Filmy Adda

సుడిగాలి సుధీర్ అంటే తెలియని వాళ్లుండరు. ప్రేక్షకులకి వివిధ షోల ద్వారా కనెక్ట్ అయ్యి పోయాడు సుడిగాలి సుధీర్. పైగా కామెడీ తో, నటన తో, ట్యాలెంట్ తో బుల్లి తెర పవర్ స్టార్ గా మారిపోయాడు. ఎప్పుడు ఏదో ఒక షో లో కనపడుతూ వుండే సుడిగాలి సుధీర్ ఈ మధ్యన కాస్త దూరం అయ్యిపోయాడు.

హాస్యాన్ని పండిస్తూ జబర్దస్త్ లో టీం లీడర్ గా కూడా వ్యవహరించాడు. మల్టీ టాలెంటెడ్ అయిన సుధీర్ కి ఫ్యాన్స్ కూడా ఎక్కువే. పెద్ద పెద్ద స్టార్ హీరోలు కూడా సుధీర్ ని మెచ్చుకున్నారు.

కేవలం బుల్లితెరకే అంకింతం అయ్యి పోకుండా సుడిగాలి సుధీర్ వెండితెర లో కూడా అడుగు పెట్టాడు. వెండితెర లో కూడా మంచి పేరు తెచ్చుకున్నాడు సుధీర్. ఫస్ట్ సుధీర్ చిన్న క్యారెక్టర్స్ చేసాడు.. తరవాత మంచి పాత్రలు కూడా వచ్చాయి. సాఫ్టువేర్ సుధీర్ సినిమాలో హీరోగా చేసాడు.

ఈ చిత్రం కూడా బాగా ప్రేక్షకులని మెప్పించింది. అలానే సుధీర్ జబర్దస్త్ తో పాటుగా ఢీ, శ్రీ దేవి డ్రామా కంపెనీ షో కి కూడా వచ్చేవాడు. కానీ ఈ మధ్య వీటిలో కూడా సుధీర్ కనపడడం లేదు. ఆ తరవాత సుధీర్ ఓ షో లో యాంకరింగ్ చేశాడు. ఇది ఈ మధ్య పూర్తి కావడం తో అక్కడ కూడా కనపడడం లేదు.

ఇక ఇది ఇలా ఉంటే ఓ మ్యూజిక్ షో లో వచ్చేవాడు సుధీర్. కానీ అది అయ్యాక ఇప్పుడు ఎక్కడ కనపడడం లేదు. అయితే ఇప్పుడు సుడిగాలి సుధీర్ జాడే లేదు. దాంతో చాలా మంది సుధీర్ జబర్దస్త్ వదిలేసి వెళ్లిపోవడం పొరపాటు ఏమో, ఒకవేళ షోలో ఉంటే సుధీర్ కూడా ఇప్పుడు కనిపిస్తూ ఉండేవారు అని అంటున్నారు. ఇప్పుడు కనిపించట్లేదు కాబట్టి అసలు సుదీర్ ఏమైపోయారు అని అని అనుకుంటున్నారు అని అంటున్నారు. మరి ఇప్పటి నుండి అయినా సుడిగాలి సుధీర్ ఏదైనా షో కి వస్తాడా..? లేదా అనేది చూడాలి. నిజంగా సుడిగాలి సుధీర్ మంచి ఎంటర్టైన్మెంట్ ఇస్తాడు. సుడిగాలి సుధీర్ ఏదైనా షో కి వచ్చి ఎప్పటిలానే అలరిస్తాడో లేదా అనేది ఇప్పటికి ప్రస్నార్ధకమే.

టాలీవుడ్ లో రియల్ స్టార్ శ్రీహరికి ఉండే ఇమేజ్ గురించి ప్రత్యేకంగా చెప్పాల్సిన అవసరం లేదు. హీరోగా విలన్ గా క్యారెక్టర్ ఆర్టిస్ట్ గా ఎన్నో సినిమాలు చేసాడు ఆయన. ఆయన సతీమణి డిస్కో శాంతి కూడా వందల సినిమాల్లో నటించారు.

