Filmy Adda

ఇటీవల కాలంలో కంటెంట్ బేస్డ్ చిత్రాలు ఆడియెన్స్ ను ఎక్కువగా ఆకట్టుకుంటున్నాయి. కొన్ని సినిమాలు మంచి కంటెంట్ ఉండి చిన్న చిత్రాలుగా విడుదల అయ్యి, భారీ విజయాలను సాధిస్తున్నాయి. ఈ క్రమంలో వచ్చిన చిత్రం  బలగం. వేణు వెల్డండి దర్శకుడిగా మారి ఈ చిత్రాన్ని తెరకెక్కించారు.

చిన్న సినిమాగా రూపొందిన ‘బలగం’ రిలీజ్ అయిన తరువాత బాక్సాఫీస్ దగ్గర కళ్లుచెదిరే కలెక్షన్స్ వసూలు చేసి భారీ విజయాన్ని అందుకుంది. కమెడియన్ వేణు వెల్దండికి దర్శకుడిగా ఇది తొలి చిత్రం. ఈ ఎమోషనల్ సినిమాని చూసేందుకు ఆడియెన్స్ థియేటర్ల వద్ద క్యూ కట్టారు. తెలంగాణ విలేజ్ బ్యాక్ డ్రాప్ లో వచ్చిన ఈ మూవీ ఫ్యామిలీ ఆడియెన్స్‌ను ఎంతగానో ఆకట్టుకుంది. సినీ ప్రముఖులు మాత్రమే కాకుండా రాజకీయ ప్రముఖులు కూడా ఈ మూవీ పై ప్రశంసలు కురిపించారు.
బాక్సాఫీస్ దగ్గర వసూళ్లను కురిపించిన బలగం, ప్రస్తుతం ఓటీటీలో కూడా స్ట్రీమింగ్ అవుతోంది. అయినప్పటికి ఈ చిత్రాన్ని థియేటర్లలో చూడడానికే ఆడియెన్స్ ఇంట్రెస్ట్ చూపుతుండటం విశేషం. ఇక బలగం మూవీ యూనిట్ కూడా మూవీకి సంబంధించిన పలు విషయాలను రివీల్ చేస్తూ, ఆడియెన్స్ లో ఈ మూవీ పై ఆసక్తిని కొనసాగిస్తున్నారు. ఈ క్రమంలో తాజాగా ఈ చిత్రంలో హీరోగా చేసిన ప్రియదర్శి క్యారెక్టర్ కి సంబంధించిన ఒక వార్త ఇప్పుడు వైరల్ అవుతోంది.
ప్రియదర్శి ఈ మూవీలో సాయిలు అనే క్యారెక్టర్ లో నటించాడు.  తాజాగా ఇచ్చిన ఒక ఇంటర్వ్యూలో ప్రియదర్శి మాట్లాడుతూ నిర్మాత దిల్ రాజు కాల్ చేసి వేణు స్టోరి చెప్తాడు వినమని చెప్పారు. వేణు చెప్పిన స్టోరి నకు విపరీతంగా నచ్చింది. దాంతో వెంటనే అంగీకరించానని చెప్పాడు. అయితే ఈ మూవీలో సాయిలు పాత్రలో ముందు వేణునే చేయాలని భావించారంట. తరువాత ప్రియదర్శిని ఆ పాత్ర కోసం ఎంపిక చేశారట. సాయిలు క్యారెక్టర్ వేణునే చేసుంటే మంచి చిత్రాన్ని మిస్ అయ్యేవాడినని  ప్రియదర్శి తెలిపారు.
Also Read: ఆ సినిమాతో ప్రపంచ రికార్డు సాధించి చరిత్ర సృష్టించిన బెల్లంకొండ శ్రీనివాస్‌..

ఒకప్పుడు తమ అందం, నటనతో తెలుగు ప్రేక్షకులను ఆకట్టుకున్న హీరోయిన్స్ ప్రస్తుతం కుటుంబంతో గడుపుతున్నారు. అయితే కొంత మంది సీనియర్ హీరోయిన్స్ రెండవ ఇన్సింగ్స్ మొదలు పెట్టి వరుస సినిమాలతో బిజీగా ఉన్నారు. కొందరు హీరోయిన్స్ మాత్రం తమ పూర్తి సమయాన్ని ఫ్యామిలీకే వెచ్చించారు. అలాంటి హీరోయిన్స్  లో లయ ఒకరు. ఆమె ‘స్వయంవరం’ చిత్రంతో హీరోయిన్ గా టాలీవుడ్ లో ఎంట్రీ ఇచ్చారు.

