Filmy Adda

మెగా కాంపౌండ్ నుంచి వచ్చినా అంచలంచెలుగా ఎదుగుతూ.. తన కంటూ ప్రత్యేక అభినంది గణాన్ని ఏర్పాటు చేసుకున్నాడు అల్లు అర్జున్. నిర్మాత అల్లు అరవింద్ కుమారుడిగా 2003 లో ‘గంగోత్రి’ సినిమాతో సినిమాల్లోకి ఎంట్రీ ఇచ్చాడు అల్లు అర్జున్. అప్పటి నుంచి చేస్తున్న ప్రతి చిత్రం లోను కొత్తదనం చూపిస్తూ ముందుకెళ్లిన ఆయన తాజాగా వచ్చిన పుష్ప సినిమాతో ‘ఐకాన్ స్టార్’ గా మారారు.

అయితే స్టైలిష్ స్టార్ నుంచి ఐకాన్ స్టార్ గా మారినా.. టాలీవుడ్ నుంచి పాన్ ఇండియా స్టార్ గా మారినా.. ఒక్క విషయం లో మాత్రం అల్లు అర్జున్ ఫాన్స్ అసంతృప్తిగా ఉన్నారు. తాజాగా నిఖిల్ హీరోగా వచ్చిన ’18 పేజెస్’ ప్రీ రిలీజ్ ఈవెంట్ కి అల్లు అర్జున్ గెస్ట్ గా హాజరయ్యారు. అయితే ఈ ఈవెంట్ లో సినిమా గురించి కాకుండా అల్లు అర్జున్ ని పొగడటమే మెయిన్ గా పెట్టుకున్నారు. పుష్ప తో బన్నీ క్రేజ్ పెరిగిన మాట వాస్తవమే కానీ.. సొంత ప్రొడక్షన్ లో డప్పు కొట్టించుకోవడం పై విపరీతమైన ట్రోల్స్ వచ్చాయి. ఇదే విషయం బన్నీ డై హార్డ్ ఫాన్స్ కి కూడా నచ్చలేదు. ‘ఓన్ ప్రొడక్షన్ ఈవెంట్స్ కి ఇంక రాకు అన్నా’ అంటూ సోషల్ మీడియా లో కామెంట్స్ చేస్తున్నారు.

అయితే అల్లు అర్జున్ పాల్గొన్న ఈవెంట్స్ పై ట్రోల్స్ రావడం ఇదే మొదటిసారి కాదు. అల్లు అర్జున్ కి సోషల్ మీడియా లో ఫాన్స్ ఎంతమంది ఉన్నారో ట్రోల్ చేసేవాళ్ళు కూడా ఎక్కువగానే ఉన్నారు. అప్పుడెప్పుడో ‘చెప్పను బ్రదర్’ అంటూ అల్లు అర్జున్ ఒక ఈవెంట్ లో అన్నప్పటి నుంచి ట్రోల్స్ స్టార్ట్ అయ్యాయి. ఆ తర్వాత ఏ ఈవెంట్ లో అయినా అల్లు అర్జున్ ఏదొక విధం గా ట్రోల్స్ కి ఫీడ్ ఇస్తున్నాడు.

అయినా ఈవెంట్ కి వచ్చిన ప్రతి సారి ట్రోల్స్ వస్తుంటే.. బన్నీ అయినా గమనించుకోవాలి కదా.. బయట ఎలా అనుకుంటున్నారు అని ఫాన్స్ ఫీల్ అవుతున్నారు. ‘అయినా అసలు సినిమా ఈవెంట్స్ కి నువ్వు రాకు అన్నా.. ప్రతి సారి నెగటివిటీ వస్తుంది..కొన్నాళ్ళు అయినా ఈవెంట్స్ మానేస్తే బెటర్’ అంటూ అల్లు అర్జున్ ఫాన్స్ సోషల్ మీడియా లో కామెంట్స్ చేస్తున్నారు.

ప్రస్తుతం యంగ్ రెబల్ స్టార్ ప్రభాస్ అంటే తెలియని ఇండియన్ ప్రేక్షకులు లేరు. ప్రభాస్ ఇండియాలోనే టాప్ మోస్ట్ హీరోలలో ఒకరు. ఈశ్వర్ సినిమాతో తెలుగు తెరకు పరిచయమైన ప్రభాస్ బాహుబలి చిత్రం తో పాన్ ఇండియా స్టార్ గా మారారు. ఈయనకు ఉన్న క్రేజ్ మరే హీరోకు లేదు. అయితే బాహుబలి తర్వాత వచ్చిన సాహో, రాధేశ్యామ్ చిత్రాలు ప్లాప్ అయ్యాయి. దీంతో ప్రభాస్ అభిమానులు అతడి తదుపరి చిత్రాల కోసం ఎదురుచూస్తున్నారు.

