Filmy Adda

సూప‌ర్‌స్టార్ మహేష్ బాబు మూవీ నుండి అప్ డేట్ వస్తుందంటే తెలుగు ఇండస్ట్రీలో సంద‌డి ఎలా ఉంటుందో  ప్రత్యేకంగా చెప్పనవసరం లేదు. స‌ర్కారు వారి పాట తరువాత మ‌హేష్ నుండి ఇప్పటివరకు కొత్త మూవీ రాలేదు.

మహేష్ బాబు మాట‌ల మాంత్రికుడు త్రివిక్ర‌మ్ శ్రీనివాస్ కాంబోలో వ‌స్తోన్న మ‌హేష్ 28వ చిత్రం షూటింగ్ మొదలయ్యి ఇప్పటికే రెండు షెడ్యూల్స్ ను పూర్తి చేసుకుంది. గత కొద్ది రోజుల నుండి ఈ మూవీ టైటిల్స్ సంబంధించిన వార్తలు సోషల్ మీడియాలో చక్కర్లు కొడుతున్నాయి. ఆ వివరాలు ఏమిటో ఇప్పుడు చూద్దాం..
ఈ సినిమా గురించి నెల రోజులుగా సోషల్ మీడియాలో హంగామా మామూలుగా లేదు. మ‌హేష్ బాబు తండ్రి సూప‌ర్‌ స్టార్ కృష్ణ జయంతి సందర్భంగా ఈ చిత్ర టైటిల్ మరియు ఫస్ట్ గ్లింప్స్ విడుదల చేయనున్నారని టాక్. మే 31న ఈ మూవీ నుండి అప్‌డేట్ వ‌స్తుంద‌ని మ‌హేష్ ఫ్యాన్స్ ఎదురుచూస్తున్నారు.
సూప‌ర్‌ స్టార్ కృష్ణ మరణించిన తరువాత వస్తున్న మొదటి జయంతి కావడంతో ఘ‌ట్ట‌మ‌నేని అభిమానులకు మూవీ అప్‌డేట్ తో సంతోషం కలిగించాలని భావిస్తున్నారు. ఈ చిత్రానికి ఏ టైటిల్ పెడ‌తార‌న్న‌ది ఇంకా  ఫైనల్ కాక‌పోయినా 6 టైటిల్స్ సోష‌ల్ మీడియాలో వైరల్ అవుతున్నాయి అవి ఏమిటంటే..
1. అయోధ్యలో అర్జునుడు:

అ సెంటిమెంట్ ను కొనసాగిస్తూ  ‘అయోధ్యలో అర్జునుడు’ అనే టైటిల్ ని ఫిక్స్ చేసినట్లు గత ఏడాది ఒక వార్త వినిపించింది. అయోధ్య అంటే రాముడు గుర్తుకు వస్తాడు. అయితే రామాయణ, మహాభారతాలను కలుపుతూ త్రివిక్రమ్ ‘అయోధ్యలో అర్జునుడు’ అనే వెరైటీ టైటిల్ పెట్టారని టాక్.
2. అమ్మకథ:

ఆ మధ్య ఈమూవీకి ‘అమ్మకథ’ అనే టైటిల్‌ను పెట్టినట్లుగా సోషల్ మీడియాలో రూమర్లు వచ్చాయి. ఈ టైటిల్‌ కాస్త డీఫెరెంట్ గా ఉందనే టాక్ వచ్చింది. ‘అ’ సెంటిమెంట్‌ను ఇక్కడా వదలవా అని మహేష్‌ ఫ్యాన్స్ త్రివిక్రమ్ పై కామెంట్స్ చేశారు.
3. అమరావతికి అటు ఇటు:

ఇక టైటిల్స్‌ అన్నింటిలోకి  ‘అమరావతికి అటుఇటు’ అనే దాని పైనే ఎక్కువగా చ‌ర్చ జ‌రుగుతోంది. అంతేకాకుండా  త్రివిక్ర‌మ్ సినిమాల టైటిల్స్ లో ‘అ’ అనే అక్ష‌రంతో మొదలవుతాయనే  విషయం తెలిసిందే. అది త్రివిక్ర‌మ్ సెంటిమెంట్.
4. గుంటూరు కారం:

ఇక అమరావతికి అటుఇటు తరువాత ‘గుంటూరు కారం’ అనే టైటిల్ కు ఎక్కువగా మొగ్గుచూపుతున్నట్లు తెలుస్తోంది.
5. ఊరికి మొనగాడు:
మహేష్ బాబు తండ్రి సూపర్ స్టార్ కృష్ణ హీరోగా కె. రాఘవేంద్ర రావు దర్శకత్వంలో వచ్చిన సినిమా టైటిల్ ఊరికి మొనగాడు. ఈమూవీ అప్పట్లో సంచలన విజయం సాధించింది.
6. పల్నాడు పోటుగాడు:

తాజాగా మరో టైటిల్ వినిపిస్తోంది. ‘పల్నాడు పోటుగాడు’ అనే టైటిల్‌ను ఖరారు చేసే అవకాశం ఉందని వినిపిస్తోంది.ఈ మూవీ కథ పల్నాడు బ్యాగ్‌డ్రాప్‌తో సాగుతుందట. దాంతో ఈ టైటిల్ అయితే పర్ఫెక్ట్‌ అని భావిస్తున్నారంట.

