Anudeep

అడివి శేష్ గురించి ప్రత్యేకంగా చెప్పాల్సిన పనిలేదు. ఆయన ఇటీవలే మేజర్ సినిమాతో బంపర్ హిట్ అందుకున్నారు. కెరీర్ మొదట్లో కాస్త తడబడ్డా.. ఆ తర్వాత తనను తాను మార్చుకుని.. స్వయంగా తన సినిమాలను తానే రాసుకుంటూ వరుసగా హిట్‌లను అందుకుంటున్నారు. ఇక శైలేష్ కొలను దర్శకత్వంలో ఆయన హీరోగా వచ్చిన లేటెస్ట్ క్రైమ్ థ్రిల్లర్ హిట్ 2 .

హీరోగా పరిచయమైనప్పటి నుంచి విభిన్నమైన చిత్రాలను చేస్తోన్న అతడు.. ఈ మధ్య కాలంలో ఫుల్ ఫామ్‌తో కనిపిస్తున్నాడు. ఈ ఉత్సాహంతోనే ఇప్పుడు ‘హిట్ ద సెకెండ్ కేస్’ అనే క్రైమ్ థ్రిల్లర్‌తో ప్రేక్షకుల ముందుకొచ్చాడు.

బద్దకస్తుడిగా పేరు తెచ్చుకున్న ఓ పోలీస్ ఆఫీసర్‌ దేశమే ఉలిక్కిపడే క్రైమ్‌ను ఇన్వెస్టిగేషన్ చేయాల్సి వస్తే పరిస్థితి ఎలా ఉంటుంది? ఇంతకీ అతడు నేరస్థుడిని ఎలా పట్టుకున్నాడు? అనే కథాంశంతో రూపొందిన చిత్రమే ‘హిట్: ది సెకెండ్ కేస్’. ఈ చిత్రం మంచి పాజిటివ్ బజ్ తో దూసుకుపోతోంది.

అయితే ఈ చిత్రం లో విలన్ ని రివీల్ చేసే విషయం, అతడు హత్యలు ఎందుకు చేస్తున్నాడు అన్న విషయాలు సినిమాకు కాస్త మైనస్ గా మారాయి. అయితే ఈ సినిమాలో మేకర్స్ కొన్ని లాజిక్స్ మర్చిపోయారు అంటూ సోషల్ మీడియా లో కొందరు నెటిజన్లు కామెంట్లు చేస్తున్నారు. ఈ చిత్రం లో కేసు ని చేధించడానికి ఉపయోగమైన క్లూ అయినా షూస్ కిల్లర్ దగ్గరికి ఎలా వెళ్లాయి..? అంతే కాకుండా వరుసగా మర్డర్స్ చేస్తున్న సైకో కిల్లర్ ఎందుకు సడన్ గా బయటపడ్డాడు..?? అంటూ నెటిజన్లు కామెంట్లు చేస్తున్నారు.

అంతే కాకుండా పోలీస్ అధికారి ఇంట్లోకి చొర‌బ‌డి `కోడిబుర్ర‌` అని రాసి వెళ్లిపోతాడు సైకో. అది చూసి హీరో షాక్ అవుతాడు. కానీ హంత‌కుడు ఎవ‌రో రివీల్ చేసినప్పుడైనా.. ఆ కోడి బుర్ర సైకో ఎవ‌రికీ తెలియ‌కుండా హీరో ఇంట్లోకి ఎలా చొర‌బ‌డ్డాడో అన్న విషయం రివీల్ చెయ్యాలి కదా.. అంటూ ఈ సినిమాలో మిస్ అయిన లాజిక్స్ గురించి నెట్టింట చర్చలు జరుగుతున్నాయి.

సూపర్ స్టార్ కృష్ణ మరణ వార్త సినీ, రాజకీయ ప్రముఖులను షాక్ కు గురి చేసిన సంగతి తెలిసిందే. తెలుగువారి అల్లూరి సీతారామరాజు అయిన సూపర్ స్టార్ కృష్ణ అనారోగ్య సమస్యల వల్ల తుదిశ్వాస విడిచారు. ఎందరికో సాధ్యం కానీ ఎన్నో రికార్డులను ఆయన తన ఖాతాలో వేసుకున్నారు.