బాహుబలి తర్వాత ప్రభాస్ హీరోగా వస్తున్న అన్ని సినిమాలు పాన్ ఇండియా రేంజ్ లో వందల కోట్లతోనే తెరకెక్కుతున్నాయి. నిర్మాతలు కూడా ప్రభాస్ పై అంత బడ్జెట్ పెట్టడానికి ముందుకు వస్తున్నారు. మరే హీరోకు కూడా ఇంత బడ్జెట్ పెట్టడానికి రావడం లేదు కానీ. ప్రభాస్ కు మాత్రం పోటీ పడి మరి వందల కోట్లతో సినిమాలు చేయడానికి రెడీ అవుతున్నారు. సినిమాలు కొంచెం అటు ఇటు అయినా నాన్ థియేట్రికల్ బిజినెస్ తో గట్టెక్కొచ్చని నిర్మాతలు భావిస్తున్నట్లు తెలుస్తోంది.

ఇప్పుడు ప్రభాస్ అప్ కమింగ్ చిత్రాలేవో చూద్దాం..

#1 సలార్

కేజీఎఫ్ దర్శకుడు ప్రశాంత్ నీల్ తో ‘సలార్’ చిత్రం చేస్తున్నాడు ప్రభాస్. ఈ సినిమాను హోంబళ్లే ప్రొడక్షన్ బ్యానర్ పై విజయ్ కిరగందుర్ నిర్మిస్తుండగా.శృతి హాసన్ హీరోయిన్ గా నటిస్తుంది.ఈ సినిమా కోసం 200 నుండి 250 కోట్ల వరకు ఖర్చు చేస్తున్నారట. ఈ చిత్రం వచ్చే ఏడాది ప్రేక్షకుల ముందుకి రానుంది.

#2 ఆదిపురుష్

రామాయణం ఆధారం గా తెరకెక్కుతున్న ‘ఆదిపురుష్’ చిత్రం లో రాముడిగా కనిపించనున్నాడు ప్రభాస్. ఓం రౌత్ దర్శకత్వంలో తెరకెక్కుతున్న ఈ సినిమాలో ప్రభాస్ కు జోడీగా జానకి పాత్రలో కృతి సనన్ నటిస్తుంది.లంకేశ్వరుడు రావణాసురిడిగా సైఫ్ అలీ ఖాన్ నటిస్తున్నారు. ఈ సినిమా కోసం టి సిరీస్ సంస్థ 500 కోట్ల ఖర్చు చేసినట్టు టాక్. ఈ చిత్రం కూడా 2023 లో ప్రేక్షకుల ముందుకి వచ్చే అవకాశం ఉంది.

#3 ప్రాజెక్ట్ కే

నాగ్ అశ్విన్ దర్శకత్వం లో ప్రభాస్ చేస్తున్న చిత్రం ‘ప్రాజెక్ట్ కే’. దీపికా పదుకొనె హీరోయిన్. ఈ సినిమాను వైజయంతీ మూవీస్ బ్యానర్ లో అశ్వినీ దత్ నిర్మిస్తున్నారు.ఇది పాన్ వరల్డ్ గా తెరకెక్కుతుంది.దాదాపు ఈ సినిమా కోసం 550 కోట్లు ఖర్చు చేస్తున్నట్టు వార్తలు వస్తున్నాయి.

#4 రాజా డీలక్స్

డివివి బ్యానర్ పై దర్శకుడి మారుతీ తో ఒక చిత్రం చేయనున్నాడు ప్రభాస్. దీనికి ‘రాజా డీలక్స్’ అని పేరు పెట్టారు. ఇది ఒక హర్రర్ కామెడీ చిత్రం అని తెలుస్తోంది. ప్రస్తుతం ఈ మూవీ షూటింగ్ జరుగుతోంది.

#5 స్పిరిట్

అర్జున్ రెడ్డి చిత్రం దర్శకుడు సందీప్ రెడ్డి వంగ తో స్పిరిట్’ చిత్రాన్ని చేయబోతున్నాడు ప్రభాస్. ఈ చిత్రం లో సూపర్ స్టార్ నయనతార హీరోయిన్‌గా నటిస్తుందని వార్తలు వస్తున్నాయి. ఈ చిత్రాన్ని భూషన్ కుమార్ నిర్మిస్తున్నారు.

