Anudeep

బాహుబలి సినిమాతో పాన్ ఇండియా స్టార్ గా మారిపోయారు ప్రభాస్. ప్రస్తుతం ‘ఆదిపురుష్’ ‘సలార్’ ‘ప్రాజెక్ట్ కె’ వంటి పాన్ ఇండియా సినిమాల్లో నటిస్తూ క్షణం తీరక లేకుండా గడుపుతున్నాడు. బాహుబలి తర్వాత వచ్చిన ‘సాహో’ ‘రాధే శ్యామ్’ సినిమాల ఫలితాలు అభిమానులను నిరాశపరిచాయి. దీంతో ప్రభాస్ ఫాన్స్ ఒక సూపర్ హిట్ కోసం వెయిట్ చేస్తున్నారు.

అయితే ఇటీవల విడుదల చేసిన ఆదిపురుష్’ టీజర్ కూడా ప్రభాస్ అభిమానులను ఆకట్టుకోలేకపోయింది. అది చిన్న పిల్లల సినిమా అని, బొమ్మల సినిమా అని, గ్రాఫిక్స్ చాలా నాసిరకంగా ఉన్నాయని తిట్టిపోశారు నెటిజన్లు. మరోవైపు ప్రభాస్ కోలీవుడ్ సూపర్ హిట్ డైరెక్టర్ తో తదుపరి సినిమా చేయనున్నట్లు వార్తలు వస్తున్నాయి

‘ఖైదీ’ ‘మాస్టర్’ ‘విక్రమ్’ వంటి చిత్రాలతో బిగ్గెస్ట్ బ్లాక్ బస్టర్లు అందుకున్న లోకేష్ కనగరాజ్ ప్రభాస్ కు ఓ కథ వినిపించాడట. ఇది ప్రభాస్ కు ఎంతో నచ్చిందని వినికిడి. దీంతో వెంటనే ప్రభాస్.. లోకేష్ తో పని చేయడానికి గ్రీన్ సిగ్నల్ ఇచ్చేసినట్టు తెలుస్తోంది. తన సినిమా ప్రమోషన్ కోసం హైదరాబాద్‌కు వచ్చిన సదరు దర్శకుడు రెబెల్ స్టార్‌కు ఈ కథను వినిపించాడని తెలుస్తోంది. డీవీవీ దానయ్య ఈ ప్రాజెక్టుని నిర్మించే అవకాశాలు ఉన్నాయి.

ఇదిలా ఉండగా.. లోకేష్ కనగరాజ్ త్వరలోనే విజయ్‌తో మరో సినిమా చేయబోతున్నాడు. అలాగే, ధనూష్ హీరోగా మరో ప్రాజెక్టును కూడా లైన్‌లో పెట్టుకున్నాడు. ఆ తర్వాత ‘ఖైదీ 2’ మొదలవుతుంది అని అంటున్నారు. ఇప్పుడేమో అతడు టాలీవుడ్ స్టార్లపై ఫోకస్ చేయడం ఆసక్తిని రేకెత్తిస్తోంది.

మంచు విష్ణు ఈ మధ్య సినిమాలు తగ్గించిన సంగతి తెలిసిందే. కాగా ఆయన చాలా గ్యాప్ తర్వాత నటించిన సినిమా ‘జిన్నా’ . జిన్నా చిత్రంలో విష్ణు సరసన బాలీవుడ్ బ్యూటీ సన్నీలియోన్ , బ్యూటీ పాయల్ రాజ్ పుత్ నటించారు. అయితే ఇందులో ”జంపులకడి జారు మిఠాయ’ సాంగ్ మంచి హైప్ ని తీసుకొచ్చింది.

