Human angle

సాధారణంగా పెళ్లి అన్న తర్వాత అబ్బాయికి, అమ్మాయికి ఇద్దరికీ కొన్ని అంచనాలు ఉంటాయి. వారికి కాబోయే వారు ఎలా ఉండాలి, వారికి ఎలాంటి లక్షణాలు ఉండాలి అనే ఆలోచన ఉంటుంది. కొంతమంది అంచనాలు విచిత్రంగా ఉంటే మరి కొంత మంది మాత్రం అంత ఎక్కువగా ఎక్స్పెక్టేషన్స్ పెట్టుకోరు.

వారి ఆలోచనలన్నిటిని మ్యారేజ్ బ్యూరో వారికి కానీ, వారి తల్లిదండ్రులకి కానీ చెప్తారు. దానికి తగ్గట్టుగా వారికి కాబోయే వారిని వెతుకుతారు. కొంతమందికి లిస్ట్ ఉంటుంది.

అయితే ఇలా తన కొడుకుకి ఎలాంటి అమ్మాయి కావాలి, వారి ఇంటికి వచ్చే కోడలు ఎలా ఉండాలి అని చెప్తూ ఒక మహిళ తన కొడుకు కోసం సంబంధాలని వెతకడానికి ఒక వీడియో బైట్ ఇచ్చారు. ఇందులో ఆ మహిళ, తన కొడుకు ఇద్దరూ వచ్చి కూర్చున్నారు. కానీ ఆవిడ చెప్పిన లక్షణాలు మాత్రం విచిత్రంగానే ఉన్నాయి. అవేంటంటే.

# నేను ఒక వెర్సటైల్ (చాలా గుణాలు ఉన్న) అబ్బాయి తల్లిని. మేము పెళ్లి కోసం ఒక వెర్సటైల్ అమ్మాయి కోసం వెతుకుతున్నాము. ఆ అమ్మాయికి కిచెన్ కి సంబంధించిన అన్ని విషయాలు తెలిసి ఉండాలి. థాయి ఫుడ్ చేయడం వచ్చి ఉండాలి.

# అమ్మాయి ఇంట్లో నుండి పార్ట్ టైం ఉద్యోగం చేయవచ్చు. కానీ బయటికి వెళ్లి పని చేయాలి అనుకుంటే నా కొడుకు వచ్చేలోపే తాను ఇంటికి వచ్చేయాలి. నా కొడుకుని స్వాగతించాలి.

# పొగ తాగడం, మందు సేవించడం లాంటి అలవాట్లు ఆ అమ్మాయికి ఉండకూడదు.

# నా కొడుకుకి సిగ్గు ఎక్కువ. అందుకే ఆ అమ్మాయి అందరి ముందు మా అబ్బాయి చేయి పట్టుకోవడం లాంటివి చేయకూడదు.

# అమ్మాయి ఎప్పుడు డీసెంట్ గా డ్రెస్ చేసుకోవాలి. నా కొడుకుతో ఉన్నప్పుడు కూడా డీసెంట్ గా డ్రెస్సింగ్ ఉండాలి.

ఇవన్నీ మీకు ఓకే అనుకుంటే మాకు మెయిల్ చేయండి. అంటూ ఆ వ్యక్తి వీడియో చేశారు. ఈ వీడియో ఇప్పటిది కాదు. దాదాపు పది సంవత్సరాల క్రితం వీడియో. కానీ సోషల్ మీడియాలో మాత్రం దీని గురించి చాలా కామెంట్స్ వచ్చాయి. అసలు ఈ వీడియో నిజమైనదా? లేదా స్క్రిప్ట్ ఇచ్చి చేయించినదా? అనేది కూడా అర్థం కాదు. కానీ ఏదేమైనా ఒక సమయంలో చాలామందికి ఇలాంటి లక్షణాలు ఉన్న అమ్మాయి లేదా అబ్బాయి కావాలి అని అనుకునే వాళ్ళు ఉన్నారు. కానీ ఇది సహీ రిష్తా అనే ఒక మ్యాట్రిమోనియల్ కంపెనీ కోసం చేశారు. దాంతో చాలా మంది ఇది నిజం అని కూడా అంటున్నారు.

watch video :

ALSO READ : RTC బస్ లో మహిళలకు ఉచిత ప్రయాణం…ఇక మీదట ఇది తప్పనిసరి..లేదంటే టికెట్ తీసుకోవాలి.!

బాల్య వివాహాలు చాలా చోట్ల నిషేధించినా కూడా ఎక్కడో ఒకచోట జరుగుతూనే ఉంటాయి. అలా తనకి జరిగిన బాల్య వివాహాన్ని ఒక యువతి ఎంతో కష్టపడి కోర్టు దృష్టికి తీసుకువెళ్ళింది. వివరాల్లోకి వెళితే. సుశీల బిష్ణోయ్ రాజస్థాన్ కి చెందిన యువతి. సుశీలకి 12 సంవత్సరాలు ఉన్నప్పుడు తన కంటే ఆరు సంవత్సరాలు పెద్దయిన నరేష్ తో పెళ్లి చేశారు.

