Sainath Gopi

పాపులర్ డాన్స్ షో ఢీ లో కొరియోగ్రాఫర్‌ గా పనిచేస్తున్న చైతన్య బలవన్మరణానికి పాల్పడిన విషయం అందరికి తెలిసిందే. చైతన్య మరణం గురించి ఇండస్ట్రీలో చర్చలు జరుగుతున్నాయి.

మల్లెమాల ప్రొడక్షన్స్ తగిన రెమ్యూనరేషన్ ఇవ్వక పోవడంతోనే చైతన్య మాస్టర్ తన జీవితాన్ని ముగించారనే కామెంట్స్ వినిపిస్తున్నాయి. తాజాగా ఈ వివాదం పై తాజాగా జబర్దస్త్ కామెడీ షోలో గతంలో పనిచేసిన అదిరే అభి స్పందించాడు. అయితే ఈ విషయం గురించి అభి ఏమన్నారో ఇప్పుడు చూద్దాం..
రీసెంట్ గా డాన్స్ మాస్టర్ చైతన్య నెల్లూరులో ఒక హోటల్ లో ఉరి వేసుకుని మరణించాడు. అతను మరణించే ముందు ఒక సెల్ఫీ వీడియో రిలీజ్ చేశాడు. అందులో అప్పుల వల్లనే ఇలా చేస్తున్నానని, జబర్దస్త్ లో ఎక్కువ రెమ్యూనరేషన్‌ ఇస్తారని, ఢీ షోలో తక్కువ  రెమ్యూనరేషన్‌ ఇస్తారని తెలిపాడు. దాంతో మల్లెమాల వారు ఢీ షోలో పనిచేసేవారికి తక్కువ  రెమ్యూనరేషన్‌ ఇవ్వడం వల్లనే అతను ఆర్థికంగా ఇబ్బందులు ఎదుర్కొన్నాడని కామెంట్స్  చేస్తున్నారు.తాజాగా అదిరే అభి ఈ విషయం పై స్పందించాడు. చైతన్య మాస్టర్‌ మరణం నేపథ్యంలో ఇండస్ట్రీకి కొత్తగా వచ్చే వారికి అదిరే అభి కొన్ని సూచనలు చేశాడు. అదిరే అభి తన ఇన్‌ స్టా గ్రామ్ ఖాతాలో ఒక వీడియోను పంచుకున్నాడు. ఆ వీడియోలో సిని పరిశ్రమ లేదా టీవీ పరిశ్రమలోకి రావాలని అనుకునేవారికి, వచ్చే వారికి అంత తేలికగా అవకాశం దొరకదు. రెడ్‌ కార్పెట్‌ పరిచి స్వాగతం చెప్తారని అనుకోవడం, డబ్బులు బాగా ఇస్తారని అనుకోవడం చాలా పొరపాటు. ఇక్కడికి వచ్చాక ఎంతోమంది కష్టాలు పడి, తమ కడుపు మాడ్చుకొని, నిద్రలేని రాత్రులు ఎన్నో గడిపితే తప్ప ఒక బ్రేక్ రాదు.
ఆ బ్రేక్ వచ్చిన తరువాత కూడా దానిని కొనసాగించడం కూడా పెద్ద విషయమే. ఇవ్వన్ని చెప్పడానికి కారణం ఇండస్ట్రీలోకి రావలనుకునేవారు ఇవ్వని తెలుసుకొని మానసికంగా సిద్ధపడి వస్తే, వచ్చాక ఏర్పడిన కష్టాలను ఎదుర్కోవచ్చు. అలాగే ప్లాన్ బి కూడా పెట్టుకుంటే కాస్త ధైర్యంగా ఉంటారు. అలాగే వచ్చిన ఆదాయంలో కూడా కొంచెం దాచుకోవడం వల్ల కష్టకాలంలో ఆ డబ్బు ఉపయోగపడుతుంది. ఒకటి రెండు చిత్రాలలో నటించిన తర్వాత కానీ, రెండు మూడు షోలలో చేసిన తర్వాత అయిన ఇబ్బందులు ఎదురు కావచ్చు.
అంత పెద్ద స్టార్ అమితాబచ్చన్‌ కూడా 1990 చివర్లో ప్రొడ్యూసర్ గా 100 కోట్లకు పైగా నష్టాలను చూశారు. అయితే అమితాబ్ ‘కౌన్ బనేగా కరోడ్‌ పతి’ షోతో మళ్లీ డబ్బులు సంపాదించారు. కాబట్టి కెరీర్‌ లో ఏ టైమ్ లో అయినా  ఇబ్బందులు రావచ్చు. వాటి కోసం జీవితానికి ముగింపు పలికే నిర్ణయాలు తీసుకోవద్దని అభి చెప్పుకొచ్చాడు. అలాగే షోకి వచ్చే రేటింగ్ ను బట్టి రెమ్యూనరేషన్‌ ఇస్తారని, జబర్దస్త్ షోకి రేటింగ్ ఎక్కువ వస్తుంది కాబట్టి అందులో పని చేసేవారికి రెమ్యూనరేషన్‌ ఎక్కువ ఇస్తారని చెప్పుకొచ్చారు.

https://www.instagram.com/p/CrxblGftwUO/?utm_source=ig_embed&utm_campaign=embed_video_watch_again

Also Read: UGRAM REVIEW : పోలీస్ ఆఫీసర్ గా “అల్లరి నరేష్” ఆకట్టుకున్నారా..? స్టోరీ, రివ్యూ & రేటింగ్.!