Also Read: “ప్రభాస్” తో పాటు… “త్రిష” తో 3 కంటే ఎక్కువ సినిమాల్లో నటించిన 7 హీరోలు..!

సినిమాల ప్రభావం మన మీద ఎంతగా పడుతుందో తెలిసిందే. నచ్చిన హీరోలు ఎలాంటి పద్ధతుల్ని ఫాలో అవుతారో ఆ విధంగానే మనం కూడా ఫాలో అవడానికి ప్రయత్నం చేస్తూ ఉంటాము. కొంతమంది అయితే హీరోలు ధరించే దుస్తులను చూసి కొనుగోలు చేస్తూ ఉంటారు. అలానే వాళ్ళ యాటిట్యూడ్ ని వాళ్ళ స్టైల్ ని కూడా ఫాలో అవుతూ ఉంటారు.

నచ్చిన సినిమాల్లో డైలాగులని వాడడం.. వాళ్ల మేనరిజాన్ని అనుసరించడం ఇలా ఎవరికి నచ్చినట్టు వాళ్ళు నడుచుకుంటూ ఉంటారు.

అయితే ఇది ఈ రోజుల్లోనే కాదు ఇది వరకు కూడా హీరోలు, హీరోయిన్లని చూసి అలా ఫాలో అవుతూ ఉండేవారు. ఇక ఇదిలా ఉంటే కమల్ హాసన్, సరిత జంటగా నటించిన మరో చరిత్ర సినిమా గురించి మీకు తెలిసే ఉంటుంది. కే. బాలచంద్రన్ ఈ సినిమాకి దర్శకత్వం వహించారు. అద్భుతమైన ప్రేమ కావ్యం ఇది.

ఈ సినిమా అప్పట్లో ఎంతో మంది హృదయాలని గెలుచుకుంది. యూత్ అయితే ఏకంగా ఈ సినిమాని అనేక సార్లు చూశారు. ఈ సినిమాకి అద్భుతమైన ట్రాజిడీ ఎండింగ్ ని ఇచ్చారు దర్శకుడు. ఈ చిత్రం అప్పటి ప్రేక్షకులకి బాగా కనెక్ట్ అయ్యింది. ఇక ఇది ఇలా ఉంటే అప్పట్లో ఈ సినిమాని ఆదర్శంగా తీసుకుని చాలా మంది ఆత్మహత్య కూడా చేసుకున్నారు.

ప్రేమలో సక్సెస్ అవ్వలేదు అని సూసైడ్ నోట్ రాసి ఈ సినిమా గురించి కూడా రాసి చనిపోయేవారట. ఏకంగా 20 జంటలకు పైగా ఈ సినిమాను చూసి సూసైడ్ చేసుకున్నారు. దీనితో మానవహక్కుల సంఘాలు మరియు కొన్ని అభ్యుదయ సంఘాలు దర్శకుడు బాలచంద్రన్ ని తిట్టడం మొదలు పెట్టాయి. అప్పుడు బాల చంద్రన్ ఈ సినిమాను తీసి తప్పు చేశాను. నా జీవితంలో చేసిన పెద్ద పొరపాటు ఇది క్షమించండి అని చెప్పారు. అలాగే ఈ సినిమాని తీసినందుకు ప్రతి రోజు నేను పశ్చాతాప పడుతున్నాను అని ఆయన చెప్పారు.

చక్కటి రూపంతో ఆకట్టుకునే చిరునవ్వుతో సంప్రదాయ బద్దంగా కనిపించే నటి కీర్తి సురేష్. మహానటి చిత్రం తరువాత తెలుగు ఇండస్ట్రీలో ఆమె నటనతో నిజంగానే మహానటి పేరు తెచ్చుకున్న నటి ఈమె.

తను హీరోయిన్ అవ్వడానికి ఇన్స్పిరేషన్ తన తల్లి మేనకే అన్న విషయం చాలా ఇంటర్వ్యూలో కీర్తి సురేష్ చెప్పుకొచ్చింది. ఆమె తల్లి మేనక హీరోయిన్గా చాలా కొద్ది సినిమాలే చేసిన… మంచి నటిగా గుర్తింపు తెచ్చుకుంది.

కీర్తి సురేష్ ఇప్పటికి ఎన్నో సినిమాల్లో నటించినప్పటికీ కొద్ది సినిమాలు మాత్రమే ఆమెకు సక్సెస్ను అందించాయి. ఆమె నటించిన అన్ని చిత్రాల్లోకి మహానటి ఆమె కెరీర్లో ది బెస్ట్ మూవీ గా నిలిచింది. అప్పటివరకు క్యాజువల్ పాత్రలో కనిపించే కీర్తి సురేష్ లో ఒక మహానటి దాగుంది అన్న విషయం ఈ సినిమా ద్వారానే ప్రేక్షకులకు తెలిసింది.

Also Read: Sita Ramam Movie Dialogues : సీతా రామం సినిమాలోని అదిరిపోయే డైలాగులు!