ఈ సాంగ్ బేసిక్ గా ఒక జానపదం. దీనికి మంచి మ్యూజిక్ ఇచ్చి, ట్యూన్ కట్టి.. సింగర్స్ సింహా, నిర్మలా రాథోడ్ చేత పాడించారు అనూప్ రూబెన్స్. ఈ పాట మాస్ ప్రేక్షకులకు ఆకట్టకునే విధంగా ఉంది. అయితే ఈ పాట ఒరిజినల్ ను పాడిన భారతమ్మ, నాగరాజమ్మ లను ‘జిన్నా’ ప్రీ రిలీజ్ ఈవెంట్ లో వెలుగులోకి తీసుకొచ్చారు మంచు ఫామిలీ. అయితే ఈ ఈవెంట్ లో వారు సాధారణం గా ఊర్లో పాడుకున్నట్లుగానే స్టేజ్ పై పాడారు. దీంతో ట్రోలర్స్ రెచ్చిపోయారు.

ఈ మధ్యకాలంలో కొత్తగా ఎవరి టాలెంట్ బయటికి వచ్చినా ట్రోల్ చేయడం అనేది దారుణంగా అయిపోయింది. జారు మిఠాయి సాంగ్ వెనకున్న భారతమ్మ, నాగరాజమ్మలను కూడా ట్రోల్ చేయడం ప్రారంభించారు. వీరిద్దరూ కూడా ప్రొఫెషనల్ సింగర్స్ కాదు. వాళ్ళు పల్లెల్లో పాడుకునే జానపదాలను, వాళ్ళంతట వారే క్రియేట్ చేసిన పాటలు అవి. వారు పాడిన విధానం బాగుందనే మంచు ఫ్యామిలీ వాళ్ళను ఇక్కడి వరకు తీసుకొచ్చారు.

నిజానికి పల్లె పాటలను ఎవ్వరూ ధైర్యంగా బయటికి తీసుకురావట్లేదు. తీసుకురావడానికి ప్రయత్నిస్తున్న ఇలాంటి వాళ్ళను హేళన చేయడం, ట్రోల్ చేయడం ఓ ప్యాషన్ అయిపోయింది. సినిమా పాటలకన్నా ప్రత్యేక స్థానం జానపదాలు, పల్లె గేయాలకు ఉంటుందని చెప్పాలి. పల్లె పాటలు అనేవి అదృష్టం ఉన్నవారికి మాత్రమే దొరికే ఆణిముత్యాల లాంటివి. జనజీవనంలో వస్తున్న మార్పులు, నాగరికత దృష్ట్యా జానపదాలు అనేవి మెల్లమెల్లగా అంతరించిపోతున్నాయి.

తెలంగాణలో ఇప్పటికీ జానపద గేయాలకు మంచి ఆదరణ ఉంది. కానీ.. ఆంధ్రప్రదేశ్ లో జానపదాలు అనేవి అంతరించిపోయాయి. ఎక్కడో కొన్ని ప్రాంతాలు, మారుమూల గ్రామాలలోనే వినిపిస్తున్నాయి. ఇలాంటి వారు బయటకి వచ్చిన మిడిమిడి జ్ఞానం ఉన్న ట్రోలర్స్ వారికీ అడ్డం పడుతున్నారు. మనం ఎవరిని ట్రోల్ చేయాలి? ఏ విషయంలో ట్రోల్ చేయాలి? ఎంతవరకు లిమిట్స్ లో ఆగిపోవాలి? అనే అంశాలను ట్రోలర్స్ గుర్తుంచుకోవాలి అని నెటిజన్లు అభిప్రాయ పడుతున్నారు.

ఒక దశాబ్దానికి పైగా కామెడీ హీరోగా తనకంటూ ఒక ప్రత్యేకత సంతరించుకున్న అల్లరి నరేష్ ఈ మధ్య కాస్త సీరియస్ బాట పట్టాడు. “నాంది” తర్వాత మళ్లీ అల్లరి నరేష్ తెర మీదకు వచ్చిన చిత్రం ఇది. కామెడీ పాత్రల నుంచి మెలమెల్లగా పక్కకు జరుగుతూ వస్తున్న నరేష్ ఈసారి ప్రభుత్వ అధికారి పాత్రను ట్రై చేస్తున్నారు. ఆనంది ఈ చిత్రం లో కథానాయిక. ఏ.ఆర్ మోహన్‌ దర్శకత్వం వహించారు.