హీరోగా కృష్ణ నటించిన తొలి సినిమా తేనె మనసులు. ఆ చిత్రానికి ఆయన పారితోషికం 2000 రూపాయలు. 1965 సంవత్సరంలో విడుదలైన ఈ సినిమాతో హీరోగా మంచి పేరును సొంతం చేసుకున్న కృష్ణ ఆ తర్వాత కెరీర్ విషయంలో వెనుదిరిగి చూడాల్సిన అవసరం రాలేదు. ఒక దశలో కృష్ణ సినిమాలు వరుసగా సక్సెస్ సాధించగా చాలామంది దర్శకులు రెమ్యునరేషన్ ను పెంచాలని సూచనలు చేసినా కృష్ణ మాత్రం రెమ్యునరేషన్ ను పెంచలేదు.

దాదాపుగా 40 సినిమాలకు కృష్ణ 5000 రూపాయల చొప్పున పారితోషికం అందుకున్నారు. అప్పట్లో 5000 రూపాయల రెమ్యునరేషన్ అంటే ఇప్పుడు 5 కోట్ల రూపాయల రెమ్యునరేషన్ కు సమానం కాగా కృష్ణ మాత్రం తన సినిమాల ద్వారా నిర్మాతలకు బెనిఫిట్ కలిగితే చాలని భావించేవారు. తను హీరోగా నటించిన సినిమా ద్వారా నిర్మాత నష్టపోతే కృష్ణ వెంటనే ఆ నిర్మాతకు మరో ఛాన్స్ ఇవ్వడంతో పాటు నిర్మాతకు ఆర్థికంగా బెనిఫిట్ కలిగేలా తన వంతు సహాయసహకారాలు అందించేవారు.

దర్శకులు మాత్రమే కాదు నిర్మాతల పాలిట కల్పవృక్షం.. మంచి మనసున్న వ్యక్తి కృష్ణ. కష్టాల్లో ఉన్న ఎంతోమందికి సహాయం చేసిన కృష్ణ ఆ సహాయాల గురించి చెప్పుకోవడానికి ఇష్టపడలేదు.

తెలుగు సినిమా హీరోయిన్స్ చాలా అందం గా ఉంటారు. కానీ గ్లామర్ పరిశ్రమలో ఎప్పటికప్పుడు కొత్తవారు వస్తూ ఉంటారు. అందుకే తారలు తమ అందంపై ప్రత్యేక శ్రద్ధ కనబరుస్తారు. అలాగే అభిమానులను ఆకట్టుకోవడానికి కొన్ని మార్పులు కూడా చేసుకుంటూ ఉంటారు. కానీ కాలం గడిచే కొద్దీ వారిలో అనేక మార్పులు వస్తూ ఉంటాయి. ఇప్పుడు మన ఫేవరెట్ హీరోయిన్స్ ఫస్ట్ సినిమా నుంచి ఇప్పటికి ఎలా మారారో చూద్దాం..

#1 కీర్తి సురేష్

మలయాళం లో ‘గీతాంజలి’ అనే చిత్రం ద్వారా హీరోయిన్ గా ఎంట్రీ ఇచ్చింది కీర్తి సురేష్. తర్వాత ‘నేను శైలజ’ చిత్రం తో తెలుగులో అడుగు పెట్టింది.

#2 రకుల్ ప్రీత్ సింగ్

‘గిల్లి’ అనే కన్నడ చిత్రం ద్వారా తెరకు పరిచయం అయ్యింది రకుల్. తర్వాత ‘కెరటం’ తో తెలుగులో అడుగు పెట్టింది.

#3 పూజ హెగ్డే
‘మూగమూడి’ అనే తమిళ్ చిత్రం ద్వారా హీరోయిన్ గా ఎంట్రీ ఇచ్చిన పూజ.. ప్రస్తుతం పాన్ ఇండియా రేంజ్ హీరోయిన్ గా మారిపోయింది.

#4 రాశి ఖన్నా

తెలుగులో వచ్చిన ‘ఊహలు గుసగుసలాడే’ చిత్రం తో హీరోయిన్ గా మారింది రాశి ఖన్నా.

#5 శృతి హాసన్
కమల్ హాసన్ కుమార్తెగా ఇండస్ట్రీ లో కి ఎంట్రీ ఇచ్చిన శృతి హాసన్ హిందీ సినిమాలతో తన ప్రయాణం ప్రారంభించి.. ప్రస్తుతం తెలుగులో వరుస సినిమాలు చేస్తోంది.

#6 సమంత
‘ఏ మాయ చేసావే’ చిత్రం తో హీరోయిన్ గా మారిన సామ్.. ప్రస్తుతం వరుస చిత్రాలతో స్టార్ హీరోయిన్ గా కొనసాగుతోంది.

#7 మెహ్రీన్

‘కృష్ణ గాడి వీర ప్రేమగాథ’ చిత్రం తో హీరోయిన్ గా ఎంట్రీ ఇచ్చిన మెహ్రీన్ ప్రస్తుతం పలు ప్రాజెక్టులతో బిజీ గా ఉంది.

