Filmy Adda

ప్ర‌స్తుతం ప్ర‌పంచ‌వ్యాప్తంగా ఆర్ఆర్ఆర్ క్రేజ్ మారుమోగిపోతుంది. నాటు నాటు పాట‌కు ఇటీవ‌లే ప్ర‌తిష్టాత్మ‌క గోల్డెన్ గ్లోబ్ అవార్డును సొంతం చేసుకొని ఈ సినిమా చ‌రిత్ర‌ను సృష్టించింది. జేమ్స్ కామెరూన్, స్టీవెన్ స్పిల్‌బ‌ర్గ్ లాంటి హాలీవుడ్ దిగ్గ‌జ ద‌ర్శ‌కులు సైతం ఈ సినిమాపై ప్ర‌శంస‌లు కురిపించారు.

ఇప్ప‌టికే బెస్ట్ ఒరిజిన‌ల్ సాంగ్ విభాగంలో ఆస్కార్‌కు షార్ట్ లిస్ట్ అయిన ఈ సినిమా బెస్ట్ ఫారిన్ లాంగ్వేజ్ ఫిల్మ్‌గా ఆర్ఆర్ఆర్ ఆస్కార్‌ను ద‌క్కించుకోవ‌చ్చున‌ని హాలీవుడ్ ఫిల్మ్ వ‌ర్గాలు చెబుతున్నాయి. ఈ పాటను చంద్రబోస్ రాయగా, రాహుల్ సిప్లిగంజ్, కాళ భైరవ పాడారు. ఇప్పటికే ఈ పాటకు పలు ప్రతిష్టాత్మక అవార్డులు దక్కాయి. ఆస్కార్ తర్వాత ఆస్కార్ స్థాయి గోల్డెన్ గ్లోబ్ అవార్డు ‘నాటు నాటు’ పాటకు దక్కింది. క్రిటిక్ ఛాయిస్ అవార్డు అందుకుంది.

లాస్ట్ ఇయర్ బాక్స్ ఆఫీస్ దగ్గర సెన్సేషనల్ కలెక్షన్స్ తో ఊహకందని ఊచకోత కోసిన ఆర్ ఆర్ ఆర్ మూవీ రిలీజ్ అయ్యి సంవత్సరం గడుస్తున్నా సరే..ఇప్పటికీ వార్తల్లో నిలుస్తూ ఉండటం విశేషం, ఒక పక్క ఆస్కార్ ప్రమోషన్స్ లో టీం బిజీగా ఉండగా మరో పక్క జపాన్ లో సినిమా ఇప్పటికీ కలెక్షన్స్ పరంగా జోరు చూపిస్తూనే ఉంది. అమెరికా లో కూడా ఆ చిత్రం మంచి వసూళ్లనే రాబడుతోంది.

అయితే ఆస్కార్స్ సమయం లో తెలుగు రాష్టాల్లో ఈ చిత్రాన్ని విడుదల చేయనున్నారు. ఆ రోజు మొత్తం మీద నైజాంలో 80 థియేటర్స్, ఆంధ్రలో 100 థియేటర్స్ లో సీడెడ్ లో 30 వరకు థియేటర్స్ లో విడుదల చేస్తున్నారు. ఈ చిత్రానికి 20 లక్షల రేంజ్ లో ప్రీ బుకింగ్స్ జరిగాయి. ఒకవేళ ఆర్ఆర్ఆర్ కి ఆస్కార్ అవార్డు గనక దక్కితే ఆ టైంలో థియేటర్స్ లో సినిమా రచ్చ చేసి మంచి కలెక్షన్స్ ని సొంతం చేసుకొనే అవకాశం ఉంది.

బ్రిటీష్ టైమ్ బ్యాక్‌డ్రాప్‌లో పీరియాడిక‌ల్ యాక్ష‌న్ ఎంట‌ర్‌టైన‌ర్‌గా ద‌ర్శ‌కుడు రాజ‌మౌళి ఆర్ఆర్ఆర్ సినిమాను తెర‌కెక్కించాడు. ఇందులో కొమురం భీమ్‌గా ఎన్టీఆర్‌, అల్లూరి సీతారామ‌రాజుగా రామ్‌చ‌ర‌ణ్ న‌టించారు. ఇద్ద‌రు పోరాట యోధులు క‌లిసి బ్రిటీష‌ర్ల‌పై సాగించిన పోరాటాన్ని ద‌ర్శ‌కుడు రాజ‌మౌళి ఎమోష‌న‌ల్‌గా ఈ సినిమాలో ఆవిష్క‌రించారు.

