Filmy Adda

తెలుగు యాంకర్ గా సుమ కు ఎంతటి పేరు ప్రఖ్యాతలు ఉన్నాయో ప్రత్యేకం గా చెప్పాల్సిన అవసరం లేదు. ఆమె వాక్చాతుర్యం, ప్రతిభ ఆమెను ఇంత స్టేజి పై నిలబెట్టాయి. హీరోయిన్లకు సమానం గా సంపాదించగలిగే ఆమె పై వచ్చే రూమర్లు అన్ని ఇన్ని కావు. వాటిని ఆమె చిరునవ్వుతోనే ఎదుర్కొంటారు. అయితే.. అన్నిటికంటే ఎక్కువ గా స్ప్రెడ్ అయిన రూమర్ ఆమె రాజీవ్ విడిపోతున్నారంటూ వార్తలు రావడమే.

ఈ విషయమై ఆమె భర్త రాజీవ్ కనకాల క్లారిటీ ఇచ్చేసారు. 2018 వరకు రాజీవ్ కనకాల తన తల్లితండ్రులు, సుమ అందరు కలిసే ఉన్నారట. కానీ ఆ తరువాత రాజీవ్ తల్లిగారు మరణించాక.. తండ్రి గారు దేవదాస్ కనకాల ఒక్కరే మణికొండ లోని ఇంట్లో ఉండిపోయారట.

ఆయనను కూడా సుమ, రాజీవ్ ఉంటున్న ఫ్లాట్ కు తీసుకురావాలని అనుకున్నా.. ఆయన లైబ్రరీ ఎక్కువ గా ఉండడం.. అవి అన్ని షిఫ్ట్ చేయడానికి పాజిబుల్ కాకపోవడం తో రాజీవ్ కొంత కాలం పాటు తండ్రితోనే ఉన్నారట. అసలు విషయం తెలుసుకోకుండా వారిద్దరూ విడిపోయారు అంటూ వార్తలు వచ్చాయని.. వాటిల్లో నిజం లేదని రాజీవ్ కనకాల క్లారిటీ ఇచ్చారు.

కత్తి కార్తీక పాపులర్ టీవీ యాంకర్ , బిగ్  బాస్ సీజన్లో 1 కంటెస్టెంట్ కాంగ్రెస్ పార్టీ లోకి అడుగుపెట్టబోతున్నారు. ఇటీవలే కార్తీక టి .పి .సి .సి చైర్మన్ మధు యాష్కీ గౌడ్ ని కలిసి తనకు పార్టీ పై ఉన్న ఆసక్తిని గురించి చర్చించారు . 2020 నవంబర్ దుబ్బాక బై ఎలక్షన్స్ లో పోటీ చేసి ప్రచార కార్యక్రమాల్లో కూడా పాల్గొని చివరికి ఓటమిని చవిచూసారు .

ఏదైనా ఒక రాజకీయ పార్టీ సపోర్ట్ ఉంటె మంచిది అని భావించిన కార్తీక కాంగ్రెస్ పార్టీలోకి చేరుటకు ఆసక్తి కనబరుస్తున్నారు. కత్తి కార్తీక కాంగ్రెస్ లోకి చేరటం ఒకరకం గా తెలంగాణ రాజకీయాల్లో ఆందోళన కలుగచేస్తోంది. టి ఆర్ ఎస్ కీలకనేత , డిప్యూటీ స్పీకర్ పద్మారావు కు బంధువు కావటం గమనార్హం. కత్తి కార్తీక త్వరలో కాంగ్రెస్ కండువా వేసుకోనున్నారు..

