Anudeep

జరుగుతున్నది ముఖ్యమంత్రి కార్యక్రమం .. పెద్ద సభ ,వందల సంఖ్యలో జనాలు  కోలాహలం , భారీ బందోబస్త్ అంతమంది మధ్య మీడియాని ఆకట్టుకున్నది ఒక వ్యక్తి . అది కూడా మహిళ . ఇంతకీ అంత ప్రత్యేకత ఏంటి  అంటే తను తన నెలల చంటిబిడ్డని ఎత్తుకోవడమే . పిల్లల్ని ఎత్తుకోవడంలో విశేషమేముంది . పిల్లలని ఎత్తుకోవడంలో విశేషం లేదు కానీ ఎత్తుకుని విధులకి హాజరు కావడంలోనే విశేషం ఉంది .

ఉత్తరప్రదేశ్ లోని నోయిడాలో ఒక కార్యక్రమం ఏర్పాటు  చేశారు . రెండు రోజుల పర్యటనలో భాగంగా యుపి ముఖ్యమంత్రి యోగి ఆదిత్యనాద్ పాల్గొన్నారు .  ముఖ్యమంత్రి కార్యక్రమం కావడంతో భారిగా బంధోబస్త్ ఏర్పాటు చేశారు . అక్కడ విధుల్లో పాల్గొన్నది కానిస్టేబుల్ ప్రీతీరాణి . చంటిబిడ్డని తీసుకుని విధులకు హాజరు కావడంతో అందరి దృష్టి అటు మళ్లింది .

భర్తకి ఆ రోజు పరీక్ష ఉండడంతో బిడ్డని చూసుకోవడం ప్రీతి వంతయింది . దాంతో బిడ్డని చూసుకోవడానికి ఎవరూ లేకపోవడం , మరోవైపు ఉద్యోగం ముఖ్యం కావడంతో రెండింటిని వదులుకోలేక కూతురితోనే విధులకి హాజరయింది . గ్రేటర్ నోయిడాలోని దాద్రి పోలీస్ స్టేషన్లో కానిస్టేబుల్ గా పని చేస్తుంది ప్రీతిరాణి . ముఖ్యమంత్రి కార్యక్రమం అవ్వడంతో ఉదయం ఆరుగంటలకే వివిఐపి  భద్రత కార్యక్రమాలని అప్పచెప్పారు . దాంతో బిడ్డని తీసుకుని ఉదయం ఆరుగంటలకే డ్యూటికి వచ్చారు . చంటి బిడ్డనెత్తుకుని డ్యూటిలో పాల్గొన్న ప్రీతి ఫొటో ఇప్పుడు సోషల్ మీడియాలో వైరల్ గా మారింది .

నేడు పెరుగుతున్న అవసరాల రిత్యా భార్య , భర్త ఇద్దరు ఉద్యోగం చేయాల్సిన పరిస్థితి . దాంతో పిల్లల్ని చూసుకోవడం కూడా ఆలుమగల ఇద్దరి వంతవుతుంది . ఉద్యోగం చేస్తున్న కుటుంబ ఆదాయం పెంచడంలో భాగస్వామ్యం అవుతున్నప్పటికి,  చాలావరకు తల్లులే పిల్లల సంరక్షణ తీస్కోవాల్సి వస్తుంది .

మనకి ఏదైనా కష్టం వచ్చిన దానికన్నా , మనకి కావలసిన వాళ్లు కష్టాల్లో ఉన్నారని తెలిసినప్పుడు కలిగే బాధ ఎక్కువ . అది తల్లిపిల్లల విషయంలో ఇంకా ఎక్కువగా కనిపిస్తుంది . ఏ తల్లైనా తనెన్ని కష్టాలైనా పడడానికి సిధ్దపడ్తుంది కాని బిడ్డలు చిన్న బాధ పడినా తట్టుకోలేదు . అందుకే ప్రపంచంలో అమ్మ ప్రేమది ప్రత్యేక స్థానం . కేవలం మనుషుల్లోనే కాదు నోరు లేని మూగ జీవులు సైతం తమ పిల్లలకి ఏదైనా ఆపద వస్తే ప్రాణాలకు తెగించి మరీ రక్షించుకుంటారు . అందుకు ప్రత్యక్ష ఉదాహరణ ఈ వడ్రంగి పిట్ట స్టోరీ.

