Filmy Adda

సాధారణంగా ఒక సినిమా మొదలైన తర్వాత చిన్న చిన్న మార్పులు జరుగుతూ ఉంటాయి. కానీ సినిమా నుండి ముఖ్య సభ్యులు మాత్రం సినిమా నుండి వెళ్లరు. సినిమా పూర్తయ్యేంతవరకు వాళ్లు సినిమాతోనే ఉంటారు. సినిమాతో ట్రావెల్ చేస్తారు. కానీ అలాంటిది, హరి హర వీరమల్లు సినిమా నుండి చాలా మంది తప్పుకున్నారు. అందుకు డేట్స్ కారణమని అంటున్నారు. అలా హరి హర వీరమల్లు సినిమా నుండి తప్పుకున్న నటులు, టెక్నీషియన్స్ ఎవరో ఇప్పుడు చూద్దాం.

# క్రిష్ జాగర్లమూడి. డైరెక్టర్ క్రిష్ జాగార్లమూడి తన సినిమా నుండి తప్పుకున్నారు. మణికర్ణిక సినిమాకి కూడా ఇలాగే జరిగింది. క్రిష్ సగం సినిమా దర్శకత్వం వహించిన తర్వాత, హీరోయిన్ కంగనా రనౌత్ తో క్రియేటివ్ డిఫరెన్సెస్ వచ్చిన కారణంగా సినిమా నుండి వెళ్లిపోయారు. ఇప్పుడు హరి హర వీరమల్లు సినిమా నుండి కూడా క్రిష్ తప్పుకున్నట్టు తెలుస్తోంది. జ్యోతి కృష్ణ మిగిలిన సినిమాకి దర్శకత్వం వహిస్తున్నారు.

# జాక్వెలిన్ ఫెర్నాండెజ్. ముందుగా ఈ సినిమాలో హీరోయిన్ పాత్రకి జాక్వెలిన్ ఫెర్నాండెజ్ ని అనుకున్నారు. కానీ కొన్ని కారణాల వల్ల ఆమె తప్పుకోవడంతో, నిధి అగర్వాల్ హీరోయిన్ గా నటిస్తున్నారు.

# అర్జున్ రాంపాల్. విలన్ పాత్రకి అర్జున్ రాంపాల్ ని అనుకున్నారు. షూటింగ్ కూడా జరిగాక డేట్స్ కారణంగా ఈ సినిమా నుండి తప్పుకున్నారు. దాంతో బాబీ డియోల్ విలన్ పాత్రలో నటిస్తున్నారు.

# సినిమాటోగ్రాఫర్ జ్ఞానశేఖర్ కూడా సినిమా నుండి తప్పుకున్నట్టు తెలుస్తోంది. గత సంవత్సరం విడుదల అయిన వీడియోలో, సినిమాటోగ్రాఫర్ పేరు జ్ఞానశేఖర్ పేరు మాత్రమే ఉంది. కానీ ఇప్పుడు మనోజ్ పరమహంస పేరు కూడా ఉంది. దాంతో జ్ఞానశేఖర్ ఈ సినిమా నుండి తప్పుకోగా, మిగిలిన భాగాలని మనోజ్ పరమహంస షూట్ చేసినట్టు తెలుస్తోంది.

# విజువల్ ఎఫెక్ట్స్ బృందంలో కొంత మంది యాడ్ అయ్యారు. గతంలో బెన్ లాక్, హరి హర సుతాన్ మాత్రమే ఉండగా, ఇప్పుడు వీళ్ళతో పాటు యూనిఫై మీడియా, మెటావ్ఎఫ్ఎక్స్ పేర్లు కూడా కనిపిస్తున్నాయి.

image courtesy : Social News XYZ

# స్టంట్ కొరియోగ్రఫీలో కూడా గతంలో ఉన్న వాళ్ళతో పాటు విజయ్ మాస్టర్ పేరు యాడ్ అయ్యింది.

అయితే, సినిమాలో ఇలాంటి మార్పులు సహజంగా జరుగుతూ ఉంటాయి. కానీ దర్శకుడు మారడం అనేది సినిమా మీద ఎంత ప్రభావం పడుతుందో అని అందరూ ఆలోచిస్తున్నారు. ఏదేమైనా సరే సినిమా ఎలా ఉండబోతోంది అనేది తెలియాలి అంటే విడుదల అయ్యేంతవరకు ఆగాల్సిందే.

ALSO READ : అల్లరి నరేష్ “ఆ ఒక్కటి అడక్కు” సినిమాలో నటించిన ఈ అమ్మాయి తండ్రి ఒక పెద్ద స్టార్ కమెడియన్..! ఎవరంటే..?

