News

సంక్రాంతికి వచ్చిన రెండు సినిమాలు “అల వైకుంఠపురంలో” , “సరిలేరు నీకెవ్వరూ” ప్రేక్షకులని ఎంతగా ఆకట్టుకున్నాయి అనే విషయం కొత్తగా చెప్పాల్సిన అవసరం లేదు అనుకుంట. కలెక్షన్స్ చూస్తేనే అర్ధం అయిపోతుంది. త్రివిక్రమ్ అల్లు అర్జున్ కాంబినేషన్ మరోసారి హిట్ అందుకుంది. అల వైకుంఠపురంలో పాటల గురించి ప్రత్యేకంగా చెప్పక్కర్లేదు. మిలియన్ వ్యూస్ తో దూసుకుపోతూ సంచలనం సృష్టిస్తున్నాయి.

సంక్రాంతికి సూపర్ హిట్ అయిన చిత్రం “అల వైకుంఠపురంలో”…అల్లు అర్జున్ నటన, థమన్ మ్యూజిక్, త్రివిక్రమ్ డైరెక్షన్ ఇవన్నీ ఒక ఎత్తు అయితే మన బుట్టబొమ్మ పూజా హెగ్డే మరో ఎత్తు. ఇటీవలే ఈ సినిమా సక్సెస్ మీట్ విశాఖపట్నంలో జరిగింది.ఈ సక్సెస్ మీట్ లో త్రివిక్రమ్ మాట్లాడుతూ “అల వైకుంఠపురములో సినిమా గురించి ఇప్పటికే చాలా చెప్పాము. కానీ ఈ కార్యక్రమంలో ఖచ్చితంగా కొన్ని చెప్పాలి. ఈ సినిమాని తన భుజం మీద మోసుకొచ్చాడు థమన్. విలువలతో సినిమా తీయండి. మేమెందుకు ఆదరించమో.. చూపిస్తాం అని మీరంతా చెప్పారు. అది మాకు చాలా నమ్మకాన్ని ఇచ్చింది.

ఇది ఇలా ఉంటె…సినిమా రిలీజ్ కి ముందు అమెజాన్, నెట్ ఫ్లిక్స్ లో ఈ సినిమా రిలీజ్ అవ్వదు అని పోస్టర్ లో వేశారు. కానీ ఇటీవలే నెట్ ఫిల్క్స్, సన్ నెక్స్ట్ లో ఈ సినిమా రిలీజ్ చేసారు. దీనిపై నెటిజెన్స్ ఓ రేంజ్ లో ట్రోల్ చేస్తున్నారు. అవి మీరు చూసేయండి.

సంక్రాంతికి సూపర్ హిట్ అయిన చిత్రం “అల వైకుంఠపురంలో”…అల్లు అర్జున్ నటన, థమన్ మ్యూజిక్, త్రివిక్రమ్ డైరెక్షన్ ఇవన్నీ ఒక ఎత్తు అయితే మన బుట్టబొమ్మ పూజా హెగ్డే మరో ఎత్తు. ప్రేక్షకులని ఎంతగా ఆకట్టుకున్నాయి అనే విషయం కొత్తగా చెప్పాల్సిన అవసరం లేదు అనుకుంట. కలెక్షన్స్ చూస్తేనే అర్ధం అయిపోతుంది. త్రివిక్రమ్ అల్లు అర్జున్ కాంబినేషన్ మరోసారి హిట్ అందుకుంది. అల వైకుంఠపురంలో పాటల గురించి ప్రత్యేకంగా చెప్పక్కర్లేదు. మిలియన్ వ్యూస్ తో దూసుకుపోతూ సంచలనం సృష్టిస్తున్నాయి.

నితిన్, రష్మిక జంటగా నటించిన “భీష్మ”. ఇటీవలే ప్రేక్షకుల ముందుకి వచ్చి హిట్ కొట్టింది ఈ చిత్రం. ఇప్పుడు ఈ చిత్రానికి అనుకోని కష్టం వచ్చి పడింది. వెంకీ కుడుములు దర్శకత్వంలో సితార ఎంటర్టైన్మెంట్స్ బ్యానర్ వచ్చిన సినిమా ‘భీష్మ’ .వారం రోజుల్లోనే 50 కోట్లు వసూలు చేసింది ఈ చిత్రం. అయితే సినిమా రిలీజ్ అయ్యి వారం కూడా అవ్వకముందే పైరసీ వచ్చేసింది. పైగా ఆ పైరసీ కాపీని టీఎస్‌ఆర్టీసీ బస్సులో ప్లే చేయడం చర్చనీయాంశంగా మారింది. ఈ విషయాన్ని నిఖిల్ అనే నెటిజన్ దర్శకుడు వెంకీ కుడుములకు తెలియజేసాడు.

