Filmy Adda

ఈ మధ్యనే విడుదలై సూపర్ హిట్ టాక్ తో దూసుకుపోతున్న చిత్రం ‘ది కేరళ స్టోరీ’. మే 07 న విడుదలైన ఈ చిత్రం భారీ కలెక్షన్లు సాధిస్తూ రికార్డులు సృష్టిస్తుంది. సుదీప్తో సేన్ డైరెక్ట్ చేసిన ఈ బాలీవుడ్ చిత్రం 4 రోజులకే రూ.40 కోట్లకు పైగా నెట్ కలెక్షన్లను సాధించింది. 10 కోట్లతో తెరకెక్కిన ఈ చిత్రం ఎన్నో వివాదాల నడుమ ప్రెకషకుల ముందుకి వచ్చింది.

లవ్‌ జిహాద్‌ అంశంపై తెరకెక్కిన ఈ సినిమాపై ఆది నుంచి వివాదాలు కొనసాగుతున్నాయి. మొదట 32 వేల మంది మహిళల యదార్థ జీవితం ఆధారంగా ఈ సినిమాను తెరెక్కించామని చెప్పుకొచ్చిన డైరెక్టర్‌ సుదీప్తోసేన్‌.. ఆ తర్వాత కేవలం ముగ్గురు యువతుల జీవితం ఆధారంగానే సినిమా నిర్మించామన్నాడు. భద్రతాపరమైన కారణాలతో తమిళనాడు, బెంగాల్‌తో పాటు పలు చోట్ల ఈ సినిమా ప్రదర్శనలు నిలిపేశారు.

ఈ మూవీ లో అదా శర్మ, యోగితా బిహానీ, సిద్ధి ఇద్నాని, సోనియా బలానీ ప్రధాన పాత్రల్లో నటించారు. వీరి చుట్టూనే ఈ చిత్రం మొత్తం తిరుగుతుంది. అయితే ఈ చిత్రం పై వస్తున్న వివాదాలపై తాజాగా నటి సిద్ధి ఇద్నానీ స్పందించారు. “కేరళ స్టోరీ వివాదాస్పద చిత్రం కాదు.. అవగాహన కల్పించే చిత్రం. ఇది ఏ మతాన్ని కించపరిచే చిత్రం కాదు. తీవ్రవాదాన్ని ఖండించే చిత్రం.” అని సిద్ధి ఇద్నానీ ఇంస్టాగ్రామ్ లో పోస్ట్ పెట్టింది.

‘ది కేరళ స్టోరీ’లో గీతాంజలి పాత్రలో నటించిన సిద్ధి ఇద్నానీ సౌత్ ఇండస్ట్రీలో ప్రముఖ నటిగా సుపరిచితురాలు. సిద్ధి 2018లో ‘జంబ లకిడి పంబ’ సినిమాతో సౌత్ ఇండస్ట్రీలోకి అడుగుపెట్టింది. ప్రస్తుతం ఈమె పెట్టిన పోస్ట్ కి కొందరు మద్దతు పలుకుతుండగా.. మరికొందరు మండిపడుతున్నారు.

మరోవైపు థియేటర్లలో వివాదాలు, షోస్‌ క్యాన్సిల్‌ చేస్తుండడంతో ఈ సినిమాని ఓటీటీలో రిలీజ్ చేస్తే ఎలాంటి ఇబ్బంది ఉండదని మేకర్స్ కూడా భావిస్తున్నట్లు తెలుస్తోంది. అయితే దీనిపై అధికారిక ప్రకటన వెలువడాల్సి ఉంది. ఈ నేపథ్యంలోనే ది కేరళ స్టోరీ డిజిటల్‌ రైట్స్‌ హక్కులను ప్రముఖ ఓటీటీ ప్లాట్‌ఫామ్‌ జీ 5 సొంతం చేసుకున్నట్లు సమాచారం.

Alsoread: THE KERALA STORY REVIEW : “అదా శర్మ” నటించిన ది కేరళ స్టోరీ హిట్టా..? ఫట్టా..? స్టోరీ, రివ్యూ & రేటింగ్.!

ఫిల్మ్ ఇండస్ట్రీలో హీరోలు అరవైల్లో కూడా ఇరవయేళ్ళ అమ్మాయితో ఆడిపాడతారు కానీ హీరోయిన్స్ కి మాత్రం ముప్పై, ముప్పై ఐదు ఏళ్ళు వస్తే చాలు మెల్లి మెల్లిగా పక్కన పెట్టేస్తారు. అందుకు తగ్గట్టుగానే హీరోయిన్స్ కూడా దీపం ఉన్నప్పుడే ఇల్లు చక్కబెట్టుకుంటారు.

ఏడాది క్రితం వరకు సమంత, కాజల్, తమన్నా, రష్మిక, పూజా హెగ్డే, రకుల్ వరుస సినిమాలతో బిజీగా ఉన్నారు. అయితే గత కొంతకాలంగా పరిస్థితి పూర్తిగా మారిపోయింది. ప్రస్తుతం ఇండస్ట్రీలో ఈ హీరోయిన్లకు బదులుగా కృతిశెట్టి, శ్రీలీల, కేతిక శర్మ, శివానీ, మీనాక్షి చౌదరీ పేర్లు వినిపిస్తున్నాయి.