తొలి సినిమాతోనే తన నటనతో ప్రశంసలు పొందింది. ఆ తర్వాత ప్రేమించు మనోహరం వంటి సినిమాలతో స్టార్‌ హీరోయిన్‌గా మారింది. లయ వరుసగా 3 నంది అవార్డులు పొందిన ఏకైన నటిగా గుర్తింపు తెచ్చుకుంది. సుమారు పదమూడు ఏళ్ల పాటు స్టార్‌ హీరోయిన్‌గా కొనసాగిన లయ కెరీర్‌ పీక్‌లో ఉన్న సమయంలోనే పెళ్లి చేసుకుని నటనకు వీడ్కోలు చెప్పారు. కొన్ని రోజులుగా సామాజిక మధ్యమాలలో యాక్టివ్ గా ఉంటూ రీల్స్, ఫోటోషూట్స్, డ్యాన్సులతో ఆకట్టుకుంటున్నారు.
లయ భర్త, పిల్లలతో పాటు అమెరికాలో నివసిస్తున్నారు. ఇటీవల లయ హైదరాబాద్ కి వచ్చారు. ఈ క్రమంలో వరుసగా ఇంటర్య్వూలు ఇచ్చింది. ఈవాటిలో తను అమెరికాలో జాబ్ చేసినట్టు, అలాగే ఆమె శాలరీ గురించి ఇంట్రెస్టింగ్ సంగతులను తెలిపారు. 2006లోతాను వివాహం చేసుకుని అమెరికాకు వెళ్లానని,  2011 నుండి 2017 వరకు ఐటీ సెక్టార్‌లో ఉద్యోగం చేసినట్లు తెలిపింది. నాలుగు సంవత్సరాలు ఫుల్‌ టైం పని చేశానని, అది కూడా ఇండియాకు చెందిన  ప్రముఖ ఐటీ కంపెనీకి వర్క్ చేసినట్లు చెప్పారు.
జాబ్ చేసే టైమ్ లో అన్ని ట్యాక్స్‌లు పోగా శాలరీ 12000 డాలర్స్‌ అని తెలిపింది. అనగా ఇండియన్‌ కరెన్సీలో సుమారు రూ. 960, 000. నాలుగేళ్లు తరువాత  2017లో ఉద్యోగం మానేసింది. అనంతరం తాను డాన్స్‌ స్కూల్‌ మొదలు పెట్టానని, కరోనా వల్ల అది కూడా మానేసి ఇంస్టాగ్రామ్ లో రీల్స్‌ మొదలు పెట్టానని తెలిపింది. ఎన్నో  సంవత్సరాల తర్వాత హైదరాబాద్‌ వచ్చిన లయ హైదరాబాద్‌ ఎంతగానో చేంజ్ అయిందని ఆశ్చర్యాన్ని వ్యక్తం చేస్తూ, న్యూయార్క్‌ సిటీ కన్నా హైదరాబాదే ఎంతో బాగుందని తెలిపింది.
Also Read: “మానవుడు దానవుడు” తో పాటు… సూపర్ స్టార్ “కృష్ణ” డైరెక్ట్ చేసిన 11 సినిమాలు..!

https://www.instagram.com/p/CqT9cSODIAq/

నట శేఖర కృష్ణ..తెలుగు వెండి తెరకు సరికొత్త ఒరవడులుదిద్దుతూ.. ఆయన పరిచయం చేయని జోనర్ లేదు అంటే అతిశయోక్తి కాదు. సుమారు 50 ఏళ్ల క్రితమే పాన్ ఇండియా సినిమాను తెరకెక్కించారు. అప్పట్లో బాలీవుడ్ లో సత్తా చాటుతూ ఆ సినిమా కాసుల వర్షం కురిపించింది. దర్శకులు మాత్రమే కాదు నిర్మాతల పాలిట కల్పవృక్షం.. మంచి మనసున్న వ్యక్తి.. సినీ పరిశ్రమలోని 24 క్రాప్ట్స్ పై పట్టు ఉన్న కృష్ణ తెలుగు చిత్ర పరిశ్రమలో చేయని ప్రయోగం లేదు.