హైదరాబాద్ నుంచి జిల్లాలకు వెళ్తున్న టీఎస్ఆర్టీసీ సూపర్ లగ్జరీ బస్సులోని టీవీలో ఈ చిత్రాన్ని ప్రదర్శించడం గమనార్హం. “తెలంగాణ ఆర్టీసీ బస్సులో భీష్మ పైరసీని ప్లే చేసారు. వెంకీ కుడుముల, నితిన్ వెంటనే వీరిపై యాక్షన్ తీసుకోండి’ అంటూ ఆ బస్సు నెంబర్‌తో సహా ఫొటోలను షేర్ చేసాడు. దీనికి దర్శకుడు స్పందించి కేటీఆర్ కు ట్వీట్ చేసారు.

దర్శకుడి ట్వీట్దీ పై కేటీఆర్ వెంటనే స్పందించారు. టీఎస్ఆర్టీసీ బస్సుల్లో పైరసీ చిత్రాలను ప్రదర్శించకుండా చర్యలు తీసుకోవాలని మంత్రి కేటీఆర్ గురువారం ట్విట్టర్ వేదికగా రవాణాశాఖ మంత్రి పువ్వాడ అజయ్‌కు సూచించారు. ఈ ట్వీట్ చూడగానే హీరో నిఖిల్ కూడా స్పందించారు. నిఖిల్ నటించిన ‘అర్జున్ సురవరం’ సినిమా పైరసీ వీడియోను కూడా చాలా బస్సుల్లో ప్లే చేసారని, దయచేసి పైరసీ ఆపేందుకు చర్యలు తీసుకోవాలని కోరారు.

ఈ సినిమా ఈనెల 21న విడుదలకాగా.. విడుదలైన నాలుగో రోజే ఆర్టీసీ బస్సులో ప్రదర్శించారని, ఇతర మాధ్యమాలు, సామాజిక వేదికల్లో విస్తరించకుండా చర్యలు చేపట్టాలని పోలీస్‌ అధికారులను కోరారు. భీష్మ చిత్రం ఫిబ్రవరి 21న ప్రేక్షకుల ముందుకి వచ్చింది. హిట్ టాక్ తో దూసుకెళ్తోంది. వారం కూడా కాకముందే ఇలా పైరసీకి గురికావడం వల్ల చిత్ర కలెక్షన్లు దెబ్బతింటాయని చిత్ర బృందం ఆందోళన వ్యక్తం చేసింది.

ఫ్రెండ్లీ పోలిసింగ్ అని ట్యాగ్ లైన్ పెట్కున్న తెలంగాణా పోలీసులు ప్రాక్టికాలిటిలో జనాలకి చుక్కలు చూపిస్తున్నారు. పోలిసు స్టేషన్ కి వెళ్లడానికే భయపడే సామాన్యుల పరిస్థితి నుండి అసలెక్కడా తమ గోడును వెళ్లబోసుకోవడానికి వీల్లేకుండా, మార్చురి వరకు కూడా తమ ప్రతాపాన్ని విస్తరింపచేశారు. కూతురుని కోల్పోయిన తండ్రి పట్ల పోలీసులు ఎంత ఫ్రెండ్లీగా ప్రవర్తించారో తెలుసా? ఆఖరుకి మంత్రి కెటీఆర్ కూడా పోలీసుల తీరును తప్పుపడుతూ స్పందించక తప్పలేదు..అసలు విషయం ఏంటంటే..