సినిమా ఇండస్ట్రీలో సినీ నేపథ్యంలో ఇండస్ట్రీకి అడుగు పెట్టిన ఎంతో మంది హీరోలు ఉన్నారు. ఎంతో మంది హీరోయిన్లు కూడా అలాగే సినీ నేపథ్యంతో అడుగు పెట్టారు. అలా ఇటీవల మరొక నటి సినిమా ఇండస్ట్రీ నేపథ్యంతోనే ఇండస్ట్రీ లోకి వచ్చారు. ఈ అమ్మాయి తండ్రి చాలా పెద్ద స్టార్ కమెడియన్. భారతదేశంలో ఆయన తెలియని వారు ఉండరు. తెలుగు వాళ్ళ సత్తాని బాలీవుడ్ లో చాటిన అతి కొద్ది మందిలో మొదటిగా చెప్పుకునేది ఈయన గురించే. ఈ అమ్మాయి పేరు జెమీ లివర్. ఈ అమ్మాయి తండ్రి ఎవరో ఈపాటికి మీకు అర్థం అయిపోయి ఉంటుంది. ప్రముఖ కమెడియన్ జానీ లివర్ కూతురు ఈ అమ్మాయి.

జానీ లివర్ తెలుగువారు. కానీ బాలీవుడ్ లో ఎక్కువ అవకాశాలు రావడంతో అక్కడ సినిమాలు చేస్తూ వచ్చారు. జానీ లివర్ ఇంట్లో తెలుగు మాట్లాడతారు. అలా వాళ్ల పిల్లలకు కూడా తెలుగు వచ్చింది. జానీ లివర్ కూతురు జెమీ లివర్ ఇప్పుడు అల్లరి నరేష్ హీరోగా నటిస్తున్న ఆ ఒక్కటి అడక్కు సినిమాతో తెలుగు ఇండస్ట్రీ లోకి అడుగు పెట్టారు. ట్రైలర్ లో హీరో నరేష్, హీరోయిన్ ఫారియా అబ్దుల్లా తో పాటు, జెమీ లివర్ కూడా కనిపిస్తున్నారు. ప్రమోషన్ ఈవెంట్స్ లో తెలుగు చాలా బాగా మాట్లాడుతున్నారు. అప్పుడే తన ఇంట్లో తెలుగు మాట్లాడుకుంటారు అని చెప్పారు.

హిందీలో కొన్ని సినిమాల్లో, వెబ్ సిరీస్ లో నటించారు. అప్పుడే ఆ ఒక్కటి అడక్కు సినిమా బృందం చూసి జెమీ లివర్ ని తెలుగులోకి రావడానికి ఆఫర్ ఇచ్చారు. అప్పటి కూడా జానీ లివర్ తన తండ్రి అని సినిమా బృందానికి తెలియదట. తర్వాత తెలియటంతో అందరూ ఆశ్చర్యపోయారు అని చెప్పారు. తనకి తెలుగు కూడా రావడంతో సినిమా బృందానికి తెలిసి వాళ్లందరూ కూడా ఆశ్చర్యపోయారు అని జెమీ లివర్ ఒక ఇంటర్వ్యూలో తెలిపారు. అలా ఈ సినిమాతో జెమీ లివర్ తెలుగు ఇండస్ట్రీకి పరిచయం అవుతున్నారు.

ALSO READ : తెలుగు సినిమా… తమిళ సినిమా..? రెండిట్లో ఏది ముందు పుట్టిందో తెలుసా..?

సినిమా. ఇది లేకుండా ప్రపంచాన్ని ఊహించడం చాలా కష్టం. సినిమా అనేది కేవలం ఒక ఎంటర్టైన్మెంట్ మాత్రమే కాదు. ఎమోషన్ అయిపోయింది. అందుకే మనల్ని ఎంటర్టైన్ చేయడానికి సినిమా వాళ్లు చాలా కష్టపడుతూ ఉంటారు. వాళ్ల కష్టాన్ని కూడా గుర్తించిన ప్రేక్షకులు, వారిని తమ వాళ్ళుగా అనుకుంటూ ఉంటారు. సినిమా ఇండస్ట్రీ ఎన్నో భాషల్లో ఉంది. ఎవరి ఇండస్ట్రీ వాళ్లకి గొప్ప ఇండస్ట్రీ అనుకుంటారు. ఈ మధ్య ప్రతి సినిమాని ఇతర భాష వాళ్ళు కూడా చూడటం మొదలుపెట్టారు. దాంతో వేరే ఇండస్ట్రీలో సినిమాలు ఎలా ఉంటాయి అనేది కూడా ప్రేక్షకులకి తెలుస్తోంది.

