News

అమలాపాల్ ది ఆమె సినిమా గుర్తుందా.. ఆ సినిమాలో ప్రాంక్ వీడియోస్ చేస్తుంటుంది అమలా.. ఒకసారి తను చేసిన ప్రాంక్ వల్ల ఒకమ్మాయి ఇబ్బందులకు గురౌతుంది..దాంతో అమలాపాల్ కి బుద్ది చెప్పాలనుకుంటుంది..ఒంటిపై నూలు పోగు లేకుండా ఒక దగ్గర బంధిస్తుంది..ఇలా సాగుతుంది ఆ కథ.. దేనికైనా ఒక లిమిట్ ఉంటుంది..లిమిట్ దాటితే పర్యవసనాలు వేరేగా ఉంటాయి అనడానికి ఈ సినిమా ఒక ఉదాహరణ.

ఒకప్పుడు మన దగ్గర ప్రాంక్ అంటే ఏంటో తెలీదు..కొత్తలో వింతగా బానే ఉండేది. కొన్ని ప్రాంక్స్ నవ్వుతెప్పించేవి కూడానూ . కాని రాను రాను దాన్ని మరీ చిల్లరగా వాడుతుంటే ఏహ్యభావం కలుగుతోంది . అలా పిచ్చి ప్రాంక్ చేసిన ఒకడికి ఇద్దరమ్మాయిలు బుద్ది చెప్పారు. ఒక హగ్ ఇస్తారా ప్లీజ్ అంటూ అమ్మాయిల్ని ఏడిపించి, చివరికి ప్రాంక్ అంటూ కెమెరా వైపు చూపించేవాడు.. కొందరమ్మాయిలు లైట్ తీసుకున్నప్పటికి ఇద్దరమ్మాయిలు పోలీసు కంప్లైంట్ ఇచ్చి మనోన్ని ఊచలు లెక్కపెట్టేలా చేశారు.

రమావత్ సురేశ్ అనే వ్యక్తి డ్రీమ్ బాయ్ జయసూర్య పేరుతో ఒక యూట్యూబ్ ఛానెల్ నిర్వహిస్తున్నాడు. ఆ యూట్యూబ్ ఛానెల్ లో ఆన్‌లైన్‌ గేమ్స్‌కు సంబంధించిన లింక్స్, బెట్టింగ్స్‌కు అవసనరమైన లింక్స్ పెట్టి వాటిని యూజ్ చేసుకోవాలంటే సబ్స్క్రైబర్స్ నుండి అమౌంట్ కలెక్ట్ చేసేవాడు. ఇలాంటి చట్టవ్యతిరేకమైన పనులతో పాటు ప్రాంక్లు వెలగబెట్టేవాడు. ఏడాది క్రితం ఒంటిపై టవల్ చుట్టుకుని పబ్లిక్ ప్లేసులో అమ్మాయిల ముందుకి వెళ్లి సినిమా చూస్తారా అంటూ టవల్ తీసి భయపెట్టేలా ఒక ప్రాంక్ చేశాడు.. లోపల షార్ట్ ఉండేది.. భయపడ్డ అమ్మాయిలకి ప్రాంక్ అంటూ కెమెరా చూపించేవాడు.

ఆ వీడియోపై ఎవరూ కంప్లైంట్ ఇవ్వకపోయినప్పటికి సైబర్ స్పేస్ పోలీసింగ్ ద్వారా ఈ వీడియోని గుర్తించిన పోలీసులు ఆ వీడియోను యూట్యూబ్ నుండి తొలగించారు. రమావత్ సురేష్ ని పిలిపంచి కౌన్సిలింగ్ ఇచ్చి పంపించారు.  ఆ తర్వాత నేను సింగిల్ నాకొక హగ్ ఇవ్వండంటూ ఒక ప్రాంక్ చేసి యూట్యూబ్లో పెట్టాడు. ఆ ఫ్రాంక్ చేసింది. యూట్యూబ్లో అప్లోడ్ చేసింది గతేడాది సెప్టెంబర్లో..ఇప్పుడు ఆ వీడియో మీద ఇద్దరమ్మాయిలు కంప్లైంట్ చేశారు.

