Filmy Adda

మాస్ మహారాజ్ రవితేజ హీరోగా వస్తున్న పవర్ఫుల్ మాస్ అండ్ యాక్షన్ మూవీ ధమాకా. శ్రీ లీల ఈ మూవీలో హీరోయిన్ గా నటిస్తోంది. త్రినాథ రావు నక్కిన డైరెక్ట్ చేస్తున్న ఈ చిత్రం పీపుల్ మీడియా ఫ్యాక్టరీ బ్యానర్ పై టిజి విశ్వ ప్రసాద్ నిర్మిస్తున్నారు. ఇప్పటివరకు రవితేజ కెరియర్ లో వచ్చిన అన్ని మూవీస్ తో పోలిస్తే హై బడ్జెట్ మూవీ గా ధమాకా రూపుదిద్దుకుంటుంది.

ఆల్రెడీ రిలీజ్ అయిన టీజర్ మరియు సాంగ్స్ మంచి పాజిటివ్ రెస్పాన్స్ ను సంపాదించాయి. డిసెంబర్ 23 న ఈ మూవీ రిలీజ్ కి సిద్ధమవుతోంది. ఈ ఇయర్ రిలీజ్ అయిన రవితేజ మూవీస్ రెండు బాక్స్ ఆఫీస్ వద్ద డిజాస్టర్స్ గా మిగిలాయి. ఖిలాడి , రామారావు ఆన్ డ్యూటీ మూవీస్ అనుకున్న ఫలితాలు రానప్పటికీ ధమాకా నాన్ థియేట్రికల్ బిజినెస్ మాత్రం బ్రహ్మాండంగా జరిగింది.

తెలిసిన సమాచారం ప్రకారం…ధమాకా నాన్ థియేట్రికల్ బిజినెస్ విలువ రూ.30 కోట్లు. ఈ మూవీ హిందీ డబ్బింగ్ రైట్స్ రూ.10 కోట్లు మరియు డిజిటల్ మరియు శాటిలైట్ హక్కులు, ఆడియో రైట్స్ అన్నీ కలుపుకుని మరో రూ.20 కోట్లు బిజినెస్ జరిగింది. రవితేజ మాస్ యాక్షన్ కి అభిమానుల్లో మంచి క్రేజ్ ఉంది. రవితేజ మూవీ అంటేని మంచి పవర్ ఫుల్ పంచ్ డైలాగ్స్ మరియు మైండ్ బ్లోయింగ్ ఫైట్ సీన్స్ తో మూవీ ఇరగదీస్తుంది.

త్రినాథ్ రావు నక్కిన మూవీ పై ఉన్న భరోసా కూడా ఈ మూవీ కి ప్లస్ పాయింట్ గా నిలిచింది. పైగ రీసెంట్ గా పీపుల్ మీడియా ఫ్యాక్టరీ నిర్మాణం లో వచ్చిన కార్తికేయ 2 బాక్స్ ఆఫీస్ ను షేక్ చేసింది. కాబట్టి తిరిగి ఆ బ్యానర్ లో వస్తున్న ధమాకా మూవీపై కూడా అంచనాలు విపరీతంగా పెరిగాయి.దాంతో ఈ మూవీకి భారీ ఎత్తున బిజినెస్ జరిగినట్లు ఇండస్ట్రీ వర్గాలు అభిప్రాయ పడుతున్నాయి.

బాహుబలి సినిమాతో పాన్ ఇండియా స్టార్ గా మారిపోయారు ప్రభాస్. ప్రస్తుతం ‘ఆదిపురుష్’ ‘సలార్’ ‘ప్రాజెక్ట్ కె’ వంటి పాన్ ఇండియా సినిమాల్లో నటిస్తూ క్షణం తీరక లేకుండా గడుపుతున్నాడు. బాహుబలి తర్వాత వచ్చిన ‘సాహో’ ‘రాధే శ్యామ్’ సినిమాల ఫలితాలు అభిమానులను నిరాశపరిచాయి. దీంతో ప్రభాస్ ఫాన్స్ ఒక సూపర్ హిట్ కోసం వెయిట్ చేస్తున్నారు.

