Filmy Adda

ఒక దశాబ్దానికి పైగా కామెడీ హీరోగా తనకంటూ ఒక ప్రత్యేకత సంతరించుకున్న అల్లరి నరేష్ ఈ మధ్య కాస్త సీరియస్ బాట పట్టాడు. “నాంది” తర్వాత మళ్లీ అల్లరి నరేష్ తెర మీదకు వచ్చిన చిత్రం ఇది. కామెడీ పాత్రల నుంచి మెలమెల్లగా పక్కకు జరుగుతూ వస్తున్న నరేష్ ఈసారి ప్రభుత్వ అధికారి పాత్రను ట్రై చేస్తున్నారు. ఆనంది ఈ చిత్రం లో కథానాయిక. ఏ.ఆర్ మోహన్‌ దర్శకత్వం వహించారు.

మారేడుమిల్లి అనే సుదూర కొండ ప్రాంతంలో జనానికి ప్రజాస్వామ్యరాజకీయ వ్యవస్థ పట్ల నమ్మకముండదు. ఓట్లేయము అని భీష్మించుకుని కూర్చుంటారు. హీరో తనకున్న సామాజిక దృక్పథంతో, పని పట్ల నిబద్ధతతో, సమయస్ఫూర్తితో ఊరి జనంలో ఎటువంటి మార్పు తీసుకురావడం, తద్వారా ప్రభుత్వంలో కదలిక తీసుకురావడమనేది కథాంశం.

గిరిజన ప్రాంతంలో ఎన్నికల అధికారికి ఎదురైన సమస్యలు, పరిష్కారం ఇలాంటివి డిస్కస్ చేసినట్లు కనిపిస్తోంది. అయితే ఇది 2017 నాటి హింది సినిమా “న్యూటన్” నుంచి దాదాపుగా తీసుకున్న స్ఫూర్తి. ఆ చిత్రం లో కూడా హీరో ఎన్నికలు నిర్వహించడం కోసం ఒక ప్రాంతానికి వెళ్లి అక్కడ ఎలాంటి సంస్కరణలు చేసాడు అన్నదే ఆ సినిమా. దీంతో ఈ రెండు చిత్రాలను కంపేర్ చేస్తున్నారు సినీ జనాలు. ఇది ‘న్యూటన్’ సినిమాకి రీమేక్ అని మరి కొందరు కామెంట్లు చేస్తున్నారు.

అయితే ‘మారేడుమిల్లి..’ కథాంశంగా బాగానే ఉన్నా ట్రీట్మెంట్ విషయంలో మరింత కామన్ సెన్స్, ఇంకెంతో ఇంటిలిజెన్స్ చూపించాల్సింది. అవి లేకపోవడం వల్ల మంచి సబ్జెక్టే అయినా చివరికొచ్చేసరికి తేలిపోయింది. ఎక్కడా మనసుకి హత్తుకునే ఎమోషనల్ సన్నివేశాలు లేవు. విషయం ప్రేక్షకుల మెదడుకి చేరుతుంది తప్ప మనసుని పట్టుకోదు. న్యూటన్ సినిమాలు మాత్రం కథనం, స్క్రీన్ ప్లే పకడ్బందీగా రాసుకున్నారు. అందుకే అక్కడ ఆ చిత్రం హిట్ టాక్ ని సొంతం చేసుకోగా..ఇక్కడ అల్లరి నరేష్ ప్రేక్షకులని అలరించలేకపోయాడు.

అల్లరి నరేష్ దీని తరువాత మళ్లీ నాంది దర్శకుడితోనే మరో డిఫరెంట్ సినిమా చేస్తున్నాడు. సాహు గారపాటి దీనికి నిర్మాత.

Also Read:

• శ్రీదేవితో బాలకృష్ణ ఎందుకు నటించలేదు తెలుసా.? అసలు కారణం ఇదే.! 
• “వీర సింహా రెడ్డి” లో “జై బాలయ్య” సాంగ్ వెనుక… కారణం ఇదేనా..?
• “వాల్తేరు వీరయ్య” సినిమా స్టోరీ లీక్..! ఇంక మెగా బ్లాక్ బస్టర్ పడినట్టేనా..?