దర్శకేంద్రుడు రాఘవేంద్రరావు దర్శకత్వ పర్యవేక్షణలో వచ్చిన చిత్రం పెళ్లి సందD. ఈ సినిమాలో హీరోయిన్‌గా నటించిన శ్రీలీల ఒకే సినిమాతో మంచి పాపులారిటీని తెచ్చుకున్నారు. శ్రీలీల తాజాగా రవితేజ సరసన ధమాకాలో నటించారు. ఆ చిత్రం కూడా బ్లాక్ బ‌స్ట‌ర్ అయ్యింది. అందం తో పాటు అభినయం, డాన్స్ లో కూడా అదరగొడుతున్న శ్రీలీల కి టాలీవుడ్ లో అవకాశాలు క్యూ కడుతున్నాయి.

టాలీవుడ్ లో కొత్త హీరోయిన్ ఎంట్రీ ఇచ్చిందంటే చాలు అందరి దృష్టి అటువైపే ఉంటుంది. దీనికి కారణం తెలుగులో హీరోయిన్ల కొరత చాలా ఎక్కువగా ఉందన్న సంగతి తెలిసిందే. పెళ్లి సంద D చిత్రం లో శ్రీలీల గ్లామర్, అభినయం అందర్నీ ఆకట్టుకొన్నాయి. ఇక తాజాగా వచ్చిన ధమాకా చిత్రంలో డ్యాన్సులు, స్టెప్పులతో మాస్ పాటలను మరో రేంజ్‌కు తీసుకెళ్లింది. ధమాకా చిత్రం బాక్సాఫీస్ వద్ద 100 కోట్లు సాధించడంలో కీలక పాత్రను పోషించింది.

దీంతో శ్రీ లీల ప్రస్తుతం టాలీవుడ్‌లో భారీ ప్రాజెక్టులతోపాటు స్టార్ హీరోల పక్కన అవకాశాలు సంపాదించింది. ప్రస్తుతం ఆమె చేతిలో 8 చిత్రాలున్నాయి. ప్రస్తుతం శ్రీలీల రామ్ పోతినేని, బోయపాటి చిత్ర షూటింగ్ లో పాల్గొంటుంది. అలాగే జూనియర్ అనే కన్నడ, తెలుగు భాషల్లో వస్తున్న చిన్న చిత్రంలో నటించింది. నందమూరి బాలకృష్ణ, అనిల్ రావిపూడి కాంబినేషన్‌లో వస్తున్న చిత్రం లో కీలక పాత్ర పోషిస్తోంది. అలాగే వైష్ణవ్ తేజ్ తదుపరి చిత్రంలో.. అలాగే మహేష్ బాబు, త్రివిక్రమ్ శ్రీనివాస్ కాంబినేషన్‌లో వస్తున్న SSMB28 లో ఒక హీరోయిన్‌గా నటిస్తోంది శ్రీలీల.

ఇవి కాకుండా అనధికారికంగా మీడియాలో వినిపిస్తున్న సినిమాల్లో విజయ్ దేవరకొండ, గౌతమ్ తిన్ననూరి కాంబినేషన్‌లో వస్తున్న VD12 చిత్రంలో హీరోయిన్‌గా నటిస్తున్నది. అలాగే నవీన్ పొలిశెట్టితో అనగనగా ఒక రోజు సినిమాలో చిత్రంలో నటించనున్నారు. పవన్ కల్యాణ్, హరీష్ శంకర్ కాంబినేషన్‌లో ఉస్తాద్ భగత్ సింగ్ చిత్రానికి ఓకే చెప్పింది. అలాగే నితిన్, వక్కాంతం వంశీ చిత్రంలో కూడా నటించబోతున్నదనే విషయం మీడియాలో వార్తలు వస్తున్నాయి.

దీంతో చాలా తక్కువ సమయం లోనే పవన్ కల్యాణ్, మహేష్ బాబు, బాలకృష్ణ, రామ్ పోతినేని లాంటి స్టార్ హీరోల సరసన నటించే అవకాశాలు దక్కించుకొని స్టార్ హీరోయిన్ గా మారింది. తన తొలి చిత్రానికి 5 లక్షల రూపాయలు రెమ్యునరేషన్ తీసుకున్న శ్రీలీల.. ధమాకా చిత్రానికి 50 లక్షలు తీసుకుంది. ఇక ఆ సినిమా హిట్ కావడం తో తన రెమ్యూనరేషన్ ని 3 కోట్లకు పెంచినట్లు తెలుస్తోంది.

