News

కరోనా కారణంగా ఎంతో మంది తమ ప్రాణాలను కోల్పోతున్నారు. ఆరోగ్యపరంగా ఎన్నో సమస్యలను ఎదుర్కొంటున్నారు. కేవలం సాధారణ ప్రజలు మాత్రమే కాకుండా వైద్య రంగంలో ఉండే వారు, ముఖ్యంగా డాక్టర్లు కూడా కరోనా బారిన పడి ఇబ్బందులు ఎదుర్కొంటున్నారు. అయితే ఇటీవల ఒక డాక్టర్ కరోనా వల్ల తన ప్రాణాలను కోల్పోయారు.

వివరాల్లోకి వెళితే 51 సంవత్సరాల మనీషా జాదవ్, సెవ్రీ టీబీ హాస్పిటల్ లో సీనియర్ మెడికల్ ఆఫీసర్ గా చేస్తున్నారు. అయితే గత ఆదివారం మనీషా తన ఫేస్ బుక్ టైం లైన్ మీద ఒక నోట్ పోస్ట్ చేశారు. అందులో “బహుశా తనకి అది చివరి మార్నింగ్ అని, మళ్లీ ఫేస్ బుక్ అనే ప్లాట్ ఫామ్ మీద తను అందరినీ కలవలేకపోవచ్చు అని, అందరినీ జాగ్రత్తగా ఉండమని, శరీరం కి చావు ఉంటుంది కానీ ఆత్మకి కాదు. ఆత్మకి చావు వుండదు” అని అర్థం వచ్చేలాగా రాశారు.

ఈ పోస్ట్ చేసిన 36 గంటల తర్వాత గత సోమవారం నాడు మనీషా జాదవ్ మరణించారు. ప్రస్తుతం మనీషా యాదవ్ ఫేస్ బుక్ లో చేసిన ఈ పోస్ట్ చర్చలో ఉంది. కరోనా వైరస్ విషయానికొస్తే ప్రస్తుతం మళ్లీ కరోనా వ్యాప్తి ఎక్కువ అవడంతో చాలా చోట్ల లాక్ డౌన్ విధించారు. అలాగే చాలా చోట్ల “ఇలాంటి సమయంలో పాటించాల్సిన నిబంధనలు ఏంటి?” అనే విషయం కూడా చెప్పారు. ప్రజలను అత్యవసరమైతే తప్ప బయటకు రావద్దు అని ఆర్డర్ జారీ చేశారు.

నాలుగేళ్ళ క్రితం పెళ్లి చేసుకున్న ఓ జంటకి ఓ బాబు ఉన్నాడు. ఆ వ్యక్తి మైలాన్ పరిశ్రమలో పని చేస్తున్నాడు. అతని భార్య టెక్ మహీంద్రా లో సాఫ్ట్ వేర్ గా పని చేస్తోంది. ఆమె చెల్లి కూడా సాఫ్ట్ వేర్ గా పని చేస్తూ.. వారితోనే ఉంటోంది. ముగ్గురు మంచి ఉద్యోగాలు చేసుకుంటూ.. ఆర్ధిక పరమైన ఇబ్బందులేవీ లేకుండా హ్యాపీ గా ఉంటున్నారు.

హటాత్తు గా వారిపై విధి దాడి చేసింది. కరీం నగర్ రామగుండం మండలం దద్దోజిపేట కు చెందిన శ్రీధర్ (34) , అతని భార్య దీపికా (28) హైదరాబాద్ లో నివాసం ఉంటున్నారు. ఇద్దరు ఉద్యోగాలు చేసుకుంటున్నారు. వీరికి హనీష్ (3) అనే బాబు కూడా ఉన్నాడు. దీపికా చెల్లి కూడా వీరితోనే ఉంటోంది. శనివారం సాయం సమయం లో చిన్న పని ఉందని, తిరిగి వచ్చే వరకు బాబును చూసుకోవాలని మరదలికి అప్ప చెప్పి భార్య భర్తలు ఇద్దరు బయటకు వెళ్లారు.