అతిలోక సుందరి శ్రీదేవి బాలనటి గా కెరీర్ ను మొదలు పెట్టిన సంగతి తెలిసిందే. బాల కృష్ణ కూడా బాల నటుడి గానే కెరీర్ ను మొదలు పెట్టారు. కానీ ఈ ఇద్దరి కాంబినేషన్ లో ఒక్క సినిమా కూడా రాలేదు. సూపర్ స్టార్ కృష్ణ హీరో గా వచ్చిన సినిమా “మా నాన్న నిర్దోషి” అనే సినిమా 1970 లో వచ్చింది. ఈ సినిమా లో శ్రీదేవి బాల నటి గా కనిపించింది. ఆ తరువాత “బడిపంతులు”, “విధి విలాపము” “నేను మనిషినే” వంటి సినిమాల్లో కూడా బాలనటి గా నటించింది. ఆ తరువాత 1978 లో వచ్చిన “పదహారేళ్ళ వయసు” సినిమా లో శ్రీదేవి హీరోయిన్ గా కనిపించింది.

ఆ తరువాత చాలా తెలుగు సినిమాల్లో చేసారు. మోసగాడు, వేటగాడు, కొండవీటి సింహం, ప్రేమాభిషేకం, బెబ్బులి పులి, కిరాయి కోటిగాడు, దేవత వంటి సినిమాలలో నటించనుంది. హటాత్తు గా ఆమెకు ఉత్తరాది లో అవకాశం వచ్చింది. 1974 లో బాలకృష్ణ బాలనటుడి గా సినిమాలు చేయడం ప్రారంభించారు. “తాతమ్మ కల” సినిమా తో బాలకృష్ణ తెలుగు తెర కు పరిచయం అయ్యారు. ఆ తరువాత భలే దొంగ, మంగమ్మ గారి మనుమడు, రామ్ రహీమ్, అన్నదమ్ముల బంధం, ముద్దుల మావయ్య, ముద్దుల కృష్ణుడు వంటి సినిమాల్లో కనిపించారు.

శ్రీదేవి హీరోయిన్ గా అయిన తరువాత వెంకటేష్, చిరంజీవి, నాగార్జున వంటి హీరోలందరితో కలిసి నటించింది కానీ బాలకృష్ణ తో మాత్రం శ్రీదేవి ఒక్క సినిమా కూడా చేయలేదు. దీనికి కారణం ఏంటనే విషయమై పలు రూమర్లు చక్కర్లు కొడుతున్నాయి. వాస్తవానికి వీరిద్దరి కాంబినేషన్ లో రెండు సినిమాలు రావాల్సి ఉంది.

1987 లో దర్శకేంద్రుడు రాఘవేంద్ర రావు వీరిద్దరి కాంబినేషన్ లో “సామ్రాట్” అనే సినిమా ను అనౌన్స్ చేసారు. ఆ తరువాత 1989 లో కోదండరామిరెడ్డి దర్శకత్వం లో “భలేదొంగ” సినిమా లో కూడా శ్రీదేవి నే హీరోయిన్ గా తీసుకోవాలనుకున్నారు. అయితే, శ్రీదేవి హిందీ సినిమాలతో వరుస ఆఫర్లతో బిజీ అయిపోయారు. దీనితో, బాల కృష్ణతో ఒప్పుకున్నా సినిమాల నుంచి తప్పుకోవాల్సి వచ్చింది. రౌడీ రాముడు, కొంటె కృష్ణుడు సినిమా లోను, అనురాగ దేవత అనే సినిమాలో కూడా వీరిద్దరూ ఒక ఫ్రేమ్ లో కనిపించారు. కానీ, బాల కృష్ణ, శ్రీదేవి జంట గా మాత్రం ఎపుడు కనిపించలేదు.

నందమూరి బాలకృష్ణకు ద్విపాత్రాభినయం అంటే చాలా ఇష్టం. ఆయన కెరియర్ లోని విజయవంతంగా నిలిచిన ఎన్నో చిత్రాలలో ఆయన రెండు పాత్రల్లో కనిపించారు. బాలకృష్ణ ద్విపాత్రాభినయం చేసిన ” అఖండ” అఖండ విజయాన్ని సాధించి ఇప్పటివరకు ఆయన కెరియర్ లోనే అత్యంత బ్లాక్ బస్టర్ గా నిలిచింది.