#6 ప్రభాస్ – సుకుమార్

దర్శకుడు సుకుమార్ తో ప్రభాస్ ఒక చిత్రం చేయనున్నట్లు తెలుస్తోంది. దీనిపై అధికారిక ప్రకటన రాలేదు. అయితే సుకుమార్ చెప్పిన స్టోరీ లైన్ ప్రభాస్ కి నచ్చిందని తెలుస్తోంది. అయితే ప్రభాస్ ప్రస్తుతం చేస్తున్న చిత్రాలు, సుకుమార్- అల్లు అర్జున్ చేస్తున్న పుష్ప 2 పూర్తి అయ్యాకే ఈ చిత్రం ఉండనున్నట్లు తెలుస్తోంది. ఈ క్రమంలోనే నిర్మాత అభిషేక్ అగర్వాల్ మాత్రం ఈ ఇద్దరికీ భారీ ఎత్తున అడ్వాన్స్ ఇచ్చినట్టు తెలుస్తోంది. దగ్గరదగ్గరగా ఈ చిత్రం 2024లో ప్రారంభమవుతుందేమో చూడాలి.

ఆర్ఆర్ఆర్ సినిమా తో ఎన్టీఆర్ క్రేజ్ మరెంత పెరిగిపోయింది. పాన్ ఇండియా స్టార్ అయిపోయారు. ఇప్పుడు యంగ్ టైగర్ జూనియర్ ఎన్టీఆర్ స్టార్ డైరెక్టర్ కొరటాల శివ కాంబో లో ఇంకో సినిమా చేస్తున్నారు. అయితే సినిమా టైటిల్ ఇంకా ఫిక్స్ చెయ్యలేదు. ‘ఎన్టీఆర్‌ 30’ పేరు తో ప్రస్తుతం షూట్ చేస్తున్నారు. ఇంతకు ముందు ఎన్టీఆర్, స్టార్ డైరెక్టర్ కొరటాల శివ కాంబో లో వచ్చిన జనతా గ్యారేజ్‌ బ్లాక్ బస్టర్ అయ్యింది.

ఎన్టీఆర్ ఆర్ట్స్, యువ‌సుధ ఆర్ట్స్ సంయుక్త భాగ‌స్వామ్యంలో ఎన్టీఆర్‌ 30 సినిమా ని తెర మీద కి తీసుకు వస్తున్నారు. అనిరుధ్ ర‌విచంద‌ర్ ఈ సినిమా కి మ్యూజిక్ ఇస్తున్నారు. అలానే ఎన్టీఆర్ 30కి ర‌త్న‌వేల్‌ సినిమాటోగ్రాఫ‌ర్‌గా పని చేస్తున్నారు. హీరోయిన్ కి సంబంధించి ఎన్నో వార్తలు వచ్చాయి. అయితే ఈ సినిమా లో జాన్వీ కపూర్ ని హీరోయిన్ గా ఫైనల్ చేసారు. మూవీ వచ్చే ఏడాది ఏప్రిల్ లో థియేటర్లలో రిలీజ్ కానుంది.

ఈ చిత్రం పాన్ ఇండియా రేంజ్ లో విడుదల కానుండటం తో కొరటాల శివకు జూనియర్ ఎన్టీఆర్ ఎన్నో షరతులు విధించారని తెలుస్తోంది. డైలాగ్స్ తో సహా బౌండ్ స్క్రిప్ట్ సిద్ధం చేయాలని సూచించారని సమాచారం. కొరటాల శివ సైతం ఈ సినిమా విషయంలో ఎలాంటి పొరపాట్లకు అవకాశం ఇవ్వకుండా కథ, కథనాలను అద్భుతంగా సిద్ధం చేశారని ఇన్సైడ్ టాక్. కొరటాల శివ మైథలాజికల్ టచ్ తో ఈ సినిమాను తెరకెక్కిస్తున్నారు. హైదరాబాద్ తో పాటు ప్రముఖ పుణ్యక్షేత్రాలలో ఈ సినిమా షూటింగ్ జరగనుందని సమాచారం అందుతోంది.

ఆచార్య ప్లాప్ నేపథ్యం లో ఈ సినిమా స్క్రిప్ట్ పకడ్బందీగా ఉండేలా ప్లాన్ చేస్తున్నారట కొరటాల శివ. అంతే కాకుండా కాస్టింగ్ సెలక్షన్ విషయంలో ఎక్కువ టైం తీసుకోవాల్సి వస్తుందట. కన్నడ నుండి నటి రుషికా రాజ్ తో పటు ఒక యంగ్ హీరోని, అలాగే మలయాళం నుండీ అపర్ణ బాలమురళిని తీసుకోవాలని భావిస్తున్నట్లు వార్తలు వస్తున్నాయి. అలాగే ఎన్టీఆర్ బర్త్ డే కానుకగా వచ్చిన ఒక మాస్ మోషన్ పోస్టర్ గ్లింప్స్ అందర్నీ ఆకట్టుకుంది. ఎన్టీఆర్ అభిమానుల్లో ఈ సినిమాపై ఓ రేంజ్ లో హైప్ ని ఇచ్చింది. దీంతో ఈ సినిమా ఎప్పుడెప్పుడు విడుదల అవుతుందా అని నందమూరి ఫ్యాన్స్ ఆసక్తిగా ఎదురు చూస్తున్నారు.