#8 సాయి పల్లవి
మలయాళ చిత్రం ‘ప్రేమమ్’ తో హీరోయిన్ గా మారిన సాయి పల్లవి.. అద్భుతమైన కథలతో ప్రేక్షకులను అలరిస్తోంది.

#9 అనుపమ పరమేశ్వరన్

మలయాళం లో వచ్చిన ‘ప్రేమమ్’ లో ఒక హీరోయిన్ గా యాక్ట్ చేసిన అనుపమ తెలుగులో వరుస సినిమాలు చేస్తోంది.

#10 రష్మిక మందన్న

కన్నడలో వచ్చిన ‘కిరిక్ పార్టీ’ చిత్రం లో హీరోయిన్ గా కనిపించిన రష్మిక ‘పుష్ప’ చిత్రం తో పాన్ ఇండియా హీరోయిన్ అయిపోయింది. ఈమె ప్రస్తుతం పలు హిందీ చిత్రాల్లో నటిస్తోంది.

#11 నయనతార
దక్షిణాదిన అగ్ర కథనాయిక రాణిస్తున్న నయనతార ‘మనసిన్నక్కరే’ చిత్రం తో హీరోయిన్ గా ఎంట్రీ ఇచ్చారు. ప్రస్తుతం అగ్ర కథానాయకుల చిత్రాల్లో నటిస్తున్నారు.

#12 త్రిష
తెలుగులో ‘వర్షం’ చిత్రం తో హీరోయిన్ గా ఎంట్రీ ఇచ్చిన త్రిష తరగని అందం తో అభిమానులను అలరిస్తున్నారు.

#13 నిత్యామీనన్

నాని హీరోగా వచ్చిన’ అలా మొదలైంది’ చిత్రం తో హీరోయిన్ గా మారిన నిత్య..మంచి కథలతో ప్రేక్షకులను అలరిస్తున్నారు.

#14 తమన్నా
మంచు మనోజ్ హీరోగా వచ్చిన ‘శ్రీ’ చిత్రం తో హీరోయిన్ గా మారింది తమన్నా. ఇప్పటికి అదే జోరుతో చిత్రాల్లో నటిస్తున్నారు.

#15 అను ఇమ్మానుయేల్
మలయాళ చిత్రం ‘స్వప్న సంచారి’ చిత్రం తో హీరోయిన్ గా ఎంట్రీ ఇచ్చిన అనుఇమ్మానుయేల్ తెలుగులో స్టార్ హీరోల సరసన నటించింది.

#16 లావణ్య త్రిపాఠి

హను రాఘవపూడి తెరకెక్కించిన ‘అందాల రాక్షసి’ చిత్రం తో తెలుగు ప్రేక్షకులకు పరిచయమైంది లావణ్య త్రిపాఠి. ప్రస్తుతం ఈమె లేడీ ఓరియెంటెడ్ చిత్రాల్లో నటిస్తోంది.

#17 నివేతా థామస్

మలయాళ చిత్రం ‘వెరుథె ఒరు’ భార్య చిత్రం తో హీరోయిన్ గా పరిచయమైన నివేతా.. నాని హీరోగా వచ్చిన ‘జెంటిల్మాన్’ చిత్రం తో తెలుగులో అడుగు పెట్టింది.

ఏమాయ చేశావే సినిమాతో టాలీవుడ్ కి పరిచయమైన సమంత.. వరుస సినిమాల్లో నటిస్తూ స్టార్ హీరోయిన్ గా ఎదిగారు. అయితే సమంత తాను మయోసైటిస్ అనే ఒక అరుదైన వ్యాధితో బాధపడుతున్నానని కొద్ది రోజుల క్రితం ప్రకటించింది. దీంతో ఒక్కసారిగా మీడియాలో హడావుడి ప్రారంభమైంది, ఆమె ప్రాణాంతక వ్యాధితో పోరాడుతుందని పెద్ద ఎత్తున కథనాలు వచ్చాయి.

అయితే తన యశోద చిత్ర ప్రమోషన్స్ లో ఆమె తాను ఇప్పట్లో చనిపోయే పరిస్థితి లేదని అది అంత ప్రాణాంతకం అయితే కాదని సమంత చెప్పుకొచ్చింది. కొద్ది రోజులుగా టాలీవుడ్ ఫిలింనగర్ వర్గాల్లో సమంత ఆరోగ్యం మళ్ళీ చెడిపోయిందని ఆమె మళ్ళీ హాస్పిటల్లో జాయిన్ అయిందంటూ ప్రచారం జరుగుతున్న నేపథ్యంలో ఆమె మేనేజర్ అది నిజం కాదని ఆమె బాగానే ఉందని క్లారిటీ ఇచ్చే ప్రయత్నం చేశారు.

