Filmy Adda

ప్రతి మనిషి పొరపాటు చేయడం అనేది సహజం. దర్శకులు కూడా అప్పుడప్పుడు చిన్న చిన్న పొరపాట్లు చేస్తుంటారు. వాటిని మనం సినిమా విడుదలైనప్పుడు అంత పట్టించుకోము కానీ, ఎప్పుడైనా తర్వాత మళ్లీ ఆ సినిమా చూసినప్పుడు “అరే ఇది పొరపాటు కదా” అని అనిపిస్తుంది.

అలా రాజా రాణి సినిమాలో కూడా కొన్ని పొరపాట్లు ఉన్నాయి. సినిమా వచ్చి ఏడు సంవత్సరాలు అయింది, కానీ పైన చెప్పినట్టుగా ఎప్పుడైనా అంటే అది ఎన్ని సంవత్సరాల తర్వాత అయినా కానీ మళ్లీ సినిమా చూసినప్పుడు మాత్రమే ఇలాంటివి గమనిస్తాం.

# మొదటి పొరపాటు ఏమిటంటే నయనతార ఫ్లాష్ బ్యాక్ ఎపిసోడ్ లో, జై, నయనతార ని మొదటి సారి చూసేది 2008 న్యూ ఇయర్ పార్టీ లో.

కానీ తర్వాత నయనతార క్లాస్ లో ఫోన్ మాట్లాడుతున్నప్పుడు వాళ్ల లెక్చరర్ బయటకు వెళ్ళమని చెప్తారు. అప్పుడు బోర్డు మీద 2007 వ సంవత్సరం అని రాసి ఉంటుంది.

# ఇంకొకటి ఏంటంటే, ఈ సినిమా లో జై వాడే ఫోన్ నోకియా x2 – 02. కానీ ఈ మోడల్ ఫోన్ 2011లో అనౌన్స్ చేశారు.

# ఇప్పుడు చెప్పబోయేది పూర్తిగా తప్పు అని అనలేము. కింద కనిపించే సీన్ గమనించండి. ఇందులో నంబర్ ప్లేట్ నెంబర్ TN 10 W 6516 అని ఉంది.

ఇపుడు ఈ నెంబర్ ప్లేట్ మీద ఉన్న నెంబర్ చూడండి. అదే నెంబర్ TN 10 W 6516 ఉంది.

ఇది పొరపాటు కాదు కానీ, అదే ప్రాపర్టీ ని మళ్ళీ ఉపయోగించారు. ఇందులో తప్పు లేదు. కానీ రెండు వేరు వేరు ఎపిసోడ్స్ లో ఈ పాయింట్ ఉండడం వల్ల కొంచెం ఫోకస్ వెళ్తుంది అంతే. ఒకటి జై తో నయనతార ఫ్లాష్ బ్యాక్ సన్నివేశం. మరొకటి ఆర్య నజ్రియా ఫ్లాష్ బ్యాక్ సన్నివేశం.

మనం ఇలా మాట్లాడుకుంటూ వెళ్తే ఈ ఒక్క సినిమా ఏంటి? ఎన్నో సినిమాల్లో ఎన్నో చిన్న చిన్న పొరపాట్లు కనిపిస్తాయి. ఇలా సినిమాల్లో పొరపాట్లు జరగడానికి కొన్ని కారణాలు ఉంటాయి. ఒకటి ఏంటంటే ఒక దానికి సంబంధించిన సన్నివేశాలను ఒకటే రోజు చిత్రీకరించరు. వాళ్ల సమయాన్ని బట్టి, షెడ్యూల్ ని బట్టి సీన్స్ షూట్ చేస్తారు. కాబట్టి ఒకవేళ ఒక సీన్ ఎక్కువ రోజులు షూట్ చేస్తే, యాక్టర్స్ ఒకటే గెటప్ లో ఎక్కువ రోజులు ఉండాల్సి వస్తే అప్పుడు బహుశా ఇలాంటి పొరపాట్లు జరుగుతాయి.

మన డైరెక్టర్లు తమ మొదటి సినిమాకి దర్శకత్వం వహించే ముందు ఎన్నో శాఖలలో పని చేస్తారు. ప్రతి ఒక్కరూ ఒక పర్టిక్యులర్ వయసులో మాత్రమే కెరీర్ మొదలు పెట్టాలి అని రూలేమీ లేదు. అంతే కాకుండా అందరికీ ఒకటే వయసులో అవకాశం రావాలని కూడా లేదు. ఒక రకంగా చెప్పాలంటే ఏజ్ ఒక నెంబర్ మాత్రమే.

