Sports Adda

భారత క్రికెట్‌లో మాస్టర్ బ్లాస్టర్ సచిన్ టెండూల్కర్‌ కన్నా ముందుగా టెస్టులలో 10 వేల పరుగులు సాధించిన దిగ్గజ క్రికెటర్ సునీల్ గవాస్కర్. సచిన్ టెండూల్కర్‌ తరం ఆటగాళ్లకు సునీల్ గవాస్కర్ ఆదర్శంగా నిలిచారు.

70 ఏళ్లు దాటినా ఇప్పటికి గవాస్కర్ క్రికెట్‌తో ఉన్న తన బంధాన్ని కొనసాగిస్తున్నాడు. తాజాగా జరిగిన ఐపీఎల్ మ్యాచ్ లో తన తరువాత వచ్చిన రెండో తరపు క్రికెటర్ ధోనీ దగ్గర గవాస్కర్ ఆటోగ్రాఫ్ తీసుకుని అందరిని ఆశ్చర్యపరిచాడు. అంతే కాకుండా ధోనీని శతాబ్దానికి వచ్చే ఒక్క ప్లేయర్ గా పేర్కొన్నాడు.  ఐపీఎల్ 16 వ సీజన్ లో భాగంగా ఆదివారం జరిగిన రెండో మ్యాచ్‌ చెన్నైలోని చెపాక్ స్టేడియం వేదికగా చెన్నై, కోల్‌కతా జట్ల మధ్య జరిగింది. ఈ మ్యాచ్ లో 6 వికెట్ల తేడాతో కోల్‌కతా జట్టు విజయం సాధించింది. మ్యాచ్ అనంతరం ధోనీ స్టేడియం చుట్టూ తిరిగాడు. ఆ సమయంలో చెన్నై ప్లేయర్స్ అంతా ధోనితో నడుస్తూ ఫ్యాన్స్ కి అభివాదం చేశారు. ఈ  క్రమంలో అక్కడికి వెళ్ళిన గవాస్కర్ ధోనిని ఆటోగ్రాఫ్ ఇవ్వమని అడిగి, తన షర్ట్ పైనే గవాస్కర్ ధోనీ ఆటోగ్రాఫ్ ను  తీసుకున్నాడు. కొన్ని రోజులుగా చెపాక్ లోనే ధోనీ చివరి ఐపీఎల్ మ్యాచ్ అని, రిటైర్మెంట్ ప్రకటిస్తాడని వార్తలు వస్తున్నాయి. ఈ నేపథ్యంలో ధోనీ దగ్గర దిగ్గజ క్రికెటర్ గవాస్కర్ ఆటోగ్రాఫ్ తీసుకున్న తరువాత ధోనీ గొప్పతనాన్ని మెచ్చుకున్నారు. “ధోనీ కనీసం వచ్చే ఐపీఎల్ సీజన్ లేదా మరిన్ని సీజన్లలో ఆడాలని అన్నారు. ధోనీ ఆడటం వల్ల ఐపీఎల్ చాలా ప్రయోజనం ఉంటుందని అన్నారు. చెన్నై సూపర్ కింగ్స్ కెప్టెన్ ధోనీ 10 ఏళ్లకు ఓ సారి వచ్చే ఆటగాడు కాదని, వందేళ్లకు ఒకసారి వచ్చే ఆటగాడని కొనియాడారు.కెవిన్ పీటర్సన్ గతంలో ఒకసారి ఇంపాక్ట్ ప్లేయర్ గురించి చెప్పాడు. ఇంపాక్ట్ ప్లేయర్ గా మహేంద్ర సింగ్ ధోనీ ఇండియన్ ప్రీమియర్ లీగ్ లో ఆడాలని అన్నారు. నూరేళ్లకు ఓ సారి వచ్చే ధోనీ లాంటి ప్లేయర్ ను అభిమానులు మళ్లీ మళ్లీ చూడాలని భావిస్తారని, కనుక ఇదే ధోనీ ఆఖరి సీజన్ కాదని, మళ్లీ ఆడతాడనే భావిస్తున్నానని” అని గావాస్కర్ అన్నారు.

Also Read: IPL 2023 లో “ప్లే ఆఫ్స్” కి చేరే అవకాశం ఉన్న… 4 జట్లు ఇవేనా..?

క్రికెటర్లు తమ ఆట గురించే కాకుండా వ్యక్తిగత జీవితాలకు సంబంధించిన అంశాలతో కూడా హెడ్ లైన్స్ లో నిలుస్తారు. అభిమానులు కూడా సోషల్ మీడియాలో క్రికెటర్ల గర్ల్ ఫ్రెండ్స్ లేదా భార్యలను ఫాలో అవుతారు. వారి వ్యక్తిగత జీవితాలపై ఆసక్తి చూపుతారు. ఏ క్రికెటర్ పెళ్లి చేసుకున్నాడు, ఎవరితో ఏ క్రికెటర్ ఎఫైర్ నడుస్తోంది.. ఏ క్రికెటర్ బ్రేకప్ అయ్యాడు.. ఏ క్రికెటర్ విడాకులు తీసుకున్నాడు.. ఈ వార్తలపైనే అభిమానులు ఎక్కువ ఫోకస్ చేస్తారు.

క్రికెటర్ల పెళ్లి, విడాకుల విషయానికి వస్తే.. అంతా తెలుసుకోవాలని అభిమానులు కోరుకుంటున్నారు. అయితే ఇప్పుడు భార్యల ద్వారా మోసపోయిన ముగ్గురు క్రికెటర్ల గురించి తెలుసుకుందాం.

#1 దినేష్ కార్తిక్

ఈ లిస్ట్ లో అందరికి మొదట గుర్తుకు వచ్చేది దినేష్ కార్తీక్ పేరు. దినేష్ కార్తీక్ తన చిన్ననాటి స్నేహితురాలు నికితా వంజారాను 2007లో వివాహం చేసుకున్నాడు. పెళ్లయిన కొన్నేళ్ల తర్వాత దినేష్ కార్తీక్ మొదటి భార్య నికితా వంజారా అతడిని మోసం చేసి 2012లో టీమిండియా బ్యాట్స్‌మెన్ మురళీ విజయ్‌ని పెళ్లి చేసుకుంది.