తెలుగు సినిమా ఇండస్ట్రీ తెలుగు వాళ్ళకి గర్వకారణం. మా తెలుగు సినిమా అని మన తెలుగు వాళ్ళు గొప్పగా చెప్పుకుంటారు. తమిళ్ సినిమా ఇండస్ట్రీ తమిళ వాళ్ళకి గర్వకారణం. మా తమిళ సినిమా గొప్ప అని వాళ్ళు కూడా అంత గొప్పగా చెప్పుకుంటారు. రెండు ఇండస్ట్రీలకి మధ్య ఆరోగ్యకరమైన పోటీ ఉంటుంది. రెండు ఇండస్ట్రీలలో పని చేసే వాళ్ళు స్నేహంగానే ఉంటారు. కానీ ఈ రెండు ఇండస్ట్రీల సినిమాలు వస్తే మాత్రం మా సినిమా గొప్ప అంటే, మా సినిమా గొప్ప అంటూ సోషల్ మీడియాలో కామెంట్స్ వస్తూ ఉంటాయి. అందులోనూ ముఖ్యంగా మన సినిమాలను వాళ్ళు రీమేక్ చేసినా, వాళ్ల సినిమాలని మనం రీమేక్ చేసినా కూడా రెండిటినీ పోలుస్తూ కామెంట్స్ వస్తాయి.

అయితే, అసలు రెండు భాషల ఇండస్ట్రీలలో ఏ ఇండస్ట్రీ ముందు పుట్టిందో తెలుసా. ఈ విషయం మీద సోషల్ మీడియాలో చాలానే చర్చలు జరిగాయి. అన్ని చర్చల తర్వాత తెలిసిన విషయం ఏంటంటే మొదటి తమిళ సినిమా అయిన కీచక వధం 1916 లో విడుదల అయ్యింది. ఈ సినిమా ఒక మూకీ సినిమా. ఈ సినిమాకి ఆర్ నటరాజ ముదిలియార్ దర్శకత్వం వహించారు. ఆ తర్వాత అక్టోబర్ 31వ తేదీ, 1931 లో కాళిదాసు అనే సినిమా విడుదల అయ్యింది.

ఇది మొదటి తమిళ టాకీ సినిమా. ఈ సినిమాని పలు భాషల్లో రూపొందించారు. ఇంక తెలుగు సినిమా విషయానికి వస్తే, 1921 లో భీష్మ ప్రతిజ్ఞ అనే ఒక మూకీ సినిమా విడుదల అయ్యింది. ఈ సినిమాని రఘుపతి వెంకయ్య నాయుడు నిర్మించారు. ఆ తర్వాత 1933 లో ఈస్ట్ ఇండియా ఫిలిం కంపెనీ వాళ్లు నిర్మించిన సావిత్రి సినిమా విడుదల అయ్యింది. ఇలా చూస్తే తమిళ్ ఇండస్ట్రీ ముందు పుట్టింది. 1909 నుండి రఘుపతి వెంకయ్య నాయుడు తెలుగు సినిమాని నిర్మించడానికి కృషి చేశారు. కానీ 1921 లో మొదటి సినిమా విడుదల అయ్యింది. ఈ కారణంగానే తమిళ సినిమా ముందు పుట్టింది.

పవర్ స్టార్ పవన్ కళ్యాణ్ హీరోగా నటించిన హరి హర వీరమల్లు సినిమా టీజర్ వచ్చింది. దాదాపు నాలుగు సంవత్సరాల నుండి ఈ సినిమా షూటింగ్ జరుగుతోంది. మధ్యలో కొంత కాలం బ్రేక్ పడింది. మళ్లీ ఈ సినిమా షూటింగ్ ఇటీవల మొదలుపెట్టారు. నిధి అగర్వాల్ ఈ సినిమాలో హీరోయిన్ గా నటిస్తున్నారు. అయితే ఇప్పుడు ఈ సినిమా రెండు భాగాల్లో విడుదల అవుతుంది అని టీజర్ చూస్తే తెలుస్తోంది. మొదటి భాగానికి స్వార్డ్ వర్సెస్ స్పిరిట్ అని పేరు పెట్టారు. యానిమల్ సినిమాతో గుర్తింపు తెచ్చుకున్న బాబీ డియోల్ ఈ సినిమాలో విలన్ పాత్రలో నటిస్తున్నారు.