కృష్ణ తన నట జీవితం లో రెండు హిందీ సినిమాలతో పాటు, పలు తెలుగు సినిమాలకు దర్శకత్వం వహించారు. కృష్ణ దర్శకుడిగా 16 చిత్రాలు చేశారు. అవేంటో చూద్దాం..

#1 సింహాసనం

కృష్ణ దర్శకత్వం వహించిన ఫస్ట్ మూవీ ‘సింహాసనం’. తెలుగులో తొలి70 ఎం.ఎం. మూవీ కూడా ఇదే. ఇందులో కృష్ణ నటించడంతో పాటు స్టోరీ, స్క్రీన్‌‌ప్లే, డైలాగ్స్, ఎడిటింగ్ చేశారు.

#2 సింగాసన్

‘సింహాసనం’ మూవీని జితేంద్ర హీరోగా ‘సింగాసన్’ పేరుతో రీమేక్ చేశారు.. అక్కడ కూడా ఘనవిజయం సాధించి.. కాసుల వర్షం కురిపించింది.

#3 శంఖారావం

కృష్ణ, తనయుడు మహేష్ బాబుతో నటించడమే కాక.. స్క్రీన్‌ప్లే, ఎడిటింగ్, డైరెక్షన్ చేసిన ఈ యాక్షన్ ఫిలిం సూపర్ హిట్ అయ్యింది..

#4 కలియుగ కర్ణుడు

నటశేఖర నటిస్తూ, స్క్రీన్‌ప్లే, డైరెక్షన్ చేసిన మరో మూవీ ‘కలియుగ కర్ణుడు’. ఇందులో ఆయన పెద్ద కుమారుడు రమేష్ బాబు కూడా నటించారు.

#5 ముగ్గురు కొడుకులు

రమేష్ బాబు, మహేష్ బాబులతో కలిసి నటించి.. స్క్రీన్‌ప్లే, డైరెక్షన్, ఎడిటింగ్ కూడా చేశారు సూపర్ స్టార్. పద్మాలయా స్టూడియోస్ బ్యానర్ మీద కృష్ణ గారి అమ్మ గారు ఘట్టమనేని నాగ రత్నమ్మ ఈ చిత్రాన్ని నిర్మించారు.

#6 కొడుకు దిద్దిన కాపురం

కొడుకు మహేష్ బాబుతో నటించగా సూపర్ హిట్ అయిన ఫ్యామిలీ పిక్చర్.. ‘కొడుకు దిద్దిన కాపురం’. ఇందులో మహేష్ ద్విపాత్రాభినయం చేసారు.

#7 అన్నా – తమ్ముడు

కృష్ణ, మహేష్ అన్నాదమ్ముళ్లుగా నటించిన ఈ చిత్రానికి ప్రొడ్యూసర్, డైరెక్టర్, ఎడిటర్, స్క్రీన్‌ప్లే రైటర్ కూడా కృష్ణే.

#8 బాలచంద్రుడు

బాల నటుడిగా స్టార్ స్టేటస్ తెచ్చుకున్న మహేష్ ని ప్రధాన పాత్రలో నటింపజేస్తూ.. దర్శకత్వంతో పాటు ఎప్పటిలానే తన శాఖలన్నిటికీ పని చేశారు కృష్ణ.

#9 ఇంద్రభవనం
తమ్ముడు జి.నరసింహ రావు నిర్మాతగా వచ్చిన కృష్ణ, కృష్ణంరాజుల మల్టీస్టారర్ మూవీ ఇది. ఇది పద్మాలయ స్టూడియోస్ బ్యానర్ లో వచ్చింది.

#10 మానవుడు.. దానవుడు

కృష్ణ నాయకుడిగా, ప్రతి నాయకుడిగా ద్విపాత్రాభినయం చేస్తూ.. సమర్పణతో పాటు స్క్రీన్‌ప్లే, డైరెక్షన్ చేశారు.