డీకే, మురళి విజయ్ తమిళనాడు జట్టుకు కలిసి ఆడేవారు. అయితే ఈ పరిచయం తో తరచూ అతడి ఇంటికి వెళ్ళేవాడు మురళి విజయ్. అలా డీకే భార్య తో కలిసి అతడిని మోసం చేసాడు మురళి విజయ్. ఆ తర్వాత నేష్ కార్తీక్ 2015లో భారత స్క్వాష్ క్రీడాకారిణి దీపికా పల్లికల్‌ను వివాహం చేసుకున్నాడు. వీరికి కావాలా పిల్లలున్నారు.

#2 బ్రెట్ లీ

ఆస్ట్రేలియా దిగ్గజ ఫాస్ట్ బౌలర్ బ్రెట్ లీ కూడా అతని భార్య చేతిలో మోసపోయాడు. బ్రెట్ లీని మోసం చేసి క్రికెటర్‌ని కాకుండా రగ్బీ ప్లేయర్‌ని వివాహం చేసుకుంది. బ్రెట్ లీ గేమ్ వల్ల తనకు సమయం ఇవ్వకపోవడం తో అతడి నుంచి విడాకులు తీసుకుంది అతడి భార్య.

వృత్తిరీత్యా డాక్టర్ అయిన ఎలిజబెత్ క్యాంప్‌ ని 2006 లో వివాహం చేసుకున్నాడు బ్రెట్ లీ. బ్రెట్ లీ 2009లో ఎలిజబెత్‌కు విడాకులు ఇచ్చాడు. ఎలిజబెత్ నుండి విడిపోయిన తర్వాత.. బ్రెట్ లీ 2014లో లానా ఆండర్సన్‌ను వివాహం చేసుకున్నాడు.

#3 తిలకరత్నే దిల్షాన్

శ్రీలంక వెటరన్ బ్యాట్స్‌మెన్ తిలకరత్నే దిల్షాన్ కథ కూడా దినేష్ కార్తీక్‌ను పోలి ఉంటుంది. దిల్షాన్ భార్య నీలంక వితేజ్ కూడా అతడిని వదిలి మరో క్రికెటర్‌ని పెళ్లి చేసుకుంది.

దిల్షాన్ దీర్ఘకాల ఓపెనింగ్ భాగస్వామి అయిన ఉపుల్ తరంగను వివాహం చేసుకుంది నీలంక. వీరిద్దరూ ప్రాణ స్నేహితులు. నీలంక వితేంగేతో విడాకులు తీసుకున్న తర్వాత తిలకరత్నే దిల్షాన్ తన స్నేహితురాలు మంజులను 2008లో మళ్లీ పెళ్లి చేసుకున్నాడు. ఇద్దరికీ ఇప్పుడు ఇద్దరు పిల్లలు.

ఐపీఎల్ 2023 ప్లేఆఫ్స్ దశకు చేరువవుతోంది. టాప్-4లో నిలవడం కోసం ఇప్పటికీ 9 జట్లు పోటీ పడుతున్నాయి. ఢిల్లీ క్యాపిటల్స్ మాత్రమే దాదాపుగా ప్లేఆఫ్స్ రేసు నుంచి నిష్క్రమించింది. పోటీలో 9 జట్లు ఉన్నప్పటికీ.. టాప్-5లో ఉన్న జట్లకే ప్లేఆఫ్స్ చేరే అవకాశాలు ఎక్కువగా ఉన్నాయి.

ఇప్పటికే 16 పాయింట్లు సాధించిన గుజరాత్ టైటాన్స్ ఒక్క మ్యాచ్ గెలిస్తే చాలు ప్లేఆఫ్స్‌లో అడుగుపెడుతుంది. చెన్నై సూపర్ కింగ్స్ కూడా తదుపరి దశకు అర్హత సాధించడం తేలికే. ఆ జట్టు ఒక్క విజయం సాధించినా సరిపోతుంది. రాజస్థాన్, ముంబై, లక్నో సహా మిగతా జట్లు మిగతా రెండు స్లాట్ల కోసం పోటీ పడుతున్నాయి.

అయితే ఐపీఎల్ ని విజయంతో ఆరంభించి.. ఓ దశలో మంచి ఊపు మీద కనిపించిన రాయల్ ఛాలెంజర్స్ బెంగళూరు ఇప్పుడు ప్లేఆఫ్ రేసులో వెనుకంజ వేసింది. ఆర్సీబీ తన తదుపరి మ్యాచ్‌ల్లో రాజస్థాన్, హైదరాబాద్, గుజరాత్ జట్లతో తలపడనుంది. ఆర్సీబీ నెట్ రన్ రేట్ మైనస్‌ 0.345 ఉండటంతో.. ఈ మూడు మ్యాచ్‌ల్లోనూ ఘన విజయాలు సాధిస్తేనే ప్లేఆఫ్ చేరుకుంటుంది.

రాయల్ ఛాలెంజర్స్ బెంగళూరు జట్టు ప్లే ఆఫ్స్‌కు చేరే అవకాశాలపై లెక్కలు కట్టిన అభిమానులు వాటిని సోషల్‌ మీడియాలో క్రికెట్ అభిమానులతో పంచుకుంటున్నారు. బెంగళూరు మిగతా మూడు మ్యాచ్‌ల్లో గెలవాలి. అప్పుడే ఆ జట్టు రన్‌రేట్ గణనీయంగా మెరుగవుతుంది. ఆర్సీబీ అభిమానులు కోరుకున్నట్టుగానే కోల్‌కతాపై రాజస్థాన్ విజయం సాధించింది. అలాగే ముంబైపై గుజరాత్ గెలవాలట. లక్నోపై సన్‌రైజర్స్.. పంజాబ్‌పై ఢిల్లీ గెలుపొందాలి.

