serials

ఒక్కోసారి సీరియల్ వాళ్ళు చేసే అతి చూస్తే నవ్వు ఆగదు. అసలు ఎందుకు అలాంటి సన్నివేశాలను చేస్తారో వాళ్ళ కైనా అర్థమవుతుందా అనిపిస్తుంది. సీరియల్ లో చేసే అతికి చూసే ప్రేక్షకుల మతి పోతుంది. వాళ్ల నటన వెండితెర నటుల నటనను మించి ఉంటుందని చెప్పవచ్చు. అయితే ఈ మధ్య కొన్ని సీరియల్స్ లో కొన్ని సన్నివేశాలు ఇష్టారీతిన తీస్తూ ట్రోల్స్ కి గురవుతున్నారు మేకర్స్..

అయితే సీరియల్స్ ని ప్రేక్షకులు ఎంతో ఆసక్తిగా చూస్తూ ఉంటారు. ఇందులో చాలా వరకు ప్రేక్షకులకు నచ్చుతున్నాయి కూడా. దాంతో వీటి పాపులారిటీ సోషల్ మీడియా వరకూ పాకింది. అయితే ఈ మద్య కాలం లో సీరియల్స్ ని లాజిక్స్ కి దూరంగా.. తెలివి లేకుండా తీస్తున్నారు. వీటిని చూస్తున్న నెటిజన్లు వాటిని ట్రోల్ చేస్తూ వైరల్ చేస్తున్నారు. చాలా సీరియల్స్ లోని సీన్లు రియాలిటీ కి దూరంగా ఉంటూ నెట్టింట ట్రోలింగ్ కి గురవుతున్నాయి.

ఇంతకు ముందు ఇటువంటి వాటిని జనాలు పట్టించుకొనే వారు కాదు కానీ.. ప్రస్తుతం సోషల్ మీడియా ప్రాభవం పెరగడం తో ఇటువంటి సీన్ల పై ట్రోల్స్ పెరుగుతున్నాయి. జీ తెలుగులో గుండమ్మ కథ అనే సీరియల్ వస్తోంది. ఈ సీరియల్ సోమవారం నుండి శనివారం వరకు మధ్యాహ్నం 1: 30 గంటలకు జీ తెలుగులో ప్రసారం అవుతుంది. ఈ సీరియల్ లో గీత, రామ్ ప్రధాన పాత్రల్లో నటిస్తున్నారు. 1000 కి పైగా ఎపిసోడ్స్ పూర్తి చేసుకున్న ఈ సీరియల్ లో ప్రస్తుతం కూడా తరం నడుస్తోంది.

తాజాగా ఆ సీరియల్ లో గుండమ్మ పాత్రలో హర్షల నటిస్తున్నారు. అయితే తాజాగా ప్రసారం అయిన ఒక ఎపిసోడ్ లో గుండమ్మ హీరో మున్నా ని భయపెట్టేందుకు.. ఒక రకం గా ప్రవర్తిస్తూ.. కాంతారి ని రా అంటుంది. గతేడాది సూపర్ హిట్ గా నిలిచిన కాంతారా చిత్రాన్ని పోలినట్టు ఈ సీన్ ని చేసారు. దీంతో నెటిజన్లు ఈ సీరియల్ ని ట్రోల్ చేస్తున్నారు. ఎందుకు ఇటువంటి సీరియల్స్ తీస్తున్నారు అంటూ కొందరు ఆగ్రహం వ్యక్తం చేస్తున్నారు. కాంతారా వంటి గొప్ప చిత్రాన్ని కూడా ఈ సీరియల్స్ లో కామెడీ కోసం వాడకుంటున్నారు అంటూ ఫాన్స్ వాపోతున్నారు.

watch video :

https://www.instagram.com/reel/CpjyYj9Axow/?igshid=MDJmNzVkMjY=

త్రినయిని సీరియల్ జీ లో రెండు మార్చి 2020 నుండి వస్తోంది. అశీక పడుకొనే, చందు బి గౌడ, పవిత్ర జయరాం ఈ సీరియల్ లో ముఖ్య పాత్రలు పోషిస్తున్నారు. ఈ సీరియల్ మెయిన్ కథని బెంగాలీ భాష నుండి తీసుకున్నారు. సూపర్ నాచురల్ ఫిక్షన్ డ్రామా ఇది. అయితే సాధారణంగా మనం పాముల కి నాగుల చవితి వంటి సందర్భాలలో పాలు పోస్తూ ఉంటాము.