‘బలగం’ సినిమాతో గుర్తింపు తెచ్చుకున్న నటుల్లో కర్తానందం ఒకరు. ఆయన ‘జబర్దస్త్’ కామెడీ షో ద్వారా తెలుగు ఆడియెన్స్ కి పరిచయం అయ్యారు. ‘బలగం’ చిత్రంతో గుర్తింపును సంపాదించుకున్నారు.

కర్తానందం తాజాగా ఒక ఛానెల్ కు ఇచ్చిన ఇంటర్వ్యూలో తన ఫ్యామిలీ గురించి వెల్లడించారు. తనది సూర్యాపేట లోని కుతుబ్‌షాపురం అని, తన తండ్రి నల్గొండ జిల్లాలోని కేతెపల్లి గ్రామంలో స్థిరపడ్డారని తెలిపారు.  7వ తరగతి వరకు కేతెపల్లిలో చదువు సాగిందని అన్నారు. స్కూల్‌లో జరిగే సాంస్కృతిక ప్రోగ్రామ్స్ లో పాల్గొనేవాడినని, ఆ సమయంలోనే నటన మీద ఆసక్తి ఏర్పడిందని అన్నారు.
ఖమ్మంలో మాంట్‌ఫోర్ట్ హైస్కూల్‌లో 8-10 తరగతి వరకు చదువుకున్నానని వెల్లడించారు. అప్పుడు హాస్టల్‌లో ఉండేవాడినని చెప్పారు. హాస్టల్ బిల్డింగ్ ఓపెనింగ్‌ తాను నటించిన ‘ఏక్ దిన్ కా సుల్తాన్’ అనే నాటిక మంచి గుర్తింపును ఇచ్చిందని కర్తానందం వెల్లడించారు. ఇదే నాటకాన్ని మళ్ళీ హైదరాబాద్‌లో వేశానని, దానికి అప్పటి మినిస్టర్ మండలి వెంకటకృష్ణారావు ద్వారా అవార్డు అందుకున్నానని చెప్పారు. అప్పటి ముఖ్యమంత్రి జలగం వెంగలరావు చేతుల్లా మీదుగా కూడా అవార్డు తీసుకున్నట్టు తెలిపారు.
అనారోగ్యంతో తన తండ్రి మరణించడంతో తన తల్లి ఐదుగురు పిల్లల్ని బాగా చదివించిందని ఎమోషనల్ అయ్యారు. తోడబుట్టిన వారంతా సెటిల్ అయ్యారని వెల్లడించారు. తనకు ఇద్దరు కొడుకులని, వారి పేర్లు విశ్వ, విధాత అని చెప్పారు. తన వైఫ్ పేరు పావని అని, కొడుకులిద్దరూ బాగా చదువుతారని, తెలివైనవాళ్లని చెప్పారు. పెద్దబ్బాయి  జర్మనీలో ఎంఎస్ చేస్తున్నాడని, చిన్నబ్బాయి ఫిలిప్పీన్స్‌లో ఎంబీబీఎస్ చేస్తున్నడని చెప్పారు.
తాను 22 సంవత్సరాలు హోంగార్డుగా పనిచేశానని అన్నారు. గతంలో నక్సలైట్లు కోయగూడేల్లోని యువతను ఆకర్షించకుండా చేయడానికి పోలీసులు కళాబృందాలను ఏర్పాటు చేసేవారని, తాను ఆ బృందంలో చేరి, హోంగార్డు అయ్యానని నటుడు కర్తానందం వెల్లడించారు.

Also Read: RAMA BANAM REVIEW : “గోపీచంద్” హీరోగా నటించిన రామబాణం హిట్టా..? ఫట్టా..? స్టోరీ, రివ్యూ & రేటింగ్.!

ఈ మధ్య కాలంలో ఒక మూవీ విజయం సాధిస్తే ప్రశంసలు లభిస్తున్నాయి. కానీ మూవీ ప్లాప్ అయితే వచ్చే విమర్శలు మాత్రం మామూలుగా ఉండట్లేదు. ఆ చిత్రం ఎంత పెద్ద హీరోది అయిన విమర్శలు, సోషల్ మీడియాలో వచ్చే ట్రోల్స్ దారుణంగా ఉంటున్నాయనే విషయం అందరికి తెలిసిందే.