తర్వాత రాజస్థాన్‌తో మ్యాచ్‌లో ఆర్సీబీ గెలవాల్సి ఉంటుంది. చెన్నైను కోల్‌కతా ఓడించి.. హైదరాబాద్‌పై గుజరాత్ గెలవాలి. తర్వాత లక్నోపై ముంబై, పంజాబ్‌పై ఢిల్లీ, సన్‌రైజర్స్‌పై ఆర్సీబీ గెలవాలి. రాజస్థాన్‌పై పంజాబ్, చెన్నై‌పై ఢిల్లీ, లక్నోపై కోల్‌కతా గెలుపొందాలి. సన్‌రైజర్స్ తన చివరి లీగ్ మ్యాచ్‌లో ముంబైని ఓడించాలి. అప్పుడు బెంగళూరు తన లాస్ట్ మ్యాచ్‌లో గుజరాత్‌ను ఓడిస్తే.. 16 పాయింట్లతో ప్లేఆఫ్స్ చేరడమే కాదు.. పాయింట్ల పట్టికలో రెండో స్థానంలో నిలుస్తుంది.

సింపుల్ గా చెప్పాలంటే.. బెంగళూరు ప్లేఆఫ్స్ చేరాలంటే.. ఢిల్లీ క్యాపిటల్స్ తన చివరి మూడు మ్యాచ్‌ల్లో విజయం సాధించాలి. చెన్నై తన చివరి రెండు మ్యాచ్‌ల్లో ఓడిపోవాలి. కోల్‌కతా రెండు మ్యాచ్‌ల్లో గెలిచి, ముంబై ఒక్క మ్యాచ్‌లో గెలుపొందాలి. రాజస్థాన్ తన చివరి రెండు మ్యాచ్‌ల్లో ఓడిపోవాలి. పంజాబ్ ఒక్క మ్యాచ్‌లోనే గెలవాలి, అది కూడా రాజస్థాన్ మీద. ఇలా జరిగితే.. ఆర్సీబీ ప్లేఆఫ్స్‌కు చేరుకుంటుంది. ఇదంతా జరిగే పనేనా అనిపిస్తుందా.. ఆర్సీబీ అభిమానులు మాత్రం కచ్చితంగా జరుగుతుందని ఈ పోస్ట్ ని తెగ వైరల్ చేస్తున్నారు.

ఐపీఎల్ 16 వ సీజన్ లో గ్రూప్ దశలో ఇంకా కొన్ని మ్యాచ్‌లే ఉన్నాయి. అయితే ఇప్పటి వరకు ప్లేఆఫ్స్ చేరే టీమ్స్  విషయంలో స్పష్టత మాత్రం రాలేదు. అయితే ముంబై, గుజరాత్, లక్నో జట్లు ప్లేఆఫ్స్ పోరులో ముందున్నాయి.

ఐపీఎల్ 2023 లో ఢిల్లీ క్యాపిటల్స్ తప్ప మిగతా తొమ్మిది టీమ్స్ ఇంకా ప్లేఆఫ్స్ పొరులోనే ఉన్నాయి. ప్రస్తుతం ఒత్తిడిని తట్టుకుని గెలిచిన జట్లే ప్లేఆఫ్స్ కు వెళ్తాయి. అయితే 9 జట్లు ప్లేఆఫ్స్ పోరులో ఉన్నప్పటికీ, వాటిలో కొన్ని జట్లకు ప్లేఆఫ్స్ చేరే అవకాశాలు ఎక్కువగా ఉన్నాయి. అయితే ప్లేఆఫ్ దశకు చేరే గణాంకాలు ఇప్పుడు చూద్దాం.. #1 గుజరాత్ టైటాన్స్:

ఈ జట్టు 16 పాయింట్లతో అగ్రస్థానంలో ఉంది. ఈ జట్టు ఒక మ్యాచ్‌ గెలిస్తే ప్లేఆఫ్స్‌కు వెళ్తుంది. ఆ జట్టు నెక్స్ట్ స్టేజ్ కు  వెళ్ళడానికి 99.6 శాతం ఛాన్స్ ఉంది. అంతే కాకుండా గుజరాత్ టైటాన్స్ పాయింట్ల పట్టికలో టాప్ ప్లేస్ లో నిలిచే అవకాశాలు అధికంగా ఉన్నాయి. అలాగే క్వాలిఫైయర్ 1కు వెళ్ళేందుకు 92 శాతం ఛాన్స్ ఉంది.#2 చెన్నై సూపర్ కింగ్స్:

చెన్నై సూపర్ కింగ్స్ ఢిల్లీ జట్టు పై గెలుపుతో పాయింట్ల పట్టికలో రెండో స్థానాన్ని చేరుకుంది. ఇంకో మ్యాచ్ గెలిస్తే ప్లేఆఫ్స్ చేరుకునే అవకాశం ఉంది. ఈ జట్టు నెక్స్ట్ దశకు చేరుకునేందుకు 98 శాతం ఛాన్స్ ఉంది. అదే సమయంలో ధోనీసేన క్వాలిఫైయర్ 1కు వెళ్ళే  70 శాతం ఛాన్స్ ఉంది. #3 ముంబై ఇండియన్స్:

బెంగళూరు జట్టు పై సాధించిన విజయంతో ముంబై జట్టు పాయింట్ల పట్టికలో 3 వ స్థానానికి చేరింది. ప్లేఆఫ్స్‌కు వెళ్ళే  అవకాశాలను కూడా పెంచుకుంది. 3 మ్యాచ్‌ల్లో గెలిస్తే సాధిస్తే నాకౌట్‌ స్టేజ్ కు అర్హత సాధిస్తుంది. ఈ జట్టు ప్లేఆఫ్స్ చేరడానికి  61 శాతం ఛాన్స్ ఉంది. ముంబై క్వాలిఫైయర్ 1 ఆడేందుకు 16 శాతం ఛాన్స్ ఉంది. #4 లక్నో సూపర్ జెయింట్స్:

ఈ జట్టు  11 పాయింట్లతో పాయింట్ల పట్టికలో 4 వ స్థానానికి చేరింది. ఈ జట్టు ప్లేఆఫ్స్ చేరేందుకు ప్రస్తుతానికి 44 శాతం ఛాన్స్ ఉంది. ఈ జట్టు నెక్స్ట్ దశకు వెళ్లాలంటే మిగతా 3 మ్యాచ్‌ల్లోనూ తప్పనిసరిగా గెలవాల్సి ఉంటుంది.
#5 రాజస్థాన్ రాయల్స్:

ఈ జట్టు ఐపీఎల్ 16 వ సీజన్‌ను గెలుపుతో మొదలుపెట్టింది. అలాగే తొలి 5 మ్యాచ్‌ల్లో నాలుగు మ్యాచ్ లలో విజయం సాధించి ప్లేఆఫ్స్ పోరులో ఫేవరేట్‌గా మారింది. అయితే  ఆ తర్వాత జరిగిన 6 మ్యాచ్‌ల్లో ఒక మ్యాచ్ మాత్రమే గెలిచి ఈ జట్టు ప్లేఆఫ్స్ పోరులో వెనుకబడింది. ఈ జట్టు ఖాతాలో 10  పాయింట్లు ఉన్నాయి. ఈ జట్టు ప్లేఆఫ్స్ చేరేందుకు 25 శాతం ఛాన్స్ ఉంది.#6 కోల్‌కతా నైట్ రైడర్స్:

ఈ జట్టు మొదటి 3 మ్యాచ్‌ల్లో రెండు మ్యాచ్ లలో విజయం సాధించింది. అయితే ఆ తర్వాత జరిగిన మ్యాచ్ లలో వరుసగా నాల్గింటిలో ఓడింది. ఆఖరి 4 మ్యాచ్‌ల్లో 3 మ్యాచ్ లలో గెలిచి పది పాయింట్లు సాదించింది. ఈ జట్టు ప్లేఆఫ్స్ చేరేందుకు 23 శాతం ఛాన్స్ ఉంది. #7 రాయల్ ఛాలెంజర్స్ బెంగళూరు:

కోహ్లీ, గ్లెన్ మ్యాక్స్ వెల్, ఫాఫ్ డుప్లెసిస్‌ బాగా ఆడుతుండటంతో ఈ జట్టు ప్లేఆఫ్స్ చేరతారని భావించారు. కానీ ఆఖరి 2  మ్యాచ్‌ల్లో ముంబై, ఢిల్లీ జట్లతో ఓటమిపాలైంది. దాంతో ఈ జట్టు ప్లేఆఫ్స్ కు చేరేందుకు 22 శాతం ఛాన్స్ ఉంది.  చివరి 3 మ్యాచ్‌ల్లో భారీ విజయాలు సాధిస్తే తప్ప బెంగళూరు జట్టు ప్లేఆఫ్స్‌ చేరే అవకాశం ఉంటుంది. ఒక్క మ్యాచ్‌లో గెలవక పోయిన ఇంటికి వెళ్ళాల్సిందే.
#8 పంజాబ్ కింగ్స్.:

ఈ సీజన్ మొదట్లో వరుస విజయాలతో కాన్ఫిడెంట్‌గా పంజాబ్ కింగ్స్ జట్టు కనిపించింది. కానీ ముంబై, కోల్‌‌కతా జట్లతో జరిగిన చివరి 2 మ్యాచ్‌ల్లో ఓటమి పాలైంది. ప్రస్తుతం ఈ జట్టుకు 10 పాయింట్లు ఉన్నాయి. ఇక ఈ జట్టు ప్లేఆఫ్స్ చేరేందుకు 14 శాతం ఛాన్స్ ఉంది.#9 సన్‌రైజర్స్ హైదరాబాద్:

ఈ సీజన్ లో జరిగిన 10 మ్యాచ్‌ల్లో నాల్గింటిలో మాత్రమే గెలిచి ఈ జట్టు పాయింట్ల పట్టికలో తొమ్మిదవ స్థానంలో ఉంది. ఇక ఈ  జట్టు ప్లేఆఫ్స్ చేరేందుకు 13 శాతం ఛాన్స్ ఉంది. చివరి నాలుగు మ్యాచ్‌ల్లో గెలిస్తే ఈ జట్టుకు ప్లేఆఫ్స్‌కు వెళ్ళే అవకాశాలు ఉంటాయి. అయితే ఒక్క మ్యాచ్‌లో ఓడినా ఇంటికి వెళ్ళాల్సిందే. #10 ఢిల్లీ క్యాపిటల్స్:

ఈ జట్టు సీజన్ మొదటి నుండి పేలవ ప్రదర్శనచేస్తోంది. ఈ జట్టు ఖాతా తెరవడానికి 6 మ్యాచ్‌లు ఆడిందిఅయితే  ఆ తర్వాత ఢిల్లీ తన ఆటను మెరుగుపరుచుకుని, 5 మ్యాచ్‌ల లో 4 మ్యాచ్ లు గెలిచింది. అయితే చెన్నై జట్టు చేతిలో ఓటమి పాలవడంతో ఈ జట్టు ప్లేఆఫ్స్ ఆశలు ఆవిరి అయ్యాయి. ఇక ఈ  జట్టు ప్లేఆఫ్స్ చేరేందుకు కేవలం 2 శాతం ఛాన్స్ ఉంది.

Also Read: “క్రికెట్” చరిత్రలోనే అభిమానులు అందరూ… సిగ్గుతో “తలదించుకునే” లాగా చేసిన 10 సందర్భాలు..!

క్రికెట్ అనేది జెంటిల్ మెన్ గేమ్. కానీ ఈ జెంటిల్ మెన్ గేమ్ లో కూడా కొన్ని తలదించుకునే సంఘటనలు జరుగుతూ ఉంటాయి. క్రికెట్ లో జరిగిన కొన్ని షేమ్ ఫుల్ సంఘటనల గురించి ఇప్పుడు చూద్దాం..