రాజస్థాన్ లో బాల్య వివాహం జరిగిన తర్వాత ఆ యువతికి 18 సంవత్సరాలు వచ్చేంతవరకు తన పుట్టింట్లోనే ఉంటుంది. సుశీలకి 18 సంవత్సరాలు వచ్చిన తర్వాత తన తల్లిదండ్రులు తనని అత్తవారింటికి వెళ్ళమని ఒత్తిడి చేశారు. ఏప్రిల్ 2016 లో సుశీల తన అత్తవారింటి నుండి బయటికి వచ్చేసింది.

బాల్య వివాహాల్లో నుండి బయటకి రావడానికి యువతులకు సహాయం చేసే సారథి ట్రస్ట్ అనే ఒక ఎన్జీవో ని నడుపుతున్న క్రితి భారతిని కలిసింది. భారతి, సుశీల నివసించే చోట ఉండే చుట్టుపక్కల వాళ్ళని, బంధువులని కోర్టుకు వచ్చి సాక్ష్యం చెప్పమని కోరారు. కానీ సాక్ష్యం చెప్పడానికి ఒక్కరు కూడా ముందుకు రాలేదు. అప్పుడు నరేష్ ఫేస్ బుక్ అకౌంట్ టైం లైన్ లో వీరిద్దరి పెళ్ళికి సంబంధించిన ఫొటోలు ఉన్నాయి.

వాటిని కోర్టులో ఆధారాలుగా సబ్మిట్ చేశారు. 2017 సెప్టెంబర్ 25 వ తేదీన జోధ్ పూర్ కోర్ట్ వీళ్ళ పెళ్లిని రద్దు చేసింది. తర్వాత సుశీల నేషనల్ ఓపెన్ స్కూల్ సిస్టం లో 12వ తరగతి పరీక్షలను రాసి 62 శాతం స్కోర్ చేసింది. బాగా చదివి పోలీస్ ఆఫీసర్ అవ్వాలి అనేది తన ఆశయం అని చెప్పింది సుశీల.

మనిషి అనుకుంటే సాధించలేనిది ఏదీ లేదని ఎంతోమంది నిరూపించారు. ఇప్పటికి కూడా చాలామంది సాధారణ పౌరుల నుంచి ఎంతోమందికి ఆదర్శంగా నిలిచే స్థాయికి ఎదిగారు. అలాంటి వారిలో ఇప్పుడు మనం తెలుసుకోబోయే వ్యక్తి కూడా ఒకరు. కేరళలో జన్మించి ప్రముఖ వ్యాపారవేత్తగా ఎదిగిన జార్జ్ వి నేరేపరంబిల్. ఇంతకీ ఈయనెవరు, సాధించిన సక్సెస్ ఏంటి? అన్న వివరాల్లోకి వెళితే.. ఒక సాధారణ కుటుంబంలో జన్మించిన జార్జ్ తన 11 ఏళ్ల వయసు నుంచి తన తండ్రికి వాణిజ్య పంటల వ్యాపారంలో సహాయం చేశాడు. అంతే కాకుండా మార్కెట్‌కు వస్తువులను రవాణా చేయడం, బేరం చేయడం వంటివి చేసేవాడు.

దీంతో అతి తక్కువ కాలంలోనే వ్యాపారంలో మెళుకువలు తెలుసుకున్నాడు. ఆ తరువాత ఈయన కొంత కాలం మెకానిక్‌గా కూడా పనిచేశాడట. ఆ తరువాత 1976లో షార్జాకు రావడంతో అతని జీవితం మలుపు తిరిగింది. అప్పట్లో అభివృద్ధి చెందుతున్న ఆ ప్రాంతంలో ఎడారి వేడికి తప్పకుండా ఎయిర్ కండిషనింగ్ రంగం పురోగతి సాధిస్తుందని గ్రహించాడు. ఈ ఆలోచనే నేడు జీఈఓ గ్రూప్ ఆఫ్ కంపెనీస్ అని పిలిచే ఒక భారీ సామ్రాజ్యంగా ఏర్పడింది. నేడు గల్ఫ్ ప్రాంతంలో ప్రముఖ భారతీయ వ్యాపార దిగ్గజాలలో జార్జ్ వి నేరేపరంబిల్ ఒకరుగా పాపులర్ అయ్యాడు. ఈ రోజు బుర్జ్ ఖలీఫాలో ఒకటి రెండు కాదు ఏకంగా ఏకంగా 22 లగ్జరీ అపార్ట్‌మెంట్‌లను కొనుగోలు చేసినట్లు సమాచారం.