#11 ఇష్క్ హై తుమ్‌సే
తెలుగులో వచ్చిన ‘సంపంగి’ చిత్రాన్ని హిందీ లో ‘ఇష్క్ హై తుమ్‌సే’ గా రీమేక్ చేసారు కృష్ణ. డినో మోరియా, బిపాషా బసు ప్రధాన పాత్రల్లో నటించారు. పద్మాలయా బ్యానర్ మీద కృష్ణ గారి సోదరుడు జి.ఆదిశేషగిరి రావు నిర్మించగా.. నటశేఖర డైరెక్ట్ చేశారు. దర్శకుడిగా ఆయనకు ఇదే చివరి సినిమా.

మరాఠిలో ‘నటసామ్రాట్’ అనే టైటిల్‌తో రూపొందిన చిత్రాన్ని కృష్ణ వంశీ ‘రంగమార్తాండ’ పేరుతో తెలుగులోకి రీమేక్ చేశారు. ఈ మూవీ ఆరంభంలోనే అందరి దృష్టినీ ఆకర్షించింది. ఈ మూవీ ప్రపంచ వ్యాప్తంగా రూ. 2.30 కోట్లు మేర ప్రీ రిలీజ్ బిజినెస్‌ను జరుపుకుంది. ‘హౌస్‌ఫుల్ మూవీస్’, ‘రాజశ్యామల ఎంటర్‌టైన్‌మెంట్స్’ బ్యానర్ల పై కాలిపు మధు, ఎస్. వెంకట్‌రెడ్డి ఈ చిత్రాన్ని నిర్మించారు.

ఉగాది కానుకగా వచ్చిన ఈ చిత్రం మౌత్ టాక్ తో పబ్లిసిటీ ని సంపాదించింది. కానీ ‘రంగమార్తాండ’కు తెలుగు రాష్ట్రాల్లో ఫస్ట్ డే అనుకున్న రేంజ్‌లో వసూళ్లు రాలేదు. మొదటి రోజు రూ. 43 లక్షలు షేర్, రూ. 95 లక్షలు గ్రాస్ వచ్చింది. ఇలా ప్రమోషన్స్ పెద్దగా చేయకపోయినా.. 5 రోజుల వరకు బాగానే కలెక్షన్స్ వచ్చాయి. కానీ ఆరో రోజు నాటికి కలెక్షన్లు డౌన్ అయ్యాయి.

ఈ మూవీ బ్రేక్ ఈవెన్ కు రూ.2.5 కోట్ల వరకు షేర్ ను రాబట్టాలి. 6 రోజులు పూర్తయ్యేసరికి ఈ చిత్రం రూ.1.83 కోట్ల షేర్ ను రాబట్టింది. బ్రేక్ ఈవెన్ కి ఇంకో రూ.0.67 కోట్ల షేర్ ను రాబట్టాలి. ఇంకో రెండు రోజుల్లో ‘దసరా’ చిత్రం థియేటర్లలోకి రాబోతోంది కాబట్టి.. ‘రంగమార్తాండ’ చిత్రం నిలబడటం కష్టమనే చెప్పాలి.

ఇక అదే రోజు తన స్వీయ దర్శకత్వంలోనే విశ్వక్ సేన్ ‘దాస్ కా ధమ్కీ’ అనే సినిమాతో ప్రేక్షకుల ముందుకు వచ్చాడు. ఇందులో నివేదా పేతురాజ్ హీరోయిన్‌గా నటించింది. వన్మయి క్రియేషన్స్, విశ్వక్ సేన్ సినిమాస్ బ్యానర్లపై కరాటే రాజు నిర్మించిన దీనికి లియాన్ జేమ్స్ దీనికి సంగీతం అందించారు. ఇందులో అక్షర గౌడ, రావు రమేష్, తరుణ్ భాస్కర్ తదితరులు కీలక పాత్రలు పోషించారు.