గతంలో ఈ పాత్రకి అర్జున్ రాంపాల్ ని అనుకున్నారు. షూటింగ్ కూడా అయ్యాక సినిమా మధ్యలో నుండి వెళ్లిపోయారు. ఇప్పుడు క్రిష్ జాగర్లమూడి కూడా ఈ సినిమా దర్శకత్వ బాధ్యతలు తీసుకోవట్లేదు. జ్యోతి కృష్ణ ఈ సినిమా డైరెక్ట్ చేస్తారు. క్రిష్ జాగర్లమూడి దర్శకత్వ పర్యవేక్షణలో జ్యోతి కృష్ణ ఈ సినిమాకి డైరెక్షన్ చేస్తారు. జ్యోతి కృష్ణ ఇటీవల రూల్స్ రంజన్ సినిమాకి దర్శకత్వం వహించారు. ఇది ఒక పిరియాడిక్ డ్రామా. క్రిష్ జాగర్లమూడి ఇలాంటి సినిమాలు చాలా బాగా తీస్తారు అని పేరు ఉంది. అలాంటిది ఇప్పుడు క్రిష్ దర్శకత్వ బాధ్యతలు తీసుకోకపోవడం అనేది ఆందోళనకి గురి చేసే విషయంగా మారింది. టీజర్ చూస్తూ ఉంటే కూడా ఎక్కడా ఒక్క హై మూమెంట్ కూడా లేదు. ఏదో అలా వెళ్ళిపోయింది.

ఒకరకంగా చెప్పాలి అంటే టీజర్ లో ఇవే మైనస్ పాయింట్స్ అని అంటున్నారు. పవన్ కళ్యాణ్ చేత ఒక్క డైలాగ్ చెప్పించినా కూడా బాగుండేది అంటూ కామెంట్స్ చేస్తున్నారు. ఇదంతా పక్కన పెడితే, ఇప్పుడు ప్రతి సినిమా రెండు భాగాలుగా విడుదల అవ్వడం అనేది ఒక ట్రెండ్ గా మారింది. బాహుబలి సినిమా నుండి చాలా సినిమాలు ఇలాగే వస్తున్నాయి. ఇప్పుడు పుష్ప సినిమా రెండవ భాగం వస్తోంది. గ్యాంగ్స్ ఆఫ్ గోదావరి సినిమాకి కూడా రెండవ భాగం వస్తుంది అని చెప్పారు. టిల్లు స్క్వేర్ ఇటీవల విడుదల అయ్యి సూపర్ హిట్ అయిన సంగతి తెలిసిందే. జూనియర్ ఎన్టీఆర్ హీరోగా నటిస్తున్న దేవర సినిమా కూడా రెండు భాగాలుగా రూపొందుతోంది.

అయితే ప్రతి సినిమాని ఇలా రెండు మూడు భాగాల్లో చిత్రీకరించడం అనేది కాస్త రిస్క్ తో కూడుకున్న విషయమే. ఎందుకంటే, సినిమా స్క్రీన్ ప్లే గ్రిప్పింగ్ గా లేకపోతే సినిమా తెర మీద ఆసక్తికరంగా కనిపించే అవకాశాలు తక్కువగా ఉంటాయి. ఇప్పుడు రెండు భాగాలుగా విడుదలవుతున్న చాలా సినిమాల్లో ఇలాగే జరుగుతోంది. ఒక సీన్ కి ఎక్కువ సమయం కేటాయించే బదులు స్క్రీన్ ప్లే తో ఫాస్ట్ గా నడిపించి సినిమాని ఒకటే భాగంలో ముగించే అవకాశాలు ఉంటాయి. మరి ఈ సినిమా రెండు భాగాలుగా విడుదల చేయడానికి కారణాలు ఏంటో తెలుసుకోవాలి అంటే సినిమా విడుదల అయ్యేంతవరకు ఆగాల్సిందే. కానీ టీజర్ లో చూపించిన ఈ విషయాల మీద మాత్రం కామెంట్స్ వస్తున్నాయి.

watch video :

ALSO READ : నందమూరి హీరో “కళ్యాణ్ చక్రవర్తి” గుర్తున్నారా..?? ఇప్పుడెలా ఉన్నారో తెలుసా..??

శివాజీ సినిమా మీ అందరికీ తెలిసే ఉంటుంది. డబ్బింగ్ సినిమా అయినా కూడా సూపర్ స్టార్ రజినీకాంత్ గారి సినిమా కాబట్టి తెలుగు సినిమాకి ఉన్నంత పాపులారిటీ, క్రేజ్ ఉంటుంది.

