News

స్కిల్ డెవలప్‌మెంట్ స్కామ్ కేసు ఏపీ పాలిటిక్స్ లో సంచలనంగా మారింది. ఈ కేసులో మాజీ ముఖ్యమంత్రి నారా చంద్రబాబు నాయుడును సీఐడీ అధికారులు అరెస్టు చేసి, సిబిఐ కోర్టులో హాజరు పరచారు. వాద ప్రతివాదలు విన్న తరువాత సీబీఐ కోర్టు చంద్రబాబు నాయుడికి 14 రోజుల పాటు జ్యూడీషియల్ రిమాండ్ ను విధించింది. దీంతో చద్రబాబును రాజమండ్రి సెంట్రల్ జైలుకు తరలించిన విషయం తెలిసిందే.

అయితే ఈ కేసులో చంద్రబాబు తరుపున వాదించడానికి లాయర్ సిద్ధార్ధ్ లూథ్రా డిల్లీ నుండి వచ్చారు. ఆయన మరెవరో కాదు సుప్రీంకోర్టు సినియర్ అడ్వకేట్. భారత్ లో టాప్ టెన్ పాపులర్ న్యాయవాదుల్లో సిద్ధార్ధ్ లుథ్రా ఒకరు. ఆయన కేసు వాదించడానికి ఎంత ఫీజు తీసుకున్నారో? ఇప్పుడు చూద్దాం..
తెలుగు న్యూస్ 18 కథనం ప్రకారం, టీడీపీ అధినేత చంద్రబాబు అరెస్టుతో ఏపీ అంతా భగ్గుమంటోంది. కోర్టు ఆయనకు రిమాండ్ విధించడంతో టిడిపి వర్గాలు రాష్ట్రవ్యాప్తంగా ఈ రోజు బంద్ కు పిలుపునిచ్చారు. స్కిల్ డెవలప్‌మెంట్ స్కామ్ కేసులో టిడిపి అధినేత చంద్రబాబు తరుఫున వాదించడం కోసం సుప్రీం కోర్టు లాయర్ సిద్ధార్ధ్ లూథ్రాను టిడిపి నియమించింది. అమరావతి లాండ్ కేసులో కూడా లూథ్రా వాదించారు. చందబాబు నాయుడికి సంబంధించి ఇతర కేసులను కూడా లూథ్రానే చూస్తున్నట్టు తెలుస్తోంది.
ఈ కేసులో కూడా విజయవాడ సిబిఐ కోర్టులో లూథ్రా చంద్రబాబు తరుపున వాదించారు. అయితే సిద్దార్ధ్‌ లూథ్రా దేశంలోనే టాప్ 10 లాయర్ల లో ఒకరు మాత్రమే కాదు. దేశంలో అత్యధిక ఫీజు అందుకునే లాయర్లలో ఒకరు. ఇలాంటి ఖరీదైన లాయర్ ను టిడిపి నియమించుకుంది. ఈ కేసును వాదించడానికి లాయర్ సిద్ధార్ధ్ లుథ్రా ప్రత్యేక ఫ్లైట్‌లో ఢిల్లీ నుంచి విజయవాడకు వచ్చారు.
లుథ్రా ఢిల్లీలో కాకుండా వేరే రాష్ట్రాలలో లేదా ప్రాంతాలలో కేసు వాదించడం కోసం  రోజుకు ఫీజు రూ. 1.5 కోట్లు తీసుకుంటారని సమాచారం. అంతే కాకుండా లుథ్రా ప్రయాణానికి ప్రత్యేకమైన ఫ్లైట్ మరియు లగ్జరీ కారుతో పాటుగా స్టార్ హోటల్‌లో వసతి ఏర్పాటు చేయాలని తెలుస్తోంది.

Also Read: స్కిల్ డెవలప్మెంట్ కేసులో “లాయర్ లూథ్రా” వేసిన ప్రశ్నలు ఏంటో తెలుసా..?

స్కిల్‌ డెవలప్‌మెంట్‌ స్కామ్ కేసులో మాజీ సీఎం చంద్రబాబు నాయుడుకు ఏసీబీ కోర్టు 14 రోజుల రిమాండ్‌ ను విధించిన విషయం తెలిసిందే. దాంతో పోలీసులు ఆయనను రాజమహేంద్రవరం సెంట్రల్ జైలుకు తరలించారు.  అందులో ఆయనకు ప్రత్యేకమైన గదిని, వసతులను కోర్టు ఆదేశాల ప్రకారం కేటాయించారు.

