Author

Sainath Gopi

A Mechanical Engineer turned into an Author. Have 6 years of work experience by working as Web Content Manager for various top telugu websites. Expertise in writing Human angle stories, Unknown Facts and excusive film-based content. Enthusiastic in Lyric and Story Writing.

Filmy Adda

ఈ సినిమాకి 6 జాతీయ అవార్డులు వచ్చాయా..? అంతగా ఏం ఉంది ఇందులో..?

by Sainath Gopi April 17, 2024

written by Sainath Gopi

సినిమా బాగుంటే అవార్డులు వస్తాయి. కొన్ని సినిమాలు మరీ బాగుంటే చాలా ఎక్కువ అవార్డులు వస్తాయి. అలా ఒక సినిమాకి 6 జాతీయ అవార్డులు వచ్చాయి. సాధారణంగా ఒక సినిమాకి ఒక జాతీయ అవార్డు వచ్చింది అంటేనే చాలా గొప్ప విషయం. అలాంటిది ఒక సినిమాకి ఆరు జాతీయ అవార్డులు వచ్చాయి అంటే ఆ సినిమా ఎంత గొప్పగా ఉంది అనేది మనమే అర్థం చేసుకోవాలి. ఆ సినిమా పేరు ఆడుకలం. ధనుష్ హీరోగా నటించిన ఈ సినిమాలో, తాప్సి హీరోయిన్ గా నటించారు. 10 కోట్ల బడ్జెట్ తో రూపొందించిన ఈ సినిమా దాదాపు 30 కోట్లు వసూలు చేసింది. 2011లో వచ్చిన ఈ సినిమా ఎంతోమంది ప్రశంసలు అందుకుంది.

movie which got many national awards

వెట్రిమారన్ ఈ సినిమాకి దర్శకత్వం వహించారు. ఎస్ కతిరేశన్ ఈ సినిమాని నిర్మించారు. కోళ్ల పందాలు నేపథ్యంలో ఈ సినిమా నడుస్తుంది. చెప్పడానికి సినిమా లైన్ మామూలుగా అనిపించినా కూడా తెర మీద చాలా బాగా చూపించారు. జీవి ప్రకాష్ కుమార్ ఈ సినిమాకి సంగీత దర్శకత్వం వహించారు. ఈ సినిమా తెలుగులో పందెం కోళ్ళు పేరుతో విడుదల అయ్యింది. ఇది యూట్యూబ్ లో అందుబాటులో ఉంది. ఈ సినిమాకి ఉత్తమ దర్శకత్వం, ఉత్తమ నటుడు, ఉత్తమ స్క్రీన్ ప్లే ఒరిజినల్, ఉత్తమ ఎడిటింగ్, ఉత్తమ కొరియోగ్రఫీ, ప్రత్యేక జ్యూరీ అవార్డు విభాగాల్లో జాతీయ అవార్డులు వచ్చాయి. ఈ సినిమా తర్వాత ధనుష్ అంతర్జాతీయ వ్యాప్తంగా ఫేమస్ అయ్యారు.

movie which got many national awards

ధనుష్ లో ఎంత గొప్ప నటుడు ఉన్నారు అనేది ఈ సినిమా చూస్తే అర్థం అవుతుంది. ఆ తర్వాత ధనుష్ కి ఎన్నో అవార్డులు వచ్చాయి. కానీ ఈ సినిమా మాత్రం ధనుష్ కెరీర్ లోనే ఒక ప్రత్యేకమైన సినిమాగా నిలుస్తుంది. ధనుష్ కి మాత్రమే కాదు. ఇందులో నటించిన ప్రతి ఒక్కరికి చాలా మంచి పేరు వచ్చింది. జాతీయ అవార్డులు మాత్రమే కాకుండా, ఆ సంవత్సరం ఇంకా ఎన్నో సంస్థలు ప్రధానం చేసిన అవార్డులు ఈ సినిమా అందుకుంది. సినిమాలో కమర్షియల్ అంశాలు పెద్దగా ఉండవు. కానీ సినిమా కంటెంట్ పరంగా చాలా బలంగా ఉంటుంది. టేకింగ్ పరంగా ఇంకా బలంగా ఉంటుంది. అందుకే అందరూ ఈ సినిమాని అంత పొగిడారు. ఈ సినిమా ఈ కారణంగానే అన్ని అవార్డులు కూడా అందుకుంది.

ALSO READ : ఇలాంటి సీన్ చేసే ధైర్యం ఏ తెలుగు హీరోకి అయినా ఉందా..? విషయం ఏంటంటే..?

April 17, 2024

Mythology

రాముడికి సోదరి ఉన్నారన్న విషయం మీకు తెలుసా..? ఆమె పేరు ఏంటంటే..?

by Sainath Gopi April 17, 2024

written by Sainath Gopi

రామాయణం. ఇది తెలియని భారతదేశ ప్రజలు ఉండరు ఏమో. తరతరాల నుండి రామాయణాన్ని చెప్తూ వస్తున్నారు. ఒక వారసత్వంగా తమ నుండి తమ పిల్లలకి, వారు వారి పిల్లలకి ఇస్తూ ఉన్నారు. రామాయణ ఘనతని ప్రపంచవ్యాప్తంగా చాటి చెప్పాలి అనే ఉద్దేశంతో పుస్తకాలు రాయడంతో పాటు, సినిమాలు కూడా రూపొందిస్తున్నారు. అలాగే ఎన్నో భాషల్లో ఇవి అందుబాటులో ఉండేలాగా చూస్తున్నారు. రామాయణంలో ఉండే వారి గురించి అందరికీ తెలుసు. సీతారాములు, లక్ష్మణుడు, దశరథుడు, భరతుడు ఇలా అందరి గురించి తెలుసు.