ఉమ్మడి మహబూబ్ నగర్ జిల్లాకు చెందిన చంద్రశేఖర్ పెద్ద కూతురు సంధ్య. అందరు తల్లిదండ్రుల్లానే వాళ్లు కూడా తమ పిల్లలను పెద్ద చదువులు చదివించాలనుకున్నారు. అనుకున్నట్టుగానే కూతురుని నారాయణా కాలేజ్లో జాయిన్ చేశారు. కానీ తనకు ఆరోగ్యం బాగాలేదని , చదవలేకపోతున్నానంటూ కొద్దిరోజులకే సంధ్య తల్లిదండ్రులకు కాల్ చేసింది. పెద్ద చదువులు చదువుకుని జీవితంలో సెటిల్ అవుతుందనుకున్న కూతురు అలా అనేసరికి మొదట భయపడిన ఆ తల్లిదండ్రులు,తర్వాత నచ్చచెప్పారు. కూతురు సరేననడంతో హాస్టల్లో వదిలేసి వెళ్లారు.ఒకవైపు పరీక్షలు దగ్గర పడుతున్నాయి , మరోవైపు ఆరోగ్యం సహకరించకపోవడంతో హాస్టల్ బాత్రూంలో ఉరివేసుకుని చనిపోయింది.

సంధ్య మృతదేహాన్ని పటాన్ చెరు ఆస్పత్రికి తరలించారు.విద్యార్ధి సంఘాల నేతలు , తల్లిదండ్రులు,సంధ్య కుటుంబ సభ్యులు ఆస్పత్రికి చేరుకున్నారు. పటాన్ చెరు  మార్చురీలో ఉన్న సంధ్య మృతదేహన్ని విద్యార్ది సంఘాల నేతలు బయటకు తీసుకురావడానికి ప్రయత్నం చేశారు. పోలీసులు ఒప్పుకోకపోవడంతో మార్చురు తలుపులు ధ్వంసం చేసి మృతదేహాన్ని బయటికి తీస్కెళ్లెందుకు ప్రయత్నించారు. సంధ్య చావుకు అసలైన కారణం ఏంటో తెలియాలని శవపేటికలో ఉన్న సంధ్య మృతదేహాన్ని కాలేజి ముందుకు తీసుకువెళ్లి ధర్నా చేయాలని ప్లాన్ చేశారు విద్యార్ది సంఘ నేతలు .

ఒకవైపు కూతురు పోయిన బాధ , మరోవైపు కూతురు శవంతో విద్యార్దిసంఘాల నేతలు, పోలిసుల మధ్య వాగ్వివాదం రెండిటిని చూస్తున్న ఆ తండ్రి తన కూతురుని వదిలిపెట్టాలంటూ శవపేటికకు అడ్డుపడ్డాడు. అంతే అక్కడే ఉన్న కానిస్టేబుల్ ఆ తండ్రిని కాలితో తీవ్రంగా తన్నాడు. వదిలిపెట్టండి బాబూ అంటూ ఆ తల్లి కన్నీరుమున్నీరయింది. ఆ వీడియో ఇప్పుడు సోషల్ మీడియాలో వైరల్ అవుతుంది.

కార్పోరేట్ కాలేజిలలో చదువుల ఒత్తిడి ఏ విధంగా ఉంటుందో మనకు తెలిసిందే. ఆ ఒత్తిడి తట్టుకోలేక గతేడాది ఎంతోమంది విధ్యార్దులు బలవణ్మరణానికి పాల్పడిన విషయం కూడా విధితమే. సంధ్య మరణానికి కారణం చదువుల ఒత్తిడో? అనారోగ్యమో?? ఏదైతేనేం తల్లిదండ్రులకి కూతురుని దూరం చేసింది .

స్వీట్స్ ఇష్టపడని వాళ్లెవరైనా ఉంటారా ? కలాకండ్,గులాబ్ జామూన్, లడ్డూ, జిలేబి ఇలా ఎన్నో నోరూరించే రకరకాల స్వీట్లు చూడగానే టెంప్ట్ అవ్వని వారుంటారా? కానీ మనం కొనే స్వీట్స్ ప్రతిసారి బాగుంటాయని చెప్పలేం . ఎందుకంటే ప్యాకెజ్డ్ ఫూడ్ పై ఎమ్ఆర్పీ తో పాటు ఎక్స్పైరీ డేట్ ఉంటుంది . కానీ లూజ్ గా అమ్మే స్వీట్స్ పై అలాంటి వివరాలేవీ ఉండవ్ . దాంతో కొన్ని సార్లు ఆరోగ్య సమస్యలు ఎదుర్కొంటుంటాం. కాబట్టి  లూజ్ స్వీట్స్ వాటి ఎక్స్పైరీ డేట్ విక్రయదారులే చెప్పాలి అంటున్నారు ఫూడ్ సేప్టి అధికారులు . అవునండి ఇకపైన లూజ్ స్వీట్లు అమ్మేటప్పుడు అవి ఎప్పుడు తయారు చేశారు,ఎన్ని రోజుల వరకు తినొచ్చు అనేది ఖచ్చితంగా షాపుదారుడు చెప్పి తీరాల్సిందే . వివరాలు.

ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా కొత్త నిబంధన తీసుకొచ్చింది. ఇకపై స్వీట్ షాపుల యజమానులు, మిఠాయి తయారీదారులు నాన్ ప్యాకేజ్డ్ స్వీట్స్ పై మ్యానుఫ్యాక్చర్  తేదీ , బెస్ట్ బిఫోర్ డేట్ కచ్చితంగా ప్రదర్శించాల్సి ఉంటుంది. ఇప్పటివరకు ఈ నిబంధన ప్యాకేజ్డ్ స్వీట్లకు మాత్రమే వర్తించేది. ఇకపై విడిగా లూజ్ గా అమ్మే స్వీట్స్ కి  కూడా వర్తిస్తుంది. 2020 జూన్ 1 నుంచి ఈ కొత్త నిబంధలు అమల్లోకి రానుంది . చాలా వరకు షాపుల్లో ఎక్స్ పైరీ డేట్ అయిపోయిన స్వీట్లను అమ్ముతున్నారని, దీంతో అనారోగ్య సమస్యలు వస్తున్నాయని వినియోగదారుల నుంచి పెద్ద సంఖ్యలో ఫుడ్ సేఫ్టీ అధికారులకు ఫిర్యాదులు వెళ్లాయి. దీన్ని సీరియస్ గా తీసుకున్న ఫుడ్ సేఫ్టీ అధికారులు  ఈ నిబంధనని తీసుకొచ్చారు.

రసగుల్లా, బాదం మిల్క్, రసమలై లాంటి స్వీట్లు తయారు చేసిన సమయం నుంచి 48 గంటల వరకు మాత్రమే బాగుంటాయి. అంటే తయారు చేసిన రెండు రోజుల వరకు మాత్రం తినడానికి పనికొస్తాయి. ఆ తర్వాత వాటిని పారేయాల్సిందే. లడ్డూలైతే వారం రోజుల్లో బూజు వచ్చేస్తాయి . స్పెల్ కూడా వస్తుంది అవి గమనించకుండా మనం కొన్నప్పటికి పారేయాలి తప్ప తినలేం. తిన్నామంటే ఆరోగ్యం పాడవడం గ్యారంటీ. ఈ విషయాలు తెలిసినప్పటికి కొంతమంది  డేట్ అయిపోయినా స్వీట్లను వినియోగదారులకు అంటగడుతుంటారు. ఇలాంటి వాటిని అరికట్టడానికే ఈ స్ట్రిక్ట్ రూల్ తీసుకొచ్చారు.

జూన్ ఒకటి నుండి ఈ రూల్ అమలవుతుంది . ఎవరైనా దీనిని ఉల్లంఘిస్తే వారిపై కఠిన చర్యలు తీస్కొక తప్పదని హెచ్చరించారు అధికారులు . ఈ నిబందన పట్ల వినియోగదారులు హర్శం వ్యక్తం చేస్తున్నారు. ఇకపైన డేట్ అయిపోయిన స్వీట్స్ ని అమ్మి వినియోగదారులని మోసం చేయలేరు . కాబట్టి బహుపరాక్ స్వీట్ షాప్ ఓనర్స్ , బి హ్యాపీ స్వీట్ లవర్స్ .

దేశ రాజధాని ఢిల్లీలో జరుగుతున్న అల్లర్లు కలకలం సృష్టిస్తున్నాయి. సోషల్ మీడియాలో అల్లర్లకు సంబంధించిన వీడియోలు వైరల్ అవుతున్నాయి. కొన్నిరోజులుగా సాగుతున్న ఈ అల్లర్లలో ఓ పోలీస్ హెడ్ కానిస్టేబుల్ తో సహా ఏడుగురు మృతి చెందారు. ప్రజా ఆస్తులు పూర్తిగా ధ్వంసమయ్యాయి. ఈశాన్య ఢిల్లీలో కోట్లాది రూపాయల ఆస్తి నష్టం సంభవించిందని అంచనా. ప్రస్తుతం ఢిల్లీలో పరిస్థితి అదుపులో ఉందని పోలీసులు వెల్లడిస్తున్నారు.