అయితే అంతకు ముందు ఈ  కేసులో విజయవాడ ఏసీబీ కోర్టులో వాదప్రతి వాదనలు హోరాహోరీగా జరిగాయి. సీఐడీ తరఫు వాదనలు అయిన తరువాత  మాజీ సీఎం చంద్రబాబు తరఫున ప్రముఖ సుప్రీం కోర్టు న్యాయవాది సిద్ధార్థ లూథ్రా వాదనలు వినిపించారు. ఆ వివరాలు ఇప్పుడు చూద్దాం..
ఆంధ్రప్రదేశ్ రాజకీయాల్లో స్కిల్‌ డెవలప్‌మెంట్‌ స్కామ్ కేసు సంచలనంగా మారింది. ఈ కేసులో శనివారం తెల్లవారుజామున నంద్యాలలో చంద్రబాబు నాయుడిని అరెస్ట్‌ చేసి, 24 గంటలు పూర్తి అయ్యే సమయంలో ఆదివారం  ఉదయం 6 గంటలకు పోలీసులు విజయవాడ ఏసీబీ కోర్టు ముందు ప్రవేశపెట్టారు. చంద్రబాబు తరుఫున  సుప్రీంకోర్టు లాయర్ సిద్ధార్థ లూథ్రా గంటకు పైగా వాదించారు. ఆయన వాదన మొదలవగానే కోర్టు లో వాతావరణం ఒక్కసారిగా మారిపోయింది.
ప్రభుత్వం, సీఐడీ ఆఫీసర్లను లూథ్రా అడిగిన ప్రశ్నలకు కోర్టు అంతా సైలెంట్ గా మారింది. సీఐడీ లాయర్లు అయితే అలా చూస్తుండిపోయారంట. ముఖ్యంగా ఈ స్కిల్ డెవలప్మెంట్ కేసు ఏమిటి? ఎప్పుడు ఇది జరిగింది? అంటూ ఒకటి రెండు కాకుండా పదుల సంఖ్యలో లూథ్రా ప్రశ్నలను లేవనెత్తారు. అది మాత్రమే కాకుండా గతంలోని కొన్ని కేసులను కూడా ఉదహరణగా చెప్పారట. ఏబీఎన్ ఆంధ్రజ్యోతి కథనం ప్రకారం, లూథ్రా అడిగిన కీలక విషయాలు ..

• 2021లో రిజిస్టర్ అయిన ఈ కేసులో హైకోర్టులో వాదనలు పూర్తయ్యాయి.
• స్కిల్ డెవలప్మెంట్ కుంభకోణం కేసు రాజకీయ ప్రేరేపితం
• తీర్పు సైతం రిజర్వ్ అయ్యింది. ఈ కేసు ఇంతకుముందే ముగిసింది. ఆ కేసులో నిందితులు అందరికీ బెయిల్ కూడా వచ్చింది.
• ఎలెక్షన్స్ వస్తున్నాయని, చంద్రబాబును ఇరికించడానికే మళ్ళీ ఈ కేసును ఓపెన్ చేశారు.
• చంద్రబాబు నాయుడి పై చేసినవి అన్ని ఆధారాలు లేని ఆరోపణలు.

• గవర్నమెంట్ చంద్రబాబును లక్ష్యంగా చేసుకుంది.
• సెక్షన్-409 చంద్రబాబు నాయుడికి వర్తించదు.
• ఏ-35 గా ఘంటి వెంకట సత్యభాస్కర్ ప్రసాద్‌ను అరెస్ట్ చేసిన టైమ్ లో సెక్షన్-409 వర్తించదు
•  చంద్రబాబు పేరు ఎఫ్ఐఆర్‌లో లేదు. అలాంటప్పుడు ఎలా సీఐడీ అరెస్ట్ చేస్తుంది?
• రిమాండ్ రిపోర్టులో ఎంక్వైరీ ఆఫీసర్ ఉపయోగించిన భాషను గమనించండి.
• చంద్రబాబును నంద్యాల మెజిస్ట్రేట్ వద్ద హాజరుపరిచే ఛాన్స్ ఉంది. అయినప్పటికీ ప్రభుత్వం వాళ్లనుకున్న దగ్గరే ప్రవేశపెట్టింది.
• కోర్టు ముందు చంద్రబాబును ప్రవేశపెట్టకుండా 24 గంటల వరకు ఎందుకు నిర్భందించారో అనేది అర్థం కావట్లేదు?