బాలీవుడ్ హీరోయిన్ దీపిక పదుకొనే ఇప్పటికే బాలీవుడ్ లో చాలా సినిమాలు చేసి నటన తో అందరిని ఫిదా చేసేసింది. పైగా తనకి ఉన్న ఫ్యాన్ ఫాలోయింగ్ కూడా ఎక్కువే. ఈ అందాల తార ఇప్పుడు టాలీవుడ్ లోకి ఎంట్రీ ఇవ్వబోతోంది. ప్రాజెక్ట్-కే అనే సినిమాలో ప్రభాస్ సరసన ఈమె హీరోయిన్ గా నటిస్తోంది తాజాగా పఠాన్ సినిమా తో బ్లాక్ బస్టర్ హిట్ ని అందుకుంది దీపిక.

అలానే ఈమె ప్రస్తుతం బాలీవుడ్ లో పెద్ద పెద్ద స్టార్ హీరోల సినిమాలతో బిజీగా ఉంటోంది. నాగ్ అశ్విన్ దర్శకత్వంలో ప్రాజెక్ట్-కే రాబోతోంది.

మిక్కీ జె మేయర్ సంగీతాన్ని అందిస్తున్నారు. ఈ సినిమా కేవలం తెలుగు లోనే కాకా హిందీ లో కూడా రిలీజ్ కాబోతోంది. సైంటిఫిక్ ఫిక్షన్ చిత్రంగా ఈ సినిమా ని రూపొందిస్తున్నారు. అమితాబ్ బచ్చన్, దిశా పటాని కూడా ప్రాజెక్ట్-కే లో నటించనున్నారు. ప్రాజెక్ట్ కే విలువ 500 కోట్లని తెలుస్తోంది. ఈ సినిమా షూటింగ్ 2021 జులై లో మొదలైన విషయం తెలిసిందే. దీపికా ఈ సినిమా తో తెలుగు సినిమాల లోకి అడుగుపెట్టనున్నారు. ఈ సినిమాలో నటించడానికి దీపికా ఎంత తీసుకుంటుంది అనేది ఇప్పుడు హాట్ టాపిక్ గా మారింది.

బాలీవుడ్ లో వన్ ఆఫ్ ద టాప్ హీరోయిన్ అయిన దీపికా పదుకొనే ప్రాజెక్ట్ కే కోసం తక్కువ తీసుకోదు.. ఎక్కువే తీసుకుంటుందని చాలా మంది భావిస్తున్నారు అయితే మరి ఆమె ప్రాజెక్టు కే కోసం ఎంత తీసుకుంటుంది అనే విషయానికి వస్తే… ఈమె ఏకంగా 10 కోట్ల రూపాయలని తీసుకోబోతున్నట్లు తెలుస్తోంది. కేవలం ఇక్కడే కాదు బాలీవుడ్ లో కూడా ఇదే రేంజ్ లో డిమాండ్ చేస్తోంది. అలానే ఈ సినిమా కోసం కూడా భారీగానే తీసుకుంటోంది దీపిక. దీపిక నటించిన పఠాన్ సినిమా చాలా పెద్ద హిట్ అయింది. షారుఖ్ ఖాన్ చాలా రోజుల నుండి హిట్ కోసం చూస్తున్నారు. కానీ షారుక్ ఖాన్ కి పఠాన్ తో అదృష్టం కలిసి వచ్చినట్టుంది. సినిమా హిట్ అయింది.

గంగవ్వ గురించి చాలా మందికి తెలుసు. బిగ్ బాస్ సీజన్- 4 లోకి వచ్చి గంగవ్వ అనారోగ్యం కారణంగా బిగ్ బాస్ హౌస్ నుండి వెళ్ళిపోయింది. కొన్ని రోజులు పాటు ఆమె హౌస్ లో ఉండి అందరిని బాగా ఆకట్టుకుంది. అయితే ఈమె హౌస్ నుండి వెళ్ళిపోయినప్పుడు నాగార్జున ఆమెకి ఇల్లు కట్టిస్తానని చెప్పారు. బిగ్ బాస్ హౌస్ కి వచ్చినప్పుడు గంగవ్వ స్వయంగా తనికి ఇల్లు లేదని చెప్పింది. బిగ్ బాస్ లో వచ్చిన డబ్బులని ఇంటి కోసం ఖర్చు చేస్తానని కూడా ఆమె చెప్పింది.

అయితే ఆమెకి మధ్యలో అనారోగ్యం బాగోక పోవడంతో బిగ్ బాస్ ఇంటి నుండి వెళ్లిపోయింది. నాగార్జున తనకి ఇల్లు కట్టిస్తానని చెప్పారు. పైగా ఆ బాధ్యత నాది అని నాగార్జున గంగవ్వ కి చెప్పారు.