పుట్ట లో పాలు పోసి వెళ్ళిపోతూ ఉంటాము. నిజానికి పాము అంటే ఎవరికైనా భయం వేస్తుంది. పాముని దూరం నుంచి చూసి పారిపోయే వాళ్ళు కూడా ఉంటారు.

కానీ త్రినయిని సీరియల్ లో ఒక విడ్డూరం జరిగింది. మరి ఇక ఆ విషయాన్ని చూస్తే.. సీరియల్ లో పాము పాల సీసాని పట్టుకుని వెళ్ళిపోతుంది ఇల్లు దిగిపోయి ఆ తర్వాత ఇంటి నుండి రోడ్డు మీద కి పాము వెళ్ళిపోతుంది. అలా ఆ పాము పాల సీసాన్ని పట్టుకుని అలా వెళ్ళిపోతూ ఉంటుంది. ఆ సీరియల్ లో పాము ఇలా పాలని పట్టుకు వెళ్లడం చూపించారు.

ప్రస్తుతం ఈ వీడియో సోషల్ మీడియాలో వైరల్ గా మారింది ఇలా కూడా పాము పాలు తీసుకు వెళ్తుందా  అని పెద్ద ఎత్తున మీమ్స్ వస్తున్నాయి చూడడానికి ఏదైనా నమ్మశక్యంగా ఉండాలి కానీ మరీ ఇంత ఘోరంగా సీన్ తీసారేంటి..? ఇది చూసిన నెటిజెన్లు అవాక్కవుతున్నారు ఎవరికి నచ్చిన రీతిలో వాళ్ళు కామెంట్లు చేస్తున్నారు.

త్రినయిని సీరియల్ నుండి వచ్చిన ఆ సీన్ ఇప్పుడు తెగ షికార్లు కొడుతోంది. ఇది చూసిన వాళ్ళు నవ్వుతున్నారు. ఈ సీన్ ని చూస్తే మీరు కూడా నవ్వుతారు. మరి అంత ఘోరంగా తీసారు. చూస్తే కచ్చితంగా మీకు కూడా అలానే అనిపిస్తుంది. చూసేయండి.

https://www.instagram.com/reel/CmlqydNItyG/?igshid=YmMyMTA2M2Y=

ఒకప్పుడు కార్తీకదీపం సీరియల్ కి గట్టి పోటీ ఇచ్చింది గృహలక్ష్మి సీరియల్. కానీ ఇప్పుడు మాత్రం గృహలక్ష్మి సీరియల్ కూలబడిపోయింది. టిఆర్పి రేటింగ్ లో మూడో ప్లేస్ కి వెళ్ళిపోయింది. గృహలక్ష్మి సీరియల్ ప్రస్తుతం టాప్ రేటింగ్ లో బ్రహ్మముడి, కృష్ణ ముకుందా మురారి ఉన్నాయి. ఆ తర్వాత మూడవ ప్లేస్ లో గుప్పెడంత మనసు ఉంది. గృహలక్ష్మి మాత్రం ఘోరమైన పరిస్థితిలో ఉంది. కథ మొత్తాన్ని కూడా మార్చేశారు.

తులసి కూతురు దివ్యని లీడ్ రూల్ కింద మార్చేసి విక్రమ్ ని తీసుకువచ్చి కథనాన్ని మార్చేశారు కొత్త కొత్త క్యారెక్టర్లని కూడా తీసుకువచ్చారు.

తులసి భజన మేళం సామ్రాట్, శృతి, ప్రేమ్, అంకిత, అభి, పరంధామయ్య, అనసూయని సైడ్ చేసేసారు. తులసి పాత్రను తీసేస్తే సీరియల్ బాగుపడుతుందని అంతా భావిస్తున్నారు. నిజంగా ఆ పాత్ర ఇప్పుడు పెద్ద నస కింద తయారయింది. త్వరలో తులసి పాత్రని తీసేస్తారేమో చూడాలి. ఈ సీరియల్ నుండి ఒక్కొక్కళ్ళు తప్పిస్తున్నారు. ఇంచరా శెట్టి అనే ఒక అమ్మాయి దివ్య పాత్రలో వచ్చేసింది. ఆ పాత్రలో ఉన్న పూజిత రెడ్డిని తప్పించారు. అభి అంకితలని అమెరికా పంపించేశారు. వాళ్లు కూడా ఇప్పుడు కనబడడం లేదు. ప్రేమ్, శృతి కూడా సీరియల్ లో పెద్దగా కనబడడం లేదు.