మారేడుమిల్లి అనే సుదూర కొండ ప్రాంతంలో జనానికి ప్రజాస్వామ్యరాజకీయ వ్యవస్థ పట్ల నమ్మకముండదు. ఓట్లేయము అని భీష్మించుకుని కూర్చుంటారు. హీరో తనకున్న సామాజిక దృక్పథంతో, పని పట్ల నిబద్ధతతో, సమయస్ఫూర్తితో ఊరి జనంలో ఎటువంటి మార్పు తీసుకురావడం, తద్వారా ప్రభుత్వంలో కదలిక తీసుకురావడమనేది కథాంశం.

గిరిజన ప్రాంతంలో ఎన్నికల అధికారికి ఎదురైన సమస్యలు, పరిష్కారం ఇలాంటివి డిస్కస్ చేసినట్లు కనిపిస్తోంది. అయితే ఇది 2017 నాటి హింది సినిమా “న్యూటన్” నుంచి దాదాపుగా తీసుకున్న స్ఫూర్తి. ఆ చిత్రం లో కూడా హీరో ఎన్నికలు నిర్వహించడం కోసం ఒక ప్రాంతానికి వెళ్లి అక్కడ ఎలాంటి సంస్కరణలు చేసాడు అన్నదే ఆ సినిమా. దీంతో ఈ రెండు చిత్రాలను కంపేర్ చేస్తున్నారు సినీ జనాలు. ఇది ‘న్యూటన్’ సినిమాకి రీమేక్ అని మరి కొందరు కామెంట్లు చేస్తున్నారు.

అయితే ‘మారేడుమిల్లి..’ కథాంశంగా బాగానే ఉన్నా ట్రీట్మెంట్ విషయంలో మరింత కామన్ సెన్స్, ఇంకెంతో ఇంటిలిజెన్స్ చూపించాల్సింది. అవి లేకపోవడం వల్ల మంచి సబ్జెక్టే అయినా చివరికొచ్చేసరికి తేలిపోయింది. ఎక్కడా మనసుకి హత్తుకునే ఎమోషనల్ సన్నివేశాలు లేవు. విషయం ప్రేక్షకుల మెదడుకి చేరుతుంది తప్ప మనసుని పట్టుకోదు. న్యూటన్ సినిమాలు మాత్రం కథనం, స్క్రీన్ ప్లే పకడ్బందీగా రాసుకున్నారు. అందుకే అక్కడ ఆ చిత్రం హిట్ టాక్ ని సొంతం చేసుకోగా..ఇక్కడ అల్లరి నరేష్ ప్రేక్షకులని అలరించలేకపోయాడు.

అల్లరి నరేష్ దీని తరువాత మళ్లీ నాంది దర్శకుడితోనే మరో డిఫరెంట్ సినిమా చేస్తున్నాడు. సాహు గారపాటి దీనికి నిర్మాత.

Also Read:

• శ్రీదేవితో బాలకృష్ణ ఎందుకు నటించలేదు తెలుసా.? అసలు కారణం ఇదే.! 
• “వీర సింహా రెడ్డి” లో “జై బాలయ్య” సాంగ్ వెనుక… కారణం ఇదేనా..?
• “వాల్తేరు వీరయ్య” సినిమా స్టోరీ లీక్..! ఇంక మెగా బ్లాక్ బస్టర్ పడినట్టేనా..?

‘కాంతారా’.. గత కొన్ని రోజులుగా సినిమా ఇండస్ట్రీ ని షేక్ చేస్తున్న కన్నడ చిత్రం. భాష తో సంబంధం లేకుండా ప్రతి చితా ప్రేక్షకుల ఆదరణ పొందుతోంది చిత్రం. హీరో గా.. దర్శకుడిగా రిషబ్ శెట్టి చేసిన అద్భుతానికి అన్ని భాషల్లో మంచి స్పందన వస్తోంది. మరుగున పడిపోతున్న కళలకి దృశ్యరూపం ఇచ్చిన రిషబ్ శెట్టి పై ప్రశంసల వర్షం కురుస్తోంది.

