Author

Anudeep

Anudeep

Maintaining Teluguadda website since 2017 and have 7 years of experience in managing various million fan based Facebook pages.

ఈ “హీరో” చెంప చెళ్లుమనిపించిన షూటింగ్ సిబ్బంది..! ఏం జరిగిందంటే..?

by Anudeep August 1, 2022

written by Anudeep

సీరియల్ షూటింగ్‌ సెట్‌లో హీరో అతి దూకుడు టెక్నీషియన్స్ చేత తన్నులు తినేలా చేసింది. బుల్లితెర హీరో, నటుడు సిబ్బందిపై చేయి చేసుకున్న ఈ వీడియో ప్రస్తుతం సోషల్ మీడియాలో హల్‌చల్‌ చేస్తోంది. వివరాల్లోకి వెళ్తే..

‘సావిత్రమ్మ గారి అబ్బాయి’ సీరియల్ హీరో చందన్‌కుమార్‌ షూటింగ్‌ జరుగుతున్న సమయంలో ఓవరాక్షన్ చేశాడు. దీంతో అందుకు తగ్గ కౌంటర్ ఇచ్చారు యూనిట్. అతని చెంప చెల్లుమనిపించారు. ఆయనో హీరో… కాకపోతే సీరియల్స్‌లో పేరు చందన్ కుమార్. సినిమాల్లో కూడా క్యారెక్టర్స్ చేశాడు. ప్రస్తుతం తెలుగులో “శ్రీమతి శ్రీనివాస్‌” సీరియల్‌‌లో నటిస్తున్నాడు.

ఈ సీరియల్ షూటింగ్‌ సందర్భంగా సదరు హీరో.. ఓవరాక్షన్ చేశాడు. షూటింగ్ వర్క్ చేస్తున్న టెక్నిషియన్ ను నానాబూతులు తిట్టాడు. హీరోయిజమంటే రౌడీలా బిహేవ్‌ చెయ్యడం అనుకున్నట్టున్నాడు. టెక్నిషియన్‌ పై నోరుపారేసుకుని వీరలెవెల్లో పోజులిచ్చాడు. దీంతో చిత్ర యూనిట్ అంతా తిరగబడ్డారు. ఈ క్రమంలోనే తన తల్లిని దూషించాడంటూ ఓ టెక్నిషియన్ చందన్ చెంప చెల్లుమనిపించాడు.

ఇప్పుడు బుల్లితెర హీరో చందన్‌పై దాడి సోషల్ మీడియాలో హల్‌చల్‌ చేస్తోంది. ఏదో చిన్న టెక్నిషియన్ కదా! తన లెవెల్ చూపిద్దామనుకుంటే మొత్తానికే మోసం వచ్చింది. చందన్‌ చెంపపగలగొట్టి మరీ బుద్ధి చెప్పారు. శ్రీమతి శ్రీనివాస్‌ సీరియల్‌ షూటింగ్‌ సందర్భంగా జరిగిన ఈ ఘటన సర్వత్రా కలకలం రేపింది. చివరకు చందన్ సారీ చెప్పక తప్పలేదు. ఓ పక్క పరువు పోయి, మరో పక్క రౌడీగా మిగిలిపోయాడు హీరో. కాగా నెల రోజుల క్రితం ఈ ఘటన జరగ్గా.. తాజాగా వీడియో బయటకు వచ్చింది.

WATCH VIDEO:

చందన్ చాలా ఏళ్లుగా సినీ పరిశ్రమలో యాక్టివ్‌గా ఉన్నారు. కన్నడలో ‘రాధా కళ్యాణ’, ‘లక్ష్మీ బారమ్మ’ వంటి సీరియల్స్‌లో నటించాడు. అనేక రియాల్టీ షోలలో కూడా పాల్గొన్నాడు. బిగ్ బాస్ కన్నడ సీజన్ 3 షోకి కంటెస్టెంట్‌ గా కూడా వెళ్లాడు. అతను 2021 లో టీవీ నటి కవితా గౌడను వివాహం చేసుకున్నాడు.

August 1, 2022

ఒక్క అనుమానం వీళ్ళ కొంపముంచింది..! ఈ భర్త ఏం చేశాడంటే..?

by Anudeep August 1, 2022

written by Anudeep

అనుమానం పెనుభూతం అయ్యింది. భార్య ప్రవర్తన అతనిలో అనుమానాన్ని కలిగించింది. భర్త ఇంట్లో నుంచి వెళ్లగానే ఆమె కొందరితో చనువుగా ఉండటం అతను తట్టుకోలేకపోయాడు. తనకు తెలియకుండా ఏదో జరుగుతోందని అనుకున్నాడు. అదే కోపంతో భార్యను హత్య చేసి కసి తీర్చుకున్నాడు.

చివరకు అతను చావు, బ్రతుకుల మధ్య కొట్టుమిట్టాడుతున్నాడు. కట్టుకున్న భార్య అని కూడా చూడకుండా ఆమెతో గొడవ పడి, అదే క్షణికావేశంలో ఆమెపై దాడి చేశాడు. ఈ ఘటన నల్గొండ జిల్లాలో జరిగింది. వివరాల్లోకి వెళ్తే.. నల్లగొండ జిల్లా నకిరేకల్ మండలం నోముల గ్రామానికి చెందిన శ్రీకాంత్ అనే 29 సంవత్సరాల వ్యక్తి అదే మండలం పాలెం గ్రామానికి చెందిన స్వాతి అనే మహిళను ఏడేళ్ల క్రితం వివాహం చేసుకున్నాడు.

వారికి ఒక పాప, ఓ బాబు ఉన్నారు. శ్రీకాంత్ ప్లంబర్‌గా పని చేస్తూ కుటుంబాన్ని పోషిస్తున్నాడు. గత ఆరేళ్లుగా కాపురం సాఫీగానే సాగుతోంది. ఏడాది నుంచి శ్రీకాంత్ భార్య స్వాతికి మధ్య మనస్పర్ధలు తలెత్తాయి. అదే విషయంలో తరచూ వారి మధ్య గొడవలు జరుగుతున్నాయి. రెండ్రోజుల క్రితం స్వాతి, శ్రీకాంత్ ఉదయం పిల్లలు స్కూల్‌కి వెళ్లిన తర్వాత మరోసారి గొడవపడ్డారు. ఆ సమయంలో విచక్షణ కోల్పోయిన శ్రీకాంత్‌ భార్యను దిండుతో ముఖంపై అదిమి ఊపిరాడకుండా చేసి హత్య చేశాడు.