• సీఐడీ ఆరోపిస్తున్నట్లుగా  చంద్రబాబు నాయుడు లండన్ వెళ్లడం లేదు.
• చంద్రబాబును పొద్దున 6 గంటలకు అరెస్ట్ చేశామని సీఐడీ అంటోంది. కానీ శనివారం రోజు రాత్రి 11 గంటలకే చంద్రబాబును సీఐడీ అధికారులు చుట్టుముట్టారు.
• అప్పటి నుండే అరెస్ట్ చేసినట్టుగా చూడాలి.
• రాత్రి 11 గంటలకు పోలీసులు చంద్రబాబును చుట్టుముట్టి, కదలకుండా చేయడం అనేది వ్యక్తిగత హక్కులను భంగపరచడమే.

• సీఐడీ పోలీసుల కాల్ డేటా రికార్డులను ఇచ్చేలా కోర్టు ఆర్డర్స్ ఇవ్వాలి.
• అలాగే చంద్రబాబును అరెస్టు చేసిన అధికారుల 48గంటల కాల్ డేటా కూడా కోర్టులో  సమర్పించాలి.
• అవినీతి నిరోధక చట్టంలో ఉన్నట్టుగా సీఐడీ పోలీసులు నడుచుకోలేదు.
• చంద్రబాబు అరెస్ట్‌ చేయడానికి గవర్నర్ పర్మిషన్ అవసరం.
• రిమాండ్ రిపోర్టు వరకు వాదనలు పరిమితం చేయాలని లూథ్రా వాదించారు.

Also Read: అసలు “AP స్కిల్ డెవలప్‌మెంట్ కరప్షన్ కేసు” అంటే ఏంటి..? చంద్రబాబు నాయుడుని ఈ విషయంలో ఎందుకు అరెస్ట్ చేసారు..?

టీడీపీ అధినేత, మాజీ ముఖ్యమంత్రి చంద్రబాబునాయుడును శుక్రవారం నాడు నంద్యాలలో సీఐడీ పోలీసులు అరెస్ట్ చేశారు. ఏపీ స్కిల్ డెవలెప్‌మెంట్ స్కామ్ కేసులో చంద్రబాబునాయుడును అరెస్ట్ చేశారని తెలుస్తోంది. ఈ కేసులో చంద్రబాబును ఏ1 గా చేర్చినట్లు తెలుస్తోంది.

