Mohana Priya

కొన్ని సినిమాలు హిట్ అయితే మాత్రమే ప్రేక్షకులకి గుర్తుంటాయి. కొన్ని సినిమాలు హిట్ అయినా కూడా ప్రేక్షకులకు అంత పెద్దగా గుర్తు ఉండవు. అయితే కొన్ని సినిమాలు మాత్రం ఫ్లాప్ అయినా కూడా ప్రేక్షకులకి గుర్తుండిపోతాయి. ఇలాంటి సినిమా ఎందుకు ఫ్లాప్ అయ్యింది? అని డౌట్ మాత్రం ఉండిపోతుంది. అలాంటి సినిమా ఓయ్.

సిద్ధార్థ్ హీరోగా నటించిన ఈ సినిమాకి ఆనంద్ రంగా దర్శకత్వం వహించారు. చైల్డ్ ఆర్టిస్ట్ గా ఎన్నో సినిమాల్లో నటించిన షామిలి ఈ సినిమాతో హీరోయిన్ గా పరిచయం అయ్యారు. ఈ సినిమా ఒక ప్రేమ కథగా రూపొందించారు. ప్రేమ కథ అంటే రెగ్యులర్ టెంప్లేట్ ఉన్న ప్రేమ కథ కాదు. హీరోయిన్, హీరో చివరికి కలుసుకోరు.

ఈ సినిమాకి యువన్ శంకర్ రాజా సంగీత దర్శకత్వం వహించారు. పాటలు అప్పుడు చాలా పెద్ద హిట్ అయ్యాయి. ఇప్పటికి కూడా ఈ పాటలు చాలా మంది ప్లే లిస్ట్ లో ఉంటాయి. అయితే ఈ సినిమా వాలెంటైన్స్ డే సందర్భంగా విడుదల అవుతోంది. ఈ క్రమంలో దర్శకుడు ఆనంద్ రంగా సినిమాకి సంబంధించి ఒక విషయాన్ని షేర్ చేసుకున్నారు. తన పోస్ట్ లో ఆనంద్ రంగా ఈ విధంగా రాశారు. “ఫిబ్రవరి 14వ తేదీన ఓయ్ సినిమా రీ-రిలీజ్ అవుతోంది. ఈ సినిమా బ్లాక్ బస్టర్ కాకపోయినా కూడా ఎవరైనా ఒక్క రివ్యూ చేసే వ్యక్తి ఈ సినిమాలో డీటెయిలింగ్ గురించి చెప్తే నాకు సంతోషంగా అనిపించేది.”

“ఈ సినిమాకి సంబంధించి కొన్ని విషయాలని నేనే గుర్తు చేసుకుంటున్నాను. మణిరత్నం సినిమాల్లో అమ్మాయి ఓయ్ అని పిలుస్తుంది. ఈ టైటిల్ అందులో నుండే ఇన్స్పైర్ అయ్యింది. మొదట పరుగు సినిమాకి ఈ టైటిల్ నేను సూచించాను. ఎందుకంటే ఈ సినిమాలో హీరో, హీరోయిన్ ఇంట్లో ఉన్నప్పుడు, హీరోయిన్ షెడ్ కి వచ్చిన ప్రతిసారి అలాగే పిలిచి మాట్లాడుతుంది. తర్వాత నేను నా సొంత స్క్రిప్ట్ రాసుకుంటున్నప్పుడు సంధ్య, ఉదయ్ ని ఓయ్ అనే పదంతో పిలవాలి అని నేను అనుకున్నాను. ఇది తెలుగు ఇళ్లల్లో చాలా సాధారణంగా వాడే పదం.”

“ఇది మాత్రమే కాకుండా మీరు ఇంకొక విషయాన్ని జాగ్రత్తగా పరిశీలిస్తే, సంధ్యతో ఉదయ్ ప్రేమకథ అతని బర్త్ డే రోజు, అంటే జనవరి 1వ తేదీ 2007 లో మొదలవుతుంది. ఉదయ్ తండ్రి సంక్రాంతి పండగ సమయంలో చనిపోతారు. (ఆకాశంలో గాలిపటాలు ఎగురుతూ ఉంటాయి). సంధ్య రోజా పూలతో వాలెంటైన్స్ డే రోజు మాట్లాడుతూ ఆ రోజు అందరూ రోజా పూలు వెనకాలే పడతారు అని చెప్తుంది. సినిమాలో ఒక హోలీ సీక్వెన్స్ ఉంటుంది. సమ్మర్ వెకేషన్ లో సంధ్య స్నేహితురాలి కూతుళ్లు ఇంటికి వస్తారు. షిప్ లో వినాయక చవితి జరుగుతుంది.”

