బాహుబలి సినిమా తర్వాత తెలుగు సినిమా పరిశ్రమ యొక్క స్థాయి పెరిగింది. తెలుగు సినిమా ఖ్యాతిని ప్రపంచానికి చాటి చెప్పాడు రాజమౌళి. ఆ చిత్రం తో ప్రభాస్ పాన్ ఇండియా స్టార్ గా మారిపోయాడు. ఆ తర్వాత రాజమౌళి తీసిన మరో అద్భుత చిత్రం ఆర్ ఆర్ ఆర్. ఆ చిత్రం దేశ విదేశాల్లో సూపర్ హిట్ టాక్ తో రికార్డ్స్ కొల్లగొట్టింది. ఈ చిత్రం తో ఎన్టీఆర్, రామ్ చరణ్ కూడా పాన్ ఇండియా స్టార్స్ గా మారిపోయారు.
అయితే బాహుబలి ఇచ్చిన బూస్ట్ తో చాలా చిత్రాలు పాన్ ఇండియా చిత్రాలుగా విడుదల అవుతున్నాయి. ప్రభాస్ ఇప్పటికే రెండు పాన్ ఇండియా చిత్రాల్లో నటించాడు. ఆయన నటించిన ప్రతి ఒక్క సినిమా దేశ వ్యాప్తంగా భారీ ఎత్తున విడుదల అవుతున్నాయి. అందుకే ఆయన ఏ సినిమా చేసినా కూడా 100 కోట్ల రూపాయల కంటే ఎక్కువగానే రెమ్యూనరేషన్ తీసుకుంటున్నాడు. తర్వాత అల్లు అర్జున్ కూడా పుష్ప 2 కు గాను వంద కోట్లు తీసుకున్నాడని టాక్. అయితే తాజాగా రామ్ చరణ్ కూడా ఈ క్లబ్ లో చేరినట్లు తెలుస్తోంది.
శంకర్ దర్శకత్వంలో తెరకెక్కుతున్న RC15 మూవీ బడ్జెట్ ఇప్పటికే అంచనాల్ని మించిపోయింది. ఈ మూవీ కోసం రామ్ చరణ్ అదనంగా కొన్ని రోజులు తన డేట్స్‌ని కేటాయించాల్సి వచ్చినట్లు కూడా ప్రచారం జరుగుతోంది. ఈ నేపథ్యంలో RC15 కోసం రామ్ చరణ్ రూ.100 కోట్ల వరకూ రెమ్యూనరేషన్ తీసుకున్నట్లు వార్తలు వస్తున్నాయి. ఆ తర్వాత చేయనున్న బుచ్చిబాబు చిత్రానికి కూడా 100 కోట్లు తీసుకోనున్నాడట చెర్రీ.
ఆర్ఆర్ఆర్ మూవీ తర్వాత జూనియర్ ఎన్టీఆర్ కూడా కొరటాల శివ దర్శకత్వంలో తెరకెక్కబోతున్న సినిమా కోసం రూ.100 కోట్ల రెమ్యూనరేషన్‌ని తీసుకున్నట్లు ప్రచారం జరుగుతోంది. ప్రస్తుతం ఈ నలుగురు తెలుగు హీరోలు 100 కోట్ల రెమ్యూనరేషన్ తీసుకుంటున్నారు. సూపర్ స్టార్ మహేష్ బాబు ప్రస్తుతం రూ.60 కోట్ల వరకూ రెమ్యూనరేషన్ తీసుకుంటున్నారని వినికిడి. అయితే నెక్ట్స్ మూవీని ఎస్ఎస్ రాజమౌళితో మహేష్ బాబు చేయబోతుండగా.. ఈ సినిమాకి సూపర్ స్టార్ కూడా రూ.100 కోట్ల వరకూ రెమ్యూనరేషన్‌ని తీసుకునే సూచనలు కనిపిస్తున్నాయి.
అదేం ఇంప్రెస్ చేసే స్టోరీ కాదు. ఆ సినిమాలో కథనం సరిగ్గా లేదు, ఇలా చాలా కామెంట్స్ వినిపించాయి. కానీ గాలోడు సినిమా 11 రోజుల్లో 8 కోట్ల గ్రాస్ వసూలు చేసింది. ఇప్పటికీ థియేటర్లలో ఆడుతోంది. ఈ సినిమాని 3 కోట్ల బ్రేక్ ఈవెన్‌ టార్గెట్ తో విడుదల చేస్తే, టార్గెట్ పూర్తి చేసి, లాభాల్లోకి వచ్చి, ప్రస్తుతం సూపర్ హిట్ దిశగా ముందుకెళ్తోంది. అయితే నిజానికి ఇది సుడిగాలి రేంజుకు చాలా పెద్ద విజయమే. ఇది పూర్తిగా సుధీర్ వ్యక్తిగత విజయం అని చెప్పాలి. బుల్లితెర పై తను తెచ్చుకున్న క్రేజ్ కూడా ఈ విజయానికి కారణం అయ్యింది.
వెండితెర పై కమెడియన్ పాత్రలు చేసే చాలామంది నటులు హీరోలుగా ప్రయత్నించి విఫలమైన ఉదంతాలు బోలెడు ఉన్నాయి. కానీ వాటిని పక్కన పెడితే సుడిగాలి సుధీర్ ఓ టీవీ షోలలో కామెడీ చేసే క్యారెక్టర్ మాత్రమే, ఈమధ్య కాలంలో టివి షోస్ కి హోస్టింగ్ కూడా చేస్తున్నాడు. సుధీర్ లో డాన్సర్, ఫైటర్ ఉన్నాడు. అయితే అన్నింటి కన్నా మంచి నటుడు ఉన్నాడు. అయితే సుధీర్‌కు సమయం కూడా కలిసొచ్చిందనే చెప్పాలి. ప్రస్తుతం పెద్ద సినిమాలు ఏమి లేకపోవడంతో గాలోడు సినిమాకు థియేటర్లు దొరికాయి. అయితే, పెద్ద పెద్ద హీరోల సినిమాలు డిజాస్టర్లు అవుతుంటే, ఒకప్పుడు అనామకుడు అని వెక్కిరింపుకు గురైన సుడిగాలి సుధీర్ హిట్ కొట్టాడు.