అఖండ మూవీ ఇచ్చిన ఎనర్జీతో వరుస సినిమాల్లో బిజీగా ఉన్నాడు బాలయ్య. అదే జోష్ లో మాస్ డైరెక్టర్ గోపీచంద్ మలినేని దర్శకత్వం లో ఓ సినిమా కు బాలయ్య కమిట్ అయ్యాడు. ఈ మూవీ రెగ్యులర్ షూటింగ్ రీసెంట్ గా తెలంగాణ లోని సిరిసిల్ల లో ప్రారంభించడం జరిగింది. ఈ నేపథ్యంలో ఈ మూవీకి సంబంధించి ఒక ఆసక్తికరమైన అప్డేట్ ప్రస్తుతం సోషల్ మీడియాలో వైరల్ గా మారింది.

ఈ చిత్రం మొత్తం రాయలసీమ నేపథ్యంలో ఉండబోతుంది. పైగా ఇందులో బాలయ్య రెండు డిఫరెంట్ క్యారెక్టర్స్ లో కనిపించబోతున్నారు అని టాక్. అయితే ఇందులో రెండో మాస్ క్యారెక్టర్స్ కావడంతో మూవీ పై డబల్ ఎక్స్పెక్టేషన్స్ పెరిగాయి. మామూలుగా బాలయ్య డైలాగ్స్ అంటేనే ప్రేక్షకులు పూనకం వచ్చినట్లు ఊగుతారు. మరి ఇప్పుడు ఒకే మూవీ లో రెండు పవర్ఫుల్ మాస్ క్యారెక్టర్స్ లో బాలయ్య బాబు ఏ రేంజ్ డైలాగ్స్ చెప్తారో తెలియాలంటే ఈ మూవీని వెండితెరపై చూసి తీరాలి.

ఇంకా టైటిల్ ఖరారు కానీ ఈ మూవీకి ఫస్ట్ లుక్ పోస్టర్ ని రీసెంట్ గా మేకర్ విడుదల చేశారు. ఇందులో నట సింహం పవర్ ఫుల్ లుక్ అభిమానులకు కనువిందు చేసింది. బ్లాక్ లుంగీ తో మాస్ గెటప్ లో బాలయ్య ఇరగదీశాడు. ఫస్ట్ లుక్ పోస్టర్ ఈ రేంజ్ లో ఉందంటే ఇంక మూవీ లో బాలయ్య యాక్షన్, డైలాగ్స్ ,ఫైట్స్ …ఇలా ప్రతిదీ తమకు కనువిందు చేస్తుందని ప్రేక్షకులు ఎదురుచూస్తున్నారు.

ఈ మూవీలో బాలకృష్ణ సరసన శృతి హాసన్ హీరోయిన్ గా నటిస్తోంది. బాలయ్య మూవీ అంటేనే డైనమిక్ విలన్స్ కి పెట్టింది పేరు . మరి ఈ మూవీలో కూడా కన్నడ నటుడు దునియా విజయ్ విల్లన్ రోల్ ప్లే చేయనున్నాడు. బాలకృష్ణ -గోపీచంద్ మలినేని మాస్ కాంబినేషన్ లో వస్తున్న చిత్రం కావడంతో దీనిపై అంచనాలు భారీగానే ఉన్నాయి. అయితే ఇప్పుడు ఇందులో బాలకృష్ణ ద్విపాత్రాభినయం అన్న టాక్ రావడం తో మూవీ పై సర్వత్ర ఆసక్తి నెలకొంది.

‘కాంతారా’.. గత కొన్ని రోజులుగా సినిమా ఇండస్ట్రీ ని షేక్ చేస్తున్న కన్నడ చిత్రం. భాష తో సంబంధం లేకుండా ప్రతి చితా ప్రేక్షకుల ఆదరణ పొందుతోంది చిత్రం. హీరో గా.. దర్శకుడిగా రిషబ్ శెట్టి చేసిన అద్భుతానికి అన్ని భాషల్లో మంచి స్పందన వస్తోంది. మరుగున పడిపోతున్న కళలకి దృశ్యరూపం ఇచ్చిన రిషబ్ శెట్టి పై ప్రశంసల వర్షం కురుస్తోంది.