తిరిగి వస్తున్నా సమయం లో అల్వీన్ కాలనీకి వెళ్లే రహదారి కూడలి వద్ద అనుకోని ఘోరం జరిగిపోయింది. అతివేగం తో వెళ్తున్న టిప్పర్ లారీ ఒకటి వీరి బైక్ ను గుద్దడం తో శ్రీధర్ అక్కడికక్కడే మృతి చెందాడు. దీపికా కు తీవ్రం గా గాయాలవడం తో ఆమెను పఠాన్ చెరు ఆసుపత్రికి తీసుకెళ్లారు. ఆమె చికిత్స పొందుతూ మృతి చెందింది. ఈ ఘటన పై పోలీసులు కేసు నమోదు చేసారు. వారి కుటుంబ సభ్యులు అక్కడకు చేరుకున్నారు. ఆ పసివాడు అమ్మా, నాన్న అంటూ పిలుస్తుంటే.. స్థానికుల హృదయాలు ద్రవించిపోయాయి.

గత సంవత్సరం జరిగిన ఒక ఘటన ప్రస్తుతం వెలుగులోకి వచ్చింది. వారి తప్పు లేకుండానే ఒక జంట ఒక కేసులో ఇరుక్కున్నారు. దాని వల్ల జైలుకి వెళ్లాల్సిన పరిస్థితి ఏర్పడింది. వివరాల్లోకి వెళితే. టైమ్స్ ఆఫ్ ఇండియా. ఇండియా టైమ్స్ కథనం ప్రకారం, ఒనిబా, షరీక్ భార్య భర్తలు. గత సంవత్సరం ఒనిబా తన మొదటి బిడ్డతో ప్రెగ్నెంట్ గా ఉన్నారు. వాళ్ళ బంధువు ఒకరు ఒనిబా, షరీక్ కి ఖతార్‌ కు హనీమూన్ టికెట్లను బహుమతిగా ఇచ్చారు.

జూలై 6వ తేదీ, 2019 లో ఒనిబా, షరీక్ ముంబై నుండి హమద్ అంతర్జాతీయ విమానాశ్రయంలో ల్యాండ్ అయ్యారు. అప్పుడే కొంత మంది అధికారులు వచ్చి వారిద్దరిని జైలుకు తరలించారు. ఒక ఇన్స్పెక్షన్ లో వాళ్ల లగేజ్ లో నాలుగు కిలోల మత్తు పదార్థం ఉన్నట్టు వెల్లడైంది. ఆ పదార్థాన్ని వాళ్ల ట్రిప్ ని స్పాన్సర్ చేసిన బంధువు వీరిద్దరికీ అప్పగించారు. ఆ బంధువు పేరు తబస్సుమ్. తబస్సుమ్ చెప్పిన దాని ప్రకారం అందులో పొగాకు ఉంది, అది దోహా లోని తన స్నేహితులకు అప్పగించాలి.

దాంతో ఒనిబా,షరీక్‌ లకు 10 సంవత్సరాల జైలు శిక్ష తో పాటు, అక్రమంగా మాదకద్రవ్యాలు రవాణా చేసినందుకు కోటి రూపాయల జరిమానా విధించారు. ముంబై పోలీసులు, నార్కోటిక్స్ కంట్రోల్ బ్యూరో (ఎన్‌సిబి) ఒక ఏడాది పాటు జరిపిన దర్యాప్తులో ఒనిబా,షరీక్ లని తబస్సుమ్ ఎలా మోసం చేశారో తేలింది.

గత సెప్టెంబర్ లో ముంబై పోలీసులు తబస్సుమ్ మరియు ఆమె సహచరుడు నిజాం కారాను అరెస్ట్ చేసి, వారి దగ్గర నుండి 13 గ్రాముల కొకైన్ స్వాధీనం చేసుకున్నారు. ఎన్‌సిబి వీరిద్దరిని ప్రశ్నించింది అని, వీళ్లిద్దరు మిడిల్ ఈస్ట్ లోని అక్రమ రవాణాదారులతో సంబంధాలున్న డ్రగ్ పెడ్లర్స్ అని తేలిందని ఎన్‌సిబి అధికారి ఒకరు చెప్పారు.