అవతల వాళ్లు ఎంత బలవంతులైనప్పటికి తన బిడ్డ జోలికొస్తే ఏ తల్లి ఊరుకోదు . ఒక వడ్రంగి పిట్ట కూడా తన బిడ్డల జోలికొచ్చిన విషసర్పంతో యుద్దానికి దిగింది . తన బిడ్డల్ని రక్షించుకుంది . సోషల్ మీడియాలో వైరలైన వడ్రంగి పిట్ట వీడియో నెటిజన్లను అబ్బురపరుస్తుంది.

ఒక వడ్రంగి పిట్ట చెట్టు తొర్రలో గుడ్లను పెట్టింది . ఆహారం కోసం బయటికి వెళ్లింది . దీన్ని గమనించిన ఒక పాము మెల్లిగా చెట్టుపైకి పాకి మెల్లిగా తొర్రలోకి ప్రవేశించింది. కాసేపటికి అక్కడికి చేరుకున్న వడ్రంగి పిట్ట తన గుడ్లను తినేస్తుందని భయపడింది . కానీ పదడుగుల విషపు సర్పాన్ని చూసి వెనక్కి తగ్గలేదు . నోటితో పదేపదే పామును పొడిచింది . తొర్రలోనుండి బయటికి వచ్చిన పాము నోట కరచి వడ్రంగి పిట్టని విసిరికొట్టింది . ఇలా రెండింటి మధ్య కాసేపు  చిన్నపాటి యుధ్దమే జరిగింది. పదేండ్ల క్రితం జరిగిన ఈ ఘటన తాలుకు వీడియో ఇప్పుడు సోషల్ మీడియాలో వైరల్ అవుతుంది .

All the forces on this planet, will never beat that of a mothers love.
Wood pecker saving its chicks after a fierce air duel with the snake pic.twitter.com/mvBo7OWN74

— Susanta Nanda IFS (@susantananda3) March 1, 2020

ప్రపంచంలో తల్లిని మించిన యోదులు ఎవ్వరూ లేరనేది అక్షరాల నిజం . ఈ వీడియో చూస్తే మీకే అర్దం అవుతుంది . వీడియో చూసిన నెటిజన్ ఒకరు కన్నీరు ఆపుకోలేకపోయానంటూ కామెంట్ చేస్తే , మరొకరు అమేజింగ్ అంటూ కామెంట్ చేశారు . గంటకుపైగా ఫైట్ చేసినప్పటికి పాము కాటుకి బలై ఆ వడ్రంగి పిట్ట చనిపోవడం విషాదం . నెటిజన్ల చేత కన్నీరు పెట్టిస్తున్న వడ్రంగి పిట్ట వీడియో మీరూ చూడండి.

పెళ్లికి మండపం రెడీ అయిపోయింది . బంధువులంతా వచ్చేశారు . పెళ్లికొడుకు , పెళ్లి కూతురు మండపంలో కూర్చున్నారు . ఇరువైపుల కుటుంబాలు సంతోషంగా ఉన్నాయి . మరికాసేపట్లో వివాహఘట్టం ముగియనుంది . ఇంతలో హఠాత్తుగా ఆపండి అంటూ కేక వినపడింది . ఇదేదో సినిమా సీన్ కాదండీ , రియల్ గా జరిగిన ఘటన . ఇలాంటివి సినిమాల్లోనే జరుగుతుంటాయి . నిజజీవితంలో చాలా అరుదు . కానీ వనపర్తి జిల్లాలో ఒక వివాహవేడుకలో వధువు లవర్ చివరి నిమిషంలో పెళ్లి ఆగిపోయేలా చేశాడు. వివరాల లోకి వెళ్తే…

వనపర్తి జిల్లా కొత్తకోటకు చెందిన ఓ యువతికి తల్లిదండ్రులు పెళ్లి నిశ్చయించారు . కూతురు పెళ్లికి బంధువులందరిని ఆహ్మానించారు . పెళ్లి పనులు పూర్తి చేసుకున్నారు . పెళ్లి జరిగిపోతుంది ,కూతురు అత్తవారింటికి వెళ్లిపోతుంది , అంతా సంతోషంగా ముగుస్తుంది అనుకున్నారు . కానీ సరిగ్గా తాళి కట్టే ముహుర్తానికి ఎక్కడినుండో ఊడిపడ్డట్టు , ఒక కుర్రాడు వచ్చి పెళ్లిని ఆపమన్నాడు , వెంటనే పెళ్లికూతురు కూడా లేచి అతని దగ్గరికి వెళ్లి ఈ పెళ్లి నాకు ఇష్టం లేదంటూ మండపంలోనే బంధువులందరి ముందు చెప్పింది .