అలా మన దర్శకులు కూడా ఒక్కొక్కరు, ఒక్కొక్క వయసులో తమ మొదటి సినిమాకి దర్శకత్వం వహించారు. అలా వాళ్ళ మొదటి ఫీచర్ ఫిలిం కి దర్శకత్వం వహించినప్పుడు మన ఇండస్ట్రీలో కొంతమంది డైరెక్టర్ల వయసు ఎంతో ఇప్పుడు చూద్దాం.

#1 త్రివిక్రమ్ శ్రీనివాస్

త్రివిక్రమ్ 1971 లో పుట్టారు. డైరెక్టర్ గా మొదటి సినిమా 2002 లో వచ్చిన నువ్వే నువ్వే. అంటే ఆ సినిమా టైంకి త్రివిక్రమ్ వయసు 31 సంవత్సరాలు.

#2 పూరి జగన్నాథ్

పూరి జగన్నాథ్ 1966 లో జన్మించారు. దర్శకత్వం వహించిన మొదటి సినిమా 2000 లో వచ్చిన బద్రి. బద్రి సినిమా టైం కి పూరి జగన్నాథ్ వయసు 34 సంవత్సరాలు.

#3 ఎస్. ఎస్. రాజమౌళి

రాజమౌళి 1973 లో జన్మించారు. మొదటి సినిమా 2001 లో వచ్చిన స్టూడెంట్ నెంబర్ వన్. ఈ సినిమా సమయానికి రాజమౌళి వయసు 28 సంవత్సరాలు.

#4 హరీష్ శంకర్

హరీష్ శంకర్ 1979 లో జన్మించారు. దర్శకత్వం వహించిన మొదటి సినిమా 2006 లో వచ్చిన షాక్. ఈ సినిమా టైం కి హరీష్ శంకర్ వయసు 27 సంవత్సరాలు.

#5 తరుణ్ భాస్కర్

తరుణ్ భాస్కర్ 1988 లో పుట్టారు. దర్శకత్వం వహించిన మొదటి సినిమా 2016 లో వచ్చిన పెళ్లిచూపులు. ఈ సినిమా టైం కి తరుణ్ భాస్కర్ వయసు 28 సంవత్సరాలు.

#6 రామ్ గోపాల్ వర్మ

రాంగోపాల్ వర్మ 1962 లో జన్మించారు. దర్శకత్వం వహించిన మొదటి సినిమా 1989 లో వచ్చిన శివ. ఈ సినిమా టైం కి రామ్ గోపాల్ వర్మ వయసు 27 సంవత్సరాలు.

#7 శేఖర్ కమ్ముల

శేఖర్ కమ్ముల 1972 లో జన్మించారు. మొదటి సినిమా 1999 లో వచ్చిన డాలర్ డ్రీమ్స్. ఈ సినిమా టైంకి శేఖర్ కమ్ముల వయసు 27 సంవత్సరాలు.

#8 శంకర్

శంకర్ 1963 లో జన్మించారు. దర్శకత్వం వహించిన మొదటి సినిమా 1993 లో వచ్చిన జెంటిల్ మ్యాన్. ఈ సినిమా టైం కి శంకర్ వయసు 30 సంవత్సరాలు.

#9 సుజిత్

సుజిత్ 1990 లో పుట్టారు. దర్శకత్వం వహించిన మొదటి సినిమా 2014 లో వచ్చిన రన్ రాజా రన్. ఈ సినిమా టైం కి సుజిత్ వయసు 24 సంవత్సరాలు.

#10 సందీప్ రెడ్డి వంగా

సందీప్ రెడ్డి 1981 లో జన్మించారు. దర్శకత్వం వహించిన మొదటి సినిమా 2017 లో వచ్చిన అర్జున్ రెడ్డి. ఈ సినిమా టైం కి సందీప్ వయసు 36 సంవత్సరాలు.

#11 కొరటాల శివ

కొరటాల శివ 1975 లో జన్మించారు. మొదటి సినిమా 2013 లో వచ్చిన మిర్చి. ఈ సినిమా టైంకి కొరటాల శివ వయసు 38 సంవత్సరాలు.

#12 శ్రీను వైట్ల

శ్రీను వైట్ల 1972 లో జన్మించారు. దర్శకత్వం వహించిన మొదటి సినిమా 1999 లో వచ్చిన నీకోసం. ఈ సినిమా టైం కి శ్రీను వైట్ల వయసు 27 సంవత్సరాలు.