ఇప్పుడు ఈ సాక్ష్యాధారాలతో వాళ్ళిద్దరినీ (ఒనిబా,షరీక్) విడుదల చేయాలి అని ఎన్‌సిబి, దౌత్య మార్గాల (డిప్లోమేటిక్ ఛానల్స్) ద్వారా ఖతార్ ‌ను సంప్రదించనున్నారు. ఒనిబా,షరీక్ లతోపాటు వాళ్ళ కుటుంబం కూడా మానసికంగా ఎన్నో ఇబ్బందులను ఎదుర్కొన్నారు. ఒనిబా తల్లి ఇండియన్ ఎంబసీ కి ఎన్నో ఉత్తరాలు రాశారు.

ఒనిబా మామయ్య ఆరు నెలలు దోహాలో గడిపారు. అక్కడ ఈ కేసును వాదించడానికి లాయర్ నియమించడం కోసం, అలాగే ఖరీదు ఎక్కువ కాని హోటల్స్ లోనే ఒక హోటల్ నుండి మరొక హోటల్ కి మారాల్సి రావడంలో చాలా డబ్బులు ఖర్చు అయ్యాయి.

దీనిపై ఒనిబా తల్లి ప్రవీణ్ కౌసర్ మాట్లాడుతూ ” నా బిడ్డ ఒక ఫారిన్ కంట్రీ లో ఒంటరిగా జన్మనిచ్చింది. మేము ఇప్పటి వరకు మా మనవరాలిని చూడలేదు. ఖతార్ అధికారులు వాళ్లని ఇంటికి తిరిగి వెళ్ళడానికి అనుమతి ఇస్తారని ఆశిస్తున్నాం” అని అన్నారు.

source : INDIATV

జైలు అధికారులు ఒనిబాతో వారానికి రెండు ఫోన్ కాల్స్ మాట్లాడడానికి ప్రవీణ్ కౌసర్ కి అనుమతి ఇచ్చారు. ఒనిబా కుమార్తెను జైలు ప్రాంగణంలో ఉన్న క్రచ్ ‌లో ఉంచారు. తన బాధ్యతలను అందులో ఉన్న ఒక నర్స్ చూసుకున్నారు. వీరిద్దరిని దోషులుగా తేల్చిన తర్వాత, ఓనీబా తండ్రి షకీల్ అహ్మద్ 2019 సెప్టెంబర్ 27వ తేదీన ఎన్‌సిబి డైరెక్టర్ జనరల్ రాకేష్ అస్థానా కి లెటర్ రాశారు. దాంతో ఈ కేసుపై ఏజెన్సీ దర్యాప్తు ప్రారంభించింది.

ఈ లెటర్ లో “తబస్సుం రియాజ్ ఖురేషి, ఇంకా తన అసోసియేట్ అయినా నజీం కారా ద్వారా తన కుమార్తె మరియు అల్లుడు హనీమూన్ ప్యాకేజ్ విషయంలో మోసం చేయబడ్డారు. ఒక ఎన్‌సిబి దర్యాప్తులో ఒక డ్రగ్ నెట్‌వర్క్ ద్వారా ఈ జంట ట్రాప్ చేయబడ్డారు” అని పేర్కొన్నారు. ఈ జంటను తిరిగి తీసుకురావడానికి నార్కోటిక్స్ కంట్రోల్ బ్యూరో దౌత్య మార్గాల ద్వారా ఖతార్ లోని అధికారులను సంప్రదించినట్లు ఏజెన్సీ డిప్యూటీ డైరెక్టర్ కెపిఎస్ మల్హోత్రా తెలిపారు.

ఇన్ని సంవత్సరాల తర్వాత ఆ కుటుంబం యొక్క కష్టం ఫలించింది. ఈ సంవత్సరం జనవరిలో వారి పది సంవత్సరాలు జైలు శిక్ష ని రద్దు చేస్తూ ఖతార్ యొక్క హైయెస్ట్ కోర్టు తీర్పు ఇచ్చింది. జైలునుండి విడుదల అయిన తర్వాత వారిద్దరూ భారతదేశానికి చేరుకొని తర్వాత ముంబైలోని వారి కూతుర్ని కలుసుకున్నారు.