1. క్రికెట్ లో కొన్ని సార్లు తిట్టుకోవడం దగ్గర నుండి కొట్టుకోవడం దాకా వెళ్ళిన సందర్భాలు ఉన్నాయి. కానీ ఎక్కువ శాతం ఎవరు కొట్టుకోలేదు.అయితే ఆస్ట్రేలియా పాకిస్తాన్ మధ్య జరిగిన ఒక మ్యాచ్ లో పాక్ బ్యాట్స్ మెన్ జావేద్ మియాందాద్ ఆస్ట్రేలియా బౌలర్ బిల్లీ వేసిన బంతిని ఎదుర్కొని రన్స్ కోసం పరుగెడుతున్న సమయంలో బిల్లీని ఢీ కొన్నాడు. చెప్పాలంటే బిల్లీ కావాలనే జావేద్ కు అడ్డుగా వచ్చాడు. అక్కడితో ఆగకుండా అంపైర్ దగ్గర ఉన్న స్వెటర్ తీసుకుంటూ పక్కనే ఉన్న జావేద్ ను కాలితో తన్నాడు. దాంతో జావేద్ కు కోపం వచ్చి బిల్లీని బ్యాట్ తో కొట్టబోయాడు. కానీ అంపైర్ అతన్ని ఆపి, ఇద్దరినీ కూల్ చేసి పంపించాడు.
2. ఇండియా పాకిస్థాన్ మధ్య జరిగిన టీ20 వరల్డ్ కప్ లో పాక్ బౌలర్ షాహిద్ అఫ్రిది భారతజట్టులో ముగ్గురు దిగ్గజ ఆటగాళ్లను అవుట్ చేసి, ఇండియాను ఓడించాలనే కోరికను తీర్చాడు. ఆ తరువాత మ్యాచ్ లో అఫ్రిది బౌండరీ లైన్ దగ్గర ఫీల్డింగ్ చేస్తున్నప్పుడు పాక్ ఆడియెన్స్ ముందు మ్యాచ్ లో అవుతా అయిన రోహిత్ శర్మ, విరాట్ కోహ్లీ, కే ఎల్ రాహుల్ పేర్లను పదే పదే అరుస్తు ఉన్నారు. వారి అరుపులు విన్న అఫ్రిది ఆ ముగ్గురు బ్యాట్స్ మెన్స్ ఎలా అవుట్ అయ్యారో ఇమిటేట్ చేసి చూపించారు. ఇంటర్నేషనల్ ప్లేయర్ అయిన అఫ్రిది ఇలా చేయడం సిగ్గుచేటని చెప్పవచ్చు.
3. అతిధి దేవో భవ అని అంటుంటాం. కానీ ఈ విషయం ఇంగ్లండ్ ఫ్యాన్స్ మాత్రం పాటించలేదు. క్రికెట్ దేవాలయంగా భావించేటువంటి లార్డ్స్ మైదానంలో ఇండియా ఇంగ్లాండ్ మధ్య జరిగిన టెస్ట్ మ్యాచ్ లో బౌండరీ లైన్ దగ్గర ఫీల్డింగ్ చేస్తున్న కే ఎల్ రాహుల్ పై ఇంగ్లాండ్ ఫ్యాన్స్ షంపైన్ బాటిల్ క్యాప్స్ విసిరేశారు. దీన్ని చూసిన విరాట్ కోహ్లీ వాటిని తిరిగి వారి పైకి విసిరేయమని అన్నాడు. ఫ్యాన్స్ చేసింది చూసిన కామెంటేటర్స్ కూడా వాళ్ళు చేసిన పనికి వారిని అసహ్యించుకున్నారు.
4. క్రికెట్ లో అంపైర్ డిసిషన్ ని ఫైనల్ డిసిషన్ గా తీసుకుంటారు. కానీ కొన్నిసార్లు ప్లేయర్స్ అత్యుత్సాహంతో  టెంపర్ మెంట్ ను అంపైర్ పై అరుస్తూ ఉంటారు. ఇలాంటిదే ఢాకా ప్రీమియర్ లీగ్ లో జరిగింది. ఒక మ్యాచ్ లో షకిబ్ అల్ హాసన్ బౌలింగ్ చేస్తూ ఎల్బిడబ్ల్యు కోసం పదే పదే అప్పీల్ చేశాడు. కానీ అంపైర్ స్పందించక పోవడంతో షకిబ్ అల్ హాసన్ కోపంగా వెళ్ళి స్టంప్స్ ని తన్నాడు.