అయితే ఈ సినిమా చూసిన తర్వాత.. ఇలా నిజంగా ఆత్మలతో మాట్లాడతారా.. వారు చెప్పినట్టే అన్ని జరుగుతాయా అని ప్రతి ఒక్కరు సందేహ పడుతున్నారు. ఈ చిత్రాన్ని తన సొంత గ్రామం లో కొన్ని దశాబ్దాల క్రితం జరిగిన సంఘటన ఆధారంగా తీస్తున్నట్లు రిషబ్ శెట్టి గతం లో చెప్పారు. కర్ణాటకలోని ఓ తెగకు సంబంధించిన ఇతివృత్తం ఆధారంగా వచ్చిన ఈ చిత్రంలో కుటుంబ బంధాలు, అనుబంధాలు అన్నీ స‌న్నివేశాల‌ప‌రంగా చూపించ‌గ‌లిగాడు దర్శకుడు.

కర్ణాటక లోని ఒక ప్రాంతం లో బంట్ అనే తెగ వారు నివసించేవారు. వీరి భాష తుళు. అయితే వీరు ప్రస్తుతం వివిధ ప్రాంతాలకు వెళ్లి స్థిరపడి మతాలు కూడా మార్చుకున్నట్లు తెలుస్తోంది. వీరంతా ఎక్కడ ఉన్నా కానీ.. కంబళ క్రీడను, భూత్ కోలా నృత్యాన్ని నమ్ముతూ ఉంటారు. ఈ నృత్యాన్ని మనం కాంతారా సినిమాలో చూసాం. ప్ర‌ధానంగా ముగింపు స‌న్నివేశంలో రిషబ్ శెట్టి నృత్యాలు, నటన సినిమాకి హైలైట్ అని చెప్ప‌వ‌చ్చు.

ఈ తెగకు చెందిన వారు డాన్స్ చేస్తూ వారి కులదైవాన్ని పూజిస్తూ ఉన్న సమయం లో వారి పూర్వీకుల ఆత్మలు వాళ్ళను ఆవహించి జరగబోయేవి చెబుతారని భావిస్తారు. వాటిని ఆ కుటుంబీకులు తప్పని సరిగా పాటిస్తారు.

వీటిని నేపథ్యంగా తీసుకున్న దర్శకుడు రిషబ్ శెట్టి కాంతారా సినిమా ముగింపు స‌న్నివేశాల్లో దేవుడు ఆవ‌హించే సీన్‌లోనూ ప్రేక్ష‌కులను క‌ట్టిప‌డేశాడ‌నే చెప్పాలి. నిజ జీవితం లో జరిగిన సంఘటనలకు దృశ్యరూపం ఇచ్చిన రిషబ్ శెట్టి .. ప్రేక్షకులను ఈ చిత్రం తో ఒక అద్భుత లోకంలోకి తీసుకెళ్లాడు.

మెగాస్టార్ చిరంజీవి నటించిన ‘గాడ్‌ఫాదర్’ మూవీ ఇటీవల అభిమానుల్ని మెప్పించినా.. బాక్సాఫీస్ వద్ద అంచనాల్ని అందుకోలేకపోయింది. అక్టోబరు 5న రిలీజైన ఈ మూవీ తొలి రోజు నుంచే హిట్ టాక్‌ని సొంతం చేసుకుంది. కానీ కలెక్షన్స్ రాబట్టలేకపోయింది. ఓవరాల్‌గా ‘ఆచార్య’ లాంటి డిజాస్టర్ తర్వాత ‘గాడ్‌ఫాదర్’ మూవీ చిరంజీవికి టాక్‌ పరంగా ఊరటనిచ్చింది.