ఈ అల్లర్లతో విద్యార్ధులు స్కూల్ కు వెళ్లాలంటే హడలిపోతున్నారు. ఏం జరగుతుందోనని ఆందోళన చెందుతున్నారు. దీంతో స్కూల్ కు వెళ్లకుండా మానేస్తున్నారు. డిల్లీలోని యమునా విహాన్ వాసులు విద్యార్థులు సురక్షితంగా స్కూల్ కి వెళ్లాలని చేసిన ఓ పని ఇప్పుడు నెట్ ఇంట్లో హల్చల్ అవుతుంది. ట్విట్టర్ లో అప్లోడ్ చేసిన ఆ వీడియోకి ఎంతో మంది ప్రశంసలు అందిస్తున్నారు. ఇంతకీ వారు ఏం చేసారా అనుకుంటున్నారా?

ఢిల్లీలోని యమునా విహాన్ వాసులు మానవ హారంగా నిలబడ్డారు. విద్యార్ధులకు ప్రొటక్షన్ గా నిలబడి విద్యార్ధులకు స్కూళ్లకు పంపిస్తున్నారు. ఆ వీడియో ను సోషల్ మీడియాలో అప్లోడ్ చేసారు. ఆ ట్వీట్ లో ఏమని రాసారంటే. యమునా విహార్ వద్ద మంచితనం మానవహారం రూపంలో నిలబడింది. ఆ మంచితనం విద్యార్ధులకు సురక్షితంగా స్కూళ్లకు పంపిస్తోంది. ఆచుట్టు పక్కల పరిసరాల్లో ఎక్కడా పోలీసులు కనిపించటంలేదు..మంచితనమే మానవహారంగా నిలబడింది..ఆ మంచితనానికి వందనం.. అంటూ ప్రసంశలు కురిపిస్తున్నారు.

WATCH : Video from Yamuna vihar

Men forming a human chain to safely escort school girls to safe place!

No Police, No Force to Save them, they are on their own now.#GenocideInDelhi #DelhiBurning #DelhiPolice #DelhiRiots #DelhiViolence pic.twitter.com/0cKXGaTEsJ

— CAA / NRC Protest Info. (@NrcProtest) February 25, 2020

ఇది ఇలా ఉంటె..శాంతి భద్రతలను అదుపులోకి తెచ్చేందుకు జాతీయ భద్రతా సలహాదారు అజిత్ ధోవల్ ఎంట్రీ ఇచ్చారు. మంగళవారం అర్ధరాత్రి హుటాహుటిన రంగప్రవేశం చేశారు. ఢిల్లీ పోలీసు అధికారులతో కేంద్ర హోంశాఖ మంత్రి అమిత్ షా సమావేశమైన గంటల్లోనే ధోవల్ రంగంలోకి దిగారు.

ఢిల్లీలో మూడు రోజులు కొనసాగిన అల్లర్లపై ప్రతిపక్షాలు నేడు రాష్ట్రపతి రామ్‌నాథ్ కోవింద్‌కు కంప్లైంట్ ఇవ్వనున్నాయి.కాంగ్రెస్ అధ్యక్షురాలు సోనియా గాంధీ, రాజ్యసభలో కాంగ్రెస్ ప్రతిపక్ష నేత గులాం నబీ ఆజాద్, లోక్‌సభలో పార్టీ పక్ష నేత అధీర్ రంజన్ చౌదరి, మాజీ ప్రధాన మంత్రి డాక్టర్ మన్మోహన్ సింగ్ మరికొంత మంది రాష్టప్రతిని కలవనున్నారు. అల్లర్లకు నైతిక బాధ్యత హోంమంత్రి అమిత్ షా వహించాలని. అతనితో రాజీనామా చేయించాలని కోరబోతున్నాయి.