ఆ తర్వాత 9.30 గంటల సమయంలో నకిరేకల్‌లోనే ఉంటున్న స్వాతి అక్క పల్ల స్వప్నకు శ్రీకాంత్‌ ఫోన్‌ చేసి మీ చెల్లెను చంపేశానని చెప్పి ఇంట్లోంచి పారిపోయాడు. మృతురాలి సోదరి వెంటనే అక్కడికి చేరుకొని పోలీసులకు సమాచారం అందించింది. కేసు నమోదు చేసుకున్న పోలీసులు దర్యాప్తు చేస్తున్నారు. భార్య స్వాతిని హత్య చేసి ఇంటి నుంచి పారిపోయిన శ్రీకాంత్‌ వెంటనే పురుగుల మందు తాగి ఆత్మహత్యాయత్నం చేసుకున్నాడు.

అనంతరం తనంతట తానే ఆసుపత్రికి వెళ్లడంతో అతని పరిస్థితి విషమంగా ఉండటంతో నల్లగొండ ఆసుపత్రికి వెళ్లమని సూచించారు. నల్లగొండ ఆసుపత్రిలో శ్రీకాంత్‌కి వైద్యులు చికిత్స చేస్తున్నారు. సంఘటన స్థలాన్ని పరిశీలించిన నకిరేకల్‌ సీఐ వెంకటయ్య స్వాతి మృతదేహాన్ని స్థానిక ప్రభుత్వ ఆస్పత్రికి తరలించారు. నిందితుడు కోలుకున్న తర్వాత అతనిపై చర్యలు తీసుకుంటామని తెలిపారు. తల్లి చనిపోయి.. తండ్రి ఆసుపత్రిలో చేరడంతో ఇద్దరు పిల్లలు అనాథలుగా మారారు. కుటుంబ సభ్యులు పిల్లలను చేరదీశారు. కేవలం అనుమానంతోనే స్వాతిని శ్రీకాంత్ హత్య చేశాడని మృతురాలి కుటుంబ సభ్యులు పోలీసులకు తెలిపారు.

August 1, 2022

ముగిసిన వైజాగ్ “సాయి ప్రియ” ఎపిసోడ్..! శ్రీనివాస్ రాకపోవడంతో పోలీసులు ఏం చేశారంటే..?

by Anudeep August 1, 2022

written by Anudeep

మొన్న విశాఖపట్నం ఆర్కేబీచ్‌లో గల్లంతయ్యారు అని భావించిన సాయి ప్రియ, ఆ తర్వాత నెల్లూరులో ప్రియుడి దగ్గర ఉన్న విషయం అందరికీ తెలిసిందే.. అయితే అదే సమయంలో సాయి ప్రియ తన తండ్రికి వాట్సప్ వాయిస్ మెసేజులు పంపడంతో విషయం వెలుగులోకి వచ్చింది.

ఈ మేసేజులు పంపడానికి రెండు రోజుల ముందు, అంటే జులై 25న సాయి ప్రియ, శ్రీనివాసరావుల పెళ్లి రోజు. ఆ రోజు సాయంత్రం ఆర్కే బీచ్‌కు భార్యభర్తలు వచ్చారు. కాసేపు అక్కడ గడిపి, తిరిగి ఇంటికి వెళ్దామనుకునేసరికి సాయి ప్రియ కనిపించలేదు. తన భార్య కనిపించడం లేదంటూ శ్రీనివాసరావు పోలీసులకు ఫిర్యాదు చేశారు. దీంతో పోలీసులు సెర్చ్ ఆపరేషన్ కూడా ప్రారంభించారు.

చివరికి ఆమె కర్ణాటకలోని బెంగళూరులో ఉన్నట్టు నిర్ధారణ అయ్యింది. బుధవారం రాత్రి సాయి ప్రియ తన తండ్రికి వాట్సాప్‌లో వాయిస్ మెసేజ్‌లు పంపింది. రవితో తాను బెంగళూరులో క్షేమంగానే ఉన్నానని.. తన కోసం వెతకొద్దని సాయి ప్రియ వాయిస్ మెసేజ్‌లో వెల్లడించింది. రవితో ఇష్టపూర్వకంగానే వెళ్లానని.. తన కోసం వెతికితే చనిపోతానని హెచ్చరించింది. చివరకు పోలీసులు ఆమెను విశాఖకు తీసుకొచ్చారు.

దీంతో విశాఖ సాయి ప్రియ ఎపిసోడ్‌కు ఎండ్ కార్డ్ పడిపోయింది. సాయి ప్రియను ప్రియుడితో పంపించేశారు. ఆమె భర్త శ్రీనివాస్ పోలీస్ స్టేషన్‌కు రాకపోవడంతో ఈ నిర్ణయం తీసుకున్నారు. సాయి ప్రియ మేజర్ కావడంతో ఆమె ఇష్టం మేరకు ప్రియుడితో వెళ్ళింది. శ్రీనివాస్‌తో పెళ్లి ఇష్టం లేదని చెప్పానని.. చిన్నప్పటి నుంచి నేను రవిని ఇష్ట పడ్డానన్నాని తెలిపింది. తమను బ్రతకనివ్వాలని.. తాను చదువుకున్నానని, ఉద్యోగం చేసి సాయి ప్రియను పోషిస్తానని ప్రియుడు రవి అంటున్నాడు. తమ వలన ఇబ్బంది పడిన వారందరికీ సాయిప్రియ, రవి క్షమాపణలు చెప్పారు.

శ్రీనివాస్ పెళ్లి రోజు గిఫ్ట్ గా ఇచ్చిన బంగారు గాజులు ఆయనకే ఇచ్చేస్తానన్నారు. ఆ గాజులను అమ్మలేదని.. తమ వద్దే ఉన్నాయని వారు చూపించారు. ముందుగా కుమార్తె సాయి ప్రియతో తల్లిదండ్రులు మాట్లాడారు.. తమ పరువు తీశావని కన్నీళ్లు పెట్టుకున్నారు. తాను రవితో ఉంటానని ఆమె తేల్చి చెప్పింది.. తమ వల్ల ప్రభుత్వానికి కోటి రూపాయలు ఖర్చయినందుకు క్షమించమని వేడుకున్నారు.

