Human angle

ఒక్కోసారి కొందరి జీవితంలో అనుకోని సంఘటనలు ఎదురై వారి జీవితాన్ని మలుపు తిరుగుతుంది. ఆ అనుకోని సంఘటన వలన ఏర్పడే లోటును అధిగమించలేక జీవితాన్ని చాలిస్తూ ఉంటారు కొందరు.

మరికొందరు వచ్చిన సమస్యలను ఎదుర్కుంటూ జీవితంలో  మనోధైర్యంతో ముందుకు సాగిపోతూ, అవిశ్వాసాన్ని ఆయుధంగా చేసుకుని సమస్యలను డీ కొడుతూ ఎంతో మంది జీవితాల్లో వెలుగులు నింపుతారు.

ఇప్పుడు మనం అలాంటి గొప్ప వ్యక్తి గురించి తెలుసుకోబోతున్నాము. ప్రతిక్షణం అలుపెరుగని ఉత్సాహంతో సమాజానికి సేవలందించింది ఈమె. ఆమె కరివెప్పిల్ రబియా. కేరళలోని మలప్పురం జిల్లాలోని వెల్లిలక్కడు గ్రామంలో నిరుపేద ముస్లిం కుటుంబంలో జన్మించింది రబియా. రబియాకు ఉన్నతమైన చదువులు చదవాలని ఉండేది. ఆమె తండ్రి ఒక చిన్న రేషన్ షాపు నిర్వహించేవాడు. మేనమామ సహాయంతో ఇంటర్ వరకు కాలేజీ విద్యను అభ్యసించింది.

రబియా 9వ తరగతి చదువుతుండగా ఆమెకు పోలియో సోకింది. 17 సంవత్సరాల వయసులో నడుము కింద భాగం పూర్తిగా చచ్చిబడిపోయింది.  ఈ ఘటనతో ఆమె చక్రాల కుర్చీకే పరిమితమై పోయింది. ఈ అనారోగ్య కారణం వలన ఆమె డిగ్రీ మొదటి సంవత్సరం మానివేయవలసి వచ్చింది. అందరు సాధారణ వ్యక్తి లాగానే జీవితంలో ఎదురుదెబ్బ అల్లాడిపోయింది రబియా.

కానీ రబియా తన మనో సంకల్పాన్ని ఆయుధంగా చేసుకుని ఎడ్యుకేషన్ ద్వారా డిగ్రీ మరియు పీజీ చదువును కొనసాగించింది. ఒక మంచి పని చేయాలనే సంకల్పంతో 1990 జూన్ లో వయోజన విద్య ప్రచారం ప్రారంభించారు రబియా. తన గ్రామంలో ఉన్న ఎంతోమంది నిరక్షరాస్య మహిళలకు చదువు నేర్పించారు. ఇందుకోసం ఆమె ఇంటిని పాఠశాల గా తీర్చిదిద్దారు. ఈ పాఠశాల అక్రమంగా గురుకులంగా రూపొందింది.

రబియా కేవలం మహిళలకు విద్య నేర్పించడం కాకుండా ప్రభుత్వం నుండి అందే ఉపాధి అవకాశాల గురించి కూడా తెలియజేస్తూ వాళ్లకు ఉపాధిని కలిగించడం మొదలుపెట్టింది. దీనితో రబియా ఆ గ్రామంలో మంచి గుర్తింపు సంపాదించారు.

జూన్ 1992 లో రబియా నడుపుతున్న పాఠశాల గురించి ఉన్నతాధికారులు తెలుసుకుని సందర్శించారు. పాఠశాలలో అధికారులు 80 సంవత్సరాల మహిళ పక్కన 8 సంవత్సరాల పాప విద్యను అభ్యసించడం గమనించారు. దీనితో రబియా టీచర్ కృషిని మర్చిపోకుండా ఉండలేకపోయారు అధికారులు.