రీసెంట్ గా రిలీజ్ అయిన “ఏజెంట్‌” మూవీ పరిస్థితి అలాగే ఉంది. ఈ సినిమా విడుదలకు ముందు మేకర్స్‌ మూవీ గురించి గొప్పగా చెప్పారు. కానీ మూవీ డిజాస్టర్ అవడంతో ప్రస్తుతం సైలెంట్‌ గా ఉన్నారు. రీసెంట్ గా నిర్మాత పెట్టిన ట్వీట్ పై అక్కినేని ఫ్యాన్స్ ఆగ్రహిస్తున్నారు. ఆ వివరాలు ఇప్పుడు చూద్దాం..
అఖిల్‌ కెరీర్‌లోనే  భారీ బడ్జెట్‌తో తెరకెక్కిన ఈ చిత్రం పెట్టిన  దానిలో 10 శాతం కూడా వసూలు చేసే పరిస్థితి  కనిపించడం లేదు. మూవీ చూసిన వారు దర్శకుడిగా 17 ఏళ్ల ఎక్స్పీరియన్స్ ఉన్న సురేందర్‌ రెడ్డి ఈ సినిమాకు దర్శకుడు అంటే నమ్మలేకపోతున్నామని అంటున్నారు. ఇక ఈ చిత్ర నిర్మాత అనీల్‌ సుంకర మూవీ ఫెయిల్యూర్‌ను అంగీకరిస్తూ ట్వీట్ చేశాడు. అందులో బౌండెడ్‌ స్క్రిప్ట్‌ తమ దగ్గర లేకుండా చిత్రాన్ని మొదలు పెట్టి ఖరీదైన తప్పు చేశామని అన్నారు.
దీనిని చూసిన వారు ఇండస్ట్రీలో ఓ నిర్మాత ఇలా పరాజయాన్ని, మూవీ విడుదలైన 4 రోజులకే అంగీకరించడం చాలా అరుదుగా జరిగే విషయమని అంటున్నారు. అయితే నిర్మాత అనీల్‌ సుంకర తన ట్వీట్ లో చెప్పిన బౌండెడ్‌ స్క్రిప్ట్‌ లేకుండా మూవీని మొదలు పెట్టి తప్పుచేశాం అనే దాని పై అక్కినేని ఫ్యాన్స్ మండిపడుతున్నారు. బౌండ్‌ స్క్రిప్ట్‌ లేకుండానే హీరో అఖిల్ అక్కినేని బాడీని బిల్డప్  చేయించారా? అని సోషల్ మీడియాలో కామెంట్స్‌ చేస్తున్నారు.
అఖిల్‌ చాలా హార్డ్‌ వర్క్‌ చేసి తన బాడీని బిల్డప్ చేసుకున్నారని, ఆయన శ్రమకు తగిన ఫలితం లేదని కామెంట్స్ చేస్తున్నారు. 2 ఏళ్లకు పైగా ఒక మూవీ కోసం కష్టపడ్డ అఖిల్ కెరీర్‌ లో ఈ చిత్రం మాయని మచ్చలా ఎప్పటికి ఉండిపోతుందని అంటున్నారు. ఈ మూవీ డిజాస్టర్ కు కారణం మూవీ యూనిట్ మాత్రమే అంటూ కామెంట్స్ పెడుతున్నారు.

Also Read: “సునీల్” నుండి… “సూరి” వరకు… “హీరో” లుగా మారిన 15 కమెడియన్స్..!

2018లో విడుదలైన ప్రేమకధా చిత్రం 96. ఈ సినిమాలో విజయ్ సేతుపతి, త్రిష ప్రధాన పాత్రల్లో నటించారు. ఈ చిత్రానికి కథ అంటూ ప్రత్యేకంగా లేదు. చదువు రోజుల్లో ప్రేమించుకున్న ఇద్దరు ప్రేమికులు విడిపోయి, కొన్ని ఏళ్ల తరువాత తిరిగి కలుస్తారు.

ఆ నేపద్యంలో తెరకెక్కిన సినిమానే 96. ఈ సినిమా విజయాన్ని పొందింది. ఆడియెన్స్ ని ఎంతగానో ఆకట్టుకుంది. అయితే ఈ చిత్రంలో త్రిష, విజయ్‌ సేతుపతి లిప్ లాక్ సన్నివేశాన్ని తొలగించారంట. అది కూడా విజయ్‌ సేతుపతి వద్దని చెప్పడం వల్లనే తొలగించారు. మరి విజయ్ సేతుపతి ఎందుకు వద్దని చెప్పారో ఇప్పుడు చూద్దాం..
రామచంద్రన్, జానకి దేవి ఇద్దరు 10వ తరగతి వరకు ఒకే స్కూల్ లో కలిసి చదువుకుంటారు. ఆ క్రమంలో ఇద్దరు  ప్రేమించుకుంటారు. కొన్ని సమస్యల వల్ల రామ్ టెన్త్ క్లాస్ తర్వాత ఫ్యామిలీతో  చెన్నైకి వెళ్తాడు. ఆ తరువాత ఇద్దరు మళ్ళీ కలుసుకోరు.  22 ఏళ్ల తరువాత ట్రావెల్ ఫోటోగ్రాఫర్‌ అయిన రామ్ తన చిన్ననాటి ప్రదేశాలను, స్నేహితులను  చూడటానికి తన సొంతూరు అయిన తంజావూరుకు వెళ్తాడు. ఆ క్రమంలో ఫ్రెండ్స్  ఏర్పరు చేసిన గెట్‌ టు గెదర్‌ పార్టీలో ప్రేమికులు ఇద్దరు కలుస్తారు. అయితే ఆమెకి వివాహం అవుతుంది.
ఆ సమయంలో వారు హోటల్ రూమ్ లో కబుర్లు చెప్పుకుంటారు. రోడ్డు మీద నడవడం, మెట్రోలో ప్రయాణిస్తూ తమ మధ్య అనుబంధాన్ని తెలుపుకుంటారు. వారి మధ్య వచ్చే సన్నివేశాలు వారి మధ్య అనుబంధం ప్రేక్షకులను ఎంతగానో ఆకట్టుకుంది. సన్నివేశాలన్నీ కూడా  చాలా సహజంగా, హృద్యంగా చిత్రీకరించారు. అయితే ఈ సినిమా క్లైమాక్స్ లో ఎయిర్‌పోర్ట్‌లో జాను, రామ్ విడిపోయే సన్నివేశంలో మొదట లిప్ లాక్ ఉంది. అయితే ఆ తరువాత వద్దనుకున్నారు.
ఈ విషయం గురించి విజయ్ సేతుపతి మాట్లాడుతూ ఈ సినిమాని చూస్తున్న ఆడియెన్స్  పాత జ్ఞాపకాల్లోకి వెళతారని, వారికి మంచి అనుభూతిని పంచుతుంది. పెళ్లి అయిన అమ్మాయితో లిప్ లాక్ సన్నివేశం పెడితే జస్టిఫై అవదని భావించి, చాలా సార్లు చర్చించుకుని హీరో, హీరోయిన్ ను టచ్ చేయకూడదని నిర్ణయించుకున్నామని విజయ్ సేతుపతి వెల్లడించారు.
Also Read: ఈ వారం OTT లో విడుదల కాబోతున్న 15 సినిమాలు..! ఏ సినిమా / సిరీస్ ఎందులో స్ట్రీమ్ అవుతుంది అంటే..?

