News

ప్రస్తుతం ఎటు వైపు చూసినా కరోనా గురించిన చర్చే.. మాయదారి రోగం.. దీని పీడా ఎప్పుడు విరగడ అవుతుందా..? అని అందరు ఎదురు చూస్తున్నారు. దేశవ్యాప్తం గా దాదాపు అన్ని పట్టణాల్లోనూ కరోనా విపరీతం ప్రబలుతోంది. అయితే.. కొన్ని గ్రామాల్లో మాత్రం ఈ బెడద కొంత తక్కువ ఉంది.

వివరాల్లోకి వెళితే.. అనంతపురం జిల్లా పరిధిలోని పుట్టపర్తి మండలం, చెర్లోపల్లి గ్రామస్తులు మాత్రం వారి ఊరిలోకి కరోనా రాకుండా జాగ్రత్త పడ్డారు. కరోనా మొదటి దశలోనూ.. రెండవ దశలో కూడా ఈ గ్రామం లో ఒక్క కేసు కూడా నమోదు కాలేదు. కరోనా మొదలైనప్పటినుంచే.. ఈ గ్రామస్తులు ఊరు వదిలి బయటకు రాకుండా జాగ్రత్తలు తీసుకున్నారు.

గ్రామం లో ఉన్న సచివాలయం లోనే వారి పనులు పూర్తి చేసుకునే వారు. గ్రామం నుంచి బయటకు రాకుండా.. పలు జాగ్రత్తలు తీసుకుంటూ రావడం తో అక్కడ ఇప్పటివరకు ఒక్క కేసు కూడా నమోదు కాలేదు. ప్రభుత్వ కార్యాలయాల కోసం పట్టణాలకు వెళ్లాల్సిన అవసరం లేకపోవడం తో.. వారు ఊళ్ళోనే ఉంటూ..తమ జాగ్రత్తలు తాము తీసుకుంటూ ప్రాణాలు కాపాడుకుంటున్నారు.

శ్రీకాంత్ హీరో గా వచ్చిన కన్యాదానం సినిమా గుర్తుందా..? ఈ సినిమా లో ఉపేంద్ర, రచన ప్రేమికులు గా నటించారు. సినిమా లో రచన ఉపేంద్రను ప్రేమించినప్పటికీ.. శ్రీకాంత్ ను పెళ్లి చేసుకోవాల్సి వస్తుంది. అయితే.. శ్రీకాంత్ తో పెళ్లి అయిన తరువాత కూడా రచన తన ప్రియుడిని మర్చిపోలేకపోతుంది. దీనితో.. శ్రీకాంత్ తన భార్యను ప్రేమించిన వాడికే ఇచ్చి పెళ్లి చేసేస్తాడు.

ఇలాంటి సినిమానే బాలీవుడ్ లో మరొకటి ఉంది. “హమ్ దిల్ దే చుకే సనమ్” పేరు తో ఓ సినిమా విడుదలైంది. ఐశ్వర్య రాయ్, అజయ్ దేవగన్, సల్మాన్ ఖాన్ ప్రధాన పాత్రలు పోషించారు. ఈ సినిమా లో అజయ్ దేవగన్ భార్య గా ఐశ్వర్యా రాయ్ నటించగా.. సల్మాన్ ఖాన్ ఆమె ప్రియుడి గా నటించారు. ఈ సినిమా లో కూడా అజయ్ దేవగన్ తన భార్య ను ప్రియుడికి ఇచ్చి పెళ్లి చేస్తారు. ఇవన్నీ రీల్ లైఫ్ స్టోరీస్. రియల్ లైఫ్ లో కూడా ఇలాంటి స్టోరీ నే ఒకటి జరిగింది.