August 1, 2022

Filmy Adda Viral

“ఈ విషయం గురించి చెప్పాల్సిన అవసరం నాకు లేదు..!” అంటూ… విడాకులపై స్పందించిన నాగ చైతన్య..!

by Anudeep August 1, 2022

written by Anudeep

‘ఏ మాయ చేశావే’ సినిమాలో జంటగా నటించిన అక్కినేని నాగచైతన్య, సమంత నిజ జీవితంలో కూడా ఒక్కటయ్యారు. ఏ మాయ చేసావేతో పరిచయం అయ్యి.. అది కాస్త ప్రేమగా మారడంతో పెళ్లి చేసుకున్నారు సమంత, నాగ చైతన్య. అయితే పెళ్లి చేసుకున్న కొన్నేళ్లకే తమ వైవాహిక జీవితాన్ని ముగించిన సమంత, నాగచైతన్య విడాకుల అంశం ఈ మధ్య మళ్లీ తెరపైకొచ్చింది.

ఇటీవల కాఫీ విత్ కరణ్ జోహార్ టాక్ షోలో విడాకులపై సమంత స్పందించడంతో మరొక్కసారి వీరి విడాకుల గురించి వార్తలు వస్తున్నాయి. విడాకుల తర్వాత సమంత పలుమార్లు స్పందించినప్పటికీ, నాగచైతన్య మాత్రం మౌనంగా ఉంటూ తన పని తాను చేసుకుంటూ పోతున్నాడు.

కానీ.. తాజాగా అమీర్ ఖాన్ ‘లాల్ సింగ్ చద్ధా’ ప్రమోషన్స్ కోసం జాతీయ మీడియాకు ఇంటర్వ్యూలు ఇస్తున్న సందర్భంలో నాగచైతన్యను సమంతతో విడాకుల గురించి మరోసారి విలేకరులు ప్రశ్నించారు. తన విడాకులపై వివాదాలకు దూరంగా ఉండాలని మొదటి నుంచి భావిస్తున్న నాగ చైతన్య తాజాగా కూడా అలాగే స్పందించారు. నేషనల్ మీడియా విడాకుల గురించి అడగ్గా..

“మంచైనా, చెడైనా తాను మీడియాకు సమాచారం ఇచ్చే జీవితంలో ముందుకెళ్లానని” చెప్పాడు. “విడాకుల తర్వాత సమంత మరో ముందడుగు వేసిందని, తాను కూడా తన పని తాను చేసుకుంటూ సాగిపోతున్నానని” వెల్లడించాడు. “అంతకు మించి ఈ ప్రపంచానికి తానేం చెప్పాలనుకోవడం లేదని” నాగ చైతన్య స్పష్టం చేశాడు. తన స్నేహితులు, కుటుంబం, తన చుట్టూ ఉన్న వాళ్లందరికీ విషయం నేనెంటో తెలుసని చెప్పాడు.

“ఇప్పుడు ఈ వార్తలు వస్తున్నాయి. తర్వాత వేరే విషయంపై వార్తలు వస్తాయి. ఇప్పుడు జరిగే విషయాలు తాత్కాలికంగానే వార్తల్లో నిలుస్తున్నాయి. ఇలాంటి వాటికి ఎంత ఎక్కువగా స్పందిస్తే అంత ఎక్కువ వార్తలు వస్తాయి. కాబట్టి నేను వీటిపై మాట్లాడదలుచుకోలేదు. ఏది జరగాలో అదే జరుగుతుంది తర్వాత ఈ విషయంపై చర్చ కూడా తగ్గిపోతుంది” అభిప్రాయపడ్డాడు. తన వ్యక్తిగత జీవితం గురించి చైతన్య మాట్లాడుతూ, “నా వ్యక్తిగత జీవితం నా వృత్తి జీవితాన్ని ప్రభావితం చేయని విధంగా నన్ను నేను నిర్మించుకున్నాను. కాబట్టి, వ్యక్తిగత జీవితం గురించి చెప్పాల్సిన అవసరం నాకు లేదు..” అంటూ విడాకులపై నాగ చైతన్య ఈ విధంగా స్పందించారు.

అంతే కాకుండా ఇదే విషయంపై మాట్లాడుతూ మరొక ప్రశ్న అడిగారు. “సోషల్ మీడియా అనేది మీ వ్యక్తిగత జీవితాలను కూడా బయట పెట్టే ఒక ప్లాట్‌ఫామ్. ఇది మీకు చిరాకు తెప్పిస్తుందా?” అని మీడియా అడగ్గా.. అందుకు నాగ చైతన్య ఈ విధంగా చెప్పారు. “నేను నటుడిగా ఇక్కడ ఉన్నాను. నా వృత్తి జీవితం గురించే మాట్లాడాలని కోరుకుంటున్నాను. నా వ్యక్తిగత జీవితం చర్చనీయాంశం కావడం నాకు ఇష్టం లేదు. నా వృత్తి పరమైన విషయాలు కాకుండా నా వ్యక్తిగత జీవితం గురించి ఎక్కువగా మాట్లాడుకోవడం చిరాకు తెప్పిస్తోంది. కానీ నేను నా వృత్తిపై మరింత కష్టపడి పనిచేయాలి అనుకుంటున్నట్టు” నాగ చైతన్య మీడియాకు సమాధానమిచ్చారు.

WATCH VIDEO:

August 1, 2022

టాప్ ప్రొడ్యూసర్ “దిల్ రాజు” కెరీర్‌లో… ఘోరంగా ఫ్లాప్ అయిన 12 సినిమాలు..!

by Anudeep July 31, 2022

written by Anudeep

టాలీవుడ్ టాప్ ప్రొడ్యూసర్ దిల్ రాజు పట్టిందల్లా సూపర్ హిట్ మూవీ అవుతుందని ఇండస్ట్రీలో టాక్. అందుకు తగ్గట్టే దిల్ రాజు స్టోరీ సెలక్షన్ కూడా భిన్నంగా ఉంటుంది.

ముఖ్యంగా దిల్ రాజు ఫ్యామిలీ ఆడియన్స్ కనెక్ట్ అయ్యేలా చిత్రాల్ని నిర్మిస్తూ అభ్యంతరకరమైన డైలాగులు కానీ, సీన్లకు గానీ దూరంగా ఉంటాడు. టాలీవుడ్ లో హ్యాట్రిక్ హిట్లు, డబుల్ హ్యాట్రిక్ హిట్లు కొట్టిన రికార్డులు దిల్ రాజు సొంతం.

అలాంటిది దిల్ రాజు నిర్మించిన కొన్ని సినిమాలు బాక్సాఫీస్ వద్ద ఘోరంగా విఫలమయ్యాయి. అందులో కొన్ని సినిమాలు ఏంటంటే..