ఆ తరువాత ఓవర్ లో అంపైర్ తో వాదించాడు. అక్కడి తో ఆగకుండా స్టంప్స్ ను తీసి పడేశాడు. దీంతో క్రికెట్ ఫ్యాన్స్ అంతా అతన్ని భీభత్సంగా ట్రోల్ చేశారు. బ్యాన్ చేయాలని డిమాండ్ చేశారు. క్రికెట్ బోర్డ్ 5 లక్షల ఫైన్, 3 మ్యాచ్ ల నిషేధాన్ని విధించింది.
5. ఇండియా శ్రీలంక మధ్య జరిగిన ఒక మ్యాచ్ లో బ్యాటింగ్ చేస్తున్నసెహ్వాగ్ సెంచరీకి ఇంకా ఒక పరుగు అవసరం ఉన్న సమయంలో సూరజ్ రందీవ్ సెంచరీని అడ్డుకోవడానికి చివరి బంతిని ఉద్దేశపూర్వకంగా నో బాల్ వేసాడు. సెహ్వాగ్ దాన్ని సిక్సర్ కొట్టాడు. భారత్ గెలిచింది. కానీ సెహ్వాగ్ సెంచరీ మిస్ అయ్యాడు. నో బాల్ వేసిన సూరజ్కు ఒక మ్యాచ్ నిషేధం విధించారు.
6. 2012 సిడ్నీ క్రికెట్ గ్రౌండ్ లో ఇండియా, ఆస్ట్రేలియా మధ్య జరిగిన మ్యాచ్ లో ఆస్ట్రేలియన్ ఫ్యాన్స్ విరాట్ కోహ్లీని అసభ్యకరమైన కామెంట్స్ చేశారు. వాటిని విన్న కోహ్లీ వాళ్ళకి తన మిడిల్ ఫింగర్ ను చూపించాడు. అలా చేసినందుకు కోహ్లీ మ్యాచ్ ఫీజ్ లో 50% కోత విధించారు. అలాగే ఎన్నో విమర్శలను ఎదుర్కొన్నాడు. తరువాత తప్పు తెలుసుకుని ఇలా చేయడమే తప్పే, కానీ వాళ్ళు నీ  తల్లి, చెల్లి అంటూ అసభ్యకరమైన మాటలు మాట్లాడితే ఏం చేయాలి అని తన సోషల్ మీడియా ఖాతాలో పోస్ట్ చేశాడు.
7.  2009లో పాకిస్థాన్‌తో టెస్ట్ మ్యాచ్ కోసం శ్రీలంక జట్టు లాహోర్‌లోని గడాఫీ స్టేడియంకు వెళుతుండగా, తాలిబాన్లకు చెందిన ఉగ్రవాదులు వారి బస్సు పై విచక్షణారహితంగా కాల్పులు జరిపారు. ఈ దాడిలో ఎనిమిది మంది మృతి చెందగా, ఆరుగురు శ్రీలంక ఆటగాళ్లు, సిబ్బంది గాయపడ్డారు. వెంటనే ఆ మ్యాచ్ ను రద్దు చేసుకొని, శ్రీలంక ప్లేయర్స్ ను క్రికెట్ గ్రౌండ్ లోనే హెలికాప్టర్ ఎక్కించి,  శ్రీలంకకు తీసుకెళ్లారు. ఆ రోజును క్రికెట్ చరిత్రలో బ్లాక్ డే గా పరిగణించారు.
8. క్రికెట్ జట్టులోని ఆటగాళ్ల మధ్య స్నేహం, అవగాహన ఉంటే ఆ జట్టు రాణిస్తుంది. కానీ కొన్నిసార్లు ఆటగాళ్ల మధ్య తప్పుగా అర్ధం చేసుకోవడం జరుగుతుంది. ఇలాగే ఢాకా ప్రీమియర్ లీగ్ లో జరిగింది. ఒక మ్యాచ్ లో బ్యాట్స్ మెన్ కొట్టిన ఒక బాల్ ను పట్టుకోవడానికి బంగ్లాదేశ్ బౌలర్ నసుమ్ అహ్మద్, వికెట్ కీపర్ ముష్ఫికర్ రహీమ్ ఇద్దరు వెళ్లారు. ఆ ప్రయత్నంలో ఇద్దరు ఢీకొన్నారు. రహీమ్ బాల్ ను పట్టుకున్నాడు. అయిన కోపంతో నసుమ్ అహ్మద్ ను కొట్టడానికి చేయి పైకి ఎత్తాడు. కానీ తనను తాను కంట్రోల్ చేసుకుని ఆగాడు.
9. 1981 లో ఆస్ట్రేలియా, న్యూజిలాండ్ మధ్య జరిగిన మ్యాచ్ లో న్యూజిలాండ్ గెలవాలంటే చివరి బంతికి 6 పరుగులు చేయాలి. అంటే చివరి బంతిని సిక్స్ కొడితే న్యూజిలాండ్, కొట్టలేకపోతే ఆస్ట్రేలియా గెలుస్తుంది. అయితే ఆసీస్ బౌలర్ బంతిని కొట్టడానికి వీలు లేకుండా వేశాడు. దాంతో న్యూజిలాండ్ ఓడిపోయింది. బ్యాట్స్ మెన్ కోపంతో బ్యాట్ విసిరేసి వెళ్ళిపోయాడు. బాల్ అలా వేయడం తప్పు కానప్పటికీ, క్రీడాస్పూర్తికి విరుద్ధం. న్యూజిలాండ్ ఫ్యాన్స్, తో పాటు ఆస్ట్రేలియా ఫ్యాన్స్ కూడా ఆ బౌలర్ పై ఆగ్రహించారు. రెండు దేశాల పీఎంలు కూడా దీన్ని విమర్శించారు. అయితే దీన్ని చాపెల్ బ్రదర్స్ కావాలని చేశారు.
10. 1996 లో ఇండియా శ్రీలంక మధ్య జరిగిన సెమీ ఫైనల్ మ్యాచ్ లో దేశమంతా సిగ్గుపడే సంఘటన జరిగింది. భారత్ 15.5 ఓవర్లలో 120 పరుగుల వద్ద 8 వికెట్లు కోల్పోవడంతో భారత అభిమానుల ఆగ్రహం కట్టలు తెచ్చుకుంది. గ్రౌండ్లో కి బాటిల్స్, చెప్పులు స్టేడియంలోకి విసరేసి, సీట్లకు నిప్పు అంటించారు. మ్యాచ్ ను 30 నిమిషాల పాటు ఆపారు. తరువాత మ్యాచ్ మొదలు పెట్టగా పరిస్థితి అలాగే ఉండడంతో డిఫాల్ట్‌గా శ్రీలంక గెలిచినట్లుగా ప్రకటించారు. మార్చి 13, 1996, క్రికెట్ చరిత్రలో ఒక చీకటి అధ్యాయంగా నిలిచిపోయింది. అలాగే షేమ్ ఫుల్ ఇన్సిడెంట్స్ లో ఈ సంఘటన ముందు వరుసలో ఉంటుంది.

Also Read: IPL చరిత్రలో “వరస్ట్ ప్లేయర్స్” గా పేరు తెచ్చుకున్న 7 క్రికెటర్స్..! ఎవరెవరు ఉన్నారంటే..?

16వ సీజన్ లో ఐపీఎల్ చాలా రసవత్తరంగా కోనసాగుతోంది. ఇప్పటి వరకు 47 మ్యాచ్‌లు జరిగాయి. ప్లే-ఆఫ్స్ పోరులో ఏకంగా ఏడు జట్ల మధ్య హోరాహోరీగా పోటీ జరుగుతోంది.