పైగా గంగవ్వతో ఇల్లు కాత్తుక్కొ.. తాళం కూడా వేసుకో ఇప్పటిలా తాళ్లు కట్టక్కర్లేదు అని కూడా చెప్పారు. కోట్లాది మంది ప్రేక్షకుల ముందే మాట ఇచ్చారు నాగార్జున. రెండు బెడ్రూంలు, ఒక పెద్ద హాల్, ఒక పెద్ద కిచెన్, పూజ గది, మూడు బాత్రూంలు పైగా చుట్టు ప్రహారీ ఒక గేటు తో గంగవ్వ ఇల్లుని ఎంతో అందంగా కట్టించుకుంది. జగిత్యాల జిల్లా, మల్యాల మండలం, లంబాడి పల్లి లో ఈ ఇల్లు ఉంది. అయితే నాగార్జున మాట ఇవ్వడం వల్లే గంగవ్వ ఇల్లు పూర్తి అయింది అని అంతా అన్నారు.

కానీ నాగార్జున ఇంటి కోసం కేవలం 7 లక్షల రూపాయలనే ఇచ్చారు. ఇంటి కోసం 20 లక్షల రూపాయలు ఖర్చు అయింది. కానీ కేవలం ఏడు లక్షలు నాగార్జున ఇచ్చారు. నాగార్జున సారు ఇల్లు కట్టిస్తానని మాట ఇచ్చారు కానీ 7 లక్షలు ఇచ్చారని గంగవ్వ తాజాగా ఇంటర్వ్యూలో చెప్పింది. ఐదు వారాలు బిగ్ బాస్ ఇంట్లో ఉన్నాను దాంతో పది లక్షలు వచ్చాయి. దీనికి ఇంకో ఐదు లక్షలు వేసి ఇల్లు కట్టాను అని చెప్పింది గంగవ్వ. బిగ్ బాస్ ఇంటి నుండి అనవసరంగా వచ్చేసానని కూడా చెప్పింది గంగవ్వ. బిగ్ బాస్ ఇంట్లో తినడం పడుకోవడం తన వల్ల కాలేదని అంది.

‘ఆర్ఆర్ఆర్’ సినిమా ప్రపంచవ్యాప్తంగా పేరుప్రఖ్యాతలు,కలెక్షన్స్ సాధించడమే కాక అవార్డులు కూడా సాధిస్తుంది. ఏకంగా ఆస్కార్ బెస్ట్ ఒరిజినల్ సాంగ్ విభాగంలో నాటు నాటు సాంగ్ నిలిచి సరికొత్త చరిత్ర సృష్టించింది. దీంతో గత కొన్ని రోజులుగా ఆర్ఆర్ఆర్ యూనిట్ అమెరికాలోనే ఉంటూ సినిమాని మరింత ప్రమోట్ చేస్తూ బిజీగా ఉన్నారు. రాజమౌళి, కీరవాణి, రామ్ చరణ్, ఎన్టీఆర్, సెంథిల్ కుమార్, మరికొంతమంది చిత్రయూనిట్ అమెరికాలోనే ఉండి ఆస్కార్ అయ్యేవరకు సందడి చేయనున్నారు.

అక్కడి మీడియాకు వరుసగా ఇంటర్వ్యూలు ఇస్తూ ఆర్ఆర్ఆర్ సినిమా గురించి, నాటు నాటు సాంగ్ గురించి పలు ఆసక్తికర విషయాలు తెలియచేస్తున్నారు. రాజమౌళి ఇండియన్ సినిమాకు గ్లోబల్ మార్కెట్ తెచ్చేందుకు, ఎలాగైనా ఆస్కార్ సాధించాలని సినిమా ప్రమోషన్స్ కి ఖర్చుకి వెనకాడకుండా చేస్తున్నాడు. మన ఆర్ఆర్ఆర్ సినిమా ఆస్కార్ వరకు వెళ్లిందని అంతా సంతోషిస్తుంటే కొంతమంది మాత్రం విమర్శలు చేస్తున్నారు. తాజాగా జరిగిన ఓ ప్రెస్ మీట్ లో టాలీవుడ్ సీనియర్ దర్శకుడు, నిర్మాత తమ్మారెడ్డి భరద్వాజ ఆర్ఆర్ఆర్ యూనిట్ పై సంచలన వ్యాఖ్యలు చేసిన విషయం తెలిసిందే.

“ఆర్ఆర్ఆర్ టీం ఆస్కార్ ప్రమోషన్స్ కోసం 80 కోట్లు ఖర్చుపెడుతున్నారు. సూట్లు వేసుకొని, ఫ్లైట్స్ టికెట్స్ వేసుకొని డబ్బులు ఖర్చు చేస్తున్నారు. అదే 80 కోట్లు నాకు ఇస్తే ఓ 8 సినిమాలు తీసి మొహాన కొడతాను” అని అనడంతో ఈ వ్యాఖ్యలు వైరల్ గా మారాయి. అయితే తమ్మారెడ్డి వ్యాఖ్యలపై నటుడు నాగబాబు కూడా కౌంటర్ ఇచ్చాడు. నాగబాబు కూడా తన ట్విట్టర్ లో.. “నీయమ్మ మొగుడు ఖర్చు పెట్టాడారా 80 కోట్లు R R R కి ఆస్కార్ కోసం” అంటూ ట్వీట్ చేయడంతో ఇది కూడా వైరల్ గా మారింది.

