News

సాధారణంగా ఇయర్ ఫోన్స్ కు ఇయర్ లో పెట్టుకునే ప్లగ్ వద్ద మాత్రమే హోల్స్ ఉంటాయి. తద్వారా మనం మొబైల్ లో ప్లే చేసే మ్యూజిక్ ను వినగలుగుతూ ఉంటాము. అయితే.. కొన్ని ఇయర్ ఫోన్స్ లో మాత్రం ఈ ఇయర్ ప్లగ్ బయట కూడా హోల్స్ ఉంటాయి. ఇలా ఎందుకు ఉంటాయి అన్న డౌట్ ఎప్పుడైనా వచ్చిందా?

కొన్ని ఇయర్ ఫోన్స్ కి ఎక్స్ట్రా హోల్స్ ఎందుకు ఇస్తారో ఈ ఆర్టికల్ లో తెలుసుకోండి. నిజానికి ఇయర్ ప్లగ్ లో ఉండే హోల్స్ వల్లే సౌండ్ ట్రాన్స్మిట్ అయ్యి అది మనకి వినిపిస్తూ ఉంటుంది.

కానీ ఇయర్ ప్లగ్ బయట ఉండే హోల్స్ సౌండ్ ను ట్రాన్స్మిట్ చేయలేవు. చాల వరకు ఆపిల్ ఇయర్ ఫోన్స్, సోనీ ఇయర్ ఫోన్స్ లలో ఇలా ఇయర్ ప్లగ్ బయట కూడా హోల్స్ ఉండడాన్ని మనం గమనిస్తూ ఉంటాం. ఆపిల్ ఇయర్ ఫోన్స్ ను నిశితంగా గమనించి చూస్తే ఇయర్‌పాడ్‌ల వెనుక మరియు దిగువన కొన్ని ఎక్సట్రాగా హోల్స్ ఉండడాన్ని మీరు చూస్తారు. దీని వెనుక ఓ చిన్న రహస్యమే ఉంది.

ఈ హోల్స్ సౌండ్ ను ప్రసారం చేయకపోయినా మీరు మీకు ఇష్టమైన పాటలని వినడానికి ఎంతగానో హెల్ప్ చేస్తాయి. మీ ఇయర్ కెనాల్ లో గాలిని చొరబడనివ్వకుండా ఈ రంధ్రాలు అడ్డుకుంటాయి. అంతేకాకుండా ఈ రంధ్రాల వలన ఇయర్ ఫోన్ నాణ్యత కూడా బాగుంటుంది. వాక్యూమ్‌ను ఉత్పత్తి చేయడానికి, శ్రోతలకు మెరుగైన ధ్వనిని అందించడానికి మరియు ఇయర్‌పాడ్‌లు స్థానంలో ఉండటానికి సహాయపడటానికి ఈ రంధ్రాలు ఉపయోగపడతాయి. అలాగే మీరు కదులుతున్నప్పుడు.. అలాగే ఏదైనా పెద్ద శబ్దాలు అవుతున్నప్పుడు వాటికి మీరు డిస్టర్బ్ అవ్వకుండా కూడా ఈ రంధ్రాలు దోహదం చేస్తాయి.

అడవికి మృగరాజు సింహం. అదిగో సింహం అనే మాట వినగానే మన గుండె గుభేల్ మంటుంది. సింహ గర్జన కిలోమీటర్ల దూరంలోనే వినిపిస్తూనే మన కాళ్లకు పని చెప్పేస్తాం.

అయితే ఇప్పుడు ప్రస్తుతం సోషల్ మీడియాలో  సింహని సంబంధించిన విషయం ఒకటి వెలుగులోకి వచ్చింది. ఆ సింహానికి కంటి చూపు సరిగా లేదనే విషయం వాళ్ళకి ఎలా తెలిసిందో ఇప్పుడు తెలుసుకుందాం.

ఈ సింహానికి కేటరక్ట్ అంటే శుక్లాల ఆపరేషన్ చేస్తున్నారు. గత కొంతకాలంగా ఈ సింహం ప్రవర్తన తేడాగా ఉండటం జామ్వాల రేంజ్ ఏరియాలోని ట్రాకర్స్ గమనించారు. ఈ సింహం దగ్గగరలో ఉన్న జంతువులు సైతం పోల్చుకోలేకపోతుంది. కంటి చూపు పోవడం వలన ఆహారాన్ని కూడా సంపాదించుకోలేకపోతుంది.