అయితే వధువు తల్లిదండ్రులు , కుటుంబంతో సహా కొద్ది రోజులు షోలాపూర్లో నివాసం ఉన్నారు. అక్కడ ఉన్నప్పుడే యువతికి ఒక యువకుడితో పరిచయం అయింది. అది ప్రేమగా మారింది. తెలుసుకున్న తల్లితండ్రులు. ఆ ప్రేమ పెళ్లి ఇష్టం లేకపోవడంతో తమ మకాం మార్చేశారు. షోలాపూర్ నుండి వచ్చి వనపర్తిలో నివాసం ఉంటూ , కూతురి పెళ్లి ఏర్పాట్లు చేసుకున్నారు . అంతా సవ్యంగా జరిగిపోతుందనుకున్న టైంలో ఎదురైన పరిణామానికి హతాశులయ్యారు.

పెళ్లి ఆగిపోయిందనే బాధ ఒకవైపు, బంధువులందరి ముందు పరువు పోయిందనే ఆవేదన మరోవైపు. దీంతో వెంటనే యువతి తరపు వాళ్లందరూ ఆ అబ్బాయి పైకి దాడికి దిగారు . అక్కడే ఉండడం మంచిది కాదనుకున్న భగ్న ప్రేమికుడు, బతికుంటే మళ్లీ ప్రేమించుకోవచ్చు అనుకున్నాడో ఏమో. ముందు ప్రాణాలు, తర్వాతే ప్రేమ అనుకుని అక్కడి నుండి పారిపోయాడు . అది మొత్తానికి  ప్రేమికుడు పారిపోయాడు, చుట్టాలు వెళ్లిపోయారు, చివరికి పెళ్లి ఆగిపోయింది.

ఒకప్పుడు పెళ్ళంటే  “ఆత్మీయ వేడుక”. కానీ ఇప్పడు స్టేటస్ సింబల్. అప్పట్లో పెళ్లికి ఎంతమంది వచ్చారో లెక్కలేసుకుని సంతోషపడితే , ఇప్పుడు ఎంత గొప్పగా చేయాలో లెక్కలేసుకుని మురిసిపోతున్నారు. ఒకప్పుడు పెళ్లి భోజనం తినడానికి పోటీపడితే , ఇప్పుడు భోజనాల్లో ఎన్ని వెరైటీలు పెట్టాలా అని పోటీపడుతున్నారు. ఖర్చుకి వెనకాడకుండా కోట్లకి కోట్లు ఖర్చుపెడుతూ పెళ్లిళ్లు చేస్తున్నారు. ఆకాశమంత పందిరి, భూదేవంత పీట అనేవి కేవలం మాటల్లోనే ఉండేవి. కానీ నిజంగానే ఆకాశమంత పందిరి, భూదేవంత పీట టైపులోనే ఇప్పుడు పెళ్లిళ్లు చేస్తున్నారు. పెళ్లి కార్డు దగ్గరనుండి అన్ని ఆడంబరమే. కేవలం ఒక పెళ్లి కార్డుకే లక్ష ఖర్చుపెట్టిన వాళ్లున్నారు. ఇక పెళ్లిల్లు కోట్లలో ఖర్చు. అలా కోట్లకు కోట్ల ఖర్చుతో సినిమాని తలపించే రేంజ్ లో జరిగినదే  గాలి జనార్దన్ రెడ్డి ఇంట పెళ్లి. అయితే ఆ రికార్డ్‌ను బీట్ చేస్తున్నారట కర్ణాటక ఆరోగ్యమంత్రి శ్రీరాములు. తన కూతురు రక్షిత పెళ్లికి  ఇఫ్పటి వరకు ఎవరూ ఖర్చుపెట్టనంత ఖర్చుతో పెళ్లి చేస్తున్నారట. ఇంతకీ ఆ పెళ్లి ఖర్చెంతంటే అక్షరాల ఆరువందల కోట్లు . వరుడు ఎవరో కాదు హైదరాబాద్ కుర్రాడే, బంజారాహిల్స్‌‌కు చెందిన పారిశ్రామికవేత్తల కుటుంబంలో వ్యక్తి.