ఉదయం లేచింది మొదలు రాత్రి పడుకునే వరకు చేతిలో మొబైల్ ఉండాల్సిందే. అందులో సోషల్ మీడియా యాప్స్లో యాక్టివ్ గా ఉండాల్సిందే . నేడు చాలామంది ధోరణి ఇలాగే ఉంది . దానికి సెలబ్రిటీలేం మినహాయింపు కాదు  . వాట్సప్ , ఫేస్బుక్ , టిక్ టాక్ , ఇన్స్ట్రాగ్రాం మరియు ట్విటర్ ఇలా ఎన్నో యాప్స్  అందుబాటులో ఉన్నాయి . వాటిల్లో డెయిల్ ఎన్నో అప్డేట్స్ . దేన్నైనా సరిగా వాడకపోతే చిక్కులు తప్పవు . ఫలితంగా సైబర్ కేసులు . తాజాగా ఇలాంటి పరిస్థితే ఒక యువనటికి ఎదురైంది.

సరవనన్ మీనాక్షి , కలక్కపోవత్తు యారు , కళ్యాణం ముదాల్ కాదల్ వారై వంటి తమిళ సీరియల్స్ తో క్రేజ్ సాధించిన నటి మైనా నందిని . తన అప్డేట్స్ ని ఎప్పటికప్పుడు సోషల్ మీడియా యాప్స్లో అప్డేట్ చేస్తూ ఎప్పుడూ యాక్టివ్ గా ఉంటుంది. ఇటీవల మైనా నందిని పేరుతో ఒక ఫేస్ బుక్ అకౌంట్ ఓపెన్ చేశారు. అందులో ఒక ఫోన్ నంబర్ ని కూడా యాడ్ చేసింది . ఇక్కడే అసలు సమస్య వచ్చింది .

ఆ కాంటాక్ట్ నంబర్ మైనా నందిని ది కాదు . ఈరోడ్ జిల్లా, అందియూర్‌ సమీపంలోని అన్నామలై గ్రామానికి చెందిన గురునాథన్‌ అనే వ్యక్తి ది . దీంతో గురునాథన్‌ కి నందిని కావాలంటూ క్షణం తీరిక లేకుండా వరుసగా ఫోన్లు వస్తున్నాయి . అసలు తన నెంబర్ ఎలా అందరికి తెలిసింది అని వాకబు చేస్తే,  చివరకు నటి మైనా నందిని ఆమె ఫేస్‌బుక్‌లో తన ఫోన్ నంబర్‌ని ఇచ్చిందని తెలుసుకున్నాడు . ఫోన్ల తాకిడి తట్టుకోలేక పోలీసులను ఆశ్రయించి వివరాలు చెప్పి కంప్లైంట్ ఫైల్ చేశాడు.

నందిని తన వ్యక్తిగత ఫేస్‌బుక్ అకౌంట్‌లో చేసిన తప్పుపై పోలీసులు కేసు నమోదు చేసి దర్యాప్తు మొదలుపెట్టారు. అయితే నందిని కావాలనే ఈ తప్పుడు నెంబర్ పోస్ట్ చేసిందా? లేదా మిస్టేక్‌లో అలా జరిగిందా? లేదంటే నందిని పేరుతో మరెవరైనా నకిలి అకౌంట్ ఓపెన్ చేశారా అనే తదితర వివరాలు తెలియాల్సి ఉంది . ఏదైతేనేం ఒక తప్పు వల్ల గురునాధన్ ఇబ్బంది పడాల్సి వచ్చింది , దాని ఫలితంగా ఇప్పుడు నందిని కేసులో ఇరుక్కోవాల్సి వచ్చింది.

అమెరికా అధ్యక్షుడు డొనాల్డ్ ట్రంప్ భారత పర్యటన సర్వత్రా చర్చనీయాంశమైన విషయం తెలిసిందే. తొలిసారి భారత్‌లో పర్యటిస్తున్న ఆయన.. అహ్మదాబాద్ విమానాశ్రయం నుంచి నేరుగా మహాత్ముని సబర్మతి ఆశ్రమానికి చేరుకున్నారు. ఈ సందర్భంగా అక్కడి సందర్శకుల పుస్తకంలో ఆయన ఏం రాశారన్నదానిపై అందరిలోనూ ఆసక్తి నెలకొంది.అమెరికా అధ్యక్షుడు డొనాల్డ్ ట్రంప్ తనయఅధ్యక్షుడి సలహాదారు అయిన ఇవాంకాట్రంప్ రంగురంగుల పూల ప్రింట్లతో కూడిన మిడ్డీ డ్రెస్ ధరించి అహ్మదాబాద్ నగరంలో అడుగుపెట్టారు.తన తండ్రితోపాటు యూఎస్ ఎయిర్ ఫోర్స్ ఏ వన్ విమానంలో వచ్చిన ఇవాంకా వెంట ఆమె భర్త జారెడ్ కుష్నర్ కూడా ఉన్నారు.