అయితే దీని ప్రవర్తనపై అనుమానం వచ్చిన సిబ్బంది సింహాన్ని పరీక్షించారు. దాని రెండు కళ్ళలోని శుక్లాలు ఉన్నట్లు గుర్తించారు ఫారెస్ట్ ఆఫీసర్స్.

ఈ ఘటనతో సింహాన్ని జునాగఢ్ లోని శక్కర్ బాగ్ జూకి తరలించారు. అక్కడ సింహాన్ని పరిశీలించిన వైద్యులు దానికి కంటిచూపు కనిపించడం లేదనే విషయాన్ని గుర్తించి జన్వడ్ కేర్ సెంటర్ కు తరలించారు.

అక్కడ నిపుణులు దానిని పరిశీలించి ఈ సింహానికి లెన్సులు కోసం మధురై లోని ఒక కంపెనీని సంప్రదించారు. మహానటి మత్తు ఇచ్చి ఆ సింహం కంటి కొలతలను తీసుకొని ఆ కంపెనీకి అందజేసాము.

శక్కర్ బాగ్ జూ అందించిన వివరాల ప్రకారం కంపెనీ సింహానికి లెన్సులను నెలలోపు తయారు చేసి ఇచ్చింది. పశు వైద్యులు జావీయా సింహానికి ఆపరేషన్ చేసి శుక్లాలను తొలగించారు. మొదట సింహానికి ఒక కంటి ఆపరేషన్ చేసి లెన్స్ లు అమర్చారు.

సింహాన్ని ఐసోలేషన్ వార్డులో ఉంచి దానిని పరిశీలించగా దాని ఒక కన్ను కంటి చూపు మెరుగు అయినట్లు గమనించారు. పదిహేను రోజుల తర్వాత  రెండవ కన్ను కూడా ఆపరేషన్ చేయడం చేసి శంకర్ బాగ్ జూలో పర్యవేక్షణలో ఉంచినట్లు డాక్టర్ రియాజ్ కడివార్ వెల్లడించారు.

దేశం ఎంతగా అభివృద్ధి చెందుతున్నా.. సామాన్యులకు తీరని అవసరాలు దేశాన్ని వెనక్కి నెట్టుతూనే ఉన్నాయి. ఇటీవల ఛతార్ పూర్ జిల్లాలో చోటు చేసుకున్న ఓ ఘటన నెట్టింట్లో కంటతడి పెట్టిస్తోంది. ఓ తండ్రి తన నాలుగేళ్ళ కుమారుడు చనిపోతే.. మృతదేహాన్ని ఇంటికి తీసుకువెళ్ళడానికి పడిన అవస్థ అందరిని విషాదంలో ముంచెత్తుతోంది.

ఛతార్ పూర్ జిల్లా పౌడి గ్రామానికి చెందిన ఓ నాలుగేళ్ళ బాలుడు ఉన్నట్లుండి అస్వస్థతకు గురి అవ్వడంతో అతని కుటుంబ సభ్యులు బుక్స్ వాహా హెల్త్ సెంటర్ కు తీసుకుని వెళ్లారు. అయితే.. ఆ బాలుడి పరిస్థితి మరింత విషమించింది.

దీనితో ఆ బాలుడిని దామోహ్ జిల్లా ఆసుపత్రికి తరలించారు. కాగా.. మంగళవారం నాడు ఆ బాలుడు మృతి చెందాడు. అయితే.. తన బిడ్డ మృతదేహాన్ని ఊరికి తీసుకెళ్లడానికి అంబులెన్స్ ఏర్పాటు చేయాలనీ ఆసుపత్రి సిబ్బందిని కోరినా ఫలితం లేకపోయింది. దీనితో ఆ తండ్రి బిడ్డని భుజాన వేసుకుని, దుప్పటి కప్పి ఆ బాబుని పడుకోపెట్టినట్లుగా పెట్టి బస్సులోనే బుక్స్ వాహాకు చేరుకున్నాడు.