వాస్తవానికి గాడ్‌ఫాదర్ సినిమా.. మలయాళం మూవీ ‘లూసిఫర్‌’కి రీమేక్. దాంతో గాడ్‌ఫాదర్ రిలీజ్‌కి ముందే లూసిఫర్‌ని చూసిన ప్రేక్షకులకి ఈ కథ ఏంటో తెలిసిపోయింది. దీంతో చిరు ఇమేజ్ తగ్గట్టు కొన్ని మార్పులు చేసి ప్రేక్షకుల ముందుకి తెచ్చారు దర్శకుడు మోహన్ రాజా. అయితే తాజాగా ఆ మూవీ గురించి తన యూట్యూబ్ ఛానల్‌లో పరుచూరి గోపాలకృష్ణ రివ్యూ ఇచ్చారు.

ఈ క్రమంలో సినిమాలో చిన్న చిన్న తప్పిదాల్ని గుర్తు చేసిన ఆయన.. డ్యాన్స్‌లు లేని చిరంజీవి పాత్రని చూడటం కాస్త ఇబ్బందిగా అనిపించిందని అభిప్రాయపడ్డారు. అయితే చిరు బాడీ లాంగ్వేజ్ కి ఇలాంటి స్లో పేస్ కథలు సెట్ కావని ఆయన అన్నారు. ” తన చెల్లెళ్లకు దూరం గా ఉంటూ వారిని ఎలా రక్షించాడు అనే ఒక కర్ణుడి కథ ఇది. సమయానుగుణం గా ట్విస్ట్ లు రివీల్ చేసారు. మాతృకతో పోలిస్తే స్క్రీన్ ప్లే బావుంది. అలాగే డైలాగ్స్ బావున్నాయి కానీ.. చిరంజీవి కి తగ్గట్టు లేవు” అని పరుచూరి తెలిపారు.

” అలాగే సల్మాన్ ఖాన్ ఈ సినిమాకి ఒకరకంగా ప్లస్. మరో రకంగా దెబ్బతీశాడు. ఎలా అంటే? చిరంజీవి నడుస్తుంటే సల్మాన్ ఖాన్ ఫైట్ చేయడం అభిమానులకి బాధ కలిగించింది. ఆఖరికి క్లైమాక్స్‌లోనూ అదే పంథాని కొనసాగించారు. అదే సల్మాన్ క్యారెక్టర్‌ని పవన్ కళ్యాణ్ లేదా రామ్ చరణ్‌ చేసుంటే ఆ ఫీలింగ్ అభిమానులకి వచ్చేది కాదు.” అని పరుచూరి వెల్లడించారు.

పవర్ స్టార్ పవన్ కళ్యాణ్.. మెగాస్టార్ చిరంజీవి తమ్ముడిగా ఎంట్రీ ఇచ్చినా.. అతితక్కువ టైంలోనే తనకంటూ ప్రత్యేకమైన గుర్తింపు తెచ్చుకున్నాడు. కెరీర్ స్టార్ట్ చేసి వరుసగా ఏడు సూపర్ హిట్లతో రికార్డ్ క్రియేట్ చేశాడు. ఆయన స్టార్ డమ్ గురించి, క్రేజ్ అండ్ ఫ్యాన్ ఫాలోయింగ్ గురించి కొత్తగా చెప్పక్కర్లేదు.

ప్రస్తుతం పవన్ అటు రాజకీయాల్లో.. ఇటు వరుస సినిమాలతో బిజీగా ఉన్నాడు. పవన్ నటిస్తున్న హరిహర వీరమల్లు షూటింగ్ జరుపుకుంటోంది. అయితే పవన్ తదుపరి సినిమాకు సంబంధించి ఒక అప్డేట్ వైరల్ అవుతోంది. పవన్ సొంత కథతో ఒక సినిమా త్వరలో పట్టాలెక్కనుందని తెలుస్తోంది.

జానీ, సర్దార్ గబ్బర్ సింగ్ సినిమాలు పవన్ సొంత కథలతోనే తెరకెక్కాయనే సంగతి తెలిసిందే. అయితే ఈ సినిమాలు బాక్సాఫీస్ వద్ద ఆశించిన స్థాయిలో సక్సెస్ కాలేదు. అయితే హరిహర వీరమల్లు సినిమా తర్వాత పవన్‌, హరీష్‌ శంకర్‌ దర్శకత్వంలో ఓ సినిమా చేయనున్నట్లు తెలుస్తుంది. కాగా ‘గబ్బర్‌సింగ్‌’ తర్వాత వీరిద్దరి కాంబినేషన్‌లో ‘భవదీయుడు భగత్‌సింగ్‌’ తెరకెక్కాల్సి ఉంది. మైత్రీ సంస్థ అధికారికంగా ప్రకటించిన ఈ ప్రాజెక్ట్‌ పలు కారణాల వల్ల ఆగిపోయింది.

