Anudeep

ప్రపంచ వ్యాప్తంగా ఎక్కువ మంది సినీ ప్రియులు ఆసక్తిగా ఎదురుచూసే అవార్డు వేడుకల్లో ఆస్కార్ ముందు వరసలో ఉంటుంది. ఇక నటీనటులకైతే.. జీవితంలో ఒకసారైనా ఆస్కార్ అవార్డు అందుకోవాలని కలలు కంటూ ఉంటారు.

ఈ నేపథ్యం లో నాటు నాటు ఆ ఘనతని సాధించింది. భారతీయ సినీ చరిత్రలో.. ఎప్పటికీ ‘నాటు నాటు’ది ప్రత్యేక స్థానం. తెలుగు సినిమా ఆస్కార్ వరకు వెళుతుందా? వంటి అనుమానాలను ‘ఆర్ఆర్ఆర్ : రౌద్రం రణం రుధిరం’ పటాపంచలు చేసింది.

రాజమౌళి అద్భుతంగా తెరకెక్కించిన ఆర్ఆర్ఆర్ చిత్రం లోని ‘నాటు నాటు…’ ఆస్కార్ అందుకుంది. బెస్ట్ ఒరిజినల్ సాంగ్’ (ఉత్తమ పాట) విభాగంలో ‘నాటు నాటు’కు 95వ ది అకాడమీ అవార్డ్ అందుకుంది. తెలుగు పాటని అంతర్జాతీయ స్థాయిలో నిలబెట్టింది. అసలు ఆస్కార్ అవార్డు ఏ ప్రాతిపదికన ఇస్తారో తెలుసుకోవాలి. ప్రపంచంలోనే ప్రతిష్టాత్మక అవార్డుగా భావించే ఆస్కార్ అందుకోవాలంటే.. సినిమాలు ఎలా ఉండాలి? ఒక ఇండియన్ సినిమాను ఆస్కార్ బరిలో నిలబెట్టాలంటే ఎలాంటి పద్ధతులు/షరతులు ఉంటాయో ఇప్పుడు తెలుసుకుందాం..

#1 హాలీవుడ్ చిత్రాలు ఆస్కార్ నామినేషన్ కి పోటీ పడాలి అంటే.. ఆ సినిమా డైరెక్టర్ కానీ.. నిర్మాత కానీ అకాడమీ అఫ్ మోషన్ పిక్చర్స్ ఆర్ట్స్& సైన్సెస్ కి అప్లికేషన్ పెట్టుకోవాలి. అదే విదేశీ చిత్రాలకు అయితే వేరే నిబంధనలు ఉంటాయి.

#2 మన సినిమాలకు ఆస్కార్స్ లో ‘బెస్ట్ ఫారెన్ లాంగ్వేజ్ ఫిల్మ్’ కేటగిరిలో అవకాశం ఉంటుంది. ఏ దేశం నుండైనా ఆస్కార్ కి ఒక సినిమా ఎంపిక అవ్వాలంటే.. రెండు మార్గాలు ఉన్నాయి. మొదటిది ప్రభుత్వమే తమ దేశం తరపున ఆస్కార్ కొట్టే ఛాన్స్ దానికి ఉందని ఓ సినిమాను ఎంపిక చేసి ఆఫీషియల్ గా పంపిస్తుంది. మన దేశంలో సినిమాలను ఆస్కార్ కి పంపేందుకు ‘ఫిలిం ఫెడరేషన్ ఆఫ్ ఇండియా(FFI)’ కమిటీ ఉంటుంది.

ఇండియా నుండి ఆస్కార్ కి అధికారికంగా వెళ్లాల్సిన సినిమాలేవో వారే నిర్ణయిస్తారు. ఈ ఏడాది ఆస్కార్ రేసులోకి ఇండియా నుండి గుజరాతీ మూవీ చెల్లో షో అఫీషియల్ ఎంట్రీ దక్కించుకుంది. ఇవి కాకుండా రెండో మార్గం.. జనరల్ కేటగిరి. దీనికి ఎవరైనా తమ సినిమాలను సబ్మిట్ చేసుకోవచ్చు. కానీ.. ఇక్కడ కొన్ని షరతులు ఉంటాయి.