అక్కడ నుంచి తన గ్రామానికి ఏదైనా వాహనం ఏర్పాటు చేయాలనీ బుక్స్ వాహాలో స్థానిక అధికారులను కోరాడు. అయితే వారు కూడా సరిగా స్పందించలేదు. ఇక చేసేది లేక ఆ బిడ్డ శవాన్ని తన భుజాలపై వేసుకుని.. కాలినడకన ఇంటికి నడుచుకుంటూ వెళ్ళాడు. ఈ ఘటనకు సంబంధించిన ఫోటోలు, వీడియో నెట్టింట్లో వైరల్ అవుతున్నాయి. ఆ తండ్రి బాధని అర్ధం చేసుకున్న కొందరు స్థానికులు సాయం చేసి ఆ బాలుడిని ఇంటికి పంపించడానికి ఏర్పాట్లు చేసారు. శవాన్ని ఇంటికి తీసుకెళ్లడానికి ఒక్క అధికారి కూడా సాయం చేయలేదని.. ఎంతమంది ఆసుపత్రి సిబ్బందికి తమ గోడు చెప్పుకున్నా పట్టించుకోలేదని ఆ బాలుడి తాత మన్సుఖ్ అహిర్వార్ ఆరోపించారు. అయితే.. డాక్టర్ మమతా తిమోరి మాత్రం తమ వద్దకు ఇలా ఎవరూ రాలేదని పేర్కొన్నారు.

ప్రస్తుతం ఆజాదీకి అమృత్ మహోత్సవ్ వేడుకలు జరుగుతున్న సంగతి తెలిసిందే.. అయితే.. ఈ వేడుకలలో భాగంగా ఐకానిక్ వీక్ సెలెబ్రేషన్స్ కూడా మొదలు పెట్టారు. ఈ ఉత్సవాల సందర్భంగానే ప్రధాని మోడీ కొత్త నాణేలను కూడా విడుదల చేసారు. కేంద్ర ఆర్ధిక శాఖ అద్వ్యర్యంలో ఈ వేడుకలు జరిగాయి. ఆర్ధిక మంత్రి నిర్మల సీతారామన్ కూడా ఈ వేడుకల్లో పాల్గొన్నారు.

75 సంవత్సరాల స్వాతంత్ర వేడుకలను పునస్కరించుకునే ఈ వేడుకలను ప్రారంభించారు. ఈ ఆజాదీకి అమృత్ మహోత్సవ్ వేడుకల లోగోను కొత్తగా విడుదల చేసిన రూ. 1 , రూ.5 . రూ.10 కాయిన్స్ పై వేయించారు.

ఈ నాణేల ప్రత్యేకత ఏంటంటే.. వీటిని అంధులు కూడా సులభంగా గుర్తించగలుగుతారు. ఇరవై రూపాయల విలువ కల నాణేలను కూడా ముద్రించారు. ఇవి కేవలం స్మారక నాణేలు మాత్రమే కాదని.. త్వరలోనే వీటిని వాడుకలోకి తీసుకొస్తామని ఆర్ధిక మంత్రి నిర్మలా సీతారామన్ ప్రకటించారు.

ఈ నాణేలు ఇతర నాణేల లాగ గుండ్రంగా కాకుండా బహుభుజి ఆకారంలో ఉంటుంది. ఈ నాణెం మధ్యలో అశోక స్థంభం సింహాలు కనిపిస్తాయి. ఈ నాణేలను తయారు చేయడానికి నికెల్ వెండి, ఇత్తడిని ఉపయోగించారు. భారత దేశంలోనే మొట్ట మొదటిసారిగా ఈ నాణేలు విడుదల చేయబడుతున్నాయి. దృష్టిలోపాలు ఉన్న వారు సైతం వీటిని సులభంగా గుర్తించగలుగుతారు. వీటిపై బ్రెయిలీ లిపి ముద్రించబడి ఉంది. అందుకే వీటిని గుర్తించడం అంధులకు సులభం అవుతుంది.

Delhi | PM Narendra Modi today released special series of Re 1, Rs 2, Rs 5, Rs 10, and Rs 20 coins. These special series of coins have the theme of the logo of Azadi Ka Amrit Mahotsav and are also easily identifiable to visually impaired persons. pic.twitter.com/CMyXnmxiT1

— ANI (@ANI) June 6, 2022

పెళ్లి తర్వాత చాలా మంది మహిళలు బరువు పెరిగిపోతారు. పెళ్లికి ముందు ఎంత సన్నగా ఉన్నా సరే పెళ్లి తర్వాత మహిళల బరువులో మార్పు వస్తుంది. అయితే ఎప్పుడైనా ఆలోచించారా..? ఎందుకు మహిళలు పెళ్లి తర్వాత లావుగా తయారవుతారు అనేది.. కానీ సరైన జవాబు మీకు దొరకలేదా…?