మార్చి ఐదవ తేదీన పెళ్లికి ఫిబ్రవరి 27 నుంచే పెళ్లిసందడి స్టార్ట్ అయింది. తొమ్మిదిరోజులపాటు జరిగే ఈ వివాహ వేడుకకి  రకరకాల ఈవెంట్లతో అదిరిపోయేలా ఏర్పాట్లు ప్రోగామ్‌లు చేసారు. ఇప్పటికే పెళ్లి కూతురితో బళ్లారి నాగమ్మ గుడిలో అట్టహాసంగా పూజలు చేయించారు.  నాలుగు ఎకరాల స్థలంలో సినిమా సెట్టింగులను తలపించేలా విరూపాక్ష దేవాలయం సెట్. మెల్కోటే గుడిలోని కళ్యాణి తరహాలో పెళ్లి జరిగే వేదిక సెట్ వేశార .

పెళ్లి కూతురు మేకప్ కోసం అయితే దీపికా పదుకునేకి మేకప్ చేసే స్టైలిస్ట్‌ని రప్పిస్తే , పెళ్లి కూతురు చీర కోసం ఎన్నో తర్జన భర్జనలు పడ్డారట. పెళ్లికూతురు చీరని కన్నడ సినిమా ఇండస్ట్రీలో పేరొందిన కాస్ట్యూమ్ డిజైనర్ సానియా డిజైన్ చేసారట.  ఫోటోలు, వీడియోలు అయితే ముఖేష్ అంబానీ కూతురు ఇషా అంబానీ పెళ్లికి పనిచేసిన టింని రప్పించారట .ఇక భోజనాలన్నీ ఉత్తర కర్నాటక స్టైల్  వెయ్యి మంది వంటవాళ్ల చేత చేయిస్తున్నారట. రాజకీయ నాయకులు , సినీ సెలబ్రిటీలు హాజరయ్యే ఈ పెళ్లికి  బెంగుళూరులోని దాదాపు అన్ని ఫైవ్ స్టార్ హోటళ్లనూ ఆల్రెడీ బుక్ చేసేశారు .

దొంగతనానికి వెళ్లేవాళ్లు ఎంత అలర్ట్ గా ఉండాలి. ప్లాన్ చేసినప్పటి నుండి దొంగతనం పూర్తయ్యేవరకు ప్రతి విషయం పట్ల ఎంత జాగ్రత్తగా ఉండాలి . అన్ని పక్కాగా ప్లాన్ చేసుకున్నాకే రంగంలోకి దిగాలి . దొరికిపోకుండా ఏ ఏ జాగ్రత్తలు తీసుకోవాలో అన్నింటిని పాటించాలి . అలా కాకుండా ఒక్కటి మిస్ చేసినా , పొరపాటున దొరికిపోయామో అంతే సంగతులు . ఏంటి దొంగతనం చేయడంలో ఫర్ఫెక్ట్ అన్నట్టు ఇంత బాగా చెప్తున్నారు అనుకుంటున్నారా? ఎన్ని సినిమాల్లో చూడం అండీ. సరే అసలు విషయానికొద్దాం. మీరిప్పటివరకు దొంగతనానికి వచ్చి , వచ్చిన పని చూసుకుని పోయే దొంగనే చూసుంటారు , కానీ మన స్టోరీలో దొంగ మాత్రం ఎంచక్కా నిద్రపోయాడు . తర్వాత ఏం జరిగిందో చదవండి.

source

కర్నాటకలోని దక్షిణ కన్నడ జిల్లా ఉల్లాస్ జంక్షన్ దగ్గర ఈ వింత ఘటన జరిగింది. ఆ దొంగ పేరు అనిల్ సహాని. మనోడు మంచి మందు ప్రియుడు  , అదేనండి తాగుబోతు . మొన్నీమధ్య ఒక రోజు దొంగతనం చేయాలని ఫిక్సయి , అర్దరాత్రి  ఎంతో కష్టపడి ఇంటి పైకప్పు తొలగించి లోపలికి వెళ్లాడు . మనోడి అదృష్టం బాగుండి టీవీ స్టాండ్ దగ్గరే తాళాలు కనిపించాయి , వెంటనే తాళాలు తీసుకుని విలువైన వస్తువులన్నీ మూటకట్టాడు . ఎంచక్కా వాటినన్నింటి తీసుకుని బయటపడాలని ప్లాన్ వేశాడు .మనోడు అప్పటికే మందుకొట్టి ఉన్నట్టున్నాడు, కిక్కు ఎక్కువైందో మరే కారణమో కానీ నిద్ర ముంచుకొచ్చినట్టైంది .