మహానటిలో కీర్తి సురేష్ నటన చూసిన తల్లి ఎంతో ఎమోషనల్ అయ్యారు, తాను తన కెరీర్లో చేయలేకపోయిన పని తన కూతురు చేసిందని ఎంతో గర్వపడ్డారు. తన కూతురు నటించిన అన్ని సినిమాలు తనకు నచ్చాయని , కానీ ఆమె చేసిన “పెంగ్విన్” సినిమా మాత్రం ఆమెకు నచ్చలేదని చెప్పారు. మహానటి లాంటి చిత్రంలో నటించిన తన నటనతో అందరినీ మెప్పించిన కీర్తి సురేష్ బెంగళూరులో మాత్రం నటనపరంగా ప్రేక్షకులను ఆకట్టుకోలేక పోయిందని ఆమె అభిప్రాయపడ్డారు. 

Also Read: హీరోయిన్లకు ఏ మాత్రం తీసిపోని ఈ స్టార్ట్ హీరో భార్య ఎవరో గుర్తుపట్టారా.? వైరల్ అవుతున్న ఫోటో.!

ఎన్టీ రామారావు నటించిన బొబ్బిలి పులి చిత్రం రిలీజ్ అయి ఈ నాటికి 40 సంవత్సరాలు పూర్తి కావస్తున్నా ఇంకా ఆ చిత్రం అందరి గుండెల్లో నిలిచి ఉంది. బొబ్బిలి పులి సినిమా నేటి తరానికి కూడా ఎన్నో నేర్పింది, పవర్ఫుల్ పంచ్ డైలాగ్స్ ఈ సినిమా తో నే మొదలయ్యాయి అని చెప్పొచ్చు.

కానీ ఈ చిత్రంలోని సన్నివేశాలన్నీ అప్పటి ఇందిరాగాంధీ గవర్నమెంటుకి విరుద్ధంగా ఉన్నాయని భావించిన మద్రాస్ రీజినల్ కమిటీ సెన్సార్ బోర్డు వారు చిత్రంలో ఎన్టీఆర్ కి సంబంధించిన చాలా సీన్స్ తొలగించాలి అని రిపోర్ట్ ఇచ్చారు.

రివైజింగ్ కమిటీని అప్రోచ్ అయిన డైరెక్టర్ దాసరి మరియు ప్రొడ్యూసర్ వడ్డే రమేష్ కు కమిటీ చైర్మన్ ఎల్.వి.ప్రసాద్ చిత్రం క్లైమాక్స్ తొలగించవలసిందిగా రివ్యూ ఇచ్చారు. అది నచ్చని వారు ఢిల్లీలోనే తేల్చుకుంటామని అక్కడ నుంచి గమ్ముగా నిష్క్రమించారు. అవసరమైతే సినిమా రిలీజ్ కోసం దాసరి ఆమరణ నిరాహార దీక్ష చేయడానికి కూడా సిద్ధపడ్డారు.

“ఈ చిత్రంలోని ” జననీ జన్మభూమిశ్చ…”పాట ఈరోజుకి విన్నవారి నరాల్లో దేశభక్తితో నెత్తురు ఉరకలెత్తుతుంది. అలాంటి అత్యుత్తమమైన సినిమా రిలీజ్ కు ప్రతిబంధకాలు ఏర్పడ్డాయని తెలుసుకున్న నటుడు ప్రభాకర్ రెడ్డి వడ్డే రమేష్ తో కలిసి ఢిల్లీ చేరుకున్నాడు. ఢిల్లీ చేరిన వెంటనే ఆయన ఒక 18 తెలుగు తమిళ ఐఏఎస్ ఆఫీసర్లకు ఈ చిత్రం షో వేసి చూపించారు. చిత్రం ఎక్సలెంట్ గా ఉంది దీనికి కట్స్ అవసరం లేదు మా సపోర్ట్ మీకు ఇస్తాము అని వాళ్ళ దగ్గర మాట తీసుకున్నారు.

ఆ తరువాత పీవీ నరసింహారావు గారికి , పెండికంటి వెంకటసుబ్బయ్య గారికి,జనరల్ కృష్ణ రావు మరియు అప్పటి డిప్యూటీ సీఎం జగన్నాధరావు లకు ఈ చిత్రాన్ని వేసి చూపించారు. అందరికీ ఆ చిత్రం నచ్చడంతో ఈ విషయాన్ని మేము చూసుకుంటామని వాళ్లు అభయమిచ్చారు. అక్కడికి సగం ఇబ్బంది దూరం చేసిన ప్రసాద్ రెడ్డి మద్రాస్ లో ఉన్న దాసరి కి ఫోన్ చేశాడు.

“మీరు వెంటనే ఢిల్లీకి బయలుదేరి రండి ఇంకో ఒక్కళ్ళకు ఈ చిత్రం చూపిస్తే మనకున్న అడ్డంకులన్నీ తీరిపోతాయి”అన్నారు ఫోన్ లో. దానికి దాసరి ఆ ఒక్కరు ఎవరు అని ప్రశ్నించగా ప్రసాద్ రెడ్డి అప్పటి ప్రెసిడెంట్ నీలం సంజీవరెడ్డికి ఆ చిత్రాన్ని చూపించాలి అన్న తన అభిప్రాయాన్ని వ్యక్తం చేశారు.