అంతే కాకుండా జార్జ్ అపార్ట్‌మెంట్‌ల గోడలు, సీలింగ్‌లు, అంతస్తులు బంగారంతో చేసిన డెకర్‌తో కప్పబడి ఉన్నట్లు నివేదించారు. అయితే ఒకప్పుడు తన బంధువుల్లో ఒకరు నువ్వు బుర్జ్ ఖలీఫాలో ప్రవేశించలేవని ఆటపట్టించాడట. కానీ 2010లో జార్జ్ ఆ భవనంలో ఒక అపార్ట్‌మెంట్‌ని అద్దెకు తీసుకోగలిగాడు. ఇప్పుడు ఏకంగా 22 అపార్ట్‌మెంట్‌లను కొనుగోలు చేసే వాటికి అధినేతగా ఉన్నారు. భవిష్యత్తులో మరిన్ని సొంతం చేసుకోవడానికి సిద్ధంగా ఉన్నట్లు చెబుతున్నారు. కాగా ఆయన మొత్తం ఆస్తి రూ.4800 కోట్లు అని సమాచారం. ప్రస్తుతం బుర్జ్ ఖలీఫా అందించే 900 అపార్ట్‌మెంట్‌లలో దాదాపు 150 అపార్ట్‌మెంట్‌లలో భారతీయులే ఉన్నారని చెబుతారు. అందులో కూడా ఎక్కువ అపార్ట్‌మెంట్‌ లను కలిగిన వ్యక్తి నేరేపరంబిల్ కావడం విశేషం. ఒకప్పుడు మెకానిక్‌గా పనిచేసి నేడు ఎంతోమందికి స్ఫూర్తిదాయకంగా నిలుస్తున్నారు.

నేటి తరంలో ఆడవాళ్ళకి పొడవైన జుట్టు, జుత్తులో నిండైన పూల దండ ఊహించడానికి కూడా కరువైపోయింది. చాలామంది ఆడవాళ్లు హెయిర్ కట్ ల తోని, బాబ్బ్డ్ హెయిర్ల తో దర్శనమిస్తున్నారు. ప్రస్తుతం నడుస్తున్న ట్రెండ్ ఇది. అయితే ఉత్తరప్రదేశ్ కు చెందిన ఒక మహిళ మాత్రం ట్రెండ్ కి విరుద్ధంగా అతి పొడవైన జుట్టుని కలిగి ఉండి ప్రపంచ రికార్డుని సాధించింది. ఇక అసలు విషయానికి వస్తే 46 సంవత్సరాల స్మిత శ్రీవాత్సవ 7 అడుగుల 9 అంగుళాల పొడవాటి జుట్టుని కలిగి ఉంది ఆమె 14 సంవత్సరాల వయసు నుంచి పెరుగుతుంది. స్మిత తల్లి ఆమె జుట్టుని పెంచడానికి ప్రోత్సహించింది.

1980లలో హిందీ నటీమణులు ధరించే ఐకానిక్ పొడవాటి కేశాలంకరణ నుంచి ప్రేరణ పొందిన శ్రీవాత్సవ తన పొడవాటి జుత్తిని పెంచడంలో అంకితభావాన్ని చూపించింది. అదే ఇప్పుడు రికార్డు పుస్తకాలలో ఆమెకి స్థానాన్ని సంపాదించి పెట్టింది. ఈమె గిన్నిస్ రికార్డు సాధించిన తర్వాత భారతీయ సంస్కృతిలో దేవతలు సాంప్రదాయకంగా చాలా పొడవాటి జుట్టుని కలిగి ఉంటారు. మన సమాజంలో జుట్టు కత్తిరించటం ఆశుభం అని భావిస్తారు అందుకే మహిళలు జుట్టు పెంచేవారు పొడవాటి జుట్టు స్త్రీల అందాన్ని పెంచుతుంది అని చెప్పుకొచ్చింది.

అలాగే స్మిత వారానికి రెండుసార్లు తలకు స్నానం చేస్తుంది. తన తల వాషింగ్,డ్రైయింగ్, డెటాంగ్లింగ్ మరియు స్టైలింగు తో సహా మొత్తం ప్రక్రియ మూడు గంటలు పడుతుంది. కేవలం తల కడగడానికే 30 నుంచి 45 నిమిషాల గడువు పడుతుంది. నేను మంచం మీద నిలబడి విడదీయటానికి ఒక షీట్ వేస్తాను అని చెప్పుకొచ్చింది స్మిత. తను జుట్టుని ఆరుబయట ఆరేసినప్పుడు చూసే వాళ్ళందరూ ఆశ్చర్యపోతారు.

ఇంత పొడవాటి జుట్టు ఉనికిని అర్థం చేసుకోవడం ప్రజలకు చాలా కష్టమని ఆమె పేర్కొంది. ప్రజలు నా దగ్గరికి వస్తారు నా జుత్తుని ముట్టుకుంటారు మరియు నాతో ఫోటోలు తీసుకోవటానికి ఇష్టపడతారు. నేను జుట్టుకి ఉపయోగించే ఉత్పత్తుల గురించి తెలుసుకోవటానికి ప్రయత్నిస్తారు అంటూ ఆనందంగా చెప్పింది స్మిత. అలాగే దేవుడు నా ప్రార్థనలకు సమాధానం ఇచ్చాడు అంటూ వరల్డ్ రికార్డు టైటిల్ దక్కించుకోవడం పట్ల కూడా తన ఆనందాన్ని వ్యక్తం చేసింది.

https://www.instagram.com/p/C0dPS7qP2P3/?hl=en