source

ముందు నిద్ర ,  తర్వాతే దొంగతనం అని  ఆ ఇంట్లో ఓ మూలన కనిపించిన సోఫాలో హాయిగా నిద్రపోయాడు. అతడు ఎంత డీప్ స్లీప్ లోకి వెళ్లాడంటే చూస్తుండగానే, తెల్లవారినా కానీ మెలకువ రానంత . ఉదయం ఇంటి పైకప్పు తొలగించి ఉండడం చూసిన యజమాని సుదర్శన్‌ షాక్ అయ్యాడు. గదిలో చూస్తే చక్కగా సోఫాలో గుర్తు తెలియని ఓ వ్యక్తి పడుకోవడం చూసి మరింత కంగుతిన్నాడు. అతను కచ్చితంగా దొంగే అని గ్రహించి వెంటనే పోలీసులకు ఫోన్ చేశాడు. ఆ తర్వాత ఓ కర్ర తీసుకుని వచ్చి సోఫాలో డీప్ స్లీప్ లో ఉన్న దొంగను కొట్టి లేపాడు. ఎవరో తనను లేపుతున్నట్టు అనిపించి దొంగ కళ్లు తెరిచాడు. అంతే.. షాక్ కి గురయ్యాడు.

source

తాను అడ్డంగా దొరికిపోయానని తెలుసుకుని నిర్ధాంతపోయాడు. అతడి నోట మాట రాలేదు. ఇంతలో అక్కడికి చేరుకున్న పోలీసులు దొంగను అదుపులోకి తీసుకున్నారు. అతడిపై కేసు నమోదు చేసి విచారణ చేపట్టారు. దొంగను బీహార్‌ కి చెందిన అనిల్ సహానీగా పోలీసులు గుర్తించారు. అతను మద్యం మత్తులోనే దొంగతనానికి పాల్పడ్డాడని.. మత్తెక్కి నిద్రపోయాడని పోలీసులు తెలిపారు. ఈ దొంగ కథ సోషల్ మీడియలో వైరల్ అయి వీడేం  దొంగరా బాబూ అంటూ నెటిజన్లంతా  నవ్వుకుంటున్నారు . మొత్తానికి ఈ దొంగతనంతో మనోడు సోషల్ మీడియాలో బాగా వైరల్ అయ్యాడు.

మెగాస్టార్ సినిమా అంటే ఇటు ప్రేక్షకుల్లో , అటు సినిమా ఇండస్ట్రీలో కూడా ప్రత్యేకమైన ఆసక్తి ఉంటుంది. అందుకే చిరు సినిమాలకి సంబందించి ఏ న్యూస్ అయినా హాట్ టాపికే . ప్రస్తుతం చిరంజీవి 152 వ సినిమా చేస్తున్న సంగతి తెలిసిందే. కొరటాల శివ దర్శకుడు . ఈ సినిమాకు సంబంధించి ఇప్పటికే చిరంజీవ్ లుక్ పట్ల ఎన్నో ఆసక్తికరమైన వార్తలు హల్ చల్ చేస్తుంటే , మరో హాట్ న్యూస్ బయటికి వచ్చింది అదేంటంటే , ఈ సినిమాలో చరణ్ నటించబోతున్నారు, కాదు బన్నీ కాదు కాదు మహేశ్ నటించబోతున్నారు . ఇంతకీ చిరు సినిమాలో ఎవరు నటిస్తున్నారు, ఏ పాత్ర పోషిస్తున్నారో తెలుసుకోవాలంటే చదవండి.

చిరు152 వ సినిమాకి ‘ఆచార్య’ అనే టైటిల్ అనుకుంటన్నారు .ఈ సినిమాలో చిరు ఓ కమ్యునిస్ట్ గా కనిపించబోతున్నట్టు ఇటీవల లీక్ అయిన ఓ పిక్ చూస్తే క్లియర్ గా తెలిసిపోతుంది. అయితే ఈ చిత్రంలో యంగ్ చిరంజీవి పాత్ర ఓ లెక్చరర్ అని , అసలు లెక్చరర్ గా ఉన్న ‘ఆచార్య’  నక్సలైట్ గోవింద గా ఎలా మారడానికి దారి తీసిన పరిస్ధితులు ఏంటి.. అన్నది అసలైన కథ . లెక్చరర్ ఆచార్య పాత్ర గురించే ఇప్పుడు డిస్కషన్ .