‘దాస్ కా ధమ్కీ’ మూవీపై అంచనాలు ఉండడంతో పాటు విశ్వక్ సేన్ మార్కెట్‌‌ కారణంగా ఈ చిత్రానికి వరల్డ్ వైడ్‌గా రూ. 7.50 కోట్ల బిజినెస్‌ జరిగింది. ఇక ఆరో రోజు ఈ చిత్రానికి వసూళ్లు కాస్త తగ్గాయి. కానీ వరల్డ్ వైడ్ గా 39 లక్షల రేంజ్ లో షేర్ ని అందుకుంది. మొత్తానికి ఇప్పటివరకు 8 కోట్ల బ్రేక్ ఈవెన్ టార్గెట్ తో బరిలోకి దిగిన సినిమా ఇప్పటి వరకు సాధించిన కలెక్షన్స్ తో 1.95 కోట్ల ప్రాఫిట్ ను సొంతం చేసుకుంది. ఒకే రోజు విడుదలైన ఈ రెండు చిత్రాల్లో విశ్వక్సేన్ ‘దాస్ కా ధమ్కీ’ తో ముందంజ లో ఉన్నాడు.

బెల్లంకొండ శ్రీనివాస్‌ టాప్ ప్రొడ్యూసర్ కుమారుడిగా ఇండస్ట్రీలో అడుగు పెట్టినా, తనకంటూ ప్రత్యేకమైన గుర్తింపు సంపాదించుకున్నాడు. ఈ యంగ్ హీరో నటించిన ‘జయజానకి నాయక’ మూవీ తాజాగా ప్రపంచ రికార్డును సృష్టించింది. బోయపాటి శ్రీను డైరక్షన్ లో తెరకెక్కిన ఈ చిత్రంలో రకుల్ ప్రీత్ సింగ్ కథానాయకగా నటించింది.

జయజానకి నాయక చిత్రం భారీ అంచనాల మధ్య తెలుగులో విడుదల అయినప్పటికి ఆశించిన స్థాయిలో విజయాన్ని అందుకోలేదు. 2017లో రిలీజ్ అయిన ఈ సినిమా ఆడియెన్స్ ని ఎంతో ఆకట్టుకుంది. అయితే యాక్షన్ సన్నివేశాలలో బోయపాటి మార్క్ ఉండడంతో మైనస్ గా మారింది. ఇక ఈ చిత్రం హిందీ వర్షన్ యూట్యూబ్ లో పెట్టడం జరిగింది.  జయజానకి మూవీ హిందీ వర్షన్ కు చాలా మంచి రెస్పాన్స్ లభించింది.ఇప్పుటికి ట్రేండింగ్ లో ఉన్నఈ చిత్రం తాజాగా వరల్డ్ రికార్డును సృష్టించింది. ఈ చిత్రానికి 709 కోట్ల వ్యూస్ తో అగ్ర స్థానంలో ఉంది. ఇప్పటి దాకా ప్రపంచం వ్యాప్తంగా 709 కోట్ల వ్యూస్ సాధించిన మొదటి చిత్రంగా జయ జయ నాయక సినిమా రికార్డు క్రియేట్ చేసింది. తెలుగులోఆశించిన స్థాయిలో విజయం పొందలేకపోయినా హిందీ ప్రేక్షకులకు బాగా నచ్చింది. ఇక ఈ చిత్రం తర్వాత రెండవ స్థానంలో 702 కోట్ల వ్యూస్ తో కేజీఎఫ్ ఉంది.అల్లుడు శ్రీను చిత్రంతో టాలీవుడ్ లోకి ఎంట్రీ ఇచ్చిన శ్రీనివాస్‌ మొదటి మూవీ సూపర్‌ హిట్‌ అయ్యింది. నటుడిగా బెల్లంకొండకు గుర్తింపు వచ్చింది. ఆ తర్వాత వచ్చిన స్పీడున్నోడు మూవీ బాక్సాఫీస్‌ వద్ద ఫ్లాప్‌గా నిలిచింది. ఆ తరువాత బోయపాటి దర్శకత్వంలో జయ జానకి నాయక సినిమాని చేశాడు. ఈ చిత్రానికి భారీగా ఓపెనింగ్స్‌ వచ్చాయి. కానీ విజయాన్ని సాధించలేదు. ఈ మూవీ హిందీ వెర్షన్ తో బెల్లంకొండ శ్రీనివాస్‌కు నార్త్‌లో క్రేజ్ ఏర్పడింది.
బెల్లంకొండ నటించిన చిత్రాలన్ని హిందీ వెర్షన్‌లకు యూట్యూబ్ లో మిలియన్లలో వ్యూస్‌ వచ్చాయి. కవచం, సీతా,  స్పీడున్నోడు, సాక్ష్యం లాంటి చిత్రాలకు వందల మిలియన్లలో వ్యూస్‌ లభించాయి. ఇక ఇప్పుడు శ్రీనివాస్‌ ఛత్రపతి రీమేక్‌తో బాలీవుడ్ లో డెబ్యూ ఇస్తున్నాడు. ఈ మూవీ సమ్మర్‌ కానుకగా మే 12న విడుదల కానుంది.Also Read: విడాకుల వార్త‌ల తరువాత మెగా డాటర్ నిహారిక లేటెస్ట్ ఫోటో షూట్.. వైర‌ల్ గా మారిన ఫోటోలు..