ఇలా చాలామంది నటులు పెద్ద మైనస్ కింద అయిపోయారు. శృతి పాత్ర చేస్తున్న లహరికి గీతాంజలి సీరియల్ లో ఛాన్స్ వచ్చింది. ఈ సోమవారం నుండి ఆ సీరియల్ టెలికాస్ట్ అవుతుంది. కనుక శృతి గృహలక్ష్మి లో కనపడటం కష్టం. ఇంద్రనీల్ కూడా ఈ సీరియల్ కి వచ్చే తన ఫేమ్ ని తగ్గించుకున్నాడు. ఈ సీరియల్ లో తులసి పాత్ర చేస్తున్న కస్తూరికి నటన మీద అనుభవం ఎక్కువే. మంచిగానే నటిస్తూ ఉంటుంది. కానీ ఆమె నటన ఇప్పుడు కాస్త వెనుక పడింది.

ఆమె ఏ విధంగా ఎక్స్ప్రెషన్స్ ఇస్తుందో తెలియడం లేదు. చిత్ర విచిత్రంగా ఫేస్ ఎక్స్ప్రెషన్స్ పెడుతోంది. గృహలక్ష్మి కాస్త గందరగోళ లక్ష్మీ కింద తయారయింది. ఇలా తులసి భజన బ్యాచ్ ని పక్కన పెట్టేశారు. అయితే దివ్య వచ్చిన తర్వాత స్టోరీ కూడా మారింది. దివ్య ఇప్పుడు గృహలక్ష్మిగా అయిపోవచ్చు. ఒకవేళ కనుక ఇలా మెల్లగా గృహలక్ష్మిని సైడ్ చేసేస్తే ఇంటింటి గృహలక్ష్మి సీరియల్ మళ్లీ బాగుండే అవకాశం ఉంది.

స్టార్ మాలో ప్రసారం అవుతోన్న ‘ఇంటింటి గృహలక్ష్మి’ సీరియల్ గురించి కొత్తగా పరిచయం అక్కర్లేదు. తమిళ నటి కస్తూరి ప్రధాన పాత్రలో ప్రసారం అవుతోన్న ఈ సీరియల్ రోజురోజుకూ ఎన్నో మలుపులు తిరుగుతూ రసవత్తరంగా సాగుతోంది.ఫలితంగా దీనికి ఆదరణ కూడా భారీ స్థాయిలో పెరుగుతోంది. అయితే తాజాగా ఈ సీరియల్ లో దివ్య పాత్రలో ఒక కొత్త నటిని తీసుకొచ్చారు. చాలా సీరియల్స్ లో ఉన్నట్టే ఈమె కూడా కన్నడ నుంచి వచ్చిన నటి.

ఈ సీరియల్‌లో మొన్నటి వరకూ తులసి కూతురుగా దివ్య అనే అల్లరిపిల్ల ఉండేది. ఆ పిల్ల పేరు పూజిత రెడ్డి. ఆమెను చదువు పేరుతో యూఎస్ పంపించి.. సీరియల్ నుంచి పీకేసి.. ఇప్పుడు ఆమె ప్లేస్‌లో దివ్యగా కన్నడ భామ ఇంచర శెట్టిని తీసుకుని వచ్చారు. కన్నడలో అనేక సీరియల్స్‌లో నటించిన ఇంచర ‘రాధిక’ సీరియల్‌తో పాపులర్ అయ్యింది. ఈ సీరియల్‌లో గమ్య పాత్రలో మెప్పించింది. ఆ తరువాత ‘కెండ సంపిగే’ అనే సీరియల్‌లోనూ కీలకపాత్ర పోషించింది.