అయితే ఇక్కడ సరైన సమాధానం మీరు ఇక్కడ తెలుసుకోచ్చు. మరి ఇక దీని కోసం ఓ లుక్ వేసేయండి. పెళ్లి తర్వాత సన్నగా ఉన్నవారు కూడా బొద్దుగా మారుతారు. అలాగే లావుగా ఉన్నవారు కూడా మరింత ఒళ్ళు చేస్తారు. దీనికి గల కారణాలు ఇవే..

పెళ్లికి ముందు కష్టపడి పనిచేసే వాళ్లు కూడా పెళ్లి తర్వాత ఆ పనులు చేయడానికి గ్యాప్ వస్తుంది. దీని కారణంగా బరువు పెరుగుతారు.

అదేవిధంగా పెళ్ళికి ముందు చదువు, ఉద్యోగం మొదలైన టెన్షన్స్ ఉంటాయి. ఆ కారణంగా తినడంపై పెద్దగా శ్రద్ధ వహించరు. దాంతో అధిక బరువు సమస్య రాదు. అంతేకాకుండా చదువుకోవడం లాంటి పనుల వల్ల క్యాలరీలు చాలా కరుగుతాయి. కానీ పెళ్లి తర్వాత పనితో పాటు తిండి తినడం కూడా ఎక్కువ అవుతుంది.

పెళ్లి తర్వాత బద్ధకం ఎక్కువగా మహిళల్లో పెరుగుతుంది. కొన్నిసార్లు పనులు చేయడానికి ఆలోచిస్తూ ఉంటారు. అందుకే మెల్లగా చేసుకుంటూ ఉంటారు. కొన్నిసార్లు ఎక్కువగా చేయరు కూడా. దీని కారణంగా కూడా లావుగా మారిపోతారు.

అలానే పెళ్లి తర్వాత మహిళలు ఆహారం విషయంలో మరింత జాగ్రత్త పడతారు. ఏదైనా ఆహారం మిగిలిపోతుందేమో అని వృధా చేయకూడదు అనే ఆలోచనతో తినడం మొదలు పెడతారు. ఇది కూడా బరువు పెరగడానికి దారి తీస్తుంది.

పెళ్లికి ముందు చాలా మంది రెగ్యులర్ గా జిమ్ కి వెళ్తారు. పెళ్లి తర్వాత బ్రేక్ వస్తుంది. వ్యాయామం చేయరు. దీని కారణంగా బరువు పెరుగుతారు.
సైంటిస్ట్స్ చేసిన సర్వే ప్రకారం ఒక విషయం తేలింది. అదేంటంటే ప్రపంచంలో ఏ జంట పెళ్లి చేసుకున్నా.. పెళ్లి తర్వాత కొన్ని రోజులకు కచ్చితంగా రెండు కిలోల బరువు పెరుగుతారు. ఇలా ఈ కారణాల వలన పెళ్లి తర్వాత మహిళలు లావు అవుతారు.

ఇది ఒక దారుణమైన ఘటన. అగ్రరాజ్యం అమెరికాలో గన్ కల్చర్ మరో పెనువిషాదం నింపింది. టెక్సాస్ లో యువాల్డి పట్టణంలో రాబ్ ప్రాథమిక పాఠాశాలలో ఓ 18ఏళ్ల దుండగుడు చోరబడి అక్కడ చిన్నారులు , టీచర్స్ పై కాల్పులకు తెగబడిన విషయం తెలిసిందే. ఈ సంఘటనలో ఎంతో మంది చిన్నారులు, టీచర్లు ఉన్మాది చేతిలో బలైపోయారు. అమెరికా కాలమలం ప్రకారం మంగళవారం మధ్యాహ్నం ఈ కాల్పుల ఘటన చోటుచేసుకుంది