మెగాస్టార్ చిరంజీవి సెకండ్ ఇన్నింగ్స్ తర్వాత ఎప్పుడు లేనంత స్పీడ్ గా వరుస సినిమాలు ప్రకటిస్తూ మెగా ఫ్యాన్స్ ను సర్ప్రైజ్ చేస్తున్నాడు. ఖైదీ నెంబర్ 150 , సైరా నరసింహ రెడ్డి, ఆచార్య, గాడ్ ఫాదర్ చిత్రాలతో ప్రేక్షకుల ముందుకి వచ్చారు చిరు. అయితే చిరు చివరి రెండు చిత్రాలు ఆశించిన ఫలితాలు ఇవ్వకపోవడంతో అభిమానులు ‘వాల్తేరు వీరయ్య’ చిత్రం పై ఆశలు పెట్టుకున్నారు. వారి అంచనాలకు తగ్గినట్టుగానే ఈ చిత్రం సంక్రాంతికి విడుదలై మంచి విజయాన్ని నమోదు చేసుకుంది. మాస్ ఎంటర్టైనర్ గా తెరకెక్కిన ఈ చిత్రానికి బాబీ కొల్లి దర్శకత్వం వహించారు.

అయితే వాల్తేరు వీరయ్య తర్వాత చిరు మెహెర్ రమేష్ తో చేస్తున్న ‘బోళాశంకర్’ షూటింగ్ లో పాల్గొననున్నారు. తమిళం లో అజిత్ హీరోగా నటించిన వేదాళం చిత్రానికి భోళా శంకర్ రీమేక్. ఈ చిత్రం లో చిరుకి జోడీగా తమన్నా నటిస్తుండగా.. చిరు చెల్లెలి పాత్రలో మహానటి కీర్తి సురేష్ నటించనుంది. ఈ చిత్రాన్ని ఏప్రిల్ 14న విడుదల చేస్తున్నట్టు ప్రకటించారు మేకర్స్. అయితే చిరు తదుపరి చిత్రం పై ఆసక్తికర అప్డేట్ ఒకటి చక్కర్లు కొడుతోంది.

అయితే నిన్నమొన్నటి వరకు చిత్ర పరిశ్రమలో డిఫరెంట్ మాస్ చిత్రాలతో తనకంటూ ప్రత్యేక గుర్తింపు తెచ్చుకున్న దర్శకుడికి చిరంజీవి ఛాన్స్ ఇచ్చినట్టు తెలుస్తోంది. ఆయనే వి వి వినాయక్. వినాయక్ ఇప్పటికే చిరంజీవితో రెండు హిట్ చిత్రాలను తెరకెక్కించారు. వినాయక్‌తో మరో సినిమా చేయడానికి చిరు గ్రీన్ సిగ్నల్ ఇచ్చినట్టు సమాచారం. వినాయక్ కి ప్రస్తుతం టాలీవుడ్ ప్రాజెక్ట్స్ ఏమి చేతిలో లేవు. దీంతో ప్రస్తుతం రేసులో వెనుక బడ్డాడు.

అయితే రీసెంట్‌గా రామ్ చరణ్ మమ్ముట్టి నటించిన ‘భీష్మ పర్వం’ సినిమా రీమేక్ రైట్స్ సొంతం చేసుకున్నారు. ఈ చిత్రాన్ని వినాయక్ చేతిలో పెట్టడానికి ఓకే చెప్పినట్టు సమాచారం. గతంలో వినాయక్ చిరుతో తెరకెక్కించిన రెండు చిత్రాలు రీమేక్స్ కావడంతో ఈ చిత్రాన్ని కూడా వినాయక్ చేస్తే బావుందని భావించారట. అయితే వినాయక్ మాత్రం ఈ సారి డైరెక్ట్ స్టోరీ తోనే చిరు ని చూపించాలని భావిస్తున్నారట. మరి ఏ కథతో వినాయక్, చిరు ప్రేక్షకుల ముందుకి వస్తారో చూడాలి.