తాజాగా పవన్‌, హరీష్‌ శంకర్‌తో సినిమా చేయడానికి సిద్ధమయ్యాడట. అయితే ముందుగా అనుకున్న కథ కాకుండా కొత్త కథతో సినిమా తెరకెక్కించనున్నారట. అంతే కాకుండా ఈ సినిమాకు పవన్‌ కళ్యాణ్ స్వయంగా కథను అందించనున్నాడట. దీనిపై అధికారికంగా ప్రకటన రావాల్సి ఉంది.

అడివి శేష్ గురించి ప్రత్యేకంగా చెప్పాల్సిన పనిలేదు. ఆయన ఇటీవలే మేజర్ సినిమాతో బంపర్ హిట్ అందుకున్నారు. కెరీర్ మొదట్లో కాస్త తడబడ్డా.. ఆ తర్వాత తనను తాను మార్చుకుని.. స్వయంగా తన సినిమాలను తానే రాసుకుంటూ వరుసగా హిట్‌లను అందుకుంటున్నారు. ఇక శైలేష్ కొలను దర్శకత్వం లో ఆయన హీరోగా వస్తున్న లేటెస్ట్ క్రైమ్ థ్రిల్లర్ హిట్ 2 .

తాజాగా ఈ చిత్రం సెన్సార్‌ పూర్తి చేసుకుంది. ఈ సినిమాకు సెన్సార్‌ బోర్డు ‘A’ సర్టిఫికేట్‌ను జారీ చేసింది. కాగా ఈ సినిమా రన్‌టైం రెండు గంటలు ఉండనుంది. ఈ మధ్య కాలంలో ఇంత తక్కువ రన్‌టైంతో ఏ సినిమా రాలేదు. థ్రిల్లర్‌ సినిమాలకు ఈ రన్‌టైం ఉంటే చాలా వరకు ప్లస్‌ అవుతుందని పలువురు అభిప్రాయ పడుతున్నారు. రీసెంట్ గా వచ్చిన ట్రైలర్ తో మరిన్ని అంచనాలు నెలకొన్నాయి. అయితే గతంలోనే ఈ చిత్రం చిన్న పిల్లలకి చూడడానికి లేదని స్ట్రిక్ట్ గా పెద్ద వాళ్ళకి మాత్రమే అని చెప్పారు.

ఈ క్రైమ్ థ్రిల్లర్ ప్రేక్షకులను ఆద్యంతం ఉత్కంఠతో ఉంచుతుందని ఇన్సైడ్ టాక్. సినిమాలో విలన్ ని ఎక్సపోజ్ చేసే సీన్ చాలా అద్భుతం గా ఉందని సెన్సార్ బోర్డు సభ్యులు దర్శకుడిని అభినందించినట్లు సమాచారం. అంతే కాకుండా క్లైమాక్స్ లో అడివి శేష్ నటన సినిమాని మరో లెవెల్ కి తీసుకువెళ్ళింది తెలుస్తోంది. చివరిగా హిట్ 3 గురించి దర్శకుడు క్లూ వదిలాడని టాక్.