• సినిమా ఆ ఏడాది జనవరి 1 నుండి డిసెంబర్ 31 లోపే రిలీజ్ అయ్యుండాలి.
• సినిమా ఖచ్చితంగా యూఎస్ లోని మెట్రో నగరాలలో మినిమమ్ వారం రోజులైనా థియేట్రికల్ రన్ అయ్యుండాలి.
• సినిమా రన్ టైమ్ 40 నిమిషాలకు పైనే ఉండాలి.
• మూవీని 35mm లేదా 70mm ఫార్మాట్ లో తీసుండాలి.
• ఫారెన్ మూవీ అయితే.. ఆడియో ట్రాక్ లో మినిమమ్ 50% పదాలు వేరే లాంగ్వేజ్ వి ఉండాలి. అలాగే సబ్ టైటిల్స్ ఉండాలి.

#3 ఇక ఇలా అన్ని నిబంధనలకు లోబడి ఎలిజిబుల్ అయిన సినిమాలను ఆస్కార్ వాళ్ళు ‘ఆస్కార్ రిమైండర్ లిస్ట్’ అని రిలీజ్ చేస్తారు. ఈ లిస్ట్ కేవలం అర్హత కలిగినవి అని చెప్పడానికి మాత్రమే. ఆస్కార్ నామినేషన్స్ కి, ప్రమోషన్స్ కి సినిమా బడ్జెట్ కన్నా ఎక్కువ ఖర్చు చెయ్యాల్సి ఉంటుంది. కానీ ఇది చాలా ఖర్చు తో కూడుకున్న పని.

నామినేషన్స్ లో ఉన్న చిత్రాల కోసం భారీ స్థాయిలో కాంపైన్ చెయ్యాల్సి ఉంటుంది. ప్రమోషన్స్ కోసం కోట్లు ఖర్చు పెట్టాలి.

2016 లో వెట్రి మారన్ దర్శకత్వం వహించిన ‘విచారణై’ సినిమా ఇండియా తరపున ఆస్కార్ కి ఎంపికైంది. ఆ సమయం లో ఏం జరిగిందో వెట్రిమారన్ గతం లో ఒకసారి పంచుకున్నారు. ” ఆస్కార్ నామినేషన్ కి సినిమా షార్ట్ లిస్ట్ అయిన తరువాత రెండు నెలలు ముందు లాస్ఏంజిల్స్ లో ఉండాలి. ఆ ఖర్చులన్నీ మనవే. ముందుగా కాంపైన్ కోసం మంచి పీఆర్ ని పెట్టుకోవాలి. అటువంటి వారు దొరకడం కష్టం. నామినేషన్స్ లో షార్ట్ లిస్ట్ అవ్వడానికి ప్రమోషన్స్ కే 12 లక్షలు ఖర్చు అవుతాయి. నామినేట్ అయితే మరో నాలుగు లక్షలు ఖర్చవుతాయి. ఇది కేవలం పీఆర్ కి మాత్రమే.

అంతే కాకుండా సినిమాని ప్రమోట్ చేసుకుంటూ చాలా విందులు ఏర్పాటు చెయ్యాలి. అక్కడి ప్రముఖ పత్రికలైన ‘వెరైటీ’, ‘ది హాలీవుడ్ రిపోర్టర్’ వంటి పత్రికల్లో ప్రకటనలు ఇవ్వాలి. దీనికి కొన్ని వేల డాలర్లు ఖర్చు అవుతాయి. వాటికీ సుమారు 26 లక్షలు ఖర్చు అయ్యాయి. ఆ తర్వాత అతిధులను ఆహ్వానించి వారికీ సినిమా చూపించాలి. దాని కోడం థియేటర్ అద్దెకు తీసుకోవడం.. వారికీ మర్యాదలు చేయడం మన ఖర్చులే..” అని వెట్రిమారన్ చెప్పారు. ఇవి 2016 నాటి ఖర్చులు. ప్రస్తుతం ఆర్ఆర్ఆర్ దీనికోసం 80 కోట్లు ఖర్చు పెట్టిందని సమాచారం.

ఒక సినిమా విడుదలకు ముందు మార్కెటింగ్, ప్రమోషన్స్ ఎలా చేస్తామో.. ఆస్కార్ కి కూడా అలాగే చెయ్యాలి. కానీ అది విదేశం.. అలాగే డబ్బులు డాలర్లు లో ఉంటాయి కాబట్టి మనకి తలకి మించిన భారమే.. వీటి కోసం సుమారుగా 120 కోట్ల కు పైగా ఖర్చు అవుతుందని సమాచారం. దీంతో ఆస్కార్ ప్రమోషన్స్ పై పెట్టే ఖర్చుపై పరిమితులు పెట్టాలని హాలీవుడ్ లో డిమాండ్స్ వస్తున్నాయి.

#4 ఓటింగ్ ప్రక్రియ ఎలా ఉంటుంది అంటే..??

