Filmy Adda

మాస్ మహారాజ్ రవితేజ, కార్తికేయ 2 చిత్రం తో పాన్ ఇండియా హిట్ కొట్టిన నిఖిల్ ఈ వారం బాక్స్ ఆఫీస్ వద్ద తలపడ్డారు. ప్రస్తుతం థియటర్లలో అవతార్ తప్ప వేరే పెద్ద సినిమా లేకపోవడం ఈ రెండు సినిమాలకు కలిసొచ్చే అంశం. అయితే ధమాకా చిత్రానికి రవి తేజ ఇమేజ్ ప్లస్ కాగా, 18 పేజెస్ కి నిఖిల్, అనుపమ పరమేశ్వరన్ కాంబినేషన్ ప్లస్ కానుంది.

అందుతున్న వివరాల ప్రకారం.. ‘ధమాకా’ చిత్రానికి చాలా ప్రాంతాల్లో అదిరిపోయే ఓపెనింగ్స్ వచ్చాయి. వింటేజ్ రవి తేజ అంటూ ప్రచారం చెయ్యడం, మాస్ ఎలిమెంట్స్ తో ట్రైలర్ కట్ చెయ్యడం తో ఈ సినిమాకి మంచి హైప్ వచ్చింది.ఇక ఈ ఏడాది రవితేజ ఖిలాడి, రామారావు ఆన్ డ్యూటీ అనే సినిమాలతో ప్రేక్షకుల ముందుకు రాగా ఆ రెండు సినిమాలు కూడా డిజాస్టర్లుగా నిలిచాయి. దీంతో కచ్చితంగా ధమాకా సినిమాతో హిట్ కొట్టాలని చాలా ప్రయత్నాలు చేసిన రవితేజ ప్రమోషన్స్ కూడా గట్టిగానే చేశారు. దీంతో రవి తేజ కెరీర్ లోనే బిగ్గెస్ట్ బాక్స్ ఆఫీస్ ఓపెనింగ్స్ ఈ చిత్రానికి వచ్చాయని తెలుస్తోంది.

మరో వైపు 18 పేజెస్ అంటూ కార్తికేయ 2 జోడి మరోసారి ప్రేక్షకుల ముందుకి వచ్చారు. ఈ సినిమాకు ముల్టీప్లెస్ లలో మంచి ఆదరణ వస్తోంది. సుకుమార్ ఈ సినిమాకు కథ అందించటంతో ఓపినింగ్స్ బాగానే రాబట్టింది. ఆయన శిష్యుడు పల్నాటి సూర్యప్రతాప్ ఈ సినిమాకు డైరెక్టర్ కాగా క్లైమాక్స్ ఈ సినిమాకు హైలెట్ గా నిలిచింది. కాకపోతే మాస్ సెంటర్స్ లో ధమాకా ప్రభావమే ఎక్కువగా ఉంది. 18 పేజెస్ క్లాస్ ఆడియన్స్ కే పరిమితం అయ్యేలా కనిపిస్తోంది.

అయితే క్రిస్మస్ వీకెండ్ గడిస్తే కానీ 18 పేజెస్ రిపోర్ట్ తెలీదు. అంతే కాకుండా మళ్ళీ సంక్రాంతి కి వచ్చే సినిమాల లోపు వీటికి వేరే పోటీ లేదు. కాబట్టి మంచి పాజిటివ్ టాక్ తో వెళ్లే సినిమా ఖచ్చితం గా హిట్ అయ్యే అవకాశాలు మెండుగా ఉన్నాయి. అప్పటి వరకు కంటెంట్ పరం గా ఏ చిత్రం నిలుస్తుందో చూడాలి.

సింహ, లెజెండ్ తర్వాత బాలకృష్ణ, బోయపాటి శ్రీను కాంబినేషన్‌లో వచ్చిన మూడవ సినిమా అఖండ. దాంతో ప్రేక్షకుల్లో భారీగా అంచనాలు నెలకొన్నాయి. అసలు ముందే రావాల్సిన అఖండ సినిమా కరోనా కారణంగా వాయిదా పడింది. ఈ సినిమాతో వారిద్దరూ హ్యాట్రిక్ విజయం సాధిస్తారేమో అని అందరూ ఎదురుచూస్తున్నారు.