అలాగే దర్శకేంద్రుడు రాఘవేంద్ర రావు కూడా తమ్మారెడ్డి వ్యాఖ్యలపై స్పందించారు. రాఘవేంద్ర రావు తన ట్విట్టర్ లో.. “మిత్రుడు భరద్వాజ్ కి, తెలుగు సినిమాకు, తెలుగు సాహిత్యానికి, తెలుగు దర్శకుడికి, తెలుగు నటులకి ప్రపంచ వేదికలపై మొదటి సారి వస్తున్న పేరుని చూసి గర్వపడాలి. అంతే కానీ 80 కోట్ల ఖర్చు అంటూ చెప్పడానికి నీ దగ్గర అకౌంట్స్ ఇన్ఫర్మేషన్ ఏమైనా ఉందా..? జేమ్స్ కామెరూన్, స్పీల్ బర్గ్ వంటి వారు డబ్బు తీసుకొని మన సినిమా గొప్పతనాన్ని పొగుడుతున్నారని నీ ఉద్దేశమా ?” అంటూ ట్వీట్ చేశారు. వీరే కాకుండా మరింతమంది ప్రముఖులు కూడా తమ్మారెడ్డి వ్యాఖ్యలని విమర్శిస్తున్నారు.

మమతా మోహన్ దాస్ పలు టాలీవుడ్ సినిమాల్లో నటించి మెప్పించింది. ఈమె అందరికీ సుపరిచితమే. కొత్తగా పరిచయం చేయక్కర్లేదు. యమదొంగ సినిమా ద్వారా ఈమె పరిచయమైంది. రెండు దక్షిణాది ఫిలింఫేర్ అవార్డులు కూడా ఈమె అందుకుంది. 2010లో మలయాళంలో ఈమెకి ఉత్తమ నటి అవార్డు వచ్చింది. 2010లో ఉత్తమ నటిగా కేరళ స్టేట్ ఫిలిం అవార్డుని ఈమె సొంతం చేసుకుంది.

యమదొంగ, కృష్ణార్జున, హోమం వంటి సినిమాల్లో ఈమె నటించింది. అయితే మమతా మోహన్ దాస్ తాజాగా చేసిన కామెంట్లు వైరల్ అవుతున్నాయి.

ఈమె ఒక టాప్ హీరోయిన్ మీద కామెంట్లు చేసింది. అయితే ఆ హీరోయిన్ కోసం చిత్ర బృందం చేసిన పని వలన ఈమె ఎంతగానో బాధ పడిందట. ఈ విషయాలని కూడా ఆమె ఇంటర్వ్యూలో చెప్పింది. పైగా ఆ హీరోయిన్ వలన ఈమెకి నాలుగు రోజులు సమయం వృధా అయ్యిందని చెప్పింది మమత. రజనీకాంత్ నటించిన ఒక సినిమాలో ఈమెకి అవకాశం వచ్చింది అందులో పాట కోసం ఈమెని కాంటాక్ట్ చేశారు పైగా నాలుగు రోజులు పాటు షూటింగ్ కూడా చేశారు.

షూటింగ్ చేస్తున్నప్పుడు ఈమెకి అర్థమైంది ఏంటంటే తను ఫ్రేమ్ లో లేదని… ఫైనల్ కాపీ వచ్చిన తర్వాత ఈమె అనుకున్నట్లుగానే ఈమె అందులో కనపడలేదు.  ఆ సినిమాలో నటించిన హీరోయిన్ వలన ఇలా జరిగిందని ఆమెకి కొంతకాలం తర్వాత తెలిసింది. ఆ పాటలో ఇంకో హీరోయిన్ ఉందని తనకు చెప్పలేదని తను ఉంటే షూటింగ్ కి రానట్లు ఆ హీరోయిన్ చెప్పిందని మమత చెప్పింది. అందుకనే మమత పాటని తొలగించారట. కానీ ఆ సినిమా కోసం ఆమె నాలుగు రోజులు సమయం వృధా చేసుకున్నానని… బాధగా అనిపించిందని తాజాగా మమతా చెప్పారు.