జనరల్ గా ఆస్కార్ లో ఏ కేటగిరి అయినా 5 నామినేషన్స్ వరకే ఫైనల్ చేస్తారు. కానీ.. బెస్ట్ పిక్చర్ కేటగిరీలో 10 నామినేషన్స్ వరకు ఛాన్స్ ఇస్తారు. ముందుగా రిమైండర్ లిస్ట్ లో ఉన్న అన్నీ సినిమాలకు.. అన్నీ కేటగిరీల ఆస్కార్ మెంబర్స్ ఓటింగ్స్ వేస్తారు. అలా మల్టీపుల్ రౌండ్స్ అయ్యాక.. నామినేషన్స్ లో పోటీపడే 5 సినిమాలను ఫైనల్ చేస్తారు. ఇక విన్నర్ ఎవరో తెలియాలి కదా.. అందుకోసం మొత్తం వేల సంఖ్యలో ఉన్న ఓటింగ్ మెంబర్స్ మరోసారి ఫైనల్ ఓటింగ్ వేస్తారు.

ఆస్కార్ లో మొత్తం 17 విభాగాలు ఉన్నాయి. ఈ ఏడాది అకాడమీ లో సుమారు పదివేల మంది ఓటర్లు ఉన్నారు. వీరిలో అన్ని విభాగాలకు చెందిన ప్రముఖులు, నిపుణులు ఓటర్లు గా ఉంటారు. మొదట నామినేషన్స్ కోసం ఓట్లు వేస్తారు. ఏ విభాగానికి చెందిన వారు వాటికే ఓటు వేస్తారు. ఇక వాటి ఆధారం గా విజేతను నిర్ణయిస్తారు.

సినిమా అట్ట్రాక్ట్ అవ్వాలి అంటే టైటిల్ చాలా ముఖ్యమైనది. టైటిల్ రిలీజ్ చేయగానే… ఆ టైటిల్ ని బట్టే చాలా వరకు సినిమా కి హైప్ వస్తుంది. అందుకే దర్శకులు కూడా టైటిల్ విషయం లో చాలా జాగ్రత్త గా ఉంటారు. రొటీన్ గా కాకుండా డిఫరెంట్ గా ఉండాలని అనుకుంటారు. ఈ మధ్య మనం డిఫరెంట్ గా ఉండే చాలా టైటిల్స్ ని చూసాం..

అవి కాకుండా మన తెలుగు పండగల పేర్లతో వచ్చిన సినిమాలేవో ఇప్పుడు చూద్దాం..

#1 సంక్రాంతి

2005లో ముప్పలనేని శివ దర్శకత్వంలో వెంకటేష్, శ్రీకాంత్, శివ బాలాజీ ప్రధాన పాత్రల్లో వచ్చిన ‘సంక్రాంతి’ చిత్రం సూపర్ హిట్ అయ్యింది.

#2 దసరా

శ్రీకాంత్ ఓదెల దర్శకత్వం లో నాని, కీర్తి సురేష్ ప్రధాన పాత్రల్లో వస్తున్నా చిత్రం దసరా.

#3 హోలీ

ఎస్వీఎన్ వరప్రసాద్ దర్శకత్వం లో ఉదయ్ కిరణ్, రిచా హీరో హీరోయిన్లు గా వచ్చిన చిత్రం హోలీ. ఈ చిత్రం 2002 లో రిలీజ్ అయ్యింది.

#4 ఉగాది

1997 లో ఎస్. వి. కృష్ణారెడ్డి స్వీయ దర్శకత్వంలో కథానాయకుడిగా నటించిన సినిమా ఉగాది. లైలా కథానాయికగా నటించింది.

#5 మహా శివరాత్రి

రాజేంద్ర ప్రసాద్, మీనా ప్రధాన పాత్రల్లో రేణుక శర్మ దర్శకత్వం లో వచ్చిన చిత్రం మహా శివరాత్రి.

#6 రాఖీ

2006 లో కృష్ణవంశీ దర్శకత్వంలో వచ్చిన చిత్రం రాఖీ. ఈ చిత్రం లో ఎన్టీఆర్, ఇలియానా, ఛార్మి ప్రధాన పాత్రల్లో నటించారు.

#7 గురు పౌర్ణమి

హీరోయిన్ నగ్మా, బాల సుబ్రమణ్యం ప్రధాన పాత్రల్లో వచ్చిన చిత్రం గురు పౌర్ణమి. దీనికి రామ నారాయణ దర్శకుడు.