తాను నడవలేని పరిస్థితుల్లో ఉన్నా చలనం అనే స్వచ్ఛంద సంస్థను స్థాపించి, తనలాగే నడవలేని వారికి మరియు మానసికంగా ఇబ్బంది పడుతున్న చిన్నారుల కోసం ఆరు పాఠశాలల్లో ప్రారంభించింది. ఈ సంస్థ ద్వారా ప్రజలకు ఆరోగ్య అవగాహన, విద్య ప్రాముఖ్యత, మహిళలు ఉపాధి శిక్షణ, నిరంతర విద్యా కొనసాగింపు, దివ్యాంగుల పునరావాసం వంటి కార్యక్రమాలను నిర్వహించారు.

ఇంత మనోధైర్యంతో ముందుకుపోతున్న రబియా జీవితంలో మరొక అనారోగ్య సమస్య తలెత్తింది. 32 సంవత్సరాల వయసులో క్యాన్సర్ బారిన పడ్డారు రబియా. మెడికల్ టెక్నాలజీ సహాయంతో కీమోథెరపీ వైద్యం చేయించుకుని కేన్సర్ బారి నుంచి బయటపడ్డారు.

40 సంవత్సరాల వయసులో బాత్రూంలో కింద పడిపోవడంతో ఆమె శరీరం పూర్తిగా కథ లేని స్థితికి వచ్చేసింది. అక్కడి నుంచి ఆవడం మంచానికే పరిమితమై పోయారు. ఎంత కఠిన పరిస్థితుల్లో ఆవిడ మంచానికే పరిమితమై మాట్లాడలేని స్థితికి వచ్చేశారు.

అయినా తన మనో ధైర్యాన్ని కూడగట్టుకుని మౌన రోంబనంగల్ అనే పుస్తకాన్ని రచించారు. ఈ పుస్తకాన్ని 2006 వ సంవత్సరంలో అప్పటి కేరళ ముఖ్యమంత్రి V.S అచ్యుతానందన్ ఈ పుస్తకాన్ని విడుదల చేయడం జరిగింది.

రబియా గారు 2009లో తన ఆత్మకథ స్వప్నన్గాల్కు (కలలకు రెక్కలు ఉంటాయి) అనే పుస్తకాన్ని రాసి విడుదల చేశారు. ఈ పుస్తకం ప్రపంచంలో అత్యున్నత ఆత్మకథగా సుకుమార్ అజ్హికోడే అభివర్ణించడం జరిగింది. ఇవే కాకుండా ఇంకొక మూడు పుస్తకాలను రాయడం జరిగింది. ఈ పుస్తకాలు అమ్మడం ద్వారా వచ్చే రాయల్టీ ఆమె వైద్య ఖర్చులకు సరిపోతుంది.

ఈమె నడవలేని పరిస్థితిలో ఉన్నప్పటికీ 100 మంది వాలంటీర్లతో తన చలనం సమస్థ నడిపిస్తోంది. రబియా సేవలకు గుర్తుగా అనేక అవార్డులను దక్కించుకున్నారు . ఈ సంవత్సరం జనవరి 26న 73 వ గణతంత్ర దినోత్సవం సందర్భంగా రబియా అందించిన ఉత్తమ సేవలకు గుర్తుగా పద్మశ్రీ అవార్డు ఇచ్చి సత్కరించారు.

రబియా జీవితం ఆధారంగా డైరెక్టర్ అలీ అక్బర్ రబియా మూవ్స్ అనే చిత్రాన్ని రూపొందించారు. ఈ ఆత్మ కథ చిత్రం మంచి ఆదరణ పొందడంతో 14 భాషల్లో తర్జుమా చేయబడింది.

ప్రపంచ మొత్తంలో ఎక్కడి నుంచి అయినా సమాధానం దొరుకుతుంది అంటే అది కోరానే.. ఎంతో మంది తమకు వచ్చిన సందేహాలను పోస్ట్ చేస్తూ ఉంటే, మరికొందరు దానికి వారు అనుకున్న విధంగా సమాధానం వ్యక్తం చేస్తారు.

అదేవిధంగా కోరా ద్వారా కొంత కాలం క్రితం ప్రియాంక సింగ్ సహరన్ ని ఒకరు ఈ విధంగా ప్రశ్న అడగడం జరిగింది. ఆ ప్రశ్న ఏంటంటే మీ భర్త మీ కోసం చేసిన మధురమైన పని ఏంటి..?

ఆ ప్రశ్నకు ప్రియాంక ఇచ్చిన సమాధానం ఏంటంటే..