శ్రీహరి నటించిన దేవా, సాంబయ్య, పోలీస్, భద్రాచలం వంటి సినిమాలతో తిరుగులేని విజయాలు సాధించారు. రియల్ స్టార్ ఇమేజ్ తో ఆయనకు మంచి ఆఫర్ లే వచ్చాయి. అలాగే సహాయ నటుడిగా కూడా అనేక చిత్రాల్లో నటించాడు.పాత్ర ఏదైనా అందులో ఒదిగిపోయి ఆ పాత్రకు న్యాయం చేయగల నటుడు శ్రీహరి.

ఆయన 1996 లో డిస్కో శాంతిని ప్రేమ పెళ్లి చేసుకున్నారు. అప్పుడు సౌత్ ఇండియా లో ఆమె టాప్ ఆర్టిస్ట్. ఐటెం సాంగ్స్ అంటే ఆమె పేరు ఇప్పటికీ గుర్తుకు వస్తుంది. స్టార్ కపుల్ గా వీళ్ళకు చాలా మంచి ఇమేజ్ ఉంది.
ఆయన చనిపోయి ఇప్పటికీ దాదాపు 9 ఏళ్ళు కావస్తున్నా కూడా ఆయనకు సంబంధించిన జ్ఞాపకాలు ఇప్పటికీ కళ్ళ ముందు మెదులుతూనే ఉన్నాయి. ఇటీవల ఒక టీవీ ఛానల్ కు ఇంటర్వ్యూ ఇచ్చిన ఆమె పలు విషయాలు పంచుకున్నారు.

శ్రీహరి మరణం ఒక్కసారిగా ఆయన కుటుంబాన్ని కష్టాల్లోకి నెట్టేసింది.తాజాగా ఇంటర్వ్యూలో భాగంగా డిస్కో శాంతి మాట్లాడుతూ.. నా భర్త శ్రీహరి చనిపోయిన తర్వాత ఆర్థిక ఇబ్బందులు ఎక్కువయ్యాయి. “మాకు రెమ్యున‌రేష‌న్స్ క‌రెక్ట్‌గా వ‌చ్చుంటే నేను మ‌రో 10 ఇళ్లు కొని ఉండేదాన్ని. బావ (శ్రీహ‌రి) చ‌నిపోయిన త‌ర్వాత ఇప్పుడున్న ఇంటిపై అప్పులుంటే న‌గ‌ల‌న్నీ అమ్మేసి తీర్చేశాను. అలాగే కార్లంటినీ అమ్మేశాను. చిరంజీవిగారి సంస్థ స‌హా మ‌రో రెండు, మూడు సంస్థ‌లే శ్రీహ‌రిగారికి రెమ్యున‌రేష‌న్‌ను క‌రెక్ట్‌గా ఇచ్చారు. చాలా మంది డ‌బ్బులు ఇవ్వ‌కుండా మోసం చేశారు. మా పెద్ద అబ్బాయి హీరో గా చేసినా కూడా కష్టాలు తీరలేదు.

అయితే బావ‌కి సినిమా అంటే పిచ్చి. డ‌బ్బులు ఇవ్వ‌క‌పోయినా సినిమాలు చేయ‌మ‌ని చెప్పేదాన్ని. 40-50 ఏళ్లు వ‌చ్చినా తండ్రిగానో, అన్న‌గానో ఏదో ఒక వేషం వ‌స్తుందిలే.. ఆయ‌న కూడా చేస్తార‌నే ఉద్దేశంతో నేను కూడా ఎప్పుడు వ‌ద్ద‌ని చెప్ప‌లేదు.”

మ‌ధ్య‌లో ఓసారి బాల‌కృష్ణ‌గారు ఫోన్ చేశారు. ఆయ‌న‌క‌లా ఫోన్ చేయాల్సిన అవ‌స‌ర‌మే లేదు. ఆయ‌న సినిమాలో, బావ ఏదో ఒక క్యారెక్ట‌ర్ చేశార‌ట‌. దాని కోసం బాల‌కృష్ణ‌గారు ఫోన్ చేసి ‘శాంతిగారు ఇలా శ్రీహ‌రిగారు మా సినిమాలో ఓ క్యారెక్ట‌ర్ చేశారు. దానికి సంబంధించి ఏమైనా డ‌బ్బులు బ్యాలెన్స్ ఉన్నాయా!. ఏమైనా సాయం కావాలా’ అని అడిగారు. బావ చనిపోయిన తర్వాత ఆయన యాక్ట్ చేసిన సినిమాలు రిలీజ్ అయ్యాయి. కానీ బాల‌కృష్ణ‌లా ఎవ‌రూ కాల్ చేయ‌లేదు’’ అన్నారు శాంతి శ్రీహరి.
కోట్లు సంపాదించినా సరే అనేక సేవా కార్యక్రమాలతో శ్రీహరి ఆస్తులు పోగొట్టుకున్నారు. ఇప్పుడు తమ కుటుంబం చెన్నై లో నివాసం ఉంటుందని డిస్కో శాంతి పేర్కొన్నారు.