#1. మున్నా:

రెబల్ స్టార్ ప్రభాస్ హీరోగా, వంశీ పైడిపల్లి డైరెక్షన్ లో 2007 వచ్చిన మున్నా సినిమా దిల్ రాజు ఫ్లాప్ లిస్ట్ లో ఒకటి.

#2. జోష్:

అక్కినేని నాగ చైతన్య డెబ్యూ మూవీ జోష్ 2009లో వాసు వర్మ తెరకెక్కించారు. ఈ సినిమాకు ఆశించిన ఫలితం దక్కలేదు.

#3. మరో చరిత్ర:

రవి యాదవ్ డైరెక్షన్ లో 2010 లో మరో చరిత్ర మూవీ వచ్చింది. ఇందులో వరుణ్ సందేశ్ హీరోగా నటించారు ఈ మూవీ డిజాస్టర్ గా నిలిచింది.

#4. గగనం:

కింగ్ నాగార్జున హీరోగా రాధ మోహన్ దర్శకత్వంలో 2011లో గగనం మూవీని తెరకెక్కించారు. దిల్ రాజు నిర్మించిన ఫ్లాప్ మూవీస్ లిస్ట్ లో ఇది కూడా ఒకటి.

#5. రామ రామ.. కృష్ణ కృష్ణ:

శ్రీవాస్ దర్శకత్వంలో, రామ్ పోతినేని హీరోగా నటించిన చిత్రం రామ రామ.. కృష్ణ కృష్ణ. ఈ సినిమాకు కూడా ఆశించిన ఫలితం దక్కలేదు.

#6. ఓ మై ఫ్రెండ్:

సిద్దార్థ, శ్రుతి హాసన్ ప్రధాన పాత్రల్లో నటించిన ఓ మై ఫ్రెండ్ మూవీ థియేటర్ లో వసూళ్లు రాబట్టలేదు. దీనికి వేణు శ్రీరామ్ దర్శకత్వం వహించారు.

#7. రామయ్యా వస్తావయ్యా:

హరీష్ శంకర్ డైరెక్షన్ లో యంగ్ టైగర్ ఎన్టీఆర్ నటించిన రామయ్యా వస్తావయ్యా చిత్రం దిల్ రాజు ఫ్లాప్ లిస్ట్ లో చేరి నిరాశ పరిచింది.

#8. కృష్ణాష్టమి:

స్టార్ కమెడియన్ హీరోగా వాసు వర్మ దర్శకత్వంలో 2016 లో వచ్చిన కృష్ణాష్టమి బాక్సాఫీస్ వద్ద ఘోరంగా విఫలమైంది.

#9. శ్రీనివాస కళ్యాణం:

సతీష్ వేగేశ్న డైరెక్టర్ గా నితిన్, రాశిఖన్నా హీరో హీరోయిన్లు గా 2018లో వచ్చిన శ్రీనివాస కల్యాణం దిల్ రాజుకి ఫ్లాప్ లిస్ట్ లో చేరింది.

#10. లవర్:

రాజ్ తరుణ్ హీరోగా అనీష్ కృష్ణ దర్శకత్వంలో 2018 లో వచ్చిన లవర్ మూవీ ఏ మాత్రం అంచనాలను అందుకోలేకపోయింది.

#11. ఇద్దరి లోకం ఒకటే:

జీ ఆర్ కృష్ణ డైరెక్టర్ గా రాజ్ తరుణ్ , షాలిని పాండే హీరో హీరోయిన్లు గా నటించిన చిత్రం ఇద్దరి లోకం ఒకటే. ఈ చిత్రం కలెక్షన్స్ తీవ్రంగా నిరాశపరిచాయి.

#12. రౌడీ బాయ్స్:

ఈ సంక్రాంతికి విడుదలైన రౌడీ బాయ్స్ ఆశించిన అంచనాలను అందుకోలేక పోయింది. శ్రీ హర్ష కొనుగంటి దీనికి డైరెక్టర్ కాగా ఆశీష్, అనుపమా పరమేశ్వరన్ జంటగా నటించారు.

July 31, 2022

రెండుగంటల ప్రీ రిలీజ్ కి యాంకర్ సుమ ఎంత తీసుకుంటారంటే . .

by Anudeep July 31, 2022

written by Anudeep

రెండు దశాబ్దాలుగా బుల్లితెరను ఏలుతూ, ఇటీవలే జయమ్మ పంచాయితీ అంటూ మరోసారి వెండితెరలోకి అడుగు పెట్టారు యాంకర్ సుమ కనకాల. అటు టీవీ ప్రోగ్రామ్స్ తో బిజీగా ఉంటూనే సినిమా ఈవెంట్స్ కి హోస్ట్ చేస్తుంటుంది సుమ. సుమ సినిమా ఈవెంట్‌ని హోస్ట్ చేస్తుందంటే ఆ సందడే వేరు.

అందరినీ ఈవెంట్ లో భాగస్వామ్యం చేస్తూ.. కడుపుబ్బా నవ్విస్తారు. ఒకరకంగా సుమ కోసమే కొందరు ఈవెంట్ చూస్తారు అంటే నమ్మశక్యం కాదు. సుమ ఈవెంట్ లో ఉందంటే చాలు దర్శక నిర్మాతలు, ఈవెంట్ మేనేజర్లు రిలాక్స్ అయిపోవచ్చు. అంతా తానై చూసుకుంటుంది.

Also Read: లేటు వయసులో పెళ్లి చేసుకుంటే ఇన్ని లాభాలున్నాయా.? ఈ యాంగిల్ లో ఎప్పుడు చూసుండరు.!

అందుకే ఆ మధ్య ఓ ఈవెంట్ లో సుకుమార్ మాట్లాడుతూ.. స్పాన్టనిటీ స్టార్ సుమ అని పొగిడారు. నాకు ఎంతోమంది ఫాన్స్ ఉండొచ్చు కానీ నేను మాత్రం సుమ ఫ్యాన్ నే అన్నారు మెగాస్టార్. ఏళ్లకి ఏళ్లుగా ఇండస్ట్రీలో వన్ అండ్ ఓన్లీ బిగ్ ఈవెంట్ హోస్ట్ కావడంతో టాప్ దర్శకులు, బడా నిర్మాతలు, స్టార్ హీరోలు సైతం సుమ యాంకరింగ్‌ని ఇష్టపడతారు. ఇంతవరకూ బాగానే ఉంది కానీ.. సుమతో యాంకరింగ్ అంటే మాములుగా ఉండదు. రెమ్యునరేషన్ లక్షల్లోనే ఉంటుంది.