సూపర్ స్టార్ మహేష్ బాబు ప్రస్తుతం తెలుగు ఇండస్ట్రీ ని రూల్ చేస్తున్న హీరోలలో ఆయన నెంబర్ 1 లో ఉంటారు. పోకిరి లాంటి ఇండస్ట్రీ హిట్ తరువాత మహేష్ బాబు వెనక్కి తిరిగి చూసుకోలేదు…ఆ తరువాత సినిమాలు దూకుడు, శ్రీమంతుడు, భరత్ అనే నేను సినిమాలు కూడా బ్లాక్ బస్టర్ హిట్లుగా నిలిచాయి. సినిమాల నుంచి భారీగా డబ్బు సంపాదిస్తున్న మహేష్ బాబు మరోవైపు అడ్వర్టైజింగ్, బిజినెస్ వెంచర్స్ తో ఫైనాన్షియల్ గా చాలా ఎదిగిపోయారు. మహేష్ కు సంబంధించిన ఫైనాంటిల్ వ్యవహారాలన్నింటిని ఆయన భార్య నమ్రత చూసుకుంటారు.

గతేడాది సర్కారు వారి పాట చిత్రం తో ప్రేక్షకుల ముందుకి వచ్చిన మహేష్.. ప్రస్తుతం త్రివిక్రమ్ తో ఒక చిత్రం చేయనున్నాడు. ఇప్పటికే వీళ్లిద్దరి కాంబినేషన్ లో రెండు చిత్రాలు వచ్చాయి. దీంతో రానున్న చిత్రం పై భారీ అంచనాలు ఉన్నాయి. ఈ చిత్రం లో పూజ హెగ్డే కథానాయిక. ఈ ఏడాది ఇండిపెండెన్స్ డే కానుకగా ఈ సినిమా ఆగష్టు నెల 11వ తేదీన థియేటర్లలో రిలీజ్ కానుంది. అయితే ఈ సినిమా కోసం మహేష్ తన లుక్ ని పూర్తిగా చేంజ్ చేసారు. ఇప్పటికే ఆయన ఆ లుక్ తో బయట పలు మార్లు కనిపించారు.

అయితే మహేష్ బాబు వరుస హిట్స్ తో జోరు మీద ఉన్నారు. అయితే తన గత చిత్రం సర్కారు వారి పాటకు మహేష్ 50 కోట్ల వరకు రెమ్యూనరేషన్ తీసుకోగా..త్రివిక్రమ్ తో చేయబోయే చిత్రానికి మరింత పెంచినట్లు తెలుస్తోంది. ఈ సినిమా కోసం మహేష్ 70 కోట్ల రూపాయల రేంజ్ లో రెమ్యూనరేషన్ తీసుకున్నారని సమాచారం. అలాగే ప్రముఖ ఓటీటీ సంస్థ నెట్ ఫ్లిక్స్ ఈ సినిమా డిజిటల్ హక్కులను కొనుగోలు చేసింది. ఈ మేరకు నెట్ ఫ్లిక్స్ అధికారిక ప్రకటన విడుదల చేసింది.

యాక్షన్ ఎంటర్‌టైనర్‌గా తెరకెక్కనున్న ఈ మూవీ షూటింగ్‌కు సంబంధించి మొదటి రెండు వారాలు యాక్షన్‌ సీన్లు చిత్రీకరించేందుకు మేకర్స్‌ ప్లాన్‌ చేస్తున్నారు. ఈ భారీ బడ్జెట్ చిత్రాన్ని హారిక అండ్ హాసిని క్రియేషన్స్ పతాకంపై ఎస్ రాధాకృష్ణ (చినబాబు) నిర్మిస్తుండగా థమన్ సంగీతం అందిస్తున్నారు. రామ్-లక్ష్మణ్ మాస్టర్స్ యాక్షన్ కొరియోగ్రఫీ అందించనుండగా. ఈ చిత్రానికి ఎడిటర్‌గా నవీన్ నూలి పనిచేయనున్నారు.ఈ చిత్రం తర్వాత మహేష్.. ఎస్ఎస్ రాజమౌళితో పనిచేయనున్న సంగతి తెలిసిందే.

అప్పట్లో ఎన్టీఆర్, అక్కినేని నాగేశ్వర రావు, కృష్ణ, శోభన్ బాబు, కృష్ణం రాజు వంటి నటులు తరచూ మల్టీ స్టారర్ చిత్రాల్లో నటించే వారు. తర్వాతి కాలం లో మల్టీ స్టారర్ చిత్రాలు తగ్గిపోయాయి. మళ్ళీ ఈ మధ్య కాలం లో పుంజుకుంటున్నాయి.