నా భర్త నా కోసం చేసిన మధురమైన పనులు ఒకటి కూడా ఉండవు. నేను వారికి ర్యాంక్ ఇస్తే.. అత్యంత మధురమైన విషయం ఏమిటంటే.. నా భర్త ఎప్పుడూ నన్ను తనతో సమానంగా భావిస్తాడు. అట్టి మాటల్లోనే కాదు చేతల్లో కూడా అలాగే ప్రవేశిస్తాడు. నేను అతనిని సహాయం అడగవలసిన అవసరం లేకుండానే ఏ పనిలోనైనా ఆయనే స్వయంగా చేయడం ప్రారంభిస్తారు. నేను  చేసిసే ఇంటి పనుల్లో కూడా బాధ్యత వహిస్తారు.

వృత్తిపరంగా వ్యక్తిగతంగా ఆర్థికంగా నా నిర్ణయాలలో ఎప్పుడూ జోక్యం చేసుకోరు.  అతను నా వ్యక్తిత్వాన్ని ఎంతగానో గౌరవిస్తారు. ఆయనకు ఆయన తల్లి అంటే ఎంతో ఇష్టం. కానీ మేము పెళ్లి చేసుకున్న మూడు సంవత్సరాలలో ఒక్కసారి కూడా  మా అమ్మ అలా చేస్తుంది నువ్వు ఎందుకు అలా చేయను అంటూ ఎప్పుడు నన్ను ప్రశ్నించలేదు. ఈ ఒక్క విషయం చాలు కదండీ వారు నాకు ఎంత ప్రాధాన్యత ఇస్తారో చెప్పడానికి. ఇంతకన్నా మధురమైన పని ఇంకేముంటుంది అంటూ సమాధానమిచ్చారు ప్రియాంక సింగ్.

ప్రస్తుత కాలంలో వివాహ బంధం అనేది పక్కదోవ పడుతుంది.  మానవ సంబంధాలకు విలువ లేకుండా పోయింది. కొత్తదనం కొత్తదనం అంటూ పాశ్చాత్య సంస్కృతిని అలవాటు చేసుకుంటున్నారు.

మన భారతదేశం సంస్కారానికి పుట్టినిల్లు వంటిది. మన దేశంలో భార్యాభర్తల బంధానికి ఎంతో ప్రత్యేకత ఉంది. ఈ బిజీ లైఫ్ లో ఎవరి పనుల్లో వారు నిమగ్నులైపోతున్నారు. దీని ద్వారా దాంపత్య బంధం పక్క త్రోవ పాటే ప్రమాదం ఎక్కువగా ఉంటుంది. ఒక్కోసారి ఈ విషయంపై భార్యాభర్తలకు ఎన్నో గొడవలు వస్తుంటాయి.

Also Read: పెళ్లికి ముందు కాబోయే “జీవిత భాగస్వామి గురించి ఈ 4 విషయాలు” ఖచ్చితంగా తెలుసుకోండి

ఈ మధ్య మనం ఎన్నో వార్తల్లోని మీడియాలో చూస్తూనే ఉన్నాం. అక్రమ సంబంధాలతో భర్తను భార్య, భార్య భర్త ప్రాణాలు తీసే స్థాయికి ఎదిగిపోతున్నారు.

ఒక అధ్యయనం ప్రకారం భార్యగాని, భర్తగాని ఇతరులతో సంబంధం పెట్టుకుంటే వాళ్ళ ప్రవర్తన ఎలా ఉంటుందో మానసిక నిపుణులు ఈ విధంగా వెల్లడిస్తున్నారు. ఆ విషయాలు ఏంటో మీరు కూడా తెలుసుకోండి..

Also read: ఇలాంటి అమ్మాయి మీ జీవిత భాగస్వామిగా దొరికితే దురదృష్టం కూడా అదృష్టంగా మారుతుంది..!

మరొక వ్యక్తితో సంబంధం ఉన్నా భార్య కాని, భర్త కాని జీవిత భాగస్వామి ఏ పని చేసినా ప్రతి విషయానికి తప్పుపడుతుంటారట. జీవిత భాగస్వామి ఏ పనిచేసినా దానిలో తప్పులు వెతుకుతూ వాళ్ళను ఇబ్బంది పెడుతుంటారట.