ఆ వీడియోని ఇప్పటివరకు పన్నెండు లక్షలమంది చూసారు. అందులో ప్రతి సీన్‌ తర్వాత ఇది ప్రాంక్‌ వీడియో అంటూ వారికి చెబుతూ..అదిగో అక్కడ కెమెరా ఉంది, హాయ్‌ చెప్పండి అంటూ చెప్పేవాడు.కాని ఇద్దరమ్మాయిల విషయంలో వారికి అలా చెప్పలేదు, ఆ వీడియోని యూట్యూబ్లో పెట్టేశాడు. తమ అనుమతి లేకుండా వీడియోని యూట్యూబ్లో పెట్టడం పట్ల యువతులు ఆగ్రహం వ్యక్తం చేస్తూ  సైబర్ క్రైంకి కంప్లైంట్ చేశారు.కేసు ఫైల్ చేసిన పోలీసులు దర్యాప్తు చేపట్టారు. అతడే కాదు ఎవరైనా సరే హద్దు మీరితే కటకటాలు తప్పవు, కాబట్టి జాగ్రత్త..

source: sakshi news

చేతిలో మొబైల్ ఉంది.. ఫ్రీ ఇంటర్నెట్ ఉంది.. ఫోన్లో ఎన్నో యాప్స్ అందుబాటులో ఉన్నాయి కదా అని ఎలా పడితే అలా ఉపయోగిస్తే  కటకటాలపాలవ్వాల్సిందే.. ఫేక్ మెసేజెస్ ని  కాని, దుష్ఫ్రచారాని కాని వేటిని కూడా చూసి చూడనట్టు వదిలేసే ప్రసక్తే లేదు.. నువ్ ప్రపంచంలో ఏ మూల ఉన్నా అరెస్ట్ చేసి లోపల కూర్చోబెడతారు.. ఇందుకు ఉదాహరణ తాజాగా బెంగుళూరులో జరిగిన ఘటన..

“చేయి చేయి కలపండి.బయటకు వెళ్ళి బహిరంగంగా తుమ్మండి.కరోనా వ్యాప్తి చేయండి ” అని బెంగుళూరులోని ఇన్ఫోసిస్ కంపెనీలో పని చేస్తున్న ముజిబ్ మహమ్మద్ అనే యువకుడు సోషల్ మీడియాలో పోస్టు చేశాడు. ఒకవైపు ప్రపంచం అంతా కరోనా భయంతో బెంబేలెత్తుతూ ,ఇళ్ల నుండి బయటకి రాకుండా జాగ్రత్తలు పాటిస్తుంటే, మరోవైపు ఇలాంటి పోస్టులతో రెచ్చగొట్టడం కలవరపెడుతోంది.

సోషల్ మీడియాలో వైరలైన ఈ పోస్టు పెట్టిన ముజిబ్ మహమ్మద్ పై కేస్ ఫైల్ చేశారు బెంగళూర్ సిటి క్రైం పోలీసులు. మరోవైపు ఇన్ఫోసిస్ కూడా ఈ వ్యవహారంపై స్పందించింది. తమ సంస్థకు చెందిన వ్యక్తి ఇలాంటి పోస్టు పెట్టడం విచారకరం అంటూ దర్యాప్తుకి ఆదేశించింది. అతన్ని ఉద్యోగం నుండి తొలగించింది.ఇదేవిషయాన్న ఇన్ఫోసిస్ అధికారిక ట్విటర్లో పోసట్ చేసింది.ఇలాంటి చట్టవ్యతిరేక పనుల్ని తమ సంస్థ ఎంతమాత్రం సహించదని, అది అతను పొరపాటున చేసిన పని కాదని , కావాలనే అలాంటి పోస్టు పెట్టాడని పేర్కొంది. చదువుకున్న మూర్ఖులుంటారనేదానికి ఇదో పెద్ద ఉదాహరణ.

