News

తెలంగాణలో ప్రకంపనలు సృష్టిస్తోన్న టీఎస్పీఎస్సీ పరీక్ష పేపర్ల లీకేజీ కేసులో కీలక విషయాలు వెలుగులోకి వస్తున్నాయి. ఈ కేసులో ఇప్పటికే 9 మందిని అరెస్ట్ చేసారు పోలీసులు. ఇందులో ప్రధాన నిందితుడిగా భావిస్తోన్న ప్రవీణ్ ఫోన్ లో విస్తుపోయే విషయాలు తెలిసినట్లు సమాచారం. ప్రవీణ్ ఫోన్‌ను సీజ్ చేసిన పోలీసులు.. మరిన్ని ఆధారాలు సేకరించే పనిలో పడ్డారు.

ఈ నెల 5వ తేదీన టీఎస్పీఎస్సీ నిర్వహించిన అసిస్టెంట్ ఇంజినీర్స్ (ఏఈ సివిల్) పరీక్ష పేపర్లు లీకైనట్లు హైదరాబాద్ సౌత్ వెస్ట్ జోన్ పోలీసులు వెల్లడించిన విషయం తెలిసిందే. ఇందులో లీకేజీకి పాల్పడింది టీఎస్పీఎస్సీ కార్యదర్శి వ్యక్తిగత సహాయకుడు ప్రవీణ్ కాగా.. ప్రధాన నిందితులుగా రేణుక, లవుడ్యావత్ డాక్యా దంపతులు ఉన్నారు. ABN ఆంధ్రజ్యోతి కథనం ప్రకారం, రేణుకకు 2018లో వనపర్తిలో గురుకుల పాఠశాలలో హిందీ పండిట్ ఉద్యోగం వచ్చింది. ప్రస్తుతం రేణుక వనపర్తి జిల్లా గోపాల్‌పేట మండలంలోని బుద్దారం గురుకుల పాఠశాలలో విధులు నిర్వర్తిస్తున్నారు.

రేణుక టీటీసీ చదివిన తమ్ముడికి ఏఈ ఉద్యోగం కావాలంటూ నమ్మించింది. డబ్బు ఆశ చూపి ప్రశ్నాపత్రాల కొనుగోలు చేసింది. అవే పేపర్లను ముందుగానే బేరం కుదుర్చుకున్న వారికి అప్పజెప్పి.. లక్షల రూపాయలు కాజేసింది. టీఎస్​పీఎస్సీ పేపర్‌ లీక్‌ వ్యవహారంలో ప్రధాన సూత్రధారుల్లో ఒకరైన టీచర్ రేణుక బాగోతాలు ఒక్కొక్కటిగా బయటపడుతున్నాయి. ప్రధాన నిందితుడైన టీఎస్​పీఎస్సీ ఉద్యోగి ప్రవీణ్‌ కుమార్‌కు అనుమానం రాకుండా చాకచక్యంగా వ్యవహరించినట్లు పోలీసులు గుర్తించారు.

ప్ర‌వీణ్‌, రాజ‌శేఖ‌ర‌రెడ్డి ఇద్ద‌రూ క‌లిసి కార్యాల‌య ఇన్‌చార్జి కంప్యూట‌ర్ నుంచి వివిధ విభాగాల ప్ర‌శ్న‌ప‌త్రాలను పెన్ డ్రైవ్‌లో సేవ్ చేసుకున్నారు. వాటిని అదే ఆఫీసులో ప‌లు కాపీలు చేసిన ప్ర‌వీణ్‌.. రేణుక‌కు విక్ర‌యించాడు. ఏఈ పేపర్లు ప్రింట్ తీసుకున్న తర్వాత ప్రవీణ్ నుంచి వాటిని రేణుక, డాక్యా దంపతులు తీసుకున్నారు. ఆ తర్వాత ఒప్పందం కుదుర్చుకున్న వారిని వెంటబెట్టుకుని గండీడ్ మండలం పంచాంగల్ తండాలోని ఇంటికి వచ్చినట్లు సమాచారం. అక్కడే వారితో రెండు రోజుల పాటు చదివించి.. పరీక్ష రాయించారు. తన తమ్ముడి పేరిట పేపర్స్ తీసుకున్న తర్వాత అత్యాశ తో క్యాండిడేట్లకు ఒక్కొక్కరికి పేపర్‌ను రూ.14 లక్షలకు బేరానికి పెట్టింది.