#8 కార్తీక పౌర్ణమి

కార్తీక పౌర్ణమి సినిమా లో శోభన్ బాబు, భాను ప్రియ, రాధిక శరత్ కుమార్, సుత్తివేలు, కైకాల సత్యనారాయణ తదితరులు నటించారు. ఈ సినిమాకి కోదండ రామిరెడ్డి దర్శకత్వం వహించారు.

#9 కృష్ణాష్టమి

2016 లో వాసు వర్మ దర్శకత్వం లో సునీల్ హీరోగా వచ్చిన చిత్రం కృష్ణాష్టమి. నిక్కీ గల్రానీ, డింపల్ చొపడా ప్రధాన పాత్రల్లో నటించారు.

#10 వినాయక చవితి

1957 లో ఎన్టీఆర్ శ్రీ కృష్ణుడిగా నటించిన చిత్రం వినాయక చవితి. ఈ చిత్రానికి సముద్రాల రాఘవాచార్య దర్శకత్వం వహించారు.

#11 దీపావళి

2008 లో ఆర్తి అగర్వాల్, వేణు తొట్టెంపూడి ప్రధాన పాత్రల్లో వచ్చిన చిత్రం దీపావళి. ఇదే కాకుండా 1960 లో కూడా ఎన్టీఆర్, యస్వీ రంగ రావు ప్రధాన పాత్రల్లో కూడా ఒక దీపావళి చిత్రం వచ్చింది.

#12 నాగుల చవితి

జమున ప్రధాన పాత్రలో నటించిన చిత్రం నాగుల చవితి. ఈ చిత్రం 1956 లో విడుదల అయ్యింది.

కళాతపస్వి కె.విశ్వనాథ్ తెలుగు తెరకు ఆణిముత్యాల వంటి ఎన్నో సినిమాలను అందించారు. సంగీతం .. సాహిత్యం .. నృత్యం ప్రధానంగా ఆయన అల్లుకున్న కథలు .. అందించిన చిత్రాలు నేటికీ ప్రేక్షకుల హృదయాల తలుపులను తడుతూనే వున్నాయి .. మనసుకు మధురానుభూతుల రెక్కలను తగిలిస్తూనే వున్నాయి. అలాంటి విశ్వనాథ్ నుంచి వచ్చిన సందేశాత్మక చిత్రాల్లో ఒకటి ‘సప్తపది’.

సప్తపది చిత్రం లో గిరీశ్ ప్రధాన్, సబితా ప్రధాన పాత్రల్లో నటించారు. ఈ చిత్రం లో ఫ్లూట్ కళాకారునిగా మురళి పాత్రలో గిరీష్ రాణించి, ప్రేక్షకుల హృదయాల్లో నిలిచాడు. కర్ణాటకకు చెందిన గిరీష్ అసలు పేరు గిరీష్ ప్రధాన్. బీఎస్సీ చదివిన ఆయన సినిమాల మీద ఆసక్తితో ఫిలిం ఇనిస్టిట్యూట్ లో చేరి శిక్షణ పొందిన గిరీష్ కి తొలి చిత్రం కళాత్మక చిత్రం సప్తపది కావడంతో ఆ తర్వాత కూడా అలాంటి పాత్రలే వచ్చాయి. ఆ తర్వాత వంశి దర్శకత్వం లో ‘మంచు పల్లకి’ చిత్రం లో నటించారు గిరీష్.

‘మంచుపల్లకి’ చిత్రం లో చిరంజీవి తో కలిసి నటించారు గిరీష్. ఆ సినిమా సమయం నుంచి వీరిద్దరి మధ్య స్నేహం బలపడింది. అప్పట్లో గిరీష్ ని గిరు అని పిలవడంతో .. చిరు అంటూ చిరంజీవిని పిలిచాడట. ఆ విధంగా చిరు అని మొదటిసారి పిలిచింది గిరీషే. ఇక గిరీష్ పుస్తకాలూ ఎక్కువగా చదువుతూ ఉంటాడని తెల్సుకున్న చిరంజీవి అప్పట్లో మద్రాసులో కడ్తున్న తన ఇంట్లో లైబ్రరీ డిజైన్ చేసే బాధ్యతను గిరీష్ కి అప్పగించాడు.