వెంటనే దాసరి ఢిల్లీ చేరుకున్నారు. నీలం సంజీవరెడ్డి గారు ఈ సినిమాని ప్రత్యేకంగా రాష్ట్రపతి భవన్ లో వీక్షించారు. స్వయంగా రాష్ట్రపతి సినిమా బాగుంది అని సర్టిఫికెట్ ఇచ్చిన తరువాత సెన్సార్ బోర్డుల వాళ్ళ కత్తర్లు అన్ని తిరిగి డ్రాయర్ సరుగుల్లోకి భద్రంగా చేరుకున్నాయి. జులై 9 1982న రిలీజ్ అయిన బొబ్బిలి పులి కి ప్రేక్షకులు బ్రహ్మరథం పట్టారు. ఎన్టీఆర్ కు పోటీగా ఎవరు నిలబడలేరు అని మరోసారి నిరూపించిన చిత్రం బొబ్బిలి పులి.

తెలుగు సినీ పరిశ్రమలో టాప్ హీరో ఎవరు? అంటే దానికి టక్కున సమాధానం చెప్పడం చాలా కష్టం. ఎందుకంటే మన తెలుగు సినీ పరిశ్రమలో ఉన్నంత మంది హీరోలు మరో సినీ పరిశ్రమలో లేరు. ఎవరికి వారే సపరేట్ ఫ్యాన్ బేస్ తో, సపరేట్ ఇమేజ్ తో సూపర్ క్రేజ్ తెచ్చుకున్న మన హీరోలు ఇప్పుడు ప్రపంచమంతా తమ వైపు తిప్పుకునే పనిలో పడ్డారు. ఈ మధ్యకాలంలో వరుసగా బాక్స్ ఆఫీస్ సక్సెస్ లను అందుకుంటూ అంతర్జాతీయ స్థాయిలో కూడా క్రేజ్ అందుకుంటున్నారు.

ఆర్మాక్స్ మీడియా ప్రతి నెలకి టాప్ తెలుగు హీరో, హీరోయిన్స్ లిస్ట్ విడుదల చేస్తుంది. అలా ఈ సంవత్సరం ఏప్రిల్ నెలకు సంబంధించిన హీరోల లిస్ట్ ప్రకారం ప్రభాస్ ఎప్పటిలాగే మొదటి స్థానం లో ఉండగా.. రామ్ చరణ్ రెండో స్థానం లో ఉన్నారు..

ఆర్మాక్స్ మీడియా సర్వే ప్రకారం టాప్ టెన్ హీరోలు ఎవరో ఇప్పుడు చూద్దాం..

#1 ప్రభాస్

యంగ్ రెబల్ స్టార్ పభాస్ పాన్ ఇండియా స్థాయిలో సత్తా చాటడంతో పాటు వరుసగా పాన్ వరల్డ్ స్థాయి ప్రాజెక్ట్ లలో నటిస్తూ కెరీర్ పరంగా బిజీగా ఉన్నారు. ఈ స్టార్ హీరోను నమ్మి నిర్మాతలు 2000 కోట్ల రూపాయల రేంజ్ లో ఖర్చు చేస్తున్నారు. ఇక ఈయన పలు సర్వ్ లలో కూడా నెంబర్ 1 గా నిలుస్తున్నారు. ఏప్రిల్ నెలలో కూడా ఆర్మాక్స్ మీడియా సర్వే లో మొదటిస్థానం నిలబెట్టుకున్నాడు ప్రభాస్.

#2 రామ్ చరణ్

కెరీర్ పరంగా బిజీగా ఉన్న చరణ్ రెండో స్థానాన్ని సొంతం చేసుకున్నారు.

#3 ఎన్టీఆర్

పలు క్రేజీ ప్రాజెక్టులు లైన్ లో పెట్టిన ఎన్టీఆర్ కు ఈ జాబితాలో మూడో స్థానం దక్కింది.

#4 అల్లు అర్జున్

ఐకాన్ స్టార్ అల్లు అర్జున్ ఈ జాబితాలో నాలుగో స్థానంలో నిలిచారు.

#5 మహేష్ బాబు

గతేడాది సర్కారు వారి పాట సినిమాతో సక్సెస్ ను ఖాతాలో వేసుకున్న మహేష్ బాబు ఈ జాబితాలో ఐదో స్థానంలో నిలిచారు.

#6 నాని

ఈ ఏడాది దసరా మూవీతో సక్సెస్ ను సొంతం చేసుకోగా ఈ హీరోకు ఆరో స్థానం దక్కింది.

#7 పవన్ కళ్యాణ్

పవర్ స్టార్ పవన్ కళ్యాణ్ ఈ జాబితాలో ఏడో స్థానంలో నిలిచారు. పవన్ పాన్ ఇండియా స్థాయి చిత్రాలు చేస్తే ఆయన రాంక్ కి తిరుగుండదు.

#8 చిరంజీవి

సీనియర్ హీరో మెగాస్టార్ చిరంజీవి కూడా గత కొంత కాలంగా ఆర్మాక్స్ సర్వేలో మంచి ర్యాంకును అందుకుంటూ వస్తున్నారు. వాల్తేరు వీరయ్య సినిమా బాక్స్ ఆఫీస్ వద్ద సంచలన విజయాన్ని అనుకోవడంతో ఇప్పుడు ఎనిమిదో స్థానంలో నిలిచారు.