టాలీవుడ్ స్టార్‌ హీరోయిన్ సమంత ఇటీవలే శాకుంతలం చిత్రంతో ఆడియెన్స్ ని పలకరించింది. ప్రస్తుతం సమంత రాజ్‌ అండ్ డీకే రూపొందిస్తున్న ఇండియన్ వెర్షన్ ‘సిటాడెల్‌’ వెబ్‌సిరీస్‌ చిత్రీకరణలో బిజీగా ఉంది.

ఈ సిరీస్‌లో పోలీస్‌ అధికారిగా సమంత నటిస్తోంది. ఆమె హీరోయిన్ గా ఇప్పటి వరకు బాలీవుడ్ లో నటించకపోయిన  ఫ్యామిలీ మ్యాన్ 2 వెబ్‌ సిరీస్ తో అక్కడ కూడా పాపులర్ అయ్యింది. సిటాడెల్‌ సిరీస్ కోసం సమంత తీసుకునే  రెమ్యూనరేషన్ గురించిన వార్త ఒకటి ప్రస్తుతం సోషల్ మీడియాలో వైరల్ గా మారింది. అది ఏమిటో చూద్దాం..
భారీ అంచనాల మధ్య తెరకెక్కుతున్న సిటాడెల్‌ సిరీస్ లో సమంత నటిస్తున్న సంగతి తెల్సిందే. ఈ సిరీస్ యాక్షన్‌ సీన్స్ కోసం ఆమె చాలా కష్టపడుతుంది. దానికి సంబంధించిన ఫోటోలు, వీడియోలు సమంత తన సోషల్ మీడియా ఖాతాలో తరచుగా షేర్ చేస్తోంది. వాటిని చూసిన ఆమె ఫ్యాన్స్ సమంత ఎంతగానో కష్టపడుతోంది అని కామెంట్స్ కూడా పెడుతున్నారు. అయితే సమంత ఈ సిరీస్ కోసం రెమ్యూనరేషన్ ను కూడా భారీగానే తీసుకున్నట్లుగా టాక్.
సిటాడెల్‌ సిరీస్ కోసం సమంత 5 కోట్ల రూపాయల రెమ్యూనరేషన్ అందుకుంటుందని సమాచారం. నిర్మాతలు 5 కోట్లతో పాటుగా ఇతర ఖర్చుల కోసం మరో కోటి రూపాయలు ఇస్తున్నారని తెలుస్తోంది. హీరో వరుణ్ దావన్ కు 10 కోట్ల రెమ్యూనరేషన్ ఇస్తున్నారని తెలుస్తోంది. ఈ సిరీస్ ద్వారా సమంత భారీ మొత్తంలో రెమ్యూనరేషన్ దక్కించుకుందని వార్తలు వినిపిస్తున్నాయి. అయితే దానికి తగ్గట్లుగానే యాక్షన్ సన్నివేశాల కోసం సమంత కష్టపడుతోంది.
ఇక సమంత ఇతర సినిమాల విషయనికి వస్తే ప్రస్తుతం ఆమె విజయ్ దేవరకొండతో కలిసి ఖుషి చిత్రంలో నటిస్తోంది. ఈ చిత్రం శివ నిర్వాణ దర్శకత్వంలో రొమాంటిక్ లవ్ ఎంటర్‌టైనర్‌గా తెరకెక్కుతోంది. ఈ సినిమా నుంచి మొదటి పాటను మే 9న విడుదల చేస్తున్నట్లు ప్రకటించారు.

Also Read: “పుష్ప” లాగానే… “రిలీజ్” అయిన నెలలోపే OTT లోకి వచ్చిన 12 సినిమాలు..!

ఇటీవల కాలంలో హాస్యనటులు హీరోలుగా లేదా లీడ్ రోల్ లో నటిస్తున్నారు. హాస్యనటులు ప్రధాన పాత్రలలో నటించే ట్రెండ్ ఇప్పుడు వచ్చింది కాదు. అప్పట్లో హాస్యనటులు కూడా లీడ్ రోల్ లో నటించారు.