సుల్తాన్‌గంజ్‌ ప్రాంతానికి చెందిన ఉత్తమ్ మండల్ అనే వ్యక్తి ఖగరియా జిల్లాకు చెందిన స్వప్న ను పెళ్లి చేసుకున్నారు. అయితే.. స్వప్న పెళ్ళికి ముందే రాజ్ కుమార్ అనే వ్యక్తిని ప్రేమించింది. ఈ విషయాన్నీ పెళ్లి అయినా తరువాత తెలుసుకున్న ఉత్తమ్ మండల్ బాధపడ్డాడు. కాలక్రమం లో వీరికి ఇద్దరు సంతానం కలిగారు. అయితే.. పెళ్లి అయ్యి ఏడేళ్లయినా.. స్వప్న రాజ్ కుమార్ ను మర్చిపోలేకపోతోంది.

రాజ్ కుమార్ విషయమై వీరిద్దరి మధ్యా గొడవలు కూడా జరిగాయి. పెద్దలు వీరిద్దరి మధ్య సఖ్యత కుదర్చడానికి ప్రయత్నించినా సాధ్యం కాలేదు. దీనితో..ఆమెను రాజ్ కుమార్ కె ఇచ్చి పెళ్లి చేయాలనీ ఉత్తమ్ నిర్ణయించుకున్నాడు. దుర్గాదేవి ఆలయం లో పెద్దలందరి సమక్షం లోనే వీరిద్దరికి పెళ్లి చేసారు. వారి పెళ్లిని చూడడానికి ఆ గ్రామస్తులు కూడా వచ్చారు.

గతం లో కూడా బీహార్ లో భగల్పూర్ లో ఇలాంటి ఘటనే చోటు చేసుకుంది. ఓ వ్యక్తి ఓ కేసు కు సంబంధించి జైలు లో ఉన్న సమయం లో అతని భార్య ఇంటి యజమాని కొడుకు ను ప్రేమించింది. దీనితో ఆ భర్త ఆమెను అతనికే ఇచ్చి పెళ్లి చేసి, రెండేళ్ల బిడ్డను కూడా వారికే అప్పచెప్పేసాడు. ప్రస్తుతం జరిగిన ఘటనలో స్వప్న, ఉత్తమ్ ల పిల్లలు ఎవరివద్ద ఉన్నారన్న విషయం తెలియరాలేదు.

కరోనా ఉద్ధృతం గా వ్యాప్తి చెందుతున్న ఈ పరిస్థితిలో మాస్క్ ధరించడం అనేది మనల్ని రక్షించుకోవడం కోసమే అని విస్తృతం గా ప్రచారం చేస్తున్నారు. పబ్లిక్ ప్రదేశాల్లో కూడా మాస్క్ ను ధరించాలన్న నిబంధనలను కఠినతరం చేసారు. ఇన్ని జాగ్రత్తలు తీసుకుంటున్నా కరోనా మహమ్మారి ప్రబలుతోందంటే.. పరిస్థితి ఏ స్థాయిలో ఉందొ అర్ధం చేసుకోవచ్చు.

ఇది ఇలా ఉంటె.. కొందరు మాత్రం మాస్క్ ధరించడానికి అభ్యంతరాలు వ్యక్తం చేస్తున్నారు. మాస్క్ లు ధరించకుండా నిర్లక్ష్యం వహిస్తూ వారి ప్రాణాలతో పాటు.. ఇతరులను కూడా రిస్క్ లో పెడుతున్నారు. కొందరైతే.. అది తమ అందం కనబడకుండా చేస్తుందని భావించే వారు కూడా ఉన్నారు. అలాంటి ఇద్దరు యువతులు మాస్క్ వేసుకోకుండా.. పైన మాస్క్ లాంటి పెయింటింగ్ ను వేసుకున్నారు. ఇండోనేషియా లో, బాలి వద్ద ఈ ఘటన జరిగింది.

వారు వేసుకున్నది మాస్క్ కాదని, మాస్క్ లాంటి పెయింటింగ్ అని గుర్తించిన అధికారులు ఆ ఇద్దరు యువతుల పాస్ పోర్ట్ ను రద్దు చేసారు. ఈ ఇద్దరు యువతులు మాస్క్ వేసుకోకుండా.. నీలిరంగు సర్జికల్ మాస్క్ తరహా రంగును ముఖానికి వేసుకున్నారు. అక్కడితో ఆగకుండా.. వారు దీనిని వీడియో ను తీసి సోషల్ మీడియా లో పెట్టారు. ఈ వీడియో క్షణాల్లో వైరల్ అయింది. చాలా మంది వారు చేసిన పనిని చట్ట విరుద్ధం అని కామెంట్లు చేసారు. ఈ వీడియో అధికారుల దృష్టికి రావడం తో.. వారు ఆ యువతుల్ని గుర్తించి పాస్ పోర్ట్ లు రద్దు చేసారు.