ఇక సినిమా ఏంటనే విషయానికి వస్తే.. అది రజనీకాంత్ నటించిన కథానాయకుడు సినిమా. 2008లో ఈ సినిమా విడుదలైంది.  ఈ సినిమాలో హీరోయిన్ గా నయనతార నటించింది. మమతా మోహన్ దాస్ ఈ సినిమాలో గెస్ట్ రోల్ చేసింది. ఈ సినిమాలో ఒక సాంగ్ ఉంటుంది. ”దేవుడే స్వర్గం నుంచి”… అని అందులో మమతా కనపడుతుంది. అయితే మమతా మోహన్ దాస్ చెప్పిన దాన్ని బట్టి చూస్తే అది కథానాయకుడు సినిమా అని నాయన తార వల్లే ఆమె బాధ పడిందని అర్ధం అవుతోంది.

యశ్ రాజ్ ఫిల్మ్స్ బ్యానర్‌ పై ఆదిత్య చోప్రా నిర్మించిన పఠాన్ సినిమా కి సిద్ధార్థ్ ఆనంద్ దర్శకత్వం వహించారు. జనవరి 25న రిపబ్లిక్ డే కానుకగా ఈ మూవీ రిలీజ్ అయిన విషయం తెలిసిందే. నిజానికి కొన్నేళ్ల నుండి షారుఖ్ ఖాన్ కి సరైన హిట్ అందలేదు. మంచి సినిమా కోసం చాలా రోజుల నుండి షారుఖ్ ఎదురు చూస్తున్నాడు. ఒకపుడు మంచి హిట్స్ ని అందుకున్నాడు.

కానీ ఇప్పుడు మాత్రం షారుఖ్ ఖాన్ సరైన సినిమాల కోసం అవస్థలు పడ్డాడు. ఫైనల్ గా పఠాన్ సినిమా తో ఈ హీరో హిట్ కొట్టేసాడు.

మొన్న మొన్నటి దాకా వచ్చినవి వచ్చినట్టే హిట్ అందుకోకుండా డిజాస్టర్స్ గానే మిగిలిపోతున్నాయి. పఠాన్ సినిమాకి మొదట నుండి కూడా సూపర్ రెస్పాన్స్ వచ్చింది. ఇప్పుడు ఓటిటి లో ఎప్పుడు స్ట్రీమింగ్ అవుతుందా అని అంతా చూస్తున్నారు. ఈ సినిమా ఓటిటి లో ఎప్పుడు వస్తుందనేది కూడా తెలిసిపోయింది. ఆ వివరాలని మరి చూసేద్దాం. ఈ మూవీ డిజిటల్ స్ట్రీమింగ్ రైట్స్ ని అమెజాన్ ప్రైమ్ దక్కించుకుంది. భారీ ధరకు ఈ మూవీ ని కొంది. ఈ సినిమా ఏప్రిల్ 25 నుండి ఓటిటి స్ట్రీమింగ్ కానున్నట్టు బాలీవుడ్ వర్గాల సమాచారం. హిందీ, తెలుగు, తమిళ భాషల లో ఈ సినిమా థియేటర్స్ లో రిలీజ్ అయ్యింది.

కానీ ఓటిటి లో మాత్రం ఈ మూవీ కన్నడ, మలయాళం భాషలలో కూడా విడుదల కానుంది. ఓటిటి రిలీజ్ పై అధికారిక ప్రకటన త్వరలోనే వస్తుంది. దీపికా పదుకొనే ఈ మూవీ లో హీరోయిన్ గా చేసింది. విలన్ గా జాన్ అబ్రహం నటించి మెప్పించారు. షారుఖ్ ఖాన్ నటన గురించి చెప్పక్కర్లేదు. యాక్షన్ సీక్వెన్స్ లతో పాటు షారుఖ్ స్క్రీన్ ప్రెజన్స్ ఇవన్నీ కూడా మూవీ కి ప్లస్ అయ్యాయి. దీపికా గ్లామర్ గురించి చెప్పాల్సిన పనే లేదు. అలనే సల్మాన్ ఖాన్ స్పెషల్ అప్పీయరెన్సు కూడా అందరికీ నచ్చింది.

హీరోయిన్లకి రాను రాను అవకాశాలు తగ్గిపోతూ ఉంటాయి. ఒకప్పుడు వచ్చినన్ని అవకాశాలు ఆ తర్వాత రావు. చాలా మంది అప్పట్లో టాప్ హీరోయిన్ గా ఎదిగారు వారిలో యమునా కూడా ఒకరు. ఆ తర్వాత ఆమె సీరియల్స్ లో కూడా నటించి ప్రేక్షకులను మెప్పించారు ఎప్పుడూ కూడా తన అందంతో అభినయంతో అందరినీ ఆకట్టుకునే వారు యమున. 2011లో ఆమె మీద కొన్ని వార్తలు వచ్చాయి.