రెండున్నర గంటల సినిమాలో సుమారు 40 నిమిషాల పాటు ఉండే లెక్చరర్ పాత్ర చాలా పవర్ ఫుల్ గా ఉంటుందట . అందుకే ఈ క్యారెక్టర్ చేయడానికి అంతే పవర్ ఫుల్ యాక్టరైతే బాగుంటుందని చరణ్ ని అనుకున్నారు . అయితే రాజమౌళి తెరక్కిస్తోన్న ‘ఆర్.ఆర్.ఆర్’ షూటింగ్ చాలా బ్యాలెన్స్ ఉంది. అందులోనూ 2021 జనవరి 8 అంటూ విడుదల తేదీ కూడా అనౌన్స్ చేసేసారు. కాబట్టి ఆ పాత్ర చరణ్ చేయడం కుదరట్లేదు.

బన్నీతో చేయిద్దాం అని స్వయంగా చిరునే చరణ్ తో చెప్పారట . ‘రుద్రమదేవి’ చిత్రంలో గోన గన్నారెడ్డి పాత్రని బన్నీ చాలా బాగా చేసాడు కాబట్టి… తనే కరెక్ట్ అని సిఫార్స్ చేసారట చిరు. కానీ మహేశ్ అయితే బెటరని దర్శకుడు శివ అభిప్రాయం . దాంతో బన్నీని తీసుకుందామా  ? మహేశ్ ని తీసుకుందామా? అనే మీమాంసలో మహేశ్ ఫైనల్ అయినట్టు సమాచారం. అల్లు అర్జున్ సుకుమార్ సినిమాతో బిజీ, ఆ సినిమా కోసం లుక్ కూడా మార్చి లావయ్యాడు . సో మహేశ్ బాబు ఫిక్స్.

ఈ పాత్ర మహేశ్ ఒప్పుకోవడానికి  రీజన్స్ ఉన్నాయి . చరణ్ కి మహేశ్ కి మధ్య మంచి ఫ్రెండ్ షిప్ ఉంది, డైరెక్టర్ శివ ఇప్పటికి మహేశ్ కి రెండు హిట్స్ ఇచ్చాడు.మరోవైపు మహేష్ సినిమా కూడా డిలే అయ్యింది. సో మొత్తంగా షూటింగ్ పార్ట్ కు 30 రోజుల కాల్షీట్స్ కు ఓకే చెప్పాడట. త్వరలోనే ఈ విషయం పై అధికారిక ప్రకటన వస్తుందని సమాచారం. ఇంకేంటి అటు మెగాస్టార్ ఫ్యాన్స్ కి, ఇటు ప్రిన్స్ ఫ్యాన్స్ మొత్తంగా తెలుగు సినిమా అభిమానులకి పండగే.

ఓ కుక్క పోలీస్ స్టేషన్ కు వచ్చి కంప్లైంట్ ఇచ్చింది. మీరు చదివింది నిజమే .  నేను తప్పిపోయాను నన్ను నా యజమాని దగ్గరకు చేర్చండి అంటూ పోలీసులకు వేడుకుంది.  కుక్కేంటీ? పోలీస్ స్టేషన్ కు వచ్చి కంప్లైంట్ చేయటమేంటి?అదేమన్నా మాట్లాడుతుందా? చదువుతున్నాం కదా అని ఏది పడితే అది రాసేయకండి . నిజమండీ కుక్క మాట్లాడలేదు , మేం కూడా ఒప్పుకుంటాం . కానీ పూర్తిగా చదివాక వావ్ అంటూ మీరు కూడా ఆశ్చర్యపోతారు. అసలింతకీ ఏం జరిగిందో తెలుసా?

అమెరికాలో టెక్సస్‌ లోని ఓ పోలీస్ స్టేషన్ కి అర్థరాత్రి ఓ జర్మన్ షెపర్డ్ కుక్క వచ్చింది. రయ్ మంటూ స్టేషన్ లోకి దూసుకొచ్చిన కుక్కను చూసిన పోలీసులు ,బయటికి గెంటేయడానికి ప్రయత్నించారు. కానీ అది అక్కడనుండి కదలకుండా పోలీసుల వైపు చూస్తూ ఏవేవో సైగలు చేసింది. అలా చాలాసేపు చేసింది. ఆ సైగలకు అర్థం ఏమిటో మొదట వారికి ఏమాత్రం అర్థం కాలేదు . కానీ కుక్క ఏదో చెప్పడానికి ప్రయత్నిస్తుందని మాత్రం అర్దమైంది. ఆ సైగలను అర్దం చేస్కోవడానికి ప్రయత్నించారు, చివరకు అర్దం చేసుకున్నాక ఆశ్చర్యపోయారు .

