Filmy Adda

మలయాళం సినిమా ప్రేమమ్ తో తన కెరీర్ మొదలు పెట్టి తర్వాత ఎన్నో తెలుగు, తమిళ్, మలయాళం సినిమాల్లో నటించారు అనుపమ పరమేశ్వరన్. తెలుగులో  అఆ, శతమానం భవతి, తేజ్ ఐ లవ్ యు, రాక్షసుడు ఇలా ఎన్నో సినిమాల్లో నటించారు. ఇవి మాత్రమే కాకుండా అనుపమ ఒక మలయాళం సినిమాకి సహాయ దర్శకత్వం కూడా వహించారు.

అయితే ఇప్పుడు అనుపమ మరొక గుర్తింపును సంపాదించుకున్నారు. కలకత్తా కల్ట్ ఫిలిం ఫెస్టివల్ వాళ్లు అనుపమని ఉత్తమ నటి అవార్డుతో సత్కరించారు. అనుపమ హీరోయిన్ గా నటించిన షార్ట్ ఫిలిం ఫ్రీడమ్ అట్ మిడ్ నైట్ కి ఈ అవార్డును అందుకున్నారు. ఈ విషయాన్ని అనుపమ స్వయంగా తన సోషల్ మీడియా అకౌంట్స్ ద్వారా తెలిపారు.

అలాగే ఈ షార్ట్ ఫిలింకి ఉత్తమ షార్ట్ ఫిలిం అవార్డ్ వచ్చింది. దాంతో నెటిజన్లు అనుపమ పరమేశ్వరన్ కి శుభాకాంక్షలు తెలుపుతున్నారు. అనుపమ పరమేశ్వరన్ ప్రస్తుతం నిఖిల్ హీరోగా నటిస్తున్న 18 పేజెస్ సినిమాలో హీరోయిన్ గా నటిస్తున్నారు. ఈ సినిమాకి పల్నాటి సూర్య ప్రతాప్ దర్శకత్వం వహిస్తున్నారు.

ఇప్పుడు సమంత తెలుగు, తమిళ్ ఇండస్ట్రీలలో మాత్రమే కాకుండా, హిందీలో కూడా ఎంతో గుర్తింపు సంపాదించుకున్నారు. ఇటీవల సమంత నెగటివ్ పాత్ర పోషించిన ఫ్యామిలీ మ్యాన్ 2 విడుదల అయ్యి పాజిటివ్ టాక్ సంపాదించుకుంది. ఇందులో సమంత పాత్రకి కూడా మంచి మార్కులు పడ్డాయి. ఇప్పటి వరకు అసలు తన కెరీర్లో ఎప్పుడూ చేయనటువంటి ఒక ఛాలెంజింగ్ పాత్రని సమంత ఈ సిరీస్ లో చేశారు.

అయితే సమంత ప్రస్తుతం గుణశేఖర్ దర్శకత్వం వహిస్తున్న శాకుంతలం సినిమాలో నటిస్తున్నారు. ఈ సినిమా పాన్ ఇండియన్ సినిమాగా విడుదల కాబోతోంది. ఇప్పుడు మరొక పాన్ ఇండియన్ సినిమాలో నటించబోతున్నారు అనే వార్తలు వినిపిస్తున్నాయి. ప్రభాస్ హీరోగా నాగ్ అశ్విన్ దర్శకత్వంలో రూపొందుతున్న సినిమాలో సమంత ఒక ముఖ్య పాత్రలో కనిపించబోతున్నారట.

ఈ పాత్ర గురించి సమంతని సంప్రదించి, కథని వివరించగా సమంత కూడా పాత్ర నచ్చి ఈ సినిమా చేయడానికి అంగీకరించారు అనే వార్తలు వస్తున్నాయి. ఈ సినిమాలో హీరోయిన్ గా దీపికా పదుకొనే నటిస్తున్నారు. ఒకవేళ సమంత ఈ సినిమాలో నటిస్తున్నారు అనే వార్త నిజమే అయితే ప్రభాస్ సమంత కాంబినేషన్ లో వస్తున్న మొదటి సినిమా ఇదే అవుతుంది.