గురుకుల పాఠ‌శాలలో హిందీ ఉపాధ్యాయురాలిగా ప‌నిచేస్తున్న రేణుక ప్ర‌శ్న‌ప‌త్రాల వ్య‌వ‌హారం న‌డిపేందుకు ఈ ఏడాది జ‌న‌వ‌రి నుంచి  16 రోజులు సెల‌వులు పెట్టిన‌ట్టు తేలింది. ఇందుకోసం ప్రిన్సిపల్‌కు ర‌క‌ర‌కాల కార‌ణాలు చెప్పిన‌ట్టు తెలిసింది. త‌న కుమారుడికి బాగోలేద‌ని ఒక‌సారి, మ‌రిది చ‌నిపోయాడ‌ని మ‌రోసారి.. ఇలా ర‌క‌ర‌కాల కార‌ణాలు చెప్పిన‌ట్టు స‌మాచారం. ఈ కేసులో ఆమె పాత్ర బ‌య‌ట‌ప‌డిన నేప‌థ్యంలో ఆమెను స‌స్పెండ్ చేయ‌నున్న‌ట్టు గురుకుల సొసైటీ వ‌ర్గాలు తెలిపాయి.

సోషల్ మీడియాలో తరచూ మనకి చాలా రకాల వీడియోలు కనబడుతూ ఉంటాయి. ఈ మధ్య కాలంలో ప్రతీ ఒక్కరు కూడా రీల్స్ వంటివి చేయడం సోషల్ మీడియా లో పోస్ట్ చేయడం వంటివి చేస్తూ వుంటున్నారు. వాటిలో ఫన్నీ వీడియోలు కూడా ఉంటాయి.

ఈ ఫన్నీ వీడియోలను చూస్తే మనం అసలు నవ్వు ఆపుకోలేము. పైగా ఇతరులని కూడా చూడమని షేర్ చేస్తూ ఉంటాము. తాజాగా సోషల్ మీడియాలో ఒక వీడియో వైరల్ గా మారింది.

అది చూసి ఎవరికి నచ్చిన రీతి లో వాళ్ళు కామెంట్లు చేస్తున్నారు. ఇంతకీ వీడియోలో ఏముంది అనే విషయానికి వస్తే… ఒక అమ్మాయి తన తలని దువ్వుకుంది. ఆ తర్వాత జుట్టుకి దువ్వెన చిక్కుకుపోయింది. ఆమె కష్టాన్ని చూసి సోషల్ మీడియా యూజర్లు కామెంట్లు చేస్తున్నారు. blackie_memeash అనే పేరు తో ఉన్న ఇంస్టాగ్రామ్ ఖాతా నుండి ఈ వీడియోని షేర్ చేశారు. ఒక చిన్నారి తల లో దువ్వెన చిక్కు పడిపోయింది.

దాంతో ఆమె ”ఫ్రెండ్స్ చూడండి నా వెంట్రుకలలో దువ్వెన చిక్కుకు పోయింది బాగా నొప్పి వస్తోంది” అని తన బాధని సోషల్ మీడియాలో షేర్ చేసుకుంది. ఇదంతా కూడా ఈ వీడియోలో మనం చూడొచ్చు. ఆమె కష్టం చూసి వివిధ రకాలుగా కామెంట్లు వస్తున్నాయి. ఆమె అయోమయ స్థితి ని చూసి రకరకాలుగా కామెంట్లు వచ్చాయి. ఇప్పటికి ఈ వీడియోని దాదాపు 72 లక్షల మంది చూశారు. మూడు లక్షల ఎనభై వేల లైకులు వచ్చాయి.

ఈ వీడియోకి ఒక యూజర్ ”అమ్మ దగ్గరికి వేళ్ళు.. ఒక్కటి కొడితే అంత సెట్ అయిపోతుందని” కామెంట్ చేశారు. మరొక యూజర్ అయితే ”ఒకసారి నాకు ఇలానే జరిగింది. నిదానంగా తీస్తే తీస్తే వచ్చేస్తుందని” కామెంట్ చేశారు. ”పగవాడికి కూడా రాని కష్టం ఇది. ఈ చిన్నారికి చాలా నొప్పిగా ఉంటుంది మిత్రులారా లైక్ చేసి ఫాలో ఇవ్వండి” అని కామెంట్ చేశారు ఇంకో యూజర్.

https://www.instagram.com/reel/CmLZW9DJdxd/?utm_source=ig_embed&ig_rid=5e9f61c5-9524-4061-b58b-9246ffbb66c5

ఇటీవలి కాలంలో పీటల మీద ఆగిపోతున్నపెళ్లిళ్ల వార్తలు తరచూ వింటున్నాము. తమిళనాడులో తాళి కట్టే ముందు వరుడు నచ్చలేదని ఓ యువతి పీటల మీద నుంచి లేచిపోగా… మరోక చోట వరుడు తాగి వచ్చాడని అతడ్ని చేసుకోటానికి నిరాకరించింది మరొక యువతి. ఇలాంటి సంఘటనలు ఇటీవల దేశవ్యాప్తంగా ఏదో ఒక చోట జరుగుతూనే ఉన్నాయి.