సినిమా విడుదలయ్యి దాదాపు 15 సంవత్సరాలు అయిపోయింది. ఇప్పుడు ఈ సినిమా గురించి టాపిక్ ఎందుకు వచ్చింది అనుకుంటున్నారా? విషయం ఏంటంటే.

ఈ సినిమాలో రజినీకాంత్ శ్రియ ని ఇష్టపడతారు. ఈ విషయం శ్రియ కి చెప్తారు. కానీ శ్రియ ఒప్పుకోరు. అప్పుడు రజనీకాంత్ తన కుటుంబం మొత్తం తో కలిసి శ్రియ వాళ్ల ఇంటికి వెళ్తారు. అప్పుడు శ్రియ వాళ్ళ ఇంటి దగ్గర నివసించే ఒక వ్యక్తి తనకి ఇద్దరు కూతుర్లు ఉన్నారని, వాళ్ళని పెళ్లి చేసుకోమని రజనీకాంత్ తో వచ్చి చెప్తారు.

ఈ సీన్ కొంతమందికి కామెడీగా అనిపించింది, ఇంకొంతమందికి ఇన్ సెన్సిటివ్ గా అనిపించింది. అలా ఈ సీన్ కి మిక్స్డ్ రివ్యూస్ వచ్చాయి. పైన కనిపిస్తున్న ఫోటోలో ఉన్న వాళ్ళని గుర్తుపట్టారా? ఈ పాటికే మీలో చాలా మందికి వాళ్ళెవరో అర్థమైపోయి ఉంటుంది. ఈ ఫోటోలో ఉన్నది శివాజీ సినిమా లోని ఇందాక చెప్పిన సీన్ లో నటించిన ఇద్దరు యాక్టర్స్. సినిమా కోసం వాళ్ల గెటప్ మార్చారట.

తెలుగు లో వీళ్ళ క్యారెక్టర్స్ పేర్లు అక్కమ్మ – జెక్కమ్మ. వీళ్లిద్దరు సినిమా ఫస్ట్ హాఫ్ లో కనిపిస్తారు. స్క్రీన్ టైం అంత ఎక్కువ సేపు ఉండదు. కనిపించింది 3,4 సీన్స్ లోనే అయినా కూడా చాలా పాపులర్ అయ్యారు. కానీ వీళ్ళ అసలు పేరు ఏంటో ఎవరికీ తెలియదు. కేవలం పిక్చర్స్ మాత్రమే సోషల్ మీడియాలో కనిపించాయి. ఈ ఒక్క సినిమానే కాకుండా, వేరే ఏదైనా సినిమాలో నటించారా? లేదా? అన్న విషయం కూడా ఎవరికీ ఐడియా లేదు. వీళ్ళ గురించి వికీపీడియాలో కూడా ఎటువంటి ఇన్ఫర్మేషన్ లేదు.

శివాజీ శంకర్, రజినీకాంత్ కాంబినేషన్ లో వచ్చిన మొదటి సినిమా. విడుదల అయిన సమయంలో ఎంతో మంది ఈ సినిమా గురించి మాట్లాడుకున్నారు. సూపర్ స్టార్ రజినీకాంత్ గారి పర్ఫార్మెన్స్ తో పాటు ఏఆర్ రెహమాన్ సంగీతం, వివేక్ కామెడీ టైమింగ్, ఫైట్స్, పంచ్ డైలాగ్స్, సెట్టింగ్స్ కూడా సినిమాకి ప్లస్ పాయింట్ అయ్యాయి. వీటన్నిటితో పాటు సుమన్ విలన్ గా చేయడం ఇంకొక హైలెట్.

మీకు ఇంకొక విషయం తెలుసా? ఈ సినిమాలో రజనీకాంత్ శ్రియ కోసం తెల్లగా మారుతారు. తెల్లగా ఉన్న శివాజీని శ్రియ చూడంగానే ఒక పాట వస్తుంది. ఆ పాటలో రజనీకాంత్ తెల్లగా కనిపిస్తారు. ఆ పాట మొత్తం సి జి (కంప్యూటర్ జనరేటెడ్) లో తీశారట. దీని కోసం దర్శకుడు శంకర్, సినిమాటోగ్రాఫర్ కె.వి. ఆనంద్, మేకప్ ఆర్టిస్ట్ భాను, తో పాటు 25 మంది సి జి ఆర్టిస్ట్లు పనిచేశారట.