ఇటీవల ఆత్మహత్యలు ఎక్కువ గా జరుగుతున్నాయి. కొందరైతే.. తమ ప్రాణాలు తీసుకుంటూ.. తమ పిల్లలు అనాధలుగా మిగలకూడదని వారి ప్రాణాలు కూడా తీస్తున్నారు. ఇలాంటి ఘటనే తాజాగా కృష్ణ జిల్లా పరిధి లో నున్న లో చోటు చేసుకుంది.

న్యూస్ 18 కధనం ప్రకారం, కృష్ణ జిల్లా నున్న కు చెందిన సురేంద్ర కు, గుంటూరు జిల్లా తాడేపల్లి కి చెందిన వాణిని ఇచ్చి వివాహం చేసారు. వీరికి పెళ్ళై నాలుగేళ్లు అవుతోంది. వీరికి ఒక మూడేళ్ళ పాప (భావన), పదినెలల పాప (అక్ష) ఉన్నారు. ఇటీవల భార్యా భర్తల మధ్య గొడవలు వచ్చాయి. కొంత కాలం చిల్లర కొట్టు వ్యాపారం నడిపిన సురేంద్ర సజావు గా లేకపోవడం తో ఆటో తోలడం ప్రారంభించాడు.

అయితే, ఆర్ధిక ఇబ్బందుల వలనే ఇద్దరిమధ్య గొడవలు జరుగుతుండేవి. కట్నం గా ఇస్తామన్న అర ఎకరం పొలం ఇవ్వకపోవడం వల్లనే ఇన్ని ఇబ్బందులు వస్తున్నాయని సురేంద్ర మాటలతో వేధించడం తో వాణి మనస్తాపానికి గురి అయింది. ఈ క్రమం లోనే వాణి ఆత్మహత్య కు ప్రయత్నించింది. భర్త సురేంద్ర ఆటో నడుపుకోడానికి వెళ్లిన సమయం లో ఇద్దరు పిల్లలకు విషం కలిపిన పాలు ఇచ్చింది. తానూ ఆ పాలను తీసుకుంది.

ఆదివారం ఉదయమే సురేంద్ర ఆటో కిరాయి కి వెళ్ళాడు. మధ్యాహ్నం కూడా అందరు కలిసే భోజనాలు చేసారు. ఆరోజు సాయంత్రం సమయం లో సురేంద్ర తిరిగి ఆటో కిరాయికి వెళ్లే సమయం లో ఏమి జరిగిందో ఎవరికీ తెలియదు. సురేంద్ర బయటకు వెళ్లిన తరువాత వాణి ఆత్మహత్య చేసుకోవాలని నిర్ణయించుకుంది. ఉన్నట్లుండి పిల్లలిద్దరూ, వాణి వాంతులు చేసుకుంటూ కుప్పకూలిపోవడం తో స్థానికులు సురేంద్రకు సమాచారమిచ్చారు.

వెంటనే సురేంద్ర కూడా ఇంటికి వచ్చాడు. సురేంద్ర వచ్చేసరికి వాణి అస్వస్థత కు లోనైంది. పిల్లలిద్దరూ ఇబ్బంది పడుతూ కనిపించారు. వెంటనే వారిని ఆసుపత్రికి తీసుకెళ్లాడు. దారిలోనే ఓ పాప చనిపోయింది. ఆసుపత్రికి చేరుకున్నాక మరో పాప కూడా మరణించింది. పదినెలల పాప అయిన అక్ష ఆసుపత్రిలో నోటినుంచి.. ముక్కునుంచి రక్తం కారుతుంటే కొన్ని గంటలపాటు నరకం అనుభవించి మృతి చెందింది. సోమవారం మధ్యాహ్నం సమయానికి వాణి కూడా మరణించింది. వారి కుటుంబసభ్యుల రోదనలు మిన్నంటుతున్నాయి. ఆ పసిపాప కు చికిత్స చేస్తుండగా..ఎక్కిళ్ళు పెడుతూ అందరివైపు చూస్తూ ఉంటె.. అక్కడి వారి గుండె పగిలింది.