అయితే ఈ సినిమా చూసిన తర్వాత.. ఇలా నిజంగా ఆత్మలతో మాట్లాడతారా.. వారు చెప్పినట్టే అన్ని జరుగుతాయా అని ప్రతి ఒక్కరు సందేహ పడుతున్నారు. ఈ చిత్రాన్ని తన సొంత గ్రామం లో కొన్ని దశాబ్దాల క్రితం జరిగిన సంఘటన ఆధారంగా తీస్తున్నట్లు రిషబ్ శెట్టి గతం లో చెప్పారు. కర్ణాటకలోని ఓ తెగకు సంబంధించిన ఇతివృత్తం ఆధారంగా వచ్చిన ఈ చిత్రంలో కుటుంబ బంధాలు, అనుబంధాలు అన్నీ స‌న్నివేశాల‌ప‌రంగా చూపించ‌గ‌లిగాడు దర్శకుడు.

కర్ణాటక లోని ఒక ప్రాంతం లో బంట్ అనే తెగ వారు నివసించేవారు. వీరి భాష తుళు. అయితే వీరు ప్రస్తుతం వివిధ ప్రాంతాలకు వెళ్లి స్థిరపడి మతాలు కూడా మార్చుకున్నట్లు తెలుస్తోంది. వీరంతా ఎక్కడ ఉన్నా కానీ.. కంబళ క్రీడను, భూత్ కోలా నృత్యాన్ని నమ్ముతూ ఉంటారు. ఈ నృత్యాన్ని మనం కాంతారా సినిమాలో చూసాం. ప్ర‌ధానంగా ముగింపు స‌న్నివేశంలో రిషబ్ శెట్టి నృత్యాలు, నటన సినిమాకి హైలైట్ అని చెప్ప‌వ‌చ్చు.

ఈ తెగకు చెందిన వారు డాన్స్ చేస్తూ వారి కులదైవాన్ని పూజిస్తూ ఉన్న సమయం లో వారి పూర్వీకుల ఆత్మలు వాళ్ళను ఆవహించి జరగబోయేవి చెబుతారని భావిస్తారు. వాటిని ఆ కుటుంబీకులు తప్పని సరిగా పాటిస్తారు.

వీటిని నేపథ్యంగా తీసుకున్న దర్శకుడు రిషబ్ శెట్టి కాంతారా సినిమా ముగింపు స‌న్నివేశాల్లో దేవుడు ఆవ‌హించే సీన్‌లోనూ ప్రేక్ష‌కులను క‌ట్టిప‌డేశాడ‌నే చెప్పాలి. నిజ జీవితం లో జరిగిన సంఘటనలకు దృశ్యరూపం ఇచ్చిన రిషబ్ శెట్టి .. ప్రేక్షకులను ఈ చిత్రం తో ఒక అద్భుత లోకంలోకి తీసుకెళ్లాడు.

Waltair Veerayya Movie Story : మెగాస్టార్ చిరంజీవి హీరోగా బాబీ దర్శకత్వంలో వస్తున్న సినిమా వాల్తేరు వీరయ్య. ఈ సినిమా టైటిల్ టీజర్ ఇటీవల విడుదల చేశారు. దానికి చాలా మంచి స్పందన వచ్చింది. ఈ సినిమాని మైత్రి మూవీ మేకర్స్ నిర్మిస్తున్నారు. ఈ సినిమాకి దేవి శ్రీ ప్రసాద్ సంగీత దర్శకత్వం వహిస్తున్నారు. ఈ సినిమాలోని మొదటి పాట అయిన బాస్ పార్టీ ఇటీవల విడుదల అయ్యింది.

ఈ పాటకి చాలా మంచి రెస్పాన్స్ వస్తోంది. ఈ సినిమాలో మాస్ మహారాజా రవితేజ కూడా ఒక ముఖ్య పాత్రలో నటించబోతున్నారు. చాలా సంవత్సరాల తర్వాత చిరంజీవి, రవితేజ కలిసి ఈ సినిమాలో నటిస్తున్నారు. ఈ సినిమా మీద ప్రేక్షకులకి చాలా అంచనాలు ఉన్నాయి. అయితే ఈ సినిమా స్టోరీ ఇదే అంటూ ఒక స్టోరీ వార్తల్లో నిలిచింది.