అలా తెలుగులో గతంలో పద్మనాభం, రాజబాబు వంటి హాస్య నటులు చాలా సినిమాల్లో ప్రధాన పాత్రలు పోషించారు. వారి లాగే ఇటీవల కాలంలో కూడా కొందరు హాస్యనటులు హీరోలుగా మరియు ప్రధాన పాత్రలలో పలు సినిమాలలో నటించారు. ఏ హాస్యనటులు ఏ చిత్రాలలో లీడ్ రోల్ లో నటించారో ఇప్పుడు చూద్దాం..
1. ఆలీ:
హాస్యనటుడు అలీ బాలనటుడుగా ఇండస్ట్రీలో అడుగుపెట్టాడు. హాస్యనటుడుగా ఎంతో పాపులారిటీని సొంతం చేసుకున్నాడు. అలీ యమలీల సినిమాలో తొలిసారి హీరోగా నటించాడు. కమెడియన్ పాత్రలు చేస్తూనే అప్పుడపుడు హీరోగా కూడా సినిమాలు చేస్తున్నాడు.
2. వేణుమాధవ్:
హాస్యనటుడు వేణుమాధవ్ వందల చిత్రాలలో నటించి తనదైన కామెడీ టైమింగ్ తో ఆడియెన్స్ అలరించాడు. భూకైలాస్, హంగామా చిత్రాలలో వేణుమాధవ్ హీరోగా నటించాడు.
3. కృష్ణ భగవాన్:

ఎన్నో చిత్రాలలో కమెడియన్ గా అలరించిన కృష్ణ భగవాన్ ‘జాన్ అప్పారావ్ 40 ప్లస్’చిత్రంలో హీరోగా నటించారు. ఈ చిత్రంలో హీరోయిన్ గా అప్పటి స్టార్ హీరోయిన్ సిమ్రన్ నటించడం విశేషం.4.వెన్నెల కిషోర్:

టాలీవుడ్ లో పాపులర్ హాస్యనటుడు వెన్నెల కిషోర్. తన మార్క్ కామెడీతో ఆడియెన్స్ ని అలరిస్తున్నాడు. 2013లో వచ్చిన ‘అతడు ఆమె మరియు స్కూటర్’ అనే చిత్రంలో తొలిసారిగా హీరోగా నటించాడు. ప్రియాంక ఛబ్రా ఈ మూవీలో హీరోయిన్‌గా నటించింది.
5. శ్రీనివాస్ రెడ్డి:

హాస్యనటుడిగా తనదైన కామెడీతో ఆకట్టుకునే శ్రీనివాస్ రెడ్డి ‘జయమ్ము నిశ్చయమ్ము రా’ చిత్రంలో హీరోగా నటించాడు. ఈ చిత్రంలో పూర్ణ హీరోయిన్ గా నటించింది.
6. సునీల్:

ప్రముఖ టాలీవుడ్ కమెడియన్ సునీల్ డైరెక్టర్ రాజమౌళి దర్శకత్వంలో ‘మర్యాద రామన్న’ సినిమాలో హీరోగా నటించాడు. అందాల రాముడు మూవీతో హీరోగా మారాడు. ఆ తరువాత నాలుగైదు చిత్రాలలో హీరోగా నటించాడు. సుకుమార్ దర్శకత్వంలో అల్లు అర్జున్ నటించిన  ‘పుష్ప’ సినిమాలో మంగళం శీను గా  విలన్‌ పాత్రలో నటించాడు.
7. సప్తగిరి:

సప్తగిరి కమెడియన్ గా పలు చిత్రాలలో నటించి పాపులర్ అయ్యాడు. అతను కమెడియన్ మంచి ఫామ్ లో ఉన్న సమయంలో ‘సప్తగిరి ఎక్స్ ప్రెస్’ చిత్రంతో హీరోగా మారాడు.
8. గెటప్ శ్రీను:

జబర్దస్త్ కామెడీ షో ద్వారా గుర్తింపు సంపాదించుకున్న గెటప్ శ్రీను ‘3 మంకీస్’అనే చిత్రంలో ముగ్గురి హీరోలలో ఒకడిగా నటించాడు.
9. శకలక శంకర్:

జబర్దస్త్ కమెడియన్ గా పాపులర్ అయిన శంకర్ తొలిసారి హీరోగా ‘శంభో శంకర’ అనే చిత్రంలో నటించాడు. ఆ తరువాత భాగ్యనగరవీధుల్లో గమ్మత్తు అనే చిత్రంలో మరో ఇద్దరు కామెడియన్స్ తో కలిసి నటించారు.
10. రాం ప్రసాద్:

జబర్దస్త్ కమెడియన్ గా పాపులర్ అయిన రాం ప్రసాద్ ‘3 మంకీస్’అనే చిత్రంలో ముగ్గురి హీరోలలో ఒకడిగా  నటించాడు.
11. సత్య:
కమెడియన్ గా టాలీవుడ్ లో గుర్తింపు పొందిన నటుడు సత్య. ‘భాగ్యనగరవీధుల్లో గమ్మత్తు’ అనే చిత్రంలో ముగ్గురు హీరోలలో ఒకరిగా నటించాడు. ‘వివాహభోజనంబు’ చిత్రంలో హీరోగా నటించాడు.
12. సుడిగాలి సుధీర్:

సుడిగాలి సుధీర్ జబర్దస్త్, ఎక్స్‌ట్రా జబర్దస్త్ కామెడీ షో ద్వారా కమెడియన్ గా పాపులర్ అయ్యారు. పలు సినిమాలలో కమెడియన్ గా నటించాడు.’సాఫ్ట్ వేర్ సుధీర్ ‘ చిత్రంలో మొదటిసారిగా హీరోగా నటించాడు. ఆ తరువాత 3 మంకీస్, గాలోడు చిత్రాలలో హీరోగా నటించారు.
13. రాహుల్ రామకృష్ణ:

అర్జున్ రెడ్డి సినిమాతో గుర్తింపు సంపాదించించుకున్న రాహుల్ రామకృష్ణ పలు చిత్రాలలో నటించాడు. మిఠాయి చిత్రంలో ప్రధాన పాత్రలో నటించాడు. ‘జాతిరత్నాలు’ సినిమాలో ముగ్గురు హీరోలలో ఒకరిగా నటించాడు.
14. ప్రియదర్శి:

పెళ్ళి చూపులు చిత్రంతో పాపులర్ అయిన ప్రియదర్శి. మల్లేశం చిత్రంలో మొదటిసరిగా హీరోగా నటించాడు. ఆ తరువాత జాతిరత్నాలు సినిమాలో ముగ్గురు హీరోలలో ఒకరిగా నటించాడు. ఇటీవల విడుదలయిన బలగం సినిమాలో ప్రియదర్శి హీరోగా నటించాడు.
15. సూరి

తమిళ హాస్యనటుడు సూరి వెట్రిమారన్ దర్శకత్వంలో తాజాగా రీలీజ్ అయిన ‘విడుదల  పార్ట్ 1’ లో మొదటిసారిగా ప్రధాన పాత్రలో నటించారు.
Also Read: ఈ 10 నటులని మనం చాలా సినిమాల్లో చూస్తాం.! కానీ వీరి అసలు పేర్లు ఏంటో తెలుసా..?

ప్రస్తుతం ఓటీటీ ప్లాట్‌ఫామ్‌ ల హవా నడుస్తోంది. ఇటీవల కాలంలో థియటర్స్ లో విడుదలైన చిత్రాలు నెల రోజులు గడవక ముందే ఓటీటీ ప్లాట్‌ఫామ్‌ లలో దర్శనమిస్తున్నాయి.

ప్రస్తుతం వస్తున్న సినిమాలకు థియేట్రికల్ వసూళ్ల లాగానే ఓటీటీ రైట్స్‌ కూడా ముఖ్యంగా మారాయి. సినిమా ఫ్లాప్ అయినా మేకర్స్ ఆ సినిమాని ఓటీటీలో విడుదల చేయడం ద్వారా వచ్చిన నష్టాలను భర్తీ చేసుకుంటున్నారు.
సాధారణంగా పెద్ద చిత్రాలను రిలీజ్ అయిన నెల రోజుల తర్వాత ఓటీటీలో రిలీజ్ చేస్తారు. కానీ కొన్ని సినిమాలు విడుదలైన నెలలోపే ఓటీటీలోకి వస్తున్నాయి. అలా నెలలోపే ఓటీటీలో రిలీజ్ అయిన సినిమాలు ఏమిటో ఇప్పుడు చూద్దాం..

1. పుష్ప

అల్లు అర్జున్ హీరోగా టాలీవుడ్ టాప్ డైరెక్టర్ సుకుమార్ తెరకెక్కించిన మూవీ పుష్ప. ఈ చిత్రంలో రష్మిక మందన్న హీరోయిన్ గా నటించగా, హీరోయిన్ సమంత స్పెషల్ సాంగ్ లో అలరించింది. దేవిశ్రీ ప్రసాద్ ఈ చిత్రానికి సంగీతాన్ని అందించారు. ఈ మూవీ 17 డిసెంబర్, 2021 పాన్ ఇండియా వైడ్ గా విడుదలై బ్లాక్ బస్టర్ గా నిలిచింది. ఈ మూవీ నెలలోపే 7 జనవరి, 2022న ఓటీటీలో విడుదల అయ్యింది.
2. విరాట పర్వం:

రానా దగ్గుబాటి, సాయి పల్లవి జంటగా నటించిన ‘విరాట పర్వం’ 17 జూన్, 2022న థియేటర్లలో రిలీజ్ అయ్యింది. ఈ చిత్రం బక్సాఫీస్ దగ్గర నిరాశ పరిచింది. దాంతో ఈ చిత్రాన్ని నెలలోపే 1 జులై, 2022న ఓటీటీలో రిలీజ్ చేశారు.
3. యశోద:

సమంత లీడ్ రోల్ లో నటించిన చిత్రం యశోద. ఈ సినిమాని హరి, హరీష్‌ తెరకెక్కించారు. ఈ చిత్రం గత ఏడాది 11 నవంబర్, 2022 న విడుదల కాగా, మొదటి షో నుండే హిట్ టాక్ తెచ్చుకుంది. ఇక ఈ చిత్రాన్ని ఓటీటీలో నెలలోపే 9 డిసెంబర్ 2022న రిలీజ్ చేశారు.
4. ధమాకా:

మాస్ మహారాజ రవితేజ హీరోగా, శ్రీలీల హీరోయిన్స్ గా నటించిన చిత్రం ధమాకా. ఈ చిత్రానికి త్రినాథ రావు నక్కిన దర్శకత్వం వహించారు. ఈ సినిమా 23 డిసెంబర్, 2022న థియేటర్లలో రిలీజ్ అయ్యింది. ఫస్ట్ షోతోనే సూపర్ హిట్ టాక్ తెచ్చుకుని, భారీ వసూళ్లను సాధించింది. ఈ చిత్రాన్ని 22 జనవరి, 2023న ఓటీటీలో రిలీజ్ అయ్యింది.
5. తెగింపు:

కోలీవుడ్ స్టార్ హీరో అజిత్ నటించిన తెగింపు చిత్రం సంక్రాంతి కానుకగా 10 జనవరి, 2023న థియేటర్లలో రిలీజ్ అయ్యింది. ఈ చిత్రానికి మిక్స్డ్ టాక్ రాగా, 8 ఫిబ్రవరి, 2023న ఓటీటీలో విడుదల చేశారు.6. హంట్:

సుధీర్ బాబు హీరోగా, శ్రీకాంత్, భరత్ ముఖ్య పాత్రల్లో నటించిన చిత్రం హంట్. మహేశ్‌ సూరపనేని తెరకెక్కించిన ఈ చిత్రం 26 జనవరి, 2023 థియేటర్లలో రిలీజ్ అయ్యింది. మొదటి షో నుండే ప్లాప్ టాక్ తెచ్చుకోవడంతో నెలలోపే ఈ చిత్రాన్ని 10 ఫిబ్రవరి, 2023న ఓటీటీలో రిలీజ్ చేశారు.7. బలగం:

జబర్దస్త్ కామెడీ షోతో పాపులర్ అయిన కమెడియన్ వేణు వెల్డండి తొలిసారి దర్శకుడిగా మారి తెరకెక్కించిన చిత్రం బలగం. ఈ సినిమాలో ప్రియదర్శి, కావ్య కళ్యాణ్ రామ్ జంటగా నటించారు. ఈ మూవీ ఎలాంటి ప్రచారం లేకుండా 3 మార్చి, 2023న థియేటర్లలో విడుదలై బ్లాక్ బస్టర్ గా నిలిచింది. ఈ చిత్రాన్ని 24 మార్చి , 2023న ఓటీటీలో రిలీజ్ చేశారు.8. దసరా:

శ్రీకాంత్ ఓదెల డైరెక్షన్ లో నేచురల్ నాని, కీర్తి సురేష్ హీరోహీరోయిన్లుగా నటించిన చిత్రం దసరా. ఈ చిత్రం 30 మార్చి, 2023న థియేటర్లలో రిలీజ్ అయ్యింది. ఫస్ట్ షోతోనే సూపర్ హిట్ టాక్ తెచ్చుకుని, నాని కెరీర్ లోనే అత్యధిక కలెక్షన్స్ సాధించిన సినిమాగా రికార్డ్ క్రియేట్ చేసింది. అయితే ఈ చిత్రం థియేటర్లలో ఉండగానే 27 ఏప్రిల్, 2023న ఓటీటీలో విడుదల అయ్యింది.9. రంగ మార్తాండ:

డైరెక్టర్ కృషవంశీ దర్శకత్వంలో ప్రకాష్ రాజ్, రమ్యకృష్ణ, బ్రహ్మనందం నటించిన చిత్రం రంగ మార్తాండ. ఈ చిత్రంలో రాహుల్ సిప్లిగంజ్, శివాత్మిక, అనసూయ నటించారు. ఈ చిత్రాన్ని 22 మార్చి, 2023న థియేటర్లలో రిలీజ్ అయ్యింది. పాజిటివ్ టాక్ వచ్చినప్పటికీ, వసూళ్ల పరంగా నిరాశ పరిచింది. నెలలోపే ఈ చిత్రాన్ని 7 ఏప్రిల్, 2023న ఓటీటీలో విడుదల చేశారు.
10. దాస్ కా ధమ్కీ:

మాస్ కా దాస్ విశ్వక్ సేన్ నటిస్తూ, దర్శకత్వం వహించిన చిత్రం దాస్ కా ధమ్కీ. ఈ సినిమాలో విశ్వక్ సేన్ డ్యూయల్ రోల్ చేయగా, నివేదా పేతురాజ్ హీరోయిన్ గా నటించింది. ఈ చిత్రం 22 మార్చి, 2023న రిలీజ్ అయ్యి హిట్ టాక్ తెచ్చుకుంది. ఈ మూవీని 14 ఏప్రిల్ , 2023న ఓటీటీలో విడుదల చేశారు.
11. రావణాసుర:

డైరెక్టర్ సుధీర్ వర్మ తెరకెక్కించిన రావణాసుర చిత్రంలో మాస్ మహారాజ రవి తేజ హీరోగా నటించగా, యంగ్ హీరో సుశాంత్ కీలక పాత్రలో నటించారు. ఈ మూవీ 7 ఏప్రిల్, 2023న థియేటర్లలో విడుదల అయ్యింది. అయితే ఈ సినిమాకి మిక్స్డ్ టాక్ రాగా, 28 ఏప్రిల్, 2023న ఓటీటీలో రిలీజ్ చేశారు.
12. ఏజెంట్:

అఖిల్ అక్కినేని హీరోగా, మమ్ముట్టి కీలక పాత్రలో నటించిన చిత్రం ఏజెంట్. ఈ చిత్రాన్ని డైరెక్టర్ సురేందర్ రెడ్డి తెరకెక్కించారు.
స్పై యాక్షన్ థ్రిల్లర్ గా రూపొందిన ఈ చిత్రం 28 ఏప్రిల్, 2023న థియేటర్లలో రిలీజ్ అయ్యింది. కానీ మొదటి షోతోనే ప్లాప్ టాక్ తెచ్చుకుంది. దీంతో ఈ చిత్రాన్ని నెలలోపే మే 19, 2023న ఓటీటీలో రిలీజ్ కానుంది.