ఇప్పుడు వారు తిరిగి వెళ్ళిపోయాక…ఇవాంక ట్రంప్ గురించి ఓ వార్త చర్చనీయాంశం అయ్యింది. భారత పర్యటనలో ట్రంప్, ఆయన సతీమణి మలానియా ట్రంప్, ఇవాంకా ట్రంప్ ఆమె భర్త అందరూ కలిసి ఆగ్రాలోని చారిత్రక కట్టడాలను సందర్శించారు. ఈ క్రమంలో ప్రపంచంలోని ఏడు వింతల్లో ఒకటైన తాజ్మహల్ ను సందర్శించారు.ఈ సందర్బంగా తాజ్ మహాల్ దగ్గర దిగిన ఫొటోలను తన ఇన్ స్టాగ్రామ్ ఖాతాలో పోస్ట్ చేసారు ఇవాంక ట్రంప్. ‘తాజ్ మహల్ వైభవం, అందం అద్భుతమైన అనుభూతిని కలిగిస్తుంది’ అంటూ ఇవాంకా పోస్ట్ చేసారు.

ఇప్పుడు ఆ పోస్ట్ చర్చనీయాంశం అయ్యింది. ఈ #FactCheck ఫొటోలను ఇవాంకా ఇన్ స్టాగ్రామ్‌లో పోస్టు చేసిన కొద్దిసేపటికే ఆమె ఫొటోపై కామెంట్ల జల్లు కురిసింది. 38 ఏళ్ల ఫస్ట్ డాటర్.. మీ ఫొటోను ఫొటోషాపులో ఎడిట్ చేశారా అంటూ ప్రశ్నించారు. ఇవాంకా నిలబడిన ఫొటోలో వెనుక వైపు తాజ్ మహాల్ ముందు వాటర్ పూల్ ఉంది. ఇవాంకా ఎడమ చేతి మధ్యలో ఉన్న ప్రాంతంలో కనిపించే నీరు.. ఇరువైపులా ఉన్న నీటి కంటే స్పష్టంగా ఉన్నట్లు కనిపిస్తోంది’. ఇవాంకా ఫొటోలో సన్నగా కనబడేలా చేసేందుకు ఎడమ చేతి మధ్యలో ఖాళీ ఎక్కువగా ఉండేలా ఫొటోషాప్ ఎడిటింగ్ చేసినట్టుగా కనిపిస్తోంది.

ఈ ఫొటోను సోషల్ మీడియాలో చూసిన నెటిజన్లు.. ట్రంప్ కుమార్తె #IvankaTrump ఇవాంకా ఫొటోను ఎడిటింగ్ చేశారు అంటూ కామెంట్లు పెడుతున్నారు. ‘ఆమె తన నడుమును చిన్నదిగా చేసింది’ అని ఒక వ్యక్తి ట్విట్టర్‌లో కామెంట్ పెట్టాడు. ’ఆమె నడుము చేయి మధ్య నీటిని చూడండి. ఇది పక్కనే ఉన్న నీటి కంటే రంగు ఆకృతి భిన్నంగా ఉన్నట్టు కనిపిస్తోంది ’ అని ట్వీట్ చేశాడు.

అయితే అసలు కథ ఏంటి అంటే…ఇది ఎడిటింగ్ చేసింది కాదు. ఐఫోన్ లో పోర్ట్రైట్ మోడ్ లో ఫోటో తీస్తే అలాగే వస్తుంది అంట. ఏదేమైనా, ఇన్‌స్టాగ్రామ్ ఖాతాలో ఇవాంకా ఫోటోను అదే సమయంలో AFP ఫోటోగ్రాఫర్ మాండెల్ న్గాన్ పోస్టు చేసిన ఇవాంకా ఫొటోతో పోలిస్తే.. ఆమె నడుము ఖచ్చితంగా ఫోటోషాప్ చేసినట్టే’ అని అవుట్‌లెట్‌కు తెలిపింది.