మాస్ మహారాజ రవితేజ ప్రస్తుతం వరుస చిత్రాలతో బిజీగా ఉన్నారు. అంతే కాకుండా వరుస హిట్స్ కొట్టిన జోష్ లో ఉన్నారు. డైరెక్టర్ త్రినాద్ రావు నక్కిన తెరకెక్కించిన ధమాకా మూవీ మంచి విజయాన్ని అందుకుంది. ఈ చిత్రంలో రవితేజ సరసన హీరోయిన్ గా శ్రీలీల నటించింది.

ధమాకా తరువాత మెగాస్టార్ చిరంజీవితో కలిసి రవితేజ ‘వాల్తేరు వీరయ్య’ చిత్రంలో నటించారు. ఇక ఈ చిత్రం కూడా సూపర్ హిట్ గా నిలిచింది. ఈ చిత్రం 200 కోట్ల గ్రాస్ క్లబ్ లో స్థానం పొందింది. ఇప్పుడు రవితేజ వరుస చిత్రాలను లైనప్ చేయడమే కాకుండా ఆ చిత్రాల చిత్రీకరణలో బిజీ బిజీగా ఉన్నాడు. ఈ చిత్రాలలో ముందుగా ‘రావణాసుర’ మూవీతో ఆడియెన్స్ ముందుకి రాబోతున్నాడు. సుధీర్ వర్మ డైరెక్షన్ లో తెరకెక్కుతున్న ఈ చిత్రం త్వరలోనే విడుదల కానుంది. ఈ చిత్రం నుండి ఇప్పటికే రిలీజ్ అయిన పాటలు, టీజర్ ఆకట్టుకున్నాయి.ఈ మూవీ తరువాత ‘టైగర్ నాగేశ్వరావు’ అనే చిత్రం కూడా చేస్తున్నాడు. ప్రస్తుతం రవితేజ మరో మల్టిస్టారర్ చిత్రంలో నటిస్తున్నట్టుగా వార్తలు షికారు చేస్తున్నాయి. ఆర్ఆర్ఆర్ మూవీ అనంతరం టాలీవుడ్ లో మల్టీస్టారర్ల సినిమాల హవా  పెరుగుతొందని చెప్పవచ్చు. రవితేజ, మెగాస్టార్ చిరంజీవి నటించిన వాల్తేరు వీరయ్య మూవీ మంచి విజయాన్ని సాధించింది. ఈ క్రమంలోనే రవితేజ మరో మల్టిస్టారర్ సినిమాలో నటించడానికి రెడీ అవుతున్నాడని వార్తలు వినిపిస్తున్నాయి.
ఇక  వాల్తేరు వీరయ్య సినిమాలో రవితేజ నటించినప్పటికి ఆ చిత్రానికి మెగాస్టార్ చిరంజీవి సినిమాగానే పేరు వచ్చింది అందువల్ల ఈసారి చేయబోయే మల్టిస్టారర్ చిత్రంలో యంగ్ హీరోతో కలిసి నటించడానికి రవితేజ ఒకే చేసినట్టు  సమాచారం. ఇక ఆ యంగ్ హీరో ఎవరో కాదు శర్వానంద్. ఇక ఈ చిత్రాన్ని తెరకెక్కించబోయేది ఒక యంగ్ టాలెంటెడ్ దర్శకుడు. ఆయన రవితేజ, శర్వానంద్ లకు కథ చెప్పాడంతో ఇద్దరికి ఆ కథ నచ్చిందంట. స్టోరీ ఐడియా కొత్తగా ఉండటంతో ఇద్దరూ అంగీకరించినట్లు తెలుస్తోంది.
Also Read: ఏంటి తమన్ అన్నా ఇది..? రామ్ చరణ్ “గేమ్ ఛేంజర్” మ్యూజిక్ ట్యూన్ కూడా కాపీయేనా..?

