News

మనం కొంచెం ప్రేమ చూపిస్తే చాలు వాటి జీవితాంతం వరకు మనల్ని కనిపెట్టుకుని ఉంటాయి. ఆఖరికి పెంచిన వారికోసం తమ ప్రాణాలని కూడా అర్పించడానికి సిద్దపడతాయి. ఇప్పటివరకు కుక్కలు తమ విశ్వాసాన్ని చాటుకున్న ఎన్నో ఘటనలు చూసాము. తాజాగా ఖమ్మం జిల్లాలో యజమాని ప్రాణాలు కాపాడడం కోసం విషసర్పంతో ఫైట్ చేసి చనిపోయింది ఒక శునకం..

ఖమ్మం జిల్లా కల్లూరుకి చెందిన కిశోర్  కుటుంబం ఒక  పెంపుడు కుక్కని పెంచుకుంటున్నరు…పేరు స్నూపి . కిషోర్ కుటుంబం మొత్తం దాన్ని అల్లారుముద్దుగా చూసేవారు. ఇటీవల కిషోర్ ఇంటికి వెనుక గదిలో నిద్రపోతున్నాడు.. ఇంతలో అతడి మంచం కిందకు ఒక పాము వచ్చింది. గోధుమరంగులో ఉన్న ఆ పాము బుసలు కొడుతూ కిషోర్ ని కాటువేయడానికి అతడి వైపు వెళుతుండగా అక్కడే ఉన్న స్నూపి ఆ విషయాన్ని గమనించింది. అంతే పెద్దగా అరవడం మొదలు పెట్టింది.

స్నూపి అరుపులకి నిద్ర లేచిన కిషోర్ వెంటనే అతడికి సమీపంలో ఉన్న పాముని చూసాడు . అసలు ఏం జరుగుతుందో తెలుసుకునే లోపే పాము కిషోర్ ని కాటువేయబోయింది. అక్కడే ఉన్న స్నూపి ఒక్క ఉదుటన పాము పైకి దూకి నోటకరిచి పట్టుకుని పక్కకి విసిరేసింది. కొద్దిసేపు పాముతో ఫైట్ చేస్తుండగా పాము స్నూపిని కాటేసింది. అయినా స్నూపి భయపడకుండా పాముని బయటికి లాక్కొచ్చింది.

ఇంతలో కిషోర్ కర్ర తీసుకొచ్చి పాముని కొట్టి చంపి, వెంటనే స్నూపిని తీసుకుని వెటర్నరీ హాస్పిటల్ తీసుకెళ్తుండగా  మార్గమద్యలోనే మరణించింది.తన ప్రాణాలు కాపాడటానికి పాముతో పోరాడి తన ప్రాణం కోల్పోయిన పెంపుడు కుక్కిన తలచుకొని కిశోర్‌, అతడి కుటుంబసభ్యులు కన్నీరుమున్నీరయ్యారు.

watch video:

లాక్ డౌన్ వలన రవాణా వ్యవస్థ పూర్తిగా స్తంబించిపోయింది.. కేవలం ఆహారం, ఇతర నిత్యావసరాలను సరఫరా చేసేందుకే రవాణా వ్యవస్థని వినియోగిస్తున్నారు. ఈ నేపధ్యంలో తన బిడ్డకి ఒంటె పాలు కావాలని ఒక మహిళ ప్రధానిని అభ్యర్దించగానే రైల్వేవ్యవస్థ ముందుకొచ్చి సాయం చేసింది..రాజస్థాన్ నుండి ముంబైకి ఇరవై లీటర్ల పాలను తెప్పించింది..ఆ స్టోరీ వివరాలు..

ఆటిజంతో బాధపడుతున్న తన మూడున్నరేళ్ల కుమారుడికి ఒంటె పాలు కావాలంటూ ప్రధానిని అభ్యర్దిస్తూ ఒక మహిళ చేసిన ట్వీట్ పై రెస్పాండ్ అయింది రైల్వే డిపార్ట్ మెంట్ . ముంబైలోని బాంద్రాలో నివసించే నేహాకుమారి కుమారుడి వయసు మూడున్నరేళ్లు. ఆటిజంతో బాధపడుతున్న ఆ బాబుకి ఆరోగ్యరిత్యా ఒంటె పాలు తప్ప మరే పాలు శ్రేయస్కరం కాదు. 21 రోజుల లాక్‌డౌన్ కారణంగా  నేహాకుమారి కుమారుడికి ఒంటె పాలు అందడం లేదు. దాంతో ఏం చేయాలో పాలుపోక  ప్రధానమంత్రికి ట్వీట్ చేసింది. తన కుమారుడు కేవలం ఒంటె పాలపైనే ఆధారపడి ఉన్నాడని, కాబట్టి ఒంటె పాలను కానీ లేక రాజస్థాన్‌లోని సాద్రీలో లభ్యమయ్యే పాల పౌడర్‌ను కానీ అందించాలని కోరింది .