Also Read: నంబర్ ప్లేట్స్ ఎందుకు అనేక రంగుల్లో ఉంటాయి.. వాటి అర్థం ఏంటో మీకు తెలుసా..!?

ఒకప్పుడు ఏమో కానీ ఇప్పుడు మాత్రం నాలుగు లక్షలకు తగ్గదట, తక్కువలో తక్కువ రెండు లక్షలు ఇస్తే కానీ ఈవెంట్ కి ఒప్పుకోదట. అంతేకాదు.. సుమ యాంకరింగ్ చేయాలంటే చాలానే కండిషన్స్ ఉంటాయి. ఫస్ట్ రెమ్యునరేషన్ ఫిక్స్ కావాలి.. అలాగని చివరి నిమిషంలో వచ్చి ఈవెంట్ చేయమంటే కుదరదు.. ఆమె డేట్స్ ముందే తీసుకోవాలి. కనీసం పది రోజులు ముందైనా డేట్ ఫిక్స్ చేసుకోవాలి. రెమ్యునరేషన్, కాల్ షీట్స్‌తో అయిపోలేదు. సుమ యాంకరింగ్ చేయాలంటే ఇంకో కో యాంకర్ తప్పకుండా ఉండాలి.

suma 1

ఈవెంట్ ఎన్ని గంటలైనా చేసుకోండి.. బట్ సుమ హోస్ట్ చేసేది మాత్రం రెండు గంటలే. ఇక ఈవెంట్‌కి తగ్గట్టుగా క్యాస్టూమ్స్.. మేకప్ ఇవన్నీ అదనం. స్పీచ్‌లు అన్నీ అవ్వాలి.. శుభం కార్డ్ సుమే వేయాలంటే అస్సలు కుదరదు. స్టేజ్ మీద చిరంజీవి ఉన్నా.. పవన్ కల్యాణ్ ఉన్నా, మహేష్ బాబు ఉన్నా.. ఎండింగ్ స్పీచ్ వరకూ అయితే అస్సలు ఉండదు. వాళ్లు స్పీచ్‌లు అవుతున్నప్పుడే వెళ్లి కార్ ఎక్కేస్తుందట యాంకర్ సుమ.

ఎందుకలా అంటే.. తరువాత జనం అంతా ఒకేసారి బయటకు రావడం.. ట్రాఫిక్ సమస్యలు.. ఈ తిప్పలన్నీ పడలేకే ఈవెంట్ కాకుండానే ముందే వెళ్లిపోతుందట. మొన్న ‘పక్కా కమర్షియల్’ ప్రీ రిలీజ్ ఈవెంట్‌లోనూ ఇదే జరిగింది. మెగాస్టార్ చిరు స్పీచ్ కాకుండానే సుమ ఈవెంట్ నుంచి వెళ్లిపోయింది. చిరంజీవి స్పీచ్ ఇస్తున్న టైంలో సుమ గురించి ప్రస్తావిస్తూ.. సుమ ఏది? అని అడిగేశారు.. ఇంకెక్కడి సుమ.. అప్పటికే ఈవెంట్‌ను నుంచి వెళ్లిపోయారు.

Also Read: “అరుంధతి” లో చిన్నప్పటి జేజమ్మ ఇప్పుడు హీరోయిన్ అయ్యిందని తెలుసా..ఎలా ఉందో చూడండి..!

July 31, 2022

Featured Information

నంబర్ ప్లేట్స్ ఎందుకు అనేక రంగుల్లో ఉంటాయి.. వాటి అర్థం ఏంటో మీకు తెలుసా..!?

by Anudeep July 31, 2022

written by Anudeep

మనం రోడ్డు మీద వెళుతున్నపుడు రకరకాల నెంబర్ ప్లేట్ చూస్తుంటాం.. అందులో అన్ని ఒకే రంగులో ఉండవు. అందులో మనకు తెలుపు, పసుపు వి ఎక్కువగా కనిపిస్తుంటాయి. కొన్ని కార్ల మీద అయితే లేత నీలం రంగు, ఆకుపచ్చ రంగులో ఉన్న నెంబర్ ప్లేట్లు కూడా ఉంటాయి.

అయితే వివిధ రంగుల్లో ఉన్న నెంబర్ ప్లేట్లను ఎందుకు వినియోగిస్తున్నారు, వాటి అర్థం ఏంటి అని మీకు ఎప్పుడైనా అనిపించిందా..!? ఏ రంగు నెంబర్ ప్లేట్ అర్థం ఏమిటీ, ఎవరు వాడతారో చూద్దాం..

Also Read: సినిమాలు శుక్రవారమే ఎందుకు విడుదల చేస్తారో మీకు తెలుసా..!?

#1. తెలుపు రంగు:

తెలుపు రంగు ప్లేటు మీద నలుపు రంగులో వాహన రిజిస్ట్రేషన్ నెంబర్ ఉంటే.. దీని అర్థం వీటిని వ్యక్తిగత అవసరాల కోసం మాత్రమే వినియోగించాలి అని అర్థం. ఇతర వ్యాపార అవసరాలకు అంటే క్యాబ్ వంటి వాటికి, అద్దెకి ఇవ్వడం లాంటివి చేయకూడదు.

#2. పసుపు రంగు:

పసుపు రంగులో ఉన్న నెంబర్ ప్లేటు మీద నలుపు రంగులో వాహన రిజిస్ట్రేన్ నెంబర్ ఉంటే.. ఆ వాహనాలను అద్దె మరియు వ్యాపార అవసరలాకు వినియోగిస్తారు. ఇందులోకి ట్యాక్సీలు, క్యాబ్‌లు మరియు ట్రక్కులు వస్తాయి. ఇటువంటి వాహనాలకు డ్రైవింగ్ పర్మిట్ కూడా ఉంటుంది.

#3. నలుపు రంగు:

నలుపు రంగు ప్లేటు మీద పసుపు రంగులో వాహన రిజిస్ట్రేషన్ నెంబర్ ఉంటే.. అటువంటి వాహనాలను వ్యక్తిగతంగా డ్రైవింగ్ చేసుకుంటూ వెళ్లే అద్దె వాహనాలు అంటారు. వీటిని కమర్షియల్ యుటిలిటి వెహికల్స్ అంటారు.