వెంకటేష్, నాగార్జున వంటి సీనియర్ హీరోలు యంగ్ హీరోలతో కలిసి మల్టీ స్టారర్లు చేయడానికి ఆసక్తి చూపిస్తున్నారు. అలా వచ్చిన మల్టీ స్టారర్ సినిమాలేవో ఇప్పుడు చూద్దాం..

#1 సీతమ్మ వాకిట్లో సిరిమల్లె చెట్టు..

శ్రీకాంత్ అడ్డాల దర్శకత్వం లో వెంకటేష్, మహేష్ బాబు కాంబినేషన్ లో వచ్చిన ఈ చిత్రం మల్టీ స్టారర్ ట్రెండ్ ని రీ స్టార్ట్ చేసింది. 2013 సంక్రాంతికి వచ్చిన ఈ చిత్రం సూపర్ హిట్ గా నిలిచింది.

#2 మసాలా
విక్టరీ వెంకటేష్, ఎనర్జిటిక్ హీరో రామ్ కాంబినేషన్ లో వచ్చిన ఈ చిత్రాన్ని విజయ్ భాస్కర్ తెరకెక్కించారు.

#3 మనం
అక్కినేని కుటుంబం అంతా కలిసి నటించిన ఈ చిత్రం సూపర్ హిట్ అయ్యింది. దీనికి విక్రమ్ కుమార్ దర్శకుడు.

#4 ఊపిరి
వంశి పైడిపల్లి తెరకెక్కించిన ఈ చిత్రం లో నాగార్జున, కార్తీ కలిసి నటించారు. ఈ చిత్రం తెలుగు, తమిళ భాషల్లో సూపర్ హిట్ అయ్యింది.

#5 గోపాల గోపాల
పవర్ స్టార్ పవన్ కళ్యాణ్, విక్టరీ వెంకటేష్ కలిసి నటించిన ఈ చిత్రం 2015 సంక్రాంతి కి విడుదలై మంచి విజయాన్ని నమోదు చేసుకుంది.

#6 దేవదాస్
కింగ్ నాగార్జున, నాచురల్ స్టార్ నాని కలిసి నటించిన ఈ చిత్రం 2018 లో విడుదల అయ్యింది. శ్రీరామ్ ఆదిత్య దర్శకత్వం వహించిన ఈ చిత్రం బాక్స్ ఆఫీస్ వద్ద ప్లాప్ గా నిలిచింది.

#7 ఎఫ్ 2
అనిల్ రావిపూడి తెరకెక్కించిన ఈ చిత్రం లో విక్టరీ వెంకటేష్, వరుణ్ తేజ్ కలిసి నటించారు. ఈ చిత్రం సూపర్ హిట్ అయ్యింది.

#8 బాహుబలి

దర్శక ధీరుడు రాజ మౌళి తెరకెక్కించిన ఈ చిత్రం లో ప్రభాస్, రానా దగ్గుబాటి కలిసి నటించారు. ఈ చిత్రం ప్రపంచ వ్యాప్తం గా ఎంత సెన్సేషన్ క్రియేట్ చేసిందో తెలిసిందే.

#9 బంగార్రాజు

నాగార్జున, నాగ చైతన్య కలిసి నటించిన ఈ చిత్రం బాక్స్ ఆఫీస్ వద్ద హిట్ గా నిలిచింది.

#10 భీమ్లా నాయక్
సాగర్ కె చంద్ర తెరకెక్కించిన ఈ చిత్రం లో పవర్ స్టార్ పవన్ కళ్యాణ్, రానా దగ్గుబాటి కలిసి నటించారు. ఈ చిత్రం సూపర్ హిట్ అయ్యింది.

#11 ఆర్ ఆర్ ఆర్
రాజమౌళి తెరకెక్కించిన మరో అద్భుత చిత్రం ఆర్ ఆర్ ఆర్. ఈ సినిమా లో మెగా పవర్ స్టార్ రామ్ చరణ్, ఎన్టీఆర్ కలిసి నటించారు. ఈ చిత్రం బాక్స్ ఆఫీస్ వద్ద రికార్డులను కొల్లగొట్టింది.

#12 వెంకీ మామ
నిజ జీవిత మామా అల్లుళ్ళు అయిన వెంకటేష్, నాగ చైతన్య ఈ చిత్రం లో అదే పాత్రల్లో నటించారు. ఇది బాక్స్ ఆఫీస్ వద్ద యావరేజ్ గా నిలిచింది.