అయితే ఇటీవల విడుదల చేసిన ఆదిపురుష్’ టీజర్ కూడా ప్రభాస్ అభిమానులను ఆకట్టుకోలేకపోయింది. అది చిన్న పిల్లల సినిమా అని, బొమ్మల సినిమా అని, గ్రాఫిక్స్ చాలా నాసిరకంగా ఉన్నాయని తిట్టిపోశారు నెటిజన్లు. మరోవైపు ప్రభాస్ కోలీవుడ్ సూపర్ హిట్ డైరెక్టర్ తో తదుపరి సినిమా చేయనున్నట్లు వార్తలు వస్తున్నాయి

‘ఖైదీ’ ‘మాస్టర్’ ‘విక్రమ్’ వంటి చిత్రాలతో బిగ్గెస్ట్ బ్లాక్ బస్టర్లు అందుకున్న లోకేష్ కనగరాజ్ ప్రభాస్ కు ఓ కథ వినిపించాడట. ఇది ప్రభాస్ కు ఎంతో నచ్చిందని వినికిడి. దీంతో వెంటనే ప్రభాస్.. లోకేష్ తో పని చేయడానికి గ్రీన్ సిగ్నల్ ఇచ్చేసినట్టు తెలుస్తోంది. తన సినిమా ప్రమోషన్ కోసం హైదరాబాద్‌కు వచ్చిన సదరు దర్శకుడు రెబెల్ స్టార్‌కు ఈ కథను వినిపించాడని తెలుస్తోంది. డీవీవీ దానయ్య ఈ ప్రాజెక్టుని నిర్మించే అవకాశాలు ఉన్నాయి.

ఇదిలా ఉండగా.. లోకేష్ కనగరాజ్ త్వరలోనే విజయ్‌తో మరో సినిమా చేయబోతున్నాడు. అలాగే, ధనూష్ హీరోగా మరో ప్రాజెక్టును కూడా లైన్‌లో పెట్టుకున్నాడు. ఆ తర్వాత ‘ఖైదీ 2’ మొదలవుతుంది అని అంటున్నారు. ఇప్పుడేమో అతడు టాలీవుడ్ స్టార్లపై ఫోకస్ చేయడం ఆసక్తిని రేకెత్తిస్తోంది.

అడివి శేష్ HIT 2 , డిసెంబర్ 2 న రిలీజ్ అయి ప్రేక్షకుల ముందుకు రావడానికి సిద్ధంగా ఉంది. ఈ మూవీ ట్రైలర్ సినిమా మీద అంచనాలను పెంచింది. సెన్సార్ బోర్డ్ ఫార్మాలిటీస్ అన్ని పూర్తి చేసుకున్న ఈ చిత్రానికి A సర్టిఫికెట్ లభించింది. ఈ మూవీ రన్ టైం కేవలం రెండు గంటలు మాత్రమే.

ఈ మూవీ ట్రైలర్ నచ్చిన నాగార్జున “ట్రైలర్ చాలా ఆసక్తి కలిగించింది.. తప్పనిసరిగా ఈ సినిమా చూడాలని ఉంది”అని ట్వీట్ కూడా చేశారు. దాంతో ఇప్పుడు HIT 2 మీద అంచనాలు ఇంకా పెరిగాయి.

ఈ చిత్రంలో రావు రమేష్ ,శ్రీకాంత్ ,కోమలి ప్రసాద్ మొదలైన వాళ్లు ముఖ్యపాత్రలో నటించనున్నారు. సస్పెన్స్ థ్రిల్లర్ గా రూపుదిద్దుకున్న ఈ మూవీ ప్రేక్షకులను బాగా ఆకట్టుకుంటుందని చిత్రం యూనిట్ భావిస్తుంది. ఈ మూవీ ఫస్ట్ హాఫ్ ట్విస్టులతో రోమాంచిత సన్నివేశాలతో ఉత్కంఠత రేపుతుంది. సెకండ్ హాఫ్ అయితే మైండ్ బ్లోయింగ్. అసలు ఇందులో నేరస్థుడు ఎవరు అనేది లాస్ట్ వరకు సస్పెన్స్ సాలిడ్ గా మెయింటైన్ చేశారు.

ఆఖరికి సెన్సార్ బోర్డు సభ్యులు సైతం ఈ మూవీ అసలు కిల్లర్ ఎవరో చూసి ఆశ్చర్యపోయారు. దాన్నిబట్టి ఈ మూవీలో సస్పెన్స్ ఏ రేంజ్ లో మెయింటైన్ చేశారో ఆలోచించండి. ఇక ఇందులో మెయిన్ ట్విస్ట్ రాబోతున్నది సీక్వెల్ కి కూడా ఈ మూవీలోని లాస్ట్ లో క్లూ ఇవ్వడం జరిగింది. మీరు బాగా గమనిస్తే దీనికి ముందు సీక్వెల్ హిట్ ఎండింగ్ లో గమనించినట్లయితే కేస్ మిస్టరీ సాల్వ్ అయ్యాక నేహా విక్రమ్ కి సంబంధించిన పాస్ట్ గురించి అడుగుతుంది. తర్వాత చెప్తాను అని దాటేసిన విక్రమ్ నేహాతో కలిసి కారు వద్దకు వస్తాడు.