ఒకవేళ ఈ స్టోరీ నిజం అయితే మెగాస్టార్ మళ్లీ హిట్ కొట్టడం పక్కా అని అంటున్నారు. ఇంతకీ సినిమా స్టోరీ ఏంటంటే, ఒక వ్యక్తికి ఇద్దరు భార్యలు ఉంటారు. ఒక భార్యకి పుట్టిన కొడుకు వీరయ్య. మరొక భార్యకి పుట్టిన కొడుకు రవితేజ. వీరయ్య ఆంధ్రలోని ఒక కార్మిక సంఘానికి నాయకుడిగా ఉంటాడు. రవితేజ పోలీస్ అవుతాడు. ఒక సమయంలో వీరిద్దరి మధ్య గొడవ జరుగుతుంది. మధ్యలో విలన్ ఎంట్రీ ఇచ్చిన తర్వాత కథలో చాలా సంఘటనలు చోటు చేసుకుంటాయి. విలన్ ఎంట్రీ వల్ల వీరయ్య, రవితేజ ఎలాంటి సంఘటనలు ఎదుర్కొన్నారు? వారిద్దరూ కలిసారా లేదా? అనే అంశం చుట్టూ సినిమా తిరుగుతుంది.

ఈ సినిమాలో వీరయ్య పాత్రలో చిరంజీవి నటిస్తున్నారు అనే సంగతి తెలిసిందే. చిరంజీవి తండ్రి పాత్రలో సత్యరాజ్ నటిస్తున్నారు. సత్యరాజ్ చిరంజీవికి, రవితేజకి తండ్రిగా నటిస్తున్నారు. అలాగే విలన్ పాత్రలో ప్రకాష్ రాజ్ నటిస్తున్నారు. ఈ సినిమాలో చిరంజీవి గోదావరి యాసలో మాట్లాడుతున్నారు అని టీజర్ చూస్తే ఈపాటికి అర్థమైపోయి ఉంటుంది. ఒకవేళ ఇదే స్టోరీ నిజం అయితే సినిమా హిట్ అవుతుంది అని అంటున్నారు. మరి సినిమా కథ ఇదేనా కాదా తెలియాలంటే సినిమా విడుదల అయ్యే అంతవరకు ఆగాల్సిందే.

Also Read:   అల్లరి నరేష్ “ఇట్లు మారేడుమిల్లి ప్రజానీకం” సినిమా… ఆ “ఫేమస్” సినిమాని చూసి రీమేక్ చేశారా..?

మెగాస్టార్ చిరంజీవి నటించిన ‘గాడ్‌ఫాదర్’ మూవీ ఇటీవల అభిమానుల్ని మెప్పించినా.. బాక్సాఫీస్ వద్ద అంచనాల్ని అందుకోలేకపోయింది. అక్టోబరు 5న రిలీజైన ఈ మూవీ తొలి రోజు నుంచే హిట్ టాక్‌ని సొంతం చేసుకుంది. కానీ కలెక్షన్స్ రాబట్టలేకపోయింది. ఓవరాల్‌గా ‘ఆచార్య’ లాంటి డిజాస్టర్ తర్వాత ‘గాడ్‌ఫాదర్’ మూవీ చిరంజీవికి టాక్‌ పరంగా ఊరటనిచ్చింది.

వాస్తవానికి గాడ్‌ఫాదర్ సినిమా.. మలయాళం మూవీ ‘లూసిఫర్‌’కి రీమేక్. దాంతో గాడ్‌ఫాదర్ రిలీజ్‌కి ముందే లూసిఫర్‌ని చూసిన ప్రేక్షకులకి ఈ కథ ఏంటో తెలిసిపోయింది. దీంతో చిరు ఇమేజ్ తగ్గట్టు కొన్ని మార్పులు చేసి ప్రేక్షకుల ముందుకి తెచ్చారు దర్శకుడు మోహన్ రాజా. అయితే తాజాగా ఆ మూవీ గురించి తన యూట్యూబ్ ఛానల్‌లో పరుచూరి గోపాలకృష్ణ రివ్యూ ఇచ్చారు.