ఇక ఈ సీజన్ లో కొందరు కుర్రాళ్లు తమ ఆటతో అదరగొడుతున్నారు. నిజానికి ఐపీఎల్ అనేది టాలెంటెడ్ ప్లేయర్స్ వేదిక. ఇండియన్ యువ క్రికెటర్ల ఆటతో ఈ లీగ్ మరింత ఆసక్తికరంగా మారింది. ఆ యువ ఆటగాళ్లు లీగ్ ఫామ్ తో భారత జట్టుకు సెలెక్ట్ అయినా ఆశ్చర్యం లేదు. మరి అలాంటి ఒక యువ క్రికెటర్ గురించి ఇప్పుడు చూద్దాం..
ఈ లీగ్ ద్వారా భారత జట్టుతో పాటు, ఆయా దేశాల జాతీయ జట్లకు ఎంపికైన ఆటగాళ్లు చాలా మంది ఉన్నారు. ప్రస్తుతం ఐపీఎల్ తమ ప్రతిభను ప్రదర్శిస్తే చాలు, వారిని నేషనల్ టీం లోకి తీసుకుంటున్నారు. వెంకటేష్ అయ్యర్, జస్ప్రీత్ బుమ్రా, ప్రసిద్ధ్ కృష్ణ వంటి వారు ఐపీఎల్ ద్వారానే భారత జట్టులో స్థానం సంపాదించుకున్నారు. ఈ సీజన్ లో తన ఆటతో ఆకట్టుకుంటున్న ఆ యువ క్రికెటర్ పంజాబ్ జట్టు వికెట్ కీపర్ బ్యాటర్ జితేష్ శర్మ. జితేష్ వయసు 29 సంవత్సరాలు. అతని అతను ప్రదర్శన చూసి క్రికెట్ అభిమానులతో పాటు మాజీ క్రికెటర్లు సైతం ఫిదా అయ్యారుపంజాబ్ జట్టు తరపున ఆడుతున్న జితేష్, కీపర్ గానే కాకుండా, విధ్వంసకర బ్యాటింగ్ తో గుర్తింపు సంపాదించు కున్నాడు. జితేష్ శర్మ బ్యాటింగ్ లో వీరేంద్ర సెహ్వాగ్ ని గుర్తు చేస్తున్నాడు. ఈ నేపథ్యంలో జితేష్‌కు ఇండియా టీ20 జట్టులో స్థానం కల్పించాలని రోజు రోజుకు డిమాండ్ కూడా పెరుగుతుంది. బుధవారం నాడు ముంబై జట్టుతో జరిగిన మ్యాచ్‌లో జితేష్ 27 బాల్స్ లో 5 ఫోర్లు, 2 సిక్స్ లతో 49 పరుగులు చేశాడు. పంజాబ్ జట్టు ఈ మ్యాచ్‌లో పరాజయం పాలైనప్పటికీ, ఈ ఇన్నింగ్స్‌తో జితేష్ స్థాయి మరింత పెరిగిందని చెప్పవచ్చు.
జితేష్‌కి ఐపీఎల్‌లో ఇదే టాప్ స్కోరు. గత ఏడాది ఢిల్లీ క్యాపిటల్స్‌ పై జితేష్‌ 44 పరుగులు చేశాడు. అయితే జితేష్ 5 లేదా 6 స్థానాల్లో బ్యాటింగ్ చేస్తాడు. అందువల్ల ఎక్కువ ఓవర్లు ఆడే అవకాశం అతనికి లేదు. అయినప్పటికీ అతనికి వచ్చిన ఛాన్స్ నే జితేష్‌ సద్వినియోగం చేసుకున్నాడు. చివరి ఓవర్లలో జితేష్‌ బ్యాటింగ్ విధ్వంసకరంగా ఉంటుంది. ఈ యంగ్ ప్లేయర్ ని సరైన విధానంలో వాడినట్లయితే మరో ధోని కాగలడని క్రికెటర్లు నిపుణులు భావిస్తున్నారు. నిజం చెప్పాలంటే ధోని అనంతరం భారత జట్టుకు ధోని స్థాయిలో వికెట్ కీపర్ బ్యాటర్ లభించలేదు. అయితే  ఆ లక్షణాలు  జితేష్ శర్మలో కనిపిస్తున్నాయి. దీంతో సరిగ్గా వాడితే మరో ధోనీ అవుతాడని క్రికెట్ ఫ్యాన్స్ అంటున్నారు.

ప్రపంచం మొత్తంలో ఎక్కువ క్రేజ్ ఉండేది రెండింటికి మాత్రమే. ఒకటి సినిమాలు అయితే ఇంకొకటి క్రికెట్. రెండిట్లో దేనికి ఎక్కువ మంది అభిమానులు ఉన్నారో చెప్పడం కష్టం. ఎంటర్టైన్మెంట్ లో రెండిటికీ అంత పోటీ ఉంటుంది.

ఇంకా క్రికెట్ గురించి వేరే చెప్పాల్సిన అవసరం లేదు.ఒకరోజు ఏదైనా మ్యాచ్ ఉంది ఉంటే క్రికెట్ అభిమానులు మ్యాచ్ మొదలయ్యే ముందు రోజు నుండే ఎవరు గెలుస్తారు అనే టెన్షన్ లో ఉంటారు.

Also Read: నేషనల్ అవార్డ్ విజేతని “బ్యాక్‌గ్రౌండ్‌ ఆర్టిస్ట్” చేశారుగా..? ఎవరంటే..?

అయితే మీరు ఎప్పుడైనా ఒక విషయం గమనించారా? క్రికెట్ లో అన్ని దేశాల జట్లు ఉంటాయి. కానీ చైనా నుండి మాత్రం క్రికెట్ జట్టు ఉండదు. అందుకు కారణం ఏంటంటే. సాధారణంగా ఒలంపిక్స్ లాంటి గ్లోబల్ స్పోర్ట్స్ లో చైనా ఎప్పుడూ ముందు స్థానంలో ఉంటుంది. ఒలంపిక్స్ లో ఎంతోమంది చైనా ప్లేయర్లు ఎన్నో మెడల్స్ సాధించారు.

కానీ క్రికెట్ అనేది ఒలంపిక్స్ లో ఒక భాగం కాదు. అందుకే చైనా క్రికెట్ వైపు ఎక్కువగా దృష్టి పెట్టలేదు. అంతే కాకుండా చైనా క్రికెట్ ఆడకపోవడానికి ఇంకొక కారణం కూడా ఉంది. అదేంటంటే. చైనా ఎప్పుడూ బ్రిటిష్ పాలనలో లేదు. క్రికెట్ ఆడుతున్న దేశాలు ఎప్పుడో ఒక సమయంలో సమయంలో బ్రిటిష్ పాలనలో ఉన్నాయి.

చైనా లో ఎక్కువగా బ్యాడ్మింటన్, టేబుల్ టెన్నిస్ బాగా ఆడతారు. ఈ రెండు ఆటలు ఒలంపిక్స్ లోకి వస్తాయి. క్రికెట్ అనేది గ్లోబల్ స్పోర్ట్ కిందకి రాదు. ప్రపంచంలో ఉన్న కొన్ని దేశాలు మాత్రమే క్రికెట్ లో పాల్గొంటాయి. చైనా క్రికెట్ ఆడకపోవడానికి ఇది కూడా ఒక కారణమని చెప్పొచ్చు.