చంద్రబాబు నాయుడు పై పలు సెక్షన్ల కింద కేసు నమోదు చేశారు. అరెస్ట్ చేసిన వెంటనే ఆయనను విజయవాడకు తీసుకెళ్లారు. అసలు ఏపీ స్కిల్ డెవలప్‌మెంట్ కేసు అంటే ఏంటి? చంద్ర బాబు నాయుడుని ఎందుకు అరెస్ట్ చేసారు? అనేది ఇప్పుడు చూద్దాం..
స్కిల్ డెవలెప్‌మెంట్ కు సంబంధించి ఏపీలో రూ.241 కోట్ల స్కామ్ జరిగిందనే ఆరోపణలు వినిపిస్తున్నాయి. అయితే  చంద్రబాబు ముఖ్యమంత్రిగా ఉన్న సమయంలో ఏపీలో యువతకు నైపుణ్యాభివృద్ధి శిక్ష‌ణ ఇచ్చేందుకు సీమెన్స్ సంస్థ – డిజైన్‌టెక్ సంస్థ‌లు రూ.3300 కోట్లకు ఒప్పందం చేసుకున్నాయి. దీనిలో ఏపీ ప్రభుత్వం 10శాతం నిధులు, 90 శాతం నిధులు సీమెన్స్ సంస్థ చెల్లించేలా అగ్రిమెంట్ జ‌రిగింది. ప్రభుత్వం తరపున 10 శాతం నిధులు జీఎస్టీతో సహ రూ.370 కోట్లను చెల్లించింది. అయితే ప్ర‌భుత్వం చెల్లించిన ఈ నిధులలో రూ.240 కోట్లు సీమెన్స్ సంస్థకు కాకుండా వేరే సంస్థ‌కు బ‌ద‌లాయించారు.
చంద్రబాబు ఆర్డర్స్ తో ఈ నిధులు రిలీజ్ అయ్యాయని అభియోగం. స్కిల్‌కి సంబంధించిన పనులు జరగలేదని,  ఎలాంటి శిక్షణ ఇవ్వలేదని ఆరోపణలు. ప్రభుత్వం రిలీజ్ చేసిన రూ.371 కోట్లు విదేశాలకు వెళ్లి, సుమారు 70 షెల్ కంపెనీల ద్వారా తిరిగి దేశానికి వచ్చేయనే ఆరోపణలు ఉన్నాయి. ఈ నేపథ్యంలో స్కిల్‌ డెవలప్‌మెంట్‌ స్కామ్ లో చంద్రబాబు పై నాన్‌బెయిలబుల్‌ కేసు రిజిస్టర్ చేశారు. సీఆర్‌పీసీ సెక్షన్‌ 50(1)(2) ల కింద ఆంధ్రప్రదేశ్‌ నేర పరిశోధన విభాగం నోటీసులు ఇచ్చింది.
అరెస్ట్‌కు సంబంధించిన పత్రాలను చంద్రబాబుకు, ఆయన లాయర్లకు ఇచ్చిన తరువాతే  సీఐడీ అధికారులు చంద్రబాబును అరెస్ట్ చేసి, విజయవాడకు తరలించారని అంటున్నారు. చంద్రబాబు తన అరెస్టు పై స్పందిస్తూ, తాను ఎలాంటి తప్పూ చేయలేదని, ప్రజా సమస్యల పై ప్రశ్నిస్తుంటే అణిచివేస్తున్నారన్నారు. ఏ తప్పు చేశానో కూడా చెప్పకుండా అరెస్టు చేస్తున్నారని వాపోయారు.

Also Read: తెలుగు రాష్ట్రాలకు చెందిన ఈ 12 మంది రాజకీయ నాయకుల EDUCATIONAL QUALIFICATIONS ఏంటో తెలుసా.?

రెండు తెలుగు రాష్ట్రాలలో భారీ వర్షాలు బీభత్సాన్ని సృష్టిస్తున్నాయి. ఈ వర్షాలకు వరదలు భారీ స్థాయిలో వస్తుండడంతో గోదావరి పరివాహక ప్రాంతాల్లో నివసించే ప్రజలు తీవ్రమైన ఇబ్బందులను ఎదుర్కొంటున్నారు.

అయితే వైజాగ్ బీచ్ లోని ఇసుక హఠాత్తుగా గురువారం నాడు నల్లగా మారిపోయింది. ఇసుక ఇలా రంగు మారడంతో టూరిస్తులు, స్థానికులు ఆందోళన పడుతున్నారు. సముద్ర తీరంలోని ఇసుక నల్లగా మారిపోవడం హాట్ టాపిక్ గా మారింది. ఆ వివరాలు ఇప్పుడు చూద్దాం..
ఆంధ్రప్రదేశ్ లోని విశాఖలోని ఆర్‌కే బీచ్ లోని ముప్పై ఐదు కిలోమీటర్ల సాగరతీరంలోని ఇసుక ఎప్పుడు బంగారు రంగులో మెరిసిపోతూ టూరిస్తులను, స్థానికులు ఆకర్షిస్తూ ఉంటుంది. అక్కడికి వచ్చి ఇసుకతిన్నెల పై ఎంజాయ్ చేసేవారికి గురువారం నాడు షాక్ తగిలింది. బంగారు వర్ణంలో మెరిసిపోయే ఆర్‌కే బీచ్ లోని ఇసుక ప్రస్తుతం నలుపురంగులో కనిపిస్తుంది. కోస్టల్ బ్యాటరీ మరియు వుడా పార్క్ నడుమ ఉండే సముద్రతీరం నల్లగా మారింది. దాంతో విశాఖ ప్రజలు అక్కడ ఏం జరుగుతుందో అనే భయాందోళనలో మునిగిపోయారు.
ఆర్కే సముద్రతీరంలో బంగారు వర్ణంలోని ఇసుక నల్లగా మారిపోవడం ఎప్పుడూ చూడని విశాఖ ప్రజలు సముద్రతీరానికి వెళ్ళడానికి కూడా భయపడుతున్నారు. స్థానికులు ఈ విషయం గురించి మాట్లాడుతూ ఇసుక నల్లగా మారపోవడం ఇప్పటి దాకా ఎప్పుడు చూడలేదని అంటున్నారు. అయితే ఈ విషయం పై నిపుణులు మాట్లాడుతూ ఇసుకలో ఉన్న లైట్‌ మరియు హెవీ మినరల్స్‌ సపరేట్ కావడం వల్లే ఇసుక నల్లగా మారింది చెబుతున్నారు.
వాతావరణంలోని మార్పుల కారణంగా అలల ఉధృతి పెరిగిన సమయంలో తీరంలో ఉండే లైట్‌ మినరల్స్‌ నీటిలో కలిసి సముద్రంలో కలుస్తాయని, అయితే హెవీ మినరల్స్‌ మాత్రం బీచ్ లోనే ఉండిపోతాయని అంటున్నారు.  హేవిగా ఉండే మినరల్స్‌లో అధికంగా ఇలమనైట్‌, జింకాన్‌, గార్నెట్‌, రుటైల్‌, సిలిమినైట్‌ లాంటివి ఉంటాయని చెబుతున్నారు. ఇసుక నల్లగా మారడానికి ముఖ్యంగా ఇలమనైట్‌, రుటైల్‌ లాంటి బరువున్న మినరల్స్‌ లే కారణం అని నిపుణులు చెబుతున్నారు. ఎందుకంటే ఈ రెండు హెవీ మినరల్స్‌ నల్లని రంగులో ఉంటాయని అందువల్లనే ఇసుక కూడా నల్లగా మారుతుందని చెబుతున్నారు.