తాజాగా ఇంచర తెలుగులో ‘ఇంటింటి గృహలక్ష్మి’తో ఎంట్రీ ఇచ్చింది. ఇందులో తులసి కూతురు దివ్య పాత్రలో మెప్పించే ప్రయత్నం చేస్తుంది. తాజా ప్రోమో లో ఆమె తనని తాను పరిచయం చేసుకుంటూ.. “అందరికీ నమస్కారం.. నేను మీ దివ్య.. నేను ఇంటింటి గృహలక్ష్మి సీరియల్ ద్వారా మీ ముందుకు వస్తున్నాను. మీరు మా అమ్మని ఆదరించినట్టే నన్ను కూడా ఆదరిస్తారని కోరుకుంటున్నాను. అమ్మతో నా ప్రయాణం చూడాలంటే.. గృహలక్ష్మి చూడండి” అని ఇంచర లుగు ప్రేక్షకులకు పరిచయం చేసుకుంది.

ఒకప్పుడు కార్తీకదీపం సీరియల్‌కి గట్టి పోటీగా నిలిచిన ఈ సీరియల్‌ తాజాగా టీఆర్పీ రేటింగ్‌లో మూడో స్థానానికి పడిపోయింది. ఈ సీరియల్ లో లీడ్ రోల్ అయిన తులసి మైనస్ గా మారింది. దీంతో దివ్యతో కథని నడిపించేందుకు మార్పులు చేర్పులు చేశారు. కానీ మేకర్స్ ఎమోషన్స్ పండించడంలో కానీ.. కథనాన్ని ఆసక్తికరంగా మలచడంపై కానీ ఫోకస్ పెట్టడం లేదు. దాని ప్రభావమే రేటింగ్‌పై పడింది. మరి దివ్య రాకతో అయితే గృహలక్ష్మి గాడిలో పడుతుందేమో చూడాలి.

టీవీ ల్లో అన్నిటికంటే ఎక్కువగా ఫేమస్ అయినవి ఏంటి అంటే అవి సీరియల్స్ మాత్రమే..ఎన్నో సంవత్సరాల నుండి ఎన్నో వేల సీరియల్స్ వచ్చాయి.. వస్తున్నాయి కూడా. ఇందులో కొన్ని డబ్బింగ్ సీరియల్స్ ఉంటాయి.. కొన్ని రీమేక్ సీరియల్స్ ఉంటాయి. వీటన్నిటిని ప్రేక్షకులు ఎంతో ఆసక్తిగా చూస్తూ ఉంటారు. ఇందులో చాలా వరకు ప్రేక్షకులకు నచ్చుతున్నాయి కూడా. దాంతో వీటి పాపులారిటీ సోషల్ మీడియా వరకూ పాకింది.

అయితే ఈ మద్య కాలం లో సీరియల్స్ ని లాజిక్స్ కి దూరంగా.. తెలివి లేకుండా తీస్తున్నారు. వీటిని చూస్తున్న నెటిజన్లు వాటిని వైరల్ చేస్తున్నారు. దీంతో చాలా సీరియల్స్ లోని సీన్లు రియాలిటీ కి దూరంగా ఉంటూ నెట్టింట ట్రోలింగ్ కి గురవుతున్నాయి. తాజాగా ఒక హిందీ సీరియల్ లో హీరోయిన్ ని హీరో కాపాడే సీన్ వైరల్ గా మారింది. దంగల్ టీవీ ఛానల్ లో ‘ ఇష్క్ కీ దస్తాన్ నాగమణి’ అనే హిందీ సీరియల్ వస్తోంది. ఇదొక నాగిని సీరియల్.

ఇందులో ఒక సీన్ లో హీరోయిన్ ని పాము కాటు వెయ్యడం వల్ల తన శరీరం మొత్తం విషమయం అయ్యి.. నీలం రంగులోకి మారిపోతుంది. దీంతో వెంటనే హీరో అతడి నోటితో ఆమె శరీరం లోని విషాన్ని మొత్తం లాగేస్తాడు. దీంతో అతడి శరీరం నీలం రంగులోకి మారుతుంది. ఇది చూసిన నెటిజన్లు పలు ఫన్నీ కామెంట్స్ చేస్తున్నారు. ‘ఇండియన్ అవతార్..’ అంటూ కామెంట్స్ చేస్తున్నారు నెటిజన్లు. అయితే ప్రస్తుతం అన్ని సీరియల్స్ లోను ఇటువంటి లాజిక్ లెస్ సీన్స్ తీస్తున్నారంటూ మరికొందరు విమర్శిస్తున్నారు.