సినిమాకి ముఖ్య హైలెట్ మాత్రం బాలకృష్ణ. రెండు పాత్రల్లో, అది కూడా ముఖ్యంగా అఖండ పాత్రల్లో బాలకృష్ణ చాలా పవర్ ఫుల్ పెర్ఫార్మెన్స్ ఇచ్చారు. అఖండ మొదటి షో అయిన తర్వాత నుండే హిట్ టాక్ తెచ్చుకుంది.

బాలకృష్ణ – బోయపాటి కాంబినేషన్‌లో వచ్చిన ఈ సినిమాతో వారిద్దరు హ్యాట్రిక్ విజయం సాధించారు అని అంటున్నారు. అఖండ సినిమాలో మురళీ కృష్ణగా, అఖండగా రెండు పాత్రల్లో నటించారు బాలకృష్ణ. బాలకృష్ణ అంతకుముందు కూడా కొన్ని సినిమాల్లో డ్యూయల్ రోల్ లో నటించారు. ఆ సినిమాలు ఏవో ఇప్పుడు చూద్దాం.

#1 అపూర్వ సహోదరులు

1986లో వచ్చిన అపూర్వ సహోదరులు అనే సినిమాలో బాలకృష్ణ రెండు పాత్రల్లో నటించారు.

#2 రాముడు భీముడు

రాముడు భీముడు సినిమాలో బాలకృష్ణ రాముడిగా, భీముడిగా నటించారు.

#3 చెన్నకేశవ రెడ్డి

చెన్నకేశవరెడ్డి సినిమాలో తండ్రీ కొడుకుల పాత్రల్లో నటించారు బాలకృష్ణ.

#4 ఆదిత్య 369

ఈ సినిమాలో కృష్ణ కుమార్ గా, శ్రీకృష్ణ రాయలుగా నటించారు.

#5 సుల్తాన్

ఈ సినిమాలో బాలకృష్ణ హీరోగా, అలాగే కొంచెం నెగటివ్ షేడ్స్ ఉన్న పాత్రలో నటించారు.

#6 అఖండ

ఇటీవలే విడుదలై సూపర్ హిట్ అయిన అఖండ సినిమాలో కూడా బాలకృష్ణ రెండు పాత్రల్లో నటించారు.

#7 అల్లరి పిడుగు

అల్లరి పిడుగు సినిమాలో కూడా రెండు పాత్రలు పోషించారు బాలకృష్ణ.

#8 సింహా

సింహాలో కూడా తండ్రిగా, కొడుకుగా నటించారు.

#9 పెద్దన్నయ్య

ఈ సినిమాలో బాలకృష్ణ అన్నగా, తమ్ముడిగా నటించారు.

#10 లెజెండ్

లెజెండ్ సినిమాలో కూడా బాలకృష్ణ రెండు పాత్రల్లో నటించారు.

వీటితో పాటు ఇంకా ఎన్నో సినిమాల్లో బాలకృష్ణ డ్యూయల్ రోల్ లో, అలాగే కొన్ని సినిమాలో ట్రిపుల్ రోల్ లో కూడా నటించారు.

మాస్ మహారాజా రవితేజ హీరోగా నటించిన ధమాకా సినిమా ఇటీవల విడుదల అయ్యింది. ఈ సినిమాకి త్రినాధరావు నక్కిన దర్శకత్వం వహించారు. ఈ సినిమాలో రవితేజ రెండు పాత్రల్లో నటించారు. సినిమా విడుదల అయ్యే ముందు చాలా అంచనాలు ఉన్నాయి. రవితేజ అంతకుముందు నటించిన సినిమాలు ఆశించిన ఫలితాన్ని పొందలేదు. ఇప్పుడు ఈ సినిమా విడుదల అయ్యే ముందు సినిమా ఎలా ఉంటుంది అనే ఆసక్తి అందరిలోనూ నెలకొంది.

సినిమా ట్రైలర్ చూశాక ఇది ఒక యాక్షన్ ఎంటర్టైనర్ అని అర్థం అయ్యింది. ఈ ట్రైలర్ ఉన్నట్టే సినిమా ఉంటే చాలు అని అనుకున్నారు. సినిమాకి ప్రస్తుతం టాక్ మిక్స్డ్ గా వస్తోంది. అయితే ఈ సినిమాలో కొన్ని విషయాలపై మాత్రం ప్రేక్షకులు కామెంట్స్ చేస్తున్నారు. ఈ సినిమాకి మైనస్ అయిన విషయాలు ఏంటో ఇప్పుడు చూద్దాం.