#9 విజయ్ దేవరకొండ

ఈ మధ్య కాలంలో సరైన సక్సెస్ లేకపోయినా విజయ్ దేవరకొండ ఈ జాబితాలో తొమ్మిదో స్థానంలో నిలిచారు. ఆయన లేటెస్ట్ మూవీస్ అప్డేట్స్ తో సోషల్ మీడియా లో హాట్ టాపిక్ గా నిలిచారు ఈ రౌడీ హీరో.

#10 రవితేజ

మాస్ మహారాజ్ రవితేజ ఈ జాబితాలో పదో స్థానాన్ని సొంతం చేసుకున్నారు.

సినీ ఇండస్ట్రీ లో కాంట్రవర్సిస్ అనేవి చాలా సాధారణం. అది అందరికీ అందుబాటులో ఉంటుంది కాబట్టి వివాదాలు కూడా ఎక్కువగానే వస్తూ ఉంటాయి. సినిమా టైటిల్స్ నుంచి.. పాడిన పాటల వరకు కాంట్రవర్సీలు వస్తున్నాయి. అయితే కొన్ని సినిమాలు మొదలు కావడం తోనే పలు వివాదాలు చుట్టుముడుతున్నాయి.

అయితే వివాదాలు వచ్చినా.. అడ్డంకులు ఎదురయినా కొన్ని సినిమాలు రిలీజ్ అయ్యి సూపర్ హిట్స్ అయ్యాయి. వివాదాలు రావడం వల్ల సినిమాలకు మంచి పబ్లిసిటీ దక్కుతోంది. సినిమా గురించి కేసు అవ్వడం లేదంటే ఏదో ఒక సంఘం వారు తమ మనోభావాలు దెబ్బ తిన్నాయి అంటూ మీడియా ముందుకు రావడం వల్ల మాత్రమే సినిమాకు మంచి బజ్‌ క్రియేట్‌ అవుతుంది అనడంలో సందేహం లేదు. ఇప్పుడు ఆ లిస్ట్ లో ఏ ఏ మూవీస్ ఉన్నాయో చూద్దాం..

#1 ది కేరళ స్టోరీ

అదా శర్మ ప్రధాన పాత్రలో నటించిన ది కేరళ స్టోరీ సినిమా ట్రైలర్ రిలీజ్ అయినప్పటి నుంచి పలు వివాదాలు వచ్చాయి. కేరళలో అమాయకులైన అమ్మాయిలను లవ్ జిహాద్ పేరుతో మతమార్పిడి చేసి వారిని ఐఎస్ఐఎస్ క్యాంపుల్లో పంపించి దేశ వ్యతిరేకులుగా మార్చారనే కథాంశంతో ఈ సినిమాను తెరకెక్కించారు.

వివాదాస్పద అంశం అంటూ సినిమాను బ్యాన్ చేయాలంటూ డిమాండ్ చేశారు. చాలా రాష్ట్రాల్లో ఈ సినిమాకు వ్యతిరేకంగా ఆందోళన జరిగింది. సినిమా ను తమిళనాడు వంటి రాష్ట్రాల్లో బ్యాన్ చేయడం జరిగింది. కానీ ఈ మూవీ సూపర్ హిట్ అయ్యింది.

#2 దువ్వాడ జగన్నాధం

ఈ సినిమాలోని ఒడిలో బడిలో సాంగ్ చాలా పెద్ద కాంట్రవర్సీ క్రీట్ చేసింది. ఎంత అంటే మూవీ డైరెక్టర్ ఆ సాంగ్ లోని లిరిక్స్ కొన్ని చేంజ్ చేసే అంతగా. బ్రాహ్మణ సంఘాలు ఈ ప్రొటెస్ట్ చేసాయి. ఇక కొన్ని సన్నివేశాల పట్ల కూడా వివాదాలు వచ్చాయి. కానీ ఈ మూవీ రిలీజ్ అయిన తర్వాత సూపర్ హిట్ అయ్యింది.

#3 బస్ స్టాప్

ఈ మూవీ డైరెక్టర్ మారుతీ దర్శకత్వంలో తెరకెక్కింది. ఈ సినిమాలోని సీన్స్ చాలా వరకు వల్గర్ గా ఉన్నాయి అని చాలా స్టూడెంట్ ఆర్గనైజేషన్స్ ప్రొటెస్ట్ చేసాయి. సంధ్య థియేటర్ ముందు ఫ్లెక్సీ లు కూడా కాల్చి పారేశారు.. యూత్ ను చెడగొట్టే విదంగా ఈ సినిమాను తీశారు అంటూ స్టూడెంట్ ఆర్గనైజేషన్స్ చాలా హంగామా చేసారు..సినిమా రిలీస్ అయ్యి విజయం సాధించింది.