అయితే, చైనా కి క్రికెట్ టీం ఉంది. 2009 లో ఏసీసీ ట్రోఫీ ఛాలెంజ్ లో ఈ జట్టు పాల్గొంది. కానీ మొదట మ్యాచ్ లలో ఓడిపోయింది తర్వాత మయన్మార్ తో జరిగిన మ్యాచ్ లో మొదటి ఇంటర్నేషనల్ విజయం నమోదు చేసుకుంది. అంతే కాకుండా ఐసిసి చైనాలో కూడా క్రికెట్ ని ప్రమోట్ చేస్తున్నారు. 2019 లో జరిగిన టి 20 ఉమెన్స్ ఈస్ట్ ఏషియా కప్ టోర్నమెంట్ లో చైనా ఉమెన్ టీం కూడా పాల్గొని విజయం సాధించింది.

Also Read: ఈ 14 మంది సినిమా నటులు మనందరికి తెలుసు? కానీ వారి బంధువులు వీరు అని తెలుసా?

విరాట్ కోహ్లీ, గౌతమ్ గంభీర్.. భారత్‌ క్రికెట్‌లో ఇద్దరు అత్యుత్తమ ఆటగాళ్లు. అయితే వీరిద్దరికి ఒకరంటే ఒకరు పడదు. ముఖ్యంగా గంభీర్‌ తరచూ విరాట్ కోహ్లీని విమర్శిస్తుంటాడు. తాజాగా లక్నో వర్సెస్‌ బెంగళూరు మ్యాచ్‌ సందర్భంగా కోహ్లీ, గంభీర్‌ మరోసారి గొడవకు దిగిన విషయం తెలిసిందే. మ్యాచ్‌ అనంతరం ఇద్దరి మధ్య మాటల తూటాలు పేలాయి.

ఇద్దరి మధ్య మాట మాట పెరిగి గొడవకు దారి తీయడంతో సహచర ఆటగాళ్లు జోక్యం చేసుకొని విడదీసారు. అమిత్ మిశ్రా కోహ్లీని అడ్డుకోగా.. కేఎల్ రాహుల్ గంభీర్‌ను పక్కకు తీసుకెళ్లాడు. వీరి గొడవకు సంబంధించిన వీడియోలు ప్రస్తుతం సోషల్‌ మీడియాలో వైరల్‌గా మారాయి. మ్యాచ్ అనంతరం ఇరు జట్ల ఆటగాళ్ల షేక్ హ్యాండ్‌ల సమయంలో విరాట్ కోహ్లీ, లఖ్‌నవూ బౌలర్ నవీనుల్ హఖ్ (అఫ్గానిస్తాన్) మధ్య ఏదో విషయమై వివాదం చెలరేగింది. ఇద్దరూ చేతులు విసిరికొట్టుకున్నారు.

అయితే తనకేం సంబంధం లేకపోయినా గౌతమ్ గంభీర్ ఈ వివాదంలో తలదూర్చాడు. ఈ క్రమంలో కోహ్లీ, గంభీర్ చాలా తీవ్రంగా వాదించుకున్నారు. లక్నో ఇన్నింగ్స్ 16వ ఓవర్ పూర్తయిన సమయంలో ఏదో విషయంలో విరాట్ కోహ్లీ, నవీన్ ఉల్ హక్ మధ్య వివాదం రాజుకుంది. ఈ వాగ్వాదం కాస్తా.. మ్యాచ్ అనంతరం గంభీర్, కోహ్లీ మధ్య గొడవకు కారణమైంది.

అయితే కోహ్లీ ని ఉద్దేశించి

గంభీర్ : ఏం మాట్లాడుతున్నావ్ నువ్వు.. అనగా

కోహ్లీ : నేను మిమ్మల్ని ఏం అందినప్పుడు మీరు ఎందుకు మధ్యలో వస్తున్నారు.. అని కోహ్లీ బదులిచ్చాడు.

దానికి

గంభీర్ : నువ్వు నా ప్లేయర్ ని అంటున్నావు.. అది నా కుటుంబాన్ని అన్నట్టే.. అనగా,

దానికి

కోహ్లీ : అయితే మీ కుటుంబాన్ని జాగ్రత్తగా చూసుకోండి..’ అన్నాడు.

ఇక చివరిగా గొడవ ముగిసే ముందు

గంభీర్ : ఇవన్నీ ఇక నీ దగ్గరే నేర్చుకోవాలి..’ అని అన్నాడు.

ఇలా ఇద్దరి మధ్య మాటా మాటా పెరగడంతో సహచర ఆటగాళ్లు వారిద్దరిని విడదీశారు.

ఇదిలా ఉంటే.. గతంలో ఈ రెండు టీమ్స్‌కి మధ్య బెంగళూరులో మ్యాచ్ జరిగింది. ఆ సమయంలో లక్నో గెలవగా.. గౌతమ్ గంభీర్ ఆర్సీబీ ఫ్యాన్స్‌కు నోరు మూసుకోవాల్సిందిగా సైగ చేశాడు. దానికి రివెంజ్‌గా ఈ మ్యాచ్‌లో కోహ్లీ మ్యాచ్ గెలిచాక అగ్రెసివ్‌గా సెలబ్రేషన్స్ చేసుకున్న విషయం తెలిసిందే. దీంతో ఈ గొడవ ఇలా ముదిరి మైదానం లో తీవ్ర వాగ్వాదం జరిగింది.

విరాట్ కోహ్లీ, గౌతమ్ గంభీర్ మధ్య గొడవ ఇప్పటిది కాదు. 2013 సీజన్‌లో కేకేఆర్‌తో జరిగిన మ్యాచ్‌లో గౌతమ్ గంభీర్, విరాట్ కోహ్లీ మధ్య మాటా మాటా పెరిగి కొట్టుకునే దాకా వెళ్లారు. అప్పటి నుంచే వీరిద్దరి మధ్య పచ్చగడ్డి వేస్తే భగ్గుమంటోంది. అయితే ఐపీఎల్ ప్రవర్తనా నియమావళిని ఉల్లంఘించినందుకు విరాట్ కోహ్లీ , గౌతమ్ గంభీర్‌లకు భారీగా జరిమానా విధించింది బీసీసీఐ. మ్యాచ్ ఫీజులో 100% కోత విధించింది. అలాగే నవీన్ ఉల్ హక్ మ్యాచ్ ఫీజులో 50 శాతం కోత విధించారు.

Also Read: “విరాట్ కోహ్లీ” కెరీర్‌లో… “రివెంజ్” తీర్చుకున్న 6 సందర్భాలు ఇవే..!