కుంభకర్ణుడి గురించి తెలియని వారు ఉండరు. ఒకసారి నిద్రపోతే తిరిగి ఎప్పుడు లేస్తాడో తెలియదు. అందుకే అతిగా నిద్రపోయే వారి గురించి చెప్పాలంటే కుంభకర్ణుడిని ఉదాహరిస్తారు. అయితే.. మనలో చాలా మంది గంటల తరబడి నిద్రపోయేవారుంటారు. కానీ.. రోజుల తరబడి నిద్రపోయేవారున్నారని తెలుసా..? ఒకమ్మాయి రోజుల తరబడి నిద్రలోనే ఉంటోందట.

ఒకసారి పడుకుంటే మళ్ళీ ఎప్పుడు లేస్తుందో తెలియదు. ఆమెను లేపడానికి ఎంత ప్రయత్నించినా సాధ్యం కాదట. ఆమె అసలు స్పృహలోనే ఉండదట. ఓసారి ఇలానే పడుకుని పదమూడు రోజుల తరువాత నిద్ర లేచిందిట. తిండి తిప్పలు కూడా లేకుండా ఆమె అలా నిద్రపోతూనే ఉంటుందట. ఆమె తల్లి తండ్రులు ఆసుపత్రికి తీసుకువెళ్తే.. ఆమె ‘హైపర్సోమ్నియా’తో బాధపడుతోంది.. అందుకే అలా నిద్రపోతోందని వివరించారు. అయితే ఎక్కువ రోజులపాటు నిద్రలోనే ఉండడం తో.. ఆమె బలహీనం గా ఉందని వైద్యులు చెప్పారు.

ఆ బాలిక పేరు ఏచా .. ఆమె వయసు 17 సంవత్సరాలు. నిద్రపోవడం మినహాయిస్తే.. శారీరకం గా ఆమెకు ఎలాంటి ఇబ్బందులు లేవు. హైపర్సోమ్నియా అనే న్యూరోలాజికల్ సమస్య వలెనే ఆమె అతి గా నిద్రపోతుంది. ఆమె తండ్రి మూల్యాది మాట్లాడుతూ.. “ఆమెను నిద్ర లోంచి బయటకు తీసుకురావడానికి చాలా ప్రయత్నించా.. నాకు ఆయాసం వచ్చేది తప్ప ఆమె మాత్రం లేచేది కాదు.. ఆమె ఎప్పుడు మేల్కొని ఉండి మాతో సంతోషం గా ఉంటె చాలు..” అని పేర్కొన్నాడు. అయితే.. వైద్యులు మాత్రం దీనికి ఇంకా చికిత్స లేదని చెబుతున్నారు.

ప్రస్తుతం మనం ఏదైనా ట్రాన్సాక్షన్ చేస్తున్నప్పుడు కానీ, లేకపోతే ఏదైనా వెహికల్ బుక్ చేసినప్పుడు కానీ తప్పనిసరిగా అవసరమయ్యేది ఓటీపీ. ఓటీపీ చాలా పనులకి ఒక కన్ఫర్మేషన్ కోడ్ అయిపోయింది. ఎన్నో ముఖ్యమైన పనులు ఓటీపీ ద్వారానే జరుగుతున్నాయి. ఒక రకంగా చెప్పాలంటే ఓటీపీ ద్వారా మన బదులు తప్పు దారిలో ఇంకెవరు మన పని చేయకుండా, లేదా ఇంకా ఏమైనా పొరపాట్లు జరగకుండా కూడా నియంత్రించవచ్చు.