ఈ మారణహోమం నుంచి 11 సంవత్సరాల చిన్నారి ఎంతో సమయస్ఫూర్తితో బయటపడింది. తాను ఏవిధంగా ఉన్మాది చేతుల నుంచి ప్రాణాలు రక్షించుకుందో తన తండ్రికి చెప్పిన మాటలివి. ఆమె చెప్పిన ఈ మాటలకు అందరి హృదయం కలచివేసింది. మియా సెర్రిల్లో ఎప్పటిలాగానే రాబ్ ఎలిమెంటరీ స్కూల్ కి తన స్నేహితులతో కలిసి వెళ్ళింది. టీచర్లు పాఠం చెబుతుంటే ఆ సమయంలో ఒక దుండగుడు చొరబడి అంతం అందరి మీదకు కాల్పులు జరపగా, ఒక్కొక్కరూ ప్రాణాలు కోల్పోయారు. ఈ సంఘటన చూస్తున్న మియా అయోమయంలో  మునిగిపోయింది. ఇలా చూస్తూ ఉండగానే ఆమె క్లాస్ టీచర్ ఒంటిలో నుంచి తూట దూసుకు వచ్చింది. టీచర్ అక్కడికక్కడే ప్రాణాలు విడిచింది.

ఆ వెంటనే ఆమె స్నేహితురాలు కూడా కుప్పకూలిపోయింది. ఇక తను కూడా చంపేస్తాడు అని ఆ చిన్నారికి వణుకుతో భయం మొదలైంది. వెంటనే తన చనిపోయిన స్నేహితురాలు ఒంటి మీద రక్తం తీసుకొని తన ఒంటికి రాసుకుంది. కిందపడి చనిపోయినట్లు నటించింది. ఆ దుండగుడు అందరూ చనిపోయారా లేదంటూ కాళ్లతో తన్నుకుంటూ పరీక్షించుకొని మరీ  క్లాస్ లో నుండి బయటికి వెళ్ళగానే టీచర్ చేతిలోని మొబైల్ ఫోన్ తీసుకొని 911 ఎమర్జెన్సీ నెంబర్ కి ఫోన్ చేసినట్లు వెల్లడించింది.

దాడిలో జరిగిన కాల్పుల వలన స్వల్పంగా గాయపడిన మియా ఆస్పత్రిలో చికిత్స పొందుతూ ప్రస్తుతం కోలుకుంది. జరిగిన ఘటన వల్ల ఆమెకు ఇంకా భయమనేది తగ్గలేదు. 19 మందిని పొట్టన పెట్టుకున్న 18 ఏళ్ల సాల్వడోర్ రామోస్ ను మట్టుపెట్టడానికి  టెక్సాస్ పోలీసులు గంట సమయం తీసుకుంటున్నారు అని విమర్శలు వెల్లువెత్తుతున్నాయి.

ఇంత దారుణమైన పరిస్థితుల్లో కూడా మియా సమయస్ఫూర్తితో వ్యవహరించడం అందరినీ ఆకట్టుకుంది.

అంబాసిడర్ కార్ భారత ఆటోమొబైల్ మార్కెట్లో కారులకు కింగ్ గా చెప్పవచ్చు. ఒకప్పటి కాలంలో అంబాసిడర్ కారు ఎవరి దగ్గర ఉంటే వారు గొప్ప ధనవంతులు గా పేర్కొనేవారు. రాజకీయవేత్తలు, సినిమా స్టార్స్ అప్పటిలో  అంబాసిడర్ కారు ని ఎక్కువగా ఉపయోగించేవారు.

పోను పోను  కాలానికి అనుకూలంగా కొత్త కొత్త మోడల్ కార్లు మార్కెట్లో వచ్చేసరికి బార్డర్ కార్ కొనుగోళ్లు తగ్గిపోయాయి. ఇప్పుడు అదే అంబాసిడర్ కారు కొత్త మోడల్ లో ఎలక్ట్రిక్  వెహికల్ గా  మార్కెట్లోకి పరిచయం కానుంది. ఇప్పుడు ఈ కొత్త మోడల్ అంబాసిడర్ కార్ విధంగా ఉందంటూ  ఫోటోలు కొన్ని సోషల్ మీడియాలో వైరల్ గా మారింది.

సీకే బిర్లా గ్రూప్ కి చెందిన హిందుస్థాన్ మోటార్ ఫైనాన్షియల్ కార్పొరేషన్ ఆఫ్ ఇండియా డైరెక్టర్ ఉత్తమ్ బోస్ E-amboy అంబాసిడర్ కార్ లుక్ ఈ విధంగా ఉంటుందంటూ అధికారికంగా ప్రకటించారు.  ఉత్తమ్ బోస్ తన సొంత కంపెనీ అయినా మ్యానుఫ్యాక్చరింగ్ యూనిట్ లో న్యూ అంబాసిడర్ కార్ మెకానిక్ మరియు డిజైన్ వర్క్ తో పాటు సరికొత్త పద్ధతులలో ఇంజన్ ను తయారు చేస్తున్నట్లు తెలిపారు.