ఈ హీరోయిన్లతో పాటు యంగ్ హీరోయిన్ నేహాశెట్టి పేరు కూడా టాలీవుడ్ ఇండస్ట్రీలో మారుమ్రోగుతోంది. యంగ్ హీరోయిన్లు తర్వాత సినిమాలతో సక్సెస్ లను అందుకుంటే ఈ హీరోయిన్లకు స్టార్ హీరోయిన్లుగా ప్రమోషన్ దక్కుతుంది. కాజల్ కొన్ని కారణాల వల్ల సినిమాలకు దూరం కాగా రీఎంట్రీ ఇచ్చినా గతం ఉన్నంత క్రేజ్ ఉండకపోవచ్చు. తమన్నాకు కూడా పెద్దగా అవకాశాలు రావడం లేదు. ప్రస్తుతం తమన్నా ‘గుర్తుందా శీతాకాలం’లో సత్య దేవ్ తో కలిసి నటిస్తుంది.

మరోవైపు సమంత లేడీ ఓరియెంటెడ్ సినిమాల్లో నటిస్తుండగా ఈ సినిమాల ఫలితాలపైనే సమంత కెరీర్ ఆధారపడి ఉంది. అయితే పాన్ ఇండియా హీరోలు సమంతపై దృష్టి పెట్టడం లేదు. పుష్ప ది రైజ్ విజయం సాధించినా ఆడవాళ్లు మీకు జోహార్లు ఫ్లాప్ రష్మిక కెరీర్ పై ప్రభావం చూపుతోంది. మరో హీరోయిన్ పూజా హెగ్డే కు కూడా పెద్దగా అవకాశాలు రావడం లేదు. పూజా హెగ్డే చేతిలో కొన్ని ఆఫర్లు ఉన్నా ఆమెకు కొత్త ఆఫర్లు రావడం కష్టమేనని తెలుస్తోంది.

రాధే శ్యామ్, ఆచార్య, బీస్ట్ వంటి ఫ్లాపులు పూజ కెరీర్ కు మైనస్ అయ్యాయి. ప్రస్తుతానికి త్రివిక్రమ్ డైరెక్షన్ లో ఒకటి, బాలీవుడ్ లో మరో చిత్రం చేయనుంది. యంగ్ హీరోయిన్ల నుంచి ఈ స్టార్ హీరోయిన్లకు గట్టి పోటీ ఎదురవుతోంది. అయితే ఈ హీరోయిన్లలో రేపు ఎంత మంది స్టార్ హీరోయిన్లు అవుతారో, ఎంతమంది ఆఫర్లు లేక ఇండస్ట్రీకి దూరమవుతారో చూడాలి.

సాధారణం గా ఒక భాష లో హిట్ అయిన సినిమాలను మరో భాష లోకూడా రీమేక్ చేస్తుంటారు. సినిమా లో కంటెంట్ బాగుంటే ఇతర భాషల్లో కూడా ఈ సినిమాలు బాక్స్ ఆఫీస్ ను బద్దలు కొట్టేస్తాయి. అయితే కొన్నిసార్లు ఒరిజినల్ లో నటించిన కొందరు నటులు రీమేక్ లో కూడా నటిస్తారు.

వాళ్లెవరో ఇప్పుడు చూద్దాం..

#1 రేవతి

విక్టరీ వెంకటేష్ తెలుగు బ్లాక్ బస్టర్ ప్రేమ మూవీ ని హిందీ లో లవ్ పేరుతో రీమేక్ చేసారు. సల్మాన్ ఖాన్ హీరో. ఇందులో హీరోయిన్ గా తెలుగులో నటించిన రేవతినే నటించారు.

#2 అనిత

తేజ దర్శకత్వంలో వచ్చిన ‘నువ్వు నేను’ సినిమా ఉదయ్ కిరణ్ కు మంచి పేరు తెచ్చిపెట్టింది. ఇందులో అనిత హీరోయిన్. ఈ మూవీ ని హిందీలో ‘ఏ దిల్’ పేరుతో రీమేక్ చేసారు. ఇందులో కూడా అనిత నే హీరోయిన్.

#3 అసిన్

సూర్య హీరోగా మురుగదాస్ తెరకెక్కించిన సూపర్ హిట్ మూవీ ‘గజిని’. ఈ మూవీ ని హిందీ లో ఆమిర్ ఖాన్ హీరోగా రీమేక్ చేసారు. ఈ రెండిటిలో అసిన్ హీరోయిన్ గా నటించింది.

#4 అనుపమ పరమేశ్వరన్

మలయాళ చిత్రం ప్రేమమ్ ని తెలుగులో నాగ చైతన్య హీరోగా రీమేక్ చేయగా.. ఈ రెండిటిలో ఒక హీరోయిన్ గా అనుపమ పరమేశ్వరన్ నటించింది.

#5 జెనీలియా

బొమ్మరిల్లు భాస్కర్ తెరకెక్కించిన బొమ్మరిల్లు మూవీ ని హిందీలో, తమిళం లో రీమేక్ చేసారు. ఈ అన్ని మూవీస్ లో జెనీలియా నే హీరోయిన్ గా నటించింది.

#6 మడోన్నా సెబాస్టియన్

మలయాళ చిత్రం ప్రేమమ్ ని తెలుగులో నాగ చైతన్య హీరోగా రీమేక్ చేయగా.. ఈ రెండిటిలో ఒక హీరోయిన్ గా మడోన్నా సెబాస్టియన్ నటించింది.

#7 ఐశ్వర్య రాజేష్

తెలుగులో ‘కౌసల్య కృష్ణమూర్తి’ పేరుతో రీమేక్ అయిన మూవీ ‘కనా’. ఈ రెండు మూవీస్లో ఐశ్వర్య రాజేష్ ప్రధాన పాత్రలో నటించింది.

#8 ప్రకాష్ రాజ్

మహేష్ బాబు సూపర్ హిట్ మూవీ ‘ఒక్కడు’ ని చాలా భాషల్లో రీమేక్ చేసారు. అయితే తమిళం లో విలన్ గా తెలుగులో నటించిన ప్రకాష్ రాజ్ ఏ నటించారు. అలాగే పోకిరి మూవీ హిందీ రీమేక్ లో కూడా ప్రకాష్ రాజ్ నటించారు.

#9 గౌరీ కిషన్

తమిళ్లో త్రిష, విజయ్ సేతుపతి ప్రధాన పాత్రల్లో వచ్చిన 96 మూవీ ని తెలుగులో ‘జాను’ పేరుతో రీమేక్ చేసారు. ఈ రెండు మూవీస్ లో హీరోయిన్ చిన్నప్పటి పాత్రలో గౌరీ కిషన్ నటించింది.

#10 అవినాష్

కన్నడ లో వచ్చిన ఆప్తమిత్ర మూవీ ని తెలుగులో నాగవల్లి పేరుతో రీమేక్ చేసారు. ఈ రెండు చిత్రాల్లో నటుడు అవినాష్ ఒక కీలక పాత్రలో నటించారు.

#11 మీనా

మలయాళ చిత్రం దృశ్యం మూవీ ని తెలుగులో కూడా రీమేక్ చేసారు. ఈ రెండిటిలో మీనా నటించారు.

#12 జయప్రకాశ్ రెడ్డి

నటుడు జయప్రకాశ్ రెడ్డి రెడీ మూవీ తమిళ రీమేక్ లో కూడా నటించారు.

#13 సచిన్ ఖేడేకర్

అలవైకుంఠపురంలో సినిమాని బాలీవుడ్ లో షెహజాదా గా రీమేక్ చేశారు. కార్తిక్ ఆర్యన్, కృతి సనన్ జంటగా నటించారు. ఈ రెండు మూవీస్ లో హీరో తాతయ్యగా సచిన్ ఖేడేకర్ నటించారు.

#14 సంయుక్త హెగ్డే

కన్నడ లో సూపర్ హిట్ అయిన ‘కిరిక్ పార్టీ’ మూవీ ని తెలుగులో ‘కిరాక్ పార్టీ’ గా నిఖిల్ రీమేక్ చేసారు. ఈ మూవీ లో సంయుక్త హెగ్డే ఒక హీరోయిన్ గా నటించింది.

#15 అరవింద స్వామి

జయం రవి హీరోగా వచ్చిన తని ఒరువన్ మూవీ ని తెలుగు లో రామ్ చరణ్ ధృవ గా రీమేక్ చేసారు. ఈ రెండు చిత్రాల్లో విలన్ గా అరవింద స్వామి నటించారు.

భారతీయ సినీ పరిశ్రమలో ప్రస్తుతం నెంబర్ వన్ ఇండస్ట్రీ టాలీవుడ్. గత 2-3 ఏళ్ల నుండి బాక్స్ ఆఫీస్ వద్ద ఎక్కువ కలెక్షన్స్ సాధిస్తోంది తెలుగు సినిమాలే. ఈ ఏడాది అలా మొదలవగానే 5 చిత్రాలకు పైగా సూపర్‌హిట్ అయ్యాయి. బాక్సాఫీస్ దగ్గర సూపర్‌హిట్ సినిమాల పరంగా ఈ 2023లో తెలుగు ఇండస్ట్రీ ఇప్పటికే మిగతా ఇండస్ట్రీల కన్నా ముందుంది.

అయితే ఒకవైపు డిఫరెంట్ కాన్సెప్ట్స్ తో సూపర్ హిట్ చిత్రాలు వస్తుంటే.. మరోవైపు రెగ్యులర్ కథలతో పలు కమర్షియల్ సినిమాలు వస్తున్నాయి. అయితే వాటిని ప్రేక్షకులు ఆదరించకపోవడంతో భారీ నష్టాలను మూటగట్టుకున్నాయి.. ఇప్పుడు ఆ చిత్రాలేవో చూద్దాం..

సురేందర్ రెడ్డి దర్శకత్వంలో అఖిల్ నటించిన ‘ఏజెంట్’ మూవీపై ప్రకటన సమయం నుంచి అంచనాలు ఏర్పడ్డాయి. దీనికితోడు దీన్ని ఏకంగా రూ. 80 కోట్లు బడ్జెట్తో తెరకెక్కించారు. ఫలితంగా భారీ అంచనాలతో అత్యధిక లోకేషన్లలో ఈ సినిమా విడుదలైంది. అయితే దీనికి ఆరంభంలోనే నెగెటివ్ టాక్ వచ్చింది. దీంతో ఈ చిత్రానికి ఆశించిన స్థాయిలో ఓపెనింగ్స్ కూడా దక్కలేదు.

రూ. 37 కోట్లు బ్రేక్ ఈవెన్ టార్గెట్తో బరిలోకి దిగిన ఈ స్పై థ్రిల్ల్రర్ మూవీ ప్రపంచ వ్యాప్తంగా రూ. 6.70 కోట్లు వరకూ షేర్ రూ. 12.50 కోట్లు గ్రాస్ మాత్రమే కలెక్ట్ చేసింది. ఫుల్ రన్లో కేవలం రూ. 7 కోట్లు లోపు షేర్ను మాత్రమే వసూలు చేసింది. ఫలితంగా ఈ సినిమా ఏకంగా రూ. 30 కోట్లకు పైగా నష్టాలతో అతడి కెరీర్లోనే బిగ్గెస్ట్ డిజాస్టర్గా మిగిలిపోయింది. దీంతో ఎన్నో చెత్త రికార్డులు కూడా ఈ సినిమా పేరిట నమోదు అయ్యాయి.

మరోవైపు మాచో స్టార్ గోపీచంద్ నటించిన రామబాణం చిత్రం పరిస్థితి కూడా దాదాపు ఇదే.. ఈ మూవీ 15 కోట్ల రేంజ్ లో బిజినెస్ చేయగా.. 5 రోజుల్లో కేవలం 3 కోట్ల షేర్ మాత్రమే వచ్చింది. ఇంకాస్త వస్తుందన్న వస్తుందన్న నమ్మకం కూడా లేదు. ఆల్ మోస్ట్ ఈ సినిమా 11.50 కోట్ల రేంజ్ లో నష్టాలు కలిగించే అవకాశం ఉంది. ఓపెనింగ్స్ తోనే మినిమమ్ కలెక్షన్స్ అందుకొనే గోపీచంద్ కూడా ఈ చిత్రం తో దెబ్బతిన్నాడు.

ఇక వరుస హిట్స్ తో టాలీవుడ్ బాక్స్ ఆఫీస్ కళకళలాడుతున్న వేళ రెండు సినిమాలు టాలీవుడ్ ఇండస్ట్రీలో బిగ్గెస్ట్ డిజాస్టర్స్ లో చేరాయి. ఏజెంట్, రామబాణం డిజాస్టర్స్ వలన మార్కెట్ చాలా పడిపోయింది. ఎదో ఒక మంచి సినిమా వస్తేనే మళ్ళీ థియేటర్స్ కళకళలాడుతూ కనిపిస్తాయి. ఇక త్వరలో రానున్న నాగ చైతన్య ‘కస్టడీ’ మూవీ ఫలితం ఎలా ఉంటుందో చూడాలి.

Also read: “చిరంజీవి” నుండి… “షారుక్ ఖాన్” వరకు… ఘోరమైన “ఫ్లాప్” తర్వాత కంబ్యాక్ ఇచ్చిన 8 హీరోస్..!

నట సార్వభౌమ నందమూరి తారక రామారావు శతజయంతి సందర్భంగా రచయిత పరుచూరి గోపాలకృష్ణ ఎన్టీఆర్ నటించిన ‘పాతాళ భైరవి’ చిత్రాన్ని గుర్తుచేసుకున్నారు.

ఎన్టీఆర్‌ శతజయంతి సందర్భంగా పరుచూరి పాతాళ భైరవి సినిమా గురించి మాట్లాడుతూ ఈ సినిమా విడుదల అయ్యి  72 సంవత్సరాలు పూర్తయిందని అన్నారు. ఈ చిత్ర విశేషాలను కూడా వెల్లడించారు.నట సార్వభౌమ నందమూరి తారక రామారావు తెలుగు, హిందీ, తమిళం భాషలలో కలిపి సుమారు 400 చిత్రాలలో నటించి గొప్పనటుడుగా గుర్తింపును సొంతం చేసుకున్నారు. ఆయన తన కెరిర్ లో నటించిన చాలా చిత్రాలు బ్లాక్ బస్టర్ హిట్ గా నిలిచి, బాక్సాఫీస్ దగ్గర రికార్డులను సృష్టించాయి. ఎన్టీఆర్ నటించిన చిత్రాలలో ‘పాతాళభైరవి’ మూవీ  ఒకటి. ఇప్పటికీ ఈ చిత్రం టీవీలో ప్రసారమైతే చూసేవారు చాలామంది ఉన్నారు. తాజాగా ఈ చిత్రం గురించి టాలీవుడ్ రైటర్ పరుచూరి గోపాలకృష్ణ ఎన్టీఆర్‌ శతజయంతి సందర్భంగా జ్ఞాపకం చేసుకున్నారు. ఆయన తన ఛానెల్ పరుచూరి పలుకుల్లో ఈ సినిమా గురించి మాట్లాడుతూ, ఈ మూవీ తరువాత ఎన్టీఆర్ కు ఎంతో మంది ఫ్యాన్స్ గా మారారని చెప్పారు. బి.నాగిరెడ్డి, కేవిరెడ్డి, చక్రపాణి వీరంతా చాలా గొప్పవారని అన్నారు. ఈ సినిమా అప్పట్లో అద్భుతమని అన్నారు. ధైర్యే సాహసే లక్ష్మి అనే పాయింట్ తో దర్శకనిర్మాతలు అప్పట్లో సంచలనం సృష్టించారని చెప్పారు. ఈ చిత్రానికి ముందు వరకు జానపద చిత్రాలంటే అక్కినేని నాగేశ్వరరావు గారు గుర్తుకు వచ్చేవారని తెలిపారు. అయితే పాతాళ భైరవి సినిమా విడుదలైన తరువాత జానపదం అంటే ఎన్టీఆర్ అనేంతగా ఆయన ప్రభావం చూపారని వెల్లడించారు. జానపదం, సాంఘికం,చారిత్రకం, పౌరాణికం లాంటి చిత్రాలలో ఎన్టీరామరావుగారు జీవించేవారని చెప్పారు. ఇక పాతాళభైరవి చిత్రాన్ని ఎన్నిసార్లు చూసినప్పటికి, మళ్ళీ చూడాలనిపించేలా ఏదో కొత్తదనం ఈ సినిమాలో కనిపిస్తుందని తెలిపారు.
ఆ మూవీలోని డైలాగ్స్ ప్రత్యేక ఆకర్షణగా ఉంటాయని, ఆడియెన్స్ ని ఆకట్టుకుంటాయని అన్నారు. యస్.వి. రంగారావుని మాంత్రికుడిగా చూస్తే భయమేసేదని అన్నారు. రీరిలీజ్ చేసినా వంద రోజులు ఆడే చిత్రాల లిస్ట్ లో ఈ చిత్రం ముందు ఉంటుందన్నారు. ఈ చిత్రం ఓటీటీల్లో ఉన్నట్లయితే చూడమని అందరిని పరుచూరి కోరారు.

Also Read: “ఆదిపురుష్” సినిమాలో “ప్రభాస్” కంటే ముందుగా అనుకున్న స్టార్ హీరో ఎవరో తెలుసా?

ఒక సినిమా ఇండస్ట్రీలో హిట్ గా నిలబడాలి అంటే అప్పటివరకు బాక్సాఫీస్ వద్ద కలెక్షన్స్ సంపాదించిన సినిమాలను దాటి సరికొత్త రికార్డు సృష్టించాలి అని అర్థం.

1999 నుండి 2006 వరకు ఆల్మోస్ట్ ఆరు సంవత్సరాల పాటు ఇండస్ట్రీని నడిపింది మాస్ ట్రెండ్. ఈ క్రమంలో వచ్చి ఇండస్ట్రీలో బ్లాక్ బస్టర్ గా నిలబడిన సినిమాలే సమరసింహారెడ్డి, నరసింహ నాయుడు ,ఇంద్ర మరియు పోకిరి.
కానీ ఇంతవరకు ఏ సినిమా ఊహించని అంచనాలను ఛేదించిన పోకిరి ఇండస్ట్రీలో హిట్గా నిలబడడానికి కారణాలు ఏమిటో తెలుసుకుందాము…

1.పూరి మార్క్

సినిమా స్టార్టింగ్ నుంచి ఎండింగ్ వరకు హీరోగా చేసింది మహేష్ బాబు ఏనా అని ప్రేక్షకులకు ఆశ్చర్యం కలిగేలా మహేష్ చేత పెర్ఫార్మన్స్ ఇప్పించిన ఘనత పూరికే దక్కుతుంది. ఆ డైలాగ్ డెలివరీ ,కోపంలో ముక్కు ఎగ పీల్చడం,
ఇలాంటి కాన్సెప్ట్స్ తో మహేష్ బాబు ని ఎప్పుడు ఎవరు చూపించనంత మాస్ ఓరియంటెడ్ గా చూపిస్తూ స్టైల్ క్రియేట్ చేశాడు. అన్నయ్య అంటూ మహేష్ బాబు డెలివరీ కొత్తగా క్రేజ్ ని క్రియేట్ చేసింది. హీరో అంటే కేవలం వైట్ కలర్ షర్టు వేయాలి అని నాటుకుపోయిన అభిప్రాయాన్ని పటాపంచలు చేసింది పోకిరి సినిమా.

2.కాంపిటీషన్ లేదు/ రిపీట్ ఆడియెన్స్

పోకిరి రిలీజ్ అయ్యేప్పటికీ ఎటువంటి ఇతర సినిమాలు పోటీకి లేకుండా ఉన్నాయి. ప్రభాస్ పౌర్ణమి ,పవన్ కళ్యాణ్ బంగారం ,బాలయ్య వీరభద్ర ఇలా అప్పటికే రిలీజ్ అయిన పెద్ద చిత్రాలు ప్రేక్షకులను నిరాశపరిచాయి. ఆ టైంలో రిలీజ్ అయిన పోకిరి సోలోగా థియేటర్స్ ను కాపాడింది. ఈ సినిమాకి రిపీటెడ్ గా ఆడియన్స్ రావడానికి పక్కన పోటీగా పెద్ద సినిమాలు లేకపోవడం కూడా ఒక కారణమని చెప్పుకోవచ్చు.

3.సినిమాటోగ్రఫీ

అప్పటివరకు రిలీజ్ అయిన అన్ని చిత్రాల్లో గ్యాంగ్ వార్స్, మాఫియా అంటేనే అదోరకం బ్లాక్ / గ్రే / బ్రౌన్ ఫార్మాట్లో మూవీ మొత్తం సాగుతుంది.
సగం పైన సినిమా చీకట్లో ఏం జరిగిందో కూడా అర్థం కాక ఇబ్బంది పడాల్సిన పరిస్థితి ఏర్పడుతుంది. వీటన్నిటిని మారుస్తూ పోకిరి విజువల్స్ తో విన్యాసమే చేసింది. మాఫియా ఫైట్ సీన్లను కూడా కంటికి ఇంపుగా మంచి విజువల్స్ తో దానికి సూట్ అయ్యే బ్యాక్ గ్రౌండ్ మ్యూజిక్ తో ఎక్సలెంట్ గా ప్రదర్శించారు.

4.మహేష్ బాబు

పోకిరి మెయిన్ క్యారెక్టర్ పండుగాడు……ఎప్పుడు కొడితే దిమ్మ తిరిగి మైండ్ బ్లాక్ అవుతుంది వాడే పండుగాడు….. అంటూ ఫుల్ టైం మాస్ ఎంటర్టైనర్గా కొత్త అవతారం ఎత్తిన మహేష్ బాబు ఈ చిత్రానికి హైలైట్ గా నిలిచాడు. అప్పటివరకు ప్రిన్స్గా లవర్ బాయ్ గా పేరుపొందిన మహేష్ బాబు పోకిరి చిత్రంతో తను ఏ క్యారెక్టర్ నైనా చేయగలను అని ప్రూవ్ చేసుకున్నాడు.

5.మణిశర్మ

సినిమాని ఒకసారి చూస్తే ఎంత పెద్ద సన్నివేశాన్ని అయినా రెండోసారి చూసేటప్పుడు అంత శ్రద్ధ వహించం. తెలిసిన ట్విస్ట్ ఏ కదా అన్న ఆలోచన దీనికి కారణం. కానీ ఈ సినిమాలో బ్యాక్ గ్రౌండ్ మ్యూజిక్ వల్ల ప్రతి సీన్ కి హైప్ 100% పెరిగింది. మహేష్ బాబు ఫైటింగ్ సీన్స్ లో బ్యాక్ గ్రౌండ్ మ్యూజిక్ మన రక్తంలో కూడా ప్రవహిస్తుందా అన్నట్టు మణిశర్మ ఎలివేట్ చేశాడు. నా కనులని సూటిగా చుస్తే నా ఎదుటికి నేరుగ వస్తే ఈ పోకిరి పొగరుని కవ్విస్తే , ఈ లిరిక్ దగ్గర వచ్చే ట్యూన్ ని పూర్తిగా ఒక ఎమోషనల్ సీన్ లో ది బెస్ట్ ఎలేవేషన్ బిజిఎం గా మార్చిన ఘనత మణిశర్మది.

6.ఇలియానా

అంతకుమునుపే దేవదాస్ సినిమాతో యూత్ లో మంచి క్రేజ్ తెచ్చుకున్న ఇలియానా చేసిన రెండవ సినిమా పోకిరి. ఇలియానా కెరియర్ లోనే ఈ సినిమా ఒక రికార్డుగా నిలబడింది.ఈ నాటీ బ్యూటీ నీ పాపులర్ చేసిన సాంగ్ డోలే డోలే.

7.గ్యాంగ్స్టర్/మాఫియా యాక్షన్

అప్పటివరకు సినిమా ఇండస్ట్రీని శాసిస్తున్న ఫ్యాక్షన్ సినిమాలకు భిన్నంగా తిరిగి మాఫియా గ్యాంగ్ వార్స్ రుచి చూపించిన సినిమా పోకిరి. ఆర్జీవి తీసిన సత్యా లాంటి సినిమాలు తప్ప మాఫియా రియల్ గా ఎలా ఉంటుందో మర్చిపోయిన తెలుగు ప్రేక్షకులకు…మాఫియాలో ఉండే కిక్ ని లైవ్ లో చూపించాడు పోకిరి.

యంగ్ రెబల్ స్టార్ ప్రభాస్ “ఆదిపురుష్” చిత్రంలో తొలిసారి రాముడి పాత్రలో నటించారు. అందువల్ల ప్రభాస్  అభిమానులు ఆదిపురుష్ చిత్రం కోసం ఈగర్‏గా ఎదురుచూస్తున్నారు.

ఈ చిత్రాన్ని బాలీవుడ్ డైరెక్టర్ ఓంరౌత్ తెరకెక్కిస్తున్నాడు. ఈ సినిమాలో సీతగా కృతి సనన్ నటించారు. తాజాగా రిలీజ్ అయిన ట్రైలర్ మూవీ పై అంచనాలను పెరిగాయి. అయితే ఈ చిత్రంలో హీరోగా ముందుగా అనుకున్నది ప్రభాస్ ని  కాదంట. మరి ఈ చిత్రాన్ని మిస్ చేసుకున్న స్టార్ హీరో ఎవరో చూద్దాం..
బాలీవుడ్ లో తానాజీ లాంటి బ్లాక్ బస్టర్ హిట్ చిత్రాన్ని తెరకెక్కించిన దర్శకుడు ఓంరౌత్ ఆదిపురూష్ సినిమాని  రూపొందించాడు. దాంతో ఈ చిత్రం పై అంచనాలు ఏర్పడ్డాయి. అది మాత్రమే కాకుండా ప్రభాస్ రాముడి పాత్రలో నటిస్తుండడంతో ఆడియెన్స్, అభిమానులు ఈ చిత్రం ఎప్పుడెప్పుడా వస్తుందా అని ఎదురుచూస్తున్నారు.  అయితే ఆ మధ్యన రిలీజ్ అయిన మూవీ టీజర్ ఫ్యాన్స్ ను, ఆడియెన్స్ ను నిరాశ పరిచింది. కారణం క్యారెక్టర్స్ లుక్స్, గ్రాఫిక్స్.
మరి ముఖ్యంగా రావణుడు, హానుమాన్ రూపాలను చూడగానే ఆంగ్ల చిత్రాలను చూసినట్టుగా ఉందని విమర్శలు వచ్చాయి. రాముడు, సీత, పాత్రలను అవమానించారంటూ మూవీ యూనిట్ పై విమర్శలు చేశారు. దీంతో మూవీ యూనిట్ సంక్రాంతికి విడుదల అవ్వాల్సిన సినిమాని జూన్ 16కు వాయిదా వేసింది. గ్రాఫిక్స్ విషయంలో దిద్దుబాటు చర్యలు చేపట్టింది. తాజాగా విడుదలైన ట్రైలర్ లో ఆ మార్పు అర్ధం అవుతోంది. ట్రైలర్ కు ఆడియెన్స్ నుండి మంచి రెస్పాన్స్ వస్తోంది. ప్రభాస్ ఫ్యాన్స్ సినిమా విజయం సాధించాలని ఆశిస్తున్నారు. ఇది ఇలా ఉండగా తాజాగా ఒక వార్త సోషల్ మీడియాలో షికారు చేస్తోంది. ఈ చిత్రంలో ప్రభాస్ కన్నా ముందుగా డైరెక్టర్ ఓంరౌత్ బాలీవుడ్ స్టార్ హీరోను రాముడిగా అనుకున్నారంట. దర్శకుడు ఓం రౌత్ ముందుగా హృతిక్ రోషన్ కథ చెప్పారట, దానికి హృతిక్ ఆలోచించుకోవడానికి సమయం కావాలని చెప్పాడట. చివరకు ప్రభాస్‌ కు కథ చెప్పడం  ఆయన ఒప్పుకోవడం జరిగింది.

Also Read: “విజయ్ దేవరకొండ” కొత్త సినిమా పోస్టర్ పై విమర్శలు.. క్లారిటీ ఇచ్చిన నిర్మాత..!!

పవన్ కల్యాణ్ క్రేజ్ గురించి ప్రత్యేకంగా చెప్పాల్సిన అవసరం లేదు. ఈయన సినిమాలు వచ్చాయంటే పండగ చేసుకుంటారు ఫ్యాన్స్. ఒకప్పుడు అయితే పవన్ సినిమా వచ్చిందంటే కుర్రాళ్లకు ఫెస్టివల్. ముఖ్యంగా 20 ఏళ్ల కింద పవన్ క్రేజ్ ఊహకు కూడా అందేది కాదు.

అందుకే అప్పట్లో కార్పోరేట్ కంపెనీలు కూడా పవన్‌తో యాడ్స్ కోసం వెంటపడ్డాయి. పవర్ స్టార్ కూడా ఖుషీ టైమ్‌లో పెప్సీ యాడ్ చేసాడు. అప్పట్లో ఆయన చేసిన యాడ్ కూడా బంపర్ హిట్ అయింది. ముఖ్యంగా పవన్ కల్యాణ్ స్టైల్ ట్రెండ్ సెట్టర్ అంతే. ఇక ఈ యాడ్ తర్వాత పవన్ మరో యాడ్ లో నటించలేదు. కూల్ డ్రింక్స్ తాను తాగను కాబట్టే వాటిల్లో నటించట్లేదని పవన్ ఒక సందర్భం లో చెప్పాడు.

2001లో ఈ యాడ్ షూట్ చేసారు. ఖుషీ సినిమాతో అప్పటికే సంచలనాలు సృష్టించాడు పవన్. అయితే ఈ యాడ్ చేసినందుకు అప్పట్లో పవన్ కళ్యాణ్ బాగానే పారితోషికాన్ని అందుకున్నారట. ఈ యాడ్ చేసినందకు అప్పట్లోనే తనకు రూ.100 నుంచి 150 కోట్ల రెమ్యూనరేషన్ ఇచ్చినట్లుగా గతంలో ఓ ఇంటర్వ్యూలో చెప్పుకొచ్చారు పవన్.

దాదాపు 20 ఏళ్ల కిందటే 100 కోట్ల పారితోషికాన్ని అందుకున్నారంటే పవన్ క్రేజ్ ఏ రేంజ్ లో ఉందో అర్థం చేసుకోవచ్చు. అప్పట్లో సౌత్ ఇండియాలో ఒక స్టార్ హీరో ప్రొడక్ట్స్ యాడ్ ఇవ్వడం అదే మొదటిసారి. ఆ తర్వాత మెగాస్టార్ చిరంజీవి థమ్స్ అప్ యాడ్ చేశారు. ఆ ప్రకటనలో నటించినందుకు గానూ.. జాతీయ స్థాయిలో చేస్తున్న హీరోల కంటే తనకు రూ.40 లక్షలు ఎక్కువే ఇచ్చారని తెలిపారు.

అప్పట్లో ఈయన చేసిన పెప్సీ యాడ్ ఫోటోలు కొన్ని ఇప్పుడు వైరల్ అవుతున్నాయి. అందులో గుండుతో పవన్ ఇచ్చిన పోజులు అదిరిపోయాయి. అయితే ఆ తర్వాత అనివార్య కారణాలతో పెప్సీతో కాంట్రాక్ట్‌ను క్యాన్సిల్ చేసుకున్నాడు పవన్. అప్పట్నుంచి ఇప్పటి వరకు మళ్లీ యాడ్స్ జోలికి పోలేదు పవర్ స్టార్.

విజయ్ దేవరకొండ హీరోగా ‘జెర్సీ’ ఫేం గౌతమ్ తిన్ననూరి దర్శకత్వంలో ఓ సినిమా రూపొందుతున్న సంగతి తెలిసిందే. ఈ మధ్యనే పూజా కార్యక్రమాలతో ఈ చిత్రం ప్రారంభమైంది. శ్రీలీల హీరోయిన్. అయితే తాజాగా విజయ్ దేవరకొండ బర్త్డే సందర్భంగా ఓ పోస్టర్ ను రిలీజ్ చేసారు మేకర్స్. పోస్టర్‌ చాలా క్రియేటివ్‌గా ఉంది.

విజయ్ దేవరకొండ పుట్టినరోజు సందర్భంగా ఆయనకు శుభాకాంక్షలు తెలియజేస్తూ మేకర్స్ ఓ ప్రత్యేక పోస్టర్ ను విడుదల చేశారు. ఆ పోస్టర్ లో పియానోని తలపిస్తూ పేర్చిన కాగితపు ముక్కలపై విజయ్‌ ఫేస్‌ కనిపించడం విశేషం. హీరో కళ్ళలో ఇంటెన్స్ కనిపిస్తోంది. అలాగే ఆ పోస్టర్ పై `నేను ఎవరికి ద్రోహం చేశానో చెప్పడానికి నేను ఎక్కడ ఉన్నానో నాకు తెలియదు, అనామక గూఢచారి` అని రాసి ఉంది.

ఈ మూవీ లో విజయ్ స్పైగా కనిపించబోతున్నట్టు తెలుస్తుంది. అలాగే అనిరుధ్‌ రవిచందర్‌ ఈ సినిమాకి సంగీతం అందిస్తున్నారు. గతంలో గౌతమ్ తిన్ననూరి, సితార ఎంటర్‌టైన్‌మెంట్స్ ‘జెర్సీ’ చిత్రం కోసం జతకట్టారు. ఈ సినిమా విమర్శకుల ప్రశంసలతో పాటు బాక్సాఫీస్ వద్ద మంచి వసూళ్ళు రాబట్టి ఘన విజయం సాధించింది. ఈ కాంబినేషన్ లో మరో చిత్రం అనే సరికి ప్రేక్షకుల్లో అంచనాలు పెరిగిపోయాయి.

అయితే తాజాగా రిలీజ్ చేసిన పోస్టర్స్ పై సర్వత్రా ప్రశంసలు వచ్చాయి. అయితే ఈ మూవీ పోస్టర్ కాపీ అనే కామెంట్లు వినిపిస్తున్నాయి. ‘ఆర్గో’ అనే హాలీవుడ్ సినిమా పోస్టర్ ను పోలి ఈ పోస్టర్ ఉందని కొందరు కామెంట్లు పెడుతున్నారు. దీంతో ఆ సినిమాకి ఈ సినిమా కాపీ అనే ఊహాగానాలు కూడా వ్యక్తమయ్యాయి.

దీంతో నిర్మాత నాగ వంశీ రంగంలోకి ఇది.. ‘మాది కాపీ సినిమా కాదు. పోస్టర్ అనేది వేరు. ఇది కో ఇన్సిడెన్స్ అని కూడా అనుకోవచ్చు’ అంటూ క్లారిటీ ఇచ్చే ప్రయత్నం చేశాడు. ఇక ఈ మూవీ రిలీజ్ అయితే గాని ఈ ఊహాగానాలకు తెరపడదు.

ఇక మరో వైపు విజయ్‌ దేవరకొండ నటించబోతున్న మరో సినిమా అప్‌ డేట్‌ కూడా వచ్చింది. తనకు గీత గోవిందం` వంటి బ్లాక్‌ బస్టర్‌ ఇచ్చి స్టార్‌ హీరోని చేసిన దర్శకుడు పరశురామ్‌తో విజయ్‌ మరో సినిమా చేస్తున్నారు. `వీడీ13` పేరుతో రూపొందే ఈ చిత్రాన్ని శ్రీవెంకటేశ్వర క్రియేషన్స్ పతాకంపై దిల్‌రాజు, శిరీష్‌ నిర్మిస్తున్నారు. విజయ్‌కి బర్త్ డే విషెస్‌ చెబుతూ టీమ్‌ అప్‌డేట్‌ ఇచ్చింది. త్వరలోనే ఈ సినిమా షూటింగ్‌ని ప్రారంభించబోతున్నామని పేర్కొంది.