అయితే ప్రస్తుతం ఇంకొక దానికి కూడా ఓటీపీ అనేది ఖచ్చితం చేశారు. మనలో చాలా మంది గ్యాస్ సిలిండర్లు వాడతాం. సిలిండర్ కావాలంటే ఫోన్ చేసి బుక్ చేసుకుంటాం. ఇండేన్ గ్యాస్ సంస్థ ఇలాంటి ఒక కోడ్ ని ప్రవేశపెట్టింది. దాని పేరే డెలివరీ ఆతెంటికేషన్ కోడ్. దీనిని డ్యాక్ అని కూడా అంటారు. ట్విట్టర్ వేదికగా ఇండియన్ ఆయిల్ కార్పొరేషన్ లిమిటెడ్ సంస్థ ఒక పోస్ట్ షేర్ చేసింది.

Did you know that a unique DAC is generated every time you book your #Indane refill? Share the DAC with the delivery personnel to complete the delivery process. Help us serve you better. #Indane #DAC #LPG pic.twitter.com/Am9IxgbVlI

— Indian Oil Corp Ltd (@IndianOilcl) April 24, 2021

అందులో మనం ఇండేన్ గ్యాస్ బుక్ చేసిన ప్రతిసారి ఒక  డ్యాక్ జనరేట్ అవుతుంది అని, డెలివరీ అతనికి ఈ డ్యాక్ షేర్ చేయాలి అని అర్థం వచ్చేలాగా ట్వీట్ చేశారు. ఇది కూడా ఒక రకంగా చెప్పాలంటే ఓటీపీ యే. ఈ కోడ్ ఎస్ఎంఎస్ రూపంలో ఫోన్ కి వస్తుంది. ఇందులో నాలుగు నంబర్స్ ఉంటాయి. డెలివరీ బాయ్ కి ఈ కోడ్ చెప్పి సిలిండర్ తీసుకోవాలి. బ్లాక్ మార్కెటింగ్ ని నియంత్రించడానికి ఇండేన్ సంస్థ ఈ పథకాన్ని ప్రవేశపెట్టింది.

ఇటీవల కాలం లో ఆత్మహత్యలు ఎక్కువ గానే జరుగుతున్నాయి. చిన్న చిన్న కలహాలే మనస్పర్థలకు దారితీసి ఆత్మహత్యలు చేసుకునే వరకు వెళ్తున్నాయి. ఇటీవల ప్రేమించిన వ్యక్తి అవాయిడ్ చేస్తున్నాడన్న కారణం తో ఓ అమ్మాయి ఆత్మహత్య చేసుకోవడం స్థానికం గా కలకలం రేపింది.

న్యూస్ 18 కధనం ప్రకారం, సత్తుపల్లి మండలం నారాయణపురానికి చెందిన అలవాల ప్రత్యుష అనే అమ్మాయి హైదరాబాద్ లో ప్రైవేట్ కంపెనీ లో జాబ్ చేస్తోంది. అయితే.. అప్పుడపుడు ఆమె తుంబురు లోని తన అమ్మమ్మగారింటికి వస్తూ ఉండేది. ఈ క్రమం లో అక్కడ జగదీశ్ అనే వ్యక్తి తో ఆమెకు పరిచయమైంది. ఆ పరిచయం ప్రేమ గా మారింది. జగదీశ్ పెయింటర్ గా పని చేస్తూ ఉండేవాడు.

జగదీశ్ కూడా ప్రత్యుష కోసం చాలా సార్లు హైదరాబాద్ కు కూడా వచ్చాడు. వీరిద్దరూ టూర్ కి కూడా వెళ్లారు. అయితే.. హఠాత్తుగా వీరిద్దరి మధ్య దూరం వచ్చింది. జగదీశ్ ప్రవర్తనలో మార్పు ని ప్రత్యుష గమనించింది. కాల్ చేస్తే బిజీ గా ఉన్నా.. మళ్ళీ చేస్తా అంటూ అవాయిడ్ చేసేవాడు. దాదాపు ఎనిమిది నెలల ప్రేమ తరువాత.. ప్రత్యుష తనను పెళ్లి చేసుకోవాలంటూ జగదీశ్ ను కోరింది.