#4. ఎరుపు రంగు:

రాష్ట్రపతి మరియు రాష్ట్ర ప్రభుత్వాలకు చెందిన గవర్నర్లు అలాగే ఇతర ఉన్నత ప్రభుత్వ అధికారుల కారు నెంబర్ ప్లేట్.. ఎరుపు రంగు ప్లేట్ మీద జాతీయ చిహ్నం ఉంటుంది.

#5. అక్షరాలు తెలుపు రంగులో:

తాత్కాలిక రిజిస్ట్రేషన్ నెంబర్ ప్లేట్లు ఎరుపు లేదా తెలుపు రంగులో ఉండి వాటి మీద అక్షరాలు తెలుపు రంగులో ఉంటాయి. అంతేకాదు తాత్కాలికి రిజిస్ట్రేషన్ నెంబర్ ఆంగ్ల అక్షరం టిఆర్ తో ప్రారంభం అవుతాయి. వీటి తాత్కాలిక పరిమితి నెల రోజులు మాత్రమే. డీలర్లు తాత్కాలిక రిజిస్ట్రేషన్ మీద వాహనాలు అమ్మడానికి నిరాకరిస్తున్నారు. కేవలం శాశ్వత రిజిస్ట్రేషన్ చేసుకునే వారికి మాత్రమే అమ్ముతున్నారు.

#6. పై వైపుకు సూచించే బాణం గుర్తు:

మిలిటరీ వాహనాల నెంబర్ ప్లేట్లు ఇతర వాహనాలతో పోల్చితే భిన్నంగా ఉంటాయి. పై వైపుకు చూచించి ఉండే బాణపు గుర్తును ప్రారంభంలో ఉంటాయి. తరువాత ఉన్న రెండు అంకెలు కూడా దానిని కొనుగోలువ చేసిన సంవత్సరాన్ని సూచిస్తాయి. ప్రస్తుతం మిలిటరీ వాహనాలను డిఫెన్స్ మంత్రిత్వశాఖ విభాగం క్రింద రిజిస్ట్రేన్లు చేయిస్తారు.

#7. లేత నీలం రంగు:

ఇతర దేశాలకు చెందిన వ్యక్తులు చేయించుకునే వాహనాలకు లేత నీలం రంగు బోర్డ్ మీద తెలుపు రంగులో అక్షరాలు ఉంటాయి. ఇటువంటి ప్లేటు మీద UN, CC, CD వంటి ఆంగ్ల అక్షరాలు ఉంటాయి. అంటే వారు ఏ దేశాలకు చెందిన వారో ఇది సూచిస్తుంది. ఉదా: యుఎన్ అనగా యునైటెడ్ నేషన్స్ అంటారు.

Also Read: “అరుంధతి” లో చిన్నప్పటి జేజమ్మ ఇప్పుడు హీరోయిన్ అయ్యిందని తెలుసా..ఎలా ఉందో చూడండి..!

July 31, 2022

“అరుంధతి” లో చిన్నప్పటి జేజమ్మ ఇప్పుడు హీరోయిన్ అయ్యిందని తెలుసా..ఎలా ఉందో చూడండి..!

by Anudeep July 31, 2022

written by Anudeep

అరుంధతి సినిమాలో చారడేసి కళ్ళేసుకుని, పరికిణి తో..హుందాగా అలంకరించుకుని మెట్ల పైనుంచి ఠీవి గా నడుచుకుంటూ వస్తున్న అమ్మాయి గుర్తుందా..? అనుష్క చిన్ననాటి క్యారెక్టర్ ను పోషించిన ఆ అమ్మాయి పేరు దివ్య నగేశ్.

ఈ సినిమా లో ఆమె నటన, హావ భావాలు హై లైట్ గా నిలిచాయి. అరుంధతి ఎంత బిగ్గెస్ట్ హిట్ అయిందో.. ఈ పాప కు కూడా అంతే మంచి పేరు వచ్చింది.

కానీ, ఈ సినిమా తరువాత ఆమె తెలుగు సినిమాల్లో పెద్దగా కనిపించలేదు. వాస్తవానికి దివ్య నగేశ్ కేరళ నటి. ఆమె అనేక మలయాళ సినిమాలలో బాల నటి గా నటించిందట. అసలు సినిమాల్లోకి రాకముందే, దివ్య నగేశ్ 150 కి పైగా అడ్వర్టైజ్మెంట్ లలో నటించిందట. ఆ తరువాత బాల నటి గా చేసి మధ్యలో కొంత కాలం ఏమి సినిమాలు చేయలేదట. మలయాళం లో నే కొన్ని సినిమాలలో హీరోయిన్ గా చేసిందట. తెలుగు లో కూడా నేను నాన్న, అబద్ధం అనే రెండు సినిమాల్లో దివ్య నగేశ్ హీరోయిన్ గా నటించింది.

మలయాళం, తెలుగే కాదు.. ఆమెకు తమిళనాట కూడా మంచి పాపులారిటీ ఉన్నట్లు ఉంది. ప్రస్తుతం ఆమె బాల, శంకర్ వంటి టాప్ దర్శకులతో పని చేస్తోందట. ఆమె ఇది వరకే నటించిన దేడినన్ అనే సినిమా కూడా పోస్ట్ ప్రొడక్షన్ పనులను పూర్తి చేసేసుకుని రిలీజ్ అవడానికి రెడీ గా ఉంది.

తాజాగా ఆమె తీయించుకున్న ఫోటోలు నెట్టింట్లో వైరల్ అవుతున్నాయి. అయితే, అవకాశాలు లేకే ఆమె ఇలా ఫోటోలు దిగుతోందని నెటిజన్లు విమర్శిస్తున్నారు. మరో వైపు కరోనా కారణం గానే తనకు అవకాశాలు తగ్గాయని చెబుతూ, నెటిజెన్ల విమర్శలనేమి ఆమె పట్టించుకోవడం లేదు. ప్రస్తుతం, తమిళనాట బిజీ గా ఉన్న దివ్య నగేశ్ అవకాశాలు వస్తే తెలుగు లో చేయడానికి కూడా సిద్ధం గా ఉందట.

#

#

# # # #

July 31, 2022

Featured Filmy Adda

సినిమాలు శుక్రవారమే ఎందుకు విడుదల చేస్తారో మీకు తెలుసా..!?

by Anudeep July 31, 2022

written by Anudeep

శుక్రవారం కోసం సినిమా ప్రేమికులు, సినీ వర్గాలు వెయ్యి కళ్ళతో ఎదురుచూస్తూ ఉంటాయి. తమ అభిమాన హీరో సినిమా కోసం ఎదురు చూసే వారు కొందరైతే.. తాము తీసిన సినిమాను విడుదల చేయడానికి చూసే వారు మరికొందరు. సినిమాతో ముడిపడి ఉన్న ఎంతో మంది జీవితాలు ఒక్క శుక్రవారంతో మారిపోతాయి.