టాలీవుడ్ లో కమెడియన్ గా, నిర్మాతగా మాత్రమే కాకుండా వక్తగా కూడా బండ్ల గణేష్ కి మంచి గుర్తింపు ఉంది. పవర్ స్టార్  పవన్ కళ్యాణ్ ప్రీ రిలీజ్ ఈవెంట్లలో బండ్ల గణేష్ చేసే హడావుడి అందరికీ తెలిసిందే. బండ్ల గణేష్ స్పీచ్ లకి సైతం అభిమానులున్నారు.

ట్విట్టర్ లో యాక్టివ్ గా ఉండే బండ్ల గణేష్ పలు సందర్భాల్లో వివాదాస్పద ట్వీట్లు చేయడం ద్వారా వార్తల్లో నిలిస్తుంటాడు. మరికొన్ని రోజుల్లో రవితేజ నటించిన రామారావ్ ఆన్ డ్యూటీ థియేటర్లలో విడుదలవుతున్న సంగతి తెలిసిందే. ఈ సినిమాలో తొట్టెంపూడి వేణు కీలక పాత్రలో నటించారు.

ఈ పాత్రకు డబ్బింగ్ చెప్పాలని దర్శకుడు శరత్ మండవ బండ్లను సంప్రదించినట్టు సమాచారం. శరత్ మండవ ఒక్కరోజు వర్క్ అని చెప్పగా బండ్ల గణేష్ డబ్బింగ్ చెప్పాలంటే 5 లక్షల రూపాయలు ఇవ్వాలని కోరినట్టు సమాచారం. బండ్ల చెప్పిన అమౌంట్ విని షాకవ్వడం దర్శకుడి వంతైందట. అయితే ఈ విషయం తెలిసి వేణుకి బండ్ల గణేష్ వాయిస్ సూట్ అయ్యే ఛాన్స్ లేదని డైరెక్టర్ ఎందుకు ఆ విధంగా ఆలోచించాడో అని నెటిజన్ల నుంచి కామెంట్ చేస్తున్నారు.

మూవీ రిలీజ్ డేట్ దగ్గర పడుతుండటంతో చిత్ర బృందం ప్రమోషన్లలో వేగం పెంచింది. రవితేజ సినిమా ఖిలాడీ ఫ్లాప్ అయినా రామారావ్ ఆన్ డ్యూటీ సినిమా హక్కులు రికార్డ్ రేటుకు అమ్ముడయ్యాయని తెలుస్తోంది. ఇప్పటికే విడుదలైన ట్రైలర్ ఈ సినిమాపై అంచనాలను పెంచింది. ప్రస్తుతం రవితేజ ధమాకా, టైగర్ నాగేశ్వరరావు వంటి సినిమాలతో బిజీగా ఉన్నాడు. అలాగే చిరంజీవి నటించే సినిమాలో కూడా రవితేజ నటించనున్నాడు.

ఇవి కూడా చదవండి: “రంగ రంగ వైభవంగా” సినిమా నెగిటివ్ టాక్‌కి… కారణం అయిన 5 విషయాలు ఇవేనా..?

ప్రియా ప్రకాష్ వారియర్… ఒకే ఒక్క కన్ను గీటుతో దేశ వ్యాప్తంగా అభిమానుల్ని సంపాదించుకుంది ఈ మలయాళీ భామ. ఆమె అదృష్టం అలా కుదిరినా.. తర్వాత ఆమె నటించిన ‘ఒరు అదార్ లవ్’ బాక్సాఫీస్ దగ్గర పెద్దగా ఆకట్టుకోలేక పోయింది.