అయితే తాజాగా ఉత్తర ప్రదేశ్ లో ఇటువంటి ఘటనే ఒకటి జరిగింది. ఆ అమ్మాయికి తండ్రి లేడు. తోడబుట్టిన వాళ్ళు ఆమె బాద్యత తీసుకొని అప్పులు చేసి మరీ పెళ్లి చేసారు. ఇక చివరికి అప్పగింతలు సమయం వచ్చేసరికి అత్తారింటికి సాగనంపడానికి కారు ఎక్కించగానే నిజం బయటపడింది. పెళ్ళికొడుకుకు ఉన్న జబ్బు బయట పడటం తో.. అతడితో వెళ్లానని మొండికేసింది వధువు. పెళ్ళిలో మోసపోయిన ఆ వధువు నేరుగా పోలీసులని ఆశ్రయించింది.

ఈ ఘటన కి సంబంధించిన వివరాల్లోకి వెళ్తే.. ఉత్తర ప్రదేశ్ రాష్ట్రం ఝాన్సీలో కొత్వాలి టౌన్ లో దీపక్, అతడి చెల్లి ఆర్తి నివసిస్తున్నారు. దీపక్ తండ్రి చనిపోవడంతో చెల్లెలి బాధ్యత తనే తీసుకున్నాడు. ఝాన్సీలోనే ప్రేమనగర్ ప్రాంతానికి చెందిన రాజ్ కుమార్ అనే వ్యక్తితో ఆర్తి పెళ్ళి కుదిర్చారు. రెండునెలల క్రితం వీరిద్దరి నిశ్చితార్థం జరిగింది. అప్పుడు ఆ యువకుడు ఒక్క మాట కూడా మాట్లాడ లేదు.

దీంతో అతడు ఇంట్రావర్ట్ అనుకోని పెళ్లి కూతురు తరపు వాళ్ళు సర్దుకున్నారు. కానీ ఆ తర్వాత కూడా ఎప్పుడు అతడు ఆర్తి తో ఫోన్ లో కూడా మాట్లాడ లేదు. వాళ్ళింట్లో వాళ్ళను కనుక్కొంటే.. రాజ్ కుమార్ ఫోన్ వాడడు అని చెప్పారు. వీరికి కాస్త అనుమానం వచ్చినా సరే చివరికి పెళ్లి ఘనంగా జరిపించారు. పెళ్ళి అయిపోయాక అప్పగింతలు మొదలయ్యాయి. అమ్మాయిని అబ్బాయితో అత్తారింటికి పంపడానికి కారు ఎక్కించారు.

ఇక ఆ తర్వాత అబ్బాయి కారు ఎక్కబోతుండగా ఒక్కసారిగా కింద పడిపోయాడు. కాళ్ళు చేతులు నేలమీద రాపాడించడం, నాలుక కొరుక్కోవడం, బట్టలు చింపుకోవడం చేశాడు. దీంతో అందరు షాక్ అయ్యారు. అబ్బాయి తల్లిదండ్రులు వెంటనే కాళ్ళలో ఉన్న చెప్పులు తీసి వాసన చూపించడంతో మెల్లిగా తిరిగి మామూలు స్థితికి వచ్చాడు. దీంతో అమ్మాయి వారికి అతడికి మూర్ఛ ఉందని అర్థం అయ్యింది. దీంతో ఆ అమ్మాయి కార్ దిగబోతుండగా అక్కడున్న కుర్రాళ్ళు అమ్మాయిని కారు దిగనివ్వలేదు.

చాలాసేపటి వాదన తరువాత అమ్మాయి కారు దిగింది. ఆ అమ్మాయి అత్తారింటికి వెళ్ళడానికి ఒప్పుకోకపోవడం తో ఆమెను అత్తారింటికి పంపాలని డిమాండ్ చేస్తూ గుంపుగా గొడవకు దిగారు. వారందరినీ తప్పుకుని అమ్మాయితోపాటు ఆమె అన్నలు కూడా పోలిస్ స్టేషన్ కు వెళ్లి ఫిర్యాదు చేశారు. అబ్బాయి తల్లిదండ్రులు మాత్రం మా అబ్బాయి పెళ్ళి ముహూర్తాల కారణంగా నిద్ర లేక ఇలా అయ్యింది అని చెప్పుకొచ్చారు. ఇక అతడితో కాపురం చెయ్యనని.. తాము పెళ్ళికి ఎంతో ఖర్చుచేశామని ఆ మొత్తం తిరిగి ఇవ్వాల్సిందేనని అమ్మాయి తెగేసి చెప్పింది. ఆర్తి కంప్లైంట్ మేరకు పోలీసులు కేసు నమోదు చేసుకొని దర్యాప్తు చేస్తున్నారు.