ఫైనల్ గా ఆ సైగల్ సారాంశం ఏంటంటే “తాను తప్పిపోయాను.. తనకు దారి తెలియడం లేదు, యజమానికి తనను అప్పగించండి, ప్లీజ్” అని. ఇదంతా పోలీసులకు అర్దం అయ్యేలా చెప్పగలిగింది . అది అర్థం చేసుకున్న పోలీసులు కుక్క ప్రవర్తనకు ఫిదా అయిపోయారు. రాత్రంతా దానిని తమ దగ్గరే ఉంచుకుని దానితో ఆడుకున్నారు. కుక్క కూడా పోలీసులను ఎటువంటి ఇబ్బంది పెట్టకుండా వాళ్లతో కలిసిపోయింది.

కుక్కలు చాలా తెలివిగలవి..అందులోని జర్మన్ షెపర్డ్ జాతి కుక్కలకు  తెలివి కాస్త ఎక్కువే. కుక్క తెలివికి ఫిదా అయిన పోలీసులు దానిని ఎలాగైనా  యజమాని దగ్గరకి చేర్చాలనుకున్నారు . కానీ కుక్క మెడలో ఎలాంటి ట్యాగ్ లేకపోవడంతో పోలీసులకు కష్టం అనిపించింది. అప్పుడు ఇక్కడ నేనున్నానంటూ వారికి గుర్తొచ్చింది అదేనండీ “సోషల్ మీడియా” . కుక్కను ఫొటొలు తీశారు, పోస్టు చేశారు . ఈ విషయం కాస్తా వైరలై, చివరికి యజమాని వరకు వెళ్లింది.

రాత్రి నిద్రపోయినప్పుడు కుక్క బయటకు వెళ్లిపోయిందనీ , దారితప్పి పోయినప్పటికి పోలీసులని ఆశ్రయించడం ఆశ్చర్యంగా ఉందని, తన కుక్క తెలివికి మురిసిపోయాడు ఆ యజమాని . ఇంత మందిని ఆశ్చర్యపరిచి, అందరిని ఫిదా చేసిన ఆ కుక్క పేరు “చికో”.

రౌడీ అంటే ఇక్కడ గాటు పెట్టుకుని ,మీసాలు మెలితిప్పుకుని, గల్లలుంగీ కట్టుకుని , చొక్కా వేసుకుని , మెడలో మఫ్లర్ చుట్టుకుని తెలుగు సినిమాల్లో ఉన్నట్టు ఉంటారనుకున్నారా?  కాలేజ్ స్టూడెంట్స్ అంటే బుద్దిగా కాలేజ్ కి వెళ్లి చదువుకుంటూ , పరీక్షల టైం కదా అని పరీక్షలకు ప్రిపేరవుతారనుకుంటున్నారా ? కాలేజ్ స్టూడెంట్స్ లో కూడా మీసాలు మెలి తిప్పలేని రౌడీలుండొచ్చు అని ప్రూవ్ చేశారు శ్రీకాకుళం విధ్యార్దులు . ఫైటింగులు చేయడానికి సినిమా వాళ్లకంటే మేం తక్కువ అంటూ కాలేజి ముందే వీధి రౌడీల్లా గొడవకి దిగారు .

సినిమా ఫైటింగ్‌ను తలదన్నే రేంజ్‌లో కొందరు విద్యార్థులు ఎగిరెగిరి తన్నుకుంటే , మరికొందరు భయంకరంగా పిడిగుద్దులు గుద్దుకున్నారు .చుట్టుపక్కల వాళ్లు వారిస్తున్నా వినకుండా ఒకరినొకరు భయంకరంగా కొట్టుకున్నారు . శ్రీకాకుళం జిల్లా పాలకొండలోని ఓ కాలేజీలో జూనియర్‌ విద్యార్థిని సీనియర్ విద్యార్థి బైక్‌తో ఢీ కొట్టడంతో  గొడవ ప్రారంభమైంది . కాలేజి ముందే ,రోడ్ పై జనం ఆపమని చెప్తున్నా వినకుండా సీనియర్స్ , జూనియర్స్ గొడవపడ్డారు.