#1 ముందుగా ఈ సినిమా కథ గురించి చాలా కామెంట్స్ వస్తున్నాయి. సినిమా కథలో అస్సలు కొత్తదనం లేదు అని అంటున్నారు. ఇలాంటి కథ ఉన్న సినిమాలు మనం చాలా చూశాం. నెక్స్ట్ ఏమవుతుంది అనే ఆసక్తి చూసే ప్రేక్షకులకు ఉండదు.

#2 అలాగే హీరో, హీరోయిన్ కి మధ్య వచ్చే సీన్స్. ఇద్దరు వేరువేరుగా బాగా నటించారు. కానీ వారి ఇద్దరికీ మధ్య వచ్చే సీన్స్ మాత్రం చూడడానికి కొంచెం ఇబ్బందికరంగానే ఉన్నాయి అని అంటున్నారు. వారిద్దరి మధ్య ఉన్న వయసు తేడా ఎంత కవర్ చేయాలని ప్రయత్నించినా కూడా తెలిసిపోయింది అని కామెంట్స్ చేస్తున్నారు.

#3 సినిమా రవితేజ అభిమానులకి పండగలా ఉండేలాగా ఉండాలి అని అనుకున్నారు. అందుకే మాస్ ఎలిమెంట్స్ ఎక్కువగా ఉండేలా చూసుకున్నారు. కానీ ఇవి ఒక పాయింట్ తర్వాత ఎక్కువ అయ్యాయి ఏమో అనిపిస్తాయి. కథ అంతా వదిలేసి కేవలం వీటి మీద ఎక్కువగా దృష్టి పెట్టారు ఏమో అని అంటున్నారు.

#4 అసలు ఇద్దరు హీరోలకి మధ్య తేడా చూపించాలి అంటే ఒక హీరోకి కళ్ళజోడు ఉంటుంది. ఒక హీరోకి కళ్ళజోడు ఉండదు అని చూపించారు. అలాగే ఇద్దరి పాత్రలు కూడా ఒకరు క్లాస్ గా ఉంటారు. ఒకరు మాస్ గా ఉంటారు అన్నట్టు తెరపై చూపించడానికి ప్రయత్నించారు. కానీ ఇలాంటి పాత్రలు చేసిన హీరోలు, అలాగే ఇలాంటి పాత్రలతో వచ్చిన సినిమాలు అంతకుముందు చాలా ఉన్నాయి. దాంతో ఆ ఇద్దరు పాత్రలకి మధ్య ఉన్న తేడాలు ఇంకా కొంచెం జాగ్రత్తగా చూపించాల్సింది అని అన్నారు.

#5 రవితేజ గత చిత్రాలతో పోలిస్తే ఈ సినిమాలో ఎంటర్టైన్మెంట్ కొంచెం ఎక్కువగానే ఉంది. కానీ సినిమాలో రవితేజ తప్ప ఇంకా ఏది పెద్దగా చెప్పుకోవడానికి లేదు. అసలు ఇంక మిగిలిన వాళ్ళు, మిగిలిన ముఖ్య పాత్రల్లో నటించిన వారు ఎందుకు వస్తున్నారు, ఎందుకు పోతున్నారు అనేది కూడా ప్రేక్షకులకు అర్థం కాలేదు అని అంటున్నారు. వారిపై కూడా కొంచెం శ్రద్ధ వహించాల్సింది అని అన్నారు.

ఏది ఏమైనా సరే ప్రస్తుతం అయితే ధమాకా సినిమా థియేటర్లలో నడుస్తోంది.

బాహుబలి సినిమా తర్వాత ప్రభాస్ రేంజ్ మరింత పెరిగిపోయింది. ఇప్పుడు ప్రభాస్ వరుస సినిమాలతో బిజీగా ఉన్నారు. రాధే శ్యామ్ సినిమా తర్వాత ప్రభాస్ ఆది పురుష్ సినిమాతో మన ముందుకు రానున్నారు. ఆది పురుష్ సినిమా రామాయణం ఆధారంగా తెరకెక్కుతున్న విషయం తెలిసిందే ఈ సినిమాలో రాముడుగా ప్రభాస్ నటించగా సీతగా కృతి సనన్ నటిస్తున్నారు.

ఈ సినిమాకి ఓం రావత్ దర్శకత్వం వహిస్తున్నారు. ఈ సినిమా మీద దేశవ్యాప్తంగా వున్న ప్రేక్షకులకి భారీ ఎక్స్పెక్టేషన్స్ ఉన్నాయి.