అంతేకాకుండా ఇతర వ్యక్తితో అన్యోన్యంగా మెలిగే ఆ జీవిత భాగస్వామి కుటుంబాన్ని, కన్న బిడ్డలను సైతం పట్టించుకోవడం మానేస్తారు అని మానసిక నిపుణులు వెల్లడిస్తున్నారు

Also read: భర్తలు పరాయి స్త్రీలపై ఎందుకు మోజు పడతారు..? అందుకు 3 ప్రధాన కారణాలు ఇవే..!

తమ అక్రమ సంబంధం గురించి జీవిత భాగస్వామికి తెలిస్తే ఎలాంటి అఘాయిత్యానికైనా పాల్పడతారు. ఎప్పుడైతే తాము కోరుకున్నవారు మోసం చేస్తారో, ఏదో అత్యంత విలువైనది కోల్పోయినట్లు డిప్రెషన్లోకి వెళ్ళిపోతారట. ఎప్పుడైతే వాళ్ల ప్రవర్తనపై అనుమానం వస్తుందో జీవిత భాగస్వామి ముందుగానే జాగ్రత్తపడి వాళ్లను అదుపులో పెట్టుకోవడం మంచిదని వెల్లడిస్తున్నారు మానసిక నిపుణులు.

మనం మామూలుగా భార్య భర్తల మధ్య వచ్చే జోక్స్ చదువుతూనే ఉంటాం. వీటిలో కొన్ని నిజ జీవితంతో సంబంధం లేకపోయినా కూడా ఫన్నీగా అనిపిస్తాయి.

అందుకే ఎంతోకాలం నుండి భార్యాభర్తల మధ్య వచ్చే జోక్స్ పాపులర్ అయ్యాయి. అలా ఒక భార్య ఊరికి వెళ్తూ తన భర్తకి కొన్ని విషయాలు మెసేజెస్ రూపంలో చెప్పింది. ఆ భార్య ఏం చెప్పిందంటే.

representative image

# పక్కింటి వాళ్ళని, ఎదురింటి వాళ్ళని పాలు వచ్చాయా, పేపర్ వచ్చిందా అని పొద్దున్నే లేపి చిరాకు పెట్టకండి. వాళ్లు మిమ్మల్ని తిట్టడంతో పాటు, ఊరెళ్ళి వాళ్ళ నిద్ర చెడ కొట్టినందుకు నన్ను కూడా తిట్టుకుంటారు.

# పార్టీలు లాంటివి ఇంట్లో పెట్టకండి. ఇల్లు క్లీన్ చేసుకోవడానికి నాకు రెండు రోజులు పడుతుంది.

# కళ్ళజోడు బాత్రూంలో పెట్టి మర్చిపోకండి.

# అద్దం ముందు గంటలు గంటలు నిలబడి రెడీ అవ్వడం తగ్గించండి. మీరు తొందరగా పని చేసుకుంటారు అని కావాలనే టైం కొంచెం ఫాస్ట్ పెట్టాను. మీరు అదే టైం ఫాలో అవ్వండి.

# నేను లేనన్ని రోజులు, మన పని మనిషి రాదు. వాళ్ళ అమ్మ పనిలోకి వస్తుంది.

# ఇంటర్నెట్ రావట్లేదు అని కంప్లైంట్ ఇవ్వడానికి ఫోన్ చేయకండి. మీకు ఆ ఫోన్ పట్టుకుంటే అర్ధరాత్రి అయినా తెలియట్లేదు అని ఇంటర్నెట్ కట్ చేయించాను.

representative image

# నేను మళ్ళీ తిరిగి వస్తాను అన్న విషయం మర్చిపోకండి.

# పోయినసారి లాగా స్టవ్ ఎన్నిసార్లు వెలిగించినా వెలగడం లేదు అని టెన్షన్ పడి నాకు కాల్ చేయకుండా, ఈసారి వెలిగించే ముందు స్టవ్ ఆన్ చేయడం మర్చిపోకండి.

NOTE: Images used in the article and the featured image are just for representative purpose. But not the actual characters.