Filmy Adda

అడివి శేష్ గురించి ప్రత్యేకంగా చెప్పాల్సిన పనిలేదు. ఆయన ఇటీవలే మేజర్ సినిమాతో బంపర్ హిట్ అందుకున్నారు. కెరీర్ మొదట్లో కాస్త తడబడ్డా.. ఆ తర్వాత తనను తాను మార్చుకుని.. స్వయంగా తన సినిమాలను తానే రాసుకుంటూ వరుసగా హిట్‌లను అందుకుంటున్నారు. ఇక శైలేష్ కొలను దర్శకత్వం లో ఆయన హీరోగా వస్తున్న లేటెస్ట్ క్రైమ్ థ్రిల్లర్ హిట్ 2 .

తాజాగా ఈ చిత్రం సెన్సార్‌ పూర్తి చేసుకుంది. ఈ సినిమాకు సెన్సార్‌ బోర్డు ‘A’ సర్టిఫికేట్‌ను జారీ చేసింది. కాగా ఈ సినిమా రన్‌టైం రెండు గంటలు ఉండనుంది. ఈ మధ్య కాలంలో ఇంత తక్కువ రన్‌టైంతో ఏ సినిమా రాలేదు. థ్రిల్లర్‌ సినిమాలకు ఈ రన్‌టైం ఉంటే చాలా వరకు ప్లస్‌ అవుతుందని పలువురు అభిప్రాయ పడుతున్నారు. రీసెంట్ గా వచ్చిన ట్రైలర్ తో మరిన్ని అంచనాలు నెలకొన్నాయి. అయితే గతంలోనే ఈ చిత్రం చిన్న పిల్లలకి చూడడానికి లేదని స్ట్రిక్ట్ గా పెద్ద వాళ్ళకి మాత్రమే అని చెప్పారు.

ఈ క్రైమ్ థ్రిల్లర్ ప్రేక్షకులను ఆద్యంతం ఉత్కంఠతో ఉంచుతుందని ఇన్సైడ్ టాక్. సినిమాలో విలన్ ని ఎక్సపోజ్ చేసే సీన్ చాలా అద్భుతం గా ఉందని సెన్సార్ బోర్డు సభ్యులు దర్శకుడిని అభినందించినట్లు సమాచారం. అంతే కాకుండా క్లైమాక్స్ లో అడివి శేష్ నటన సినిమాని మరో లెవెల్ కి తీసుకువెళ్ళింది తెలుస్తోంది. చివరిగా హిట్ 3 గురించి దర్శకుడు క్లూ వదిలాడని టాక్.

ఈ చిత్రం లో అడివిశేష్‌కు జోడీగా మీనాక్షీ చౌదరీ నటిస్తుంది. రావురమేష్‌, కోమలి ప్రసాద్‌ కీలకపాత్రల్లో నటిస్తున్నారు. ఈ చిత్రాన్ని వాల్‌ పోస్టర్‌ సినిమాస్‌ బ్యానర్‌పై ప్రశాంత్‌ తిపిరినేనితో కలిసి హీరో నాని నిర్మించాడు. ఈ సినిమా డిసెంబర్ 2న ప్రేక్షకుల ముందుకు రానుంది. ఇప్పటికే ఈ సినిమా ట్రైలర్ చాలా పెద్ద హిట్ అయ్యింది. దాంతో సినిమా ఎలా ఉండబోతోంది అంటూ ప్రేక్షకులు ఎదురు చూస్తున్నారు. ప్రస్తుతం అయితే సినిమా సెన్సార్ టాక్ ఎలా ఉంది. మరి ఇందులో ఎంత వరకు నిజం ఉందో తెలుసుకోవాలి అంటే సినిమా విడుదల అయ్యే అంతవరకు అవ్వాల్సిందే.

దుల్కర్ సల్మాన్, మృణాల్ ఠాకూర్ హీరో, హీరోయిన్స్‌గా హను రాఘవపూడి దర్శకత్వంలో అశ్వనీ దత్ నిర్మించిన లేటెస్ట్ సినిమా సీతారామం. ఆ సినిమాలో సీతామహాలక్ష్మీ‌గా, మరోవైపు ప్రిన్సెస్ నూర్జహాన్‌గా మృణాల్ తన నటనతో ఫిదా చేశారు.

అయితే తాజాగా ముంబై లో జరిగిన ఒక ఫాషన్ ఈవెంట్ లో మృణాల్ పాల్గొని సందడి చేసారు. ఈ ఈవెంట్ లో మృణాల్ బ్లాక్ కలర్ మినీ డ్రెస్ లో వచ్చి అందర్నీ ఆకట్టుకుంది. ఈ లుక్ తో పాటు ఆమె తన హెయిర్ స్టైల్ ని కూడా మార్చడంతో.. ఒక్క సారిగా ఈమె సీతారామం లోని సీత ఏ నా అన్న సందేహం కలుగుతోంది. ఈ లుక్ పై కొందరు ప్రసంశలు కురిపిస్తుండగా.. మరికొందరు ట్రోల్ చేస్తున్నారు.