#13 ఆచార్య
కొరటాల శివ తెరకెక్కించిన ఈ చిత్రం లో రామ్ చరణ్, చిరంజీవి తొలిసారిగా పూర్తి స్థాయిలో కలిసి నటించిన చిత్రం ఇది. కానీ ఇది ప్లాప్ అయ్యింది.

మెగాస్టార్ చిరంజీవి హీరోగా నటించిన వాల్తేరు వీరయ్య సినిమా ఇటీవల విడుదల అయ్యింది. చిరంజీవి నటించిన గత రెండు సినిమాలు ఆచార్య, అలాగే గాడ్ ఫాదర్ కూడా ఆశించిన ఫలితాన్ని పొందలేదు. దాంతో ప్రేక్షకుల ఆశలు అన్నీ కూడా ఈ సినిమా మీదే ఉన్నాయి.

చిరంజీవి మాత్రమే కాకుండా ఈ సినిమాలో రవితేజ కూడా ఒక ముఖ్య పాత్రలో నటించారు. చాలా సంవత్సరాల తర్వాత చిరంజీవి, రవితేజ ఈ సినిమాలో కలిసి కనిపించారు. సంక్రాంతి సందర్భంగా విడుదల అయిన ఈ సినిమాకి టాక్ మిక్స్డ్ గా వస్తోంది. ఒక్కొక్కరు సినిమా గురించి ఒక్కొక్క రకంగా కామెంట్స్ చేస్తున్నారు.

కొంత మంది, “సినిమా చాలా బాగుంది. పాత చిరంజీవిని చూసినట్టు ఉంది” అని అంటూ ఉంటే, మరి కొంత మంది మాత్రం, “సినిమా చాలా రొటీన్ గా ఉంది” అని అంటున్నారు. వాల్తేరు వీరయ్య సినిమా మాత్రమే కాకుండా బాలకృష్ణ నటించిన వీర సింహా రెడ్డి సినిమా కూడా సంక్రాంతి సందర్భంగా విడుదల అయ్యింది. కానీ వాల్తేరు వీరయ్య సినిమాలో కొన్ని విషయాలు మైనస్ అయ్యాయి అని అంటున్నారు. అవేంటో ఇప్పుడు చూద్దాం.

#1 కొన్ని పాత్రలు తీర్చిదిద్దిన విధానంపై కామెంట్స్ వస్తున్నాయి. అందులోనూ ముఖ్యంగా ప్రకాష్ రాజ్ పాత్ర అయితే చాలా రొటీన్ గా అనిపిస్తుంది. స్క్రీన్ ప్లే బాగున్నా కూడా ఆ కథ విషయంలో అస్సలు కొత్తదనం లేదు అని కామెంట్స్ వచ్చాయి. అసలు నెక్స్ట్ ఏమవుతుంది అనే విషయాన్ని మొదటిసారి సినిమా చూస్తున్న ప్రేక్షకులు కూడా ఆలోచించకుండా కనిపెట్టేయొచ్చు. ఎక్కడా కూడా సినిమా కొత్తగా అనిపించదు.

#2 కొన్ని సీన్స్ అసలు లాజిక్ తో సంబంధం లేకుండా ఉన్నాయి. అందుకు ఉదాహరణ మొదటిగా వచ్చే సీన్. అందులో అయితే కొంత మంది నేవీ అధికారులు వారికి సమస్య ఎదురయ్యింది అని వారిని కాపాడడానికి అక్కడ పోర్ట్ లో పనిచేసే ఒక సాధారణ వ్యక్తి వస్తాడు అని చూపించారు. అసలు నేవీ అంటేనే చాలా టైట్ సెక్యూరిటీ ఉంటుంది. అంత పెద్ద అధికారులని ఒక మామూలు వ్యక్తి వచ్చి కాపాడడం ఏంటి అని అన్నారు.

#3 సినిమాకి పాటలు హైలైట్ అయ్యాయి. అందులోనూ ముఖ్యంగా ఆ పాటల్లో చిరంజీవి వేసిన స్టెప్స్ అయితే నిజంగానే పూనకాలు తెప్పించే లాగానే ఉన్నాయి అని కామెంట్స్ వచ్చాయి. కానీ అసలు ఒకటి రెండు పాటలు అయితే అనవసరంగా వచ్చాయి ఏమో అనిపిస్తుంది. సినిమా చివరికి వచ్చేటప్పటికి చాలా ఎమోషనల్ గా సాగుతూ ఉంటుంది. ఆ సమయంలో ఒక పాట వస్తుంది. అసలు అలాంటి సమయంలో పాట అవసరమా అని కామెంట్స్ వచ్చాయి.