సినీ నటి జయంతి గారి మృతిపై నందమూరి బాలకృష్ణ ప్రగాఢ సంతాపం వ్యక్తం చేశారు. జయంతి గారు, బాలకృష్ణతో, అలాగే నందమూరి తారక రామారావు గారితో కూడా కొన్ని సినిమాల్లో నటించారు. బాలకృష్ణ మాట్లాడుతూ “జయంతి గారు గొప్ప నటి. అప్పటి నుంచి ఇప్పటి వరకు అనేక తరాలతో కలిసి పని చేసిన సీనియర్ నటీమణి. నాన్నగారి జగదేకవీరుని కథ సినిమా ద్వారా వెండితెరకు పరిచయమై, తర్వాత కులగౌరవం, కొండవీటి సింహం, జస్టిస్ చౌదరి వంటి అజరామరమైన చిత్రాల్లో కలిసి నటించారు”.

“నేను హీరోగా నటించిన అల్లరి కృష్ణయ్య, ముద్దుల మేనల్లుడు, తల్లితండ్రులు వంశానికొక్కడు చిత్రాల్లో మంచి పాత్రలు పోషించారు. దక్షిణాది భాషలతో పాటు హిందీలో కూడా సినిమాలు చేశారు. ప్రేక్షకులు అందరి మన్ననలు అందుకున్నారు. ఆమె మరణం భారతీయ చిత్ర పరిశ్రమకు పెద్ద లోటుగా భావిస్తున్నాను. ఆమె కుటుంబ సభ్యులకు భగవంతుడు ఆత్మ స్థైర్యాన్ని, ధైర్యాన్ని ఇవ్వాలని కోరుకుంటున్నాను” అని అన్నారు.

ఆర్ఆర్ఆర్ సినిమా బృందం ఇవాళ మరొక అప్డేట్ విడుదల చేసింది. అదేంటంటే ఈ సినిమా ఆడియోకి సంబంధించిన హక్కులను లహరి మ్యూజిక్ సంస్థ చేసుకుంది. హిందీ ఆడియోకి సంబంధించిన హక్కులను టీ సిరీస్ సొంతం చేసుకుంది. అయితే ఇప్పటికే సంగీత దర్శకులు కీరవాణి గారు ఈ సినిమా పాటలు రికార్డ్ చేసే పనిలో ఉన్నారు.

ఇటీవల బాలీవుడ్ మ్యూజిక్ డైరెక్టర్ అయిన అమిత్ త్రివేది తో ఒక పాటని రికార్డ్ చేశారు కీరవాణి గారు. ఆ పాటని అమిత్ త్రివేది తో కలిసి రియా ముఖర్జీ పాడారు. నిన్న తమిళ్ మ్యూజిక్ డైరెక్టర్ అనిరుధ్ తో కలిసి ఈ సినిమాకి సంబంధించిన ఒక మ్యూజిక్ సెషన్ చేశారు కీరవాణి గారు. దీనికి సంబంధించి “అనిరుధ్ తో పనిచేయడం చాలా ఆనందంగా ఉంది” అని చెప్పారు కీరవాణి గారు.

Glad to acquire the music rights of India’s Biggest Action Drama, @SSRajamouli’s @RRRMovie 🤩🔥🌊

An @mmkeeravaani Musical

🎶 on @TSeries & @LahariMusic#RRRAudioOnTseriesLahari@tarak9999 @AlwaysRamCharan @ajaydevgn @aliaa08 pic.twitter.com/6ZFlL613fa

— LahaRRRi Music (@LahariMusic) July 26, 2021

ఇక సినిమా షూటింగ్ విషయానికొస్తే ఇటీవల హీరోయిన్ అలియా భట్ షూటింగ్ లో పాల్గొన్నారు. అంతే కాకుండా జూనియర్ ఎన్టీఆర్, రామ్ చరణ్, రవితేజ, ప్రభాస్ మీద ఒక ప్రమోషనల్ సాంగ్ ఉంది అనే వార్త వినిపిస్తోంది. ఇది ఆగస్ట్ లో విడుదల అవుతుంది అని అంటున్నారు. మరి ఇది ఎంతవరకు నిజమో తెలియాలి అంటే సినిమా బృందం అధికారికంగా ప్రకటించేంత వరకు ఆగాల్సిందే. ఈ సినిమా అక్టోబర్ 13వ తేదీన థియేటర్లలో విడుదల అవ్వబోతోంది.