“క్రిస్మస్ కి సంబంధించి ఒక సీన్ ఉంటుంది. డిసెంబర్ 31వ తేదీ రోజు చినుకులు పడుతున్న చోటుకి ఉదయ్ సంధ్యని తీసుకెళ్తాడు. సంధ్య జనవరి 1వ తేదీ 2008 రోజు చనిపోతుంది. అప్పటి నుండి ఉదయ్ తన బర్త్ డే జరుపుకోవడం ఆపేస్తాడు. అంటే ఉదయ్ మొదటి ప్రేమ ఒక్క సంవత్సరం మాత్రమే ఉంది. వన్ ఇయర్ – One Year (OY)” అని రాశారు. అంటే ఇంగ్లీష్ లో వన్ ఇయర్ పదంలో వచ్చే మొదటి రెండు అక్షరాలని కలిపి టైటిల్ పెట్టారు. ఈ సినిమా టైటిల్ ఇలా పెట్టారు అని ఎవరు అనుకోలేదు. దర్శకుడు సోషల్ మీడియా ద్వారా ఈ విషయాన్ని షేర్ చేశారు.

ALSO READ : అప్పుడు జై భీమ్… ఇప్పుడు ఈ సినిమాతో పాపులర్ అయ్యాడు..! ఈ హీరో ఎవరో గుర్తుపట్టారా..?

తెలుగు సినిమా ఇండస్ట్రీలో బెస్ట్ కపుల్ అంటే ముందుగా గుర్తొచ్చేది మహేష్ బాబు, నమ్రతా శిరోద్కర్. వీరిద్దరిది ప్రేమ వివాహం. వంశీ సినిమా షూటింగ్ సమయంలో వీరిద్దరికి పరిచయం ఏర్పడి, ఆ తర్వాత ప్రేమగా మారి, అది పెళ్లి వరకు దారి తీసింది. ఇవాళ వీరిద్దరి పెళ్లిరోజు. 19 సంవత్సరాల క్రితం ఇదే రోజు వీరి పెళ్లి జరిగింది.

సోషల్ మీడియా వేదికగా ఎంతో మంది వీరికి విషెస్ తెలుపుతున్నారు. మహేష్ బాబు, నమ్రతా శిరోద్కర్ కూడా సోషల్ మీడియాలో పోస్ట్ చేసి విషెస్ తెలుపుకున్నారు. పెళ్లికి ముందు వరకు నమ్రత కొన్ని సినిమాలు చేశారు. పెళ్లి తర్వాత నుండి నమ్రత ఒక్క సినిమా కూడా చేయలేదు. అయితే ఈ విషయం గురించి నమ్రత ఒక ఇంటర్వ్యూలో చెప్పారు.

ప్రముఖ జర్నలిస్ట్ ప్రేమకి ఇచ్చిన ఇంటర్వ్యూలో, నమ్రత ఈ విషయం మీద మాట్లాడుతూ, తనకి ఉద్యోగం చేసే భార్య వద్దు అని మహేష్ బాబు క్లారిటీగా ఉన్నారు అని చెప్పారు. ఈ విషయం మీద వాళ్లు మాట్లాడుకున్నారు అని అన్నారు. అయితే, నమ్రతా శిరోద్కర్ కూడా ఒక కండిషన్ పెట్టారట. తనకి బంగ్లాలో ఉండడం ఇబ్బందిగా అనిపిస్తుంది అని, అందుకే పెళ్లయిన తర్వాత కొన్నాళ్లు అపార్ట్మెంట్ లో ఉండాలి అని ఒక కండిషన్ పెట్టారట. ఈ కండిషన్ కి మహేష్ బాబు అంగీకరించారు. మహేష్ బాబుకి ఉద్యోగం చేసే భార్య వద్దు అనే కండిషన్ కి నమ్రతా శిరోద్కర్ కూడా అంగీకరించారు.