అయితే సీతారామం తెచ్చిన క్రేజ్ తో మృణాల్ సౌత్ లో ఫేమస్ అయిపోయింది. ఆమె సోషల్ మీడియాలో కూడా ఫాలోవర్స్ పెరిగిపోయారు. అయితే సీతా రామం సినిమాలో సీత పాత్రలో అందంగా కనిపించిన మృణాల్, సోషల్ మీడియాలో మాత్రం కాస్తా హాటుగా, ఘాటుగా ఫోటోలను షేర్ చేస్తోంది. ఇక ఈ ఫోటోలను చూసిన సీతా రామం సినిమా అభిమానులు, నెటిజన్స్ విమర్శిస్తున్నారు.. ఇదేంటీ.. ఇలా ఫోటోలు ఏంటీ.. అని కామెంట్స్ రూపంలో తమ కోపాన్ని వ్యక్తం చేస్తున్నారు. ఇదేంటి ఫోటోలతో మృణాల్ పరువు పోగొట్టుకుంటోందని మరికొందరు అంటున్నారు.

ఇక ఈ భామ నటించిన సీతా రామం విషయానికి వస్తే.. దుల్కర్ సల్మాన్, మృణాల్ ఠాకూర్ హీరో, హీరోయిన్స్‌గా హను రాఘవపూడి దర్శకత్వంలో అశ్వనీ దత్ నిర్మించిన లేటెస్ట్ సినిమా సీతారామం. ప్యాన్ ఇండియా స్థాయిలో వచ్చిన ఈ సినిమాలో రష్మిక మందన్న, తరుణ్ భాస్కర్, సుమంత్ కీలకపాత్రలో నటించారు. ఆగస్టు 5న విడుదలై మంచి విజయాన్ని అందుకుంది. ఈ చిత్రం తర్వాత ఈమెకు ఆఫర్లు బాగా పెరిగినట్లు సమాచారం. కానీ ఇప్పటి వరకు మృణాల్ ఒక్క ప్రాజెక్ట్ కూడా ప్రకటించలేదు.

టాలీవుడ్‌ యంగ్‌ హీరో నితిన్‌ ఫలితంతో సంబంధం లేకుండా వరుసగా సినిమాలు చేస్తుంటాడు. ఇటీవలే ఈయన నటించిన ‘మాచర్ల నియోజకవర్గం’ రిలీజై మిక్స్డ్‌ టాక్‌ తెచ్చుకుంది. మొన్నటి వరకు లవ్‌స్టోరీ సినిమాలు తీసే నితిన్‌.. ఈ సారి తన జానర్‌కు భిన్నంగా పూర్తి స్థాయి సీరియస్‌ కథతో వచ్చి ఫ్లాప్‌ను మూటగట్టుకున్నాడు.

ఈ సినిమాతో ప్రముఖ ఎడిటర్‌ రాజశేఖర్‌ రెడ్డి దర్శకుడిగా పరిచయమయ్యాడు. మాచర్ల నియోజకవర్గం వరల్డ్ వైడ్‌గా ఆగస్టు 12న విడుదలైన సంగతి తెలిసిందే. ఈ సినిమా ఆల్ మోస్ట్ 950 వరకు థియేటర్స్‌లో గ్రాండ్ రిలీజ్‌ను సొంతం చేసుకుంది. ట్రైలర్ అండ్ టీజర్స్‌తో మంచి పాజిటివ్ బజ్‌ను క్రియేట్ చేసుకున్న ఈ సినిమా విడుదలైన తర్వాత మిక్స్డ్ టాక్‌ను తెచ్చుకుంది. ఇదిలా ఉంటే ఈ సినిమా ఓటీటీ రిలీజ్‌ కోసం ప్రేక్షకులు ఎంతగానో ఎదురు చూస్తున్నారు.

ఈ సినిమా ఓటీటీ హక్కులను ‘జీ-5’ సంస్థ దక్కించుకుంది. కాగా ఈ చిత్రాన్ని డిసెంబర్‌ 9 నుండి స్ట్రీమింగ్‌ చేయనున్నట్లు ప్రకటన వచ్చింది. అవుట్‌ అండ్ అవుట్‌ యాక్షన్‌ ఎంటర్‌టైనర్‌గా తెరకెక్కిన ఈ చిత్రంలో నితిన్ గుంటూరు జిల్లా క‌లెక్టర్‌గా కనిపించాడు. కృతిశెట్టి, క్యాథెరీన్ థ్రెసా హీరోయిన్లుగా న‌టించారు.