#4 కృష్ణం వందే జగద్గురుమ్

క్రియేటివ్ డైరెక్టర్ క్రిష్ తెరకెక్కించిన ఈ మూవీ లో రానా హీరో గా నటించారు. ఈ మూవీ మొత్తం బళ్లారి మైనింగ్ చుట్టూనే తిరుగుతుంది. ఒక ప్రముఖ పార్టీ లీడర్ ని ఈ మూవీ లోని మాఫియా లీడర్ రెడ్డప్ప లాగా చూపించారు అని పొలిటికల్ పార్టీస్ చాలా గొడవ చేసాయి. ఈ మూవీ కూడా సూపర్ హిట్ అయ్యింది.

#5 దేనికైనా రెడీ

సినిమా గురించి కొన్ని బ్రాహ్మణ ఆర్గనైజషన్స్ కంప్లైంట్ చేశాయి.. పెద్ద సిన్ ఏ క్రియేట్ చేశాయి.. కానీ సినిమాలో ఏం లేదు.. అన్ని కామన్ గా ఉన్నాయి. చాలా పెద్ద పెద్ద గొడవలు అయ్యాయి కానీ ఎం ఉపయోగం లేదు.. సినిమా రిలీస్ అయ్యి మంచు వారికి మంచి విజయాన్ని ఇచ్చింది ఈ సినిమా.

#6 అర్జున్ రెడ్డి

రౌడీ హీరో విజయ్ దేవరకొండ ని స్టార్ హీరో గా మార్చింది ఈ మూవీ. సందీప్ రెడ్డి వంగ తెరకెక్కించిన ఈ మూవీ లో అభ్యంతరకరమైన సీన్స్ ఎక్కువగా ఉన్నాయి అని కొందరు రాజకీయ నాయకులు సినిమా పోస్టర్లను చించేశారు కూడా. కానీ ఈ మూవీ రిలీజ్ అయ్యి సూపర్ హిట్ అయ్యింది.

#7 పఠాన్

షారుఖ్ ఖాన్, దీపికా పదుకొనే యాక్ట్ చేసిన సినిమా రీసెంట్ టైమ్స్ లో బాలీవుడ్ కి ఎంత పెద్ద హిట్ ఇచ్చిందో మనకి తెలుసు. కానీ దానికి ముందు ఈ సినిమా ని బ్యాన్ చెయ్యాలి అని కొన్నాళ్ళు వాడి వేడి చర్చలు, నిరసనలు, సినిమా పోస్టర్స్ ని చింపేసి థియేటర్ ఓనర్స్ ని బెదిరించి సినిమా రిలీజ్ చేసారు అవ్వకుండా చేద్దాం అనుకున్నారు. అసలు ఈ వివాదానికి కారణం ఆ సినిమాలో ఒక పాటలో దీపిక ఒక ఆరెంజ్ కలర్ డ్రెస్ వేసుకోవడం.

ఆ కలర్ డ్రెస్ ఓక మత విశ్వాసాలను దెబ్బతీసేలా చేశాయి అని రాజకీయ పార్టీలు మరియు అనేక సంస్థలు ఆ సినిమాని నిషేధించాలి అన్నారు. కానీ ఆ మూవీ 1000 కోట్లు వరల్డ్ వైడ్ గా కలెక్ట్ చేసి మంచి యాక్షన్ థ్రిల్లర్ గా నిలిచింది.

#8 కాశ్మీరీ ఫైల్స్

వివేక్ అగ్నిహోత్రి తెరకెక్కించిన ఈ చిత్రం లో కాశ్మీర్ లో ఉన్న కాశ్మీరీ పండిట్స్ గురించి వాళ్ళు పడ్డ కష్టాల గురించి చెప్పారు. ఐతే ఈ సినిమా నిజమైన నిజాలు ని చూపించలేదు అని పక్షపాతంగా సినిమా ని తీసారు అని ఒక వర్గం ప్రజలు నిరసన చేసారు. దాదాపు 10 రెట్లు సినిమా బడ్జెట్ ని కలెక్ట్ చేసి బ్లాక్ బస్టర్ హిట్ అయింది.

#9 పద్మావత్

2017 టైమ్‌లో చాలా పెద్ద వివాదం అయినా సినిమాల్లో ఇది ఒక్కటి. ఈ సినిమాలో ఘూమర్ అనే పాటలో దీపికా కాస్ట్యూమ్ అనుచితంగా ఉంది అని రాజ్‌పుత్ సంస్థలు మరియు ఇతర సంఘాలు నిరసన చేశాయి. సినిమా రిలీజ్ అయ్యాక ఒక పెద్ద బ్లాక్ బస్టర్ అయింది.

#10 PK

ఈ మూవీ లో సున్నితమైన మాట విశ్వాసాలను ప్రశ్నిచడం తో కొందరు ఈ చిత్రం విడుదల కాకూడదు అని అన్నారు. కానీ ఇది అత్యధిక వసూళ్లు రాబట్టిన భారతీయ చిత్రాల్లో ఒకటిగా నిలిచింది.

#11 డర్టీ పిక్చర్

ప్రముఖ నటి సిల్క్ స్మిత జీవితం ఆధారం గా వచ్చిన చిత్రం ది డర్టీ పిక్చర్. మూవీలో ఉన్న కంటెంట్ చాలా మందికి నచ్చలేదు, అడల్ట్ ఫిల్మ్ ఇండస్ట్రీని ప్రోత్సహిస్తుంది అని సినిమాని బ్యాన్ చేయమన్నారు. ఈ చిత్రాన్ని అద్భుతం గా తెరకెక్కించారు.