ఇక ఆ తర్వాత కూడా ఈ భామ నటించిన సినిమాలు పెద్దగా ఆకట్టుకోలేకపోయాయి. దీంతో అవకాశాలు పూర్తిగా తగ్గాయి. ఇక అది అలా ఉంటే సోషల్ మీడియాలో యాక్టివ్‌గా ఉండే ఈ భామ తాజాగా కొన్ని ఫోటోలను పంచుకున్నారు. వైరల్ గా మారిన ఈ ఫోటోలను చూసి ఆమె అభిమానులు షాక్ అవుతున్నారు.

ఒక్కసారి కన్ను గీటటంతో ఫేమస్ అయిన ఈ బ్యూటీ ఇప్పుడు గుర్తు పట్టలేనంతగా మారిపోయింది. ఈమె లేటెస్ట్ గా సోషల్ మీడియా లో పోస్ట్ చేసిన కొన్ని ఫోటోలు చూసి.. ప్రియా వారియర్ ఏంటి ఇలా అయిపోయింది.. అంటూ నెటిజన్లు చర్చించుకుంటున్నారు.

వింక్ గర్ల్ గా గుర్తింపు పొందిన ఈ కేరళ కుట్టి… చిన్నప్పుడే క్లాసికల్ డాన్స్ నేర్చుకుంది. వెండితెరపై ఓ వెలుగు వెలగాలనే ఆశతోనే సినిమా ఇండస్ట్రీలోకి వచ్చిన ప్రియా వారియర్… సోషల్ మీడియాలో 7.1 మిలియన్ ఫాలోవర్స్‌తో చక్కటి ఫ్యాన్ ఫాలోయింగ్‌ను సంపాదించుకుంది.

మోడలింగ్ చేస్తూ… బ్యూటీ పేజెంట్స్‌లో ర్యాంప్ వాక్‌తో కట్టిపడేస్తోంది. అది అలా ఉంటే.. తెలుగు లో ప్రియా, నితిన్ సరసన ‘చెక్’ సినిమాతో పలకరించింది. అయితే ఈ సినిమా పెద్దగా ఆకట్టుకోలేకపోయింది. టాలెంటెడ్ డైరెక్టర్ చంద్ర శేఖర్ యేలేటి దర్శకత్వంలో వహించిన ఈ సినిమా బాక్సాఫీస్ దగ్గర తేలిపోయింది. దీంతో తెలుగులో పాగా వేయాలనుకున్న ప్రియా వారియర్ ఆశలకు ఈ సినిమా బ్రేకులు వేసింది. ఆ తర్వాత తేజ సజ్జ తో ఒక సినిమా చేసిన ఆశించిన ఫలితం రాలేదు.

2018లో ‘నీ వానం నాన్ మఝాయ్’ రిలీజ్‌కి ముందే క్రేజీ స్టార్ డమ్ తెచ్చుకున్న ఈ బ్యూటీకి… సిల్వర్ స్క్రీన్ మాత్రం కలిసిరావడం లేదు. 2018లో రావాల్సిన ‘శ్రీదేవీ బంగ్లా’ సినిమాపై కోర్టు కేసుల్లో చిక్కుకుంది. 2019లో ఒరు ఆదార్ లవ్‌తో పలకరించినా… అదీ మెప్పించలేదు. ప్రస్తుతం ప్రియా ప్రకాష్ ఓ రెండు హిందీ చిత్రాలతో పాటు ఓ మలయాళీ చిత్రంలో నటిస్తున్నారు.

సినిమాల్లో ప్రేమ కథలు నిజ జీవితానికి చాలా దూరంగా ఉంటాయి అని అనుకుంటాం. ఇద్దరు ప్రేమించుకోవడం తర్వాత వాళ్ళ ఇంట్లో వాళ్ళు ఒప్పుకోకపోవడం. అప్పుడు ఇద్దరూ కలిసి ఎక్కడికైనా పారిపోయి పెళ్లి చేసుకోవడం. కొద్ది రోజులకి పెద్దలు వాళ్ళని అంగీకరించడం. ఇదంతా సినిమా కథ లాగా ఉంది కదా? కానీ ఒక ప్రముఖ వ్యక్తి ప్రేమకథ మాత్రం పైన చెప్పిన విధంగానే జరిగింది. ఆయన ఎవరో కాదు గాన గంధర్వుడు లెజెండరీ శ్రీ ఎస్.పి.బాలసుబ్రమణ్యం గారు.