ఇవాంక రాక ఏమోగానీ గ‌త కొద్ది రోజుల నుంచి ఈమె నామ స్మ‌ర‌ణే జ‌రుగుతోంది. ఈ క్ర‌మంలో మ‌న‌కు ఇవాంక గురించి తెలిసింది చాలా త‌క్కువే. అస‌లు ఆమె ఏం చేస్తుంది ? ఆమె వ్య‌క్తిగ‌త వివ‌రాలు ఏంటి ? ఆమెకు ఉన్న కంపెనీలు ఏవి ? వ‌ంటి వివ‌రాలు చాలా మందికి తెలియ‌వు. ఇవాంకా ట్రంప్ పుట్టింది 1981 అక్టోబ‌ర్ 30న‌. ఈమె తండ్రి పేరు డొనాల్డ్ ట్రంప్‌. త‌ల్లి పేరు ఇవానా ట్రంప్‌. ఇవాంకా ట్రంప్ పుట్టిందే ధ‌నికుడి ఇంట్లో అని చెప్ప‌వ‌చ్చు. ఎందుకంటే ఇవాంకా పుట్టేట‌ప్ప‌టికే ట్రంప్ బిలియనీర్‌గా ఉన్నాడు. ఎన్నో వేల కోట్ల రూపాయ‌ల‌ ట‌ర్నోవ‌ర్ క‌లిగిన కంపెనీలు ట్రంప్‌కు ఉన్నాయి. వాటిల్లో రియ‌ల్ ఎస్టేట్ కంపెనీ ఒక‌టి. ఇక ఇవాంకా భ‌ర్త పేరు జారెద్ కుష్న‌ర్. ఈమె అమెరిక‌న్ టెలివిజ‌న్ ప‌ర్స‌నాలిటీగా పేరు పొందింది. అంతేకాదు, ఈమె ర‌చ‌యిత‌, ఫ్యాష‌న్ డిజైన‌ర్ కూడా. మ‌హిళా వ్యాపార‌వేత్త‌గా కూడా ఇవాంకా పేరుగాంచింది.

జార్జ్‌టౌన్ యూనివ‌ర్సిటీ, యూనివ‌ర్సిటీ ఆఫ్ పెన్సిల్వేనియాల‌లో ఇవాంకా విద్యాభ్యాసం కొనసాగింది. ప్ర‌స్తుతం ఈమె త‌న తండ్రి, అమెరికా అధ్య‌క్షుడు అయిన డొనాల్డ్ ట్రంప్‌కు స‌ల‌హాదారుగా ప‌నిచేస్తోంది. అందుకోసం త‌న తండ్రి వ్యాపారాల‌ను ఆమె వ‌దిలిపెట్టింది. డొనాల్డ్ ట్రంప్ సంతానంలో అంద‌రిక‌న్నా ఇవాంక‌యే పెద్ద‌. ఈమెకు ఇవాంక ట్రంప్ క‌లెక్ష‌న్ అనే సొంత పేరిట ఓ ఫ్యాష‌న్, లైఫ్ స్టైల్ కంపెనీ ఉంది. 2014లో ఫార్చూన్ మ్యాగ‌జైన్ టాప్ 40 లిస్ట్‌లో ఈమెకు 33వ స్థానం ల‌భించింది. 2015లో వ‌ర‌ల్డ్ ఎక‌నామిక్ ఫోరం ఈమెను యంగ్ గ్లోబ‌ల్ లీడ‌ర్‌గా గుర్తించింది. 2017లో టైమ్స్ 100 మోస్ట్ ఇన్‌ఫ్లుయెన్షియ‌ల్ వ్య‌క్తుల లిస్ట్‌లో ఈమెకు చోటు ద‌క్కింది. కాగా ఇప్పుడు ప్ర‌ధాని మోడీ ఆహ్వానం మేర‌కు ఇవాంకా ట్రంప్ హైద‌రాబాద్ ప‌ర్య‌ట‌న‌కు వ‌చ్చింది. ఇక ఈమె మొత్తం ఆస్తి 300 మిలియ‌న్ డాల‌ర్లు ఉంటుంది..!