బాహుబలి ద్వారా అంతర్జాతీయ స్థాయిలో గుర్తింపు తెచ్చుకున్న నటుడు ప్రభాస్. బాహుబలి సినిమా తరువాత ప్రభాస్ క్రేజ్ ఎంత పెరిగిందో ప్రత్యేకంగా చెప్పాల్సిన అవసరమే లేదు. బాలీవుడ్ సెలబ్రిటీలు కూడా ప్రభాస్ గురించి ఎన్నో సార్లు గొప్పగా చెప్పారు. అలాగే ఇతర భాషల సినిమా ఇండస్ట్రీకి చెందిన ప్రముఖులు కూడా తమ ఫేవరేట్ హీరో ప్రభాస్ అని ఎన్నో సార్లు చెప్పారు. ప్రభాస్ గత కొన్ని సంవత్సరాలలో ఎన్నో అరుదైన ఘనత లు సంపాదించారు. అలాగే ఎన్నో రికార్డ్స్ కూడా నెలకొల్పారు. ఇప్పుడు ప్రభాస్ మరొక అరుదైన గుర్తింపు సంపాదించారు.

ఫాన్సీ ఆడ్స్ వాళ్ళు నిర్వహించిన టాప్ టెన్ మోస్ట్ హ్యాండ్సమ్ ఏషియన్ మెన్ సర్వేలో మోస్ట్ హ్యాండ్సమ్ మ్యాన్ ఆన్ ద లార్జెస్ట్ కాంటినెంట్ ఆన్ ఎర్త్ గా మొదటి స్థానంలో నిలిచారు ప్రభాస్.  అలా మరొక అరుదైన గుర్తింపు సంపాదించుకున్నారు ప్రభాస్. ప్రభాస్ ప్రస్తుతం ఆదిపురుష్ సినిమాతో పాటు, రాధే శ్యామ్ అలాగే నాగ్ అశ్విన్ దర్శకత్వంలో రూపొందుతున్న సినిమాలో, ప్రశాంత్ నీల్ దర్శకత్వం వహిస్తున్న సలార్ లో నటిస్తున్నారు.

మూడు రోజుల విరామం తర్వాత అల్లు అర్జున్ హీరోగా నటిస్తున్న పుష్ప సినిమా షూటింగ్ తిరిగి ప్రారంభం అయ్యింది దర్శకుడు సుకుమార్ డెంగ్యూతో అస్వస్థతకు గురవడంతో సినిమా షూటింగ్ ఆపేశారు. మూడు రోజుల విశ్రాంతి తర్వాత తిరిగి సుకుమార్ పుష్ప సెట్లోకి అడుగుపెట్టారు. ఈ విషయంపై సినిమా బృందం మాట్లాడుతూ “సుకుమార్ కి అంత తీవ్రమైన డెంగ్యూ రాలేదు అని, అందుకే సుకుమార్ కి కొన్ని రోజులు విశ్రాంతి తీసుకోమని సూచించారు” అని చెప్పారు.

సుకుమార్ పుష్ప సినిమా కోసం ఎంతగానో కష్టపడుతున్నారు. సుకుమార్ తో పాటు సినిమా బృందం అంతా కూడా రాత్రి, పగలు తేడా లేకుండా షూటింగ్ లో పాల్గొంటున్నారు. ఈ సినిమా కోసం అల్లు అర్జున్ తన గెటప్ మొత్తాన్ని మార్చారు. మలయాళం స్టార్ హీరో ఫహాద్ ఫాజిల్ పుష్ప సినిమాతో తెలుగు సినిమా ఇండస్ట్రీలో అడుగుపెట్టబోతున్నారు. ఈ సినిమా రెండు భాగాలుగా విడుదల అవుతుంది. మొదటి భాగం చివరిలో ఫహాద్ ఫాజిల్ ఇంట్రడక్షన్ ఉంటుంది అని సమాచారం. ఈ సినిమాకి దేవి శ్రీ ప్రసాద్ సంగీతం సమకూరుస్తూండగా, మైత్రి మూవీ మేకర్స్ నిర్మిస్తున్నారు.