News

విశ్వక్ సేన్, నివేత పేతురాజ్ ప్రధాన పాత్రల్లో  వచ్చిన చిత్రం ‘పాగల్’ . ఈ చిత్రానికి నరేష్ కుప్పిలి దర్శకత్వం వహించగా.. దిల్ రాజు సమర్పణలో బెక్కం వేణుగోపాల్ లక్కీ మీడియా బ్యానర్ పై ఈ సినిమాను నిర్మించారు. ఇటీవల ఆగస్ట్ 14న ఎన్నో అంచనాల మధ్య థియేటర్లలో విడుదలైన ఈ సినిమా ప్రేక్షకులను అంతగా ఆకట్టుకోలేకపోయింది.  ఈ చిత్రం ఓటీటీ హ‌క్కుల‌ను ప్ర‌ముఖ ఆన్ లైన్ స్ట్రీమింగ్ ప్లాట్ ఫాం అమెజాన్ ప్రైమ్ వీడియో ద‌క్కించుకుంది. అమెజాన్ ప్రైమ్ లో ఈ సినిమా సెప్టెంబర్ 3న స్ట్రీమింగ్ కానుంది. ఇందుకు సంబంధించిన అధికారిక ప్రకటన విడుదల చేసింది అమెజాన్ ప్రైమ్.

చిత్రం: పాగల్‌
నటీనటులు: విశ్వక్‌ సేన్‌, నివేత పేతురాజ్, సిమ్రన్‌ చౌదరీ, మేఘలేఖ, మురళీశర్మ, తదితరులు.
నిర్మాత: బెక్కెం వేణుగోపాల్‌
సంగీతం: రాధన్‌
దర్శకుడు: నరేశ్‌ కొప్పిలి
నిర్మాణ సంస్థ: శ్రీ వేంకటేశ్వర క్రియేషన్స్, లక్కీ మీడియా
ఓటీటీ సంస్థ : అమెజాన్ ప్రైమ్
ఓటీటీ స్ట్రీమింగ్ : సెప్టెంబర్ 3

ప్రస్తుతం ఉన్న టాప్ డైరెక్టర్లలో ఒకరు త్రివిక్రమ్ శ్రీనివాస్. త్రివిక్రమ్ శ్రీనివాస్ మంచి దర్శకుడు మాత్రమే కాదు. మంచి రచయిత కూడా అనే విషయం ప్రత్యేకంగా చెప్పాల్సిన అవసరం లేదు. త్రివిక్రమ్ పాటించే సెంటిమెంట్స్ కూడా మనకి ఐడియా ఉన్నాయి. అందులో మొదటిది హీరోయిన్లని రిపీట్ చేయడం. అలాగే ఇంకొకటి తన ప్రతి సినిమా టైటిల్ అ తో మొదలయ్యేలా చూసుకోవడం. అయితే ఇవి మాత్రమే కాకుండా త్రివిక్రమ్ కి మరొక సెంటిమెంట్ కూడా ఉందట. త్రివిక్రమ్ ఇండస్ట్రీకి వచ్చిన కొత్తలో పంజాగుట్టలోని సాయిబాబా గుడి దగ్గర ఒక చిన్న రూం లో అద్దెకి ఉండేవారు.

ఆ ఇంట్లో ఉన్నప్పుడే స్వయంవరం, సముద్రం, నువ్వే కావాలి, నిన్నే ప్రేమిస్తా, చిరునవ్వుతో, నువ్వు నాకు నచ్చావ్ సినిమాలకి మాటలు అందించారు త్రివిక్రమ్. ఆ ఇల్లు అంటే త్రివిక్రమ్ కి ఎంతో ఇష్టమట. ఇప్పటికి కూడా ఆ ఇంటిని వదులుకోలేక ప్రతినెల ఐదువేల రూపాయలు అద్దె చెల్లిస్తారట. అంతే కాకుండా ఇప్పటికి కూడా అప్పుడప్పుడు ఆ ఇంటికి వెళ్లి కథలు, మాటలు రాస్తారట. ఆ ఇల్లు అంటే త్రివిక్రమ్ కి అంత సెంటిమెంట్. ప్రస్తుతం త్రివిక్రమ్ పవర్ స్టార్ పవన్ కళ్యాణ్ భీమ్ల నాయక్ తో పాటు సూపర్ స్టార్ మహేష్ బాబుతో చేయబోయే సినిమా పనిలో బిజీగా ఉన్నారు.

ఇప్పటికే నాగ చైతన్య, సాయి పల్లవి హీరో హీరోయిన్లుగా నటించిన లవ్ స్టోరీ సినిమా రెండు మూడు సార్లు వాయిదా పడింది. ఈ సంవత్సరం మొదట్లో విడుదల కావాల్సిన ఈ సినిమా కరోనా కారణంగా వాయిదా పడింది. తర్వాత సెప్టెంబర్ మొదట్లో విడుదల అవుతుంది అన్నారు. మధ్యలో డైరెక్ట్ డిజిటల్ అయ్యే అవకాశాలు కూడా ఉన్నాయి అన్నారు. కానీ సినిమా బృందం మాత్రం చాలా కాన్ఫిడెంట్ గా “లేదు. మేము థియేటర్లలోనే విడుదల చేస్తామని” చెప్పారు. సినిమా టీజర్, పాటలు కూడా చాలా హిట్ కావడంతో ప్రేక్షకులు కూడా సినిమాను థియేటర్లలో చూడటానికి ఇష్టపడుతున్నారు.

థియేటర్లలోనే విడుదల చేస్తేనే బాగుంటుంది అని చాలా మంది అభిప్రాయపడుతున్నారు. ఈ నేపథ్యంలో లవ్ స్టోరీ సినిమా బృందం ఒక షాకింగ్ నిర్ణయం తీసుకుంది. అది ఏంటంటే, సినిమాలో కొన్ని సీన్లు సరిగ్గా రాకపోవడంతో మళ్ళీ రీ షూట్ చేయాలని నిర్ణయించుకుంది. ఇందుకోసం మళ్ళీ సినిమా బృందమంతా నిజామాబాద్ వెళ్లారట. ఈ రీ షూట్ మొత్తం పది రోజుల్లో ముగించేయాలని టీం నిర్ణయించుకున్నట్లు సమాచారం. చివరి నిమిషంలో ఇలా రీషూట్ చేయడం అనేది కొంచెం రిస్క్ తో కూడుకున్న పని. ఏదేమైనా ప్రేక్షకులు మాత్రం ఈ సినిమా విడుదల కోసం ఆసక్తిగా ఎదురు చూస్తున్నారు.