అయితే ఈ సినిమా పోస్ట్ ప్రొడక్షన్ పనులు ఆలస్యంగా జరగడంతో ఈ మూవీ కాస్త ఆలస్యంగా రిలీజ్ అవ్వబోతుందని తెలుస్తోంది. ఈ సినిమా టీజర్ కోసం ప్రేక్షకులు భారీ అంచనాలు పెట్టుకున్నారు కానీ నెగటివ్ రివ్యూస్ తప్పలేదు. అందరినీ ఈ టీజర్ డిసప్పాయింట్ చేసింది. అయితే ఇంకో 200 కోట్లు ఖర్చు పెట్టి కొన్ని పాత్రలను మళ్ళీ రీ షూట్ చేశారని తెలుస్తోంది ఈ సినిమాలో సైఫ్ అలీఖాన్ లంకేశ్వరుడు పాత్రని చేస్తున్నారు. సన్నీ సింగ్ లక్ష్మణుడిగా నటిస్తున్నారు. 500 కోట్ల రూపాయల బడ్జెట్ తో ఈ సినిమాని తీసుకురానున్నారు. భూషణ్‌కుమార్‌, క్రిషన్‌కుమార్‌, ఓంరౌత్‌, ప్రసాద్ సుతార్‌, రాజేశ్‌ నాయర్‌ నిర్మాతలుగా వ్యవహరిస్తున్నారు.

తాజాగా ప్రభాస్ కి సంబంధించి ఓ వీడియో సోషల్ మీడియా లో వైరల్ అవుతుంది. వయస్సు పెరిగే కొద్దీ జుట్టు ఊడిపోతుంది. ఎవరికైనా అంతే. చాలా మంది నటులు కూడా ఈ సమస్య తో ఇబ్బంది పడుతున్నారు. విగ్గులు వాడుతున్న నటులు కూడా వున్నారు. బట్టతల గురించి తెలీకూడదని ఇండియాలో చాలా మంది స్టార్స్ విగ్గులని పెట్టుకుంటున్నారు. హీరో ప్రభాస్ జుట్టు మీద కూడా అనుమానాలు ఎప్పటి నుండో కలుగుతున్నాయి.

సాహో నుండి ప్రభాస్ జుట్టు సహజంగా లేదు. నిట్ క్యాప్ తో జుట్టు ని ప్రభాస్ పబ్లిక్ లోకి వచ్చినప్పుడు కవర్ చేస్తున్నారు. ఆయన విగ్గు వాడుతున్నట్లు అనుమానాలు వస్తున్నాయి. అయితే ఆయన పర్సనల్ హెయిర్ స్టైలిస్ట్ హెయిర్ ని సెట్ చేస్తుంటే ఇలాంటివి ముందు చెయ్యమని ప్రభాస్ అన్నారు. ఇలా హెయిర్ ని సెట్ చేస్తున్న పద్దతి చూస్తే అది విగ్గులానే వుంది. ఇది విగ్గే అని.. ఇదిగో ప్రూఫ్ అని ఇప్పుడు ట్రోల్ చేస్తున్నారు.

సినిమాల్లో నటించే వాళ్ళకి బయట ఎలాంటి గుర్తింపు ఉంటుందో అందరికీ తెలుసు. సినిమాల్లో నటించే వాళ్ళకి మాత్రమే కాకుండా సెలబ్రిటీ స్టేటస్ ఉన్న ప్రతి వ్యక్తికి బయట ఏదో ఒక రకమైన గుర్తింపు ఉంటుంది. ఆ సెలబ్రిటీ స్టేటస్ తో ఆ వ్యక్తులు కూడా ఎన్నో పనులు చేస్తూ ఉంటారు. వారికంటూ ఒక ప్రత్యేకమైన బ్రాండ్ ఉంటుంది.

వారు ఆ బ్రాండ్ ని ప్రజలకి తెలపాలి అనుకుంటూ ఉంటారు. వ్యాపార రంగంలో ఉన్న ఎంతో మంది కూడా ఈ సెలబ్రిటీల బ్రాండ్ ని వారి పబ్లిసిటీ కోసం, వారి సంస్థ ప్రమోట్ అయ్యేలాగా చేస్తూ ఉంటారు. అలా చాలామంది సెలబ్రిటీలు ఎన్నో ఉత్పత్తులకు పబ్లిసిటీ చేశారు. సెలబ్రిటీ స్టేటస్ ఉన్న స్టార్ హీరోల్లో సూపర్ స్టార్ మహేష్ బాబు కూడా ఒకరు. మహేష్ బాబు ఇప్పటివరకు ఎన్నో ప్రకటనలలో నటించారు.