Also Read: అసలు “G20 సమ్మిట్” అంటే ఏంటి..? ఇందులో ఏం చర్చిస్తారు..?

ఓ ప్రేమోన్మాది తాను ప్రేమించిన అమ్మాయిపై దాడికి దిగబడ్డాడు. ఆమెను లోబర్చుకోవడానికి ప్రయత్నిస్తున్న క్రమంలో అడ్డొచ్చిన ఆమె సోదరుడిని కత్తితో పొడిచేసాడు. ఈ ఘటన హైదరాబాద్ ఎల్బీ నగర్ లో చోటు చేసుకుంది. ఈ ఘటన స్థానికులను తీవ్రంగా కలచివేసింది.

వివరాల్లోకి వెళితే, రంగారెడ్డి కొందుర్గు మండలానికి చెందిన సురేందర్ గౌడ్, ఇందిరమ్మ దంపతులకు ఇద్దరు సంతానం. మొదటి సంతానం సంఘవి కాగా, రెండవ సంతానం పృథ్వి. సంఘవి హోమియో కళాశాలలో నాలుగవ సంవత్సరం చదువుతూ ఉండగా, పృథ్వి ఇంజనీరింగ్ పూర్తి చేసి జాబ్ సెర్చింగ్ లో ఉన్నాడు.

నేరెళ్ల గ్రామానికి చెందిన శివకుమార్ సంఘవి తో కలిసి ఒకే పాఠశాలలో పదవతరగతి చదివాడు. అప్పటి నుంచే ఆమెను ప్రేమ పేరుతొ వేధించడం మొదలుపెట్టాడు. సంఘవి హైదరాబాద్ కు వచ్చేసినా అతని వేధింపులు మాత్రం ఆగలేదు. మరోవైపు డిగ్రీ పూర్తి చేసి రామంతాపూర్ లోనే నివాసం ఉంటున్నాడు. ఇటీవల సంఘవిని కలిసి ప్రేమ విషయం చెప్పగా.. ఆమె గట్టిగ మందలించింది. దీనితో ఆమెపై కక్ష పెంచుకున్నాడు.

ఆమె చిరునామా తెలుసుకుని ఆదివారం ఆమె ఇంటికి వెళ్ళాడు. సోదరుడు బయటకు వెళ్లాడని నిర్ధారించుకున్నాక ఆ ఇంట్లోకి వెళ్ళాడు. ఆమెను కత్తి చూపించి బెదిరించాడు. అదే సమయంలో ఆమె సోదరుడు రావడంతో శివకుమార్ ను అడ్డుకోవడానికి ప్రయత్నించాడు. కానీ, శివకుమార్ ఆవేశంలో పృథ్విని కత్తితో పొడిచి చంపేశాడు. గాయాలతో ఉన్న సమయంలోనే పృథ్వి బయటకు వచ్చి బయట గడి పెట్టి అక్కడే కుప్పకూలాడు. యువతీ కేకలు వినిపించడంతో పక్కింట్లో ఉన్న ఝాన్సీ బయటకు వచ్చారు.