అలా వీరిద్దరి పరస్పరం అంగీకారంతోనే వారి పెళ్లి జరిగింది. పెళ్లయిన తర్వాత నమ్రత గౌతమ్, సితారని చూసుకోవడంలో, అలాగే మహేష్ బాబు వ్యాపార వ్యవహారాలు కూడా చూసుకోవడంలో బిజీ అయిపోయారు. కానీ, పెళ్లయ్యాక కూడా నమ్రతకి సినిమాల్లో నటించే కొన్ని అవకాశాలు వచ్చాయట. కానీ నమ్రత ఇందుకు అంగీకరించలేదు. ఎలాంటి పాత్ర వచ్చినా కూడా సినిమాల్లో కనిపించాలి అని అనుకోవట్లేదు అని నమ్రత చెప్పారు. అయితే సినిమాల్లో నటించకపోయినా కూడా సినిమా షూటింగ్ సెట్స్ కి వెళ్తాను అని అన్నారు. మహేష్ బాబు సినిమా షూటింగ్స్ కి తాను వెళతాను అని, ఆ వాతావరణాన్ని తాను ఎంజాయ్ చేస్తాను అని నమ్రత చెప్పారు.

watch video :

ALSO READ : ప్రేమకోసం సినిమా ఫీల్డ్ ని వదిలేసాడు…పెళ్లి తర్వాత ఇప్పుడు స్టార్ డైరెక్టర్ అయ్యారు.! ఎవరంటే.?

సోషల్ మీడియా ద్వారా ఎంతో మంది ఫేమస్ అవుతున్నారు. ఎన్నో కొత్త టాలెంట్స్ వెలుగులోకి వస్తున్నాయి. కొంత మంది సోషల్ మీడియాలో ఇంస్టాగ్రామ్ రీల్స్ చేస్తూ ఫేమస్ అవుతున్నారు. మరి కొంత మంది పాటలు పాడుతూ, మరి కొంత మంది డాన్స్ చేస్తూ కూడా ఫేమస్ అవుతున్నారు.

ఇంకా కొంత మంది అయితే ఫ్యాషన్ గురించి కానీ, టెక్నాలజీ గురించి కానీ చెప్తూ ఉంటారు. కొంత మంది అయితే వంటలు కూడా చేస్తారు. ఫేమస్ అవ్వడానికి ఏ దారి అయినా సరే ఎంచుకోవచ్చు అనడానికి ఉదాహరణలుగా నిలుస్తున్నారు. వారి టాలెంట్ ని సోషల్ మీడియా ద్వారా నిరూపించుకుంటున్నారు.

అలా సోషల్ మీడియా ద్వారా వెలుగులోకి వచ్చిన వ్యక్తి బోయపాటి దేవిక. సోషల్ మీడియాలో రీల్స్ చేస్తూ, ఫోటో షూట్ చేస్తూ, బ్రాండ్స్ ని ప్రమోట్ చేస్తూ ఉంటుంది దేవిక. ఇటీవల చాలా ఫేమస్ అయిన దేవిక ఇప్పుడు ఇంటర్వ్యూస్ కూడా ఇస్తోంది. అయితే దేవిక సినిమా కుటుంబానికి చెందిన అమ్మాయి. దేవిక బాబాయ్ ఒక ఫేమస్ డైరెక్టర్. ఆయన మరెవరో కాదు. బోయపాటి శ్రీను. ఆ అమ్మాయి పేరు చూసిన చాలా మందికి ఈ విషయం అర్థం అయిపోయి ఉంటుంది. దేవిక ఇటీవల ఒక ఇంటర్వ్యూలో తన గురించి వ్యక్తిగత విషయాలను చెప్పింది.