మెగా పవర్ స్టార్ రామ్ చరణ్ హీరోగా శంకర్ దర్శకత్వంలో వస్తున్న సినిమాకి గేమ్ ఛేంజర్ అనే టైటిల్ పెట్టారు. నిన్న రామ్ చరణ్ పుట్టిన రోజు సందర్భంగా ఈ టైటిల్ ప్రకటించారు. అలాగే రామ్ చరణ్ పోస్టర్ కూడా విడుదల చేశారు. ఈ సినిమాలో రామ్ చరణ్ డిఫరెంట్ గెటప్స్ లో కనిపిస్తారు.

సాధారణంగా శంకర్ సినిమాలు అంటే ఏఆర్ రెహమాన్ మ్యూజిక్ అందిస్తారు. కానీ ఈ సారి కొంచెం డిఫరెంట్ గా తమన్ మ్యూజిక్ అందిస్తున్నారు. ఇప్పటికే కొన్ని పాటలు షూట్ కూడా జరిగాయి. సినిమాలో ఎంతో మంది పెద్ద పెద్ద స్టార్ నటులు ఉన్నారు. ఈ సినిమా పాన్ ఇండియన్ సినిమాగా విడుదల అవుతోంది.

ఈ సినిమా టైటిల్ పోస్టర్ చూస్తే రాజకీయాలకి సంబంధించి స్టోరీ ఉంటుంది అని అనిపిస్తుంది. అలాగే అంతకు ముందు లీక్ అయిన కొన్ని ఫోటోలు, వీడియోలు చూస్తే రామ్ చరణ్ ఈ సినిమాలో రెండు పాత్రల్లో కనిపిస్తారు అని, ఒకటి ఇప్పటి జనరేషన్ కి తగ్గట్టు ఉంటే, ఒకటి కొన్ని సంవత్సరాల క్రితం జనరేషన్ కి తగ్గట్టు ఉంటుంది అని అర్థం అవుతోంది. ఈ సినిమాలో కియారా అద్వానీ హీరోయిన్ గా నటిస్తున్నారు. అంతకు ముందు రామ్ చరణ్, కియారా అద్వానీ కలిసి వినయ విధేయ రామ సినిమాలో నటించారు.

అయితే ఈ సినిమాకి సంబంధించి ఒక విషయం మాత్రం ప్రస్తుతం వైరల్ అవుతోంది. అదేంటంటే ఈ సినిమా టైటిల్ పోస్టర్ విడుదల చేసి దానికి సంబంధించి ఒక వీడియో కూడా విడుదల చేశారు. ఆ వీడియోలో వచ్చే బ్యాక్ గ్రౌండ్ మ్యూజిక్ ఒక సూపర్ హిట్ పాటకి దగ్గరగా ఉంది అని కామెంట్స్ వస్తున్నాయి. ఈ మ్యూజిక్ కొంత మంది హిందీలో సోనం కపూర్ నటించిన అయిషా సినిమాలోని ఒక పాటకి దగ్గరగా ఉంది అని అంటున్నారు.

watch video :

మరి కొంత మంది అయితే రోబో సినిమాలో మొదటి పాటలో వచ్చే మ్యూజిక్ ఇలాగే ఉంటుంది అని అంటున్నారు. అయితే ఇలా కామెంట్స్ రావడం మొదటి సారి ఏమీ కాదు. అంతకుముందు చాలా పాటలకి ఇలాగే చాలా కామెంట్స్ వచ్చాయి. కానీ సినిమా రిలీజ్ అయ్యాక అలా కామెంట్ చేసిన పాటే పెద్ద హిట్ అయింది. ఇప్పుడు ఒక వేళ సినిమాలో ఈ మ్యూజిక్ మెయిన్ మ్యూజిక్ అయితే, ఈ మ్యూజిక్ కూడా అలాగే చాలా పెద్ద హిట్ అవుతుంది అని అంటున్నారు.

watch video :