బెంగళూరు లోని ఆమె ఒక హోటల్లో వ్యభిచారం చేస్తూ పట్టుబడింది అని అప్పట్లో తెగ చెప్పుకునేవారు.  తాజాగా యమున ఇంటర్వ్యూలో ఆసక్తికరమైన విషయాలని పంచుకున్నారు.

ఆ విషయంపై ఎన్నో అసభ్యకరమైన వార్తలు వచ్చాయని… తన తప్పు లేదని కావాలని ఇరికించారని ఇంటర్వ్యూలో చెప్పారు. ఈ విషయాన్ని ఆమె షేర్ చేస్తూ తన బాధని చెప్పారు. ఒక వీడియో రూపంలో ఆమె తన బాధను మొత్తం పంచుకున్నారు. నేను నన్ను చాలా మోటివేట్ చేసుకున్నాను కానీ ఇంకా బాధ ఉండిపోయింది అని అన్నారు. ఒక సమస్య నుండి బయటికి వచ్చి ప్రశాంతంగా ఉన్నాను. ఆ సమస్యలో నేను ఎందుకు ఇరుక్కోవాల్సి వచ్చిందో ఇంటర్వ్యూలో చెప్పేసాను న్యాయస్థానం కూడా నాకు క్లీన్ చిట్ ఇచ్చిందని గెలిపించిందని… నేను గెలిచినా కూడా సోషల్ మీడియాని కంట్రోల్ చేయలేకపోతున్నారని ఆమె చెప్పారు.

అలానే చాలా రకాల వీడియోలు వస్తున్నాయని వివిధ రకాలుగా థంబ్నెయిల్స్ పెట్టి నా గురించి మాట్లాడుతున్నారని చెప్పారు అయితే వీడియోలు చూడను కానీ థంబ్నెయిల్స్ నన్ను ఎంతో బాధ పెడుతున్నాయని… ఎంత నన్ను మోటివేట్ చేసుకున్న కూడా కష్టమవుతుందని ఏదో తెలియని బాధ నాలో ఉందని చెప్పారు యమున. చనిపోయినా కూడా వీళ్లు నన్ను వదలరేమో అని బాధపడ్డారు. నేను తెలియని వాళ్ళు నా గురించి తెలుసుకోండి. నా క్యారెక్టర్ ఏంటో తెలుసుకోండి అని యమున చెప్పారు. డబ్బులు కోసం రేటింగ్ ల కోసం ఇటువంటి వాటిని చేయొద్దని యమున అన్నారు.

తెలుగు సినీ పరిశ్రమలో టాప్ హీరో ఎవరు? అంటే దానికి టక్కున సమాధానం చెప్పడం చాలా కష్టం. ఎందుకంటే మన తెలుగు సినీ పరిశ్రమలో ఉన్నంత మంది హీరోలు మరో సినీ పరిశ్రమలో లేరు అనడంలో ఎలాంటి సందేహం లేదు. ఎవరికి వారే సపరేట్ ఫ్యాన్ బేస్ తో, సపరేట్ ఇమేజ్ తో సూపర్ క్రేజ్ తెచ్చుకున్న మన హీరోలు ఇప్పుడు ప్రపంచమంతా తమ వైపు తిప్పుకునే పనిలో పడ్డారు. ఈ మధ్యకాలంలో వరుసగా బాక్స్ ఆఫీస్ సక్సెస్ లను అందుకుంటూ అంతర్జాతీయ స్థాయిలో కూడా క్రేజ్ అందుకుంటున్నారు.

అయితే సినిమా సినిమా కి తమ మార్కెట్ ని పెంచుకొనే హీరోలు అదే జోష్ లో తమ రెమ్యూనరేషన్ కి కూడా పెంచేస్తున్నారు. అయితే ఇప్పుడు మన స్టార్ హీరోలు ఒక్కో సినిమాకి ఎంత రెమ్యూనరేషన్ తీసుకుంటున్నారో చూద్దాం..

#1 ప్రభాస్

రాధే శ్యామ్ లాంటి డిజాస్టర్ వచ్చినప్పటికీ కూడా ప్రభాస్ రేంజ్ అయితే అసలు తగ్గలేదు. ప్రభాస్ ఇప్పుడు ఒక్కొక్క సినిమాకి 100 కోట్లు పైనే పారితోషికం అందుకుంటున్నాడు. తన 25వ సినిమాగా రూపొందుతున్న స్పిరిట్ కోసం అయితే ఏకంగా 150 కోట్ల వరకు అందుకుంటున్నాడని ప్రచారం జరుగుతోంది.