#13 సురేందర్ రెడ్డి

సురేందర్ రెడ్డి 1975 లో జన్మించారు. దర్శకత్వం వహించిన మొదటి సినిమా 2005 లో వచ్చిన అతనొక్కడే. ఈ సినిమా టైం కి సురేందర్ రెడ్డి వయసు 30 సంవత్సరాలు.

#14 వివి వినాయక్

వివి వినాయక్ 1974 లో జన్మించారు. దర్శకత్వం వహించిన మొదటి సినిమా 2002 లో వచ్చిన ఆది. ఆది సినిమా టైం కి వివి వినాయక్ వయసు 28 సంవత్సరాలు.

#15 సుకుమార్

సుకుమార్ 1970 లో జన్మించారు. దర్శకత్వం వహించిన మొదటి సినిమా 2004 లో వచ్చిన ఆర్య. ఈ సినిమా టైం కి సుకుమార్ వయసు 34 సంవత్సరాలు.

స్టైలిష్ స్టార్ అల్లు అర్జున్ – త్రివిక్రమ్ శ్రీనివాస్ కాంబినేషన్ లో వచ్చిన రెండవ సినిమా సన్నాఫ్ సత్యమూర్తి. ఒక మనిషికి విలువలు అనేవి ఎంత ముఖ్యమో చెప్పే ఈ సినిమా సూపర్ హిట్ అయ్యింది. సమంత, నిత్యా మీనన్ హీరోయిన్స్ గా నటించగా, అదా శర్మ ఒక ఇంపార్టెంట్ రోల్ లో కనిపించారు. రాజేంద్ర ప్రసాద్, రావు రమేష్, పవిత్ర లోకేష్, సింధు తులానీ, వెన్నెల కిషోర్ ముఖ్య పాత్రల్లో నటించారు.

ఇంకా మరొక ఇంపార్టెంట్ క్యారెక్టర్, అలాగే  టు వేరియేషన్స్ ఉన్న దేవరాజు పాత్రలో ఉపేంద్ర నటించారు. ప్రకాష్ రాజ్ కనిపించేది కొద్ది సేపే అయినా కూడా, ఆయన పాత్ర సినిమా మొత్తం ట్రావెల్ అవుతుంది. ఈ సినిమాలో సింధు తులాని, వెన్నెల కిషోర్ కూతురుగా నటించిన పాప మీ అందరికీ గుర్తుండే ఉంటుంది. ఆ పాప పేరు వెర్నికా.

బేబీ వెర్నికా సన్నాఫ్ సత్యమూర్తి తర్వాత, నాన్నకు ప్రేమతో సినిమాలో కూడా హీరోయిన్ రకుల్ ప్రీత్ సింగ్ చిన్నప్పటి పాత్రను పోషించింది. బేబీ వెర్నికా తల్లి తన ఫోటోలను తీసి సోషల్ మీడియాలో అప్పుడప్పుడు అప్లోడ్ చేస్తూ ఉండేవారు. ఒకసారి అలా అప్లోడ్ చేసిన ఫోటోలు త్రివిక్రమ్ శ్రీనివాస్ దృష్టిలో పడ్డాయి.

అప్పుడు త్రివిక్రమ్ సన్నాఫ్ సత్యమూర్తి లో పాప పాత్ర కోసం చైల్డ్ ఆర్టిస్ట్ లను ఆడిషన్ చేద్దామనుకున్నారు. బేబీ వెర్నికా ఫొటోస్ నచ్చడంతో తన తల్లిదండ్రులను ఒప్పించి సన్నాఫ్ సత్యమూర్తి ద్వారా మనందరికీ పరిచయం చేశారు. బేబీ వెర్నికా ప్రస్తుతం చదువుపై దృష్టి పెట్టడంతో సినిమాలకి దూరంగా ఉంది. కానీ సోషల్ మీడియాలో యాక్టివ్ గా ఉంటుంది.

ఆహా యాప్ లో ఇటీవల విడుదలై విజయం సాధించిన సినిమా కలర్ ఫోటో. ఈ సినిమాలో సుహాస్, చాందిని చౌదరి లీడ్ రోల్స్ లో నటించారు. సునీల్, శ్రీవిద్య, వైవా హర్ష, దివ్య, ఆదర్శ్ బాలకృష్ణ ముఖ్య పాత్రలు పోషించారు. సందీప్ రాజ్ దర్శకత్వంలో వచ్చిన ఈ సినిమా గురించి కొన్ని ఆసక్తికరమైన విషయాలు ఇప్పుడు తెలుసుకుందాం.