స‌మంత ఇప్ప‌టికే అమెరికాలో చికిత్స తీసుకుని వ‌చ్చిన సంగ‌తి తెలిసిందే. అంతే కాకుండా ఆ త‌ర‌వాత కేర‌ళ లోనూ స‌మంత ఆయుర్వేదం తో వైద్యం తీసుకుంది. కాగా ఇప్పుడు సమంత చికిత్స కోసం కొరియాకు వెళ్లింది అంటూ ప్ర‌చారం జ‌రుగుతోంది. దాంతో ఆమె మేనేజ‌ర్ ఈ వార్త‌ల‌పై స్పందించారు. సమంత ప్ర‌స్తుతం ఆరోగ్యంగానే ఉన్నార‌ని ప్ర‌క‌టించాడు. అంతే కాకుండా ఇంట్లో రెస్ట్ తీసుకుంటున్నార‌ని ఎక్క‌డ‌కూ వెళ్ల‌లేద‌ని స్పష్టం చేశారు. ఇలాంటి ఫేక్ న్యూస్ లు స్ప్రెడ్ చెయ్యొద్దని ఆయన కోరారు.

ప్రస్తుతానికి ఆమె అనారోగ్యం నుంచి కోలుకునే దారిలో ఉందని వీలైనంత త్వరలో కోలుకొని పలు సినిమాల్లో భాగమయ్యే అవకాశం ఉందని అంటున్నారు. ఇప్పటికే ఇదే విషయాన్ని ఆమె హీరోయిన్గా నటిస్తున్న ఖుషి సినిమా యూనిట్ కు తెలియజేసిందని, డిసెంబర్ నుంచి షూటింగ్లో తాను పాల్గొంటానని అందుకు తగిన ఏర్పాట్లు కూడా చేసుకోవచ్చని ఆమె ఖుషీ మేకర్స్ కు సందేశం పంపినట్లుగా తెలుస్తోంది.

మెగా కాంపౌండ్ నుంచి వచ్చిన పంజా వైష్ణవ్‌తేజ్ తొలి సినిమా ‘ఉప్పెన’ బ్లాక్ బస్టర్ హిట్ కావడంతో ఆ చిత్ర దర్శకుడు బుచ్చిబాబు పేరు మారుమోగిపోయింది. సుకుమార్ అసిస్టెంట్‌గా.. గురువు తగ్గ శిష్యుడిగా బుచ్చిబాబును మెగా అభిమానులతో పాటు అంతా అభిమానించారు. అయితే ఆ సినిమా తర్వాత బుచ్చిబాబు మరో ప్రాజెక్ట్ అనౌన్స్ చేయడానికి చాలా కాలమే పట్టింది.

ఆయన తన తరవాత సినిమాను జూనియర్ ఎన్టీఆర్‌తో చేయబోతున్నారని వార్త రాగానే నందమూరి అభిమానులు సైతం ఆనందపడ్డారు. ఒక మంచి రూరల్ బ్యాక్ డ్రాప్ స్పోర్ట్స్ డ్రామాని బుచ్చిబాబు అప్పట్లో ఎన్టీఆర్‌కు చెప్పారట. ఆ కథ ఎన్టీఆర్‌కు కూడా బాగా నచ్చేసిందట. కానీ , కొరటాల శివ, ప్రశాంత్ నీల్‌తో వరుస ప్రాజెక్టులు ఒప్పుకోవడంతో ఎన్టీఆర్-బుచ్చిబాబు సినిమా పట్టాలెక్కలేదు.

తాజాగా బుచ్చిబాబు తదుపరి చిత్రం రామ్ చరణ్ తో చేస్తున్నట్లు అధికారిక ప్రకటన వచ్చేసింది. ఎన్టీఆర్ కి చెప్పిన కథతోనే ఇప్పుడు రామ్ చరణ్‌తో బుచ్చిబాబు సినిమా చేస్తున్నారని అంటున్నారు. ఎన్టీఆర్ నచ్చని కథ రామ్ చరణ్‌కు ఎలా నచ్చిందంటూ మరికొందరు విమర్శిస్తున్నారు. కానీ ఎన్టీఆర్‌కు చెప్పిన తరవాతే బుచ్చిబాబుకు రామ్ చరణ్ ఓకే చెప్పారని టాక్. ఈ ఇద్దరి మధ్య ఉన్నస్నేహం కారణంగానే చరణ్‌.. తారక్‌తో మాట్లాడి నిర్ణయం తీసుకున్నాడనే మాట విన్న అభిమానులు కూడా ఆనందపడుతున్నారు.

