News

ఇటీవల న్యూస్ చానెల్స్ వెబ్ సైట్ లలో వచ్చే వార్తలు ఇబ్బందికరం గా ఉంటున్నాయి. అందులో వాస్తవాలు ఏంటో తెలిసి తెలియకుండానే చిలవలు పలవలు చేసేసి రాస్తున్నారు. వీటిని ఎక్కువ గా సెలెబ్రిటీలే ఎదుర్కోవాల్సి వస్తోంది. అటు సమంత ఫ్యామిలీ సమస్య అయినా, మొన్న సాయి ధరమ్ తేజ్ ఆక్సిడెంట్ గురించి అయినా వెబ్ సైట్ లలో వచ్చిన కధనాలు అన్నీ ఇన్నీ కావు.

వీటిపై దర్శకుడు హరీష్ శంకర్ మొన్నామధ్య ఘాటు గానే స్పందించారు. సాయిధరమ్ తేజ్ కు ఆక్సిడెంట్ అయిన సమయం లో కూడా.. హాస్పిటల్ బెడ్ పై ఉండి కూడా ఎందరికో అన్నం పెడుతున్నావ్. నీపై తప్పుడు వార్తలు రాసేవారికి ఆ అన్నం అరగాలి అని కోరుకుంటున్నా అంటూ స్టేటస్ పెట్టారు. తాజాగా.. ఓ టివి ఛానెల్ పోస్ట్ చేసిన మరో ఆర్టికల్ ని కూడా కూడా షేర్ చేసి లాఫింగ్ ఎమోజి ని పెట్టారు. ఆ పోస్ట్ కింద హరీష్ అభిమానులు కామెంట్స్ చేస్తూ ఓ రేంజ్ లో ట్రోల్ చేస్తున్నారు.

రెండు, మూడు సార్లు వాయిదా పడిన తర్వాత లవ్ స్టోరీ సినిమా చివరికి థియేటర్లలో విడుదల అయ్యింది. సినిమా బృందం కూడా ముందు నుంచి చాలా కాన్ఫిడెంట్ గా ఉన్నారు. ఈ సినిమా థియేటర్లలో చూడవలసిన సినిమా అని, అది కూడా కేవలం యూత్ మాత్రమే కాకుండా, కుటుంబం అంతా చూడాల్సిన సినిమా అని చెప్పారు. ఈ సినిమాలో కొన్ని ముఖ్యమైన అంశాల గురించి మాట్లాడారు. ఇలాంటి అంశాలను తెరపై చూడటం మనకి కొంచెం కొత్తగా అనిపిస్తుంది. ఫిల్మీ ఫోకస్ కథనం ప్రకారం, అంత భారీ అంచనాల మధ్య విడుదలైన ఈ సినిమా మొదటి రోజు కలెక్షన్స్ ఇలా ఉన్నాయో ఇప్పుడు చూద్దాం.

నైజాం            3.06 cr

సీడెడ్             1.08 cr

ఉత్తరాంధ్ర    0.61 cr

ఈస్ట్                0.48 cr

వెస్ట్                 0.55 cr

గుంటూరు      0.59 cr

కృష్ణా               0.32 cr

నెల్లూరు          0.25 cr

ఏపీ + తెలంగాణ (టోటల్)    6.94 cr

రెస్ట్ ఆఫ్ ఇండియా                0.32 Cr

ఓవర్సీస్                                  2.40 Cr

వరల్డ్ వైడ్ (టోటల్)               9.66 cr

ఈ సినిమా మొత్తంగా 31.2 కోట్ల థియేట్రికల్ బిజినెస్ చేసింది. ఓవర్సీస్ లో కూడా చాలా మంచి ఓపెనింగ్స్ వచ్చాయి. ఇంకా 22.34 కోట్ల షేర్ ను రాబట్టగలిగితే లవ్ స్టోరీ సినిమా బ్రేక్ ఈవెన్ సాధించగలుగుతుంది.

కన్నడ నటుడు చిరంజీవి సర్జా జూన్ 7, 2020 న తీవ్రమైన గుండెపోటుతో మరణించిన సంగతి తెలిసిందే. అప్పటికే అతని భార్య మేఘన రాజ్ గర్భవతి గా ఉంది. తాజాగా.. ఆమె మళ్ళీ పెళ్లి చేసుకోబోతున్నట్లు వార్తలు వస్తున్నాయి. తన భర్త మరణించిన ఐదు నెలల తర్వాత రాయన్ రాజ్ సర్జాకు జన్మించిన మేఘనా రాజ్ దాదాపు ఏడాది కాలం తరువాత తిరిగి వార్తల్లోకి వచ్చారు.

మేఘన మరియు బిగ్ బాస్ కన్నడ 4 విజేత ప్రథమ్ త్వరలో వివాహం చేసుకోబోతున్నారని కొన్ని యూట్యూబ్ ఛానెల్‌లు పేర్కొన్నాయి. అయితే ఈ వీడియో లపై ప్రథమ్ ఆగ్రహం వ్యక్తం చేసాడు. ట్విట్టర్ మాధ్యమం గా స్పందించిన ప్రథమ్.. తన పోస్ట్ లో ఓ స్క్రీన్ షాట్ ను పంచుకున్నాడు. ఇలాంటి వీడియో లపై చట్టబద్ధం గా చర్యలు తీసుకుంటేనే ఇతర చానెళ్లకు గుణపాఠం అవుతుందని అన్నాడు.

నాగ చైతన్య, సాయి పల్లవి జంటగా నటించిన లవ్ స్టోరీ సినిమా నిన్న విడుదలయ్యి పాజిటివ్ టాక్ తో దూసుకుపోతోంది. ఈ సినిమా ప్రీ రిలీజ్ ఈవెంట్ కి సంబంధించిన ఒక ఫోటో బయటకు వచ్చింది ఇందులో శేఖర్ కమ్ముల, సాయి పల్లవి, నాగ చైతన్యతో పాటు, నాగార్జున, అఖిల్ అక్కినేని, అలాగే ఈవెంట్ కి అతిథిగా హాజరైన బాలీవుడ్ స్టార్ నటుడు అమీర్ ఖాన్ ఉన్నారు. కానీ సమంత మాత్రం లేరు. నాగ చైతన్యకి సంబంధించిన పార్టీ అంటే సమంత కచ్చితంగా పాల్గొంటారు.

అంతకుముందు వెంకీ మామ సినిమా విడుదల అయినప్పుడు ఆ సినిమా గురించి ఏ అప్డేట్ వచ్చినా సరే సమంత షేర్ చేసే వారు. ఇప్పుడు లవ్ స్టోరీ సినిమాకి కేవలం ట్రైలర్ కి స్పందించి సినిమా బృందానికి ఆల్ ది బెస్ట్ చెప్పారు. కానీ ఇందులో కూడా నాగ చైతన్యని మెన్షన్ చేయకపోవడం గమనార్హం. ఈ ప్రీ రిలీజ్ ఈవెంట్ ఆఫ్టర్ పార్టీ జరుగుతున్నప్పుడు సమంత షూటింగ్ కోసం చెన్నైలో ఉన్నారు అనే వార్తలు వస్తున్నాయి.