కరోనా వ్యాప్తిని అడ్డుకునే క్రమంలో కేంద్ర, రాష్ట్ర ప్రభుత్వాలు అన్ని రకాల ప్రయత్నాలు చేస్తున్నాయి. ఇన్ఫోసిస్ సంస్థకూడా తమ వంతుగా ప్రభుత్వాలకు సహకరిస్తూ ప్రజలకు అవగాహన కల్పిస్తోంది. ఇన్ఫోసిస్ ఫౌండేషన్ ఆధ్వర్యంలో కరోనావైరస్ బారిన పడిన వారి ఆరోగ్య అవసరాలను తీర్చడానికి, వైద్య సదుపాయాల విషయంలో కూడా కర్ణాటక ప్రభుత్వానికి పూర్తి సహకారాన్ని అందిస్తోంది.

source: indiatimes

సోషల్ మీడియాలో పెట్టే పోస్టుల్లో ఏది ఫేక్, ఏది నిజం అనేది అర్దం కాదు మొన్నటికి మొన్న ఇండోనేషియా డాక్టర్, కరోనా పాజిటివ్ వచ్చింది చనిపోయే ముందు పిల్లల్ని చూసుకోవాలనుకున్నాడు అని ఒక ఫోటో వైరలయింది.అది చూసి ఎంతో మంది కన్నీరు కార్చారు.. కాని తర్వాత తెలిసింది ఏంటంటే అది ఫేక్ అని, అతడు బతికేఉన్నాడని.. కాని సాక్షాత్ ఒక రాష్ట్ర ముఖ్యమంత్రే ఒక ఫోటో పోస్టు చేసారంటే అందులో నిజం ఉండకపోదు కదా..

మధ్యప్రదేశ్ ముఖ్యమంత్రి శివరాజ్ సింగ్ చౌహాన్ ఒక ఫోటో పోస్టు చేశారు. ఆ ఫోటోలోని వ్యక్తి భోపాల్ కి చెందిన సుదీర్ దేహారియా. అతడు చీఫ్ మెడికల్ హెల్త్ ఆఫీసర్. కరోనా విలయ తాండవం చేస్తున్న నేపధ్యంలో డాక్టర్లందరూ వారి వారి పనుల్లో నిమగ్నమైన సంగతి తెలిసిందే. సుధీర్ కూడా ఐదు రోజుల పాటు సుదీర్ఘంగా హాస్పిటల్లో సేవలందించి, ఒకసాయంత్రం ఇంటికి తిరిగి వచ్చారు. కాని ఇంటికి చేరుకోగానే ఇంట్లోకి వెళ్లడానికి లేదు, భార్య పిల్లలని కలవడానికి లేదు.

దాంతో గేటు దగ్గరే కూర్చుని టీ తాగారు . సుధీర్ టీ తాగుతున్నంత భార్య,ఇద్దరు పిల్లలు గేటు దగ్గర చూస్తూ నిల్చుండిపోయారు. టీ తాగడం అయిపోయాక ఇంటి బయటనుండే మళ్లీ హాస్పిటల్ కి వెళ్లిపోయారు. ఇప్పుడు ఇదే ఫోటో సోషల్ మీడియాలో వైరలవుతోంది.దీన్నే ముఖ్యమంత్రి శివరాజ్ సింగ్ చౌహాన్ కూడా శేర్ చేశారు. సోషల్ మీడియాలో వైరలవుతున్న ఈ ఫోటో చూస్తే డాక్టర్లు ఎంత కష్టపడుతున్నారో అర్దం అవుతోందంటూ నెటిజన్లు కామెంట్స్ చేస్తున్నారు.

బార్డర్లో సైనికులు దేశం కోసం చేసే యుద్దాన్ని ఇప్పుడు డాక్టర్లు ప్రపంచం మొత్తాన్ని కాపాడడానికి చేస్తున్నారు. ఏ విధంగా అయితే సైనికులు కుటుంబాలకు దూరంగా ఉంటారో ఇప్పుడు వైధ్య సిబ్బంది పరిస్థితి అదే.. వారి యుద్దానికి సహకిరిస్తున్నారు పోలీసులు,పారిశుద్య సిబ్బంది.. కాబట్టి మన స్థాయిలో మనం చేయాల్సింది కేవలం ఇంటి నుండి అడుగు బయటపెట్టకుండా ఉండడం..మన బాద్యత మనం నిర్వర్తిద్దాం.