మహిళ ట్వీట్ చేసిన వెంటనే రైల్వే టీం రంగంలోకి దిగింది. రాజస్థాన్ నుండి ముంబైకి పాలు తీసుకొచ్చే మార్గం ఆలోచించింది. లూథియానా నుండి ముంబై కి ఒక పార్శిల్ రైల్ రవాణా జరుగుతుంది..ఆ రైల్లో పాలు తీసుకొచ్చేలా ఏర్పాట్లు చేసింది. పాలు తీసుకోవాలసిన చోట హాల్ట్ లేనప్పటికి అక్కడ 20లీటర్ల పాలు సేకరించి, బాంద్రాలో నేహా కుమారికి అందించారు. వాటిని తనతో పాటు అవసరం ఉన్నవారికి అందించాల్సిందిగా కోరారు. ఇమ్మిడియట్ గా రెస్పాండ్ అయి, తన కష్టం తీర్చిన వారికి థాంక్స్ చెప్తూ నేహాకుమారి మరో ట్వీట్ చేశారు.

లాక్ డౌన్ వేళ ఒక్కొక్కరిది ఒక్కో దీనగాధ . కొడుకు కోసం 1400కిమీ ప్రయాణించిన తల్లి,  ఎక్కడో దూరంగా ఉన్న నా కొడుక్కి ఏ తల్లైనా అన్నం పెట్టకపోదా అని తను పండించుకున్నది ప్రభుత్వానికి ఇచ్చిన మరోతల్లి. ఊరికొచ్చి మధ్యలో చిక్కుకుపోయి పిల్లల కడుపు నింపడానికి బిక్షాటన చేసిన కన్నతల్లి . ఇలా ఎందరో తల్లులు తమ పిల్లల ఆకలి,కష్టం తీర్చడం కోసం తాపత్రయపడుతున్నరు..వారి కష్టాన్ని అర్దం చేసుకుని ప్రభుత్వాలు, పోలీసు వ్యవస్థ అండగా నిలుస్తున్నారు..

ఎక్కడ నెగ్గాలో కాదు..ఎక్కడ తగ్గాలో తెలిసిన వారే గొప్పవారు. మన అవసరం ఉందనుకున్నప్పుడు, మన సాయం కొంతమందికి అవసరం అనుకున్నప్పుడు, వారు స్వయంగా అడగకపోయినా మనం ఎంత గొప్ప స్థానంలో ఉన్న ఆ స్థానాన్ని విడిచి వారికి సాయపడినప్పడే అసలైన గొప్పతనం. అదే నిరూపించుకుంది మిస్ ఇంగ్లాండ్ కిరీటం దక్కించుకున్న వైద్యురాలు. కరోనాతో అల్లాడిపోతున్న తన దేశానికి వైద్యం అందించడానికి తన కిరిటాన్ని పక్కన పెట్టి ముందుకు వచ్చింది.

మిస్ ఇంగ్లాండ్  భాషా ముఖర్జి  వృత్తిరిత్యా డాక్టర్ .భాషా ముఖర్జి భారత సంతతికి చెందిన వారే కావడం విశేషం. భాషా ఎనిమిదేళ్ల వయసులోనే కోల్ కతా నుండి యుకె వెళ్లి అక్కడే సెటిల్ అయ్యారు. యుకెలోని తన వైద్య విధ్యను కంప్లీట్ చేసి శ్వాసకోస వైధ్యంలో స్పెషలిస్ట్ గా పట్టాపొందారు. తర్వాత మోడలింగ్ పై ఆసక్తితో అటుగా ప్రయాణించారు. అందులో భాగంగానే 2019లో మిస్ ఇంగ్లాండ్ గా కిరిటాన్ని దక్కించుకుంది. మిస్ ఇంగ్లాండ్ గా ఎన్నికైన తర్వాత వైద్యవృత్తికి విరామం ఇచ్చి ఒక ఛారిటిపై ఫోకస్ పెట్టారు. ఆ ఛారిటిపనుల్లోనే నిమగ్నమయ్యారు.