# కలర్ ఫోటో సినిమా స్టోరీకి మూలం ప్రొడ్యూసర్ సాయి రాజేష్ జీవితంలో జరిగిన సంఘటన. సాయి రాజేష్ యంగ్ గా ఉన్నప్పుడు ఒక అమ్మాయి మీద క్రష్ ఉండేదట. కానీ ఆ అమ్మాయితో ఈ విషయం చెప్పలేకపోయారు. ఒక వేళ చెప్తే, వాళ్లిద్దరికీ మధ్య ఒక లవ్ స్టోరీ ఉంటే ఎలా ఉంటుందో అనే విషయాన్ని రాద్దాం అనుకున్నారు.

ఎప్పుడో అనుకున్న ఈ కథని మళ్లీ సుహాస్ ని చూసిన తర్వాత బయటికి తీశారు. ఈ పాయింట్ దర్శకుడు సందీప్ రాజ్ కి చెప్తే, కొద్ది రోజుల్లోనే కలర్ ఫోటో కథని తీసుకువచ్చారు. ఈ మూవీ షూటింగ్ కేవలం 34 రోజులలో కంప్లీట్ చేశారు.

# ఈ సినిమాకి ఒక ప్లస్ పాయింట్ చాందిని చౌదరి. మనం చాందిని ని స్క్రీన్ మీద చూస్తున్నంతసేపు ఆ పాత్రలో చాందిని నటిస్తున్నారు అని మర్చిపోతాం. కేవలం మనకి దీపు మాత్రమే కనిపిస్తుంది. కలర్ ఫొటో సినిమా కథని నిహారిక కొణిదెల కి చెబుదామని అనుకున్నారు. కానీ గాడ్స్ ఆఫ్ ధర్మపురి వెబ్ సిరీస్ లో చాందిని ని చూసి తాను హీరోయిన్ పాత్రకు ఎలా అయితే ఊహించుకున్నారో, చాందిని అచ్చం అలాగే ఉన్నారు అని, చాందిని ని హీరోయిన్ గా ఎంపిక చేశారు సందీప్ రాజ్.

# అలాగే ముందు సునీల్ పోషించిన రామరాజు పాత్రని కూడా సందీప్ రాజ్ చేద్దామనుకున్నారు. కానీ తర్వాత సునీల్ ని సంప్రదించారు. రామరాజు, సందీప్ రాజ్ వాళ్ళ తండ్రి పేరు.

# సినిమా మొదట్లో దీపు తండ్రి చనిపోయారు అని ఒక ఫోన్ వస్తుంది. దీపు, తన భర్త ఇండియా కి వస్తారు. కానీ తన తండ్రి చనిపోయినా కూడా దీపు ఏడవదు. అందుకు కారణం దీపు ట్రామా లో ఉంటుంది. చివరిలో జయ కృష్ణ వాళ్ళ ఇంటికి వెళ్ళినప్పుడు జయ కృష్ణ షర్ట్ చూసి ఏడుస్తుంది దీపు. అంటే దీపు, ట్రామా నుండి బయటికి వచ్చింది అని అర్థం.

అందుకే అంతకు ముందు జయకృష్ణ మొహం తనకి గుర్తు లేదు అంటుంది. కానీ చివరికి పెయింటింగ్ వేయగలుగుతుంది. అలాగే జయ కృష్ణ షర్ట్ చూసినప్పుడు, పక్కనే ఉన్న జయ కృష్ణ తల్లి ఫోటో కూడా చూస్తుంది దీపు. ఒక సందర్భంలో జయ కృష్ణ తో, జయ కృష్ణ కళ్ళు అచ్చం తన తల్లి కళ్ళ లాగా ఉంటాయి అని అంటుంది దీపు. చివరిలో దీపు కూడా అదే మాట అంటుంది.

# సినిమాలో ఒక సీన్ లో హీరో, హీరోయిన్ ఒక బస్టాప్ లో మాట్లాడుకుంటూ ఉంటారు. బస్టాప్ గోడమీద రాధాకృష్ణుల పెయింటింగ్ ఉంటుంది. రాధాకృష్ణులు పెళ్లి చేసుకోరు. అంటే హీరో హీరోయిన్స్ కూడా కలవరు అనే పాయింట్ ని అలా చూపించారు.