ఈ ఫైటింగ్‌ వల్ల గంట సేపు ట్రాఫిక్ జామ్‌ అయింది . ఒకవైపు వాళ్లు గొడవ పడుతుంటే , కొందరు సోషల్ మీడియాలో పోస్టు చేశారు. దీంతో విషయం పోలీసుల వరకు వెళ్లింది. మెయిన్‌రోడ్డ వద్ద విద్యార్థులు సృష్టించిన బీభత్సానికి స్థానికులు భయపడిపోయారు. వీధి రౌడీల్లా వారు కొట్టుకుంటోన్న తీరు పట్ల తీవ్ర విమర్శలు వస్తున్నాయి. పాలకొండ పోలీసులు దీనిపై దర్యాప్తు జరుపుతున్నారు.

watch video:

యాంకరింగ్ రంగంలో మకుటం లేని మహరాణి సుమ. కేవలం టీవి ప్రోగ్రామ్స్ యాంకరింగే కాదు సినిమా ఈవెంట్స్ కూడా సుమ సారధ్యంలో జరగాల్సిందే. మరోవైపు ఈ మధ్య కొత్తగా యూట్యూబ్ ఛానెల్ కూడా స్టార్ట్ చేసింది. స్టార్ట్ చేసిన కొద్దిరోజుల్లోనే లక్షల్లో సబ్స్క్రైబర్స్. ఇంత ఫాలోయింగ్ ఉన్న సుమ  సంపాదన ఎంతో? అందరికి అదే డౌట్. ఇదే విషయం మీద ఇటీవల రాజీవ్ కనకాల ఆసక్తికర కామెంట్ చేశారు.

మీ రెమ్యునరేషన్ ఎంత అని ఎవరైనా అడిగితే సుమ చాలా తెలివిగా సమాధానం చెప్పకుండా తప్పించుకుంటుంది . సుమ నుండి ఎలాగు సమాధానం రాబట్టలేం అనుకుని  , రాజీవ్ కనకాలని ఇదే క్వశ్చన్ అడిగింది ఒక యూట్యూబ్ ఛానెల్.‘సుమ  ఎన్ని లక్షల రెమ్యునరేషన్ తీసుకుంటుందో నాకైతే తెలియదు. మీడియా వాళ్లు అంత ఇంత అని అంటుంటారు కాని, నాకైతే తెలియదు మీకు తెలిస్తే చెప్పండి అంటూ ప్రశ్నించారు.

ఇంట్లో లావాదేవీలు చూసే అలవాటు నాకు లేదు. నేను సుమ  సంపాదన గురించి అస్సలు పట్టించుకోను. నువ్ ఎంత సంపాదిస్తున్నావ్? ఏం చేస్తున్నావ్? నీ  అకౌంట్లో ఎంత మనీ  ఉంది అనే విషయం నేను పొరపాటున కూడా అడగను,తెలుసుకోవడానికి ప్రయత్నించను. ఆవిడ స్పేస్‌లోకి నేను వెళ్లి తన సంపాదన మీద  పెత్తనం చెలాయించే నేచర్ కాదు నాది అంటూ సీరియస్ అయ్యారు.

మన తరానికే కాదు మరో రెండు మూడు తరాల వరకు యాంకర్ అంటే టక్కున గుర్తొచ్చే పేరు సుమ. అంతగా పేరు సంపాదించింది. మళయాళి కుటుంబంలో పుట్టినప్పటికి సుమలా స్పష్టంగా తెలుగు మాట్లాడే యాంకర్ లేరంటే అతిశయోక్తి కాదు. ఇప్పుడు యాంకరింగ్ రంగంలో సుమ రాజసం వెనుక ,ఒకప్పడు పడిన కష్టం ఉంది. పెళ్లై,పిల్లలుపుట్టాక యాంకరింగ్ కి దూరం అయినా, సెకండ్ ఇన్నింగ్స్ స్టార్ట్ చేసేప్పుడు ఒక చిన్న ఛానెల్ నుండే తన ప్రస్థానాన్ని ప్రారంభించింది.  రాజీవ్ కనకాల అన్నట్టు మనం కూడా తన స్పేస్ లోకి వెళ్లకపోవడమే బెటరేమో. ఏమంటారు?