ఈ చిత్రం శ్రీకాకుళం బ్యాక్‌డ్రాప్‌లో కబడ్డీ నేపథ్యంలో కథ సాగుతుందని సమాచారం. ఈ సినిమా ద్వారా వృద్ధి సినిమాస్ అనే సంస్థ టాలీవుడ్‌లోకి అడుగుపెడుతోంది. వెంకట సతీష్ కిలారు నిర్మాతగా పరిచయమవుతున్నారు. మైత్రీ మూవీ మేకర్స్, సుకుమార్ రైటింగ్స్ సంస్థలు వెంకట సతీష్‌కు సహకారం అందిస్తున్నాయి. ఈ సినిమాకు దేవిశ్రీ ప్రసాద్ సంగీతం సమకూరుస్తారు. ఈ చిత్రం లో హీరోయిన్ గా జాన్వీ కపూర్ ని తీసుకొనే ఆలోచనలో ఉన్నారంట మేకర్స్.

అల్లు అర్జున్,సుకుమార్ కాంబినేషన్‌లో వచ్చిన సినిమా పుష్ప..ఈ సినిమాను గత ఏడాది డిసెంబర్ లో ప్రేక్షకుల ముందుకు తీసుకొచ్చారు. ఈ చిత్రం తో అల్లు అర్జున్ పాన్ ఇండియా స్టార్ గా ఎదిగిపోయారు. బాలీవుడ్ లో కూడా వంద కోట్లకు పైగా వసూలు చేసింది ఈ చిత్రం. దీంతో ఈ చిత్ర రెండో భాగం పై భారీ అంచనాలు ఏర్పడ్డాయి.

ఇటీవలే ఈ సినిమా రెండో పార్ట్ షూటింగ్ ప్రారంభమైనట్లు ఇండస్ట్రీలో వార్తలు వైరల్ అయ్యాయి. పక్కా షెడ్యూల్స్ తో… మొదటి భాగం కంటే మించి సినిమా ఉండే రీతిలో సెకండ్ పార్ట్ షూటింగ్ పగడ్బందీగా కంప్లీట్ చేస్తున్నాడు డైరెక్టర్. ఇదిలా ఉంటే పుష్ప మొదటి భాగంలో ‘ఊ అంటావా మావా..’ స్పెషల్ సాంగ్ ప్రపంచ సినీ రంగాన్ని కుదిపేసిన విషయం తెలిసిందే. ఈ పాటల సమంత వేసిన స్టెప్పులు థియేటర్ లో ప్రేక్షకులను ఎంతగానో అలరించాయి.

అలాగే ఈ రెండో పార్ట్ లో కూడా మంచి స్పెషల్ సాంగ్ ను ప్లాన్ చేసారంట దేవి అండ్ సుకుమార్. దీని కోసం శ్రీదేవి తనయ జాన్వీ కపూర్‌ ని పుష్ప టీం సంప్రదించినట్లు సమాచారం. మొదటి పార్ట్ కి ‘ఊ అంటావా మావా..’ సాంగ్ లో స్పెషల్ స్టెప్పులు వేసిన సమంతకి ప్రపంచవ్యాప్తంగా బీభత్సమైన క్రేజ్ వచ్చింది. దీన్ని దృష్టిలో పెట్టుకుని పుష్ప క్రేజ్ కూడా బేరీజు వేసుకుని జాన్వి కపూర్ …పుష్ప సెకండ్ పార్ట్ లో ఐటెం సాంగ్ కి ఓకే చెప్పినట్లు టాక్ వినిపిస్తోంది.

అంతే కాకుండా జాన్వీ కపూర్‌ ఎప్పటినుంచో తెలుగులో నటించాలని ప్రయత్నాలు చేస్తోంది. ఈ నేపథ్యం లో వచ్చిన ఈ అవకాశానికి ఆమె పాజిటివ్ గానే రియాక్ట్ అయిందని టాక్. మరోవైపు రామ్ చరణ్, బుచ్చిబాబు సానా సినిమాలో కూడా జాన్వీ కపూర్ ఆఫర్ పట్టేసిందని తెలుస్తోంది. ఈ లెక్కన చూస్తే వచ్చే ఏడాది తెలుగు తెరపై జాన్వీ కపూర్ మార్క్ కనిపిస్తుందని చెప్పుకోవచ్చు.