#2 రామ్ చరణ్

ఆర్ఆర్ఆర్ తర్వాత ఫుల్ ఫామ్ లో ఉన్న రామ్ చరణ్ తన తదుపరి చిత్రం కోసం రూ.100 కోట్ల వరకూ రెమ్యూనరేషన్ తీసుకున్నట్లు వార్తలు వస్తున్నాయి.

#3 మహేష్ బాబు

ఇక ప్రస్తుతం మహేష్ త్రివిక్రమ్ తో ఒక చిత్రం చేస్తున్నాడు. ఈ సినిమా కోసం మహేష్ 70 కోట్ల రూపాయల రేంజ్ లో రెమ్యూనరేషన్ తీసుకున్నారని సమాచారం.

#4 జూనియర్ ఎన్టీఆర్

ఆర్ఆర్ఆర్ కోసం జూనియర్ ఎన్టీఆర్‌కు రూ. 45 కోట్లకు పైగానే పారితోషికం ఇచ్చినట్లు తెలుస్తుంది. ఇక తన తదుపరి కోసం రూ. 60 కోట్ల వరకు ఛార్జ్ చేస్తున్నారట తారక్.

#5 పవన్ కళ్యాణ్

పవన్ రీ ఎంట్రీ ఇచ్చిన తర్వాత వరస సినిమాలు చేస్తున్నారు. ఒక్కో సినిమాకు 50 కోట్లకు పైగానే పవన్ తీసుకుంటున్నట్లు తెలుస్తోంది.ఆయన చేస్తున్న హరిహర వీరమల్లు సినిమాకి డేట్లు ఎక్కువ కేటాయించాల్సి రావడంతో మరో 10 కోట్లు అదనంగా తీసుకున్నారని సమాచారం.

#6 చిరంజీవి

ఆచార్యకు రామ్ చరణ్ నిర్మాత కాబట్టి చిరు రెమ్యునరేషన్ లెక్కలు తేలడం లేదు.. కానీ మార్కెట్ వ్యాల్యూ ప్రకారం ఆయన రూ. 50 కోట్ల వరకు తీసుకుంటున్నారని సమాచారం.

#7 అల్లు అర్జున్

పుష్ప పార్ట్ 1 తో పాన్ ఇండియా రేంజ్ లో సత్తా చాటిన అల్లు అర్జున్.. పుష్ప 2 కోసం 60 కోట్ల నుంచి 100 వరకు తీసుకుంటున్నారని సమాచారం.

#8 రవితేజ

క్రాక్ తర్వాత రవితేజ రెమ్యునరేషన్ పెరిగింది.. ఖిలాడీ, రామారావు ఆన్ డ్యూటీ కోసం రూ. 13 కోట్లు ఛార్జ్ చేసినట్లు టాక్. ధమాకా, టైగర్ నాగేశ్వరరావు సినిమాల కోసం రూ. 15 కోట్లకు పైనే తీసుకున్నారట రవితేజ.

#9 నాని

వరస ఫ్లాపుల కారణంగా నాని రేంజ్ కాస్త తగ్గింది.. ఒక్కో సినిమాకు రూ. 8 కోట్ల వరకు తీసుకుంటున్నట్లు వార్తలున్నాయి.. అయితే శ్యామ్ సింగరాయ్ తర్వాత మళ్లీ రూ. 10 కోట్లకు చేరుకున్నాడు నాని.

#10 బాలకృష్ణ

అఖండ కోసం బాలయ్య రూ. 11 కోట్లు తీసుకున్నట్లు తెలుస్తుంది. ఆ తర్వాత వచ్చిన వీర సింహ రెడ్డి చిత్రం కోసం బాలయ్య 15 కోట్ల రూపాయల వరకు పారితోషికం పెంచినట్లు తెలుస్తుంది.

#11 వెంకటేష్

గతం లో మార్కెట్ వేల్యూ తగ్గడం తో వెంకటేష్ ఒక్కో సినిమాకు రూ. 7 కోట్లు వరకు తీసుకున్నారు. అయితే ఎఫ్ 2 చిత్రం హిట్ కావడం తో ఎఫ్ 3 కోసం రూ 15 కోట్ల వరకు తీసుకున్నట్టు టాక్.

#12 నాగార్జున

నాగార్జున కూడా ఒక్కో సినిమాకు రూ. 7 కోట్ల వరకు తీసుకుంటున్నారని టాక్.

#13 విజయ్ దేవరకొండ

వరస ఫ్లాపులు వస్తున్నా విజయ్ ఒక్కో సినిమాకు రూ. 15 కోట్ల వరకు తీసుకుంటున్నట్లు సమాచారం..రీసెంట్‌గా లైగర్‌ సినిమాకు రూ. 15 కోట్ల వరకు పారితోషకం తీసుకున్నట్టు సమాచారం.