శివాజీ సినిమా బృందం ద హిందూ కి ఇచ్చిన ఇంటర్వ్యూ ప్రకారం జాకీ అనే ఒక ఇంగ్లీష్ డాన్సర్ తో ముందు రజనీకాంత్ పోర్షన్ షూట్ చేశారట. తర్వాత మళ్లీ అదే పోర్షన్ రజినీకాంత్ గారి తో షూట్ చేశారట. జాకీ స్కిన్ రజినీకాంత్ గారి పై డిజిటల్ గా గ్రాఫ్ట్ చేశారట. జాకీ ఈ పాటలో ఒక మెయిన్ డాన్సర్ గా కూడా కనిపిస్తారట. ఈ పాటలో మొత్తం 630 షాట్స్ ఉన్నాయట. ఒకసారి 630 షాట్స్ జాకీ మీద, మళ్లీ అవే 630 షాట్స్ రజినీకాంత్ గారి మీద షూట్ చేశారట.

అది కూడా క్లారిటీ కోసం 4కె రిజల్యూషన్ లో షూట్ చేశారట. ముఖం, చేతులు, కాళ్లు మొత్తాన్ని 9000 స్కాన్డ్ ఫ్రేమ్స్ లో కాప్చర్ చేశారట. తర్వాత ఆ ఫ్రేమ్స్ వేరు చేసి రజినీకాంత్ ఫోటో కి తెల్ల చర్మాన్ని సాఫ్ట్ వేర్ ద్వారా మ్యాప్ చేశారట. ఈ ప్రొసీజర్ అంతా అవడానికి దాదాపు ఏడాది సమయం పట్టిందట. శివాజీ సినిమా 2007 లో జాతీయ ఉత్తమ స్పెషల్ ఎఫెక్ట్స్ అవార్డ్ అందుకుంది.

ఇందాక పైన చెప్పిన కె.వి. ఆనంద్ ఎవరో కాదు రంగం, వీడొక్కడే, బందోబస్త్, బ్రదర్స్ సినిమా దర్శకులు. శివాజీ సినిమాకి మాత్రమే కాకుండా బాయ్స్, ముదల్వన్ (తెలుగులో ఒకే ఒక్కడు), కాదల్ దేశం (తెలుగులో ప్రేమ దేశం) తో పాటు ఇంకా ఎన్నో సినిమాలకి సినిమాటోగ్రాఫర్ గా చేశారు కె.వి.ఆనంద్.

చాలా మంది ఆడవాళ్లకి తల్లి అవ్వడం అనేది ఒక అద్భుతమైన అనుభూతిని ఇస్తుంది. చాలామంది ఆడవాళ్ళు కూడా తమ జీవితంలో ఏదైనా గుర్తుండిపోయే క్షణాలు ఏవి అంటే వాటిలో తల్లి అవ్వడం అని ఖచ్చితంగా చెప్తారు. హీరోయిన్లు కూడా ఈ విషయంలో మినహాయింపు ఏమీ కాదు.

చాలా మంది హీరోయిన్లు కూడా పిల్లల్ని కన్నారు. కొంత మంది సహజంగా పిల్లల్ని కన్నారు. కానీ వీరిలో కొంత మంది హీరోయిన్లు మాత్రం సరోగసీ పద్ధతి ద్వారా పిల్లల్ని కన్నారు. అలా సరోగసీ ద్వారా పిల్లల్ని కన్న నటులు ఎవరో ఇప్పుడు చూద్దాం.

#1 లక్ష్మీ మంచు

లక్ష్మీ మంచు సరోగసీ పద్ధతి ద్వారా ఒక పాపకు జన్మనిచ్చారు.

#2 ప్రీతి జింటా

ప్రీతి జింటా కూడా సోషల్ మీడియా ద్వారా సరోగసీ ద్వారా వారికి పిల్లలు కలిగినట్టు ప్రకటించారు.

#3 అమీర్ ఖాన్

అమీర్ ఖాన్, కిరణ్ రావు దంపతులు కూడా సరోగసీ పద్ధతిని ఆశ్రయించారు.

#4 ప్రియాంక చోప్రా

ప్రియాంక చోప్రా కూడా సరోగసీ ద్వారా వారికి ఒక పాప పుట్టినట్టు చెప్పారు.

#5 షారుక్ ఖాన్

షారుక్ ఖాన్, గౌరీ దంపతులు కూడా వారి మూడవ సంతానం కోసం సరోగసీ పద్ధతిని ఆశ్రయించారు.

#6 శిల్పా శెట్టి

శిల్పా శెట్టి దంపతులు కూడా సరోగసీ ద్వారా వారికి ఒక పాప పుట్టినట్టు ప్రకటించారు.

#7 సన్నీ లియోన్

సన్నీలియోన్ దంపతులు కూడా సరోగసీ ద్వారా బిడ్డకు జన్మనిచ్చారు.