బయట ఉన్న పృథ్విని చూడగా.. అక్కపై దాడి జరుగుతోందని చెప్పడంతో వెంటనే ఓ కర్ర తీసుకుని ఆమె అప్రమత్తం అయ్యారు. ఓ వైపు వీడియో రికార్డు చేస్తూ కర్రతో ఆ యువకుడు ఉన్న గదివైపు వెళ్లారు. ఆ యువకుడిని బెదిరిస్తూనే మరో వైపు చుట్టుపక్కల వారిని పోగేశారు. చుట్టూ ఉన్న వారు రావడంతో శివకుమార్ కొంత వెనక్కి తగ్గాడు. అదే అదనుగా తీసుకుని మరో ద్వారం నుంచి యువతిని బయటకు తీసుకొచ్చి రక్షించారు. ఈ దుర్ఘటనలో పృథ్వి మాత్రం ప్రాణాలు కోల్పోయాడు. ఆసుపత్రికి తీసుకెళ్లినా ఫలితం లేకపోయింది. ఈ ఘటనపై ఝాన్సీ తెగువని మాత్రం నెటిజన్స్ అభినందిస్తున్నారు. పృథ్వి మరణంపై విచారం వ్యక్తం చేస్తున్నారు.

ALSO READ : రాత్రిపూట “పిక్కలు” పట్టేస్తున్నాయా.? అయితే జాగ్రత్త! మీలో ఈ మార్పులు జరుగుతుందని అర్ధం.!

సినిమా అంటే ఇష్టపడని వారు ఎవరు ఉండరు. థియేటర్ వరకు వెళ్లలేకపోయినా ఖాళీ సమయంలో ఇంట్లో అయినా సినిమా చూడాలి అని అనుకునే వారు చాలా మందే ఉంటారు. వారికి ఓటిటి ఓ వరం లాంటిది. కొత్త సినిమాలను కొద్దీ రోజులు పోయాక హాపీ గా ఇంట్లోనే చూసేయచ్చు. ఇక కొంతమంది కొన్ని సినిమాలు థియేటర్ లోనే చూసినా.. చిన్న సినిమాలను ఓటిటిలో చూసేయచ్చులే అని అనుకుంటూ ఉంటారు.

ఓటిటి లో ప్రతి వారం ఏవో ఒక సినిమాలు విడుదల అవుతూనే ఉంటాయి. ఈ వారంలో ఇప్పటి దాకా ఓ డబ్బింగ్ సినిమా, ఓ వెబ్ సిరీస్ తప్ప ఏమీ విడుదల అవ్వలేదు. అయితే నిరాశ అవసరం లేదు. ఓ రెండు తెలుగు సినిమాలు ఎలాంటి అనౌన్సమెంట్ లేకుండా ఓటిటి లోకి విడుదల అయిపోయాయి. ఆ సినిమాలు ఏమిటో ఇప్పుడు చూసేద్దాం. టాప్ మ్యూజిక్ డైరెక్టర్ కీరవాణి తనయుడు శ్రీ సింహ హీరోగా నటించిన లేటెస్ట్ సినిమా “ఉస్తాద్”. ఈ సినిమా తాజాగా అమెజాన్ ప్రైమ్‌లో స్ట్రీమింగ్ అవుతోంది. ఓ కామన్ మాన్ పైలట్ ఎలా అయ్యాడు? అందుకు ఎదురైనా అడ్డంకుల్ని ఎలా ఎదుర్కొన్నాడు అన్న కథనం ఆధారంగా ఈ సినిమా రూపొందింది.