ఈ చిత్రం లో అడివిశేష్‌కు జోడీగా మీనాక్షీ చౌదరీ నటిస్తుంది. రావురమేష్‌, కోమలి ప్రసాద్‌ కీలకపాత్రల్లో నటిస్తున్నారు. ఈ చిత్రాన్ని వాల్‌ పోస్టర్‌ సినిమాస్‌ బ్యానర్‌పై ప్రశాంత్‌ తిపిరినేనితో కలిసి హీరో నాని నిర్మించాడు. ఈ సినిమా డిసెంబర్ 2న ప్రేక్షకుల ముందుకు రానుంది. ఇప్పటికే ఈ సినిమా ట్రైలర్ చాలా పెద్ద హిట్ అయ్యింది. దాంతో సినిమా ఎలా ఉండబోతోంది అంటూ ప్రేక్షకులు ఎదురు చూస్తున్నారు. ప్రస్తుతం అయితే సినిమా సెన్సార్ టాక్ ఎలా ఉంది. మరి ఇందులో ఎంత వరకు నిజం ఉందో తెలుసుకోవాలి అంటే సినిమా విడుదల అయ్యే అంతవరకు అవ్వాల్సిందే.

దుల్కర్ సల్మాన్, మృణాల్ ఠాకూర్ హీరో, హీరోయిన్స్‌గా హను రాఘవపూడి దర్శకత్వంలో అశ్వనీ దత్ నిర్మించిన లేటెస్ట్ సినిమా సీతారామం. ఆ సినిమాలో సీతామహాలక్ష్మీ‌గా, మరోవైపు ప్రిన్సెస్ నూర్జహాన్‌గా మృణాల్ తన నటనతో ఫిదా చేశారు.

అయితే తాజాగా ముంబై లో జరిగిన ఒక ఫాషన్ ఈవెంట్ లో మృణాల్ పాల్గొని సందడి చేసారు. ఈ ఈవెంట్ లో మృణాల్ బ్లాక్ కలర్ మినీ డ్రెస్ లో వచ్చి అందర్నీ ఆకట్టుకుంది. ఈ లుక్ తో పాటు ఆమె తన హెయిర్ స్టైల్ ని కూడా మార్చడంతో.. ఒక్క సారిగా ఈమె సీతారామం లోని సీత ఏ నా అన్న సందేహం కలుగుతోంది. ఈ లుక్ పై కొందరు ప్రసంశలు కురిపిస్తుండగా.. మరికొందరు ట్రోల్ చేస్తున్నారు.

అయితే సీతారామం తెచ్చిన క్రేజ్ తో మృణాల్ సౌత్ లో ఫేమస్ అయిపోయింది. ఆమె సోషల్ మీడియాలో కూడా ఫాలోవర్స్ పెరిగిపోయారు. అయితే సీతా రామం సినిమాలో సీత పాత్రలో అందంగా కనిపించిన మృణాల్, సోషల్ మీడియాలో మాత్రం కాస్తా హాటుగా, ఘాటుగా ఫోటోలను షేర్ చేస్తోంది. ఇక ఈ ఫోటోలను చూసిన సీతా రామం సినిమా అభిమానులు, నెటిజన్స్ విమర్శిస్తున్నారు.. ఇదేంటీ.. ఇలా ఫోటోలు ఏంటీ.. అని కామెంట్స్ రూపంలో తమ కోపాన్ని వ్యక్తం చేస్తున్నారు. ఇదేంటి ఫోటోలతో మృణాల్ పరువు పోగొట్టుకుంటోందని మరికొందరు అంటున్నారు.

ఇక ఈ భామ నటించిన సీతా రామం విషయానికి వస్తే.. దుల్కర్ సల్మాన్, మృణాల్ ఠాకూర్ హీరో, హీరోయిన్స్‌గా హను రాఘవపూడి దర్శకత్వంలో అశ్వనీ దత్ నిర్మించిన లేటెస్ట్ సినిమా సీతారామం. ప్యాన్ ఇండియా స్థాయిలో వచ్చిన ఈ సినిమాలో రష్మిక మందన్న, తరుణ్ భాస్కర్, సుమంత్ కీలకపాత్రలో నటించారు. ఆగస్టు 5న విడుదలై మంచి విజయాన్ని అందుకుంది. ఈ చిత్రం తర్వాత ఈమెకు ఆఫర్లు బాగా పెరిగినట్లు సమాచారం. కానీ ఇప్పటి వరకు మృణాల్ ఒక్క ప్రాజెక్ట్ కూడా ప్రకటించలేదు.