Also Read: “ఆచార్య” తో పాటు… హీరోల పక్కన “హీరోయిన్స్” లేకుండానే వచ్చిన 10 సినిమాలు..!

గత ఏడాది ప్రముఖ సినీ దిగ్గజాలు కన్నుమూశారు. కొత్త ఏడాది ప్రారంభం అయినప్పటి నుండి భారతీయ సినీ పరిశ్రమలో ఇప్పటివరకు చాలా మంది ప్రముఖులు కన్నుమూశారు.

వరుస విషాదాలతో సినీ పరిశ్రమ అంతటా విషాద ఛాయలు కమ్ముకుంటున్నాయి. టాలీవుడ్ నుండి బాలీవుడ్ వరకు చాలా మంది ప్రముఖులు మరణించారు. 2023 లో ఇప్పటివరకు మరణించినవారు ఎవరో ఇపుడు చూద్దాం..
1. వాణీ జైరామ్:

ప్రసిద్ధ నేపథ్య గాయని వాణీ జైరామ్ ఎన్నో వందల పాటలు పాడి అలరించారు. ఆమె 77 ఏళ్ల వయసులో అనారోగ్యంతో 2023 ఫిబ్రవరి 4న మరణించారు.
2. జావేద్ ఖాన్ అమ్రోహి:

బాలీవుడ్ నటుడు జావేద్ ఖాన్ అనారోగ్యం కారణంగా 77 ఏళ్ల వయసులో 2023 ఫిబ్రవరి 14న కన్నుమూశారు.
3. నందమూరి తారక రత్న:

టాలీవుడ్ హీరో నందమూరి తారక రత్న గుండెపోటు కారణంగా 39 సంవత్సరాలు వయసులో 2023 ఫిబ్రవరి 18న మరణించారు.
4. మయిల్‌సామి:

కోలీవుడ్ హాస్య నటుడు మయిల్‌సామి 57 సంవత్సరాల వయసులో గుండెపోటు కారణంగా 2023 ఫిబ్రవరి 19న మరణించారు.
5. బేలా బోస్:

బాలీవుడ్ నటి బేలా బోస్ అనారోగ్యం కారణంగా 2023 ఫిబ్రవరి 20న కన్నుమూశారు. ఆమె వయస్సు 79 సంవత్సరాలు.
6. సతీష్ కౌశిక్:

బాలీవుడ్ నటుడు మరియు దర్శకుడు సతీష్ కౌశిక్ 67 ఏళ్ల వయసులో గుండెపోటు కారణంగా 09 మార్చి 2023న మరణించారు.
7. సమీర్ ఖాఖర్:

బాలీవుడ్, టెలివిజన్ నటుడు సమీర్ ఖాఖర్ అనారోగ్యం కారణంగా 15 మార్చి 2023న కన్నుమూశారు. ఆయన వయస్సు 71 సంవత్సరాలు.8. ప్రదీప్ సర్కార్:

బాలీవుడ్ డైరెక్టర్ ప్రదీప్ సర్కార్ 68 ఏళ్ల వయసులో అనారోగ్యం కారణంగా 2023 మార్చి 24న మరణించారు.
9. ఆకాంక్ష దుబే:

భోజ్‌పురి సినీ నటి ఆకాంక్ష దుబే అనుమానాస్పదంగా 2023 మార్చి 26న మృతి చెందారు.ఆమె వయస్సు 23 సంవత్సరాలు.10. పమేలా చోప్రా:

బాలీవుడ్ ప్రొడ్యూసర్,సింగర్ పమేలా చోప్రా 74 ఏళ్ల వయసులో వృద్ధాప్య సంబంధిత సమస్యలతో 2023 ఏప్రిల్ 20న తుది శ్వాస విడిచారు.
11. డ్యాన్స్ మాస్టర్ చైతన్య:

ఢీ డ్యాన్స్ షోలో కొరియోగ్రాఫర్‌గా కొనసాగుతున్న యంగ్ డ్యాన్స్ మాస్టర్ చైతన్య బలవన్మరణానికి పాల్పడి, 2023  ఏప్రిల్ 30న కన్నుమూశారు.  11. మనోబాల:

ప్రముఖ కోలీవుడ్ హాస్యనటుడు మనోబాల అనారోగ్యం కారణంగా 2023 మే 3న కన్నుమూశారు. ఆయన వయస్సు 69 సంవత్సరాలు.
Also Read: “ఆచార్య” తో పాటు… హీరోల పక్కన “హీరోయిన్స్” లేకుండానే వచ్చిన 10 సినిమాలు..!