ఇంతకు ముందు కూడా ఇదే సీరియల్ లోని మరో సీన్ కూడా వైరల్ గా మారి.. ట్రోల్స్ కి గురైంది. ఆ సీన్ లో హీరో గాలిపటం ఎగరేస్తూ ఉన్నప్పుడు విలన్ ఆ దారాన్ని కత్తిరిస్తాడు. దీంతో హీరో పడిపోతాడు. అప్పుడు హీరోయిన్ ఆ గాలిపటాన్ని పట్టుకొని.. దాని సహాయం తో ఎగురుతూ హీరో ని రక్షిస్తుంది. ఈ సీన్ పై కూడా నెటిజన్స్ ట్రోలింగ్ చేసారు. ఇప్పుడు మరోసారి కూడా ఇలాంటి సీన్స్ తీసి వైరల్ చేస్తున్నారు.

watch video:

https://www.instagram.com/reel/Cn8ZywyJiWl/?igshid=YmMyMTA2M2Y%3D

స్టార్ మా లో కొంతకాలం నుండి ప్రసారం అవుతూ ప్రేక్షకుల నుండి ఎంతో ఆదరణ సంపాదించిన సీరియల్ జానకి కలగనలేదు. ఒక సాధారణ యువతి ఒక పోలీస్ ఆఫీసర్ అవ్వాలి అని అనుకుంటూ ఉండడం చుట్టూ ఈ సీరియల్ తిరుగుతుంది.

ఈ సీరియల్ లో ఎంతో మంది ప్రముఖ నటీనటులు నటిస్తున్నారు. ఈ సీరియల్ కథ కూడా రొటీన్ కథలకి భిన్నంగా ఉండడంతో ప్రేక్షకులన్నీ ఈ సీరియల్ చాలా తొందరగా ఆకర్షించగలిగింది. అయితే ఈ సీరియల్ లో పనిమనిషి పాత్ర గత కొన్ని రోజుల నుండి కనిపించడం లేదు.

ఇప్పుడు ఆమె స్థానంలోకి మాలోకం అనే ఒక వ్యక్తిని తీసుకొచ్చారు. అతని పాత్ర బాగానే ఉన్నా కూడా పనిమనిషి చికిత పాత్ర సడన్ గా సీరియల్ లో నుండి వెళ్లిపోవడం ఏంటి అని అందరూ ఆలోచిస్తున్నారు. ఆ పాత్ర పోషించిన నటి పేరు రమ్య. ఆమె ఖమ్మం జిల్లాలోని మునుగూరుకి చెందినవారు. రమ్య డాన్సర్ గా కెరియర్ మొదలుపెట్టారు.

ఆట సందీప్ దగ్గర డాన్సర్ గా చేశారు. ఆ తర్వాత హరి మాస్టర్ డాన్స్ గ్రూప్ లో చేశారు. అప్పుడు ఎన్నో ఈవెంట్స్ లో రమ్య డాన్స్ పెర్ఫార్మెన్స్ ఇచ్చారు. ఎన్నో కవర్ సాంగ్స్ కూడా చేశారు.

ముందు వేరే సీరియల్ కి రమ్యని సెలెక్ట్ చేశారు. కానీ ఆ తర్వాత జానకి కలగనలేదు సీరియల్ లో రమ్య నటించారు. ఇప్పుడు ముత్యమంత ముద్దు సీరియల్ లో కూడా నటించారు. జానకి కలగనలేదు సీరియల్ తో ఎంతో పేరు సంపాదించుకున్నారు. సోషల్ మీడియాలో కూడా రమ్య చాలా యాక్టివ్ గా ఉంటారు.

సీరియల్ లో పోషించే సాంప్రదాయ పాత్రకి భిన్నంగా రమ్య చాలా మోడరన్ గా ఉంటారు అని తన సోషల్ మీడియా చూస్తే అర్థమవుతుంది. అయితే జానకి కలగనలేదు సీరియల్ లో రమ్య రాకపోవడానికి కారణం ఏంటి అనేది ఎవరికీ అర్థం కావడం లేదు. కానీ చాలా మంది ప్రేక్షకులు మాత్రం మళ్లీ రమ్య షో లోకి వస్తే బాగుండు అని అంటున్నారు.