#4 సినిమాలో హీరో పాత్ర విడిగా, శృతి హాసన్ పాత్ర పాత్ర విడిగా బాగానే డిజైన్ చేశారు. కానీ ఇద్దరి మధ్య వచ్చేసి సీన్స్ మాత్రం కాస్త డిఫరెంట్ గా అనిపించాయి. అసలు వారిద్దరి కాంబినేషన్ చూస్తూ ఉంటే హీరో హీరోయిన్లలాగా అనిపించలేదు అనే కామెంట్స్ కూడా బాగా వినిపించాయి. దాంతో ఇద్దరి పాత్రలు బాగానే ఉన్నా కూడా, కాస్త వారి మధ్య వచ్చే కాంబినేషన్ సీన్స్ విషయంలో ఇంకా కొంచెం జాగ్రత్త తీసుకొని ఉంటే బాగుండేది అని అన్నారు.

ప్రస్తుతం సినిమా అయితే థియేటర్లలో నడుస్తోంది. ఎన్ని మైనస్ పాయింట్లు ఉన్నా కూడా అక్కడ ఉన్నది మెగాస్టార్ చిరంజీవి కాబట్టి, అది కూడా చాలా రోజుల తర్వాత చిరంజీవి ఇంత యాక్టివ్ గా ఒక మంచి కమర్షియల్ ఎంటర్టైనర్ గా రూపొందిన సినిమా చేశారు కాబట్టి సినిమా హిట్ అవుతుంది అని అంటున్నారు.

ప్రస్తుతం సోషల్ మీడియా లో ఒక సీనియర్ స్టార్ హీరోయిన్ పిక్స్ వైరల్ అవుతున్నాయి. ఆ ఫోటోలని చూసి ఆమె అభిమానులు షాక్ అవుతున్నారు. ఈ వయసులో కూడా చెరగని అందం తో అభిమానులను ఆకట్టుకుంటున్నారు ఆమె. అప్పుడెప్పుడో సినిమాల్లోకి వచ్చిన ఈ భామ.. ఇప్పటికీ అదే స్పీడుతో ప్రాజెక్టులను చేస్తూ దూసుకుపోతోన్నారు.

ఆమే రమ్య కృష్ణ. నీలాంబరిగా మారినా.. శివగామిగా రాజ్యాన్ని పాలించినా.. దేవతగా అవతారం ఎత్తినా.. గ్లామర్ లుక్‌లో కనిపించినా ఒక్క రమ్యకృష్ణకే చెల్లింది. 1992 నుంచి 2000 వరకు పలు భాషల్లో తన అసమాన ప్రతిభతో ఓ వెలుగు వెలిగారు రమ్యకృష్ణ.

అలాగే సోషల్ మీడియాలోనూ రమ్యకృష్ణ తన హవా కొనసాగిస్తున్నారు. ఇందులో భాగంగానే తాజాగా ఆమె కొన్ని హాట్ ఫొటోలను ఇన్‌స్టాగ్రామ్ ఖాతాలో షేర్ చేశారు. దీంతో ఈ పిక్స్‌కు నెటిజన్ల నుంచి భారీ స్థాయిలో స్పందన దక్కుతోంది. దీంతో ఇవన్నీ తక్కువ టైంలోనే వైరల్‌గా మారాయి.

దాదాపు 300లకు పైగా సినిమాల్లో నటించి హవాను చూపించారు. ఈ క్రమంలోనే ఎన్నో భాషల్లో వరుసగా సినిమాలు చేశారు. తద్వారా నేషనల్ రేంజ్‌లో క్రేజ్ పొందారు. ఇప్పటికీ అదే ప్రభావం చూపుతున్నారు.

బాహుబలి చిత్రం తర్వాత.. ఈ మధ్య కాలంలో రమ్యకృష్ణ భారీ చిత్రాల్లో భాగం అవుతున్నారు. ఇందులో భాగంగానే ఇటీవలే ‘లైగర్’ అనే సినిమాతో ప్రేక్షకుల ముందుకు వచ్చారు. కానీ, ఈ చిత్రం డిజాస్టర్ అయింది. అలాగే, ఇప్పుడు మాత్రం ఆమె ‘రంగమార్తాండ’ అనే సినిమాలో నటిస్తున్నారు.

సినిమాల మీద సినిమాలు చేస్తూ తీరిక లేని షెడ్యూల్ గడుపుతోన్న రమ్యకృష్ణ.. ప్రస్తుతం ఆహాలో స్ట్రీమింగ్ అవుతోన్న ‘డ్యాన్స్ ఐకాన్’ అనే షోకు జడ్జ్‌గానూ వ్యవహరిస్తున్నారు.