#8 ఏక్తాకపూర్

బాలీవుడ్ టాప్ ప్రొడ్యూసర్ ఏక్తా కపూర్ కూడా సరోగసీ పద్ధతిని ఆశ్రయించారు.

#9 కరణ్ జోహార్

బాలీవుడ్ డైరెక్టర్, ప్రొడ్యూసర్ కరణ్ జోహార్ కూడా సరోగసీ పద్ధతిని ఎంచుకున్నారు.

#10 నయనతార

నయనతార దంపతులు ఇవాళ కవల పిల్లలకి జన్మనిచ్చినట్టు ప్రకటించారు. వారు కూడా సరోగసీ ఈ పద్ధతి ద్వారా తల్లిదండ్రులు అయినట్టు సమాచారం.

#11 తుషార్ కపూర్

ప్రముఖ నటుడు తుషార్ కపూర్ అప్పుడు కూడా సరోగసి పద్ధతితో ఒక బాబుకి సింగిల్ పేరెంట్ గా ఉన్నారు.

వీరే కాకుండా ఇంకా చాలా మంది నటులు సరోగసీ పద్ధతి ద్వారా తల్లిదండ్రులు అయ్యారు.

సినీ నటుల జీవితాలు చాలా విలాసవంతంగా ఉంటాయి. ఎక్కడికెళ్ళినా కూడా పెద్ద పెద్ద కార్లలో తిరుగుతూ ఉంటారు. ఖరీదైన వస్తువులను వాడతారు. వాళ్ళు బయటికి వచ్చారంటే వాళ్ళకి సెక్యూరిటీ ఉండాల్సిందే. ఇవన్నీ మనకి తెలిసిన విషయాలు. కానీ తెలియని విషయాలు చాలా ఉంటాయి. వాళ్ళు ఇంత పెద్ద స్థాయికి రావడానికి ఎంత కష్టపడ్డారో ఎవరికి తెలియదు. వాళ్ళని చూసి ఏదో ఒక్క సినిమాతో స్టార్ అయిపోయారు అని అనుకుంటాం. కానీ అలా ఎదగడానికి చాలా కష్టపడతారు. ఎక్కడో చిన్న ఉద్యోగాల నుండి కెరీర్ మొదలుపెట్టి, ఇప్పుడు వాళ్ళు ఉన్న స్థాయికి చేరుకుంటారు. ఈ హీరో కూడా అలాగే చాలా కష్టపడి పైకి వచ్చారు.

మెకానిక్ గా తన జీవితాన్ని మొదలుపెట్టారు. ఇప్పుడు ఇండస్ట్రీలోనే టాప్ హీరో అయ్యారు. సికింద్రాబాద్ లో పుట్టిన ఈ హీరో, తమిళ సినిమా ఇండస్ట్రీని ఏలుతున్నారు. ఇవాళ తన 53వ పుట్టినరోజు జరుపుకుంటున్నారు. అజిత్ కుమార్ హైదరాబాద్ అతను అని చాలా మందికి తెలియదు. సినిమాల్లోకి వెళ్లిన కొత్తల్లో తమిళ్ రాక ఇబ్బంది పడ్డారు. ఒక తెలుగు సినిమాలో కూడా అజిత్ నటించారు. అజిత్ చిన్నప్పుడు మెకానిక్ గా పని చేశారు. పదవ తరగతి వరకు చదువుకున్నారు. అజిత్ కి ఇప్పుడు తెలుగు, తమిళ్, మలయాళం, కన్నడ, హిందీ భాషలతో పాటు ఇంగ్లీష్ కూడా చాలా బాగా వచ్చు. అజిత్ పుస్తకాల పురుగు.

ఎన్నో రకమైన పుస్తకాలని అజిత్ చదువుతారు. అంతే కాకుండా, అజిత్ ఒక రేసర్ అనే సంగతి అందరికీ తెలిసిందే. రేసింగ్ లో పాల్గొనాలి అనే ఉద్దేశంతోనే ముందు బైక్ మెకానిక్ అయ్యారు. ఆ తర్వాత ఒక ప్రమాదం జరిగింది. ఆ ప్రమాదం తర్వాత అజిత్ రేసింగ్ కి దూరంగా ఉన్నారు. అప్పుడు అజిత్ కి మోడలింగ్ లో అవకాశాలు వచ్చాయి. అలా 1992 లో ప్రేమ పుస్తకం అనే తెలుగు సినిమాలో నటించారు. ఆ తర్వాత తమిళ్ సినిమాలు చేసుకుంటూ వెళ్లారు. అజిత్ నటించిన తమిళ్ సినిమాలు అన్నీ కూడా తెలుగులోకి డబ్ అయ్యి విడుదల అవుతాయి. తెలుగులో కూడా ఎంతో మంది అభిమానులని అజిత్ సంపాదించుకున్నారు.