ప్రస్తుతం నితిన్‌ ఒక కమర్షియల్‌ సక్సెస్‌ కోసం ఎంతగానో ఎదురు చూస్తున్నాడు. భీష్మ తర్వాత నితిన్‌కు ఇప్పటివరకు మరో హిట్‌ లేదు. ఇక నితిన్‌ తన నెక్ట్స్‌ చిత్రాన్ని వక్కంతం వంశీ దర్శకత్వంలో చేయబోతున్నట్లు సమాచారం. మరి ఈ చిత్రంతో అయినా మంచి కంబ్యాక్ ఇస్తాడా లేదా అనేది చూడాల్సి ఉంది.

టాలీవుడ్ యంగ్ రెబల్ స్టార్.. పాన్ ఇండియా హీరో ప్రభాస్ గురించి ప్రత్యేకంగా ప్రేక్షకులకు పరిచయం అవసరం లేదు. ప్రభాస్ ప్రస్తుతం వరుస సినిమాలతో బిజీగా మారాడు. చేతి నిండా బిగ్ ప్రాజెక్టులతో ఉన్నాడు. అయితే టాలీవుడ్ మోస్ట్ ఎలిజిబుల్ బ్యాచ్‌లర్ హీరో ప్రభాస్‌, హీరోయిన్ కృతి సనన్ తో డేటింగ్ లో ఉన్నదంటూ వార్తలు వచ్చిన విషయం తెలిసిందే.

ప్రభాస్ ఆదిపురుష్ సినిమా చేస్తున్న విషయం తెలిసిందే. ఇందులో ప్రభాస్‌కు జంటగా కృతిసనన్ నటిస్తోంది. అయితే ఆదిపురుష్ టీజర్ లాంచ్ లో వీరిద్దరి మధ్య కెమిస్ట్రీ వీరి డేటింగ్ పుకార్లకు ఆజ్యం పోసింది. వీరిద్దరినీ అలా చూసిన ఫ్యాన్స్.. జంట చూడముచ్చటగా ఉంది అంటూ ఫొటోలు, వీడియోలు సోషల్ మీడియాలో షేర్ చేస్తున్నారు.

అయితే తాజాగా మరోసారి ఈ జంట చర్చల్లో నిలిచింది. ప్ర‌స్తుతం వ‌రుణ్ ధావ‌న్‌, కృతి స‌న‌న్ క‌లిసి బేడియా సినిమాలో న‌టించారు. ఆ సినిమాకు సంబంధించిన ఓ ఇంట‌ర్వ్యూలో కృతి స‌న‌న్‌కి కార్తీక్ ఆర్య‌న్‌, టైగ‌ర్ ష్రాఫ్‌, ప్ర‌భాస్‌.. ముగ్గురు హీరోల‌ను ఆప్ష‌న్‌గా ఇచ్చి వీరిలో ఎవ‌రిని పెళ్లి చేసుకుంటావు, ఎవ‌రితో డేటింగ్ చేస్తావు.. ఎవ‌రిని ఫ్ల‌ర్ట్ చేస్తావు అని అడిగారు. దానికి కృతి కార్తీక్ ఆర్య‌న్‌ను ఫ్లర్ట్ చేస్తాన‌ని, టైగ‌ర్ ష్రాప్‌తో డేట్‌కి వెళ‌తాన‌ని, ప్ర‌భాస్‌ని పెళ్లి చేసుకుంటాన‌ని చెప్పింది.

ఇంత‌కు ముందు ప్ర‌భాస్‌, అనుష్క మ‌ధ్య ల‌వ్ ట్రాక్ న‌డిచింద‌ని, వారిద్ద‌రూ పెళ్లి చేసుకుంటారంటూ వార్త‌లు వినిపించిన సంగ‌తి తెలిసిందే. అయితే ఆది పురుష్ త‌ర్వాత ప్ర‌భాస్‌, కృతి స‌న‌న్ మ‌ధ్య ల‌వ్ ఉందంటూ వార్త‌లు వ‌చ్చాయి. వీరిద్దరి మధ్య ఏదో నడుస్తోంది అని ప్రస్తుతం సోషల్ మీడియాలో చర్చ మొదలైంది.

‘ఆదిపురుష్’ విజువల్ ఎఫెక్ట్స్‌పై ఎన్ని ట్రోలింగ్స్ వచ్చినా.. టీజర్‌లో కృతి, ప్రభాస్ కనిపించిన సీన్‌పై మాత్రం చాలా మంది మనసు పారేసుకున్నారు. ఆ విజువల్ చాలా బాగుందంటూ కొనియాడుతున్నారు. ప్రభాస్, కృతి జంట ఆన్‌స్క్రీన్ కెమిస్ట్రీ అదిరిపోయిందని అంటున్నారు. ఈ చిత్రం వచ్చే ఏడాది జూన్‌లో ప్రేక్షకుల ముందుకి రానుంది.