lord rama sister shantha

కానీ శ్రీరాముడికి ఒక సోదరి ఉన్నారు అన్న విషయం ఎంత మందికి తెలుసు? శ్రీరాముడికి కేవలం తమ్ముళ్లు మాత్రమే ఉన్నారు అని చాలా మంది అనుకుంటారు. కానీ శ్రీరాముడికి ఒక సోదరి ఉన్నారు. ఆమె పేరు శాంత. శాంత శ్రీరాముడికి అక్క అవుతారు. కౌసల్య ముందుగా ఒక ఆడపిల్లకి జన్మనిచ్చారు. ఆమెకి శాంత అని నామకరణం చేశారు. ఆ పాపకి కాలు సరిగ్గా లేదు. దగ్గరి బంధువులు పెళ్లి చేసుకోవడం వలన పాప అలా ఉంది అని, ఎవరికైనా దత్తత ఇస్తే పాప మామూలుగా అవుతుంది అని మహర్షులు చెప్తారు. దాంతో అంగదేశాధీశుడైన రోమపాదుడు అనే రాజుకి శాంతని దత్తత ఇచ్చారు. రోమపాదుడి భార్య, కౌసల్యకి సోదరి అవుతారు. రోమపాదుడికి సంతానం లేదు.

lord rama sister shantha

అందుకే ఆ దంపతులకు శాంతని దత్తత ఇచ్చారు. ఆ తర్వాత శాంత మామూలుగా అయ్యారు. అంగ రాజ్యంలో శాంత పెరిగారు. ఒకరోజు శాంత, రోమపాదుడితో ఒక చర్చలో ఉన్నప్పుడు, అక్కడికి ఒక బ్రాహ్మణుడు వచ్చి, తాను వ్యవసాయం చేయాలి అనుకుంటున్నట్టు చెప్పి, అందుకు ఏమైనా సహాయం అందించమని అడుగుతాడు. చర్చలో మునిగిపోయిన కారణంగా రోమపాదుడు బ్రాహ్మణుడి మాటని వినిపించుకోలేదు. దాంతో తన భక్తునికి జరిగిన అవమానాన్ని ఇంద్రుడు సహించలేక అంగరాజ్యం కరువుతో అల్లాడుతుంది అని చెప్తారు. ఎన్నో సంవత్సరాలు గడుస్తాయి. అంగ రాజ్యంలో వర్షాలు కురవవు.

lord rama sister shantha

దాంతో ఒక గుణవంతుడు అక్కడ యాగం చేస్తే రాజ్యంలో వర్షాలు కురుస్తాయి అని రాజ గురువులు చెప్పడంతో, రుష్యశృంగుడు అనే ముని కుమారుడిని ఆకర్షించి రాజ్యానికి తీసుకురావాలి అనే ఉద్దేశంతో శాంత వెళ్తారు. శాంతని చూసి రుష్యశృంగుడు ఇష్టపడడంతో వాళ్ళిద్దరికీ పెళ్లి జరుగుతుంది. అసలు శ్రీరాముడి జననానికి కూడా ఒకరకంగా శాంత కారణం అని అంటారు. ఎందుకంటే దశరధుని చేత రుష్యశృంగుడు పుత్రకామేష్టి యాగాన్ని చేయిస్తారు. ఆ యాగానికి ఫలంగానే రాముడు, లక్ష్మణుడు, భరతుడు, శత్రుఘ్నుడు జన్మిస్తారు. కొంత మంది శాంత కథ కల్పితం అని కూడా అంటారు. కానీ ఉత్తరాదిన రిషివంశి అనే క్షత్రియ వంశం వాళ్ళు ఉంటారు. వాళ్లు రుష్యశృంగుడు, శాంత దంపతుల వారసులం అని నమ్ముతారు. రుష్యశృంగుడు, శాంత పేరున నేపాల్ లో మహాలక్ష్మి అనే ఒక ప్రదేశంలో గుడి ఉంది.

ALSO READ : ఈ 7 సుగుణాల వల్లే… శ్రీరాముడు “ఆదర్శ పురుషుడు” అయ్యాడా..?

April 17, 2024

Mythology

ఈ 7 సుగుణాల వల్లే… శ్రీరాముడు “ఆదర్శ పురుషుడు” అయ్యాడా..?

by Sainath Gopi April 17, 2024

written by Sainath Gopi

రామాయణం భారతీయులకు ఎంత ముఖ్యమైన గ్రంథమో అందరికి తెలిసిందే. అందులోని ప్రతి భాగం నీతినే బోధిస్తుంది. ధర్మం ప్రకారం ఎలా నడుచుకోవాలో వివరిస్తుంది. అందులోని ఘట్టాలన్నీ ధర్మాచరణకు అద్దం పడతాయి. శ్రీ రాముడు మొదలుకొని ప్రతి వ్యక్తి ఎంతో కొంత ప్రభావాన్ని మనపై చూపిస్తారు. వేల సంవత్సరాలుగా రామాయణం మనలో భాగం అయిపొయింది.

అసలు రామాయణం అంటే.. రాముడు నడిచిన దారి. అయోధ్య నుంచి లంకానగరం వరకూ సాగిన ప్రయాణమే శ్రీమద్రామాయణ మహాకావ్యం. శ్రీ మహా విష్ణువు యొక్క ఏడో అవతారం రాముని అవతారం. ర్మానికి, న్యాయానికి, నీతికి, మంచికి, మర్యాదకు, విలువలకు, నైతికతకు నిలువుటద్దం శ్రీరాముడు.