#12 బలగం

మార్చి 3న విడుదలై సూపర్ హిట్ మూవీ బలగం. కమెడియన్ వేణు తెరకెక్కించిన ఈ మూవీ కథ నాదే అంటూ ప్ర‌ముఖ తెలంగాణ దిన‌ప‌త్రిక‌లో ప‌నిచేసే జ‌ర్న‌లిస్ట్ గ‌డ్డం స‌తీష్ అన్నారు. 2011లో తాను రాసిన ‘ప‌చ్చికీ’ క‌థ‌ను బ‌ల‌గం పేరుతో కాస్త చిన్న మార్పులు చేసి తెర‌కెక్కించార‌ని ఆయన అన్నారు.

#13 ఆర్ఆర్ఆర్

తెలుగు సినిమా ఖ్యాతిని అంతర్జాతీయ స్థాయికి చేర్చిన మూవీ ఆర్ఆర్ఆర్. ఈ మూవీ పై కూడా మొదట్లో పలు వివాదాలు వచ్చాయి. అల్లూరి సీతా రామ రాజు, కొమరం భీం లను తప్పుగా చూపించారు అంటూ పలు వివాదాలు వచ్చాయి. అలాగే కొమరం భీం నిజాం కి వ్యతిరేకం గా పోరాటం చేస్తే ఆయన్ని ముస్లిం గా చూపించటం ఏంటి అంటూ నిరసనలు చేసారు.

#14 బాహుబలి

బాహుబలి తమిళ వెర్షన్ లోని ఒక డైలాగ్ దళితుల పట్ల అవమానకరమైనవిగా పరిగణించబడుతున్నాయని ఆ సంఘ సభ్యులు పేర్కొన్నారు. దీంతో దళితులను కించపరిచినందుకు తమిళ వెర్షన్ డైలాగ్ రైటర్ మధన్ కార్కీ క్షమాపణలు చెప్పారు.

ALSO READ : “దువ్వాడ జగన్నాథం” తో పాటు… సీన్స్ వల్ల “కాంట్రవర్సీ” సృష్టించిన 16 సినిమాలు..!

దర్శకధీరుడు రాజమౌళి తీసిన చిత్రం బాహుబలి… దీంతో ప్రాంతీయ చిత్రాలకు సరిహద్దులు చెరిగిపోయాయి. అయితే పక్క భాషలో క్రేజ్ ఉన్న హీరోతో సినిమా తీస్తే అది బ్లాక్ బస్టర్ అయిపోద్ది అని దర్శకులు భావించడం .. అలాగే పక్క రాష్ట్రాల్లో బ్లాక్ బస్టర్ కొట్టిన దర్శకులతో సినిమా తీస్తే బ్లాక్ బస్టర్ కొట్టేయొచ్చు అని హీరోలు అనుకోవడం ఎప్పటినుంచో జరుగుతుంది.

అయితే గత కొంత కాలంగా మన తెలుగు హీరోలకు తమిళ దర్శకులు ఏమాత్రం కలిసి రావడం లేదు. కోలీవుడ్ డైరెక్టర్లతో సినిమాలు చేసిన టాలీవుడ్ హీరోలకు బాక్సాఫీస్ వద్ద నిరాశే ఎదురవుతోంది. ఈ లిస్టులో మహేష్ బాబు ‘స్పైడర్’, విజయ్ దేవరకొండ ‘నోటా’, అలాగే రామ్ పోతినేని ‘ది వారియర్’ వంటి చిత్రాలు ఉన్నాయి. ఈ సినిమాలను తమిళ దర్శకులే తెరకెక్కించారు. ఇప్పుడు ఈ లిస్టులో నాగ చైతన్య ‘క‌స్టడీ’ కూడా చేరింది.

దీంతో టాలీవుడ్ హీరోలు కోలీవుడ్ డైరెక్ట‌ర్ల‌తో సినిమా చేస్తే ఫ్లాపే అన్న సెంటిమెండ్ బ‌ల‌ప‌డింది. ఈ నేపథ్యం లో మెగా ఫాన్స్ కి కొత్త భయం పట్టుకుంది. మెగా పవర్ స్టార్ రామ్ చరణ్ కోలీవుడ్ డైరెక్టర్ శంకర్ తో `గేమ్ ఛేంజర్` మూవీ చేస్తున్న సంగతి తెలిసిందే. ల్ రాజు నిర్మాణంలో హై బడ్జెట్ తో పాన్ ఇండియా స్థాయిలో ఈ మూవీని రూపొందిస్తున్నారు. పొలిటికల్ యాక్ష‌న్ థ్రిల్ల‌ర్ గా రూపుదిద్దుకుంటున్న ఈ చిత్రం వచ్చే ఏడాది సంక్రాంతికి విడుదల కాబోతోంది.