అయితే.. జగదీశ్ మాత్రం పెళ్లి చేసుకోవడం కుదరదని తేల్చి చెప్పేసాడు. తనకు అలంటి ఉద్దేశ్యం లేదన్నాడు. దీనితో ప్రత్యూష మనస్థాపానికి గురి అయింది. హైదరాబాద్ లో జాబ్ చేస్తూ ఉన్నా.. ఆమె ప్రేమ విషయమై బాధ పడుతూ ఉండేది. ఏప్రిల్ 30 న ఆఫీస్ కి వెళ్లి వచ్చి.. ఇంటికి వచ్చాక శానిటైజర్ తాగి ఆత్మహత్యకు పాల్పడింది. ఆమెను వెంటనే ఆసుపత్రి లో చేర్పించారు. మే 2 న ఆమె చావు బతుకుల మధ్య పోరాడి ఓడిపోయింది. ఆమె మృతదేహాన్ని తుంబురు కు తీసుకెళ్లి జగదీశ్ ఇంటి ముందు ఆందోళన చేసారు. ప్రత్యుషకు న్యాయం చేస్తామని పోలీసులు సర్దిచెప్పి వారిని అక్కడనుంచి పంపేశారు.

ఆమె ఆత్మహత్య చేసుకుందన్న విషయం తెలియగానే జగదీష్ కుటుంబం ఇంటి నుంచి పరారీ లో ఉంది. మరో వైపు కుమార్తె ఆత్మహత్య కు జగదీష్ కారణం అంటూ ఆమె కుటుంబ సభ్యులు పోలీసులకు ఫిర్యాదు చేసారు. ఈ దుర్ఘటన లో తప్పెవరిది..? పెళ్ళికి నో చెప్పడం జగదీశ్ చేసిన తప్పా..? నో చెప్పగానే ఆత్మహత్య చేసుకోవడం ప్రత్యుష చేసిన తప్పా..?

కరోనా గడ్డు కాలం వచ్చాక ఒకరినొకరు దగ్గరికెళ్లి కలవడమే మానేసాం. ఏమైనా ఉంటె ఫోన్ లో మాట్లాడుకోవడం తప్ప.. దగ్గరికెళ్లి పలకరించే పరిస్థితులు ప్రస్తుతం లేవు. ఇలాంటి పరిస్థితి లో కూడా ఓ వ్యక్తి తన స్నేహితుడి కోసం ప్రాణాలను పణం గా పెట్టి 24 గంటల్లో 1300 కిలోమీటర్లు ప్రయాణం చేసాడు. ఇంతకీ అతను ఎందుకు అంత దూరం ప్రయాణించాడో చూద్దాం..

వివరాల్లోకి వెళితే.. ఉత్తరప్రదేశ్, ఘజియాబాద్ కు చెందిన రాజన్ అనే వ్యక్తి కరోనా బారిన పడ్డాడు. అతన్ని ఆసుపత్రిలో చేర్పించి ఆక్సిజెన్ సపోర్ట్ తో ట్రీట్మెంట్ అందిస్తున్నారు. అయితే.. అక్కడ కూడా ఆక్సిజెన్ కొరత ఉండడం తో.. 24 గంటలు మాత్రం ఆక్సిజెన్ ను అందిస్తూ ట్రీట్మెంట్ చేయగలుగుతున్నారు. అతని కుటుంబ సభ్యులు అతని స్నేహితుడు అయిన దేవేంద్ర కు విషయం చెప్పారు.

ఎలా అయినా ఫ్రెండ్ ని కాపాడుకోవాలన్న ఉద్దేశం తో.. దేవేంద్ర తన పక్క ఊరు అయిన బొకారో..(150 కి.మీ ) కు వెళ్లి ఆక్సిజెన్ సిలిండెర్ కోసం ప్రయత్నించాడు. ఆ రాత్రంతా ఆక్సిజెన్ కోసం వెతుకుతూనే ఉన్నాడు. చివరకు జార్ఖండ్ గ్యాస్ ప్లాంట్ ఓనర్ రాకేష్ గుప్తా అతని వద్ద రూపాయి కూడా తీసుకోకుండా ఆక్సిజెన్ ను అందచేసాడు.

