైలిష్ లుక్‌లో కనిపించాడు. “సీతను తీసుకుని వెళ్లాలంటే సముద్రం దాటితే సరిపోదు.. ఈ రావణాసురుడిని దాటి వెళ్లాలి.” అనే డైలాగ్ టీజర్‌లో హైలెట్‌గా నిలిచింది. అయితే టీజర్ లో రవితేజను చాలా వరకూ నెగిటివ్ పాత్రలోనే చూపించారు. అయితే నిజంగా సినిమాలో ఆయన పాత్ర ఎలా ఉంటుంది తెలియాలంటే సినిమా విడుదల వరకూ ఆగాల్సిందే.

ఇక మరోవైపు ప్రస్తుతం రవితేజ ఫుల్ ఫాంలో ఉన్నాడు. ఇటీవల వచ్చిన ధమాకా బ్లాక్ బస్టర్ హిట్ అయింది. ఏకంగా వంద కోట్ల గ్రాస్ రాబట్టి అందరినీ మెప్పించింది. వంద కోట్ల క్లబ్బులో మొదటి సారిగా రవితేజ ఎంట్రీ ఇచ్చాడు. దీంతో రావణాసుర సినిమాపై ఇప్పుడు మంచి బజ్ ఏర్పడింది. రావణాసుర సినిమాపై ఉన్న అంచనాలకు తగ్గట్టుగానే ఏప్రిల్ 7న భారీ ఎత్తున రిలీజ్ చేయబోతోన్నారు. అను ఇమాన్యుయేల్, ఫరియా, మేఘా ఆకాష్ నటిస్తోన్న ఈ సినిమాను అభిషేక్ పిక్చర్స్, ఆర్టీ టీం వర్క్స్ సంయుక్తంగా నిర్మిస్తోంది. హర్షవర్దన్ రామేశ్వర్, భీమ్స్ కలిసి ఈ మూవీకి సంగీతాన్ని అందిస్తున్నారు.

watch video:

కొన్నేళ్ల నుండి షారుఖ్ ఖాన్ ట్రాక్ రికార్డు బాలేదు. ఒకపుడు మంచి హిట్స్ ని అందుకున్నాడు. కానీ ఇప్పుడు మాత్రం షారుఖ్ ఖాన్ సరైన సినిమాల కోసం అవస్థలు పడుతున్నాడు. సినిమాలు వచ్చినవి వచ్చినట్టే హిట్ అందుకోకుండా డిజాస్టర్స్ గానే మిగిలిపోతున్నాయి. షారుఖ్ నటించి ‘చెన్నై ఎక్స్‌ప్రెస్’ సినిమా మంచి సక్సెస్ ని ఇచ్చింది. కానీ ఆ తర్వాత వచ్చిన సినిమాలు మాత్రం ఫ్లాప్ లు గా మిగిలిపోయాయి.

ఇప్పుడు పఠాన్ సినిమాతో ప్రేక్షకుల ముందుకి షారుఖ్ రాగా.. చిత్రాని కి మొదట నుండి కూడా
సూపర్ రెస్పాన్స్ వచ్చింది. ఇక ఈ సినిమా వివరాల లోకి వస్తే…

యశ్ రాజ్ ఫిల్మ్స్ బ్యానర్‌పై ఆదిత్య చోప్రా నిర్మించిన ఈ చిత్రానికి సిద్ధార్థ్ ఆనంద్ దర్శకత్వం వహించారు. జనవరి 25న రిపబ్లిక్ డే కానుకగా ఈ మూవీ రిలీజ్ అయ్యింది. దీపికా పదేకొణె హీరోయిన్‌గా నటించింది. ఈ మూవీ లో జాన్ అబ్రహం కీలక పాత్ర చేసారు. ప్రపంచవ్యాప్తంగా 7700 స్క్రీన్స్ లో ఈ మూవీ రిలీజ్ అయ్యింది. ఈ మూవీ మొదటి రోజు ఏకంగా రూ. 55 కోట్ల రేంజ్‌లో నెట్ కలెక్షన్స్‌ను కలెక్ట్ చేసేసింది. దాదాపు రూ. 250 నుండి 260 కోట్లు బిజినెస్ జరిగింది. 38 రోజుల్లో ప్రపంచ వ్యాప్తంగా రూ. 530.09 కోట్లు నెట్‌, రూ. 1029 కోట్లు గ్రాస్‌ను రాబట్టింది ఈ సినిమా.

39వ రోజు రూ. 3.50 కోట్లు గ్రాస్, రూ. 2 కోట్లు వరకూ నెట్ రాబట్టింది. 39 రోజుల్లోనే ప్రపంచ వ్యాప్తంగా రూ. 532.00 కోట్లు నెట్ వచ్చింది. రూ. 1032 కోట్లు వరకూ గ్రాస్ వచ్చింది. అలానే 39 రోజుల్లో ఓవర్సీస్‌ లో 47.10 మిలియన్ డాలర్లు (386.70 కోట్లు) వసూల్ చేసింది ఈ సినిమా. 39 వ రోజు రూ. 2 కోట్లుకు పైగా నెట్‌ వచ్చింది. ఇప్పటి దాకా ఈ సినిమా రూ. 270 కోట్లకు పైగా లాభాలను పొందింది. రూ. 260 కోట్లు టార్గెట్‌ తో సినిమాని రిలీజ్ చేసారు.