మహేష్ బాబు అంతకుముందు బయట ఎక్కువగా కనిపించేవారు కాదు. దాంతో ఫ్యాన్స్ అందరూ కూడా మహేష్ బాబు ఈవెంట్స్ లో కూడా కనిపిస్తే బాగుండు అనుకునేవారు. తర్వాత మెల్లగా సినిమా ప్రమోషన్ ఇంటర్వ్యూలకి రావడం మొదలుపెట్టారు. ఇప్పుడు మహేష్ బాబు సోషల్ మీడియాలో కూడా యాక్టివ్ గా ఉంటున్నారు. అయితే మహేష్ బాబు జీ తెలుగులో ఇటీవల జరిగిన ఒక డాన్స్ ప్రోగ్రాంకి అతిధిగా వచ్చారు. మహేష్ బాబు జీ తెలుగుతో ఒప్పందం చేసుకున్నారు. భాగంగానే మహేష్ బాబు జీ తెలుగులో ప్రసారం అయ్యే కొన్ని ప్రోగ్రామ్స్ కి అతిథిగా వస్తారు అనే వార్తలు వినిపిస్తున్నాయి.

ఛానల్ కి బ్రాండ్ అంబాసిడర్ అయిన కారణంగా మహేష్ బాబు ఈ ఈవెంట్స్ కి వస్తారు. అంతే కాకుండా ఈ ఛానల్ లో ఒక సీరియల్ ప్రోమోలో కూడా మహేష్ బాబు కనిపించారు. దీనిపై చాలా నెగిటివ్ కామెంట్స్ రావడం మొదలయ్యాయి. మహేష్ బాబు అంతకుముందు కూడా జీ తెలుగుకి సంబంధించి ఇలాంటి ఒక ప్రమోషన్ చేశారు. ఆ ప్రమోషన్ వీడియోలో కొన్ని సీరియల్స్ ని ప్రమోట్ చేశారు. ఇప్పుడు కూడా అలాగే చేశారు. అసలు మహేష్ బాబు రేంజ్ ఏంటి ఇలా సీరియల్స్ లో రావడం ఏంటి అని చాలామంది కామెంట్స్ చేయడం మొదలుపెట్టారు.

అయితే స్టార్ హీరోలు ప్రోగ్రామ్స్ కి రావడం కొత్త ఏమీ కాదు. అల్లు అర్జున్ కూడా పుష్ప సినిమా విడుదల అయిన తర్వాత ఢీ డాన్స్ షోకి అతిథిగా వచ్చారు. ఇంకా చాలామంది హీరోలు కూడా అలాగే డాన్స్ షోలకి, లేదా ఇతర షోలకి అతిథిగా వెళ్లడం జరుగుతూనే ఉంది. అయితే మిగిలిన హీరోలు చేసినప్పుడు లేనిది కేవలం మహేష్ బాబు చేస్తూ ఉంటే ఎందుకు అందరికీ అంత తప్పు చేస్తున్నట్టు అనిపిస్తుంది అంటూ కామెంట్స్ వస్తున్నాయి. అలాగే ఈ హీరోలు అందరూ కూడా వారి బ్రాండ్ తో ఎన్నో ఉత్పత్తులను ప్రమోట్ చేస్తూ ఉంటారు.

మహేష్ బాబు అలాగే ఒక ఒక ప్రముఖ పాన్ తయారుచేసే కంపెనీకి చెందిన ఉత్పత్తిని ప్రమోట్ చేశారు. అది ఒక ఫ్లేవర్డ్ యాలకులు. అందులో ఎటువంటి హానికర పదార్థాలు ఉండదు. కానీ ఈ విషయాన్ని పక్కన పెట్టి మహేష్ బాబు ఒక సమయంలో బాలీవుడ్ గురించి మాట్లాడినప్పుడు బాలీవుడ్ ఇండస్ట్రీకి చెందిన కొంత మంది నార్త్ ఇండియన్ నెటిజన్లు మహేష్ బాబు పాన్ మసాలా వంటి ఉత్పత్తులను ప్రమోట్ చేశారు అంటూ కామెంట్ చేశారు. అంతేకాకుండా సీరియల్ కి స్టార్ హీరోలు ప్రమోట్ చేయడం తెలుగులో మాత్రమే కొత్త. బాలీవుడ్ లో షారుక్ ఖాన్, అమీర్ ఖాన్, సల్మాన్ ఖాన్, అమితాబ్ బచ్చన్ వంటి పెద్ద పెద్ద స్టార్ హీరోలు ఎన్నో సీరియల్స్ ప్రమోట్ చేశారు.