అయితే ఇప్పుడు ప్రపంచదేశాలన్ని కరోనాని ఎదుర్కొంటున్న విషయం తెలిసిందే. అందులో యుకె కూడా ఒకటి.యుకెలో కరోనా తీవ్రంగానే ఉంది.  తన డాక్టర్ ఫ్రెండ్స్ ఎప్పటికప్పుడు అక్కడి పరిస్థితులను మెసేజెస్ చేస్తున్నారని, అందుకే తను తిరిగి యుకె రావాలనుకున్నానని, వైద్యురాలిగా తన సేవలు  అందించాలని అనుకుంటున్నాని చెప్పారు భాషా , ఇప్పుడు తను రెండు  వారాలపాటు ఐసోలేషన్లో ఉండాల్సి ఉంది. ఐసోలేషన్ పీరియడ్ ముగిసిన తర్వాత భాషా ముఖర్జీ ఫిలిగ్రిమ్ ఆస్పత్రిలో డాక్టర్ గా పనిచేయనున్నారు.

ప్రపంచవ్యాప్తంగా కరోనా మహమ్మారి సోకి ప్రాణాలు కోల్పోతుంటే తన తోటి వైద్య సిబ్బంది కరోనా బాధితుల కోసం తీవ్రంగా శ్రమిస్తున్నారని,ఇలాంటి పరిస్థితుల్లో మానవతా దృక్పథంతో మెలగాల్సిన అవసరం ఉందని, మిస్ ఇంగ్లాండ్ కిరీటం ధరించడంలో అర్థం లేదని యుకె మీడియాకు చెప్పుకొచ్చింది. ఇప్పుడు నేను కిరీటం ధరించిన మిస్ ఇంగ్లాండ్ కన్నా, స్టెతస్కోప్ పట్టి డాక్టర్ గా సేవచేయడంలోనే అర్దం ఉందని తన మానవత్వాన్ని చాటుకుంది. భాషా ముఖర్జి నిర్ణయం పట్ల నెటిజన్లందరు తనని ప్రశంసల్లో ముంచెత్తుతున్నారు.

విజృంభిస్తున్న కరోనా కారణంగా దేశవ్యాప్తంగా లాక్ డౌన్ విధించిన విషయం తెలిసిందే .  ఈ సమయంలో  అందరు కూడా ఎవరివంతు సాయం వారు చేసి మానవత్వాన్ని చాటుకుంటున్నారు ..సాధారణ ప్రజలు సైతం పేదలకు బియ్యం కూరగాయలు పంచిపెడుతున్నారు . డాక్టర్స్ ,పోలీస్ లు మరియు కొంత మంది అత్యసవర సిబ్బంది రాత్రి పగలు అనే తేడా లేకుండా తమ విధులను నిర్వర్తిస్తూ కరోనాతో యుద్ధం చేస్తున్నారు . ఈ నేపథ్యంలో మెగాస్టార్ చిరంజీవి తల్లి అంజనాదేవి కూడా కరొనపై పోరులో తాను సైతం అంటూ ముందుకు వచ్చారు అంటూ ఒక వార్త నెట్ లో వైరల్ అవుతుంది. . వివరాలలోకి వెళ్తే ..

మెగాస్టార్ తల్లి అయిన అంజనాదేవి గత మూడు రోజులుగా తన స్నేహితురాళ్ళతో కలిసి 700 మాస్క్లులు కుట్టారు.వీటిని అవసరమైన పేదవారికి అందచేస్తున్నరు . తన వయసును కూడా లెక్క చెయ్యకుండా ఆమె ప్రజల కోసం తన వంతు బాధ్యతను నెరవేరుస్తున్నారు అంటూ ఓ వార్త సోషల్ మీడియా లో హాల్ చల్ చేసింది. ఈ వార్తా పై చిరంజీవి గారు స్పదించారు .

మానవతా ధృక్పధంతో తన తల్లి ఈ పని చేశారంటూ కొన్ని మీడియా ఛానెళ్లలో వార్త వచ్చిందని. అయితే ఆమె తన తల్లి కాదని చిరంజీవి ట్విట్టర్ వేదికగా తెలిపారు. ఇంత గొప్ప కార్యక్రమంలో భాగస్వామి అయినందుకు ఆ తల్లికిమనస్పూర్తిగా ధన్యవాదాలు చెబుతున్నానని చెప్పారు. కమ్మనైన మనసున్న ప్రతి తల్లి అమ్మేనంటూ ట్వీట్ చేశారు చిరంజీవి గారు.