గతంలో హిందుస్థాన్ మోటార్స్ చెన్నై మ్యానుఫ్యాక్చరింగ్ యూనిట్ లో మిత్సుబిషి కార్లను వెస్ట్ బెంగాల్ ఉత్తరపార తయారి ప్లాంట్ లో అంబాసిడర్ కారు తయారు చేసేది. 2014లో మితభాషి కార్ల తయారీ పూర్తిగా నిలిచిపోయింది. 2017 లో అంబాసిడర్ కారు మ్యానుఫ్యాక్చరింగ్ హక్కులను సైతం 80 కోట్లకు ఫ్రెంచ్ కార్ మేకర్ పూజోకి అమ్మేసింది.

మళ్లీ తిరిగి ఇన్నాళ్లకు హిందుస్థాన్ మోటార్స్ పుజో కంపెనీతో కలిసి సరి కొత్త మోడల్ అంబాసిడర్ కార్ ని తయారు చేస్తుంది. సుమారు 600 కోట్ల రూపాయల పెట్టుబడితో ఫ్రెంచ్ కార్ మేకర్ పుజోతో కలిసి అంబాసిడర్  E-amboy కారును తయారు చేయబోతున్నట్లు వెల్లడించారు ఉత్తమ్ బోస్.

హళ్లాహళ్లి లేక్ ప్రాంతంలోని న్యూ తమిళ్ కాలనీలో ముక్కులు బద్దలైపోయే దుర్వాసన రావడంతో చుట్టుపక్కల వాళ్ళు ముందుగా ఎలుక ఏమైనా చనిపోయి ఉండవచ్చని వెతకడం మొదలుపెట్టారు.

అప్పుడే వాళ్లలో ఒకరికి నాలుగు రోజుల క్రితం నుంచి నాగమ్మ, రూప అనే తల్లి కూతురు కనబడుటలేదు అనే విషయం గుర్తుకు వచ్చింది. సమయంలో అక్కడికి వచ్చిన వ్యక్తి నాగమ్మ ఇంటి తలుపులు బద్దలు కొట్టగా వారికీ షాకింగ్ దృశ్యం కంటపడింది.

కుళ్లిన స్థితిలో ఉన్న నాగమ్మ మరియు ఆమె కుమార్తె రూప మృతదేహాలను చూసి భయభ్రాంతులయ్యారు. వెంటనే స్థానికంగా ఉన్న పోలీస్ స్టేషన్ కి సమాచారం  అందించారు

అసలు వివరాల్లోకి వెళ్తే నాగమ్మ, రూప గత కొన్ని సంవత్సరాలుగా న్యూ తమిళ్ కాలనీలో నివాసం ఉంటున్నారు. రూప హోంగార్డుగా విధులు నిర్వహించేదని అయితే కొన్ని కారణాల వల్ల కొద్ది నెలల క్రితం హోంగార్డ్ విధుల నుంచి సస్పెండ్ అయ్యిందని పోలీసులు తెలియజేశారు.

రూపకి పదేళ్ల క్రితమే పెళ్లి అయినా కుటుంబ సమస్యల కారణంగా ఆమె భర్తకు పిల్లలకు దూరంగా ఉంటుందని, అప్పటినుంచి తల్లితో కలిసి ఉంటుందని పోలీసులు స్పష్టం చేశారు. తరచూ ఇద్దరి మధ్య ఏదో ఒక కారణంతో గొడవ జరుగుతుందని, గత కొంతకాలంగా ఆర్థిక సమస్యలు తలెత్తడంతో తల్లి, కుమార్తెలు ఇద్దరు మద్యానికి బానిస అయ్యారు అని స్థానికులు పోలీసుల విచారణలో తెలియజేశారు.

నాగమ్మ మరియు ఇద్దరి మృతదేహాలని పోస్టుమార్టం నిమిత్తం తరలించారు. ఇద్దరి మరణానికి గల కారణాలేమిటో అనేది పోస్టుమార్టం రిపోర్ట్ వచ్చిన తర్వాత స్పష్టమవుతుందని పోలీసులు తెలియజేశారు.