ఎన్నో సంవత్సరాల నుండి ఆయన గాత్రంతో, హోస్టింగ్ తో, నటనతో ఇలా ఎన్నో విధాలుగా మనల్ని అలరించిన బాలుగారు, రెండు తెలుగు రాష్ట్రాల్లో మాత్రమే కాకుండా దేశవ్యాప్తంగా ఎన్నో కుటుంబాల్లో ఒక వ్యక్తిగా కలిసిపోయారు. ప్రతివారికి బాలు గారిని చూస్తే మన బాలు గారు అనిపిస్తుంది. అలా ఎన్నో జనరేషన్స్ కి చేరువయ్యారు.

అందుకే ఆయన ఇంక లేరు అనే విషయాన్ని ఇప్పటికి కూడా  జీర్ణించుకోలేకపోతున్నాము. ఇప్పటికి కూడా చాలామంది రోజు బాలు గారి పాటతోనే నడుస్తుంది. ఆయన పాటలన్నీ ఇప్పుడు జ్ఞాపకాలు అయ్యాయి అని అనుకోవడానికే కష్టంగా అనిపిస్తుంది. అలా మనందరికీ చేరువైన బాలు గారు తన వ్యక్తిగత విషయాల గురించి చాలా తక్కువగా మాట్లాడారు. ఆయన వ్యక్తిగత జీవితంలో ఒక భాగమైన బాలుగారి ప్రేమ కథ ఇప్పుడు తెలుసుకుందాం.

బాలు గారిది ప్రేమ వివాహం అనే విషయం చాలా మందికి తెలియదు. బాలు గారు తన బంధువైన సావిత్రి గారిని ప్రేమించి పెళ్లి చేసుకున్నారు. బంధువు అయినంత మాత్రాన వాళ్ళ ఇద్దరి ఇళ్ళల్లో కచ్చితంగా అంగీకారం తెలిపే ఉంటారు అని అనుకుంటాం. నిజానికి బాలు గారి ఇంట్లో, సావిత్రి గారి ఇంట్లో వాళ్ళ ఇద్దరి పెళ్ళికి అస్సలు ఒప్పుకోలేదు. అందుకు కారణం ఇద్దరి గోత్రాలు ఒకటే అవ్వడం. దాంతో వాళ్లు ఎంతో ఒప్పించడానికి ప్రయత్నించినా ఫలితం లేకపోయింది.

సావిత్రి గారి తల్లిదండ్రులు ఆవిడని మద్రాసు నుండి బెంగళూరుకి తీసుకెళ్లిపోయారు. కానీ బాలు గారు మాత్రం ఎలాగైనా సావిత్రి గారిని పెళ్లి చేసుకొని తీరాలి అని నిర్ణయించుకున్నారు. ఒకరోజు స్నేహితుడి కారు తీసుకుని బెంగళూరు లో ఉన్న సావిత్రి గారి ఇంటికి వెళ్లారు. బాలు గారు సావిత్రి గారి తో ముందే అన్ని చెప్పడం వల్ల అప్పటికే గేటు దగ్గర సిద్ధంగా ఉన్నారు సావిత్రి గారు.

అక్కడి నుండి సావిత్రి గారు, బాలు గారు కలిసి మద్రాస్ వెళ్లిపోయారు. మద్రాసు నుండి మెయిల్ లో విశాఖపట్నానికి అక్కడి నుండి సింహాచలం కి చేరుకున్నారు. సింహాచలం నరసింహ స్వామి సమక్షంలో బాలు గారు సావిత్రి గారు పెళ్లి చేసుకున్నారు.

మూడు రోజుల తర్వాత తిరిగి మద్రాస్ కి వచ్చి ఒక హోటల్లో ఉండసాగారు. అక్కడి నుండే బాలుగారు పాటల రికార్డింగ్ లకి వెళ్లి వచ్చే వారు. కొంతకాలం తర్వాత వాళ్ళు ఉన్న హోటల్ కి ఇద్దరి తల్లిదండ్రులు వచ్చి బాలు గారిని, సావిత్రి గారిని ఆశీర్వదించారు. మొదటి సంతానం పల్లవి పుట్టేవరకూ బాలు గారి పరిస్థితి అంతంత మాత్రంగానే ఉండేదట.