విక్రమ్ కారు ఎక్కబోయే టైం కి ఎవరో అజ్ఞాత షూటర్ అతనిపై దాడి చేస్తాడు. విక్రమ్ సేఫ్ అనేది చూపిస్తారే తప్ప నేహ గురించి ఎండింగ్లో మనకు ఎలాంటి క్లారిటీ ఇవ్వలేదు. కారులో కూర్చున్న నేహ పరిస్థితి ఏమిటి? బుల్లెట్ ఆమెకు తగిలిందా లేదా? గురించి మనకు హిట్ : ద ఫస్ట్ కేస్ లో ఎలాంటి క్లారిటీ లేదు. అయితే హిట్ 2 ట్రైలర్ లో హత్య చేసే వ్యక్తికి పన్ను మీద పన్ను ఉండి అని చెప్తారు. హిట్ ఎండింగ్ క్రెడిట్స్ లో ఒక వ్యక్తి ఫోటో చూపిస్తారు. ఆ వ్యక్తికి పన్నుమీద పన్ను ఉన్నట్టు కూడా చూపిస్తారు. ఈ విషయాన్ని ఒక నెటిజన్ సోషల్ మీడియాలో పోస్ట్ చేశారు. ఇప్పుడు రాబోతున్న దీని సీక్వెల్లో దీనికి సంబంధించి పూర్తి వివరాలు తెలుస్తాయని ఆశిద్దాం.

https://twitter.com/BhagathBonthu73/status/1596196423560622080

సాయి కుమార్ గురించి ప్రత్యేకంగా పరిచయం చేయక్కర్లేదు. సాయికుమార్ అందరికీ సుపరిచితమే. చక్కటి డైలాగ్లతో అందరినీ బాగా ఆకట్టుకుంటారు సాయి కుమార్. సాయి కుమార్ లానే సాయి కుమార్ కుమారుడు కూడా ఇండస్ట్రీలోకి వచ్చాడు. పలు సినిమాలలో నటించి తెలుగు ప్రేక్షకులకు దగ్గరయ్యాడు. అయితే చాలా మందికి సాయి కుమార్ కూతురు గురించి తెలియదు.

సాయి కుమార్ కూతురు పేరు జ్యోతిర్మయి. ఈమె ఒక చిల్డ్రన్స్ డాక్టర్. గత సంవత్సరం కొండాపూర్ బొటానికల్ గార్డెన్ రోడ్ లో చిల్డ్రన్స్ క్లినిక్ ని మొదలు పెట్టారు. కేవలం ఏడాదిలోనే ఈమె చక్కటి పేరు ప్రఖ్యాతలని పొందారు.

నిజానికి ఈమె గురించి చాలా విషయాలు చెప్పేందుకు వున్నాయి. గత ఏడాది చిల్డ్రన్స్ క్లినిక్ ని ఈమె అత్యాధునిక సాంకేతిక పరిజ్ఞానం ఉన్న ఎక్విప్‌మెంట్‌తో స్టార్ట్ చేసారు. అప్పటి నుండి కూడా ఈమె ఎంతో పేరుని సంపాదించుకున్నారు. చిన్న పిల్లలకి ఎలాంటి సమస్య వచ్చిన సరే ఈమె వుంది అనే ధైర్యాన్ని ఇచ్చారేమే. ఈమె చేసే సేవ గురించి చాలా మంది చిన్నారుల తల్లిదర్దులు వీడియో రూపం లో షేర్ చేయడం జరిగింది. చెరిష్‌ క్లీనిక్‌ను ప్రారంభించి ఏడాది లో దాదాపు 2500 మంది పిల్లలకి ట్రీట్మెంట్ ని అందించారు. నిజంగా ఇది ఎంతో గొప్ప విషయం.

పైగా ఈమె ట్రీట్మెంట్ చేయడమే కాకుండా పిల్లలకి అనారోగ్య సమస్యలు ఏమి కలగకుండా ఉండాలంటే ఎలాంటి జాగ్రత్తలు తీసుకోవాలి అనే విషయాలని కూడా తల్లిదండ్రులకి చెబుతూ వుంటారు.”నా చెరిష్‌ క్లీనిక్‌ను ప్రారంభించి ఈ ఏడదిలో దాదాపు 2500 మంది పిల్లలకి ట్రీట్మెంట్ ఇచ్చాను” అని ఆమె చెప్పారు. పైగా కొన్ని ఇంటి చిట్కాలను కూడా నేను తల్లిదండ్రులకి చెబుతూ వుంటాను అని ఆమె అన్నారు. పిల్లలకు ఇది హాస్పిటల్‌ అనే భావన లేకుండా ఉంచేందుకు క్లినిక్ ని ఇలా డిజైన్ చేసాము అని కూడా చెప్పారీమె. అన్ని రకాల అంతర్జాతీయ ప్రమాణాలను కూడా ఇక్కడ ఫాలో అవుతారట.