ఇప్పుడు కూడా వారి సినిమాలు ఏమైనా విడుదల ఉంటే సీరియల్స్ ప్రమోట్ చేయడం మాత్రమే కాకుండా, సీరియల్ లో ఒక ఎపిసోడ్ లో కూడా కనిపిస్తూ ఉంటారు. ఇది తెలుగులో మాత్రమే కొత్త. దాంతో, “మహేష్ బాబు ఒక కొత్త ట్రెండ్ క్రియేట్ చేస్తున్నారు. అలాంటి విషయాలకి అభినందించాల్సింది పోయి ఇలా నెగిటివ్ కామెంట్స్ చేయడం కరెక్ట్ కాదు” అని అంటున్నారు. అంతేకాకుండా, “షోస్ కి రావడం అంతకుముందు చాలామంది తెలుగు స్టార్ హీరోలు చేశారు కదా? కేవలం మహేష్ బాబుని మాత్రమే ఎందుకు అంటున్నారు?” అనే కామెంట్స్ కూడా వస్తున్నాయి.

సూపర్ స్టార్ మహేష్ బాబు చాలా సినిమాల్లో నటించారు. మహేష్ బాబు గురించి కొత్తగా పరిచయం చేయక్కర్లేదు. ఆయన అందరికీ సుపరిచితమే. సూపర్ స్టార్ మహేష్ బాబుకి క్రేజ్ కూడా ఎక్కువే. తెలుగు చిత్ర పరిశ్రమలో నెంబర్ వన్ హీరోగా దూసుకు వెళ్ళిపోతున్నారు. అలానే వరుస విజయాలతో కూడా ముందుకు వెళ్ళిపోతున్నారు మహేష్ బాబు.

ప్రస్తుతం మహేష్ బాబు త్రివిక్రమ్ శ్రీనివాస్ దర్శకత్వంలో ఒక సినిమా చేస్తున్నారు. గతంలో త్రివిక్రమ్ తో కలిసి మహేష్ బాబు అతడు, ఖలేజా సినిమాలు చేశారు.

అలానే మహేష్ బాబు దర్శకధీరుడు రాజమౌళి తో కూడా ఒక సినిమా చేస్తున్నారు. ఈ సినిమా మీద అభిమానుల్లో ఆసక్తి బాగా పెరిగింది. ఈ సినిమా కథను రాజమౌళి తండ్రి రచయిత విజయేంద్రప్రసాద్ సిద్ధం చేస్తున్న విషయం తెలిసిందే. ఆఫ్రికా అడవి నేపథ్యంలో ఈ సినిమా నడుస్తుందని టాక్ వినబడుతోంది అయితే మహేష్ బాబు నటించిన ఒక్కడు సినిమా ఎప్పటికీ మర్చిపోలేము. మహేష్ బాబు ఒక్కడు సినిమాలో చాలా అద్భుతంగా నటించారు. పైగా కథ కూడా చాలా బాగుంటుంది. అందరిని బాగా అలరించింది.

ఆ సినిమాలో మహేష్ బాబు చెల్లెలు కింద నిహారిక నటించారు. ఆ సినిమాలో మహేష్ బాబుని నిహారిక బాగా ఆట పట్టిస్తూ ఉంటారు అలానే తల్లిదండ్రుల దగ్గర ఇరికించాలని చూస్తూ ఉంటారు. చాలా చక్కటి పాత్ర చేశారు నిహారిక. అలానే ప్రేమించుకుందాం రా సినిమాలో వెంకటేష్ కి మేనకోడలు పాత్ర చేశారు. కానీ తర్వాత ఈమె సినిమాల్లో కనపడలేదు. చాలా మంది నటులు సినిమాలకి పెళ్లి తరవాత దూరం అయ్యినట్టే నిహారిక కూడా పెళ్లి తరవాత సినిమాలకి దూరం అయ్యింది. పదేళ్ల క్రితమే ఈమె సినిమాలకు గుడ్ బై చెప్పేశారు. పొలిటికల్ ఫ్యామిలీ కి చెందిన ఒక వ్యక్తిని వివాహం చేసుకున్నారు. ఈమెకి ఇప్పుడు ఇద్దరు పిల్లలు ఉన్నారు. ఈమె ఫొటోస్ ఇప్పుడు సోషల్ మీడియా లో వైరల్ అవుతున్నాయి.