స్టోరీ చాలా బాగున్నా, కథనంలో ల్యాగ్ ఉండడం వలన థియేటర్ లో ఆడలేదు. ‘లైఫ్ ఈజ్ బ్యూటిఫుల్’ సినిమాతో పాపులారిటీ తెచ్చుకున్న నటుడు సుధాకర్ కోమకుల. ఈయన హీరో గా నటించిన సినిమా ‘నారాయణ & కో’. ఈ సినిమాను ఫ్యామిలీ కామెడీ ఎంటర్టైనర్ గా రూపొందించారు. అనుకోకుండా వచ్చిన ఫైనాన్సియల్ సమస్యలను ఓ కుటుంబం ఎలా ఎదుర్కొంది అన్న కథనం ఆధారంగా రూపొందిన కామెడీ సినిమా ‘నారాయణ & కో’. ఇది కూడా అమెజాన్ ప్రైమ్‌లోకి వచ్చేసింది. ఈ రెండు తెలుగు సినిమాలే కాకుండా, ‘డీడీ రిటర్న్స్’ అనే ఓ డబ్బింగ్ మూవీ, ‘స్కామ్ 2003: ఏ తెల్గీ స్టోరీ’ అనే డబ్బింగ్ వెబ్ సిరీస్ కూడా విడుదల అయ్యాయి. వీటిని కూడా ఓ లుక్ వేసేయండి.

“ఖుషి” సినిమా టైటిల్ అనౌన్స్ చేసినప్పటి నుంచే ఈ సినిమాపై ఎన్నో అంచనాలు ఏర్పడ్డాయి. ఇక హీరోయిన్ గా సమంత నటిస్తోందని తెలిసి ఈ సినిమా గురించిన వార్తలు ఎక్కువగా వచ్చాయి. అటు విజయ్ దేవరకొండ ఫ్యాన్స్ తో పాటు సమంత ఫ్యాన్స్ కూడా ఈ సినిమా రిలీజ్ కోసం ఎంతగానో ఎదురు చూసారు. ఎట్టకేలకు ఆ రోజు రానే వచ్చింది. కొంత పాజిటివ్ టాక్, కొంత నెగటివ్ టాక్ తో ఈ సినిమా సక్సెస్ ఫుల్ గా థియేటర్లలో ప్రదర్శించబడుతోంది.

ఈ సినిమాలో బ్రాహ్మణ అమ్మాయి ఆరాధ్యగా సమంత కనిపిస్తారు. ఆమెను విజయ్ దేవరకొండ ప్రేమిస్తాడు. కానీ క్యాస్ట్ వేరు కావడంతో వీరి పేరెంట్స్ పెళ్లి చేసుకోవడానికి ఒప్పుకోరు. అయినప్పటికీ వీరిద్దరూ వారిని ఎదిరించి పెళ్లి చేసుకుంటారు. అప్పటి నుంచే అసలు కథ మొదలవుతుంది. పెళ్లి చేసుకున్న తరువాత వీరి జీవితం, వీరి మధ్య ఎదురైన సమస్యలు, వారు ఎలా పరిష్కరించుకున్నారు అన్న అంశాల చుట్టూ కథ తిరుగుతుంది. వీరిద్దరి మధ్య వచ్చిన రొమాంటిక్ సన్నివేశాల గురించి ప్రస్తుతం నెట్టింట్లో చర్చ నడుస్తోంది.

నిజానికి ఇలాంటి సినిమాల్లో.. పెళ్లి అయిన తరువాత ఓ సాంగ్ రావడం, వారి మధ్య సాన్నిహిత్యాన్ని చూపించడం సర్వ సాధారణమే. ఏ సినిమాపై జరగని చర్చ “ఖుషి” సినిమాపై జరుగుతోంది. లిప్ లాక్ సీన్స్ ఎందుకు, అలాంటి సన్నివేశాలు ఈ సినిమాలో అవసరమా? అంటూ కామెంట్స్ చేస్తున్నారు. మరి కొందరు నెటిజన్స్ మాత్రం ఇవి చాలా కామన్ గా ప్రతి సినిమాలో కనిపిస్తాయి కదా అని కామెంట్స్ చేస్తున్నారు.

విజయ్ దేవరకొండకి గాని, సమంతకి గాని హేటర్స్ ఎక్కువే. వీరంతా కలిసి ఈ సినిమా మరింత నెగటివిటీ పెంచుతున్నారు అంటూ మరి కొందరు నెటిజన్లు కామెంట్స్ చేస్తున్నారు. ఈ సినిమాలో పాటలు ఇప్పటికే అందరిని ఆకట్టుకున్నాయి. ఈ సినిమాలో క్లైమాక్స్ ఆకట్టుకుంటోంది అని టాక్ అయితే ఉంది.