ALSO READ : “పోకిరి” నుండి “పుష్ప” వరకు… సమాజానికి “చెడు సందేశం” ఇచ్చిన 10 హిట్ సినిమాలు..!

సినిమా నేపథ్యంతో ఇండస్ట్రీలోకి అడుగు పెట్టి, ఇప్పుడు పవర్ స్టార్ గా ఎదిగారు పవన్ కళ్యాణ్. పవన్ కళ్యాణ్ ప్రస్తుతం రాజకీయ కార్యక్రమాల్లో బిజీగా ఉన్నారు. ఆంధ్రప్రదేశ్ ఎన్నికలు దగ్గర పడుతూ ఉండటంతో ప్రచార కార్యక్రమాల్లో పాల్గొంటున్నారు. అనారోగ్య సమస్యలు వచ్చినా కూడా లెక్కచేయకుండా ప్రచార కార్యక్రమాల్లో పవన్ కళ్యాణ్ పాల్గొంటున్నారు. పవన్ కళ్యాణ్ ని చూడడానికి ఎన్నో లక్షల మంది ప్రజలు వస్తున్నారు. మరొక పక్క పవన్ కళ్యాణ్ మూడు సినిమాలు చేస్తున్నారు. కానీ ఇప్పుడు సినిమా షూటింగ్స్ అన్నిటికీ బ్రేక్ పడింది. ఎన్నికలు పూర్తవగానే మళ్ళీ పవన్ కళ్యాణ్ షూటింగ్స్ లో పాల్గొంటారు.

పవన్ కళ్యాణ్ నటిస్తున్న సినిమాల్లో, ఒక సినిమా హరీష్ శంకర్ దర్శకత్వంలో రాబోతున్న ఉస్తాద్ భగత్ సింగ్ అయితే, మరొకటి క్రిష్ జాగర్లమూడి దర్శకత్వంలో రాబోతున్న హరిహర వీరమల్లు. ఇంకొకటి సుజిత్ దర్శకత్వంలో రాబోతున్న ఓజీ. ఈ సినిమా రెండు భాగాలుగా రూపొందుతోంది. ఈ సినిమా షూటింగ్స్ అన్నీ కూడా జరుగుతూ ఉన్నాయి. ప్రస్తుతం పవన్ కళ్యాణ్ లేకపోవడంతో ఈ సినిమా షూటింగ్స్ కి బ్రేక్ పడింది. తర్వాత మళ్లీ మొదలు అవుతాయి. పవన్ కళ్యాణ్ సెప్టెంబర్ 30వ తేదీ, 2013 లో అన్నా లెజ్నెవాని పెళ్లి చేసుకున్నారు. పవన్ కళ్యాణ్ హీరోగా నటించిన తీన్ మార్ సినిమాలో అన్నా లెజ్నెవా నటించారు. అప్పుడే వాళ్ళిద్దరూ ప్రేమలో పడినట్టు సమాచారం.

ఇప్పుడు వీళ్ళిద్దరికీ మార్క్ శంకర్ పవనోవిచ్ అనే కొడుకు, పోలేనా అంజనా పవనోవా అనే కూతురు ఉన్నారు. అన్నా లెజ్నెవా అప్పుడప్పుడు బయట కనిపిస్తూ ఉంటారు. ఇటీవల వరుణ్ తేజ్, లావణ్య పెళ్లి వేడుకల్లో కనిపించారు. అన్నా లెజ్నెవా 1980 లో పుట్టారు. ఇప్పుడు ఆమె వయసు 44 సంవత్సరాలు. పవన్ కళ్యాణ్ సెప్టెంబర్ 2వ తేదీ, 1968 లో పుట్టారు. పవన్ కళ్యాణ్ వయసు ఇప్పుడు 55 సంవత్సరాలు. వీళ్ళిద్దరికీ మధ్య 11 సంవత్సరాల వయసు తేడా ఉంది. అన్నా లెజ్నెవా ప్రస్తుతం వ్యాపారవేత్తగా తన కెరీర్ కొనసాగిస్తున్నారు. దుబాయ్ లాంటి దేశాల్లో హోటల్స్ ఉన్నాయి. వాటి బాధ్యతలు అన్నీ కూడా అన్నా లెజ్నెవా చూసుకుంటున్నారు.

ALSO READ : హీరోయిన్ నగ్మా గుర్తున్నారా..? ఇప్పుడు ఎలా మారిపోయారో చూసారా..?