అందుకే అంటారు ఇక్కడ ఎవరి జీవితం శాశ్వతం కాదు ప్రతి శుక్రవారం మారిపోతూనే ఉంటుంది అని. అయితే సినిమాలు ఎక్కువగా శుక్రవారమే ఎందుకు విడుదల చేస్తారరో మీకు తెలుసా!? దాని వెనుక ఉన్న కారణాలు ఏంటో తెలుసుకుందాం..

Also Read: “ఇంట్లో ఇలాంటి బట్టలు వేసుకోకు…మీ మామ గారు ఉన్నారు”…పెళ్లి తర్వాత నా జీవితం ఎలా మారిపోయిందంటే.?

ప్రస్తుత కాలంలో మనిషి జీవన శైలి.. వారం అంతా కష్టపడి వీకెండ్ లో, ఆ కష్టం అంతా మర్చిపోయేలా సంతోషం గా గడిపేలా ప్రణాళిక సిద్ధం చేసుకునేలా ఉంటుంది. అయితే ఈ వీకెండ్ ఎంజాయ్ మెంట్ అనేది ఒక్కొక్కరికి ఒక్కోలా ఉంటుంది. చాలామందికి మాత్రం వీకెండ్ ఎంజాయ్ మెంట్ లో సినిమా కూడా ప్రధానంగా ఉంటుంది. వారాంతంలో కుటుంబంతో కలిసి ఒక మంచి సినిమా చూసి సంతోషంగా గడపాలి అనుకుంటారు నేటితరం యువకులు.

అయితే మన దేశం లో చిత్రాలు అన్నీ దానికి అనుగుణంగానే వారాంతంలో రిలీజ్ అవుతాయి. సాధ్యమైనంత వరకు అన్ని సినిమాలు శుక్రవారమే రిలీజ్ అవుతాయి. అయితే సినీ పరిశ్రమకి ఈ శుక్రవారం సెంటిమెంట్ కి కారణాలు చాలానే ఉన్నాయి అని చెప్పుకుంటారు. 1950 వరకు భారత దేశంలో సినిమాలు శుక్రవారం విడుదల చేసేవారు కాదట. 1950 లో ఇండియాలో శుక్రవారం రిలీజ్ అయిన మొదటి సినిమా “మొఘల్ ఏ అజమ్”.

Also Read: భాగస్వామి మీ పక్కన ఉన్నప్పుడు.. అబ్బాయిలు చేయకూడని పనులు ఏంటంటే..!?

అప్పటి నుండి మన వాళ్లు శుక్రవారం సినిమా విడుదల చేయడం మొదలు పెట్టారు. ఈ సంస్కృతి మన వాళ్ళు అమెరికన్ల దగ్గర నుండి అరువు తెచ్చుకున్నట్టు చెబుతుంటారు. అంతే కాకుండా ముంబైలో అప్పట్లో శుక్రవారం మధ్యాహ్నం చిన్న తరహా పరిశ్రమల్లో సెలవు ప్రకటించేవారట. వారందరికీ కాలక్షేపంగా కూడా అప్పుడు రిలీజ్ అయిన సినిమాలు ఉండేవట.

అంతేకాక మన దేశంలో శుక్రవారం అంటే.. లక్ష్మీ దేవికి ఎంతో ఇష్టమైన రోజు గా భావిస్తారు. అందుకే ప్రొడ్యూసర్ లు ఆ రోజు సినిమా విడుదల అయితే తమకి తప్పక లాభాలు వస్తాయనే నమ్మకంతో శుక్రవారం రోజున తమ సినిమాలు ప్రేక్షకుల ముందుకు తీసుకొస్తారు. అంతేకాదు శుక్రవారం మూవీ రిలీజ్ అయితే ఆయా హీరోల అభిమానులు అప్పటికే చూసి ఉండడంతో మూవీ టాక్ వచ్చేస్తుంది.

దాన్ని బట్టి వీకెండ్ మూవీకి వెళ్ళడానికి ఫ్యామిలీస్ ప్లాన్ చేసుకునే అవకాశం ఉంది. మల్టీ ఫ్లేక్స్ థియేటర్ ఓనర్లకి, ప్రొడ్యూసర్లు తమ సినిమాలు ఆడించే నిమిత్తం, చెల్లించే అద్దెలు మిగిలిన రోజులతో పోలిస్తే శుక్రవారం తక్కువ గా ఉంటాయట. అందుకే మన దేశంలో సినిమాలు మిగిలిన రోజుల కంటే, శుక్రవారం విడుదల చేయడమే శ్రేయస్కరం అని ప్రొడ్యూసర్లు, హీరోలు, దర్శకులు భావిస్తారు.

Also Read: గూగుల్ లో అమ్మాయిలు ఎక్కువగా వేటి గురించి వెతుకుతారో మీకు తెలుసా..?

July 31, 2022

“ఇంట్లో ఇలాంటి బట్టలు వేసుకోకు…మీ మామ గారు ఉన్నారు”…పెళ్లి తర్వాత నా జీవితం ఎలా మారిపోయిందంటే.?

by Anudeep July 31, 2022

written by Anudeep

ఒక మనిషి జీవితంలో మార్పు అనేది చాలా సహజమైన విషయం. ప్రతి మనిషి జీవితంలో ముందుకు వెళ్తున్నప్పుడు ఈ మార్పుని ఎదుర్కోవాల్సిందే.

కానీ కొన్నిసార్లు ఆ మార్పు వల్ల ఆ మనిషి తన వ్యక్తిత్వాన్ని కోల్పోతాడు. తాను తన లాగా కాకుండా వేరే ఎవరి లాగానే ఉంటూ ఉంటాడు. ఇందుకు ఉదాహరణ ఇప్పుడు మీరు చదవబోయే కథ.