ఇప్పుడు ఈ మూవీ విష‌యంలో ఎక్క‌డ కోలీవుడ్ డైరెక్ట‌ర్ల‌ బ్యాడ్ సెంటిమెంట్ రిపీట్ అవుతుందో అని మెగా అభిమానులు వ‌ర్రీ అవుతున్నారు. ఒకవేళ ఈ సినిమా క‌నుక ఫ్లాప్ అయితే త‌మిళ ద‌ర్శ‌కుల‌తో వ‌ర్క్‌ చేసేందుకు టాలీవుడ్ హీరోలు భ‌య‌ప‌డ‌తారు అన‌డంలో సందేహం లేదు. అలాగే మరోవైపు ప్రొడ్యూసర్ దిల్ రాజు కెరీర్ కూడా ఈ మూవీ పైనే ఆధార పడి ఉంది.

ఈ మధ్య కాలంలో దిల్ రాజుకు అటు ప్రొడ్యూసర్ గా, డిస్ట్రిబ్యూటర్ గా భారీ షాకులు తగిలాయి. దిల్ రాజుకు గత నెల రోజుల్లో ఏకంగా 35 కోట్ల రూపాయల నష్టాలు వచ్చాయని సమాచారం. శాకుంతలం, కస్టడీ సినిమాల ఫలితాలు దిల్ రాజుకు భారీ షాకిచ్చాయి. గేమ్ ఛేంజర్ సినిమా భారీ విజయం సాధిస్తే దిల్ రాజుకు ఈ నష్టాలు అన్నీ భర్తీ అయ్యే అవకాశం ఉంది. ఇక భారీ అంచనాలున్న చరణ్ శంకర్ కాంబో మూవీ షూట్ అంతకంతకూ ఆలస్యమవుతోంది.

‘జబర్దస్త్’ కామెడీ షో యాంకర్ సౌమ్యారావు గురించి ప్రత్యేకంగా పరిచయం చేయాల్సిన అవసరం లేదు. యాంకర్‌గా మారక ముందు సౌమ్యా రావు సీరియల్స్‌లో నటించి మంచి గుర్తింపును సంపాదించుకుంది.

ఆ తర్వాత సౌమ్యా రావు అనుకోకుండా యాంకర్ గా ‘జబర్దస్త్’ షోలో ఎంట్రీ ఇచ్చింది. ఆమెకు అంతగా తెలుగు రాకపోయినా తన తెలుగుతో ఆడియెన్స్ ను అలరిస్తోంది. కంటెస్టెంట్ల మీద పంచులు వేస్తూ, నవ్విస్తూ ఉంటుంది. మదర్స్ డే సందర్భంగా సౌమ్యా రావు తన తల్లి గురించి ఎమోషనల్ పోస్ట్ షేర్ చేసింది. ఆ వివరాలు ఇప్పుడు చూద్దాం..సీరియల్స్ ద్వారా బుల్లితెర ఆడియెన్స్ ను ఆకట్టుకున్న సౌమ్యా రావు, అనుకోకుండా ‘జబర్దస్త్’ షో యాంకర్ గా మారింది. ఈ షోలో చలాకీగా, తన మాటలతో నవ్వుతూ, నవ్విస్తూ ఉండే సౌమ్య రియల్ లైఫ్ లో చాలా సమస్యలను  ఎదుర్కొంది. ముఖ్యంగా సౌమ్యా రావు తల్లి తీవ్రమైన అనారోగ్య సమస్యలతో ఇబ్బంది పడింది. మదర్స్ డే రోజున సౌమ్యా రావు తన తల్లి వీడియోను సామాజిక మాధ్యమంలో షేర్ చేస్తూ, చివరి రోజుల్లో తల్లి పడిన బాధను గుర్తు చేసుకుని భావోద్వేగానికి గురైంది.
తన తల్లి పడిన నరకయాతన మరో తల్లికి రాకూడదని ఎమోషనల్ అయ్యారు. “అమ్మ, డాక్టర్లు, అంబులెన్స్, మందులు, ట్రీట్‌మెంట్, బాధ. అది ఒక బాధాకరమైన జ్ఞాపకంగా మిగిలిపోయింది. దేవుడికి ఎన్ని పూజలు, ఉపవాసాలు చేసినా వృథా అయ్యాయి. అమ్మా నువ్వు లేకుండా నా లైఫ్ అసంపూర్ణంగానే మిగిలిపోయింది.
నిన్ను ప్రతి క్షణం మిస్ అవుతున్నాను. అమ్మా, నువ్వు మళ్లీ నా కోసం పుడతావని ఎంతగానో ఎదురు చూస్తున్నాను. దేవుడా నా తల్లిదండ్రులను మళ్ళీ నాకు ఇవ్వు” అంటూ తన తల్లికి మదర్స్ డే విషెస్ చెప్తూ సౌమ్యా రావు ఎమోషనల్ అయ్యారు. సౌమ్య రావు పోస్ట్‌ చూసిన నెటిజెన్లు ఓదారుస్తూ కామెంట్స్ పెడుతున్నారు. మీరు జీవితంలో కొల్పోయిన ఆనందాలను దేవుడు తిరిగి ఇస్తాడని సోషల్ మీడియాలో కామెంట్స్‌ చేస్తున్నారు.

https://www.instagram.com/p/CsNwyCTgnmJ/

Also Read: యంగ్ క్రికెటర్ “యశస్వి జైస్వాల్”… రాజమౌళి “విక్రమార్కుడు” సినిమాలో నటించారా?