తర్వాత రెండోసారి గర్భవతిగా ఉన్నప్పుడు సావిత్రి గారు బెంగళూరు వెళ్తున్నప్పుడు మధ్యలోనే నొప్పులు రావడంతో అరక్కోణం రైల్వే ఆసుపత్రిలో డెలివరీ అయింది. రెండో సంతానం చరణ్.

పల్లవి, చరణ్ ఇద్దరూ గాయకులే. ప్రేమికుడు సినిమా లోని అందమైన ప్రేమ రాణి పాట పాడింది పల్లవి నే. చరణ్ కూడా ఎన్నో పాటలు పాడారు, చాలా తమిళ సినిమాల్లో నటించారు, అంతే కాకుండా జాతీయ స్థాయిలో గుర్తింపు పొందిన అరణ్య కాండం సినిమాని నిర్మించారు చరణ్. ఇది ఎస్పీ బాలు, సావిత్రి గారి లవ్ స్టోరీ. వాళ్ల ప్రేమ కథ చదివితే అచ్చం సినిమాల్లో చూసే ప్రేమకథ లానే అనిపిస్తోంది కదా?

రెండు, మూడు సార్లు వాయిదా పడిన తర్వాత లవ్ స్టోరీ సినిమా చివరికి థియేటర్లలో విడుదల అయ్యింది. సినిమా బృందం కూడా ముందు నుంచి చాలా కాన్ఫిడెంట్ గా ఉన్నారు. ఈ సినిమా థియేటర్లలో చూడవలసిన సినిమా అని, అది కూడా కేవలం యూత్ మాత్రమే కాకుండా, కుటుంబం అంతా చూడాల్సిన సినిమా అని చెప్పారు.

ఈ సినిమాలో కొన్ని ముఖ్యమైన అంశాల గురించి మాట్లాడారు. ఇలాంటి అంశాలను తెరపై చూడటం మనకి కొంచెం కొత్తగా అనిపిస్తుంది.

ఈసారి “లవ్ స్టోరీ” తో శేఖర్ కమ్ముల సినిమా ప్రియులకి ఓ అద్భుతమైన అనుభూతిని మిగిల్చారని చెప్పాలి. అసలు ఈ సినిమా లో హీరో గా నాగచైతన్యను తీసుకోవాలి అని అనుకోలేదట. స్క్రిప్ట్ పూర్తి కాకముందే ఎవరైనా కొత్త హీరోలను తీసుకుంటే బాగుంటుంది అని శేఖర్ కమ్ముల భావించారట. కొత్తవాళ్లను పరిచయం చేస్తూ దాదాపు మూడొంతుల సినిమా ను పూర్తి చేశారట.

అయితే ఫుటేజీ చూసుకున్న తరువాత శేఖర్ కమ్ములకు అంత సంతృప్తి గా అనిపించకపోవడం తో ఎవరైనా తెలిసున్న వారిచేతే చేయిస్తే బాగుంటుంది అని అనుకున్నారు. అప్పటికి మెగా హీరో వైష్ణవ్ తేజ్ “ఉప్పెన’ తో ఫామ్ లో ఉన్నారు. దీనితో శేఖర్ కమ్ము ఆయనను సంప్రదించారు. వైష్ణవ్ తేజ్ కూడా మొదట శేఖర్ కమ్ముల తో నటించడానికి ఆసక్తి కనబరిచారు.

కానీ, తర్వాత ఆలోచిస్తే ఉప్పెన కూడా ప్రేమ కథ చుట్టూనే రూపొందింది. తిరిగి రెండో సినిమా కూడా అదే జోన్ లో వెళ్లడం సరికాదని వైష్ణవ్ తేజ్ భావించారు. అందుకే.. ఆయన సున్నితం గా శేఖర్ కమ్ముల ఆఫర్ ను తిరస్కరించారట. ప్రస్తుతం వైష్ణవ్ తేజ్ కొండపోలం సినిమా రిలీజ్ కోసం ఆసక్తి గా ఎదురుచూస్తున్నారు. ఈ సినిమా తప్పకుండ విజయం సాధిస్తుందని ఆశిస్తున్నారు.