గ్యాస్ సిలిండెర్ దొరికింది. దీనిని అక్కడనుంచి 1300 వందల కిలోమీటర్ల దూరం లో ఉన్న తన ఫ్రెండ్ వద్దకు తీసుకెళ్లాల్సి ఉంది. ఇంకా లేట్ చేయకుండా.. తెలిసిన వాళ్ళ దగ్గర కార్ తీసుకునే తానె డ్రైవ్ చేసుకుంటూ వెళ్ళాడు.. దారిలో చాలా చోట్ల పోలీసులు ఆపినప్పటికీ.. అందరికి తన పరిస్థితి వివరిస్తూ ముందుకెళ్లాడు. సమయానికి ఫ్రెండ్ కి ఆక్సిజెన్ ను అందించగలిగాడు.

రాజీవ్ కు, దేవేంద్రకు సంజీవ్ అని మరో స్నేహితుడు ఉండేవాడు. అతను ఇటీవలే గత నెల 19 న ప్రాణాలు పోగొట్టుకున్నాడు. మరో ఫ్రెండ్ ను పోగొట్టుకోలేక.. దేవేంద్ర ఇంతటి రిస్క్ చేసాడు. అతని ఫ్రెండ్ ను కాపాడుకున్నాడు. అతను చేసిన సాహసానికి యూపీ సీఎం కూడా షాక్ అయ్యారు.

ఒక్కోసారి కోపం, పని ఒత్తిడి ఎంతపనైనా చేయిస్తుందనడానికి ఉదాహరణలు కోకొల్లలు.. అలాంటి సంఘటనే ఉత్తరప్రదేశ్ లోని రాంపూర్ లో చోటు చేసుకుంది. సోషల్ మీడియా లో ఓ వీడియో వైరల్ అవుతోంది. ఓ నర్స్ డాక్టర్ తో మాట్లాడుతూ.. అతనిపై చేయి చేసుకుంది. వెంటనే ఆ డాక్టర్ కూడా.. తిరిగి ఆమెపై చేయి చేసుకున్నట్లు చూపిస్తున్న ఈ వీడియో వైరల్ అవుతోంది.

వివరాల్లోకి వెళితే.. ఉత్తరప్రదేశ్ లోని రాంపూర్ లో ఓ నర్స్ కు, డాక్టర్ కు మధ్య ఓ చిన్న విషయమై విబేధాలు వచ్చాయి. మాట కు మాట అనుకున్నారు. అయితే.. మాటలు చాలా దూరం వెళ్లాయి.. సహనం నశించడం తో.. ఆ నర్స్ సదరు డాక్టర్ చెంప పగలగొట్టింది. దీనితో.. షాక్ అయిన ఆ డాక్టర్ కూడా తిరిగి ఆ నర్స్ పై చేయి చేసుకున్నాడు. వీరిద్దరి గొడవకి కారణం ఏంటంటే ఒక డెత్ సర్టిఫికెట్.

ఆసుపత్రి లో ఓ వ్యక్తి చనిపోతే.. అతని తాలూకు బంధువులు డెత్ సర్టిఫికెట్ కావాలని కోరారు. అయితే.. ఆ విషయాన్నీ ఆ నర్స్ వచ్చి డాక్టర్ ను అడిగింది. అందుకు ఆయన తనకు ఒక లెటర్ రాసి ఇవ్వమని.. అప్పుడు సర్టిఫికెట్ ఇస్తానని చెప్పాడు. దీనితో వారిద్దరి మధ్యా వాగ్వాదం మొదలైంది. ఈ ఘటనపై స్పందించిన సిటీ మేజిస్ట్రేట్ రాంజీ మిశ్రా వారిద్దరితో మాట్లాడానని.. పని ఒత్తిడి కారణంగానే అలా జరిగిందని వివరణ ఇచ్చారు.

watch video: