kavitha

నట సార్వభౌమ నందమూరి తారక రామారావు శతజయంతి సందర్భంగా రచయిత పరుచూరి గోపాలకృష్ణ ఎన్టీఆర్ నటించిన ‘పాతాళ భైరవి’ చిత్రాన్ని గుర్తుచేసుకున్నారు.

ఎన్టీఆర్‌ శతజయంతి సందర్భంగా పరుచూరి పాతాళ భైరవి సినిమా గురించి మాట్లాడుతూ ఈ సినిమా విడుదల అయ్యి  72 సంవత్సరాలు పూర్తయిందని అన్నారు. ఈ చిత్ర విశేషాలను కూడా వెల్లడించారు.నట సార్వభౌమ నందమూరి తారక రామారావు తెలుగు, హిందీ, తమిళం భాషలలో కలిపి సుమారు 400 చిత్రాలలో నటించి గొప్పనటుడుగా గుర్తింపును సొంతం చేసుకున్నారు. ఆయన తన కెరిర్ లో నటించిన చాలా చిత్రాలు బ్లాక్ బస్టర్ హిట్ గా నిలిచి, బాక్సాఫీస్ దగ్గర రికార్డులను సృష్టించాయి. ఎన్టీఆర్ నటించిన చిత్రాలలో ‘పాతాళభైరవి’ మూవీ  ఒకటి. ఇప్పటికీ ఈ చిత్రం టీవీలో ప్రసారమైతే చూసేవారు చాలామంది ఉన్నారు. తాజాగా ఈ చిత్రం గురించి టాలీవుడ్ రైటర్ పరుచూరి గోపాలకృష్ణ ఎన్టీఆర్‌ శతజయంతి సందర్భంగా జ్ఞాపకం చేసుకున్నారు. ఆయన తన ఛానెల్ పరుచూరి పలుకుల్లో ఈ సినిమా గురించి మాట్లాడుతూ, ఈ మూవీ తరువాత ఎన్టీఆర్ కు ఎంతో మంది ఫ్యాన్స్ గా మారారని చెప్పారు. బి.నాగిరెడ్డి, కేవిరెడ్డి, చక్రపాణి వీరంతా చాలా గొప్పవారని అన్నారు. ఈ సినిమా అప్పట్లో అద్భుతమని అన్నారు. ధైర్యే సాహసే లక్ష్మి అనే పాయింట్ తో దర్శకనిర్మాతలు అప్పట్లో సంచలనం సృష్టించారని చెప్పారు. ఈ చిత్రానికి ముందు వరకు జానపద చిత్రాలంటే అక్కినేని నాగేశ్వరరావు గారు గుర్తుకు వచ్చేవారని తెలిపారు. అయితే పాతాళ భైరవి సినిమా విడుదలైన తరువాత జానపదం అంటే ఎన్టీఆర్ అనేంతగా ఆయన ప్రభావం చూపారని వెల్లడించారు. జానపదం, సాంఘికం,చారిత్రకం, పౌరాణికం లాంటి చిత్రాలలో ఎన్టీరామరావుగారు జీవించేవారని చెప్పారు. ఇక పాతాళభైరవి చిత్రాన్ని ఎన్నిసార్లు చూసినప్పటికి, మళ్ళీ చూడాలనిపించేలా ఏదో కొత్తదనం ఈ సినిమాలో కనిపిస్తుందని తెలిపారు.
ఆ మూవీలోని డైలాగ్స్ ప్రత్యేక ఆకర్షణగా ఉంటాయని, ఆడియెన్స్ ని ఆకట్టుకుంటాయని అన్నారు. యస్.వి. రంగారావుని మాంత్రికుడిగా చూస్తే భయమేసేదని అన్నారు. రీరిలీజ్ చేసినా వంద రోజులు ఆడే చిత్రాల లిస్ట్ లో ఈ చిత్రం ముందు ఉంటుందన్నారు. ఈ చిత్రం ఓటీటీల్లో ఉన్నట్లయితే చూడమని అందరిని పరుచూరి కోరారు.

Also Read: “ఆదిపురుష్” సినిమాలో “ప్రభాస్” కంటే ముందుగా అనుకున్న స్టార్ హీరో ఎవరో తెలుసా?

యంగ్ రెబల్ స్టార్ ప్రభాస్ “ఆదిపురుష్” చిత్రంలో తొలిసారి రాముడి పాత్రలో నటించారు. అందువల్ల ప్రభాస్  అభిమానులు ఆదిపురుష్ చిత్రం కోసం ఈగర్‏గా ఎదురుచూస్తున్నారు.

ఈ చిత్రాన్ని బాలీవుడ్ డైరెక్టర్ ఓంరౌత్ తెరకెక్కిస్తున్నాడు. ఈ సినిమాలో సీతగా కృతి సనన్ నటించారు. తాజాగా రిలీజ్ అయిన ట్రైలర్ మూవీ పై అంచనాలను పెరిగాయి. అయితే ఈ చిత్రంలో హీరోగా ముందుగా అనుకున్నది ప్రభాస్ ని  కాదంట. మరి ఈ చిత్రాన్ని మిస్ చేసుకున్న స్టార్ హీరో ఎవరో చూద్దాం..
బాలీవుడ్ లో తానాజీ లాంటి బ్లాక్ బస్టర్ హిట్ చిత్రాన్ని తెరకెక్కించిన దర్శకుడు ఓంరౌత్ ఆదిపురూష్ సినిమాని  రూపొందించాడు. దాంతో ఈ చిత్రం పై అంచనాలు ఏర్పడ్డాయి. అది మాత్రమే కాకుండా ప్రభాస్ రాముడి పాత్రలో నటిస్తుండడంతో ఆడియెన్స్, అభిమానులు ఈ చిత్రం ఎప్పుడెప్పుడా వస్తుందా అని ఎదురుచూస్తున్నారు.  అయితే ఆ మధ్యన రిలీజ్ అయిన మూవీ టీజర్ ఫ్యాన్స్ ను, ఆడియెన్స్ ను నిరాశ పరిచింది. కారణం క్యారెక్టర్స్ లుక్స్, గ్రాఫిక్స్.
మరి ముఖ్యంగా రావణుడు, హానుమాన్ రూపాలను చూడగానే ఆంగ్ల చిత్రాలను చూసినట్టుగా ఉందని విమర్శలు వచ్చాయి. రాముడు, సీత, పాత్రలను అవమానించారంటూ మూవీ యూనిట్ పై విమర్శలు చేశారు. దీంతో మూవీ యూనిట్ సంక్రాంతికి విడుదల అవ్వాల్సిన సినిమాని జూన్ 16కు వాయిదా వేసింది. గ్రాఫిక్స్ విషయంలో దిద్దుబాటు చర్యలు చేపట్టింది. తాజాగా విడుదలైన ట్రైలర్ లో ఆ మార్పు అర్ధం అవుతోంది. ట్రైలర్ కు ఆడియెన్స్ నుండి మంచి రెస్పాన్స్ వస్తోంది. ప్రభాస్ ఫ్యాన్స్ సినిమా విజయం సాధించాలని ఆశిస్తున్నారు. ఇది ఇలా ఉండగా తాజాగా ఒక వార్త సోషల్ మీడియాలో షికారు చేస్తోంది. ఈ చిత్రంలో ప్రభాస్ కన్నా ముందుగా డైరెక్టర్ ఓంరౌత్ బాలీవుడ్ స్టార్ హీరోను రాముడిగా అనుకున్నారంట. దర్శకుడు ఓం రౌత్ ముందుగా హృతిక్ రోషన్ కథ చెప్పారట, దానికి హృతిక్ ఆలోచించుకోవడానికి సమయం కావాలని చెప్పాడట. చివరకు ప్రభాస్‌ కు కథ చెప్పడం  ఆయన ఒప్పుకోవడం జరిగింది.

Also Read: “విజయ్ దేవరకొండ” కొత్త సినిమా పోస్టర్ పై విమర్శలు.. క్లారిటీ ఇచ్చిన నిర్మాత..!!

పవర్‌ స్టార్‌ పవన్ కల్యాణ్ కెరీర్ లో ఎప్పటికీ గుర్తుండిపోయే చిత్రం తొలిప్రేమ. ఈ సినిమాకి కరుణాకరణ్ దర్శకత్వం వహించారు. ఈ మూవీ ఎవర్‌ గ్రీన్‌ ప్రేమకథల్లో ఒకటిగా చెప్పవచ్చు.

ఈ చిత్రంలో హీరోయిన్‌గా కీర్తి రెడ్డి నటించగా, పవన్‌ కల్యాణ్ చెల్లెలుగా నటించిన వాసుకి బుజ్జి క్యారెక్టర్ లో అద్భుతంగా నటించింది. ఆ మూవీ తరువాత వాసుకి ఇండస్ట్రీకి దూరం అయ్యారు. తాజాగా రీఎంట్రీ ఇచ్చిన నేపథ్యంలో ఆమె మళ్ళీ నటించడానికి గల కారణాలను ఓ ఇంటర్వ్యూలో చెప్పారు. ఆ వివరాలు ఇప్పుడు చూద్దాం..
తొలిప్రేమ మూవీ సూపర్‌హిట్ అవడంతో పాటు వాసుకి నటనకు మంచి గుర్తింపు వచ్చింది. దాంతో ఆమె సినిమాలలో  నటిస్తూ బిజీగా మారుతుందని అందరు అనుకున్నారు. కానీ వాసుకి ఆ మూవీ తరువాత యాక్టింగ్ మానేసి, తొలిప్రేమ మూవీ ఆర్ట్ డైరెక్టర్‌ పవన్ కళ్యాణ్ ఫ్రెండ్ ఆనంద్ సాయి‌ని పెళ్లి చేసుకుని ఇండస్ట్రీకి దూరం అయ్యింది. ఆమె పిల్లలు, ఫ్యామిలీ జీవితంతో బిజీ అయిపోయింది. దాదాపు 23 సంవత్సరాల తర్వాత వాసుకి ‘అన్నీ మంచి శకునములే’ చిత్రంతో రీ ఎంట్రీ ఇస్తోంది.
ఈ చిత్రంలో సంతోష్ శోభన్, మాళవిక నాయర్ హీరో హీరోయిన్లుగా నటిస్తున్నారు. ఈ మూవీలో హీరో సంతోష్ శోభన్ సిస్టర్ క్యారెక్టర్ లో వాసుకి నటిస్తున్నారు. ఈ చిత్రానికి నందిని రెడ్డి దర్శకత్వం వహిస్తున్నారు. విందా మూవీస్, స్వప్న సినిమా సంస్థల పై ప్రియాంక దత్, స్వప్న దత్, ఈ మూవీని నిర్మించారు. ఈ సినిమాను మే 18న రిలీజ్ కానుంది. ఈ నేపథ్యంలో ఈ మూవీలో నటించిన వాసుకి మీడియాతో మూవీ విశేషాలు మరియు ఆమె మళ్ళీ సినిమాలలో నటించడానికి గల కారణాలను వెల్లడించారు.
వాసుకి మాట్లాడుతూ ‘‘తొలిప్రేమ సినిమా తరువాత చాలా ఆఫర్స్ వచ్చాయి. కానీ నాకు నటించడం కుదరలేదు.పెళ్లి, పిల్లలు, వాళ్ళ చదువులు వీటితో నటించడం కుదరలేదు. ప్రస్తుతం ఇద్దరు పిల్లలు పెద్దగా అయ్యారు. యూకేలో పాప మెడిసిన్, బాబు ఆర్కిటెక్చెర్ చదువుతున్నారు. నా భర్త తన పనిలో బిజీగా వుంటారు. దాంతో ప్రస్తుతం ఏదైనా చేయడానికి నాకు టైమ్ కుదిరింది. ఇలాంటి టైమ్ లోనే డైరెక్టర్ నందిని రెడ్డి ‘అన్నీ మంచి శకునములే’ కథ చెప్పారు. ఆ కథ నచ్చడంతో ఈ చిత్రంలో నటించానని వెల్లడించారు.

Also Read: “మహేష్ బాబు” జక్కన్న సినిమా కోసం ఎంత రెమ్యూనరేషన్ తీసుకుంటున్నాడంటే..?

సూపర్ స్టార్ మహేష్ బాబు సినిమా జస్ట్ యావరేట్ టాక్ వస్తేనే ఏ రేంజ్ వసూళ్లు వస్తాయో ప్రత్యేకంగా చెప్పాల్సిన అవసరం లేదు. మరి ఆ మూవీ బ్లాక్ బాస్టర్ అయితే ఇక వసూళ్ళు ఊచకోతే అని చెప్పవచ్చు. మహేశ్‌కు మిలియన్ల కొద్ది ఫ్యాన్స్ ఉన్నారన్న సంగతి తెలిసిందే.

మహేష్ ప్రస్తుతం త్రివిక్రమ్ శ్రీనివాస్ తెరకెక్కిస్తున్న చిత్రంలో హీరోగా నటిస్తున్నాడు. ఈ మూవీ తరువాత రాజమౌళి దర్శకత్వంలో ఓ మూవీలో నటించబోతున్నాడు. జక్కన్న మూవీకి మహేష్ తీసుకునే రెమ్యూనరేషన్ ప్రస్తుతం హాట్ టాపిక్ గా మారింది. ఆ వివరాలు ఇప్పుడు చూద్దాం.. మహేష్ వయసు పెరిగే కొద్దీ ఆయన అందం కూడా పెరుగుతోంది. తనయుడు గౌతమ్ పక్కన నిలబడితే బ్రదర్స్ లా  కనిపిస్తున్నారు. ఇంతవరకు ఒక్క పాన్ ఇండియా సినిమాలో నటించకుండానే దేశవ్యాప్తంగా మహేష్ కు మిలియన్ల సంఖ్యలో అభిమానులు ఉన్నారు. సూపర్ స్టార్ మహేశ్ బాబు తన ఇరవై ఏళ్ల  కెరీర్‌లో చాలా బ్లాక్ బస్టర్ హిట్స్  ఇచ్చారు. ఇప్పటికీ కూడా అదే జోష్‌తో కొనసాగుతున్నారు. అయితే మహేష్ మూవీ షూటింగ్ లో ఉంటారు. లేదంటే కటుంబంతో కలిసి గడుపుతారు. పక్కా ప్యామిలీ పర్సన్.
ఒక్క రూమర్ లేకుండా, వివాదాలకు దూరంగా ఉంటారు. అంతే కాకుండా వ్యాపారంలో పెట్టుబడులు, యాడ్స్ ద్వారా మహేష్ ఓ రేంజ్‌లో సంపాదిస్తున్నారు. ఇక ఇప్పుడు మహేష్ తన పారితోషికాన్ని పెంచినట్లు ఇండస్ట్రీలో టాక్ వినిపిస్తోంది. త్రివిక్రమ్ శ్రీనివాస్ డైరెక్షన్ లో చేసే సినిమా కోసం మహేశ్ 70 కోట్లు అందుకుంటున్నట్లు సమాచారం.  త్రివిక్రమ్ మూవీ తర్వాత, రాజమౌళి సినిమాలో మహేష్ నటిస్తున్నాడు. ఈ సినిమా కోసం 110 కోట్లు రెమ్యూనరేషన్ గా తీసుకుంటున్నట్లు ఓ వార్త సోషల్ మీడియాలో వైరల్ గా మారింది.
ఈ మూవీ మహేష్ కెరిర్ లో 29వ చిత్రంగా తెరకెక్కుతోంది. ఆర్ఆర్ఆర్ సినిమాతో రాజమౌళి గ్లోబల్ వైడ్ గా క్రేజ్ ను సంపాదించుకున్నాడు. దాంతో ఈ మూవీ షూటింగ్ మొదలు కాక ముందే ప్రపంచ వ్యాప్తంగా ఈ మూవీ పై భారీ అంచనాలు ఏర్పడ్డాయి. మహేష్ ఈ మూవీ కోసం ఎక్కువ రోజులను కేటాయించబోతున్నాడని, అందుకే ఈ మూవీకి  110 కోట్ల భారీ పారితోషికం తీసుకుంటున్నాడని అంటున్నారు.

Also Read: ఆదిపురుష్ సినిమాలో “సైఫ్ అలీఖాన్” లాగానే… సినిమాల్లో “రావణుడి” పాత్ర పోషించిన 10 యాక్టర్స్..!

పవర్ స్టార్ పవన్ కళ్యాణ్ ప్రస్తుతం పలు చిత్రాలతో చాలా బిజీగా ఉన్నారు. వాటిలో సముద్రఖని దర్శకత్వంలో  నటిస్తున్న చిత్రం కూడా ఒకటి. ఈ మూవీలో పవన్, మేనల్లుడు సాయి ధరమ్ తేజ్ తో కలిసి నటిస్తున్నారు.

ఈ చిత్రం తమిళంలో రూపొందిన వినోదయసీతం అనే చిత్రానికి రీమేక్ గా తెరకెక్కుతోంది. ఈ చిత్రంలో పవన్ కళ్యాణ్ దేవుడి క్యారెక్టర్ లో కనిపించనున్నారు. ఇక ఈ సినిమా టైటిల్ గురించి అనేక వార్తలు వస్తున్నాయి. ఈ నేపథ్యంలో ఈ మూవీ టైటిల్ లీక్ అయినట్టు సమాచారం. అయితే ఆ టైటిల్ ఏమిటో ఇప్పుడు చూద్దాం..
పవన్ కళ్యాణ్, తన మేనల్లుడు సాయి ధరమ్ తేజ్ తో కలిసి ఒక చిత్రంలో నటిస్తున్నారు. ఈ సినిమాని డైరెక్టర్ మరియు నటుడు అయిన సముద్రఖని తెరకెక్కిస్తున్నాడు. కోలీవుడ్ లో సూపర్ హిట్ అయిన ‘వినోదయ సీతం’ రీమేక్ గా తెలుగులో రూపొందిస్తున్నారు. ఈ చిత్రంలో పవన్ కళ్యాణ్ మరోసారి దేవుడిగా నటిస్తున్నారు. ఇంతకు ముందు విక్టరీ వెంకటేష్ నటించిన గోపాల గోపాల సినిమాలో పవన్ కళ్యాణ్ కృష్ణుడిగా కనిపించారు. మళ్లీ ఈ చిత్రంలో దేవుడి పాత్రలో ఆడియెన్స్ ని అలరించబోతున్నారు.
ఈ చిత్రం చిత్రీకరణ శరవేగంగా జరుగుతోంది. ఈ చిత్రీకరణ దాదాపు పూర్తయ్యిందని సమాచారం. ఈ చిత్రంలోపవన్ తన పాత్ర షూటింగ్ పూర్తి చేశారని తెలుస్తోంది. అయితే కొద్ది రోజులుగా ఈ మూవీ టైటిల్ గురించి సోషల్ మీడియాలో చాలా వార్తలు వస్తున్నాయి. ఈ సినిమాకు దేవర దేవుడు, దేవుడే దిగి వచ్చినా అనే టైటిల్స్  వినిపించాయి. తాజాగా ఈ మూవీ టైటిల్ లీక్ అయినట్టు తెలుస్తోంది.“బ్రో” అనే టైటిల్ ఎంచుకున్నారని  తెలుస్తోంది. ఈ టైటిల్‌ను ఎంచుకోవడానికి కారణం ఏమిటంటే సాయిధరమ్ తేజ్ పవన్‌ కల్యాణ్‌ని సినిమాలో “బ్రో” అని పిలుస్తాడని, అందువల్ల అదే టైటిల్ గా పెట్టారని తెలుస్తోంది. అయితే ఈ టైటిల్ కి మాత్రం అంత మంచి స్పందన రావట్లేదు. సోషల్ మీడియాలో ఈ టైటిల్ ఇప్పటికే వైరల్ అయ్యింది. టైటిల్ చూసిన చాలా మంది, “అసలు పవన్ కళ్యాణ్ సినిమాకి ఉండాల్సిన టైటిల్ ఇదేనా?” అంటూ కామెంట్స్ చేస్తున్నారు. దీని పై అధికారిక ప్రకటన రావాల్సి ఉంది. ఈ చిత్రాన్ని జూన్ 28న విడుదల చేయనున్నారట.

Also Read: అయిపోయిన విషయాన్ని ఇంకా సాగదీస్తున్నారంటూ.. “నాగచైతన్య” కామెంట్స్..

అక్కినేని నాగచైతన్య, సమంత విడిపోయి రెండు సంవత్సరాలు కావోస్తుంది. 2021లో ఈ జంట విడిపోయారు. తామిద్దరు విడాకులు తీసుకున్నామని, చై అండ్ సామ్ సోషల్ మీడియా వేదికగా ప్రకటించారు.

అయితే నాగచైతన్య, సమంత ఎక్కడికి వెళ్లిన విడాకుల గురించి ప్రశ్నలను ఇప్పటికీ ఎదుర్కొంటున్నారు. వీరి గురించి తరచూ వార్తలు వినిపిస్తూనే ఉన్నాయి. ఈ క్రమంలో కస్టడీ ప్రమోషన్స్ లో భాగంగా నాగచైతన్య ఇచ్చిన ఇంటర్వ్యూలో విడాకుల పై స్పందించారు. అయితే నాగచైతన్య ఏమన్నారో ఇప్పుడు చూద్దాం..
నాలుగేళ్లకి పైగా ప్రేమించుకున్న తర్వాత 2017లో ఇరు కుటుంబాల సమక్షంలో గ్రాండ్ గా వివాహం చేసుకున్నారు.  2021లో ఈ జంట విడాకులు తీసుకుని, విడిపోయారు. నాగచైతన్య, సమంత డివోర్స్ తీసుకున్నామని సోషల్ మీడియా వేదికగా ప్రకటించారు. అప్పటి నుండి ఇద్దరి పర్సనల్ విషయాల గురించి తరచుగా సోషల్ మీడియాలో ఎన్నో వార్తలు చక్కర్లు  కొడుతున్నాయి. ఇక డివోర్స్ గురించి చైతూ, సామ్ లకు ప్రశ్నలు ఎదురవుతూనే ఉన్నయి. ఈ క్రమంలో  కస్టడీ ప్రమోషన్లలో భాగంగా నాగచైతన్య ఇచ్చిన ఇంటర్వ్యూలో విడాకుల పై స్పందించారు.
తమ డివోర్స్ అయిపోయిందని, ఇద్దరం ఒకేసారి సోషల్ మీడియాలో ప్రకటించామని, ఇది ముగిసిపోయిందని, ఇంకా ఈ విషయాన్ని ఎందుకు సాగదీస్తున్నారో తనకు అర్థం కావట్లేదని చెప్పారు. అయిన కొంతమంది తమ న్యూస్ హెడ్ లైన్స్ కోసం ఇలా సాగదీయడం చాలా తప్పు అని చెప్పుకొచ్చారు. కొత్త చిత్రాలు రిలీజ్ అయిన శుక్రవారం రోజే  అంతా డిసైడ్ అయిపోతుందని అన్నారు. అలాగే తన చిత్రాలు రిలీజ్ అయినపుడు సోషల్ మీడియాలో పెట్టే కామెంట్స్, రేటింగ్స్ చూస్తానని అన్నారు.
ఆ కామెంట్స్ చూస్తే కొన్నిసార్లు ఎందుకు ఇంకా బ్రతుకున్నామో అన్నట్టుగా అనిపిస్తుంది. అలాగే ఆడియెన్స్ వైపు నుండి కూడా ఆలోచిస్తానని చెప్పారు. ఇక నాగచైతన్య నటించిన లేటెస్ట్ యాక్షన్ ఎంటర్టైనర్ చిత్రం కస్టడీ మే 12న విడుదల కానుంది. ఈ చిత్రానికి కోలీవుడ్  దర్శకుడు వెంకట్ ప్రభు తెరకెక్కించారు. ఈ చిత్రంలో కృతి శెట్టి హీరోయిన్ గా నటిస్తోంది. ఇప్పటికే రిలీజ్ అయిన మూవీ ట్రైలర్ కస్టడీ చిత్రం పై అంచనాలను పెంచేసింది. ఈ చిత్రాన్ని తెలుగు మరియు తమిళ భాషల్లో మే 12న విడుదల చేయనున్నారు.

Also Read: “నాగచైతన్య” నటించిన “కస్టడీ” మూవీ సెన్సార్ టాక్..!! మూవీ ఎలా ఉందంటే..??

ప్రభాస్, కృతి సనన్ నటిస్తున్న చిత్రం ‘ఆదిపురుష్’. ఈ చిత్రం రామాయణం ఆధారంగా తెరకెక్కుతోంది. ఈ చిత్రానికి బాలీవుడ్ డైరెక్టర్ ఓం రౌత్ దర్శకత్వం వహిస్తున్నాడు.

ఈ చిత్రంలో ప్రభాస్ రాముడిగా, కృతి సనన్ సీతగా నటిస్తున్నారు. ఈరోజు ప్రభాస్ ఫ్యాన్స్ కోసం ‘ఆదిపురుష్’ ట్రైలర్ ప్రీమియర్ రిలీజ్ చేశారు. ఈ నేపథ్యంలో ఇప్పటివరకు రామాయణం ఆధారంగా రూపొందిన చిత్రాలు ఏమిటో ఇప్పుడు చూద్దాం..
1. సీతారామ కళ్యాణం:

ఎన్.టి. రామారావు గారి దర్శకత్వంలో వచ్చిన చిత్రం ‘సీతారామ కళ్యాణం’. ఈ సినిమాలో ఎన్టీఆర్ రావణుడి పాత్ర లో నటించారు.ఈ సినిమాలో రాముడుగా హరనాథ్,  సీతగా గీతాంజలి నటించారు.
2. సంపూర్ణ రామాయణం- 1958:

1958లో వచ్చిన ఈ చిత్రంలో రాముడిగా ఎన్టీ రామారావు, సీతగా పద్మిని నటించారు. ఈ చిత్రంలో భరతుడిగా శివాజీ గణేశన్ నటించారు.
3. లవకుశ:

సి. పుల్లయ్య దర్శకత్వంలో వచ్చిన ‘లవకుశ’ సినిమాలో రాముడుగా ఎన్టీఆర్, సీతాగా అంజలీ దేవి నటించారు. ఈ చిత్రం 1963 లో విడుదల అయ్యింది.
4. పాదుకా పట్టాభిషేకం: 

1966 లో విడుదల అయిన ఈ చిత్రంలో రాముడుగా కాంతారావు, సీతగా కృష్ణ కుమారి నటించారు.
5. వీరాంజనేయ:

ఈ చిత్రాన్ని కమలాకర కామేశ్వరరావు తెరకెక్కించారు. ఈ చిత్రంలో ముడుగా కాంతారావు, సీతగా అంజలీదేవి నటించారు. ఈ చిత్రం 1968లో విడుదలైంది.
6. సంపూర్ణ రామాయణం:

దర్శకుడు బాపు తెరకెక్కించిన తోలి పౌరాణిక చిత్రం  ‘సంపూర్ణ రామాయణం’.  ఈ చిత్రం 1972లో రిలీజ్ అయ్యి  విజయం సాధించింది. ఈ సిచిత్రంలో రాముడుగా శోభన్ బాబు నటించగా, సీతగా చంద్రకళ నటించింది. ఈ చిత్రంలో రావణాసురిడి పాత్రలో ఎస్.వి. రంగారావు నటన అద్వితీయం.
7. శ్రీ రామాంజనేయ యుద్ధం:

బాపు దర్శకత్వంలో ఈ చిత్రం రాముడు హనుమంతుని మధ్య యుద్ధం నేపథ్యంలో తెరకెక్కింది.  రాముడిగా ఎన్టీఆర్ నటించగా, సీత పాత్రలో  బి. సరోజాదేవి నటించింది, ఈ చిత్రం  1975 లో విడుదల అయ్యింది.

8. సీతా కళ్యాణం:

బాపు గారు తెరకెక్కించిన మరో పౌరాణిక చిత్రం ‘సీతా కళ్యాణం’.  ఈ చిత్రంలోని కథ సీతారాముల కళ్యాణం దాకా మాత్రమే ఉంటుంది. ఈ చిత్రంలో రాముడిగా రవికుమార్ అనే కొత్త నటుడు చేశారు.  సీతగా జయప్రద నటించింది. ఈ సినిమా 1976లో రిలీజ్ అయింది.
9.సీతా రామ వనవాసం:

కమలాకర కామేశ్వర రావు దర్శకత్వంలో తెరకెక్కిన చిత్రం ‘సీతా రామ వనవాసం’. ఈ చిత్రంలో రాముడిగా రవికుమార్, సీతగా జయప్రద నటించింది. ఈ చిత్రం 1977లో రిలీజ్ అయ్యింది.
10. శ్రీరామ పట్టాభిషేకం: 

ఎన్టీఆర్ రామాయణం ఆధారంగా ‘శ్రీరామ పట్టాభిషేకం’ అని చిత్రాన్ని చేశారు. ఈ చిత్రానికి ఆయనే  దర్శకత్వం, నిర్మాతగా వ్యవహరించారు. ఈ చిత్రంలో ఎన్టీఆర్ రాముడిగా, రావణుడిగా నటించారు.  సీత పాత్రలో సంగీత నటించారు. ఈ సినిమా 1978లో రిలీజ్ అయింది.
11. రామాయణం:

ఈ చిత్రాన్ని బాల రామాయణం అని కూడా పిలుస్తారు. ఈ చిత్రం పూర్తిగా బాల నటినటులతో  తీశారు. 1997లో గుణశేఖర్ దర్శకత్వంలో వచ్చిన ఈ చిత్రంలో రాముడిగా జూనియర్ ఎన్టీఆర్, సీతగా స్మితా మాధవ్ నటించారు.
12. శ్రీరామరాజ్యం:బాపుగారు దర్శకత్వం వహించిన మరో పౌరాణికం సినిమా ‘శ్రీరామరాజ్యం’. ఈ చిత్రం ఎన్టీఆర్ నటించిన ‘లవకుశ’ చిత్రానికి రీమేక్ లాంటింది. ఈ చిత్రంలో రాముడిగా నందమూరి బాలకృష్ణ నటించారు. సీతగా నయనతార నటించింది.

13. ఆదిపురుష్:

ఈ చిత్రానికి బాలీవుడ్ దర్శకుడు ఓం రౌత్ దర్శకత్వం వహిస్తున్నాడు. ఈ సినిమాలో రాముడిగా ప్రభాస్ నటించగా, సీతగా కృతి సనన్ నటిస్తున్నారు. ఈ మూవీ జూన్ 16 న రిలీజ్ కాబోతుంది.

Also Read: ప్రభాస్ “ఆదిపురుష్” ట్రైలర్ ట్విట్టర్ రివ్యూ..! ఎలా ఉందంటే..?