బుల్లితెరపై సంచలనాలు సృష్టించిన సీరియల్ ‘కార్తీక దీపం’. ఇందులో నటీనటులకు విపరీతమైన క్రేజ్ ఉంది. ఈ సీరియల్ పదిహేను వందలకు పైగా ఎపిసోడ్స్ ప్రసారం అయ్యాయి. ఇలా ఏళ్లపాటు సీరియల్ హవా నడిచింది. ఇక చివరికి ఈ సీరియల్ కి ముగింపు పలికారు మేకర్స్. అయితే ఆ తర్వాత కార్తీక దీపం ప్లేస్ లో రాత్రి 7 .30 గంటలకి “బ్రహ్మ ముడి ” అనే సీరియల్ స్టార్ట్ అయింది. కార్తీక దీపం లాంటి స్టార్ సీరియల్ ప్లేస్ రావడంతో బ్రహ్మముడిపై భారీ అంచనాలు పెట్టుకున్నారు బుల్లితెర ప్రేక్షకులు.

బ్రహ్మముడి సీరియల్ లో మానస్ నాగులపల్లి, దీపికా రంగరాజు ప్రధాన పాత్రలు పోషిస్తున్నారు. ‘కావ్య’ పాత్రలో తన అందం అభినయంతో ఆకట్టుకుంటుంది దీపిక. అమాయకంగా, ఆత్మాభిమానం ఉన్న అమ్మాయిగా దీపిక నటన చాలా నేచురల్‌గా ఉంది. తమిళనాడుకి చెందిన దీపికకు తెలుగులో ఇదే ఫస్ట్ సీరియల్. తొలి సీరియల్‌తోనే బుల్లితెర ప్రేక్షకులను ఫిదా చేసింది ఈ బుట్టబొమ్మ. తాజాగా ఆ సీరియల్ తో పాటు..తన గురించి కొన్ని విషయాలు ఒక ఇంటర్వ్యూ లో పంచుకున్నారు దీపికా.

తమిళనాడులో పుట్టి పెరిగిన దీపిక మొదట న్యూస్ రీడర్‌గా పనిచేసింది. తమిళ సీరియల్స్ తో మంచి పేరు సంపాదించుకుంది. అయితే తాజా ఇంటర్వ్యూ లో ఒక ఆసక్తికర విషయాన్ని పంచుకున్నారు దీపిక. ” “2017లో నాకు తెలుగు సీరియల్‌లో ఓ ఆఫర్ వచ్చింది. ‘కార్తీక దీపం’ అనే సీరియల్ స్టార్ట్ చేస్తున్నామని ఇందులో బ్లాక్ మేకప్ వేసుకుని యాక్ట్ చేయాల్సి వస్తుందని చెప్పారు. అయితే నేను అప్పుడే ఒక తమిళ సీరియల్ కి సైన్ చేశాను. ఇక ఈ సీరియల్ ఒప్పుకుంటే షూటింగ్ కోసం హైదరాబాద్‌కు వస్తుండాలి. నేను ఎప్పుడూ తమిళనాడు దాటి రాలేదు. సో.. కొంచెం టెన్షన్ పడ్డాను. అందుకే ఆ ఛాన్స్ రిజెక్ట్ చేశాను. ఇప్పుడు దాదాపు 5 ఏళ్ల తర్వాత మళ్లీ తెలుగులో మంచి అవకాశం వచ్చింది.” అని దీపిక రంగరాజు తెలిపారు.

ఇప్పుడు అంత గొప్ప సీరియల్ స్లాట్ లో ‘బ్రహ్మముడి’ టెలికాస్ట్ కావడం ఆనందం గా ఉంది అని ఆమె తెలిపారు. కార్తీకదీపం అంచనాలను బ్రహ్మముడి సీరియల్ కచ్చితంగా అందుకుంటుందని.. కార్తీక దీపం సీరియల్‌ను బీట్ చేస్తుందని దీపిక ధీమాగా చెప్పింది. అయితే దీపిక రంగరాజు ‘కార్తీకదీపం’ సీరియల్ రిజెక్ట్ చేసి మంచి పని చేసిందని ఫాన్స్ అంటున్నారు. ప్రేమీ విశ్వనాథ్ కాకుండా ఎవరు నటించి ఉన్నా ఈ సీరియల్ ఈ రేంజ్ లో హిట్ అయ్యేది కాదని కామెంట్స్ చేస్తున్నారు నెటిజన్లు.