ఈ క్రమంలో సినిమాలో చిన్న చిన్న తప్పిదాల్ని గుర్తు చేసిన ఆయన.. డ్యాన్స్‌లు లేని చిరంజీవి పాత్రని చూడటం కాస్త ఇబ్బందిగా అనిపించిందని అభిప్రాయపడ్డారు. అయితే చిరు బాడీ లాంగ్వేజ్ కి ఇలాంటి స్లో పేస్ కథలు సెట్ కావని ఆయన అన్నారు. ” తన చెల్లెళ్లకు దూరం గా ఉంటూ వారిని ఎలా రక్షించాడు అనే ఒక కర్ణుడి కథ ఇది. సమయానుగుణం గా ట్విస్ట్ లు రివీల్ చేసారు. మాతృకతో పోలిస్తే స్క్రీన్ ప్లే బావుంది. అలాగే డైలాగ్స్ బావున్నాయి కానీ.. చిరంజీవి కి తగ్గట్టు లేవు” అని పరుచూరి తెలిపారు.

” అలాగే సల్మాన్ ఖాన్ ఈ సినిమాకి ఒకరకంగా ప్లస్. మరో రకంగా దెబ్బతీశాడు. ఎలా అంటే? చిరంజీవి నడుస్తుంటే సల్మాన్ ఖాన్ ఫైట్ చేయడం అభిమానులకి బాధ కలిగించింది. ఆఖరికి క్లైమాక్స్‌లోనూ అదే పంథాని కొనసాగించారు. అదే సల్మాన్ క్యారెక్టర్‌ని పవన్ కళ్యాణ్ లేదా రామ్ చరణ్‌ చేసుంటే ఆ ఫీలింగ్ అభిమానులకి వచ్చేది కాదు.” అని పరుచూరి వెల్లడించారు.

పవర్ స్టార్ పవన్ కళ్యాణ్.. మెగాస్టార్ చిరంజీవి తమ్ముడిగా ఎంట్రీ ఇచ్చినా.. అతితక్కువ టైంలోనే తనకంటూ ప్రత్యేకమైన గుర్తింపు తెచ్చుకున్నాడు. కెరీర్ స్టార్ట్ చేసి వరుసగా ఏడు సూపర్ హిట్లతో రికార్డ్ క్రియేట్ చేశాడు. ఆయన స్టార్ డమ్ గురించి, క్రేజ్ అండ్ ఫ్యాన్ ఫాలోయింగ్ గురించి కొత్తగా చెప్పక్కర్లేదు.

ప్రస్తుతం పవన్ అటు రాజకీయాల్లో.. ఇటు వరుస సినిమాలతో బిజీగా ఉన్నాడు. పవన్ నటిస్తున్న హరిహర వీరమల్లు షూటింగ్ జరుపుకుంటోంది. అయితే పవన్ తదుపరి సినిమాకు సంబంధించి ఒక అప్డేట్ వైరల్ అవుతోంది. పవన్ సొంత కథతో ఒక సినిమా త్వరలో పట్టాలెక్కనుందని తెలుస్తోంది.

జానీ, సర్దార్ గబ్బర్ సింగ్ సినిమాలు పవన్ సొంత కథలతోనే తెరకెక్కాయనే సంగతి తెలిసిందే. అయితే ఈ సినిమాలు బాక్సాఫీస్ వద్ద ఆశించిన స్థాయిలో సక్సెస్ కాలేదు. అయితే హరిహర వీరమల్లు సినిమా తర్వాత పవన్‌, హరీష్‌ శంకర్‌ దర్శకత్వంలో ఓ సినిమా చేయనున్నట్లు తెలుస్తుంది. కాగా ‘గబ్బర్‌సింగ్‌’ తర్వాత వీరిద్దరి కాంబినేషన్‌లో ‘భవదీయుడు భగత్‌సింగ్‌’ తెరకెక్కాల్సి ఉంది. మైత్రీ సంస్థ అధికారికంగా ప్రకటించిన ఈ ప్రాజెక్ట్‌ పలు కారణాల వల్ల ఆగిపోయింది.

తాజాగా పవన్‌, హరీష్‌ శంకర్‌తో సినిమా చేయడానికి సిద్ధమయ్యాడట. అయితే ముందుగా అనుకున్న కథ కాకుండా కొత్త కథతో సినిమా తెరకెక్కించనున్నారట. అంతే కాకుండా ఈ సినిమాకు పవన్‌ కళ్యాణ్ స్వయంగా కథను అందించనున్నాడట. దీనిపై అధికారికంగా ప్రకటన రావాల్సి ఉంది.