కరోనా వైరస్ దాటికి జనమంతా బయందలోనలతో గడుపుతున్నారు . రోజు రోజుకి పరిస్థితి చేజారిపోతుంది .ఇప్పటికే కరోనా పాజిటివ్ కేసులు 400 లకు పైగా నమోదు అయ్యాయి .కరోనా ప్రభావం వలన ఉభయ తెలుగు రాష్ట్రాలలోను పరిస్థితిలు చాల క్లిష్టంగా తయారు అయ్యాయి కరోనా ను అదుపు చెయ్యడానికి ప్రభుత్వం తీసుకున్న లోక్ డౌన్ చర్యల వల్ల ప్రజలంతా ఇంటికే పరిమితం అయిపోయారు . దీని వలన కరోనా వ్యాప్తి చెందడం కొంచెం అదుపు అయినట్లుగా కనిపిస్తుంది .

అయితే కరోనా మహమ్మరి వలన తీసుకున్న లాక్ డౌన్ చర్యల వలన సోషల్ మీడియా లోను వాట్సాప్ లోను వాస్తవాల కంటే కూడా రుమార్సే ఎక్కువగా ప్రచారం కావడం వలన ఏది నిజమో ఏది ఫేక్ అని తెలియక తెలియక జనం సతమతం అవుతున్నారు . ప్రజలను భయాందోళనకు గురి చేసి వార్తలే ఎక్కువే ప్రచారం కావడం వలన జనాలు ఆందోళన చెందుతున్నారు .ఈ నేపథ్యంలో పెంపుడు జంతువుల వలన కరోనా వ్యాప్తి చెందుతూనే దుష్ఫ్రచారం చేయడం వల్ల వాటిని అనాధల్లా రోడ్ మీద వదిలేస్తున్నారు .

పెంపుడు జంతువులైన ముఖ్యంగా కుక్కలా వల్ల కరోనా ఎక్కువగా వ్యాప్తి చెందుతున్న రూమర్స్ రావడంతో చాల మంది కుక్కలను వీధుల్లోనే వదిలేస్తున్నారు .దీంతో కొంతమంది వాటిపై కఠినంగా కూడా వ్యవహరిస్తున్నారు . అయితే వీటిలో నిజం లేదని పెంపుడు జంతువుల వలన కరోనా రాదని ఎంత చెప్తున్నా ఎవరు వినడం లేదు .

మూగజీవాల పట్ల ప్రేమను చూపించండి అని యాంకర్ రష్మీ కోరుకున్న విషయం తెలిసిందే .రోడ్ మీద అనదల్లా మిగిలిన వాటికీ ఆహారం అందించడానికి తానే స్వయంగా రంగంలోకి దిగింది .స్వచ్చంద సంస్థతో కలిసి మూగ జీవుల సంరక్షణార్థం బయలు దేరింది .

లేటెస్ట్ గా హీరో రాంచరణ్ భార్య ఉపాసన స్పందిస్తూ ……నా డార్లింగ్ డైసీ స్వీయ నిర్బంధం వర్తించదు ..మూగ జీవాల పట్ల మీరెంత ప్రేమను చూపిస్తారో తెలిపే సమయం ఇది .మనసు లేని కొందరు వాటిని నిర్దాక్షణంగా వీధులలోనే వదిలేస్తున్నారు ..అది అత్యంత దారుణమైన చర్య .మూగజీవాల పట్ల మీరు చూపే ప్రేమే మీ వ్యక్తిత్వాన్ని తెలియచేస్తుంది అని సోషల్ మీడియా ద్వారా తెలిపారు .దానిపై నెటిజన్లు స్పందిస్తూ ఉపాసన మీరు చేసిన ఈ పోస్ట్ వలన మీరెంతో మంచి హృదయం కలవరో తెలుస్తుంది ..మీరు మూగ జీవాల పట్ల చూపిస్తున్న ప్రేమ రియల్లీ గ్రేట్ అంటూ ప్రశంసిస్తున్నారు …

Self isolation doesn’t apply to my darling daisy. This is the best time to show pets, how much u love & care about them. Some cruel people have been abandoning their pets during this time. The love & care u show towards ur pets speaks volumes about ur personality. pic.twitter.com/uqPfYy1HlD

— Upasana Konidela (@upasanakonidela) April 1, 2020