మంచు విష్ణు ఈ మధ్య సినిమాలు తగ్గించిన సంగతి తెలిసిందే. కాగా ఆయన చాలా గ్యాప్ తర్వాత నటించిన సినిమా ‘జిన్నా’ . జిన్నా చిత్రంలో విష్ణు సరసన బాలీవుడ్ బ్యూటీ సన్నీలియోన్ , బ్యూటీ పాయల్ రాజ్ పుత్ నటించారు. అయితే ఇందులో ”జంపులకడి జారు మిఠాయ’ సాంగ్ మంచి హైప్ ని తీసుకొచ్చింది.

ఈ సాంగ్ బేసిక్ గా ఒక జానపదం. దీనికి మంచి మ్యూజిక్ ఇచ్చి, ట్యూన్ కట్టి.. సింగర్స్ సింహా, నిర్మలా రాథోడ్ చేత పాడించారు అనూప్ రూబెన్స్. ఈ పాట మాస్ ప్రేక్షకులకు ఆకట్టకునే విధంగా ఉంది. అయితే ఈ పాట ఒరిజినల్ ను పాడిన భారతమ్మ, నాగరాజమ్మ లను ‘జిన్నా’ ప్రీ రిలీజ్ ఈవెంట్ లో వెలుగులోకి తీసుకొచ్చారు మంచు ఫామిలీ. అయితే ఈ ఈవెంట్ లో వారు సాధారణం గా ఊర్లో పాడుకున్నట్లుగానే స్టేజ్ పై పాడారు. దీంతో ట్రోలర్స్ రెచ్చిపోయారు.

ఈ మధ్యకాలంలో కొత్తగా ఎవరి టాలెంట్ బయటికి వచ్చినా ట్రోల్ చేయడం అనేది దారుణంగా అయిపోయింది. జారు మిఠాయి సాంగ్ వెనకున్న భారతమ్మ, నాగరాజమ్మలను కూడా ట్రోల్ చేయడం ప్రారంభించారు. వీరిద్దరూ కూడా ప్రొఫెషనల్ సింగర్స్ కాదు. వాళ్ళు పల్లెల్లో పాడుకునే జానపదాలను, వాళ్ళంతట వారే క్రియేట్ చేసిన పాటలు అవి. వారు పాడిన విధానం బాగుందనే మంచు ఫ్యామిలీ వాళ్ళను ఇక్కడి వరకు తీసుకొచ్చారు.

నిజానికి పల్లె పాటలను ఎవ్వరూ ధైర్యంగా బయటికి తీసుకురావట్లేదు. తీసుకురావడానికి ప్రయత్నిస్తున్న ఇలాంటి వాళ్ళను హేళన చేయడం, ట్రోల్ చేయడం ఓ ప్యాషన్ అయిపోయింది. సినిమా పాటలకన్నా ప్రత్యేక స్థానం జానపదాలు, పల్లె గేయాలకు ఉంటుందని చెప్పాలి. పల్లె పాటలు అనేవి అదృష్టం ఉన్నవారికి మాత్రమే దొరికే ఆణిముత్యాల లాంటివి. జనజీవనంలో వస్తున్న మార్పులు, నాగరికత దృష్ట్యా జానపదాలు అనేవి మెల్లమెల్లగా అంతరించిపోతున్నాయి.

తెలంగాణలో ఇప్పటికీ జానపద గేయాలకు మంచి ఆదరణ ఉంది. కానీ.. ఆంధ్రప్రదేశ్ లో జానపదాలు అనేవి అంతరించిపోయాయి. ఎక్కడో కొన్ని ప్రాంతాలు, మారుమూల గ్రామాలలోనే వినిపిస్తున్నాయి. ఇలాంటి వారు బయటకి వచ్చిన మిడిమిడి జ్ఞానం ఉన్న ట్రోలర్స్ వారికీ అడ్డం పడుతున్నారు. మనం ఎవరిని ట్రోల్ చేయాలి? ఏ విషయంలో ట్రోల్ చేయాలి? ఎంతవరకు లిమిట్స్ లో ఆగిపోవాలి? అనే అంశాలను ట్రోలర్స్ గుర్తుంచుకోవాలి అని నెటిజన్లు అభిప్రాయ పడుతున్నారు.