https://www.instagram.com/p/C22Ki_CpPzD/

ఇటీవల దేవిక ఇంటర్వ్యూ ఇస్తూ, తన బాబాయి బోయపాటి శ్రీను అని చెప్పింది. బోయపాటి దేవిక విజయవాడలో పెరిగింది. బీటెక్ చదివింది. బోయపాటి శ్రీను తనకి దగ్గర బంధువు అని చెప్పింది. అయితే, “మరి బోయపాటి శ్రీను సినిమాల్లో నటిస్తాను అని ఎప్పుడు అడగలేదా?” అని యాంకర్ అడిగిన ప్రశ్నకి, తనకి మహేష్ బాబు అంటే ఇష్టం అని, ఒకవేళ మహేష్ బాబు తో సినిమా తీస్తే ఆ సినిమాలో ఏదైనా పాత్ర ఇవ్వమని చెప్పాను అని చెప్పింది, అందుకు బోయపాటి శ్రీను కూడా, “టైం రావాలి కదమ్మా” అన్నారట. ప్రస్తుతం దేవిక సోషల్ మీడియా ఇన్ఫ్లుయెన్సర్ గా బ్రాండ్స్ కూడా ప్రమోట్ చేస్తూ ఉంటుంది.

ALSO READ : పేటీఎం ఫిబ్రవరి 29 తరువాత పనిచేయదా..? ఈ లోగా కస్టమర్లు ఏం చేయాలి..?

తమిళ హీరో అయినా కూడా తెలుగులో మంచి గుర్తింపు సంపాదించుకున్న హీరో విజయ్. ఈ మధ్య తాను సినిమాలు ఆపేస్తారు అని ప్రకటించారు. అయితే అంతకుముందు విజయ్ చాలా రీమేక్ సినిమాల్లో నటించారు.

ఇప్పుడు మరొక సినిమాని రీమేక్ చేయబోతున్నారు అనే వార్త వస్తోంది. ఆ సినిమా మరేదో కాదు. నందమూరి బాలకృష్ణ హీరోగా నటించిన భగవంత్ కేసరి. ఈ సినిమాకి అనిల్ రావిపూడి దర్శకత్వం వహించారు.

కానీ ఇది ఎంత వరకు నిజం అనేది తెలియదు. ఎందుకంటే విజయ్ ఇంకొక రెండు సినిమాలు మాత్రమే చేస్తారు అని అన్నారు. కానీ ఇప్పుడు ఈ వార్త అయితే వచ్చింది. అయితే విజయ్ ప్రస్తుతం వెంకట్ ప్రభు దర్శకత్వంలో వస్తున్న గోట్ సినిమాలో నటిస్తున్నారు. ఈ సినిమాలో తండ్రీ కొడుకుల పాత్రల్లో నటిస్తారు అని వార్త వస్తోంది. విజయ్ ద్విపాత్రాభినయం చేయడం ఇది మొదటి సారి ఏమీ కాదు. ఈ సినిమా తర్వాత కార్తీక్ సుబ్బరాజ్ దర్శకత్వంలో ఇంకొక సినిమా ఉంటుంది. మరి ఆ సినిమా తర్వాత అసలు విజయ్ సినిమాల్లో నటిస్తారు లేదు అనేది కూడా తెలియదు.

విజయ్ అసలు నటించడానికి దూరంగా ఉంటారా? లేదా కొన్ని రోజులు ఎన్నికల పనులు చూసుకొని ఆ తర్వాత మళ్లీ సినిమాల్లోకి వస్తారా అనేది మాత్రం ఇంకా ప్రశ్నార్థకంగానే ఉంది. కానీ ఏదేమైనా సరే, విజయ్ అభిమానులు మాత్రం విజయ్ మళ్ళీ తిరిగి సినిమాల్లోకి రావాలి అనే అనుకుంటున్నారు. ఎందుకంటే విజయ్ కి ఇంత గుర్తింపు వచ్చింది సినిమాల వల్ల. కాబట్టి ప్రేక్షకులు విజయ్ ని ముందు నటుడి గానే చూడాలి అని అనుకుంటున్నారు. ఒకపక్క రాజకీయాల్లో ఉంటూనే మరొక పక్క సినిమాలు కూడా చేస్తే బాగుంటుంది అని చాలామంది అంటున్నారు. మరి విజయ్ ఎలాంటి నిర్ణయం తీసుకుంటారో తెలియాలి అంటే వేచి చూడాల్సిందే.