చిత్ర పరిశ్రమ హైదరాబాద్ కి షిఫ్ట్ అయినప్పుడు చెన్నైలోనే వుండిపోయిన గిరీష్ సోషల్ మీడియా లో యాక్టీవ్ గా ఉంటూ.. తన ఫామిలీ ఫొటోస్ పంచుకుంటూ ఉంటారు. ప్రస్తుతం సినిమాలకు దూరం గా ఉన్న గిరీష్ చెన్నైలో ఫార్మా ఎక్స్ పోర్ట్ బిజినెస్ చేస్తున్నాడు. గిరీష్ భార్య పేరు వీణా ప్రధాన్. వీరికి అమితాష్ ఒక్కడే కొడుకు. అమితాష్ ప్రస్తుతం నటుడిగా కొనసాగుతున్నారు. ధనుష్ హీరోగా నటించిన రఘువరన్ బిటెక్ లో కూల్ గా వుండే విలన్ పాత్రలో జీవించాడు. తెలుగులో కూడా బ్రూస్ లీ చిత్రంలో ప్రేక్షకులను ఆకట్టుకునేలా నటించాడు. హాలీవుడ్ చిత్రాల్లో కూడా నటించి మెప్పించాడు అమితాష్.

సుకుమార్ దర్శకత్వంలో అల్లు అర్జున్, రష్మిక జంటగా వచ్చిన పాన్ ఇండియన్ సినిమా ‘పుష్ప’ ఎంత పెద్ద విజయం సాధించిందో అందరికి తెలిసిందే. అల్లు అర్జున్ సినిమా తెలుగు, మలయాళంలోనే హిట్ అవుతుందనుకుంటే, మొత్తం దేశాన్నే షేక్‌ చేసింది ఈ సినిమా. ఇక రెండో పార్ట్ ‘పుష్ప2’ను ప్రపంచవ్యాప్తంగా భారీ లెవల్లో రిలీజ్ చేయడానికి ప్లాన్ చేస్తున్నారట మేకర్స్..

వరల్డ్ వైడ్ గా ఒకేసారి పుష్ప2 ను ఆడియెన్స్ ముందుకు తేవాలనే ఇప్పటి నుండే ప్రణాళికలు వేస్తున్నారు. ఇరవైకి పైగా దేశాల్లో ఈ మూవీని ఒకేసారి విడుదల చేయాలనే లక్ష్యంతో పని చేస్తోంది మైత్రీ టీమ్‌ అండ్‌ సుకుమార్‌ టీమ్‌. దీని కోసం ఇంటర్నేషనల్ ప్రమాణాలతో మూవీను రూపొందించడంతో పాటు, వివిధ భాషల్లో కూడా విడుదల చేయాలని చూస్తున్నారు. దీనితో పాటుగా తొలి పార్టు సినిమా చివరి సమయంలో కంగారు పడిన ఎక్స్పీరియన్స్ ని దృష్టిలో ఉంచుకుని, మళ్ళీ అలాంటివి రాకుండా విడుదల తేదీ ప్రకటన చేస్తారట.

అయితే ప్రస్తుతం పుష్ప 2 కి సంబంధించిన ఒక అప్డేట్ వైరల్ గా మారింది. ప్రస్తుతం తెరకెక్కుతున్న పుష్ప 2 సినిమాకు సంబంధించి అన్ని హక్కులు కలుపుకుని 1050 కోట్ల రూపాయలు టార్గెట్ గా పెట్టుకున్నారు. ఆర్ఆర్ఆర్ సినిమా హక్కులనే మొత్తం 750 కోట్ల రూపాయలకు విక్రయించినట్లు టాక్. ప్రపంచ వ్యాప్తంగా ఈ సినిమా 1200 కోట్ల రూపాయల వసూళ్లు సాధించింది. ఇప్పుడు అల్లు అర్జున్ ఆర్ఆర్ఆర్ ని మించి తమ సినిమాకు వ్యాపారం జరగాలని టార్గెట్ గా పెట్టుకున్నారట.

పుష్ప ది రైజ్ ప్రపంచ వ్యాప్తంగా 365 కోట్ల రూపాయల వసూళ్లు సాధించింది. ఇప్పుడు పుష్ప 2 మాత్రం భారీ టార్గెట్ పెట్టుకున్నారు. ఇప్పటికే ఫస్ట్ పార్ట్ తో బాహుబలి రికార్డ్స్ కొన్ని చోట్ల బీట్ చేసాడు. ఇక తర్వాత పార్ట్ తో ఆర్ఆర్ఆర్ ని బీట్ చెయ్యాలని చూస్తున్నారట. దక్షిణాదిలో 250 కోట్ల రూపాయలు, ఓవర్సీస్ 100 కోట్ల రూపాయలు, హిందీ 400 కోట్ల రూపాయలు, డిజిటల్ అండ్ శాటిలైట్ హక్కులు 300 కోట్ల రూపాయలుగా ఫిక్స్ చేసినట్లు చెపుతున్నారు.