సంధ్య ఒక సాఫ్ట్వేర్ కంపెనీలో ఉద్యోగం చేస్తోంది. ఉద్యోగంలో చేరిన కొన్ని సంవత్సరాలకి వాళ్ళ ఇంట్లో వారు తనకి పెళ్లి చేశారు. పెళ్లయిన తర్వాత సంధ్య తన భర్తతో, అత్తమామలతో కలిసి ఉంది. సంధ్య కి ఈవినింగ్ షిఫ్ట్. దాంతో సంధ్య షిఫ్ట్ ముగించేటప్పటికి దాదాపు తెల్లవారుజాము అవుతుంది. సంధ్య అప్పుడు పడుకొని 10 గంటల తర్వాత లేస్తుంది.

పెళ్లి కాక ముందు తను ఇలాగే చేసేది. పెళ్లయిన తర్వాత కూడా తను షిఫ్ట్ మూడు గంటలకి పూర్తవడంతో 3 గంటలకి పడుకుని 10 గంటలకి నిద్రలేచింది సంధ్య. నిద్ర లేచి, ఫ్రెషప్ అయ్యి, తన అత్త గారికి సహాయం చేద్దామని వెళ్ళింది. అత్త గారిని చూసి నవ్వుతూ పలకరించింది సంధ్య. కానీ అత్తగారి మొహంలో ఆ నవ్వు లేదు. సంధ్య “ఏమైంది అత్తయ్యా?” అని అడిగింది.

అందుకు సంధ్య వాళ్ళ అత్తగారు “ఇంత ఆలస్యంగా నిద్రలేవడం ఏంటి? 7 గంటలకు నిద్ర లేస్తే ఏమవుతుంది?” అని అడిగింది. అందుకు సంధ్య “అంటే నా షిఫ్ట్ తెల్లవారుజామున అయిపోతుంది అత్తయ్యా. అప్పుడు పడుకొని కొంచెం ఆలస్యంగా నిద్ర లేస్తాను” అని చెప్పింది. అందుకు వాళ్ళ అత్తగారు “ఇలాంటివన్నీ ఇంకా నడవవు. ఉదయం 7 గంటలకు నిద్ర లేవడం అలవాటు చేసుకో” అని సంధ్యని పైనుంచి కిందికి చూసింది. సంధ్య నైట్ డ్రెస్ లో ఉంది.

“ఇక మీదట ఇలాంటి బట్టలు వేసుకోవడం మానేసెయ్. ఇంట్లో మీ మామ గారు కూడా తిరుగుతూ ఉంటారు. తయారయ్యే విధానం మార్చుకో” అని చెప్పింది. సంధ్యకి నిద్ర చాలకపోయినా కూడా అలాగే 7 గంటలకి లేచి అత్తగారికి పనిలో సహాయం చేసేది. తన షిఫ్ట్ మొదలయ్యే టైం కి పని మొత్తం ముగించుకొని ఉద్యోగానికి వెళ్లబోతున్నా కూడా వాళ్ళ అత్తగారు ఆపి ఏదో ఒక పని చెప్పేది.

“ఉద్యోగానికి వెళ్ళాలి” అంటే అయినా “సమయం కాని సమయంలో చేసేది ఏం ఉద్యోగం? ఇలాంటి ఉద్యోగం చేయడం అవసరమా? మానేసి వేరే ఏదైనా చూసుకో” అని చెప్పింది. సంధ్యకి తన భర్త నుండి కానీ, తన మామగారి నుండి కానీ ఎటువంటి మద్దతు లభించలేదు. అంతే కాకుండా వాళ్లు కూడా సంధ్య అత్తగారు అన్న మాటకే మద్దతు ఇచ్చి సంధ్యని వేరే ఉద్యోగం చూసుకోమని చెప్పారు. దాంతో సంధ్య ఒక స్కూల్లో టీచర్ గా జాయిన్ అయింది.

ఇప్పుడు సంధ్య తన అత్తగారికి నచ్చినట్టు గానే జాబ్ చేస్తూ, ఇంట్లో అందరికీ సహాయం చేస్తోంది. దాంతో సంధ్య అత్తగారు, మామగారు, భర్త చాలా సంతోషంగా ఉన్నారు. సంధ్య అత్తగారు అయితే అందరికీ తన కోడలికి తనే ఒక మంచి దారి చూపించినట్టు, ఇలా సమయం కానీ సమయంలో చేసే సాఫ్ట్వేర్ జాబ్ వల్ల ఆరోగ్యం పాడైపోతుంది అని టీచర్ జాబ్ లో చేరాలా చేసినట్లు గొప్పగా చెప్పుకుంది.

వాళ్లందరూ కూడా సంధ్య అత్తగారిని చాలా పొగుడుతున్నారు. అందరూ బాగానే ఉన్నారు. కానీ సంధ్య మాత్రం తన వ్యక్తిత్వాన్ని ఎప్పుడో కోల్పోయింది. సంధ్యకి క్యాంపస్ ప్లేస్మెంట్ లో జాబ్ రాకపోయినా కూడా తనకి సాఫ్ట్వేర్ జాబ్ చేయాలనే ఇష్టం ఉండడంతో ఎంతో కష్టపడి ఎన్నో ఇంటర్వ్యూలలో ఫెయిల్ అయినా కూడా మళ్లీ ప్రయత్నించి ఆ జాబ్ సంపాదించుకుంది.

సంధ్య చేసే హార్డ్ వర్క్ ని, పడే కష్టాన్ని చూసి తనతో ఉద్యోగం చేసే వారందరూ సంధ్యని ఆదర్శంగా తీసుకునే వాళ్ళు. దాంతో సంధ్య మెల్లగా ప్రమోట్ అవుతూ కంపెనీలో టాప్ పొజిషన్ కి వెళ్ళింది. అలా అంత కష్టపడి టాప్ పొజిషన్ కి వెళ్ళిన సంధ్య ఉద్యోగం మానేసి వెళ్లిపోయింది అంటే వాళ్లు కూడా షాక్ అయ్యారు.

సంధ్య లాంటి వాళ్ళు ఈ ప్రపంచంలో ఎంతో మంది ఉంటారు. ప్రపంచ వరకు ఎందుకు మనలో కొంత మంది మన చుట్టూనే ఉన్న ఎంతోమంది సంధ్య ఎదుర్కొన్న సమస్యలను ఎదుర్కొంటుంటారు. అసలు ఇందులో సంధ్య చేసిన తప్పేంటి? అవతల వారి మీద తమ ఇష్టాలని రుద్దడం వల్ల జనాలకు ఏమొస్తుంది? వారికే తెలియాలి.

Also Read: RRR Movie Dialogues Telugu

NOTE: images used in this article are just for representative purpose. But not the actual characters.

July 31, 2022

Newer Posts

Older Posts